ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠮᠦᠷᠤᠭᠡᠳᠤᠯ ᠳᠤ ᠰᠦᠮᠡᠯᠵᠡᠳᠡᠭ ᠨᠤᠳᠤᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/11/13
     ● ᠨᠠᠷᠠᠨᠴᠤᠭᠳᠤ       ᠲᠤᠷᠠᠰᠤᠯ ᠮᠦᠷᠤᠭᠡᠳᠤᠯ ᠤᠨ ᠬᠠᠮᠤᠭ ᠤᠨ ᠦᠨᠳᠤᠷ ᠲᠤ ᠰᠦᠮᠡᠯᠵᠡᠳᠡᠭ ᠨᠢ ᠡᠭᠡ ᠨᠤᠳᠤᠭ ᠶᠤᠮ᠃ ᠡᠪᠤᠭᠡᠷᠡᠬᠦ ᠲᠤᠳᠤᠮ ᠨᠤᠳᠤᠭ ᠢᠶᠠᠨ ᠤᠯᠠᠮ ᠰᠠᠨᠠᠳᠠᠭ ᠨᠢ ᠠᠯᠤᠰ ᠬᠤᠯᠠ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠭ᠎ᠠ ᠬᠦᠮᠤᠰ ᠤᠨ ᠨᠡᠶᠢᠳᠡ ᠶᠢᠨ ᠤᠨᠴᠠᠯᠢᠭ ᠪᠠᠶᠢᠵᠤ ᠮᠡᠳᠡᠨ᠎ᠡ᠃ ᠤᠤᠭᠤᠭᠰᠠᠨ ᠤᠰᠤ ᠷᠠᠰᠢᠶᠠᠨ᠂ ᠤᠨᠠᠭᠰᠠᠨ ᠰᠢᠷᠤᠢ ᠠᠯᠳᠡ ᠭᠡᠰᠡᠨ ᠠᠷᠠᠤᠨ ᠤᠨ ᠵᠦᠢᠷ ᠰᠡᠴᠡᠨ ᠦᠭᠡ᠂ ᠶᠤᠰᠤᠳᠠᠢ ᠮᠠᠨ ᠤ ᠮᠤᠩᠭᠤᠯ ᠬᠦᠮᠤᠨ ᠤ ᠨᠤᠳᠤᠭᠰᠠᠭ ᠬᠠᠶᠢᠷ᠎ᠠ ᠰᠡᠤᠨᠬᠢᠯᠭᠡ ᠶᠢ ᠤᠨᠤᠭᠠᠵᠤ ᠬᠡᠯᠡᠵᠠᠢ᠃       ᠮᠢᠨᠤ ᠨᠤᠳᠤᠭ — ᠱᠠᠭᠠᠷᠢᠭᠳᠠᠢ ᠭᠡᠭᠴᠢ ᠬᠦᠭᠡ ᠠᠭᠤᠯᠠᠰ᠂ ᠬᠦᠭᠡᠮᠳᠤᠭ᠌ ᠤᠰᠤᠨ ᠤ ᠲᠤᠮᠳᠠ ᠰᠠᠭᠤᠷᠢᠰᠢᠭᠰᠠᠨ ᠰᠡᠷᠮᠡᠬᠦᠨ ᠴᠡᠩᠭᠡᠷ ᠨᠤᠳᠤᠭ ᠶᠤᠮᠰᠠᠨ᠃ ᠠᠶᠢᠯ ᠤᠨ ᠠᠷᠤ ᠪᠠᠷ ᠱᠠᠭᠠᠷᠢᠭ ᠤᠨ ᠮᠤᠳᠤ ᠢᠭᠴᠤᠷᠠᠨ ᠤᠷᠭᠤᠭᠰᠠᠨ ᠲᠤᠯᠤᠭᠠᠨ ᠭᠠᠨᠭ᠍ᠭ᠎ᠠ ᠬᠡᠬᠦ ᠨᠠᠮᠬᠠᠨ ᠬᠦᠳᠤᠯ ᠦᠷᠬᠦᠯᠵᠢᠯᠡᠨ᠂ ᠪᠠᠷᠠᠭᠤᠨ ᠬᠤᠶᠢᠨ᠎ᠠ ᠠᠴᠠ ᠡᠷᠬᠢ ᠬᠡᠪᠡᠯᠢ ᠪᠠᠨ ᠪᠢᠯᠬᠠᠭᠤᠯᠤᠭᠰᠠᠨ ᠲᠡᠮᠡᠭᠡᠨ ᠭᠤᠤᠯ ᠱᠤᠤᠬᠢᠨ ᠢᠷᠡᠵᠤ᠂ ᠠᠶᠢᠯ ᠤᠨ ᠪᠠᠷᠠᠭᠤᠨ ᠡᠮᠤᠨᠡᠬᠦᠷ ᠲᠠᠬᠢᠷᠯᠠᠨ ᠤᠷᠢᠶᠠᠵᠤ᠂ ᠭᠡᠳᠤ ᠰᠠᠯᠪᠤᠷᠢᠯᠠᠭᠠᠤᠨ ᠬᠠᠶᠢᠯᠠᠰᠤ ᠪᠤᠷᠭᠠᠰᠤᠨ ᠤᠢ ᠳᠤ ᠰᠢᠷᠭᠤᠨ ᠵᠡᠬᠦᠨᠰᠢ ᠤᠷᠤᠰᠤᠨ᠎ᠠ᠂ ᠠᠶᠢᠯ ᠤᠨ ᠲᠤᠭᠤᠷᠢᠨ ᠤ ᠦᠯᠢᠭᠡᠷ ᠲᠤᠮᠤᠬᠳᠤ ᠠᠭᠤᠯᠠ᠂ ᠤᠡᠭᠭᠤᠨ ᠰᠢᠳᠤᠭᠡᠨᠳᠤ ᠠᠭᠤᠯᠠ᠂ ᠨᠠᠪᠳᠠᠭ ᠰᠠᠪᠳᠠᠭ ᠲᠠᠢ ᠭᠤᠷᠪᠡᠨ ᠭᠠᠴᠠᠭ᠎ᠠ ᠬᠠᠳᠡ᠂ ᠠᠷᠭᠤᠮᠠᠭ ᠬᠦᠯᠤᠭ᠌ ᠤᠨ ᠠᠰ ᠪᠤᠰᠤᠭ᠎ᠠ ᠲᠡᠯ ᠬᠡᠮᠡᠷ ᠲᠡᠯ ᠬᠠᠳᠠ᠂ ᠲᠠᠬᠦᠨ ᠤ ᠲᠡᠷᠭᠡᠳᠡᠭᠦᠷ ᠲᠤᠨᠤᠯᠵᠡᠨ ᠮᠡᠯᠮᠡᠷᠡᠭᠰᠡᠨ ᠲᠡᠯ ᠤᠨ ᠲᠠᠯᠠᠪᠠᠢ᠂ ᠬᠤᠶᠠᠷ ᠡᠷᠬᠢᠨ ᠳᠤ ᠨᠢ ᠦᠷᠡᠯ ᠮᠦᠢᠯ ᠤᠨ ᠮᠤᠳᠤ ᠢᠭᠴᠤᠷᠠᠭᠰᠠᠨ ᠦᠷᠡᠯ ᠤᠨ ᠴᠡᠭᠡᠯ᠂ ᠡᠯᠪᠡᠭᠡᠨ ᠵᠢᠯᠠᠭᠠᠨ ᠳᠤ ᠴᠠᠶᠢᠷᠠᠨ ᠲᠤᠭᠳᠠᠭᠰᠠᠨ ᠦᠨᠤᠷᠳᠤ ᠨᠤᠭᠤᠭ᠎ᠠ ᠶᠢᠨ ᠬᠠᠷ᠎ᠠ ᠤᠰᠤᠨ ᠵᠡᠷᠭᠡ ᠡᠨᠡ ᠪᠦᠬᠦᠨ ᠮᠢᠨᠤ ᠤᠨᠠᠭᠠᠨ ᠪᠠᠭ᠎ᠠ ᠨᠠᠰᠤᠨ ᠤ ᠮᠢᠨᠢ ᠵᠢᠷᠭᠠᠯ ᠤᠨ ᠶᠢᠷᠳᠢᠨᠴᠤ ᠪᠤᠯᠵᠤ ᠪᠠᠶᠢᠭᠰᠠᠨ᠃       ᠱᠠᠭᠠᠷᠢᠭᠳᠠᠢ ᠭᠡᠭᠴᠢ ᠮᠢᠨᠤ ᠲᠦᠷᠤᠭ᠍ᠰᠡᠨ ᠨᠤᠳᠤᠭ ᠬᠠᠯᠠᠭᠠᠶᠢᠳᠤ ᠠᠴᠠ ᠨᠡᠬᠦᠵᠤ ᠭᠠᠷᠤᠭᠰᠠᠨ ᠤ ᠲᠠᠷᠠᠭᠠᠬᠢ ᠭᠤᠷᠪᠠᠳᠠᠬᠢ ᠨᠤᠳᠤᠭ ᠪᠢᠯᠡ᠃ ᠦᠨᠡᠨ ᠳᠤ ᠪᠠᠨ ᠪᠢ ᠡᠨᠡ ᠨᠤᠳᠤᠭ ᠲᠤ ᠭᠤᠷᠪᠠᠭ᠋ᠠᠨ ᠵᠢᠯ ᠰᠠᠭᠤᠭᠰᠠᠨ᠂ ᠬᠤᠷᠸ᠎ᠠ ᠨᠡᠶᠢᠭᠡᠮ ᠠᠴᠠ ᠲᠤᠰᠠᠭᠠᠷᠯᠠᠭᠰᠠᠨ ᠬᠡᠮᠡᠷ ᠡᠨᠡ ᠪᠤᠶᠢᠳᠡ ᠪᠦᠭᠯᠡᠬᠦᠤ ᠮᠦᠷᠳᠡᠭᠡᠨ ᠦᠡᠭᠭᠢᠶᠡᠮᠤᠷ ᠲᠠᠩᠰᠤᠭ ᠨᠤᠳᠤᠭ ᠲᠤ᠂ ᠪᠢ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠤᠷᠪᠡ᠂ ᠲᠦᠷᠪᠡᠳᠤᠭᠡᠷ ᠤᠨ ᠢᠶᠠᠨ ᠬᠤᠤᠰᠯᠠᠯ ᠮᠠᠶ᠋ᠢᠭ ᠤᠨ ᠵᠢᠭᠠᠨ ᠰᠤᠷᠭᠠᠬᠤ ᠠᠩᠭᠢ ᠳᠤ ᠦᠡᠭᠭᠡᠷᠡᠭᠡᠭᠰᠡᠨ ᠶᠤᠮ᠃ ᠡᠨᠡ ᠨᠤᠳᠤᠭ ᠤᠨ ᠬᠠᠪᠤᠷ ᠤᠨ ᠵᠡᠷᠭᠡᠯᠭᠡᠨ᠂ ᠵᠤᠨ ᠤ ᠪᠤᠷᠤᠭ᠎ᠠ᠂ ᠨᠠᠮᠤᠷ ᠤᠨ ᠰᠠᠯᠬᠢᠨ᠂ ᠡᠪᠤᠯ ᠤᠨ ᠴᠠᠰᠤᠨ ᠳᠤ ᠲᠤᠭᠯᠠᠵᠤ ᠨᠠᠭᠠᠳᠤᠭᠰᠠᠨ ᠪᠠᠭ᠎ᠠ ᠨᠠᠰᠤ ᠮᠢᠨᠢ᠂ ᠦᠨᠢ ᠮᠦᠡᠭᠭᠡ ᠶᠢᠨ ᠡᠷᠬᠢᠴᠡᠬᠦᠯᠤᠯ ᠪᠤᠯᠵᠤ ᠤᠶᠤᠨ ᠲᠠᠷᠢᠬᠢᠨ ᠳᠤ ᠬᠤᠴᠤᠷᠠᠵᠠᠢ᠃       ᠠᠭᠤᠯᠠ ᠪᠠᠨ ᠲᠦᠰᠢᠵᠤ᠂ ᠤᠰᠤ ᠲᠠᠢ ᠬᠦᠨᠳᠠᠢ ᠪᠠᠨ ᠢᠰᠬᠦᠯᠤᠭ᠍ᠰᠡᠨ ᠡᠨᠡ ᠠᠶᠢᠯ᠂ ᠲᠡᠮᠡᠭᠡᠨ ᠭᠤᠤᠯ ᠤᠨ ᠲᠤᠬᠤᠢ ᠶᠢᠨ ᠵᠡᠬᠦᠨ ᠲᠡᠨᠵᠢᠨ ᠠᠴᠠ ᠨᠢᠭᠡᠯᠡ ᠵᠢᠭᠳᠡ ᠤᠳᠠᠰᠤᠷᠠᠨ᠂ ᠪᠠᠷᠤᠭ ᠭᠤᠷᠪᠠᠨ ᠭᠠᠵᠠᠷ ᠰᠢᠬᠠᠮ ᠤᠨ ᠵᠡᠬᠦᠨ ᠳᠠᠬᠢ ᠪᠤᠮᠪᠤᠭᠤᠷ ᠠᠭᠤᠯᠠ ᠬᠦᠷᠳᠡᠯ᠎ᠡ ᠵᠢᠭᠳᠡᠷᠡᠨ᠎ᠡ᠃ ᠡᠭᠡ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠠᠭᠤᠰᠤᠯᠳᠤᠭᠰᠠᠨ ᠡᠪᠡᠰᠤᠨ ᠲᠡᠭᠡᠪᠤᠷ ᠲᠠᠢ ᠰᠢᠪᠡᠷ ᠬᠡᠷᠡᠮ ᠲᠠᠢ ᠭᠡᠷ ᠪᠠᠶᠢᠰᠢᠩ᠂ ᠪᠠᠶᠢᠰᠢᠩ ᠤᠨ ᠲᠤᠭᠤᠷᠢᠨ ᠳᠤ ᠮᠤᠳᠤᠨ ᠬᠠᠰᠢᠶ᠎ᠠ ᠰᠠᠷᠠᠪᠴᠢ᠂ ᠡᠪᠡᠰᠤ ᠮᠤᠳᠤᠨ ᠲᠦᠯᠡᠭᠡᠨ ᠤᠪᠤᠭ᠎ᠠ ᠦᠷᠬᠦᠯᠵᠢᠯᠡᠭᠰᠡᠨ ᠵᠢᠷᠠ ᠰᠢᠬᠠᠮ ᠡᠷᠤᠭᠡ ᠲᠠᠢ ᠡᠨᠡ ᠠᠶᠢᠯ ᠭᠡᠵᠤ ᠶᠤᠰᠤᠳᠠᠢ ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠲᠠᠯᠠᠭᠠᠤᠨ ᠤᠨ ᠤ ᠦᠶ᠎ᠡ ᠶᠢᠨ ᠬᠠᠭᠠᠰ ᠮᠠᠯᠵᠢᠬᠤ ᠬᠠᠭᠠᠰ ᠲᠠᠷᠢᠶᠠᠯᠠᠬᠤ ᠮᠤᠩᠭᠤᠯ ᠠᠶᠢᠯ ᠤᠨ ᠪᠠᠭᠠᠰᠬᠠᠯ ᠵᠢᠷᠤᠭ ᠭᠡᠰᠡᠨ ᠦᠭᠡ᠃       ᠪᠢ ᠪᠠᠭ᠎ᠠ ᠳᠤ ᠪᠠᠨ ᠵᠤᠨ ᠤ ᠪᠤᠷᠤᠭᠠᠨ ᠱᠠᠭᠠᠬᠢᠨ ᠢᠷᠡᠭᠰᠡᠭᠡᠷ ᠰᠢᠪᠡᠷ ᠪᠠᠶᠢᠰᠢᠩ ᠤᠨ ᠴᠤᠩᠬᠤ ᠪᠠᠷ ᠡᠯᠴᠢᠳᠠᠢ ᠠᠭᠤᠯᠠ ᠶᠢᠨ ᠪᠤᠷᠤᠭᠠᠨ ᠲᠠᠳᠠᠬᠤ ᠶᠢ ᠰᠤᠨᠢᠷᠬᠠᠬᠤ ᠲᠤᠷᠠᠳᠠᠢ᠂ ᠠᠶᠢᠯ ᠠᠴᠠ ᠵᠡᠬᠦᠨᠰᠢ ᠠᠷᠪᠡ ᠰᠢᠬᠠᠮ ᠭᠠᠵᠠᠷ ᠤᠨ ᠴᠠᠭᠠᠨ᠎ᠠ᠂ ᠦᠷᠯᠤᠭᠡ ᠦᠳᠡᠰᠢ ᠶᠢᠨ ᠰᠡᠯᠡᠬᠦᠤ ᠳᠤ ᠪᠠᠨ ᠤᠰᠤᠨ ᠤ ᠴᠢᠮᠡᠭᠡ ᠨᠢ ᠬᠦᠷᠳᠡᠯ᠎ᠡ ᠱᠤᠤᠬᠢᠨ ᠰᠤᠨᠤᠰᠳᠠᠬᠤ ᠴᠤᠤᠯ ᠭᠤᠤᠯ ᠪᠠᠶᠢᠬᠤ ᠪᠦᠭᠡᠤᠨ ᠲᠡᠭᠦᠨ ᠤ ᠵᠡᠬᠦᠨ ᠬᠤᠶᠢᠨ᠎ᠠ ᠨᠢ ᠪᠤᠭᠳᠠ ᠬᠠᠶᠢᠷᠬᠠᠨ ᠴᠡᠩᠭᠡᠷᠯᠡᠨ ᠰᠦᠨᠳᠡᠷᠯᠡᠨ᠎ᠡ᠂ ᠪᠤᠭᠳᠠ ᠠᠭᠤᠯᠠ ᠶᠢᠨ ᠤᠷᠤᠢ ᠳᠤ ᠡᠬᠦᠯᠡ ᠨᠡᠳᠦ᠋ᠢᠨ ᠪᠤᠷᠤᠭᠠᠨ ᠴᠢᠳᠬᠤᠯᠠᠬᠰᠠᠭᠠᠷ ᠲᠡᠮᠡᠢ ᠤᠳᠠᠯ ᠦᠭᠡᠢ᠂ ᠲᠡᠷᠡᠬᠦ ᠡᠬᠦᠯᠡ ᠪᠤᠷᠤᠭᠠᠨ ᠨᠢ ᠶᠠᠭ ᠰᠤᠷᠢᠨᠵᠢᠨ ᠳᠤ ᠲᠠᠳᠠᠭᠳᠠᠭᠰᠠᠨ ᠮᠡᠳᠤ ᠡᠯᠴᠢᠳᠡᠢ ᠠᠭᠤᠯᠠᠨ ᠳᠤ ᠴᠠᠶᠢᠷᠠᠨ ᠢᠷᠡᠵᠤ᠂ ᠤᠶᠢᠷ᠎ᠠ ᠤᠷᠴᠢᠮ ᠤᠨ ᠡᠪᠡᠰᠤ ᠪᠡᠯᠴᠢᠭᠡᠷ᠂ ᠲᠠᠷᠢᠶ᠎ᠠ ᠲᠦᠮᠤᠰᠤ ᠶᠢ ᠲᠡᠪᠳᠤᠳᠡᠯ᠎ᠡ ᠰᠠᠶᠢᠬᠠᠨ ᠴᠢᠤᠨᠬᠤᠯᠠᠳᠠᠭ᠃ ᠪᠢ ᠪᠤᠭᠳᠠ ᠠᠭᠤᠯᠠ ᠪᠡ ᠡᠯᠴᠢᠳᠠᠢ ᠠᠭᠤᠯᠠ ᠶᠢᠨ ᠨᠠᠭᠠᠰᠢ ᠴᠠᠭᠠᠰᠢ ᠪᠤᠷᠤᠭᠠᠨ ᠲᠠᠳᠠᠬᠤ ᠶᠢ ᠦᠵᠡᠬᠦ ᠪᠦᠷᠢ ᠰᠤᠨᠢᠭᠤᠴᠢ ᠵᠠᠩ ᠮᠢᠨᠢ ᠬᠦᠳᠡᠯᠤᠨ ᠠᠪᠤ ᠠᠴᠠ ᠪᠠᠨ᠄         — ᠡᠨᠡ ᠬᠤᠶᠠᠷ ᠠᠭᠤᠯᠠ ᠶᠠᠭᠠᠬᠢᠭᠠᠤᠨ ᠬᠠᠷᠢᠯᠴᠡᠨ ᠪᠤᠷᠤᠭᠠᠨ ᠲᠠᠳᠠᠳᠠᠭ ᠶᠤᠮ ᠪᠤᠢ︖ ᠭᠡᠬᠦ ᠳᠤ ᠠᠪᠤ ᠮᠢᠨᠢ᠄       — ᠡᠯᠴᠢᠳᠡᠢ ᠠᠭᠤᠯᠠᠨ ᠳᠤ ᠪᠤᠭᠳᠠ ᠠᠭᠤᠯᠠ ᠶᠢᠨ ᠡᠵᠡᠨ ᠰᠢᠳᠤᠭᠡᠨ ᠤ ᠡᠯᠴᠢᠨ ᠰᠠᠶᠢᠤᠨ ᠤᠷᠤᠰᠢᠳᠠᠭ ᠃ ᠡᠳᠡᠭᠡᠷ ᠰᠢᠳᠤᠭᠡᠨ ᠡᠬᠦᠯᠡ ᠪᠤᠷᠤᠭᠠᠨ ᠢᠶᠠᠷ ᠰᠠᠶ᠋ᠢ ᠤᠴᠠᠷᠠᠨ ᠵᠤᠯᠭᠠᠳᠠᠭ ᠶᠤᠮ᠃ ᠦᠨᠡᠨ ᠳᠤ ᠪᠠᠨ ᠡᠯᠴᠢᠳᠠᠢ ᠠᠭᠤᠯᠠ ᠶᠢᠨ ᠤᠤᠯ ᠨᠡᠷ᠎ᠡ ᠨᠢ ᠡᠯᠴᠢᠨ ᠰᠠᠶᠢᠤᠨ ᠤᠨ ᠠᠭᠤᠯᠠ ᠮᠦᠨ ᠬᠡᠬᠦ ᠳᠤ ᠪᠢ ᠨᠡᠩ ᠭᠠᠶᠢᠬᠠᠨ᠄       — ᠠᠭᠤᠯᠠ ᠪᠤᠯᠭᠠᠨ ᠳᠤ ᠪᠦᠷ ᠰᠢᠳᠤᠭᠡᠨ ᠲᠠᠢ ᠤᠤ︖ ᠡᠳᠡᠭᠡᠷ ᠰᠢᠳᠤᠭᠡᠨ ᠠᠭᠤᠯᠵᠠᠬᠤ ᠳᠤ ᠪᠠᠨ ᠶᠠᠭᠤᠨ ᠳᠤ ᠡᠬᠦᠯᠡ ᠪᠤᠷᠤᠭᠠᠨ ᠤ ᠪᠠᠨ ᠲᠡᠭᠡᠷ᠎ᠡ ᠬᠠᠶᠠ ᠪᠠᠰᠠ ᠠᠶᠤᠩᠭ᠎ᠠ ᠴᠠᠬᠢᠯᠭᠠᠨ ᠪᠠᠭᠤᠯᠭᠠᠳᠠᠭ ᠪᠢᠯᠡ︖ ᠬᠡᠬᠦ ᠳᠤ ᠠᠪᠤ ᠮᠢᠨᠢ᠄       — ᠪᠦᠷ ᠪᠠᠶᠢᠨ᠎ᠠ᠂ ᠡᠬᠦᠨ ᠢ ᠪᠠᠰᠠ ᠠᠭᠤᠯᠠ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠴᠤ ᠭᠡᠳᠡᠭ᠂ ᠡᠬᠦᠯᠡ ᠪᠤᠷᠤᠭᠠᠨ ᠲᠡᠭᠡᠷ᠎ᠡ ᠠᠶᠤᠩᠭ᠎ᠠ ᠴᠠᠬᠢᠯᠭᠠᠨ ᠪᠠᠭᠤᠯᠭᠠᠳᠠᠭ ᠨᠢ ᠠᠭᠤᠯᠠᠨ ᠤ ᠤᠢ ᠮᠤᠳᠤᠨ ᠢ ᠲᠤᠷ᠎ᠠ ᠪᠠᠷ ᠤᠭᠳᠤᠯᠤᠨ᠂ ᠠᠡᠭ ᠬᠦᠷᠤᠭᠡ ᠶᠢ ᠨᠢᠳᠤᠯᠤᠭ᠍ᠴᠢᠤᠨ ᠢ ᠠᠭᠰᠤᠷᠤᠨ ᠵᠠᠩᠨᠠᠵᠤ ᠰᠢᠬᠦᠮᠵᠢᠯᠠᠨ ᠲᠤᠩᠭᠤᠳᠤᠵᠤ ᠪᠠᠶᠢᠬᠤ ᠪᠦᠭᠡᠤᠨ ᠶᠠᠭ ᠬᠡᠳᠤᠷᠡᠭᠰᠡᠤᠨ ᠲᠤ ᠨᠢ ᠲᠡᠭᠷᠢ ᠶᠢᠨ ᠭᠠᠯ ᠪᠠᠭᠤᠯᠭᠠᠨ ᠵᠠᠯᠬᠠᠭᠠᠳᠠᠭ ᠶᠤᠮ᠃       ᠮᠢᠨᠤ ᠬᠡᠤᠬᠡᠤᠨ ᠦᠶ᠎ᠡ ᠶᠢᠨ ᠠᠭᠤᠯᠠ ᠤᠰᠤᠨ ᠳᠤ ᠦᠨᠡᠭᠡᠷ ᠪᠦᠷ ᠰᠢᠳᠤᠭᠡᠨ ᠰᠠᠬᠢᠭᠤᠰᠤ ᠲᠠᠢ ᠪᠠᠶᠢᠵᠤ ᠮᠡᠳᠡᠨ᠎ᠡ᠃ ᠠᠭᠤᠯᠠ ᠲᠠᠪᠠᠭ᠎ᠠ ᠪᠦᠬᠦᠨ ᠡᠪᠡᠰᠤ ᠮᠤᠳᠤᠨ ᠳᠤ ᠬᠤᠴᠢᠭᠳᠠᠨ᠂ ᠦᠡᠭᠭᠡ ᠶᠢᠨ ᠴᠡᠴᠡᠭᠡᠰ ᠠᠯᠠᠬᠯᠠᠨ᠎ᠠ᠃ ᠭᠤᠪᠢ ᠭᠠᠨᠭ᠍ᠭ᠎ᠠ ᠪᠦᠷᠢ ᠠᠴᠠ ᠪᠤᠯᠠᠭ ᠤᠷᠬᠢᠯᠤᠨ᠂ ᠬᠦᠨᠳᠠᠢ ᠵᠢᠯᠠᠭ᠎ᠠ ᠪᠦᠬᠦᠨ ᠳᠤ ᠨᠢ ᠨᠠᠭᠤᠷ ᠪᠦᠷᠢᠳᠤ ᠲᠤᠨᠤᠯᠵᠠᠭᠠᠤᠨ᠂ ᠵᠦᠢᠯ ᠤᠨ ᠰᠢᠪᠠᠭᠤᠤᠨ ᠵᠢᠷᠬᠢᠨ᠎ᠠ᠃ ᠮᠢᠨᠤ ᠦᠵᠡᠵᠤ ᠪᠠᠶᠢᠭᠰᠠᠨ ᠠᠩᠬ᠎ᠠ ᠵᠡᠷᠭᠡ ᠶᠢᠨ ᠬᠤᠤᠰᠯᠠᠯ ᠮᠠᠶ᠋ᠢᠭ ᠤᠨ ᠵᠢᠭᠠᠨ ᠰᠤᠷᠭᠠᠬᠤ ᠰᠤᠷᠭᠠᠭᠤᠯᠢ ᠶᠢᠨ ᠵᠡᠪ ᠴᠢᠯᠤᠭᠡ ᠭᠡᠵᠤ ᠪᠠᠶᠢᠬᠤ ᠯᠡ ᠲᠤᠯᠠ ᠨᠠᠳᠠᠳᠤ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠭᠡᠭᠴᠢ ᠲᠦᠢᠯ ᠤᠨ ᠡᠷᠭᠡ ᠴᠢᠯᠤᠭᠡᠳᠡᠢ ᠪᠦᠭᠡᠤᠨ ᠨᠠᠭᠠᠳᠤᠨ ᠲᠤᠭᠯᠠᠬᠤ ᠠᠭᠤᠯᠭ᠎ᠠ ᠴᠤ ᠡᠯᠪᠡᠭ ᠪᠠᠶᠢᠳᠠᠭ᠃ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢ ᠨᠢᠭᠡ ᠠᠴᠠ ᠬᠤᠶᠠᠳᠤᠭᠠᠷ ᠤᠨ ᠲᠠᠢ ᠨᠢ ᠵᠢᠭᠠᠨ ᠰᠤᠷᠭᠠᠬᠤ ᠴᠡᠭ᠂ ᠨᠢᠭᠡ ᠠᠴᠠ ᠲᠦᠷᠪᠡᠳᠤᠭᠡᠷ ᠤᠨ ᠲᠠᠢ ᠶᠢ ᠨᠢ ᠠᠩᠬ᠎ᠠ ᠵᠡᠷᠭᠡ ᠶᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ᠂ ᠨᠢᠭᠡ ᠠᠴᠠ ᠲᠠᠪᠤᠳᠤᠭᠠᠷ ᠤᠨ ᠬᠦᠷᠳᠡᠯ᠎ᠡ ᠪᠠᠶᠢᠬᠤ ᠶᠢ ᠪᠦᠷᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠭᠡᠵᠤ᠂ ᠨᠢᠭᠡᠳᠤᠯ ︵ᠰᠤᠮᠤ︶ ᠤᠨ ᠪᠦᠷᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢ ᠭᠤᠤᠯ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠭᠡᠳᠡᠭ᠃       ᠬᠠᠭᠳᠠ ᠨᠤᠭᠤᠭᠠᠷᠠᠨ᠂ ᠢᠷᠭᠤᠢ ᠨᠢᠳᠤᠯᠡᠨ ᠬᠠᠪᠤᠷ ᠤᠨ ᠤᠷᠢᠨ ᠢᠷᠡᠭᠰᠡᠭᠡᠷ ᠴᠠᠰᠤ ᠮᠦᠰᠤ ᠨᠢ ᠤᠶᠠᠷᠠᠨ ᠬᠠᠶᠢᠯᠤᠭᠰᠠᠨ ᠲᠡᠮᠡᠭᠡᠨ ᠭᠤᠤᠯ ᠤᠨ ᠤᠰᠤ᠂ ᠡᠷᠬᠢ ᠬᠡᠪᠡᠯᠢ ᠪᠠᠨ ᠪᠢᠯᠬᠠᠭᠤᠯᠤᠨ ᠤᠷᠤᠰᠤᠨ᠎ᠠ᠃ ᠡᠨᠡ ᠨᠢ ᠮᠢᠨᠤ ᠲᠡᠰᠴᠤ ᠶᠠᠳᠠᠨ ᠬᠦᠯᠢᠶᠡᠳᠡᠭ ᠴᠡᠩᠭᠡᠯᠳᠤ ᠤᠯᠠᠷᠢᠯ ᠪᠢᠯᠡ᠃ ᠲᠡᠷᠡ ᠦᠶ᠎ᠡ ᠳᠤ ᠮᠠᠨ ᠳᠤ ᠭᠡᠷ ᠤᠨ ᠲᠠᠰᠬᠠᠯ ᠭᠡᠵᠤ ᠪᠠᠶᠢᠬᠤ ᠦᠭᠡᠢ ᠲᠤᠯᠠ ᠡᠷᠳᠡ ᠤᠷᠤᠢ ᠭᠠᠷᠠᠭ ᠤᠨ ᠡᠳᠤᠷ ᠲᠤ ᠨᠡᠶᠢᠳᠡᠮ ᠳᠤ ᠪᠠᠨ ᠬᠤᠷᠤᠭᠤ ᠪᠦᠳᠦᠬᠦᠨ ᠬᠤᠤᠰ ᠠᠯᠳᠡ ᠬᠢᠷᠢ ᠪᠤᠷᠭᠠᠰᠤᠨ ᠤ ᠦᠵᠦᠬᠦᠷ ᠲᠤ ᠮᠧᠳ᠋ᠷ ᠰᠢᠬᠠᠮ ᠱᠦᠬᠦᠷ ᠤᠨ ᠬᠤᠯᠤᠰᠤ ᠵᠠᠯᠭᠠᠨ ᠤᠶᠠᠭᠰᠠᠨ ᠬᠦᠬᠢ ᠶᠢᠨ ᠡᠰᠢ ᠪᠠᠨ ᠡᠬᠦᠷᠤᠨ ᠲᠡᠮᠡᠭᠡᠨ ᠭᠤᠤᠯ ᠤᠨ ᠡᠷᠬᠢ ᠬᠦᠪᠡᠭᠡ ᠪᠠᠷ ᠵᠢᠭᠠᠰᠤ ᠭᠤᠬᠠᠳᠠᠨ ᠬᠦᠶᠦᠳᠡᠭ᠃ ᠪᠢ ᠬᠦᠬᠢᠳᠡᠨ ᠤᠯᠤᠭᠰᠠᠨ ᠬᠠᠷ᠎ᠠ ᠬᠦᠷᠡᠩᠭᠡ᠂ ᠴᠤᠯᠪᠤᠭᠤᠷᠢᠳᠤ ᠵᠢᠭᠠᠰᠤ ︵ᠪᠠᠰᠠ ᠰᠢᠪᠠᠭ᠎ᠠ ᠵᠢᠭᠠᠰᠤ ᠭᠡᠳᠡᠭ︶ ᠪᠠᠨ ᠪᠤᠷᠭᠠᠰᠤᠨ ᠰᠢᠪᠤᠭᠡᠨ ᠳᠤ ᠬᠡᠯᠬᠢᠨ᠂ ᠬᠡᠳᠤ ᠬᠡᠳᠤᠨ ᠰᠢᠪᠦᠭᠡ ᠵᠢᠭᠠᠰᠤ ᠪᠠᠨ ᠬᠦᠬᠢᠨ ᠡᠰᠢ ᠳᠤ ᠪᠠᠨ ᠲᠡᠬᠦᠵᠢᠯᠠᠨ᠂ ᠤᠮᠤᠭ ᠲᠡᠬᠦᠯᠳᠡᠷ ᠭᠡᠷ ᠲᠤ ᠪᠠᠨ ᠢᠷᠡᠳᠡᠭ᠃ ᠡᠵᠢ ᠮᠢᠨᠢ ᠬᠦᠬᠢᠳᠡᠭᠰᠡᠨ ᠵᠢᠭᠠᠰᠤ ᠶᠢ ᠠᠩᠭᠢᠯᠤᠮ᠎ᠠ ᠰᠠᠶᠢᠬᠠᠨ ᠵᠢᠭᠠᠰᠤᠨ ᠵᠢᠶᠠᠩ ᠬᠠᠭᠤᠷᠤᠨ ᠪᠦᠬᠦ ᠭᠡᠷ ᠢᠶᠠᠷ ᠢᠶᠠᠨ ᠨᠢᠭᠡᠨ ᠡᠷᠡᠨ ᠤ ᠠᠮᠳᠠᠳᠤ ᠬᠤᠭᠤᠯᠠ ᠪᠠᠨ ᠢᠳᠡᠳᠡᠭ᠃       — ᠠᠢ ᠳ᠋ᠡ︕ ᠬᠠᠪᠤᠷ ᠤᠨ ᠬᠠᠳᠠᠭᠤ ᠴᠠᠭ ᠲᠤ ᠬᠦᠤ ᠶᠢᠨ ᠢᠶᠠᠨ ᠰᠠᠶᠢᠨ ᠢᠶᠠᠷ ᠪᠠᠰᠠ ᠨᠢᠭᠡ ᠡᠷᠡᠨ ᠤ ᠠᠮᠳᠠᠳᠤ ᠬᠤᠭᠤᠯᠠ ᠪᠠᠨ ᠢᠳᠡᠴᠢᠭᠡᠯ᠎ᠡ᠃ ᠬᠦᠯᠭᠡ ᠨᠢ ᠰᠠᠶᠢᠬᠠᠨ ᠴᠤ ᠬᠠᠷᠢᠨ ᠪᠤᠳᠠᠭᠠᠨ ᠳᠤ ᠬᠠᠯᠠ ᠲᠠᠢ ᠭᠡᠵᠤ ᠡᠵᠢ ᠮᠢᠨᠢ ᠦᠷᠬᠦᠯᠵᠢ ᠶᠠᠷᠢᠳᠠᠭ ᠦᠭᠡ ᠪᠠᠨ ᠲᠡᠪᠳᠡᠨ ᠬᠡᠯᠡᠳᠡᠭ᠃       ᠡᠵᠢ ᠶᠢᠨ ᠢᠶᠠᠨ ᠦᠭᠡ ᠶᠢ ᠲᠡᠷᠡ ᠦᠶ᠎ᠡ ᠳᠤ ᠪᠢ ᠤᠶᠢᠯᠠᠭᠠᠭᠰᠠᠨ ᠦᠭᠡᠢ᠃ ᠡᠳᠤᠷ ᠪᠦᠷᠢ ᠡᠭᠡᠯᠵᠢᠯᠡᠨ ᠢᠳᠡᠳᠡᠭ ᠨᠠᠷᠢᠮᠤ ᠶᠢᠨ ᠪᠤᠳᠠᠭ᠎ᠠ᠂ ᠡᠷᠳᠡᠨᠢ ᠶᠢᠨ ᠰᠢᠰᠢ ᠶᠢᠨ ᠪᠤᠳᠠᠭ᠎ᠠ ᠪᠤᠶᠤ ᠪᠤᠤᠪᠤ᠂ ᠨᠢᠭᠡᠯᠡ ᠲᠠᠪᠠᠭ ᠲᠠᠪᠤᠰᠤᠯᠠᠭᠰᠠᠨ ᠨᠤᠭᠤᠭ᠎ᠠ ᠳᠤ ᠨᠢ ᠵᠢᠭᠠᠰᠤᠨ ᠵᠢᠶᠡᠩ ᠤᠨ ᠵᠠᠭᠤᠰᠢ ᠨᠡᠮᠡᠭᠰᠡᠨ ᠤ ᠮᠢᠨᠢ ᠮᠠᠭᠳᠠᠭᠠᠯ ᠯᠡ ᠬᠡᠮᠡᠨ ᠤᠮᠤᠭᠰᠢᠵᠤ ᠪᠠᠶᠢᠭᠰᠠᠨ᠃ ᠪᠦᠳᠤᠭᠦᠯᠢᠭ ᠠᠮᠤ ᠨᠢ ᠴᠤ ᠲᠤᠭᠠᠳᠠᠢ ᠪᠠᠶᠢᠭᠰᠠᠨ ᠲᠡᠷᠡ ᠦᠶ᠎ᠡ ᠳᠤ ᠠᠪᠤ ᠶᠢᠨ ᠰᠠᠷ᠎ᠡ ᠶᠢᠨ ᠬᠠᠨᠭ᠍ᠭᠠᠯᠳᠡ ᠠᠷᠪᠡᠨ ᠵᠢᠩ ᠪᠤᠭᠤᠳᠠᠢ ᠶᠢᠨ ᠭᠤᠯᠢᠷ ᠠᠴᠠ ᠤᠨᠳᠤᠤ ᠬᠠᠮᠢᠭ᠎ᠠ ᠠᠴᠠ ᠢᠷᠡᠭᠰᠡᠨ ᠲᠤᠳᠤᠷᠭ᠎ᠠ ᠠᠮᠤ ᠪᠠᠶᠢᠳᠠᠭ ᠪᠢᠯᠡ᠃ ᠲᠤᠳᠤᠷᠭ᠎ᠠ ᠪᠤᠳᠠᠭ᠎ᠠ ᠪᠡ ᠰᠢᠨ᠎ᠡ ᠬᠤᠪᠴᠠᠰᠤ ᠶᠢ ᠪᠢᠳᠡᠬᠦᠨ ᠤ ᠡᠳᠤᠷ ᠯᠡ ᠰᠠᠶ᠋ᠢ ᠤᠯᠵᠤ ᠬᠦᠷᠳᠡᠳᠡᠭ ᠲᠡᠷᠡ ᠦᠶ᠎ᠡ ᠭᠡᠵᠤ ᠬᠡᠴᠢᠨᠡᠨ ᠲᠠᠷᠴᠢᠭ ᠬᠠᠳᠠᠭᠤ ᠪᠠᠶᠢᠯ᠎ᠠ᠃ ᠬᠠᠭᠤᠴᠢᠨ ᠬᠦᠪᠤᠡᠭ ᠲᠡᠪᠡᠯ ᠦᠮᠤᠳᠤᠨ ᠳᠤ ᠪᠠᠨ ᠲᠤᠬᠤᠵᠤ ᠡᠮᠤᠰᠬᠦ ᠪᠠᠷ ᠡᠵᠢ ᠶᠢᠨ ᠮᠢᠨᠢ ᠭᠠᠷ ᠢᠶᠠᠷ ᠤᠶᠤᠵᠤ ᠦᠭᠭᠦᠭᠰᠡᠨ ᠬᠤᠪᠴᠠᠰᠤ ᠪᠠᠨ ᠪᠢᠳᠡ ᠪᠠᠰᠠ ︽ᠰᠢᠨ᠎ᠡ ᠵᠢᠯ ᠤᠨ ᠬᠠᠯᠢᠰᠤ ᠬᠠᠯᠠᠭᠰᠠᠨ︾ ᠭᠡᠵᠡᠭᠡᠳᠡᠭ᠃ ᠲᠡᠷᠡ ᠦᠶ᠎ᠡ ᠳᠤ ᠬᠠᠪᠤᠷ ᠨᠠᠮᠤᠷ ᠤᠨ ᠲᠤᠰᠬᠠᠢ ᠬᠠᠯᠠᠬᠤ ᠬᠤᠪᠴᠠᠰᠤ ᠭᠡᠵᠤ ᠬᠠᠮᠢᠭ᠎ᠠ ᠪᠠᠶᠢᠬᠤ ᠪᠢᠯᠡ︖ ᠬᠦᠪᠤᠡᠭ ᠬᠤᠪᠴᠠᠰᠤ ᠪᠠᠨ ᠲᠠᠶᠢᠯᠮᠠᠭᠴᠡ᠂ ᠭᠠᠳᠠᠭᠤᠷ ᠨᠢ ᠲᠤᠬᠤᠭᠰᠠᠨ ᠳ᠋ᠠᠩ ᠬᠤᠪᠴᠠᠰᠤᠨ ᠳᠤ ᠪᠠᠨ ᠤᠷᠤᠳᠠᠭ ᠲᠤᠯᠠ ᠪᠢᠳᠡ ᠶᠠᠭ ᠰᠢᠩᠭᠡᠯᠢᠭ ᠠᠴᠠ ᠭᠠᠷᠤᠭᠰᠠᠨ ᠪᠤᠯᠵᠤᠮᠤᠷ ᠰᠢᠬ ᠨᠢᠰᠤᠨ ᠲᠡᠪᠳᠡᠷᠢᠮᠡᠷ ᠬᠦᠡᠭᠭᠡᠨ ᠱᠠᠯᠠᠮᠠᠭᠠᠢ ᠪᠤᠯᠳᠠᠭ᠃ ᠰᠦᠮᠡᠯᠵᠡᠭᠰᠡᠨ ᠲᠤᠰᠤᠨ ᠳ᠋ᠸᠡᠭ ᠤᠨ ᠲᠤᠤᠷ᠎ᠠ ᠬᠡᠤᠬᠡᠤᠨ ᠤᠨ ᠢᠶᠠᠨ ᠰᠢᠨ᠎ᠡ ᠬᠤᠪᠴᠠᠰᠤ ᠶᠢ ᠤᠶᠤᠵᠤ ᠰᠦᠨᠢ ᠲᠤᠵᠢ ᠪᠦᠭᠴᠤᠭᠡᠨᠡᠨ ᠰᠠᠭᠤᠭᠰᠠᠨ ᠡᠵᠢ ᠶᠢ ᠪᠠᠨ ᠪᠤᠳᠤᠪᠡᠯ ᠤᠳᠤ ᠬᠤᠶᠠᠷ ᠨᠢᠳᠤᠨ ᠠᠴᠠ ᠨᠢᠯᠪᠤᠰᠤ ᠪᠦᠮᠪᠤᠷᠢᠳᠡᠭ ᠰᠡᠨ᠃       ᠪᠦᠬᠦᠯᠢ ᠮᠢᠬ᠎ᠠ᠂ ᠲᠤᠳᠤᠷᠭ᠎ᠠ ᠪᠤᠳᠠᠭ᠎ᠠ᠂ ᠠᠮᠳᠠᠳᠤ ᠪᠠᠩᠰᠢ᠂ ᠰᠢᠨ᠎ᠡ ᠬᠤᠪᠴᠠᠰᠤ ᠤᠯᠵᠤ ᠢᠳᠡᠳᠡᠭ ᠪᠢᠳᠡᠬᠦᠨ ᠰᠢᠨ᠎ᠡ ᠶᠢᠨ ᠨᠢᠭᠡᠨ ᠤ ᠲᠡᠷᠡ ᠰᠠᠶᠢᠬᠠᠨ ᠬᠤᠶᠠᠷ ᠡᠳᠤᠷ ᠢ ᠪᠢᠳᠡ ᠬᠤᠨᠤᠭ ᠲᠤᠭᠠᠯᠠᠨ ᠬᠦᠯᠢᠶᠡᠳᠡᠭ᠃ ᠲᠡᠷᠡ ᠬᠤᠶᠠᠷ ᠡᠳᠤᠷ ᠤᠨ ᠲᠡᠭᠷᠢ ᠶᠢᠨ ᠴᠢᠷᠠᠢ ᠨᠢ ᠬᠦᠷᠳᠡᠯ᠎ᠡ ᠮᠠᠨ ᠳᠤ ᠢᠨᠢᠶᠡᠵᠤ ᠪᠠᠶᠢᠭ᠎ᠠ ᠰᠢᠭ᠋ ᠬᠠᠷᠠᠭᠳᠠᠳᠠᠭ᠃ ᠬᠦᠰᠡᠨ ᠬᠦᠯᠢᠶᠡᠬᠦ ᠠᠴᠠ ᠤᠨᠳᠤᠤ ᠰᠠᠶᠢᠬᠠᠨ ᠤᠴᠢᠷ ᠪᠠᠰᠠ ᠪᠠᠶᠢᠳᠠᠭ ᠪᠢᠯᠡ ᠤᠤ︖ ᠲᠡᠷᠡ ᠦᠶ᠎ᠡ ᠶᠢᠨ ᠬᠦᠳᠡᠭᠡ ᠶᠢᠨ ᠬᠦᠮᠤᠰ᠂ ᠤᠷᠤᠢ ᠶᠢᠨ ᠬᠦᠯᠤᠰᠤ ᠪᠠᠨ ᠤᠯᠠ ᠳᠤ ᠪᠠᠨ ᠲᠤᠯᠳᠠᠯ᠎ᠠ ᠤᠷᠤᠰᠬᠠᠵᠤ ᠪᠠᠶᠢᠵᠤ ᠤᠯᠤᠭᠰᠠᠨ ᠢᠶᠠᠨ ᠴᠠᠭᠠᠨ ᠰᠠᠷ᠎ᠡ ᠳᠤ ᠪᠠᠨ ᠯᠡ ᠡᠳ᠋ᠯᠡᠳᠡᠭ᠃ ︽ᠴᠠᠤᠨᠬᠤ ᠨᠢ ᠴᠠᠭᠠᠨ ᠰᠠᠷ᠎ᠡ᠂ ᠴᠠᠶᠢᠪᠠᠶᠢᠬᠤ ᠨᠢ ᠬᠤᠶᠠᠷ ᠰᠠᠷ᠎ᠡ︾ ᠭᠡᠰᠡᠨ ᠦᠭᠡ ᠶᠢ ᠪᠢ ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠲᠤᠩ ᠰᠠᠶᠢᠬᠠᠨ ᠴᠡᠭᠡᠵᠢᠯᠡᠵᠡᠢ᠃ ᠵᠤᠪᠡᠯ ᠵᠦᠳᠡᠬᠦᠷᠢ ᠶᠢ ᠲᠡᠰᠪᠤᠷᠢᠯᠡᠨ ᠲᠡᠪᠡᠵᠤ᠂ ᠵᠤᠯ ᠵᠢᠷᠭᠠᠯ ᠢ ᠡᠷᠬᠢᠮᠯᠡᠨ ᠬᠠᠶᠢᠷᠠᠯᠠᠳᠠᠭ ᠬᠦᠮᠤᠨ ᠮᠦᠰᠤ᠂ ᠲᠡᠷᠡ ᠦᠶ᠎ᠡ ᠠᠴᠠ ᠨᠡᠳᠡ ᠳᠤ ᠡᠬᠢᠯᠡᠨ ᠪᠦᠷᠢᠯᠳᠤᠭ᠍ᠰᠡᠨ ᠪᠠᠶᠢᠬ᠎ᠠ᠃       ᠴᠠᠭ ᠤᠨ ᠬᠤᠷ᠎ᠠ ᠵᠦᠰᠡᠷᠡᠨ᠂ ᠴᠡᠴᠡᠭᠡᠰ ᠠᠯᠠᠭᠯᠠᠭᠰᠠᠨ ᠵᠤᠨ ᠤ ᠤᠯᠠᠷᠢᠯ ᠬᠦᠷᠤᠭᠡᠤᠨ ᠢᠷᠡᠭᠰᠡᠭᠡᠷ ᠰᠤᠷᠭᠠᠭᠤᠯᠢ ᠠᠴᠠ ︽ᠲᠠᠷᠢᠶᠠᠯᠠᠩ ᠶᠠᠭᠠᠷᠠᠤ ᠴᠢᠯᠤᠭᠡ︾ ᠭᠡᠮᠡᠨ ᠲᠠᠯᠪᠢᠳᠠᠭ᠃ ᠮᠠᠨ ᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠤᠨ ᠲᠤ ᠪᠤᠯ ᠪᠠᠰᠠ ᠴᠤ ᠨᠠᠭᠠᠳᠤᠨ ᠲᠤᠭᠯᠠᠬᠤ ᠴᠡᠩᠭᠡᠯ ᠤᠨ ᠰᠠᠶᠢᠬᠠᠨ ᠤᠯᠠᠷᠢᠯ ᠮᠦᠨ᠃ ᠡᠳᠤᠷᠵᠢᠨ ᠠᠭᠤᠯᠠ ᠲᠠᠪᠠᠭ᠎ᠠ ᠦᠭᠰᠤᠨ ᠦᠷᠡᠯ᠂ ᠮᠦᠢᠯ᠂ ᠤᠯᠠᠭᠠᠨ᠎ᠠ᠂ ᠬᠤᠷ ᠬᠦᠢᠯᠡᠰᠤ᠂ ᠬᠠᠷ᠎ᠠ ᠲᠡᠯᠳᠡᠤ ᠲᠡᠬᠦᠵᠤ᠂ ᠲᠠᠯ᠎ᠠ ᠬᠦᠨᠳᠠᠢ ᠪᠠᠷ ᠬᠦᠶᠤᠯᠳᠤᠨ ᠬᠦᠭᠡ ᠬᠤᠸᠠᠯᠠᠢ᠂ ᠴᠠᠭᠠᠨ ᠬᠤᠸᠠᠯᠠᠢ ᠮᠦᠬᠦ ᠲᠡᠬᠦᠨ᠂ ᠬᠤᠨᠢᠨ ᠱᠦᠬᠦᠷ᠂ ᠵᠡᠭᠡᠷᠭᠡᠨ᠎ᠡ ᠵᠡᠷᠭᠡ ᠡᠮ ᠤᠨ ᠦᠨᠳᠤᠰᠤ ᠮᠠᠯᠳᠠᠨ᠂ ᠨᠠᠭᠠᠳᠤᠨ ᠲᠤᠭᠯᠠᠬᠤ ᠪᠡ ᠲᠤᠰᠠᠯᠠᠬᠤ ᠤᠶᠢᠯᠡᠤᠡᠪᠤᠷᠢᠯᠡᠯ ᠢ ᠵᠡᠷᠭᠡ ᠳᠤ ᠨᠢ ᠬᠢᠵᠤ ᠠᠮᠠ ᠪᠦᠯᠢ ᠤᠯᠠᠨᠳᠠᠢ ᠭᠡᠷ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠦᠭᠡᠳᠡ ᠲᠠᠳᠠᠵᠤ ᠪᠠᠶᠢᠭᠰᠠᠨ᠃ ᠲᠡᠷᠡ ᠯᠡ ᠦᠶ᠎ᠡ ᠶᠢᠨ ᠡᠮ ᠤᠨ ᠦᠨᠳᠤᠰᠤ ᠮᠠᠯᠳᠠᠭᠰᠠᠨ ᠵᠢᠭᠠᠬᠠᠨ ᠤᠯᠵᠠ ᠮᠢᠨᠢ᠂ ᠡᠷᠭᠡ ᠲᠠᠷᠬᠠᠨ ᠪᠠᠶᠢᠭᠠᠯᠢ ᠳᠤ ᠪᠠᠨ ᠬᠠᠷᠢᠨ ᠲᠤᠮᠤᠬᠠᠨ ᠭᠠᠷᠤᠵᠠ ᠪᠡ ᠬᠤᠬᠢᠷᠠᠯ ᠪᠤᠯᠵᠤ ᠪᠠᠶᠢᠭᠰᠠᠨ ᠢ ᠬᠤᠵᠢᠮ ᠨᠢ ᠲᠤᠮᠤ ᠪᠤᠯᠤᠭᠠᠤᠨ ᠰᠠᠶ᠋ᠢ ᠤᠬᠠᠭᠠᠵᠤ ᠮᠡᠳᠡᠵᠡᠢ᠃       ᠲᠤᠭ᠎ᠠ ᠲᠠᠢ ᠬᠡᠳᠤᠬᠡᠨ ᠰᠠᠷ᠎ᠡ ᠶᠢᠨ ᠴᠠᠯᠢᠩ ᠢᠶᠠᠷ ᠮᠠᠨ ᠤ ᠡᠭᠡᠴᠢ ᠲᠡᠬᠦᠤ ᠤᠯᠠᠨ ᠢ ᠡᠪᠤᠳᠤᠭ᠌ ᠪᠦᠳᠤᠨ ᠭᠡᠳᠡᠰᠤ ᠴᠠᠤᠨᠬᠤᠯᠠᠩ ᠠᠪᠴᠤ ᠶᠠᠪᠤᠭᠰᠠᠨ ᠪᠦᠭᠡᠤᠨ ᠨᠢᠭᠡ ᠨᠢᠭᠡ ᠪᠠᠷ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠢ ᠬᠦᠭᠡᠭᠡᠯᠭᠡᠭᠰᠡᠨ ᠠᠪᠤ ᠡᠵᠢ ᠳᠤ ᠪᠠᠨ ᠪᠢ ᠲᠠᠯᠠᠷᠬᠠᠬᠤ ᠶᠤᠰᠤᠳᠠᠢ᠃ ᠡᠷᠭᠡ ᠬᠤᠨᠭ᠍ᠭᠤᠷᠬᠠᠨ ᠬᠡᠤᠬᠡᠤᠨ ᠨᠠᠰᠤᠨ ᠳᠤ ᠠᠯᠢᠶᠠᠷᠬᠠᠨ ᠲᠤᠭᠯᠠᠬᠤ ᠪᠡ ᠠᠵᠢᠯ ᠬᠦᠳᠡᠯᠮᠤᠷᠢ ᠶᠢᠨ ᠪᠠᠶᠠᠷ ᠴᠡᠩᠭᠡᠯ ᠢ ᠤᠯᠭᠤᠵᠤ ᠦᠭᠭᠦᠭᠰᠡᠨ ᠡᠭᠡ ᠨᠤᠳᠤᠭ ᠤᠨ ᠢᠶᠠᠨ ᠠᠭᠤᠯᠠ ᠤᠰᠤᠨ ᠳᠤ ᠪᠠᠨ ᠢᠭ᠍ᠳᠤᠯᠤᠨ ᠲᠠᠯᠠᠷᠬᠠᠬᠤ ᠶᠤᠰᠤᠳᠠᠢ᠃ ᠠᠪᠤ ᠡᠵᠢ ᠪᠠᠨ ᠠᠴᠢᠯᠠᠨ ᠰᠠᠨᠠᠵᠤ᠂ ᠡᠭᠡ ᠪᠠᠶᠢᠭᠠᠯᠢ ᠪᠠᠨ ᠰᠢᠳᠤᠨ ᠬᠠᠶᠢᠷᠠᠯᠠᠬᠤ ᠰᠡᠤᠨᠬᠢᠯᠭᠡ᠂ ᠮᠠᠨ ᠤ ᠲᠡᠷᠡ ᠦᠶ᠎ᠡ ᠶᠢᠨ ᠬᠡᠤᠬᠡᠤᠨ ᠤᠨ ᠤᠶᠤᠨ ᠲᠠᠷᠢᠬᠢᠨ ᠳᠤ ᠬᠡᠨ ᠴᠤ ᠱᠠᠭᠠᠷᠳᠠᠭᠰᠠᠨ ᠦᠭᠡᠢ ᠴᠤ ᠲᠦᠢᠯ ᠤᠨ ᠬᠦᠨ ᠬᠦᠨᠵᠡᠭᠡᠢ ᠰᠡᠶᠢᠯᠤᠭ᠍ᠳᠡᠭᠰᠡᠨ ᠶᠤᠮ᠃       ᠠᠭᠠᠷ ᠴᠡᠯᠮᠡᠶᠢᠨ᠂ ᠠᠭᠤᠯᠠᠰ ᠰᠢᠷᠭᠠᠯᠳᠤᠭᠰᠠᠨ ᠠᠯᠳᠠᠨ ᠨᠠᠮᠤᠷ ᠬᠦᠷᠤᠭᠡᠤᠨ ᠢᠷᠡᠭᠰᠡᠭᠡᠷ ᠪᠢ᠂ ᠠᠪᠤ ᠪᠠᠨ ᠲᠠᠭᠠᠵᠤ ᠠᠯᠢᠰᠤᠨ ᠬᠠᠳᠤᠯᠠᠩ ᠳᠤ ᠭᠠᠷᠤᠨ᠎ᠠ᠃ ᠬᠠᠶᠠ ᠵᠢᠯ ᠳᠤ ᠪᠠᠨ ᠪᠠᠰᠠ ᠰᠢᠪᠡᠷ ᠪᠠᠶᠢᠰᠢᠩ ᠤᠨ ᠲᠡᠭᠡᠪᠤᠷ ᠢᠶᠠᠨ ᠡᠯᠪᠡᠬᠦ ᠪᠠᠷ ᠡᠯᠪᠡᠭᠡ ᠬᠠᠳᠤᠬᠤ ᠠᠵᠢᠯ ᠳᠤ ᠬᠠᠮᠵᠢᠳᠠᠭ᠃ ᠲᠡᠷᠡᠬᠦ ᠰᠠᠯᠬᠢᠨ ᠤ ᠠᠶ᠎ᠠ ᠪᠠᠷ ᠨᠢᠭᠡᠯᠡ ᠵᠦᠭ ᠲᠤ ᠪᠠᠨ ᠦᠯᠤ ᠮᠡᠳᠡᠭ ᠨᠠᠯᠠᠶᠢᠭᠰᠠᠨ ᠬᠢᠶᠠᠭ ᠰᠢᠷᠠᠯᠵᠢ ᠶᠢ ᠬᠤᠷᠴᠠ ᠰᠠᠨᠳᠤᠤ ᠪᠠᠷ ᠬᠦᠴᠤᠯᠡᠨ ᠬᠢᠷᠭᠠᠬᠤ ᠳᠤ ᠭᠠᠷᠬᠤ ᠰᠠᠶᠢᠬᠠᠨ ᠲᠠᠭᠤᠨ ᠪᠡ ᠲᠡᠯᠡᠩᠨᠡᠨ ᠬᠡᠪᠳᠡᠭᠰᠡᠨ ᠠᠯᠢᠰᠤ ᠡᠪᠡᠰᠤ ᠠᠴᠠ ᠭᠠᠷᠬᠤ ᠰᠤᠳᠤᠨ ᠰᠤᠷᠭᠤᠭ ᠦᠨᠤᠷ ᠤᠳᠤ ᠪᠤᠳᠤᠪᠡᠯ ᠴᠢᠬᠢᠨ ᠳᠤ ᠰᠤᠨᠤᠰᠳᠠᠨ᠂ ᠬᠠᠮᠠᠷ ᠲᠤ ᠰᠡᠩᠬᠢᠨᠡᠬᠦ‍ ᠰᠢᠭ᠂ ᠡᠯᠪᠡᠭᠡ ᠪᠤᠯ ᠪᠦᠮᠪᠤᠷᠴᠡᠭ ᠤᠨ ᠠᠭᠤᠰᠬᠢ ᠪᠤᠯᠤᠭᠰᠠᠨ ᠨᠤᠭᠤ ᠭᠠᠵᠠᠷ᠂ ᠨᠠᠮᠤᠭᠳᠤ ᠲᠠᠯ᠎ᠠ ᠳᠤ ᠤᠷᠭᠤᠳᠠᠭ ᠨᠢᠭᠡ ᠵᠦᠢᠯ ᠤᠨ ᠨᠠᠷᠢᠮᠤ ᠶᠢᠨ ᠰᠦᠷᠡᠯ ᠲᠠᠢ ᠲᠦᠰᠤᠭᠡᠳᠠᠢ᠂ ᠪᠤᠷᠤᠭᠠᠨ ᠬᠤᠷ᠎ᠠ ᠰᠠᠶᠢᠨ ᠵᠢᠯ ᠳᠤ ᠪᠠᠨ ᠮᠧᠲᠷ ᠢᠯᠡᠬᠦᠤ ᠦᠨᠳᠤᠷ ᠤᠷᠭᠤᠳᠠᠭ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠶᠤᠮ᠃ ᠨᠡᠮᠡᠯᠵᠡᠭᠰᠡᠨ ᠱᠠᠯᠪᠠᠭ ᠲᠠᠢ ᠨᠠᠮᠤᠭᠳᠤ ᠲᠠᠯ᠎ᠠ ᠳᠤ ᠤᠰᠤᠨ ᠲᠤᠳᠤᠷᠭ᠎ᠠ ᠰᠢᠭ᠋ ᠢᠭᠴᠢ ᠪᠦᠭᠡᠤᠨ ᠵᠢᠭᠳᠡ ᠰᠠᠶᠢᠬᠠᠨ ᠤᠷᠭᠤᠭᠰᠠᠨ ᠡᠯᠪᠡᠭᠡ ᠶᠢ ᠭᠤᠬᠢᠷ ᠬᠠᠳᠤᠭᠤᠷ ᠢᠶᠠᠷ ᠰᠠᠷᠴᠢᠬᠢᠨᠡᠳᠡᠯ᠎ᠡ ᠬᠠᠳᠤᠨ᠂ ᠪᠤᠭᠤᠵᠢ ᠪᠤᠭᠤᠵᠢ ᠪᠠᠷ ᠡᠩᠨᠡᠬᠦᠯᠤᠨ ᠲᠠᠯᠪᠢᠨ᠎ᠡ᠃ ᠨᠢᠭᠤᠷ ᠴᠢᠷᠠᠢ ᠬᠠᠷᠠᠯᠠᠵᠤ ᠪᠤᠷᠤᠯᠠᠨ᠂ ᠨᠢᠷᠤᠭᠤ ᠴᠡᠭᠡᠵᠢ ᠬᠦᠰᠢᠨ᠂ ᠬᠤᠶᠠᠷ ᠭᠠᠷ ᠤᠨ ᠠᠯᠠᠭ᠎ᠠ ᠡᠪᠡᠷᠰᠢᠶᠡᠨ ᠡᠪᠡᠤᠡᠴᠤ ᠪᠠᠶᠢᠭᠰᠠᠨ ᠴᠤ᠂ ᠨᠢᠭᠡ ᠡᠳᠤᠷ ᠤᠨ ᠬᠠᠳᠤᠭᠰᠠᠨ ᠵᠠᠭᠤ ᠭᠠᠷᠤᠢ ᠡᠯᠪᠡᠭᠡᠨ ᠪᠤᠭᠤᠵᠢ ᠪᠠᠨ ᠦᠵᠡᠪᠡᠯ ᠠᠵᠢᠯ ᠬᠦᠳᠡᠯᠮᠤᠷᠢ ᠶᠢᠨ ᠦᠷ᠎ᠡ ᠪᠦᠳᠤᠭᠡᠯ ᠳᠤ ᠪᠠᠨ ᠪᠠᠶᠠᠰᠤᠨ ᠶᠡᠳᠡᠷᠡᠯ ᠵᠦᠳᠡᠷᠡᠯ ᠮᠠᠨᠢ ᠭᠱᠠᠨ ᠵᠠᠭᠤᠷ᠎ᠠ ᠮᠠᠷᠳᠠᠭᠳᠠᠳᠠᠭ᠃ ᠲᠡᠷᠡ ᠦᠶ᠎ᠡ ᠳᠤ ᠬᠠᠳᠤᠭᠰᠠᠨ ᠠᠯᠢᠰᠤ ᠡᠯᠪᠡᠭᠡ ᠪᠠᠨ ᠬᠠᠳᠠᠭᠠᠬᠤ ᠬᠡᠮᠡᠨ ᠬᠠᠳᠤᠯᠠᠩ ᠤᠨ ᠭᠠᠵᠠᠷ ᠲᠤ ᠨᠢ ᠦᠵᠡᠵᠤ ᠬᠠᠷᠠᠯ ᠦᠭᠡᠢ ᠰᠠᠷ᠎ᠠ ᠭᠠᠷᠤᠢ ᠬᠤᠭᠤᠴᠠᠭ᠎ᠠ ᠲᠠᠯᠪᠢᠭᠰᠠᠨ ᠴᠤ ᠶᠡᠷᠤᠨᠢ ᠭᠡᠭᠡᠵᠤ ᠬᠤᠯᠠᠭᠠᠶᠢᠯᠠᠭᠳᠠᠬᠤ ᠤᠴᠢᠷ ᠭᠠᠷᠳᠠᠭ ᠦᠭᠡᠢ ᠶᠤᠮ᠃ ᠦᠪᠡᠷ ᠤᠨ ᠠᠷᠢᠭᠤᠨ ᠴᠠᠭᠠᠨ ᠬᠦᠳᠡᠯᠮᠤᠷᠢ ᠪᠠᠨ ᠲᠦᠰᠢᠵᠤ ᠠᠮᠢᠳᠤᠷᠠᠬᠤ ᠨᠢ ᠲᠡᠷᠡ ᠦᠶ᠎ᠡ ᠶᠢᠨ ᠬᠦᠮᠤᠰ ᠤᠨ ᠭᠤᠸ᠎ᠠ ᠰᠠᠶᠢᠬᠠᠨ ᠶᠤᠰᠤ ᠠᠷᠠᠨᠰᠢᠨ ᠪᠢᠯᠡ᠃       ᠲᠠᠷᠢᠶ᠎ᠠ ᠲᠦᠮᠤᠰᠤ ᠰᠢᠷᠭᠠᠯᠳᠤᠨ ᠪᠤᠯᠪᠠᠰᠤᠷᠠᠭᠰᠠᠭᠠᠷ ᠢᠳᠤᠭᠤ ᠭᠤᠷᠭᠤᠤᠯ ᠰᠦᠷᠤᠭ᠌ ᠰᠦᠷᠤᠭ᠌ ᠢᠶᠠᠷ ᠨᠢᠰᠤᠯᠴᠡᠨ ᠮᠠᠨᠤᠰ ᠤᠨ ᠠᠪᠠ ᠶᠢᠨ ᠬᠤᠷᠤᠬᠠᠢ ᠶᠢ ᠠᠷᠭ᠎ᠠ ᠦᠭᠡᠢ ᠬᠦᠳᠡᠯᠭᠡᠳᠡᠭ᠃ ᠪᠢᠳᠡ ᠭᠠᠷᠠᠭ ᠤᠨ ᠠᠮᠠᠷᠠᠯᠳᠠ ᠪᠤᠯᠤᠭᠰᠠᠭᠠᠷ ᠤᠷᠬ᠎ᠠ ᠬᠠᠪᠬ᠎ᠠ ᠪᠠᠨ ᠡᠬᠦᠷᠤᠨ ᠡᠳᠤᠷᠵᠢᠨ ᠠᠭᠤᠯᠠ ᠲᠠᠯ᠎ᠠ ᠪᠠᠷ ᠬᠦᠶᠤᠨ᠎ᠡ᠃ ᠡᠪᠤᠯ ᠤᠨ ᠬᠦᠢᠳᠡᠨ ᠲᠠᠴᠢᠬᠢᠨᠠᠵᠤ ᠢᠷᠡᠭᠰᠡᠭᠡᠷ ᠭᠤᠤᠯ ᠭᠤᠷᠤᠬ᠎ᠠ ᠬᠦᠯᠦ᠋ᠢᠳᠡᠯ᠎ᠡ ᠬᠦᠯᠳᠡᠬᠦ ᠨᠢ ᠪᠠᠰᠠ ᠴᠤ ᠲᠡᠰᠴᠤ ᠶᠠᠳᠠᠨ ᠬᠦᠯᠢᠶᠡᠳᠡᠭ ᠰᠠᠶᠢᠬᠠᠨ ᠡᠷᠡᠨ᠃ ᠬᠦᠮᠤᠨ ᠪᠦᠷᠢ ᠨᠢᠵᠡᠬᠡᠤᠨ ᠰᠡᠷᠡᠭᠡ ᠪᠡ ᠰᠦᠭᠡ ᠪᠠᠨ ᠠᠪᠴᠤ ᠲᠡᠮᠡᠭᠡᠨ ᠭᠤᠤᠯ ᠤᠨ ᠬᠦᠨ ᠴᠡᠭᠡᠯ ᠤᠨ ᠮᠦᠰᠤ ᠶᠢ ᠤᠡᠭᠬᠤ ︵ᠪᠠᠰᠠ ᠤᠤᠯᠭ᠎ᠠ ᠭᠡᠨ᠎ᠡ︶ ᠴᠤᠭᠤᠯᠤᠨ ᠵᠢᠭᠠᠰᠤ ᠰᠡᠷᠡᠭᠡᠳᠡᠳᠡᠭ᠃ ᠬᠠᠶᠠ ᠤᠯᠠᠢ ᠲᠠᠭᠠᠷᠠᠭᠰᠠᠨ ᠡᠳᠤᠷ᠂ ᠠᠩᠨᠠᠭᠰᠠᠨ ᠵᠢᠭᠠᠰᠤ ᠪᠠᠨ ᠲᠡᠭᠡᠰᠤᠨ ᠰᠢᠪᠡᠭᠡᠨ ᠳᠤ ᠬᠡᠯᠬᠢᠨ ᠡᠷᠬᠦᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠬᠤ ᠳᠤ ᠪᠠᠨ ᠴᠠᠰᠤᠨ ᠲᠡᠭᠡᠪᠤᠷ ᠴᠢᠷᠤᠵᠤ ᠢᠷᠡᠭᠰᠡᠨ ᠤᠳᠠᠭ᠎ᠠ ᠴᠤ ᠪᠤᠢ᠃ ᠭᠤᠨᠵᠢᠨ ᠦᠭᠡᠷ ᠤᠨ ᠲᠤᠯᠤᠭᠠᠢ ᠶᠢ ᠬᠦᠯᠳᠡᠭᠡᠮ᠎ᠡ ᠡᠪᠤᠯ ᠤᠨ ᠬᠦᠢᠳᠡᠨ ᠪᠤᠯᠤᠭᠰᠠᠭᠠᠷ ᠪᠢ᠂ ᠠᠪᠤ ᠪᠠᠨ ᠲᠠᠭᠠᠵᠤ ᠡᠯᠴᠢᠳᠡᠢ ᠠᠭᠤᠯᠠᠨ ᠠᠴᠠ ᠱᠠᠭᠠᠷᠢᠭ ᠤᠨ ᠲᠦᠯᠡᠭᠡ ᠠᠪᠳᠠᠭ᠃ ᠱᠠᠭᠠᠷᠢᠭ ᠤᠨ ᠨᠡᠯᠢᠶᠡᠤᠨ ᠪᠦᠳᠦᠬᠦᠨ ᠢ ᠨᠢ ᠪᠠᠰᠠ ᠴᠠᠷᠠᠰᠤ ᠭᠡᠳᠡᠭ᠃ ᠲᠤᠮᠤ ᠰᠦᠭᠡ ᠪᠠᠷ ᠮᠤᠳᠤᠨ ᠦᠨᠳᠤᠰᠤ ᠲᠡᠭᠡᠷ᠎ᠡ ᠨᠢ ᠬᠦᠴᠤᠯᠠᠨ ᠴᠤᠬᠢᠭᠰᠠᠭᠠᠷ ᠱᠠᠭᠠᠷᠢᠭ ᠤᠨ ᠮᠤᠳᠤ ︽ᠫᠠᠰ︾ ᠭᠡᠵᠤ ᠦᠨᠳᠤᠰᠤ ᠪᠠᠷ ᠢᠶᠠᠨ ᠪᠤᠯᠭᠤᠷᠠᠨ ᠤᠨᠠᠳᠠᠭ᠃ ᠴᠤᠬᠢᠭᠰᠠᠨ ᠱᠠᠭᠠᠷᠢᠭ ᠢᠶᠠᠨ ᠲᠡᠷᠭᠡ ᠲᠡᠷᠭᠡ ᠪᠠᠷ ᠲᠡᠭᠡᠭᠡᠵᠤ᠂ ᠭᠡᠷ ᠤᠨ ᠠᠷᠤ ᠦᠪᠤᠷ ᠲᠤ ᠪᠠᠨ ᠪᠠᠶᠢᠰᠢᠩ ᠤᠨ ᠤᠷᠤᠢ ᠲᠠᠢ ᠰᠠᠴᠠᠭᠤ ᠲᠦᠯᠡᠭᠡᠨ ᠤᠪᠤᠭ᠎ᠠ ᠭᠠᠷᠭᠠᠳᠠᠭ᠃ ᠲᠡᠷᠡ ᠦᠶ᠎ᠡ ᠶᠢᠨ ᠬᠦᠳᠡᠭᠡ ᠠᠶᠢᠯ ᠢ ᠠᠯᠤᠰ ᠠᠴᠠ ᠪᠡᠷᠡᠯᠡᠪᠡᠯ ᠴᠠᠰᠤᠨ ᠲᠡᠭᠡᠪᠤᠷ ᠲᠠᠢ ᠭᠡᠷ ᠤᠨ ᠤᠷᠤᠢ᠂ ᠬᠠᠷ᠎ᠠ ᠰᠢᠷᠤᠢ ᠶᠢᠨ ᠬᠡᠷᠡᠮ᠂ ᠰᠢᠷ᠎ᠠ ᠱᠠᠭᠠᠷᠢᠭ ᠤᠨ ᠤᠪᠤᠭ᠎ᠠ ᠨᠡᠶᠢᠯᠡᠭᠡᠤᠨ ᠴᠠᠭᠠᠨ᠂ ᠬᠠᠷ᠎ᠠ᠂ ᠰᠢᠷ᠎ᠠ ᠭᠤᠷᠪᠡᠨ ᠦᠡᠭᠭᠡ ᠶᠢᠨ ᠪᠤᠳᠤᠭ ᠢᠶᠠᠷ ᠤᠷᠠᠯᠠᠨ ᠵᠢᠷᠤᠭᠰᠠᠨ ᠲᠤᠰᠤᠨ ᠪᠤᠳᠤᠭ ᠤᠨ ᠵᠢᠷᠤᠭ ᠰᠢᠭ᠋ ᠬᠠᠷᠠᠭᠳᠠᠨ᠎ᠠ᠃ ᠰᠢᠪᠡᠷ ᠪᠠᠶᠢᠰᠢᠩ ᠤᠨ ᠬᠢᠨᠢ ᠲᠡᠭᠰᠢ ᠰᠠᠶᠢᠬᠠᠨ ᠰᠢᠪᠠᠵᠤ ᠡᠯᠪᠡᠭᠰᠡᠨ ᠡᠰᠡᠬᠦ᠂ ᠠᠯᠢᠰᠤ᠂ ᠲᠦᠯᠡᠬᠡᠨ ᠤᠪᠤᠭ᠎ᠠ ᠶᠢᠨ ᠬᠢᠨᠢ ᠦᠨᠳᠤᠷ ᠪᠤᠭᠤᠨᠢ᠂ ᠬᠤᠯᠠᠩ ᠠᠴᠠ ᠰᠤᠪᠤᠷᠠᠬᠤ ᠬᠤᠶᠠᠷ ᠡᠷᠡᠨ ᠤ ᠬᠤᠭᠤᠯᠠ ᠪᠤᠳᠠᠭ᠎ᠠ ᠬᠢᠬᠦ ᠤᠳᠤᠭ᠎ᠠ ᠶᠢᠨ ᠬᠢᠨᠢ ᠠᠭᠰᠢᠭᠤᠨ ᠰᠢᠩᠭᠡᠨ ᠢᠶᠠᠷ ᠡᠨᠡ ᠠᠶᠢᠯ ᠤᠨ ᠬᠦᠮᠤᠰ ᠤᠨ ᠠᠯᠵᠠᠭᠤ ᠵᠠᠯᠠᠬᠭᠤ᠂ ᠠᠵᠢᠯᠴᠢ ᠬᠦᠳᠡᠯᠮᠤᠷᠢᠴᠢ᠂ ᠠᠳᠠᠯ ᠤᠨᠳᠤᠷᠤᠯ ᠤᠨ ᠬᠢᠨᠢ ᠶᠠᠳᠠᠭᠤ ᠴᠢᠨᠡᠭᠡᠯᠢᠭ ᠢ ᠠᠮᠠᠷᠬᠠᠨ ᠢᠯᠭᠠᠭᠠᠤᠨ ᠴᠢᠳᠠᠨ᠎ᠠ᠃       ᠲᠡᠷᠡ ᠦᠶ᠎ᠡ ᠶᠢᠨ ᠴᠠᠶᠢᠯᠭᠠᠨ ᠪᠤᠳᠤᠯ ᠳᠤ᠂ ᠡᠨᠡ ᠲᠤᠮᠤᠭ ᠤᠨ ᠰᠠᠶᠢᠬᠠᠨ ᠠᠭᠤᠯᠠ ᠤᠰᠤ ᠮᠢᠨᠢ︕ ᠦᠨᠢᠳᠡ ᠨᠤᠭᠤᠭᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠵᠤ᠂ ᠡᠴᠢᠭᠡ ᠡᠭᠡ ᠶᠢᠨ ᠲᠤᠳᠤᠮᠳᠠᠯ ᠲᠠᠢ ᠡᠷᠤᠭᠡ ᠭᠡᠷ ᠮᠢᠨᠢ ᠬᠡᠵᠢᠶᠡᠳᠡ ᠡᠯᠢᠭᠡ ᠪᠦᠳᠤᠨ ᠢᠶᠠᠷ ᠢᠶᠠᠨ ᠪᠠᠶᠢᠬᠤ ᠶᠢ ᠢᠳᠡᠭᠡᠵᠤ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯ ᠲᠠᠢ ᠠᠮᠢᠳᠤᠷᠠᠯ ᠳᠤ ᠶᠠᠮᠠᠷᠴᠤ ᠰᠡᠤᠨᠬᠢᠯ ᠤᠨ ᠲᠠᠷᠤᠭᠠᠰᠤ ᠦᠭᠡᠢ ᠪᠠᠶᠠᠷ ᠴᠡᠩᠭᠡᠯ ᠲᠠᠢ ᠪᠠᠶᠢᠭᠰᠠᠨ᠃          ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠵᠠᠯᠠᠶᠢᠤᠨ ᠬᠤᠰᠢᠭᠤᠨ ᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠲᠤᠪᠴᠢᠶ᠎ᠡ
  
ᠢᠷᠡᠯᠲᠡ᠄ ᠬᠢᠩᠭᠠᠨ ᠤ ᠡᠳᠦᠷ ᠤᠨ ᠰᠣᠨᠢᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠢᠨᠤ ᠨᠤᠳᠤᠭ ᠲᠦᠩᠯᠢᠶᠤᠤ
ᠡᠵᠢ ᠶᠢᠨ ᠬᠠᠶᠢᠷ᠎ᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号