| ᠨᠢᠭᠡ᠂ ᠮᠠᠯ ᠵᠢᠭᠦᠷᠳᠡᠨ ᠤ ᠲᠡᠵᠢᠭᠡᠯᠭᠡ ᠲᠤᠮᠳᠠ ᠰᠦᠯᠢᠶᠤᠤ ᠫᠧᠩ ᠭᠡᠷᠡᠭᠯᠡᠬᠦ ᠳᠤ ᠠᠩᠬᠠᠷᠬᠤ ᠵᠦᠢᠯ | 1. ᠰᠠᠯᠬᠢ ᠴᠠᠰᠤ ᠶᠢ ᠰᠡᠷᠭᠡᠶᠢᠯᠡᠬᠦ᠄ ᠰᠦᠯᠢᠶᠤᠤ ᠫᠧᠩ ᠤᠨ ᠨᠢᠮᠭᠡᠨ ᠪᠦᠷᠭᠦᠭᠦᠯ ᠢ ᠰᠠᠶᠢᠳᠤᠷ ᠪᠦᠳᠡᠭᠡᠵᠦ᠂ | ᠶᠡᠭᠡ ᠰᠠᠯᠬᠢᠨ ᠳᠤ ᠭᠡᠶᠢᠰᠴᠦ ᠤᠨᠠᠭᠠᠳ ᠲᠤᠯᠠᠭᠠᠨ ᠢ ᠨᠢᠭᠡᠯᠡ ᠲᠤᠤᠷᠠ ᠪᠠᠭᠤᠷᠠᠭᠤᠯᠵᠦ᠂ ᠲᠡᠵᠢᠭᠡᠵᠦ ᠪᠠᠶᠢᠭᠠ ᠮᠠᠯ | ᠵᠢᠭᠦᠷᠳᠡᠨ ᠢ ᠭᠡᠮᠳᠦᠭᠡᠬᠦ ᠠᠴᠠ ᠰᠡᠷᠭᠡᠶᠢᠯᠡᠨᠠ᠃ ᠴᠠᠰᠤ ᠲᠠᠢ ᠡᠳᠦᠷ ᠪᠤᠯᠪᠠᠯ ᠰᠦᠯᠢᠶᠤᠤ ᠪᠦᠷᠭᠦᠭᠦᠯ ᠲᠡᠭᠡᠷᠡᠬᠢ | ᠴᠠᠰᠤ ᠶᠢ ᠴᠠᠭ ᠲᠠᠷᠤᠢ ᠳᠤᠨᠢ ᠱᠦᠭᠦᠷᠳᠡᠵᠦ ᠠᠷᠢᠯᠭᠠᠨᠠ᠃ | 2. ᠬᠦᠢᠳᠡᠨ ᠢ ᠰᠡᠷᠭᠡᠶᠢᠯᠡᠬᠦ᠄ ᠰᠦᠯᠢᠶᠤᠤ ᠫᠧᠩ ᠳᠤ ᠮᠠᠯ ᠵᠢᠭᠦᠷᠳᠡᠨ ᠲᠡᠵᠢᠭᠡᠬᠦ ᠳᠡᠭᠡᠨ ᠤᠨᠴᠠᠭᠠᠢ | ᠬᠦᠢᠳᠡᠷᠡᠭᠰᠡᠨ ᠦᠶᠠ ᠳᠤ ᠰᠦᠯᠢᠶᠤᠤ ᠫᠧᠩ ᠤᠨ ᠲᠡᠭᠡᠷᠠ ᠨᠢ ᠵᠤᠵᠠᠭᠠᠨ ᠴᠠᠭᠠᠰᠤ ᠪᠤᠶᠤ ᠡᠪᠡᠰᠦᠨ ᠪᠦᠳᠡᠭᠡᠯᠭᠡ ᠪᠠᠷ | ᠲᠠᠪᠬᠤᠷ ᠪᠦᠳᠡᠭᠡᠵᠦ ᠲᠤᠯᠠᠭᠠᠨ ᠢ ᠬᠠᠮᠠᠭᠠᠯᠠᠨᠠ᠃ | 3. ᠵᠤᠬᠢᠰᠳᠠᠢ ᠦᠶᠠ ᠳᠤ ᠰᠠᠯᠬᠢ ᠨᠡᠪᠳᠡᠷᠡᠭᠦᠯᠵᠦ ᠠᠭᠠᠷ ᠰᠤᠯᠢᠬᠤ᠄ ᠰᠦᠯᠢᠶᠤᠤ ᠫᠧᠩ ᠳᠤ ᠰᠠᠯᠬᠢ | ᠨᠡᠪᠳᠡᠷᠡᠭᠦᠯᠵᠦ ᠠᠭᠠᠷ ᠰᠤᠯᠢᠬᠤ ᠳᠠᠭᠠᠨ ᠨᠠᠷᠠ ᠲᠠᠢ ᠰᠠᠯᠬᠢᠨ ᠦᠭᠡᠢ ᠡᠳᠦᠷ ᠤᠨ ᠦᠳᠡ ᠶᠢᠨ ᠴᠠᠭ ᠢᠶᠠᠷ ᠡᠭᠦᠳᠡ | ᠴᠤᠩᠬᠤ ᠶᠢ ᠨᠡᠭᠡᠭᠡᠵᠦ᠂ ᠤᠳᠠᠭᠠ ᠪᠦᠷᠢ ᠬᠠᠭᠠᠰ ᠴᠠᠭ ᠠᠴᠠ ᠨᠢᠭᠡ ᠴᠠᠭ ᠰᠠᠯᠬᠢ ᠨᠡᠪᠳᠡᠷᠡᠭᠦᠯᠪᠡᠯ ᠰᠠᠶᠢᠨ᠃ ᠭᠡᠷᠪᠡ | ᠰᠦᠯᠢᠶᠤᠤ ᠫᠧᠩ ᠳᠤ ᠲᠡᠵᠢᠭᠡᠵᠦ ᠪᠠᠶᠢᠭᠠ ᠮᠠᠯ ᠪᠤᠶᠤ ᠵᠢᠭᠦᠷᠳᠡᠨ ᠤ ᠨᠢᠭᠳᠠᠴᠠ ᠨᠡᠯᠢᠶᠡᠳ ᠶᠡᠭᠡ᠂ ᠡᠰᠡᠭᠦᠯᠠ ᠮᠠᠯ | ᠵᠢᠭᠦᠷᠳᠡᠨ ᠤ ᠬᠦᠢᠳᠡᠨ ᠢ ᠲᠠᠭᠠᠭᠠᠬᠤ ᠴᠢᠳᠠᠪᠤᠷᠢ ᠨᠢ ᠨᠡᠯᠢᠶᠡᠳ ᠲᠤᠤᠷᠠ ᠪᠤᠯ ᠰᠠᠯᠬᠢ ᠨᠡᠪᠳᠡᠷᠡᠭᠦᠯᠵᠦ ᠠᠭᠠᠷ | ᠰᠤᠯᠢᠬᠤ ᠤᠳᠠᠭᠠ ᠪᠠ ᠤᠳᠠᠭᠠ ᠪᠦᠷᠢ ᠶᠢᠨ ᠰᠠᠯᠬᠢ ᠨᠡᠪᠳᠡᠷᠡᠭᠦᠯᠭᠦ ᠴᠠᠭ ᠢ ᠵᠤᠬᠢᠰᠳᠠᠢ ᠨᠡᠮᠡᠬᠦ ᠪᠤᠶᠤ ᠬᠠᠰᠤᠵᠦ | ᠪᠤᠯᠤᠨᠠ᠃ ᠰᠠᠯᠬᠢ ᠨᠡᠪᠳᠡᠷᠡᠭᠦᠯᠵᠦ ᠠᠭᠠᠷ ᠰᠤᠯᠢᠬᠤ ᠨᠢ ᠰᠦᠯᠢᠶᠤᠤ ᠫᠧᠩ ᠳᠠᠬᠢ ᠬᠤᠤᠷᠠᠳᠤ ᠭᠡᠢ ᠪᠡᠶᠡᠳᠦ ᠶᠢᠨ | ᠠᠭᠤᠯᠤᠭᠳᠠᠴᠠ ᠶᠢ ᠪᠠᠭᠤᠷᠠᠭᠤᠯᠤᠨ ᠲᠤᠯᠠᠭᠠᠨ ᠤ ᠭᠡᠮᠵᠢᠶᠠ ᠪᠠ ᠴᠢᠬᠢᠭ ᠤᠨ ᠭᠡᠮᠵᠢᠶᠠ ᠶᠢ ᠲᠤᠬᠢᠷᠠᠭᠤᠯᠬᠤ ᠳᠤ | ᠠᠰᠢᠭᠳᠠᠢ᠃ | 4. ᠰᠦᠯᠢᠶᠤᠤ ᠪᠦᠷᠭᠦᠭᠦᠯ ᠢ ᠲᠤᠭᠳᠠᠭᠰᠠᠨ ᠬᠤᠭᠤᠴᠠᠭᠠ ᠳᠤ ᠴᠡᠪᠡᠷᠯᠡᠬᠦ᠄ ᠰᠦᠯᠢᠶᠤᠤ ᠪᠦᠷᠭᠦᠭᠦᠯ ᠲᠡᠭᠡᠷᠠ | ᠬᠦᠯᠳᠡᠭᠰᠡᠨ ᠮᠦᠰᠦ ᠪᠤᠶᠤ ᠬᠢᠷᠠᠭᠤ ᠶᠢ ᠴᠠᠭ ᠲᠠᠷᠤᠢ ᠳᠤᠨᠢ ᠠᠷᠢᠯᠭᠠᠵᠦ᠂ ᠰᠦᠯᠢᠶᠤᠤ ᠪᠦᠷᠭᠦᠭᠦᠯ ᠤᠨ ᠭᠡᠷᠡᠯ | ᠨᠡᠪᠳᠡᠷᠡᠬᠦ ᠶᠢ ᠪᠠᠳᠤᠯᠠᠬᠤ ᠭᠡᠷᠡᠭᠳᠡᠢ᠃ ᠡᠩ ᠤᠨ ᠪᠠᠶᠢᠳᠠᠯ ᠲᠤᠤᠷᠠ ᠰᠦᠯᠢᠶᠤᠤ ᠪᠦᠷᠭᠦᠭᠦᠯ ᠢ 2 ᠵᠢᠯ ᠭᠡᠷᠡᠭᠯᠡᠵᠦ | ᠪᠤᠯᠳᠠᠭ᠃ ᠡᠶᠢᠮᠤ ᠠᠴᠠ ᠡᠯᠡᠭᠳᠡᠵᠦ ᠴᠤᠭᠤᠷᠤᠭᠰᠠᠨ ᠪᠠᠶᠢᠪᠠᠯ ᠲᠡᠷᠡ ᠲᠠᠷᠤᠢ ᠳᠤᠨᠢ ᠨᠦᠬᠦᠵᠦ ᠨᠠᠭᠠᠬᠤ ᠭᠡᠷᠡᠭᠳᠡᠢ᠃ | 5. ᠭᠡᠮ ᠬᠢᠵᠢᠭ ᠢ ᠰᠡᠷᠭᠡᠶᠢᠯᠡᠵᠦ ᠵᠠᠰᠠᠬᠤ᠄ ᠮᠠᠯ ᠵᠢᠭᠦᠷᠳᠡᠨ ᠢ ᠰᠦᠯᠢᠶᠤᠤ ᠫᠧᠩ ᠳᠤ ᠤᠷᠤᠭᠤᠯᠵᠦ | ᠲᠡᠵᠢᠭᠡᠬᠦ ᠠᠴᠠ ᠡᠮᠦᠨᠠ ᠪᠦᠬᠦ ᠲᠠᠯᠠ ᠶᠢᠨ ᠪᠡᠶᠠ ᠶᠢᠨ ᠪᠠᠶᠢᠴᠠᠭᠠᠯᠳᠠ ᠬᠢᠵᠦ᠂ ᠡᠮᠳᠦ ᠤᠬᠢᠶᠠᠯᠠᠭᠠ ᠬᠢᠬᠦ᠂ ᠬᠤᠷᠤᠬᠠᠢ | ᠬᠦᠭᠡᠭᠡᠬᠦ᠂ ᠰᠡᠷᠭᠡᠶᠢᠯᠡᠯᠳᠡ ᠶᠢᠨ ᠲᠠᠷᠢᠯᠭᠠ ᠲᠠᠷᠢᠬᠤ ᠵᠡᠷᠭᠡ ᠶᠢ ᠬᠦᠢᠴᠡᠳᠭᠡᠭᠰᠡᠨ ᠪᠠᠶᠢᠬᠤ ᠭᠡᠷᠡᠭᠳᠡᠢ᠃ ᠰᠦᠯᠢᠶᠤᠤ | ᠫᠧᠩ ᠳᠤ ᠠᠷᠠᠴᠢᠯᠠᠨ ᠲᠡᠵᠢᠭᠡᠬᠦ ᠶᠠᠪᠤᠴᠠ ᠳᠤ ᠮᠠᠯ ᠵᠢᠭᠦᠷᠳᠡᠨ ᠢ ᠨᠠᠷᠢᠯᠢᠭ ᠠᠵᠢᠭᠯᠠᠵᠦ᠂ ᠭᠡᠮ ᠬᠢᠵᠢᠭ ᠢᠯᠡᠷᠡᠪᠡᠯ | ᠴᠠᠭ ᠲᠤᠬᠠᠢ ᠳᠤᠨᠢ ᠨᠡᠮᠡᠬᠦ ᠭᠡᠷᠡᠭᠳᠡᠢ᠃ | 6. ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠠᠷᠠᠴᠢᠯᠠᠨ ᠲᠡᠵᠢᠭᠡᠬᠦ᠄ ᠠᠳᠠᠯᠢ ᠪᠤᠰᠤ ᠲᠦᠷᠦᠯ ᠤᠨ ᠮᠠᠯ ᠵᠢᠭᠦᠷᠳᠡᠨ ᠤ | ᠠᠷᠠᠴᠢᠯᠠᠭᠠ ᠬᠠᠮᠢᠶᠠᠷᠤᠯᠳᠠ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠰᠦᠯᠢᠶᠤᠤ ᠫᠧᠩ ᠳᠤ ᠤᠷᠤᠭᠤᠯᠬᠤ ᠠᠴᠠ ᠡᠮᠦᠨᠠ | ᠰᠦᠷᠦᠭ ᠠᠴᠠ ᠨᠢ ᠰᠠᠯᠭᠠᠵᠦ᠂ ᠬᠦᠭᠡ ᠡᠪᠡᠰᠦ᠂ ᠲᠠᠷᠤᠰᠢᠭᠤᠯᠤᠭᠰᠠᠨ ᠪᠤᠷᠳᠤᠭᠠ ᠵᠢᠴᠢ ᠡᠷᠦᠳᠡᠰᠦ ᠪᠤᠳᠠᠰ᠂ | ᠲᠡᠵᠢᠭᠡᠯ ᠤᠨ ᠨᠡᠮᠡᠯᠳᠡ ᠡᠳ᠋ ᠵᠡᠷᠭᠡ ᠶᠢ ᠪᠡᠯᠡᠳᠭᠡᠵᠦ ᠲᠠᠯᠪᠢᠬᠤ ᠭᠡᠷᠡᠭᠳᠡᠢ᠃ | ᠬᠤᠶᠠᠷ᠂ ᠨᠠᠷᠠᠨ ᠤ ᠡᠨᠧᠷᠬᠢ ᠶᠢ ᠠᠰᠢᠭᠯᠠᠨ ᠲᠤᠯᠠᠭᠠᠨ ᠫᠧᠩ ᠵᠢᠴᠢ ᠲᠤᠯᠠᠭᠠᠨ ᠫᠧᠩ ᠤᠨ ᠬᠦᠷᠦᠰᠦ | ᠰᠢᠷᠤᠢ ᠶᠢ ᠠᠷᠢᠭᠤᠳᠬᠠᠬᠤ ᠠᠷᠭᠠ ᠪᠠᠷᠢᠯ | ᠲᠦᠭᠦᠭᠡᠷᠦᠮᠵᠢᠳᠦ ᠲᠤᠯᠠᠭᠠᠨ ᠫᠧᠩ ᠳᠤ ᠢᠳᠡᠰᠢᠨ ᠨᠤᠭᠤᠭᠠ᠂ ᠭᠤᠸᠠ ᠵᠢᠮᠢᠰ ᠲᠠᠷᠢᠭᠰᠠᠨ ᠦᠶᠡᠰ ᠭᠡᠮ | ᠦᠳᠦ ᠬᠤᠷᠤᠬᠠᠢ ᠶᠢᠨ ᠠᠶᠤᠯ ᠡᠭᠦᠰᠬᠦ ᠨᠢ ᠶᠠᠷᠰᠢᠭ ᠲᠠᠢ ᠭᠡᠷᠡᠭ ᠶᠤᠮ᠃ ᠬᠦᠩᠭᠡᠨ ᠪᠤᠯ ᠤᠨᠠᠯᠳᠠ ᠶᠢ | ᠬᠠᠰᠤᠭᠳᠠᠭᠤᠯᠵᠦ᠂ ᠬᠦᠨᠳᠦ ᠪᠤᠯ ᠪᠦᠬᠦ ᠫᠧᠩ ᠤᠨ ᠲᠠᠷᠢᠮᠠᠯ ᠴᠦᠮ ᠬᠤᠬᠢᠷᠠᠬᠤ ᠪᠤᠯᠤᠨᠠ᠃ ᠡᠪᠡᠳᠴᠢᠨ ᠭᠡᠮ | ᠬᠤᠷᠤᠬᠠᠢ ᠶᠢᠨ ᠠᠶᠤᠯ ᠡᠭᠦᠰᠬᠦ ᠶᠢ ᠶᠠᠭᠠᠬᠢᠵᠦ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠵᠦ᠂ ᠡᠪᠡᠳᠴᠢᠨ ᠭᠡᠮ ᠦᠳᠦ | ᠬᠤᠷᠤᠬᠠᠢ ᠶᠢᠨ ᠠᠶᠤᠯ ᠬᠦᠨᠦᠭᠡᠯ ᠢ ᠪᠠᠭᠠᠰᠬᠠᠬᠤ ᠨᠢ ᠲᠤᠯᠠᠭᠠᠨ ᠫᠧᠩ ᠤᠨ ᠲᠠᠷᠢᠮᠠᠯ ᠤᠨ ᠦᠢᠯᠡᠳᠪᠤᠷᠢᠯᠡᠯ ᠢ | ᠰᠠᠶᠢᠳᠤᠷ ᠬᠢᠵᠦ᠂ ᠲᠠᠷᠢᠶᠠᠯᠠᠩ ᠤᠨ ᠲᠤᠰᠠᠯᠠᠬᠤ ᠪᠦᠳᠦᠭᠡᠭᠳᠡᠭᠦᠨ ᠤ ᠴᠢᠨᠠᠷ ᠤᠨ ᠠᠮᠤᠷ ᠲᠦᠪᠰᠢᠨ ᠢ ᠪᠠᠳᠤᠯᠠᠬᠤ ᠳᠤ | ᠡᠷᠭᠡᠪᠰᠢ ᠠᠩᠬᠠᠷᠬᠤ ᠠᠰᠠᠭᠤᠳᠠᠯ ᠪᠤᠯᠤᠨᠠ᠃ | ᠨᠠᠷᠠᠨ ᠤ ᠡᠨᠧᠷᠬᠢ ᠶᠢ ᠠᠰᠢᠭᠯᠠᠨ ᠨᠠᠷᠠᠨ ᠤ ᠡᠨᠧᠷᠬᠢᠳᠦ ᠲᠤᠯᠠᠭᠠᠨ ᠫᠧᠩ ᠪᠠ ᠨᠢᠮᠭᠡᠨ ᠰᠦᠯᠢᠶᠤᠤ | ᠪᠦᠷᠬᠦᠪᠴᠢ ᠪᠠᠷ ᠪᠦᠷᠬᠦᠭᠰᠡᠨ ᠲᠤᠯᠠᠭᠠᠨ ᠫᠧᠩ ᠤᠨ ᠲᠤᠳᠤᠷᠠᠬᠢ ᠬᠦᠷᠦᠰᠦ ᠰᠢᠷᠤᠢ ᠶᠢ ᠠᠷᠢᠭᠤᠳᠬᠠᠪᠠᠯ ᠦᠪᠡᠷ ᠤᠨ | ᠦᠷᠳᠡᠭ ᠢᠶᠠᠷ ᠲᠤᠤᠷᠠ᠂ ᠬᠤᠤᠷ ᠦᠭᠡᠢ᠂ ᠪᠤᠵᠠᠷᠳᠤᠯ ᠦᠭᠡᠢ ᠵᠡᠷᠭᠡ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠵᠦ ᠲᠡᠯᠭᠡᠷᠡᠭᠦᠯᠦᠨ | ᠭᠡᠷᠡᠭᠯᠡᠵᠦ ᠪᠤᠯᠤᠨᠠ᠃ | ᠠᠷᠭᠠ ᠭᠡᠮᠵᠢᠶᠠ᠄ ᠲᠤᠯᠠᠭᠠᠨ ᠫᠧᠩ ᠤᠨ ᠲᠤᠳᠤᠷᠠᠬᠢ ᠪᠠ ᠲᠤᠯᠠᠭᠠᠨ ᠫᠧᠩ ᠢ ᠪᠦᠷᠬᠦᠭᠰᠡᠨ ᠪᠤᠳᠠᠰ ᠢ | ᠴᠡᠪᠡᠷᠯᠡᠵᠦ᠂ ᠫᠧᠩ ᠤᠨ ᠲᠤᠳᠤᠷᠠᠬᠢ ᠲᠠᠷᠢᠶᠠᠨ ᠭᠠᠵᠠᠷ ᠢ ᠬᠦᠨ ᠰᠢᠭ ᠤᠷᠪᠠᠭᠤᠯᠵᠦ᠂ ᠲᠠᠷᠠᠭᠠ ᠨᠢ ᠬᠦᠢᠴᠡᠳ | ᠤᠰᠤᠯᠠᠵᠦ᠂ ᠤᠰᠤ ᠲᠤᠭᠳᠠᠬᠤ ᠪᠤᠯᠳᠠᠯᠠ ᠤᠰᠤᠯᠠᠨᠠ᠃ ᠪᠠᠰᠠ ᠭᠠᠵᠠᠷ ᠢ ᠤᠰᠤᠯᠠᠬᠤ ᠦᠶᠡᠰ ᠭᠠᠵᠠᠷ ᠤᠨ | ᠭᠠᠳᠠᠷᠭᠤ ᠳᠤ ᠲᠠᠷᠢᠶᠠᠨ ᠡᠪᠡᠰᠦᠨ ᠤ ᠨᠤᠨᠳᠠᠭ ᠢ 2 ᠠᠴᠠ 3 ᠰᠡᠨᠲ᠋ᠢᠮᠧᠳ᠋ᠷ ᠬᠦᠨ ᠪᠦᠭᠡᠳ ᠵᠢᠭᠳᠡ ᠰᠠᠴᠤᠵᠦ᠂ | ᠰᠢᠭᠤᠳ ᠬᠦᠷᠦᠰᠦ ᠰᠢᠷᠤᠢ ᠲᠤᠳᠤᠷᠠ ᠤᠷᠤᠭᠤᠯᠵᠦ ᠪᠤᠯᠤᠨᠠ᠃ ᠢᠩᠬᠢᠪᠡᠯ ᠬᠦᠢᠴᠡᠳ ᠢᠰᠬᠦ ᠪᠠᠷ ᠲᠠᠮᠵᠢᠨ | ᠬᠦᠷᠦᠰᠦ ᠰᠢᠷᠤᠢ ᠶᠢᠨ ᠲᠤᠳᠤᠷᠠᠬᠢ ᠲᠤᠯᠠᠭᠠᠨ ᠤ ᠭᠡᠮᠵᠢᠶᠠ ᠶᠢ ᠲᠡᠭᠡᠭᠰᠢᠯᠡᠭᠦᠯᠵᠦ ᠪᠤᠯᠳᠠᠭ᠃ ᠲᠠᠬᠢᠨ ᠲᠤᠩᠭᠠᠯᠠᠭ | ᠨᠢᠮᠭᠡᠨ ᠰᠦᠯᠢᠶᠤᠤ ᠪᠦᠷᠬᠦᠪᠴᠢ ᠪᠠᠷ ᠪᠦᠷᠬᠦᠵᠦ ᠲᠦᠷᠪᠡᠨ ᠲᠠᠯᠠ ᠶᠢ ᠴᠢᠩᠭᠠ ᠲᠠᠷᠤᠨᠠ᠃ | ᠪᠢᠳᠡᠭᠦᠮᠵᠢᠯᠡᠭᠰᠡᠨ ᠨᠦᠬᠦᠴᠡᠯ ᠲᠤᠤᠷᠠ᠂ ᠰᠦᠯᠢᠶᠤᠤ ᠪᠦᠷᠬᠦᠪᠴᠢ ᠶᠢᠨ ᠲᠤᠳᠤᠷᠠᠬᠢ ᠬᠦᠷᠦᠰᠦ ᠰᠢᠷᠤᠢ ᠶᠢᠨ | ᠲᠤᠯᠠᠭᠠᠨ ᠤ ᠭᠡᠮᠵᠢᠶᠠ ᠨᠢ 50 ᠠᠴᠠ 60 ᠭᠷᠠᠳᠦ᠋ᠰ ᠢ ᠲᠠᠪᠠᠭ᠋ᠤ ᠪᠤᠯᠤᠨᠠ᠃ ᠰᠤᠳᠤᠯᠤᠯᠳᠠ ᠪᠠᠷ᠂ ᠡᠶᠢᠮᠤ ᠦᠨᠳᠦᠷ | ᠲᠤᠯᠠᠭᠠᠨ ᠤ ᠨᠦᠬᠦᠴᠡᠯ ᠲᠤᠤᠷᠠ᠂ ᠭᠤᠸᠠ ᠵᠢᠮᠢᠰ ᠤᠨ ᠰᠢᠷᠠᠯᠠᠵᠦ ᠬᠠᠳᠠᠬᠤ ᠭᠡᠮ᠂ ᠰᠢᠯᠦᠭᠡᠢ ᠨᠤᠭᠤᠭᠠ ᠶᠢᠨ | ᠪᠠᠺᠲ᠋ᠧᠷᠢ ᠶᠢᠨ ᠪᠦᠭᠡᠮ ᠤᠨ ᠭᠡᠮ᠂ ᠯᠠᠽᠢ ᠶᠢᠨ ᠢᠯᠵᠢᠷᠡᠬᠦ ᠭᠡᠮ ᠪᠠ ᠨᠤᠭᠤᠷᠠᠵᠦ ᠤᠨᠠᠬᠤ ᠭᠡᠮ ᠵᠡᠷᠭᠡ ᠤᠯᠠᠨ | ᠵᠦᠢᠯ ᠤᠨ ᠡᠪᠡᠳᠴᠢᠨ ᠭᠡᠮ ᠤᠨ ᠡᠪᠡᠳᠴᠢᠨ ᠡᠭᠦᠰᠭᠡᠭᠴᠢ ᠪᠠᠺᠲ᠋ᠧᠷᠢ ᠨᠤᠭᠤᠳ ᠵᠦᠪᠭᠡᠨ ᠭᠡᠳᠦᠨ ᠴᠠᠭ ᠠᠮᠢᠳᠤᠷᠠᠵᠦ | ᠲᠡᠶᠢᠯᠦᠨᠠ᠃ ᠲᠡᠭᠡᠷᠠ ᠲᠤᠷᠠᠳᠤᠭᠰᠠᠨ ᠨᠦᠬᠦᠴᠡᠯ ᠲᠤᠤᠷᠠ 10 ᠠᠴᠠ 30 ᠡᠳᠦᠷ ᠪᠠᠶᠢᠯᠭᠠᠵᠦ ᠰᠢᠢᠳᠪᠤᠷᠢᠯᠡᠪᠡᠯ | ᠤᠯᠠᠨ ᠵᠦᠢᠯ ᠤᠨ ᠡᠪᠡᠳᠴᠢᠨ ᠤ ᠪᠠᠺᠲ᠋ᠧᠷᠢ ᠶᠢ ᠠᠯᠠᠵᠦ ᠪᠤᠯᠤᠨᠠ᠃ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠲᠡᠭᠡᠷᠠ ᠲᠤᠯᠠᠭᠠᠨ | ᠬᠦᠴᠢᠯᠳᠦ᠋ᠷᠦᠭᠴᠢ ᠲᠤᠳᠠᠬᠤ ᠨᠦᠬᠦᠴᠡᠯ ᠲᠤᠤᠷᠠ ᠪᠠᠶᠢᠯᠭᠠᠪᠠᠯ ᠪᠠᠺᠲ᠋ᠧᠷᠢ ᠠᠯᠠᠬᠤ ᠠᠴᠠ ᠭᠠᠳᠠᠨᠠ ᠦᠳᠦ ᠬᠤᠷᠤᠬᠠᠢ | ᠂ ᠵᠡᠷᠯᠢᠭ ᠡᠪᠡᠰᠦ ᠶᠢ ᠠᠷᠢᠯᠭᠠᠬᠤ ᠦᠷᠠ ᠳ᠋ᠦᠩ ᠨᠢ ᠴᠦ ᠮᠠᠰᠢ ᠮᠡᠳᠡᠭᠳᠡᠮᠠ ᠪᠠᠶᠢᠳᠠᠭ᠃ | ᠭᠤᠷᠪᠠ᠂ ᠨᠤᠳᠤᠭ ᠤᠨ ᠪᠤᠷᠳᠤᠭᠤᠷ ᠢᠶᠠᠨ ᠢᠯᠡᠭᠦᠭᠡᠨ ᠭᠡᠷᠡᠭᠯᠡᠪᠡᠯ ᠰᠠᠶᠢᠨ | ᠬᠠᠷᠠ ᠪᠤᠷᠳᠤᠭᠤᠷ᠂ ᠨᠤᠭᠤᠭᠠᠨ ᠪᠤᠷᠳᠤᠭᠤᠷ᠂ ᠰᠢᠭᠡᠭ ᠪᠤᠷᠳᠤᠭᠤᠷ ᠢ ᠪᠦᠷ ᠨᠤᠳᠤᠭ ᠤᠨ ᠪᠤᠷᠳᠤᠭᠤᠷ ᠭᠡᠳᠡᠭ᠃ | ᠨᠤᠳᠤᠭ ᠤᠨ ᠪᠤᠷᠳᠤᠭᠤᠷ ᠢ ᠵᠤᠬᠢᠰᠳᠠᠢ ᠭᠡᠷᠡᠭᠯᠡᠪᠡᠯ ᠲᠠᠷᠢᠮᠠᠯ ᠤᠨ ᠤᠨᠠᠯᠳᠠ ᠪᠤᠯᠤᠨ ᠴᠢᠨᠠᠷ ᠢ ᠲᠡᠭᠡᠭᠰᠢᠯᠡᠭᠦᠯᠵᠦ | ᠴᠢᠳᠠᠬᠤ ᠮᠦᠷᠳᠡᠭᠡᠨ ᠬᠦᠷᠦᠰᠦ ᠰᠢᠷᠤᠢ ᠶᠢᠨ ᠪᠦᠳᠦᠴᠡ ᠶᠢ ᠰᠠᠶᠢᠵᠢᠷᠠᠭᠤᠯᠵᠦ ᠲᠡᠶᠢᠯᠦᠨᠠ᠃ | ᠬᠠᠷᠠ ᠪᠤᠷᠳᠤᠭᠤᠷ᠄ ᠬᠠᠷᠠ ᠪᠤᠷᠳᠤᠭᠤᠷ ᠪᠤᠯ ᠬᠤᠭ ᠡᠪᠡᠰᠦ᠂ ᠬᠤᠭ ᠵᠡᠷᠭᠡ ᠲᠦᠭᠦᠭᠡᠢ ᠡᠳ᠋ ᠢ ᠨᠦᠭᠡᠨ ᠳᠤ | ᠲᠠᠷᠤᠵᠦ ᠢᠰᠭᠡᠬᠦ ᠪᠠᠷ ᠲᠠᠮᠵᠢᠵᠦ ᠤᠯᠤᠭᠰᠠᠨ ᠪᠤᠷᠳᠤᠭᠤᠷ ᠶᠤᠮ᠃ ᠬᠠᠮᠤᠭ ᠰᠠᠶᠢᠨ ᠨᠢ ᠬᠠᠪᠤᠷ ᠨᠠᠮᠤᠷ ᠤᠨ | ᠲᠠᠷᠢᠶᠠᠯᠠᠭᠠ ᠲᠠᠢ ᠤᠶᠠᠯᠳᠤᠭᠤᠯᠵᠦ ᠰᠠᠭᠤᠷᠢ ᠪᠤᠷᠳᠤᠭᠤᠷ ᠪᠤᠯᠭᠠᠨᠠ᠃ | ᠨᠤᠭᠤᠭᠠᠨ ᠪᠤᠷᠳᠤᠭᠤᠷ᠄ ᠬᠠᠮᠤᠭ ᠤᠨ ᠰᠠᠶᠢᠨ ᠨᠢ ᠪᠤᠷᠴᠠᠭ ᠤᠨ ᠢᠵᠠᠭᠤᠷ ᠤᠨ ᠲᠠᠷᠢᠮᠠᠯ ᠤᠨ ᠰᠠᠭᠤᠷᠢ | ᠪᠤᠷᠳᠤᠭᠤᠷ ᠪᠤᠶᠤ ᠨᠡᠮᠡᠯᠳᠡ ᠪᠤᠷᠳᠤᠭᠤᠷ ᠪᠤᠯᠭᠠᠨᠠ᠃ ᠪᠡᠳᠡᠬᠢ ᠶᠢᠨ ᠪᠠᠺᠲ᠋ᠧᠷᠢ ᠶᠢᠨ ᠠᠽᠤᠲ ᠲᠤᠭᠳᠠᠪᠤᠷᠢᠵᠢᠭᠤᠯᠬᠤ | ᠦᠢᠯᠡᠳᠦᠯ ᠢ ᠠᠰᠢᠭᠯᠠᠵᠦ ᠬᠦᠷᠦᠰᠦᠨ ᠤ ᠰᠢᠮᠠ ᠶᠢ ᠲᠡᠭᠡᠭᠰᠢᠯᠡᠭᠦᠯᠵᠦ ᠪᠤᠯᠤᠨᠠ᠃ | ᠰᠢᠭᠡᠭ ᠪᠤᠷᠳᠤᠭᠤᠷ᠄ 1. ᠭᠠᠭ᠋ᠠᠢ ᠶᠢᠨ ᠪᠠᠭᠠᠰᠤ᠄ ᠤᠷᠭᠠᠨᠢᠭ ᠪᠤᠳᠠᠰ ᠪᠤᠯᠤᠨ ᠠᠽᠤᠲ᠂ ᠹᠤᠰᠹᠤᠷ᠂ ᠺᠠᠯᠢ ᠶᠢᠨ | ᠠᠭᠤᠯᠤᠭᠳᠠᠴᠠ ᠤᠯᠠᠨ ᠪᠤᠯᠬᠤᠷ ᠬᠦᠢᠴᠡᠳ ᠢᠰᠭᠡᠭᠰᠡᠨ ᠭᠠᠭ᠋ᠠᠢ ᠶᠢᠨ ᠪᠠᠭᠠᠰᠤ ᠨᠢ ᠡᠯᠠ ᠲᠦᠷᠦᠯ ᠤᠨ | ᠬᠦᠷᠦᠰᠦᠨ ᠳᠤ ᠪᠦᠷ ᠲᠤᠬᠢᠷᠠᠨᠠ᠃ ᠢᠯᠠᠩᠭᠤᠶᠠ ᠤᠰᠤ ᠲᠠᠳᠠᠷᠠᠭᠤᠯᠬᠤ ᠳᠤ ᠠᠰᠤᠷᠤ ᠰᠠᠶᠢᠨ ᠪᠠᠶᠢᠵᠦ ᠬᠠᠯᠠᠭᠤᠨ | ᠴᠢᠬᠢᠭᠯᠢᠭ ᠬᠦᠷᠦᠰᠦᠨ ᠳᠤ ᠨᠡᠶᠢᠳᠡᠮ ᠭᠡᠷᠡᠭᠯᠡᠬᠦ ᠳᠤ ᠲᠤᠬᠢᠷᠠᠨᠠ᠃ 2. ᠠᠷᠭᠠᠯ᠄ ᠰᠢᠮᠠ ᠲᠡᠵᠢᠭᠡᠯ ᠤᠨ | ᠠᠭᠤᠯᠤᠭᠳᠠᠴᠠ ᠲᠤᠤᠷᠠ ᠪᠤᠯᠬᠤᠷ ᠵᠢᠩᠬᠢᠨᠢ ᠰᠡᠷᠢᠭᠦᠨ ᠴᠢᠨᠠᠷ ᠲᠠᠢ ᠪᠤᠷᠳᠤᠭᠤᠷ ᠪᠤᠯᠤᠨᠠ᠃ ᠠᠷᠭᠠᠯ ᠢ ᠬᠠᠳᠠᠭᠠᠵᠦ᠂ | 3% — 5% ᠶᠢᠨ ᠲᠦᠯᠡᠭᠡᠨ ᠦᠨᠡᠰᠦ ᠪᠤᠶᠤ ᠹᠤᠰᠹᠤᠷ ᠤᠨ ᠬᠦᠳᠡᠷ᠂ ᠮᠤᠷᠢᠨ ᠬᠤᠮᠤᠯ ᠬᠤᠯᠢᠵᠦ ᠤᠪᠤᠭᠠᠯᠠᠵᠦ | ᠲᠠᠷᠤᠪᠠᠯ ᠠᠷᠭᠠᠯ ᠤᠨ ᠵᠠᠳᠠᠷᠠᠯᠳᠠ ᠨᠢ ᠲᠦᠷᠭᠡᠳᠴᠦ ᠪᠤᠷᠳᠤᠭᠤᠷ ᠤᠨ ᠦᠢᠯᠡᠳᠦᠯ ᠨᠢ ᠨᠡᠮᠡᠭᠳᠡᠨᠠ᠃ ᠬᠠᠮᠤᠭ | ᠰᠠᠶᠢᠨ ᠨᠢ ᠬᠠᠯᠠᠭᠤᠨ ᠲᠦᠭᠦᠭᠡᠢ ᠪᠤᠷᠳᠤᠭᠤᠷ ᠲᠠᠢ ᠤᠶᠠᠯᠳᠤᠭᠤᠯᠵᠦ ᠭᠡᠷᠡᠭᠯᠡᠬᠦ ᠪᠤᠶᠤ ᠡᠯᠡᠰᠦᠷᠭᠡᠭ ᠰᠢᠷᠤᠢ ᠪᠤᠯᠤᠨ | ᠨᠦᠮᠦᠷᠢ ᠪᠡᠯ ᠭᠠᠵᠠᠷ ᠲᠤ ᠬᠢᠪᠡᠯ ᠨᠡᠩ ᠲᠤᠬᠢᠷᠠᠮᠵᠢᠳᠠᠢ᠃ 3. ᠬᠤᠷᠭᠤᠯ᠄ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠪᠤᠷᠳᠤᠭᠤᠷ | ᠪᠤᠯᠬᠤᠷ ᠭᠠᠭ᠋ᠠᠢ ᠶᠢᠨ ᠪᠠᠭᠠᠰᠤ ᠲᠠᠢ ᠬᠤᠯᠢᠵᠦ ᠭᠡᠷᠡᠭᠯᠡᠪᠡᠯ ᠨᠡᠩ ᠵᠤᠬᠢᠮᠵᠢᠳᠠᠢ᠃ ᠰᠡᠷᠢᠭᠦᠨ ᠴᠢᠨᠠᠷ ᠲᠠᠢ ᠬᠦᠷᠦᠰᠦ | ᠪᠤᠯᠤᠨ ᠰᠡᠭᠦᠳᠡᠷ ᠭᠠᠵᠠᠷ ᠲᠤ ᠭᠡᠷᠡᠭᠯᠡᠬᠦ ᠳᠤ ᠲᠤᠬᠢᠷᠠᠨᠠ᠃ 4. ᠮᠤᠷᠢᠨ ᠬᠤᠮᠤᠯ᠄ ᠤᠷᠭᠠᠨᠢᠭ ᠪᠤᠳᠠᠰ᠂ ᠠᠽᠤᠲ᠂ | ᠰᠢᠬᠢᠷᠯᠢᠭ ᠡᠳ᠋ ᠤᠨ ᠠᠭᠤᠯᠤᠭᠳᠠᠴᠠ ᠪᠠᠷ ᠨᠡᠯᠢᠶᠡᠳ ᠦᠨᠳᠦᠷ᠂ ᠰᠢᠬᠢᠷᠯᠢᠭ ᠵᠠᠳᠠᠷᠠᠭᠤᠯᠬᠤ ᠪᠠᠺᠲᠧᠷᠢ | ᠠᠭᠤᠯᠤᠭᠳᠠᠳᠠᠭ ᠪᠤᠯᠬᠤᠷ ᠤᠪᠤᠭᠠᠯᠠᠵᠦ ᠲᠠᠷᠤᠪᠠᠯ ᠢᠰᠬᠦ ᠨᠢ ᠬᠤᠷᠳᠤᠨ᠂ ᠢᠯᠴᠢ ᠨᠢ ᠦᠨᠳᠦᠷ᠂ ᠴᠢᠬᠢᠭᠯᠢᠭ | ᠨᠦᠢᠳᠠᠨ ᠨᠠᠩᠬᠢ ᠰᠢᠷᠤᠢ ᠬᠦᠨᠳᠦ ᠬᠦᠷᠦᠰᠦ ᠪᠤᠯᠤᠨ ᠰᠡᠭᠦᠳᠡᠷ ᠭᠠᠵᠠᠷ ᠵᠢᠴᠢ ᠬᠦᠷᠦᠰᠦᠨ ᠤ ᠦᠷᠦᠮᠡᠳᠦᠯ ᠬᠦᠨᠳᠦ | ᠨᠤᠴᠢᠳᠠᠢ ᠭᠠᠵᠠᠷ ᠭᠡᠷᠡᠭᠯᠡᠬᠦ ᠳᠤ ᠲᠤᠬᠢᠷᠠᠨᠠ᠃ 5. ᠭᠡᠷ ᠤᠨ ᠵᠢᠭᠦᠷᠳᠡᠨ ᠤ ᠪᠠᠭᠠᠰᠤ᠄ ᠰᠢᠮᠠ ᠲᠡᠵᠢᠭᠡᠯ ᠦᠨᠳᠦᠷ | ᠪᠤᠯᠬᠤᠷ ᠦᠷᠠ ᠶᠢᠨ ᠪᠤᠷᠳᠤᠭᠤᠷ᠂ ᠨᠡᠮᠡᠯᠳᠡ ᠪᠤᠷᠳᠤᠭᠤᠷ ᠪᠤᠯᠭᠠᠵᠦ ᠪᠤᠯᠤᠨᠠ᠃ ᠢᠳᠡᠰᠢᠨ ᠨᠤᠭᠤᠭᠠ ᠳᠤ | ᠭᠡᠷᠡᠭᠯᠡᠬᠦ ᠳᠤ ᠬᠠᠮᠤᠭ ᠢᠯᠡᠭᠦᠤ ᠲᠤᠬᠢᠷᠠᠨᠠ᠃ 6. ᠬᠦᠮᠦᠨ ᠤ ᠪᠠᠭᠠᠰᠤ ᠰᠢᠭᠡᠰᠦ᠄ ᠬᠦᠢᠴᠡᠳ ᠢᠰᠭᠡᠭᠰᠡᠨ ᠤ | ᠲᠠᠷᠠᠭᠠ ᠰᠢᠭᠤᠳ ᠭᠡᠷᠡᠭᠯᠡᠬᠦ ᠪᠠ ᠰᠢᠷᠤᠢ ᠨᠡᠮᠡᠵᠦ ᠰᠠᠭᠤᠷᠢ ᠪᠤᠷᠳᠤᠭᠤᠷ ᠪᠤᠯᠭᠠᠵᠦ ᠪᠤᠯᠤᠨᠠ᠃ | ︵︽ᠦᠪᠤᠷ ᠮᠤᠩᠭᠤᠯ ᠤᠨ ᠮᠠᠯ ᠠᠵᠤ ᠠᠬᠤᠢ ᠰᠡᠳᠭᠦᠯ︾ ᠠᠴᠠ︶ |