| ᠨᠠᠷᠠ ᠬᠤᠷᠠ ᠲᠠᠢ ᠪᠠᠨ ᠲᠡᠩᠴᠡᠭᠰᠡᠨ | ᠨᠠᠯᠠᠭᠠᠷ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠲᠠᠢ | ᠨᠠᠮ ᠵᠠᠰᠠᠭ ᠤᠨ ᠢᠶᠠᠨ ᠬᠠᠯᠠᠮᠵᠢᠯᠠᠭᠰᠠᠨ | ᠨᠠᠶᠢᠷᠠᠮᠳᠠᠭᠤ ᠰᠠᠶᠢᠬᠠᠨ ᠤᠶᠢᠯᠡᠰ ᠲᠠᠢ | ᠦᠩᠰᠢᠭ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ | ᠦᠨᠢ ᠮᠦᠩᠭᠡ ᠵᠢᠷᠭᠠᠯᠳᠠᠢ ᠶᠤᠮ︕ | ᠠᠭᠳᠠ ᠬᠦᠯᠦᠭ ᠤᠨ ᠲᠤᠭᠤᠷᠠᠢ ᠪᠠᠷ | ᠠᠯᠳᠠᠨ ᠲᠡᠯᠡᠬᠡᠢ ᠶᠢ ᠲᠠᠮᠠᠭᠠᠯᠠᠭᠰᠠᠨ | ᠠᠷᠭᠠᠯ ᠤᠨ ᠬᠦᠭᠡ ᠤᠳᠤᠭᠠ ᠪᠠᠷ | ᠠᠤᠭᠠ ᠮᠤᠩᠭᠤᠯ ᠢᠶᠠᠨ ᠲᠡᠮᠳᠡᠭᠯᠡᠭᠦᠯᠦᠭᠰᠡᠨ | ᠦᠩᠰᠢᠭ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ | ᠦᠨᠢ ᠮᠦᠩᠭᠡ ᠵᠢᠷᠭᠠᠯᠳᠠᠢ ᠶᠤᠮ︕ | ᠲᠤᠭᠤᠨᠤᠳᠤ ᠭᠡᠷ ᠤᠨ ᠬᠤᠶᠢᠮᠤᠷ ᠲᠤ ᠪᠠᠨ | ᠲᠡᠦᠬᠡ ᠰᠤᠶᠤᠯ ᠢᠶᠠᠨ ᠬᠦᠦᠷᠨᠢᠭᠰᠡᠨ | ᠲᠦᠷᠦ ᠳᠤ ᠵᠢᠳᠭᠦᠯᠳᠡᠢ ᠮᠠᠯᠴᠢᠳ ᠨᠢ | ᠲᠦᠯ ᠮᠠᠯ ᠢᠶᠠᠨ ᠦᠨᠢᠷ ᠦᠰᠭᠡᠭᠰᠡᠨ | ᠦᠩᠰᠢᠭ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ | ᠦᠨᠢ ᠮᠦᠩᠭᠡ ᠵᠢᠷᠭᠠᠯᠳᠠᠢ ᠶᠤᠮ︕ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠷ ᠢᠶᠠᠨ | ᠲᠠᠯᠠ ᠨᠤᠳᠤᠭ ᠢᠶᠠᠨ ᠴᠢᠮᠡᠭᠰᠡᠨ | ᠲᠠᠷᠠᠭ ᠠᠶᠢᠷᠠᠭ ᠢᠳᠡᠭᠡᠨ ᠢᠶᠠᠷ ᠢᠶᠠᠨ | ᠲᠠᠩᠰᠤᠭ ᠠᠮᠢᠳᠤᠷᠠᠯ ᠢᠶᠠᠨ ᠭᠠᠶᠢᠬᠠᠭᠤᠯᠤᠭᠰᠠᠨ | ᠦᠩᠰᠢᠭ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ | ᠦᠨᠢ ᠮᠦᠩᠭᠡ ᠵᠢᠷᠭᠠᠯᠳᠠᠢ ᠶᠤᠮ︕ | ᠬᠠᠭᠤᠷᠠᠢ ᠪᠤᠳᠠᠭᠠ᠂ ᠦᠷᠦᠮᠡ ᠰᠦ ᠪᠠᠷ | ᠬᠤᠯᠠ ᠶᠢᠨ ᠵᠤᠴᠢᠳ ᠢᠶᠠᠨ ᠲᠠᠶᠢᠯᠠᠭᠰᠠᠨ | ᠬᠤᠨᠢᠨ ᠮᠢᠬᠠ᠂ ᠬᠤᠷᠤᠳ ᠡᠭᠡᠵᠡᠭᠡᠢ ᠪᠠᠨ | ᠬᠤᠳᠠᠯᠠ ᠤᠯᠠᠨ ᠳᠤ ᠪᠠᠨ ᠠᠮᠰᠠᠭᠤᠯᠤᠭᠰᠠᠨ | ᠦᠩᠰᠢᠭ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ | ᠦᠨᠢ ᠮᠦᠩᠭᠡ ᠵᠢᠷᠭᠠᠯᠳᠠᠢ ᠶᠤᠮ︕ | ᠮᠤᠩᠭᠤᠯ ᠤᠨ ᠤᠳᠤᠮᠰᠢᠯᠳᠤ ᠵᠠᠩᠰᠢᠯ ᠢᠶᠠᠷ ᠢᠶᠠᠨ | ᠮᠦᠩᠭᠡ ᠲᠤᠯᠭᠠ ᠪᠠᠨ ᠭᠡᠷᠡᠯᠳᠤᠭᠦᠯᠦᠭᠰᠡᠨ | ᠮᠤᠩᠭᠤᠯ ᠦᠰᠦᠭ ᠪᠢᠴᠢᠭ ᠢᠶᠠᠷ ᠢᠶᠠᠨ | ᠮᠦᠩᠬᠡᠳᠡ ᠮᠠᠨᠳᠤᠭᠰᠠᠨ ᠰᠤᠳᠤᠷ ᠲᠠᠢ | ᠦᠩᠰᠢᠭ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ | ᠦᠨᠢ ᠮᠦᠩᠭᠡ ᠵᠢᠷᠭᠠᠯᠳᠠᠢ ᠶᠤᠮ︕ | ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠᠨ ᠠᠴᠠ ᠪᠠᠨ | ᠪᠤᠰᠤᠭᠠ ᠬᠡᠶᠢᠮᠤᠷᠢ ᠪᠠᠨ ᠮᠠᠨᠳᠤᠭᠤᠯᠤᠭᠰᠠᠨ | ᠪᠤᠷᠵᠢᠭᠢᠨ ᠤᠪᠤᠭ ᠤᠨ ᠰᠦᠰᠦ ᠪᠠᠷ ᠢᠶᠠᠨ | ᠪᠦᠬᠦ ᠮᠤᠩᠭᠤᠯ ᠢᠶᠠᠨ ᠨᠢᠭᠡᠳᠭᠡᠭᠰᠡᠨ | ᠦᠩᠰᠢᠭ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ | ᠦᠨᠢ ᠮᠦᠩᠭᠡ ᠵᠢᠷᠭᠠᠯᠳᠠᠢ ᠶᠤᠮ︕ | ᠬᠦᠳᠡᠭᠡ ᠠᠷᠠᠯ ᠤᠨ ᠪᠠᠭᠤᠷᠢ ᠠᠴᠠ | ᠬᠦᠯ ᠠᠯᠳᠠᠵᠤ ᠪᠤᠰᠤᠭᠰᠠᠨ | ᠬᠦᠬᠡ ᠮᠤᠩᠭᠤᠯ ᠨᠤᠳᠤᠭ ᠠᠴᠠ | ᠬᠦᠪᠴᠢᠨ ᠲᠡᠯᠡᠬᠡᠢ ᠶᠢ ᠲᠤᠷᠭᠢᠭᠤᠯᠤᠭᠰᠠᠨ | ᠦᠩᠰᠢᠭ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ | ᠦᠨᠢ ᠮᠦᠩᠭᠡ ᠵᠢᠷᠭᠠᠯᠳᠠᠢ ᠶᠤᠮ︕ | ᠵᠤᠬᠢᠶᠠᠬᠴᠢ᠄ ᠰ᠊ · ᠬᠤᠷᠴᠢᠨᠬᠦᠤ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠡᠮᠳᠤ ᠶᠢᠨ ᠭᠤᠤᠯ | ᠰᠤᠮᠤ ᠶᠢᠨ ᠴᠠᠭᠠᠨᠪᠤᠬᠠ ᠰᠤᠷᠭᠠᠭᠤᠯᠢ |