| ᠳᠡᠭ ᠠᠴᠠ ᠳᠡᠭᠡᠭᠰᠢᠬᠢ ᠳᠤᠤᠷᠠ ᠳᠤᠯᠠᠭᠠᠨ ᠨᠢ ᠭᠤᠤᠯᠳᠠᠭᠤ ᠳᠤᠯᠠᠭᠠᠨ ᠪᠤᠶᠤ ᠬᠠᠯᠠᠭᠤᠨ ᠳᠤ ᠳᠡᠰᠪᠤᠷᠢᠳᠡᠢ | ᠢᠳᠡᠰᠢᠨ ᠨᠤᠭᠤᠭᠠ ᠶᠢᠨ ᠰᠤᠷᠲ ᠢ ᠬᠦᠨᠥᠭᠡᠵᠤ᠂ ᠢᠳᠡᠰᠢᠨ ᠨᠤᠭᠤᠭᠠ ᠶᠢᠨ ᠪᠤᠯᠪᠠᠰᠤᠷᠠᠬᠤ᠂ ᠳᠤᠭᠤᠰᠥ ᠬᠦᠷᠳᠡᠬᠦ | ᠪᠤᠯᠤᠨ ᠴᠡᠴᠡᠭ ᠤᠨ ᠨᠠᠬᠢᠶᠠ ᠶᠢᠨ ᠬᠡᠪ ᠤᠨ ᠢᠯᠭᠠᠷᠠᠯ ᠢ ᠨᠦᠯᠥᠭᠡᠯᠡᠭᠡᠳ᠂ ᠢᠳᠡᠰᠢᠨ ᠨᠤᠭᠤᠭᠠ ᠳᠤ ᠬᠥᠢᠳᠡᠨ ᠤ | ᠭᠠᠮᠰᠢᠭ ᠪᠤᠯᠳᠠᠭ᠃ ᠢᠳᠡᠰᠢᠨ ᠨᠤᠭᠤᠭᠠ ᠶᠢᠨ ᠬᠥᠢᠳᠡᠨ ᠤ ᠭᠠᠮᠰᠢᠭ ᠢ ᠰᠡᠷᠬᠡᠶᠢᠯᠡᠬᠦ ᠭᠤᠤᠯ ᠠᠷᠭᠠ ᠪᠠᠷᠢᠯ ᠨᠢ | ᠳᠤᠤᠷᠠᠬᠢ ᠮᠡᠳᠥ ᠬᠡᠳᠥᠨ ᠵᠥᠢᠯ ᠪᠤᠢ᠃ | 1. ᠳᠤᠤᠷᠠ ᠳᠤᠯᠠᠭᠠᠨ ᠳᠤ ᠳᠡᠰᠪᠤᠷᠢᠳᠡᠢ ᠰᠤᠷᠲ ᠢ ᠰᠤᠩᠭᠤᠬᠤ ᠬᠡᠷᠡᠭᠳᠡᠢ᠃ | 2. ᠬᠠᠰᠢ ᠵᠢᠮᠢᠰ ᠤᠨ ᠲᠦᠷᠥᠯ᠂ ᠭᠤᠸᠠ ᠶᠢᠨ ᠲᠦᠷᠥᠯ ᠤᠨ ᠴᠢᠬᠢ ᠤᠷᠭᠤᠭᠤᠯᠬᠤ ᠬᠤᠭᠤᠴᠠᠭᠠᠨ ᠳᠤ | ᠪᠦᠳᠡᠭᠡᠯᠭᠡ ᠪᠠᠨ ᠵᠤᠵᠠᠭᠠᠯᠠᠵᠤ᠂ ᠴᠠᠬᠢᠯᠭᠠᠨ ᠢᠶᠠᠷ ᠬᠠᠯᠠᠭᠠᠬᠤ ᠤᠳᠠᠰᠥ ᠳᠡᠪᠢᠰᠴᠥ᠂ ᠰᠦᠨᠢ ᠶᠢᠨ ᠳᠤᠯᠠᠭᠠᠨ ᠤ | ᠬᠡᠮᠵᠢᠶᠡ ᠶᠢ ᠳᠡᠭᠡᠭᠰᠢᠯᠡᠬᠦᠯᠥᠨᠡ᠃ | 3. ᠰᠦᠯᠢᠶᠥᠥ ᠵᠢᠵᠢᠭ ᠬᠦᠯᠡᠮᠵᠢ ᠳᠤ ᠬᠠᠪᠤᠷ ᠤᠨ ᠡᠷᠳᠡ ᠶᠢᠨ ᠭᠤᠸᠠ ᠵᠢᠮᠢᠰ ᠤᠨ ᠵᠥᠢᠯ ᠪᠤᠶᠤ | ᠢᠳᠡᠰᠢᠨ ᠨᠤᠭᠤᠭᠠ ᠳᠠᠷᠢᠵᠤ ᠤᠷᠭᠤᠭᠤᠯᠬᠤ ᠬᠡᠪᠡᠯ ᠬᠦᠯᠡᠮᠵᠢ ᠪᠠᠨ ᠬᠥᠢᠳᠡᠨ ᠤ ᠰᠡᠬᠦᠯᠴᠢ ᠪᠤᠯᠤᠨ ᠳᠤᠯᠠᠭᠠᠨ ᠤ | ᠡᠬᠢ ᠪᠠᠷ ᠰᠡᠬᠦᠨᠡ᠃ | ᠢᠳᠡᠰᠢᠨ ᠨᠤᠭᠤᠭᠠ ᠶᠢᠨ ᠬᠢᠷᠠᠭᠤ ᠶᠢᠨ ᠭᠠᠮᠰᠢᠭ ᠬᠡᠳᠡᠭ ᠨᠢ ᠢᠳᠡᠰᠢᠨ ᠨᠤᠭᠤᠭᠠ ᠶᠢᠨ ᠦᠡᠭᠭᠡᠨ | ᠳᠠᠯᠠ ᠶᠢᠨ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠨᠢ ᠪᠠᠭᠤᠷᠠᠭᠠᠳ 0 ᠭᠷᠠᠳᠦ᠋ᠰ ᠠᠴᠠ ᠳᠤᠤᠷᠠ ᠪᠤᠯᠬᠤ ᠦᠶᠡ ᠳᠤ ᠠᠭᠠᠷ ᠲᠠᠬᠢ | ᠤᠰᠥᠨ ᠠᠭᠤᠷ ᠨᠢ ᠳᠠᠬᠢᠭᠠᠳ ᠤᠰᠥᠨ ᠳᠤᠰᠤᠯ ᠪᠦᠷᠢᠯᠳᠥᠵᠤ ᠴᠢᠳᠠᠬᠤ ᠦᠬᠡᠢ᠂ ᠬᠠᠷᠢᠨ ᠰᠢᠭᠤᠳ ᠬᠦᠯᠳᠡᠭᠡᠳ | ᠰᠥᠢᠳᠥᠯ ᠤᠴᠠᠷᠠᠭᠤᠯᠬᠤ ᠶᠢ ᠬᠡᠯᠡᠵᠤ ᠪᠤᠢ᠃ ᠰᠡᠷᠬᠡᠶᠢᠯᠡᠬᠦ ᠠᠷᠭᠠ ᠨᠢ ᠶᠡᠷᠥ ᠳᠤ ᠪᠠᠨ ᠳᠤᠤᠷᠠᠬᠢ ᠮᠡᠳᠥ ᠬᠡᠳᠥᠨ | ᠵᠥᠢᠯ ᠪᠤᠢ᠄ | 1. ᠬᠢᠷᠠᠭᠤ ᠪᠠᠭᠤᠮᠠᠷ ᠰᠦᠨᠢ ᠳᠤᠬᠢᠶᠠᠯᠳᠤᠪᠠᠯ ᠰᠦᠨᠢ ᠲᠦᠯᠢ ᠪᠠᠷ ᠴᠠᠭ ᠲᠤᠬᠠᠢ ᠳᠤ ᠨᠢ ᠳᠠᠷᠢᠮᠠᠯ ᠤᠨ | ᠨᠠᠪᠴᠢ ᠳᠡᠭᠡᠷᠡ ᠤᠰᠥ ᠰᠦᠷᠴᠢᠵᠤ ᠦᠭᠪᠡᠯ᠂ ᠨᠦᠢᠳᠠᠨ ᠴᠢᠬᠢᠭᠯᠢᠭ ᠢ ᠨᠢ ᠪᠠᠳᠤᠯᠠᠵᠤ ᠴᠢᠳᠠᠨᠠ᠃ | 2. ᠬᠢᠷᠠᠭᠤ ᠪᠠᠭᠤᠬᠤ ᠠᠴᠠ ᠡᠮᠥᠨᠡ ᠤᠳᠤᠭᠠ ᠪᠠᠷ ᠤᠳᠤᠵᠤ ᠪᠤᠯᠤᠨᠠ᠃ ᠤᠳᠤᠬᠤ ᠳᠤ ᠪᠠᠨ ᠬᠡᠳᠥᠷᠬᠡᠢ | ᠡᠷᠳᠡ ᠤᠳᠤᠵᠤ ᠪᠤᠯᠬᠤ ᠦᠬᠡᠢ ᠪᠦᠭᠡᠳ ᠨᠠᠷᠢᠨ ᠤᠳᠤᠭᠠ ᠪᠠᠷ ᠤᠳᠤᠨᠠ᠂ ᠤᠳᠤᠭᠠ ᠶᠢᠨ ᠤᠪᠤᠭᠠ ᠶᠢᠨ | ᠳᠠᠷᠬᠠᠯᠳᠠ ᠨᠢ ᠪᠠᠰᠠ ᠵᠢᠭᠳᠡ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ | 3. ᠬᠦᠷᠥᠰᠥ ᠰᠢᠷᠥᠢ ᠨᠦᠢᠳᠠᠨ ᠴᠢᠬᠢᠭᠯᠢᠭ ᠦᠶᠡ ᠳᠤ ᠶᠡᠷᠥ ᠳᠤ ᠪᠠᠨ ᠬᠢᠷᠠᠭᠤᠳᠠᠬᠤ ᠦᠬᠡᠢ ᠶᠤᠮ᠃ | ᠬᠢᠷᠠᠭᠤ ᠪᠠᠭᠤᠬᠤ ᠡᠳᠥᠷ ᠨᠢ ᠤᠰᠤᠯᠠᠪᠠᠯ ᠬᠢᠷᠠᠭᠤᠳᠠᠬᠤ ᠠᠴᠠ ᠰᠡᠷᠬᠡᠶᠢᠯᠡᠵᠤ ᠴᠢᠳᠠᠨᠠ᠃ | 4. ᠬᠢᠷᠠᠭᠤ ᠢᠷᠡᠬᠦ ᠠᠴᠠ ᠡᠮᠥᠨᠡ ᠡᠰᠢ ᠰᠦᠷᠡᠯ᠂ ᠳᠤᠳᠤᠷᠭᠠ ᠡᠪᠡᠰᠥ ᠵᠢᠴᠢ ᠰᠦᠯᠢᠶᠥᠥ ᠨᠢᠮᠭᠡᠨ | ᠪᠦᠷᠬᠦᠬᠦᠯ ᠵᠡᠷᠭᠡ ᠪᠠᠷ ᠪᠦᠷᠬᠦᠵᠤ᠂ ᠬᠦᠷᠥᠰᠥᠨ ᠤ ᠳᠤᠯᠠᠭᠠᠨ ᠢ ᠳᠤᠭᠳᠠᠪᠤᠷᠢᠵᠢᠭᠤᠯᠥᠨ᠂ ᠬᠢᠷᠠᠭᠤᠳᠠᠬᠤ ᠠᠴᠠ | ᠰᠡᠷᠬᠡᠶᠢᠯᠡᠵᠤ ᠪᠤᠯᠤᠨᠠ᠃ | ᠴᠠᠭᠠᠨ ᠨᠤᠭᠤᠭᠠ ᠶᠢᠨ ᠬᠦᠯᠳᠡᠬᠦ ᠭᠠᠮᠰᠢᠭ ᠢ ᠰᠡᠷᠬᠡᠶᠢᠯᠡᠬᠦ ᠳᠤ ᠪᠠᠨ ᠨᠤᠭᠤᠭᠠ ᠬᠤᠷᠢᠶᠠᠬᠤ | ᠳᠤᠬᠢᠷᠠᠮᠵᠢ ᠲᠠᠢ ᠬᠤᠭᠤᠴᠠᠭᠠ ᠶᠢ ᠰᠤᠩᠭᠤᠬᠤ ᠨᠢ ᠬᠠᠮᠤᠭ ᠠᠴᠠ ᠴᠢᠬᠤᠯᠠ ᠪᠠᠶᠢᠳᠠᠭ᠃ ᠬᠤᠷᠢᠶᠠᠬᠤ | ᠬᠤᠭᠤᠴᠠᠭᠠ ᠨᠢ ᠤᠯᠠᠮ ᠡᠷᠳᠡ ᠪᠤᠯᠪᠠᠯ ᠬᠦᠯᠳᠡᠬᠦ ᠪᠤᠯᠤᠮᠵᠢ ᠨᠢ ᠤᠯᠠᠮ ᠪᠠᠭᠠ ᠶᠤᠮ᠃ ᠴᠠᠭᠠᠨ ᠨᠤᠭᠤᠭᠠ ᠶᠢᠨ | ᠭᠤᠤᠯᠯᠠᠭᠰᠠᠨ ᠨᠢ ᠤᠯᠠᠮ ᠰᠠᠶᠢᠨ ᠦᠶᠡ ᠳᠤ ᠳᠡᠬᠦᠨ ᠤ ᠢᠯᠴᠢ ᠳᠠᠮᠵᠢᠭᠤᠯᠬᠤ ᠪᠠ ᠬᠥᠢᠳᠡᠨ ᠢ ᠰᠡᠷᠬᠡᠶᠢᠯᠡᠬᠦ | ᠴᠢᠳᠠᠪᠤᠷᠢ ᠨᠢ ᠤᠯᠠᠮ ᠮᠠᠭᠤ ᠪᠠᠶᠢᠳᠠᠭ᠃ ᠡᠶᠢᠮᠥ ᠠᠴᠠ ᠭᠤᠤᠯᠯᠠᠭᠰᠠᠨ ᠨᠢ ᠰᠠᠶᠢᠨ ᠨᠢᠭᠡᠳᠥᠭᠡᠷ ᠳᠡᠰ ᠤᠨ ᠴᠠᠭᠠᠨ | ᠨᠤᠭᠤᠭᠠ ᠪᠠᠨ ᠡᠷᠳᠡᠯᠡᠨ ᠬᠤᠷᠢᠶᠠᠵᠤ᠂ ᠭᠤᠤᠯᠯᠠᠭᠰᠠᠨ ᠨᠢ ᠮᠠᠭᠤ ᠭᠤᠷᠪᠠᠳᠤᠭᠠᠷ ᠳᠡᠰ ᠤᠨ ᠴᠠᠭᠠᠨ ᠨᠤᠭᠤᠭᠠ | ᠪᠤᠯᠤᠨ ᠳᠡᠰ ᠠᠴᠠ ᠭᠠᠳᠠᠨᠠᠬᠢ ᠨᠤᠭᠤᠭᠠ ᠪᠠᠨ ᠴᠠᠭ ᠠᠭᠤᠷ ᠤᠨ ᠪᠠᠶᠢᠳᠠᠯ ᠢ ᠦᠵᠡᠵᠤ ᠪᠠᠶᠢᠭᠠᠳ ᠳᠤᠬᠢᠷᠠᠮᠵᠢ ᠲᠠᠢ | ᠬᠤᠶᠢᠰᠢᠯᠠᠭᠤᠯᠥᠨ ᠬᠤᠷᠢᠶᠠᠵᠤ ᠪᠤᠯᠤᠨᠠ᠃ ᠵᠢᠯ ᠪᠦᠷᠢ ᠶᠢᠨ ᠠᠩᠬᠠᠨ ᠤ ᠬᠥᠢᠳᠡᠨ ᠤᠷᠤᠰᠬᠠᠯ ᠢᠷᠡᠬᠦ ᠴᠠᠭ ᠨᠢ | ᠠᠳᠠᠯᠢ ᠦᠬᠡᠢ᠂ ᠡᠶᠢᠮᠥ ᠠᠴᠠ ᠲᠤᠰ ᠵᠢᠯ ᠤᠨ ᠴᠠᠭ ᠠᠭᠤᠷ ᠤᠨ ᠤᠷᠢᠳᠴᠢᠯᠠᠭᠰᠠᠨ ᠮᠡᠳᠡᠭᠡ ᠲᠠᠢ ᠪᠠᠨ | ᠤᠶᠠᠯᠳᠤᠭᠤᠯᠥᠨ ᠴᠠᠭᠠᠨ ᠨᠤᠭᠤᠭᠠ ᠬᠤᠷᠢᠶᠠᠬᠤ ᠬᠤᠭᠤᠴᠠᠭᠠ ᠪᠠᠨ ᠰᠠᠶᠢᠳᠥᠷ ᠳᠤᠬᠢᠷᠠᠭᠤᠯᠬᠤ ᠬᠡᠷᠡᠭᠳᠡᠢ᠃ | ︵︽ᠮᠠᠯᠴᠢᠨ ᠳᠠᠷᠢᠶᠠᠴᠢᠨ ᠤ ᠬᠡᠷᠡᠭᠯᠡᠭᠡᠨ ᠤ ᠮᠡᠷᠭᠡᠵᠢᠯ ᠴᠤᠪᠤᠷᠠᠯ ᠪᠢᠴᠢᠭ︾ ᠠᠴᠠ | ᠠᠪᠤᠪᠠ︶ |