| ︵ ᠲᠡᠭᠡᠷᠡ ᠬᠤᠭᠤᠴᠠᠭᠠᠨ ᠤ ᠦᠷᠬᠦᠯᠵᠢᠯᠡᠯ ︶ | ᠠᠰᠬᠠᠨ ᠨᠦᠬᠦᠷ ᠶᠧᠰᠢᠵᠠᠯᠠᠰᠠᠩ ︵ᠰᠡᠬᠦᠯᠡᠷ ᠨᠢ ᠵᠠᠭᠤᠨ ᠤᠳᠠ ᠠᠶᠢᠮᠠᠭ ᠤᠨ ᠲᠦᠷᠪᠡᠳᠤᠭᠡᠷ ᠳ᠋ᠢᠸᠢᠽᠢ ᠳᠤ | ᠠᠵᠢᠯᠯᠠᠵᠤ ᠪᠠᠶᠢᠬᠤ ᠳᠠᠭᠠᠨ ᠤᠷᠪᠠᠭᠰᠠᠨ ᠬᠤᠯᠠᠭᠠᠢ ᠳᠤ ᠬᠤᠤᠷᠯᠠᠭᠳᠠᠪᠠ︶ ᠨᠦᠬᠦᠷ ᠢ ᠲᠤᠮᠢᠯᠠᠵᠤ ᠨᠠᠢᠮᠠᠳᠤᠭᠠᠷ ᠵᠠᠮ ᠤᠨ | ᠴᠡᠷᠢᠭ ᠢ ᠵᠠᠯᠠᠬᠤ ᠶᠢᠨ ᠬᠠᠮᠳᠤ ᠪᠠᠶᠢᠴᠧᠩ ᠳᠤ ᠬᠠᠷᠢᠯᠴᠠᠭᠠᠨ ᠤ ᠭᠠᠵᠠᠷ ᠪᠠᠶᠢᠭᠤᠯᠬᠤ ᠪᠠᠷ ᠤᠴᠢᠭᠤᠯᠬᠤ ᠳᠤ ᠶᠠᠭ ᠰᠠᠶ᠋ᠢᠬᠠᠨ | ᠨᠠᠢᠮᠠᠳᠤᠭᠠᠷ ᠵᠠᠮ ᠤᠨ ᠴᠡᠷᠢᠭ ᠴᠤ ᠶᠠᠨ ᠵᠧᠨ ᠱᠠᠨ ᠭᠤᠸᠠᠩ ᠹᠦ᠋ ᠵᠢᠶᠦ᠋ᠨ ᠲᠠᠢ ᠰᠦᠯᠪᠡᠭᠡᠯᠡᠭᠰᠡᠨ ᠴᠢᠮᠡᠭᠡ ᠶᠢ ᠤᠯᠵᠤ | ᠲᠡᠳᠡ ᠲᠤᠷᠠᠳᠠᠶᠠ ᠵᠦᠪᠰᠢᠶᠡᠷᠡᠨ᠂ ᠲᠤᠤᠷᠠ ᠨᠢ ᠪᠠᠲ᠋ᠠᠯᠢᠶᠦᠨ ᠤ ᠵᠢᠯᠤᠭᠤᠳᠤᠭᠴᠢ ᠵᠠᠩ ᠢ ᠴᠧᠩ ᠨᠦᠬᠦᠷ ᠵᠡᠷᠭᠡ 12 | ᠬᠦᠮᠤᠰ ᠢ ᠲᠤᠮᠢᠯᠠᠨ ᠸᠠᠩ ᠤᠨ ᠰᠦᠮᠡ ᠳᠤ ᠢᠷᠡᠬᠦᠯᠤᠨ ᠡᠨᠡ ᠡᠭᠦᠷᠭᠡ ᠶᠢ ᠪᠡᠶᠡᠯᠡᠬᠦᠯᠬᠦ ᠪᠠᠷ ᠲᠤᠭᠳᠠᠵᠠᠢ᠃ ᠨᠠᠢᠮᠠᠳᠤᠭᠠᠷ | ᠵᠠᠮ ᠤᠨ ᠴᠡᠷᠢᠭ ᠸᠠᠩ ᠤᠨ ᠰᠦᠮᠡ ᠳᠤ ᠢᠷᠡᠩᠬᠦᠳᠡ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯ ᠢ ᠤᠯᠵᠤ᠂ ᠵᠠᠯᠠᠭᠤᠴᠤᠳ ᠤᠨ ᠡᠪᠯᠡᠯ ᠤᠨ | ᠵᠠᠬᠢᠷᠭᠠ ᠳᠤ ᠵᠤᠴᠢᠨ ᠢ ᠤᠭᠳᠤᠬᠤ ᠦᠪᠡᠳᠡᠭᠰᠢ ᠬᠤᠷᠢᠮ ᠬᠢᠵᠠᠢ᠂ ᠭᠡᠳᠡᠯᠠ ᠲᠠᠶᠢᠨ ᠤ ᠲᠠᠷᠠᠭᠠ ᠶᠠᠭᠤᠮᠠ ᠴᠦᠬᠡᠨ ᠲᠤᠯᠠ | ᠪᠢᠳᠡ ᠵᠦᠪᠬᠡᠨ ᠴᠠᠭᠠᠨ ᠨᠤᠭᠤᠭᠠ᠂ ᠯᠤᠤᠪᠠᠩ᠂ ᠦᠭᠡᠷ ᠤᠨ ᠮᠢᠬᠠ᠂ ᠭᠠᠭ᠋ᠠᠢ ᠶᠢᠨ ᠮᠢᠬᠠ ᠵᠡᠷᠭᠡ ᠶᠢ ᠯᠡ ᠤᠯᠵᠠᠢ᠃ | ᠤᠭᠳᠤᠯᠭᠠ ᠶᠢᠨ ᠬᠤᠷᠠᠯ ᠶᠡᠭᠡ ᠬᠦᠷ ᠬᠦᠭᠵᠢᠶᠡᠨ ᠲᠠᠢ᠂ ᠴᠡᠷᠢᠭ ᠠᠩᠭᠢ ᠶᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠬᠢᠭᠡᠳ ᠵᠠᠯᠠᠭᠤᠴᠤᠳ | ᠤᠨ ᠡᠪᠯᠡᠯ ᠤᠨ ᠺᠠᠳ᠋ᠷ ᠠᠴᠠ ᠬᠤᠪᠢᠰᠬᠠᠯ ᠤᠨ ᠶᠤᠰᠤᠨ ᠤ ᠲᠤᠬᠠᠢ ᠦᠭᠡ ᠬᠡᠯᠡᠵᠤ᠂ ᠬᠤᠷᠠᠯ ᠲᠡᠭᠡᠷᠡ ᠬᠤᠪᠢᠰᠬᠠᠯ ᠤᠨ | ᠲᠠᠭᠤᠤ ᠲᠠᠭᠤᠯᠠᠵᠤ᠂ ᠵᠠᠷᠢᠮ ᠨᠢ ᠨᠠᠢᠮᠠᠳᠤᠭᠠᠷ ᠵᠠᠮ ᠤᠨ ᠴᠡᠷᠢᠭ ᠠᠴᠠ ᠰᠢᠨᠡᠭᠡᠨ ᠰᠤᠷᠤᠭᠰᠠᠨ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠵᠤ᠂ | ᠦᠪᠡᠷ ᠢᠶᠠᠨ ᠵᠤᠬᠢᠶᠠᠭᠰᠠᠨ ᠮᠤᠩᠭᠤᠯ ᠲᠠᠭᠤᠤ ᠴᠤ ᠪᠠᠶᠢᠨᠠ᠂ ᠤᠭᠳᠤᠯᠭᠠ ᠶᠢᠨ ᠬᠤᠷᠠᠯ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠲᠠᠢ ᠪᠠᠷ | ᠲᠡᠬᠦᠰᠪᠡ᠃ ᠡᠨᠡ ᠪᠤᠯ ᠮᠠᠨ ᠤ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ︽ ᠵᠤᠴᠢᠨ︾ ᠢᠶᠠᠨ ᠤᠭᠳᠤᠬᠤ ᠪᠠᠶᠢᠳᠠᠯ᠃ ᠦᠨᠡᠨ | ᠳᠡᠭᠡᠨ ᠬᠤᠵᠢᠮ ᠤᠨ ᠬᠦᠭᠵᠢᠯᠳᠡ ᠳᠤ ᠨᠠᠢᠮᠠᠳᠤᠭᠠᠷ ᠵᠠᠮ ᠤᠨ ᠴᠡᠷᠢᠭ ᠪᠤᠯ ᠮᠠᠨ ᠤ ᠨᠦᠬᠦᠷ ᠪᠤᠯᠵᠤ ᠵᠤᠴᠢᠨ ᠪᠢᠰᠢ ᠶᠤᠮ᠂ | ᠡᠶᠢᠮᠤ ᠠᠴᠠ ᠵᠤᠴᠢᠨ ᠭᠡᠰᠡᠨ ᠦᠭᠡ ᠶᠢᠨ ᠲᠡᠭᠡᠷᠡ ᠬᠠᠭᠠᠯᠳᠠ ᠲᠠᠯᠪᠢᠵᠠᠢ᠃ | ᠲᠤᠰ ᠵᠢᠯ ᠤᠨ 12 ᠰᠠᠷᠠ ᠶᠢᠨ ᠲᠤᠮᠳᠠᠴᠢ ᠪᠠᠷ ᠬᠤᠶᠠᠳᠤᠭᠠᠷ ᠪᠦᠯᠦᠭ ᠵᠤᠴᠢᠨ ᠢᠷᠡᠵᠠᠢ᠃ ᠡᠨᠡ ᠨᠢ ᠭᠤᠮᠢᠨᠳᠠᠩ | ᠤᠨ ︽ ᠲᠤᠰᠠᠯᠠᠮᠵᠢ ᠶᠢᠨ ᠶᠡᠷᠤᠩᠬᠡᠢ ᠵᠠᠬᠢᠷᠭᠠ︾ ᠠᠴᠠ ᠲᠤᠮᠢᠯᠠᠨ ᠢᠷᠡᠬᠦᠯᠦᠭᠰᠡᠨ ᠮᠠ ᠤᠪᠤᠭ ᠲᠠᠢ ᠱᠠᠩᠸᠧᠢ ᠪᠠᠷ | ᠲᠤᠯᠤᠭᠠᠶᠢᠯᠠᠭᠤᠯᠤᠭᠰᠠᠨ 12 ᠨᠡᠷᠡᠰ ᠴᠡᠷᠢᠭ ᠤᠨ ᠨᠤᠶᠠᠨ ᠪᠤᠯᠤᠨᠠ᠃ ᠡᠨᠡ ᠨᠢ ᠪᠢᠳᠡᠨ ᠳᠤ ᠠᠪᠴᠤ ᠬᠡᠯᠡᠪᠡᠯ | ᠭᠤᠮᠢᠨᠳᠠᠩ ᠤᠨ ᠲᠡᠷᠰᠯᠡᠬᠦᠴᠤᠳ ᠶᠠᠷᠢᠶᠠᠨ ᠦᠭᠡᠢ ᠲᠠᠶᠢᠰᠤᠨ ᠶᠤᠮ᠂ ᠸᠠᠩ ᠤᠨ ᠰᠦᠮᠡ ᠳᠤ ᠴᠤ ᠭᠤᠮᠢᠨᠳᠠᠩ ᠳᠤ ᠬᠡᠢ | ᠬᠦᠰᠡᠯ ᠢᠶᠠᠨ ᠨᠠᠶᠢᠳᠠᠵᠤ ᠪᠠᠶᠢᠬᠤ ᠲᠤᠩ ᠴᠦᠬᠡᠨ ᠲᠤᠭᠠᠨ ᠤ ᠬᠦᠮᠤᠰ ᠪᠠᠶᠢᠬᠤ ᠶᠤᠮ᠃ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ | ᠪᠤᠳᠤᠯᠢᠶᠠᠨ ᠲᠠᠢ ᠲᠠᠯᠡᠬᠡᠢ ᠶᠢᠨ ᠤᠷᠴᠢᠨ ᠠᠬᠤᠢ ᠶᠢᠨ ᠲᠤᠮᠳᠠ᠂ ᠵᠦᠪᠯᠡᠯᠳᠤ ᠶᠢᠨ ᠴᠡᠷᠢᠭ ᠡᠵᠡᠯᠡᠵᠤ ᠪᠠᠶᠢᠬᠤ | ᠬᠤᠭᠤᠴᠠᠭᠠᠨ ᠳᠠᠭᠠᠨ ᠤᠯᠠᠨ ᠤᠯᠤᠰ ᠤᠨ ᠬᠠᠷᠢᠴᠠᠭᠠ ᠶᠢ ᠦᠨᠳᠤᠰᠤᠯᠡᠪᠡᠯ᠂ ᠢᠷᠭᠡᠨ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ | ᠤ ᠲᠤᠰᠠᠯᠠᠮᠵᠢ ᠶᠢᠨ ᠶᠡᠷᠤᠩᠬᠡᠢ ᠵᠠᠬᠢᠷᠭᠠ ᠠᠴᠠ ᠠᠵᠢᠯᠯᠠᠬᠤ ᠠᠩᠭᠢ ᠲᠤᠮᠢᠯᠠᠨ ᠲᠤᠰ ᠤᠯᠤᠰ ᠤᠨ ᠢᠶᠠᠨ ᠠᠷᠠᠳ ᠢᠷᠭᠡᠨ ᠳᠤ | ᠲᠤᠰᠠᠯᠠᠮᠵᠢ ᠦᠵᠡᠬᠦᠯᠬᠦ ᠶᠢ ᠬᠤᠷᠢᠭᠯᠠᠬᠤ ᠡᠷᠭᠡ ᠦᠭᠡᠢ ᠪᠦᠭᠡᠳ ᠨᠡᠩ ᠴᠤ ᠲᠡᠳᠡᠨ ᠤ ︽ ᠲᠤᠰᠠᠯᠠᠮᠵᠢ︾ ᠦᠵᠡᠬᠦᠯᠬᠦ | ᠠᠵᠢᠯᠯᠠᠭᠠ ᠶᠢ ᠬᠤᠷᠢᠭᠯᠠᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ ᠡᠶᠢᠮᠤ ᠠᠴᠠ ᠲᠡᠳᠡᠨ ᠢ ᠵᠦᠪᠯᠡᠯᠳᠤ ᠶᠢᠨ ᠴᠡᠷᠢᠭ ᠤᠨ ᠭᠠᠯᠳᠤ | ᠲᠡᠷᠭᠡᠨ ᠳᠡᠭᠡᠨ ᠰᠠᠭᠤᠯᠭᠠᠵᠤ ᠸᠠᠩ ᠤᠨ ᠰᠦᠮᠡ ᠳᠤ ᠠᠪᠴᠢᠷᠠᠬᠤ ᠯᠡ ᠬᠡᠷᠡᠭ ᠲᠠᠢ ᠪᠦᠭᠡᠳ ᠲᠡᠳᠡᠨ ᠤ ᠪᠡᠶᠡ ᠶᠢᠨ ᠡᠷᠡᠬᠦᠯ | ᠮᠡᠨᠳᠤ ᠶᠢ ᠴᠤ ᠬᠠᠮᠠᠭᠠᠯᠠᠬᠤ ᠯᠡ ᠬᠡᠷᠡᠭ ᠲᠠᠢ᠃ ᠪᠢᠳᠡ ᠡᠨᠡ ᠡᠭᠦᠷᠭᠡ ᠶᠢ ᠬᠦᠯᠢᠶᠡᠭᠰᠡᠨ ᠤ ᠰᠡᠬᠦᠯᠡᠷ᠂ ᠬᠢᠩᠭᠠᠨ ᠪᠠᠭᠤᠳᠠᠯ | ᠤᠨ ᠭᠠᠵᠠᠷ ᠲᠤ ᠬᠤᠶᠠᠷ ᠲᠠᠰᠤᠯᠭᠠ ᠭᠡᠷ ᠤᠯᠵᠤ ᠬᠤᠶᠠᠷ ᠬᠠᠨᠵᠤ ᠶᠢᠨ ᠲᠡᠭᠡᠷᠡ ᠲᠡᠳᠡᠨ ᠢ ᠲᠤᠬᠢᠷᠠᠭᠤᠯᠵᠤ᠂ ᠡᠭᠦᠳᠡᠨ | ᠲᠡᠭᠡᠷᠡ ᠨᠢ ᠬᠤᠶᠠᠷ ᠬᠠᠷᠠᠭᠤᠯ ᠤᠨ ᠴᠡᠷᠢᠭ ᠢᠶᠠᠷ ᠫᠤᠤ ᠪᠠᠷᠢᠵᠤ ︽ ᠬᠠᠮᠠᠭᠠᠯᠠᠵᠠᠢ︾᠃ ᠡᠨᠡ ᠪᠠᠭᠤᠳᠠᠯ ᠠᠴᠠ ᠭᠠᠵᠠᠷ | ᠢᠯᠡᠬᠦᠤ ᠬᠤᠯᠠ ᠪᠠᠶᠢᠬᠤ ᠬᠢᠩᠭᠠᠨ ᠬᠤᠭᠤᠯᠠᠨ ᠭᠡᠷ ᠲᠤ ᠲᠦᠷᠪᠡᠨ ᠨᠤᠭᠤᠭᠠ ᠨᠢᠭᠡ ᠱᠦᠯᠤ ᠲᠤᠬᠢᠷᠠᠭᠤᠯᠵᠠᠢ᠃ ︽ | ᠵᠤᠴᠢᠨ︾ ᠢ ᠤᠶᠢᠳᠬᠠᠷ ᠲᠠᠢ ᠪᠤᠯᠬᠤ ᠠᠴᠠ ᠪᠤᠯᠭᠤᠮᠵᠢᠯᠠᠵᠤ᠂ ᠬᠦᠵᠢᠷ᠂ ᠰᠢᠳᠠᠷ᠂ ᠮᠠ ᠵᠢᠶᠠᠩ ᠲᠤᠰ ᠪᠦᠷᠢ ᠨᠢᠭᠡ | ᠪᠡᠯᠡᠳᠭᠡᠵᠤ ᠦᠭᠬᠦᠨ᠂ ᠪᠠᠭᠤᠳᠠᠯ ᠠᠴᠠ ᠯᠡ ᠭᠠᠷᠴᠤ ᠪᠤᠯᠬᠤ ᠦᠭᠡᠢ᠂ ᠪᠤᠳᠠᠭᠠ ᠢᠳᠡᠬᠦ ᠴᠠᠭ ᠪᠤᠯᠤᠭᠰᠠᠭᠠᠷ ᠯᠡ | ᠲᠦᠷᠪᠡᠨ ᠪᠠᠶᠢᠯᠳᠤᠭᠴᠢ ᠭᠠᠷ ᠲᠤ ᠪᠠᠨ ᠫᠤᠤ ᠪᠠᠷᠢᠵᠤ ᠬᠤᠭᠤᠯᠠᠨ ᠭᠡᠷ ᠲᠤ ᠬᠦᠷᠭᠡᠳᠡᠭ᠃ ᠡᠬᠢᠯᠡᠩᠬᠦᠳᠡ ᠭᠤᠮᠢᠨᠳᠠᠩ ᠳᠤ | ᠬᠡᠢ ᠬᠦᠰᠡᠯ ᠲᠠᠢ ᠵᠠᠷᠢᠮ ᠬᠦᠮᠤᠰ ᠠᠭᠤᠯᠵᠠᠬᠤ ᠪᠠᠷ ᠢᠷᠡᠭᠰᠡᠨ ᠳᠤ ᠴᠦᠮ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠪᠠᠶᠢᠯᠳᠤᠭᠴᠢ ᠳᠤ | ᠬᠤᠷᠢᠭᠯᠠᠭᠳᠠᠭᠠᠳ ᠨᠡᠷᠡ ᠶᠢ ᠨᠢ ᠲᠡᠮᠳᠡᠭᠯᠡᠵᠤ ᠪᠤᠴᠠᠭᠠᠨ ᠶᠠᠪᠤᠭᠤᠯᠵᠠᠢ᠃ ᠮᠠ ᠤᠪᠤᠭᠳᠤ ᠱᠠᠩᠸᠧᠢ ᠵᠡᠷᠭᠡ 12 ᠬᠦᠮᠤᠰ | ᠸᠠᠩ ᠤᠨ ᠰᠦᠮᠡ ᠳᠤ ᠢᠷᠡᠭᠡᠳ ᠨᠢᠭᠡ ᠭᠠᠷᠠᠭ ᠪᠤᠯᠳᠠᠯᠠ ᠡᠭᠦᠳᠡᠨ ᠤ ᠬᠠᠷᠠᠭᠤᠯ ᠤᠨ ᠴᠡᠷᠢᠭ ᠬᠢᠭᠡᠳ ᠬᠤᠭᠤᠯᠠᠨ ᠭᠡᠷ ᠲᠤ | ᠬᠦᠶᠤᠬᠦ ᠠᠴᠠ ᠦᠭᠡᠷᠡ ᠶᠠᠮᠠᠷ ᠴᠤ ᠤᠯᠠᠨ ᠲᠦᠮᠡᠨ ᠲᠠᠢ ᠨᠢᠭᠤᠷ ᠠᠭᠤᠯᠵᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠠᠴᠠ ᠶᠠᠷᠢᠶᠠᠨ ᠦᠭᠡᠢ | ︽ ᠲᠤᠰᠠᠯᠠᠮᠵᠢ︾ ᠶᠢᠨ ᠨᠡᠷᠡ ᠪᠠᠷ ᠬᠦᠳᠡᠯᠭᠡᠭᠡᠨ ᠬᠢᠬᠦ ᠭᠡᠰᠡᠨ ᠭᠤᠷᠢᠳᠤᠯᠭᠠ ᠳᠠᠭᠠᠨ ᠬᠦᠷᠴᠤ ᠴᠢᠳᠠᠭᠰᠠᠨ ᠦᠭᠡᠢ᠃ | ᠲᠡᠳᠡᠨ ᠲᠠᠢ ᠡᠷᠳᠡᠭᠡᠨ ᠠᠭᠤᠯᠵᠠᠬᠤ ᠪᠠᠷ ᠬᠦᠰᠡᠵᠤ ᠪᠠᠶᠢᠭᠰᠠᠨ ᠬᠦᠮᠤᠰ ᠴᠤ ᠲᠡᠳᠡᠨ ᠤ ᠰᠡᠳᠭᠢᠯ ᠵᠢᠷᠤᠭᠡᠨ ᠳᠤ ᠰᠢᠳᠤᠵᠤ | ᠪᠠᠶᠢᠭᠰᠠᠨ ᠵᠦᠩᠶᠠᠩ ᠤᠨ ᠴᠡᠷᠢᠭ ᠨᠢ ᠡ᠊ᠨᠳᠡ ᠡᠶᠢᠮᠤ ᠯᠡ ᠪᠠᠶᠢᠬᠤ ᠶᠢ ᠦᠵᠡᠭᠡᠳ ᠵᠢᠷᠤᠭᠡ ᠨᠢ ᠦᠬᠦᠵᠠᠢ᠃ ᠰᠡᠬᠦᠯᠡᠷ ᠨᠢ | ᠲᠡᠳᠡ ᠬᠠᠷᠠᠭᠤᠯ ᠤᠨ ᠴᠡᠷᠢᠭ ᠢᠶᠠᠷ ᠲᠠᠮᠵᠢᠭᠤᠯᠵᠤ ᠴᠠᠩᠴᠦ᠋ᠨ ᠳᠤ ᠬᠠᠷᠢᠬᠤ ᠪᠠᠷ ᠭᠤᠶᠤᠴᠢᠯᠠᠵᠤ᠂ ᠭᠠᠯᠳᠤ ᠲᠡᠷᠭᠡ | ᠲᠤᠬᠢᠷᠠᠭᠤᠯᠵᠤ ᠦᠭᠬᠦ ᠶᠢ ᠬᠦᠰᠡᠵᠠᠢ᠃ ᠪᠢᠳᠡ ᠵᠦᠪᠯᠡᠯᠳᠤ ᠶᠢᠨ ᠴᠡᠷᠢᠭ ᠲᠤ ︽ ᠵᠤᠴᠢᠨ︾ ᠶᠠᠪᠤᠬᠤ ᠭᠡᠵᠤ ᠪᠠᠶᠢᠨᠠ | ᠭᠡᠵᠤ ᠬᠡᠯᠡᠭᠰᠡᠨ ᠳᠤ ᠵᠦᠪᠯᠡᠯᠳᠤ ᠶᠢᠨ ᠬᠤᠳᠠ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠰᠧᠯᠢᠩ ᠬᠠᠳᠠᠭᠠᠨᠠᠳᠠᠯᠠ ᠢᠨᠢᠶᠡᠭᠡᠳ᠄ ᠲᠠᠨ ᠤ | ᠵᠤᠴᠢᠯᠠᠬᠤ ᠴᠢᠨᠢ ᠶᠡᠭᠡ ᠵᠦᠭᠡᠷ ᠰᠢᠤ ᠳ᠋ᠠ᠂ ᠮᠢᠨᠤ ᠡᠭᠦᠷᠭᠡ ᠮᠦᠨ ᠯᠡ ︽ᠤᠭ ᠤᠨ ᠶᠠᠭᠤᠮᠠ︾ ᠶᠢ ᠲᠡᠷᠡ ᠶᠠᠩᠵᠤ ᠪᠠᠷ | ᠨᠢ ᠡᠪᠳᠡᠬᠦ ᠦᠭᠡᠢ ᠪᠠᠷ ᠦᠭᠬᠦ ᠶᠤᠮ᠃ ᠶᠠᠪᠤᠬᠤ ᠡᠳᠤᠷ ᠤᠨ ᠦᠷᠯᠤᠭᠡ ᠨᠢ ᠪᠢ ︽ᠮᠤᠷᠳᠠᠭᠤᠯᠪᠠ︾᠃ ᠲᠡᠳᠡᠨ ᠤ | ᠪᠠᠭᠤᠳᠠᠯ ᠳᠤ ᠬᠦᠷᠴᠤ᠄ ᠲᠠ ᠨᠠᠷ ᠡ᠊ᠨᠳᠡ ᠢᠷᠡᠭᠡᠳ ᠨᠢᠭᠡ ᠭᠠᠷᠠᠭ ᠪᠤᠯᠤᠯᠠ᠂ ᠮᠠᠨ ᠤ ᠡᠨᠡ ᠭᠠᠵᠠᠷ ᠪᠤᠯ ᠪᠦᠢᠳᠡ | ᠪᠦᠭᠯᠡᠬᠦᠤ ᠠᠭᠤᠯᠠᠷᠬᠠᠭ ᠤᠷᠤᠨ ᠲᠤᠯᠠ ᠶᠡᠭᠡ ᠶᠠᠳᠠᠭᠤ᠂ ᠲᠠᠶᠢᠨ ᠲᠠᠵᠢᠨ ᠤ ᠡᠪᠳᠡᠯᠭᠡ ᠠᠴᠠ ᠪᠤᠯᠵᠤ ᠨᠦᠬᠦᠴᠡᠯ ᠴᠤ ᠶᠡᠭᠡ | ᠮᠠᠭᠤ᠂ ᠶᠡᠭᠡ ᠬᠦᠷᠤᠯᠴᠡᠬᠦ ᠦᠭᠡᠢ ᠪᠤᠯᠤᠯᠠ᠃ ᠦᠨᠡᠨ ᠳᠡᠭᠡᠨ ᠪᠢ ᠡᠷᠳᠡᠭᠡᠨ ᠢᠷᠡᠬᠦ ᠭᠡᠰᠡᠨ ᠶᠤᠮ᠂ ᠭᠡᠳᠡᠯᠡ ᠠᠯᠪᠠᠨ ᠤ | ᠶᠠᠪᠤᠳᠠᠯ ᠪᠡᠶᠡ ᠶᠢ ᠤᠷᠢᠶᠠᠭᠠᠳ ᠰᠠᠯᠵᠤ ᠲᠠᠶᠢᠯᠬᠦ ᠦᠭᠡᠢ᠂ ᠠᠭᠤᠴᠢᠯᠠᠭᠠᠷᠠᠢ ᠭᠡᠵᠤ ᠬᠡᠯᠡᠵᠠᠢ᠃ ᠮᠠ ᠤᠪᠤᠭᠳᠤ ᠱᠠᠩᠸᠧᠢ | ᠄ ᠳ᠋ᠦ᠋ ᠶᠡᠷᠤᠩᠬᠡᠢ ᠲᠠᠷᠤᠭᠠ ᠡ᠂ ᠵᠦᠭᠡᠷ ᠵᠦᠭᠡᠷ᠂ ᠪᠢᠳᠡᠬᠡᠢ ᠡᠷᠡᠭᠡᠯᠡᠭᠡᠳ ᠪᠠᠢ᠂ ᠪᠢᠳᠡᠨ ᠶᠠᠭ ᠰᠠᠶ᠋ᠢᠬᠠᠨ ᠨᠢᠭᠡ ᠭᠠᠷᠠᠭ | ᠤᠨ ᠲᠡᠭᠡᠳᠤ ᠵᠡᠷᠭᠡ ᠶᠢᠨ ᠪᠠᠭᠤᠵᠤ ᠦᠭᠬᠦᠭᠰᠡᠳ ᠤᠨ ᠠᠮᠢᠳᠤᠷᠠᠯ ᠬᠢᠯᠠ ᠭᠡᠵᠤ᠂ ᠬᠡᠯᠡᠬᠦ ᠳᠤ᠂ ᠪᠢ ᠲᠤᠰᠴᠤ ᠠᠪᠤᠭᠠᠳ᠄ | ᠦᠭᠡᠷᠠ ᠶᠠᠭᠤᠮᠠ ᠪᠤᠳᠤᠬᠤ ᠬᠡᠷᠡᠭ ᠦᠭᠡᠢ᠂ ᠪᠢ ᠬᠡᠯᠡᠵᠤ ᠦᠩᠭᠡᠷᠡᠭᠰᠡᠨ ᠦᠭᠡᠢ ᠤᠤ᠂ ᠪᠢ ᠲᠠᠨ ᠢ ᠦᠵᠡᠵᠤ | ᠠᠮᠵᠢᠭᠰᠠᠨ ᠦᠭᠡᠢ ᠨᠢ ᠠᠯᠪᠠᠨ ᠤ ᠠᠵᠢᠯ ᠪᠡᠶᠡ ᠶᠢ ᠤᠷᠢᠶᠠᠭᠠᠳ ᠪᠤᠯᠬᠤ ᠦᠭᠡᠢ᠂ ᠵᠡᠷᠭᠡᠯᠡᠳᠡᠭᠡ ᠮᠤᠵᠢ᠂ ᠵᠡᠷᠭᠡᠯᠡᠳᠡᠭᠡ | ᠰᠢᠶᠠᠨ ᠤ ᠬᠢᠨ ᠬᠠᠮᠢᠭᠠ ᠠᠴᠠ ᠲᠡᠳᠤᠢ ᠤᠯᠠᠨ ᠲᠤᠰᠢᠶᠠᠯ ᠳᠤ ᠲᠤᠮᠢᠯᠠᠭᠰᠠᠨ ᠪᠢᠴᠢᠭ ᠲᠠᠷᠬᠠᠭᠠᠭᠰᠠᠨ ᠢ ᠪᠤᠤ ᠮᠡᠳᠡ ᠂ | ᠶᠠᠮᠠᠷ ᠨᠢᠭᠡᠨ ᠭᠠᠵᠢᠭᠤ ᠰᠠᠯᠬᠢ ᠮᠠᠨ ᠤ ᠡ᠊ᠨᠳᠡ ᠪᠠᠰᠠ ᠬᠤᠶᠠᠷ ᠬᠤᠪᠢ ᠲᠤᠰᠢᠶᠠᠯ ᠳᠤ ᠲᠤᠮᠢᠯᠠᠭᠰᠠᠨ ᠪᠢᠴᠢᠭ ᠬᠡᠶᠢᠰᠭᠡᠨ | ᠢᠷᠡᠵᠤ᠂ ᠪᠢᠳᠡᠨ ᠳᠤ ᠪᠠᠷᠢᠭᠳᠠᠭᠠᠳ ᠶᠠᠭ ᠰᠠᠶ᠋ᠢᠬᠠᠨ ᠡᠨᠡ ᠶᠠᠪᠤᠳᠠᠯ ᠢ ᠰᠢᠢᠳᠪᠤᠷᠢᠯᠡᠬᠦ ᠠᠴᠠ ᠴᠠᠭ ᠠᠮᠵᠢᠭᠰᠠᠨ ᠦᠭᠡᠢ | ᠭᠡᠬᠦ ᠳᠤ ᠱᠠᠩᠸᠧᠢ ᠨᠢᠳᠤ ᠪᠠᠨ ᠠᠨᠢᠪᠠᠯᠵᠠᠵᠤ᠂ ᠬᠡᠩ ᠭᠡᠳ ᠲᠠᠭᠤᠨ ᠦᠭᠡᠢ ᠪᠤᠯᠵᠠᠢ᠃ ᠲᠡᠷᠡ ᠡᠳᠤᠷ ᠲᠡᠭᠡᠨ ᠲᠡᠳᠡᠨ ᠢ | ︽ ᠬᠦᠷᠭᠡᠨ︾ ᠭᠠᠯᠳᠤ ᠲᠡᠷᠭᠡᠨ ᠳᠤ ᠭᠠᠷᠭᠠᠵᠠᠢ᠃ | ᠡᠨᠡ ᠪᠠᠳᠠᠭ ᠦᠯᠢᠭᠡᠷ ᠢ ᠪᠤᠳᠤᠬᠤ ᠪᠦᠷᠢ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠴᠡᠭᠡᠵᠢᠨ ᠲᠤᠳᠤᠷᠠ ᠠᠴᠠ ᠪᠠᠶᠠᠷᠯᠠᠨᠠ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠡᠨ ᠨᠢ ᠮᠠᠨ ᠤ ᠠᠬᠠ ᠲᠡᠬᠦᠤ᠂ ᠬᠡᠨ ᠨᠢ ᠮᠠᠨ ᠤ ᠲᠠᠶᠢᠰᠤᠨ ᠪᠤᠯᠬᠤ ᠶᠢ ᠬᠦᠮᠤᠰ ᠤᠨ | ᠲᠤᠳᠤᠷᠠ ᠲᠤᠪ ᠲᠤᠳᠤᠷᠬᠠᠢ ᠪᠠᠶᠢᠨᠠ᠃ ︵ᠲᠡᠭᠦᠰᠪᠡ︶ | |