ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠮᠦᠷᠤᠭᠡᠳᠤᠯ ᠳᠤ ᠰᠦᠮᠡᠯᠵᠡᠳᠡᠭ ᠨᠤᠳᠤᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/12/11
● ᠨᠠᠷᠠᠨᠴᠤᠭᠳᠤ       ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠲᠠᠯᠠᠨ ᠲᠠᠪᠤᠨ ᠤᠨ ᠤ ᠨᠠᠮᠤᠷ᠂ ᠠᠪᠤ ᠶᠢᠨ ᠠᠵᠢᠯ ᠰᠢᠯᠵᠢᠬᠦ ᠶᠢ ᠲᠠᠭᠠᠯᠳᠤᠨ᠂ ᠪᠢ ᠭᠤᠷᠪᠡᠨ ᠵᠢᠯ ᠰᠠᠭᠤᠭᠰᠠᠨ ᠱᠠᠭᠠᠷᠢᠭᠳᠠᠢ ᠠᠴᠠ ᠪᠠᠨ ᠨᠢᠳᠤᠨ ᠳᠤ ᠪᠠᠨ ᠨᠢᠯᠪᠤᠰᠤ ᠲᠠᠢ ᠰᠠᠯᠤᠯ᠎ᠠ᠃ ᠤᠳᠤ ᠪᠤᠳᠤᠪᠡᠯ ᠨᠢᠭᠡᠨᠳᠡ ᠲᠦᠴᠢ ᠭᠠᠷᠤᠢ ᠵᠢᠯ ᠤᠨ ᠡᠮᠤᠨᠡᠬᠢ ᠤᠴᠢᠷ ᠪᠤᠯᠴᠢᠬᠠᠪᠡ᠃ ᠡᠨᠡ ᠬᠤᠭᠤᠷᠤᠨᠳᠤ ᠪᠢ᠂ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠢ ᠬᠦᠭᠡᠭᠡᠨ᠂ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠲᠠᠪᠠᠭ᠎ᠠ ᠶᠢ ᠦᠭᠰᠤᠨ᠂ ᠠᠯᠳᠠᠰᠢ ᠤᠯᠤᠯᠳᠠ ᠳᠤ ᠪᠠᠨ ᠵᠤᠪᠠᠨᠢᠨ ᠪᠠᠶᠠᠰᠴᠤ ᠶᠠᠪᠤᠭᠰᠠᠨ ᠴᠤ ᠤᠨᠠᠭᠠᠨ ᠪᠠᠭ᠎ᠠ ᠶᠢᠨ ᠨᠤᠳᠤᠭ ᠢᠶᠠᠨ ᠦᠷᠬᠦᠯᠵᠢ ᠰᠠᠨᠠᠨ ᠮᠦᠷᠤᠭᠡᠤᠡᠴᠤ ᠶᠠᠪᠤᠯ᠎ᠠ᠃ ᠬᠤᠵᠢᠮ ᠨᠢ ᠡᠵᠢ ᠶᠢ ᠨᠠᠰᠤ ᠨᠦᠭᠴᠢᠭᠰᠡᠨ ᠤ ᠲᠠᠷᠠᠭ᠎ᠠ ᠱᠠᠭᠠᠷᠢᠭᠳᠠᠢ ᠳᠤ ᠪᠠᠭᠰᠢ ᠶᠢᠨ ᠠᠵᠢᠯ ᠲᠠᠢ ᠡᠭᠡᠴᠢ ᠬᠦᠷᠭᠡᠨ ᠠᠬ᠎ᠠ ᠮᠢᠨᠢ᠂ ᠠᠪᠤ ᠪᠤᠯᠤᠨ ᠬᠡᠳᠤᠨ ᠲᠡᠬᠦᠤ ᠨᠠᠷ ᠢ ᠭᠡᠷ ᠲᠤ ᠪᠠᠨ ᠨᠡᠬᠦᠯᠭᠡᠨ ᠠᠪᠴᠢᠷᠠᠵᠤ ᠬᠠᠮᠳᠤ ᠠᠮᠢᠳᠤᠷᠠᠵᠠᠢ᠃ ᠪᠢ ᠡᠭᠡᠴᠢ ᠬᠦᠷᠭᠡᠨ ᠠᠬ᠎ᠠ ᠪᠠᠨ ᠦᠨᠡᠭᠡᠷ ᠪᠢᠰᠢᠷᠡᠪᠡ᠃ ᠭᠤᠷᠪᠠᠨ ᠦᠶ᠎ᠡ ᠶᠢᠨ ᠶᠢᠰᠤᠨ ᠠᠮᠠ ᠭᠡᠷ ᠪᠦᠯᠢ ᠶᠢ ᠲᠤᠳᠤᠮᠳᠡᠨ ᠠᠮᠢᠳᠤᠷᠠᠬᠤ ᠭᠡᠭᠴᠢ ᠶᠠᠮᠠᠷ ᠶᠡᠭᠡ ᠰᠡᠤᠨᠬᠢᠯ ᠤᠨ ᠲᠠᠮᠢᠷ ᠤᠷᠤᠬᠤ ᠪᠢᠯᠡ᠃ ᠠᠪᠤ ᠮᠢᠨᠢ ᠪᠠᠶᠢᠳᠠᠭ ᠠᠴᠠ ᠲᠡᠷᠡ ᠦᠶ᠎ᠡ ᠶᠢᠨ ᠡᠭᠡᠴᠢ ᠬᠦᠷᠭᠡᠨ ᠠᠬ᠎ᠠ ᠶᠢᠨ ᠭᠡᠷ ᠮᠢᠨᠤ ᠬᠠᠶᠢᠷ᠎ᠠ ᠶᠢᠨ ᠲᠦᠰᠢᠭ᠂ ᠠᠷᠤ ᠭᠡᠷ ᠮᠢᠨᠢ ᠪᠤᠯᠤᠭᠰᠠᠨ ᠪᠠᠶᠢᠪᠡ᠃       ᠬᠤᠷᠢ ᠭᠠᠷᠤᠢ ᠵᠢᠯ ᠤᠨ ᠡᠮᠤᠨ᠎ᠡ ᠪᠢᠯᠡ᠃ ᠪᠢ ᠵᠤᠨ ᠤ ᠠᠮᠠᠷᠠᠯᠳᠡ ᠳᠤ ᠪᠠᠨ ᠵᠤᠷᠰᠢᠯ ᠶᠤᠰᠤ ᠪᠠᠷ ᠡᠭᠡᠴᠢ ᠬᠦᠷᠭᠡᠨ ᠠᠬ᠎ᠠ ᠶᠢᠨ ᠢᠶᠠᠨ ᠲᠠᠷᠢᠶ᠎ᠠ ᠶᠢ ᠠᠷᠴᠢᠬᠤ ᠪᠡ ᠡᠪᠡᠰᠤ ᠬᠠᠳᠤᠯᠠᠩ ᠳᠤ ᠨᠢ ᠲᠤᠰᠠ ᠪᠤᠯᠬᠤ ᠬᠡᠮᠡᠨ ᠱᠠᠭᠠᠷᠢᠭᠳᠠᠢ ᠳᠤ ᠪᠠᠨ ᠪᠤᠴᠠᠯ᠎ᠠ᠃ ᠰᠠᠶ᠋ᠢᠬᠠᠨ ᠲᠡᠪᠢᠰᠴᠤ ᠲᠠᠭᠤᠰᠤᠭᠰᠠᠨ ᠰᠢᠷᠤᠢ ᠶᠢᠨ ᠵᠠᠰᠠᠮᠠᠯ ᠵᠠᠮ ᠢᠶᠠᠷ ᠲᠤᠭᠤᠰᠤ ᠲᠠᠳᠠᠭᠤᠯᠤᠨ ᠲᠠᠪᠬᠢᠭᠰᠠᠨ ᠠᠶᠠᠨᠴᠢᠤᠨ ᠤᠨ ᠮᠠᠰᠢᠨ ᠲᠡᠷᠭᠡ ᠮᠠᠨᠢ᠂ ᠡᠯᠴᠢᠳᠡᠢ ᠠᠭᠤᠯᠠ ᠶᠢᠨ ᠵᠡᠬᠦᠨ ᠲᠠᠪᠠᠭ᠎ᠠ ᠶᠢ ᠲᠠᠪᠠᠨ ᠤᠷᠤᠬᠤ ᠳᠤ ᠮᠦᠬᠦ ᠲᠡᠬᠦᠨ ᠬᠦᠶᠦᠵᠤ ᠪᠠᠶᠢᠭᠰᠠᠨ ᠲᠡᠮᠡᠭᠡᠨ ᠭᠤᠤᠯ ᠤᠨ ᠦᠷᠭᠡᠨ ᠬᠦᠨᠳᠡᠢ᠂ ᠤᠯᠠᠭᠠᠨ᠎ᠠ᠂ ᠲᠤᠯᠤᠭᠤᠨ᠎ᠠ ᠲᠡᠬᠦᠵᠤ ᠲᠤᠭᠯᠠᠵᠤ ᠪᠠᠶᠢᠭᠰᠠᠨ ᠭᠤᠷᠪᠠᠨ ᠭᠠᠴᠠᠭ᠎ᠠ ᠬᠠᠳᠡ᠂ ᠤᠡᠭᠭᠤᠨ ᠠᠭᠤᠯᠠ᠂ ᠪᠤᠷᠭᠠᠰᠤᠨ ᠮᠤᠷᠢ ᠪᠠᠷ ᠲᠠᠪᠬᠢᠨ ᠭᠠᠷᠴᠤ ᠪᠠᠶᠢᠭᠰᠠᠨ ᠪᠤᠮᠪᠤᠭᠤᠷ ᠠᠭᠤᠯᠠ ᠮᠠᠨᠢ᠂ ᠤᠳᠤ ᠨᠢᠭᠡᠨᠳᠡ ᠬᠠᠯᠴᠠᠭᠠᠶᠢᠷᠠᠨ ᠲᠠᠴᠢᠷᠳᠠᠭᠰᠠᠨ ᠴᠤ ᠬᠠᠷᠠᠬᠤ ᠨᠢᠳᠤᠨ ᠳᠤ ᠬᠠᠯᠠᠭᠤᠬᠠᠨ ᠲᠤᠰᠤᠨ᠎ᠠ᠃ ᠨᠠᠭᠠᠳᠤᠨ ᠲᠤᠭᠯᠠᠭᠰᠠᠨ ᠨᠤᠳᠤᠭ ᠤᠨ ᠮᠢᠨᠢ ᠰᠢᠷᠭᠡᠭ ᠡᠪᠡᠰᠤ᠂ ᠴᠢᠮᠬᠢ ᠰᠢᠷᠤᠢ ᠨᠢ ᠬᠦᠷᠳᠡᠯ᠎ᠡ ᠬᠡᠴᠢᠨᠡᠨ ᠲᠠᠨᠢᠯ ᠲᠠᠰᠤᠯᠬᠠᠨ ᠰᠠᠨᠠᠭᠳᠠᠬᠤ ᠠᠵᠢ᠃       ᠰᠡᠤᠨᠬᠢᠯ ᠤᠨ ᠲᠤᠭᠳᠤᠯᠤᠯ ᠳᠤ ᠠᠪᠳᠠᠭᠰᠠᠨ ᠪᠢ᠂ ᠠᠶᠠᠨᠴᠢᠳ ᠤᠨ ᠮᠠᠰᠢᠨ ᠲᠡᠷᠭᠡᠨ ᠠᠴᠠ ᠬᠡᠵᠢᠶ᠎ᠡ ᠪᠠᠭᠤᠭᠰᠠᠨ ᠢᠶᠠᠨ ᠮᠡᠳᠡᠬᠦ ᠦᠭᠡᠢ᠂ ᠨᠢᠭᠡ ᠮᠡᠳᠡᠬᠦᠯ᠎ᠡ ᠠᠶᠢᠯ ᠤᠨ ᠵᠡᠬᠦᠨ ᠦᠵᠦᠬᠦᠷ ᠢᠷᠡᠴᠢᠭᠡᠭᠰᠡᠨ ᠪᠠᠶᠢᠪᠡ᠃ ᠨᠢᠭᠡᠯᠡ ᠤᠳᠠᠰᠤᠷᠠᠨ ᠦᠷᠬᠦᠯᠵᠢᠯᠡᠭᠰᠡᠨ ᠠᠶᠢᠯ ᠤᠨ ᠲᠤᠮᠳᠠᠬᠢ ᠰᠢᠪᠡᠷ ᠱᠠᠯᠴᠢᠭ ᠲᠠᠢ᠂ ᠮᠠᠯ ᠭᠠᠭ᠋ᠠᠢ ᠶᠢᠨ ᠪᠠᠭᠠᠰᠤ ᠬᠦᠭᠯᠡᠷᠡᠭᠰᠡᠨ ᠨᠠᠷᠢᠬᠠᠨ ᠭᠤᠳᠤᠮᠵᠢ᠂ ᠤᠳᠤ ᠨᠢᠭᠡᠨᠳᠡ ᠰᠢᠷ᠎ᠡ ᠰᠢᠷᠤᠢ ᠪᠠᠷ ᠲᠡᠭᠰᠢ ᠰᠠᠶᠢᠬᠠᠨ ᠲᠡᠪᠢᠰᠤᠭ᠍ᠳᠡᠨ᠂ ᠬᠤᠶᠠᠷ ᠲᠠᠯ᠎ᠠ ᠪᠠᠷ ᠤᠳᠠ ᠤᠯᠢᠶᠠᠰᠤ ᠵᠢᠭᠳᠡᠷᠡᠨ ᠤᠷᠭᠤᠭᠰᠠᠨ ᠪᠠᠶᠢᠪᠡ᠃ ᠡᠪᠡᠰᠤᠨ ᠤᠷᠤᠢ ᠲᠠᠢ ᠰᠢᠪᠡᠷ ᠪᠠᠶᠢᠰᠢᠩ᠂ ᠮᠤᠳᠤᠨ ᠬᠦᠷᠤᠮᠡᠯ ᠤᠨ ᠮᠠᠯ ᠬᠤᠨᠢᠨ ᠤ ᠬᠠᠰᠢᠶ᠎ᠡ ᠰᠡᠷᠡᠪᠴᠢ ᠮᠡᠳᠡᠭᠳᠡᠮ᠎ᠡ ᠴᠦᠭᠡᠷᠡᠨ᠂ ᠴᠢᠯᠠᠭᠤ ᠲᠤᠭᠤᠰᠬ᠎ᠠ ᠶᠢᠨ ᠭᠡᠷ ᠪᠠᠶᠢᠰᠢᠩ᠂ ᠬᠦᠷᠢᠶ᠎ᠡ ᠬᠤᠳᠠ ᠢᠯᠡᠤᠡᠳᠡ ᠨᠡᠮᠡᠭᠳᠡᠪᠡ᠃ ᠨᠤᠳᠤᠭ ᠤᠨ ᠢᠶᠠᠨ ᠬᠤᠪᠢᠷᠠᠯᠳᠡ ᠳᠤ ᠬᠦᠭᠰᠡᠨ ᠲᠤᠭᠳᠤᠯᠤᠨ ᠶᠠᠪᠤᠭᠰᠠᠭᠠᠷ ᠪᠢ᠂ ᠡᠭᠡᠴᠢ ᠬᠦᠷᠭᠡᠨ ᠠᠬ᠎ᠠ ᠶᠢᠨ ᠳᠤ ᠪᠠᠨ ᠢᠷᠡᠯ᠎ᠡ᠃ ᠤᠷᠢᠤᠨ ᠤᠨ ᠬᠦᠷᠤᠰᠤ ᠪᠠᠷ ᠪᠠᠷᠢᠭᠰᠠᠨ ᠭᠤᠷᠪᠡᠨ ᠲᠠᠰᠤᠯᠭ᠎ᠠ ᠰᠢᠪᠡᠷ ᠪᠠᠶᠢᠰᠢᠩ ᠤᠨ ᠢᠶᠠᠨ ᠤᠷᠤᠨ ᠳᠤ ᠸᠠᠭᠠᠷ ᠲᠤᠭᠤᠰᠬᠠᠨ ᠰᠢᠨᠡᠭᠡᠨ ᠭᠡᠷ ᠲᠡᠷᠡᠶᠢᠨ ᠪᠤᠰᠤᠭᠰᠠᠨ ᠪᠠᠶᠢᠪᠡ᠃ ᠪᠢ ᠡᠭᠡᠴᠢ ᠬᠦᠷᠭᠡᠨ ᠠᠬ᠎ᠠ ᠶᠢᠨ ᠭᠡᠷ ᠤᠨ ᠡᠬᠦᠳᠡ ᠶᠢ ᠠᠯᠬᠤᠨ ᠤᠷᠤᠳᠠᠯ᠎ᠠ᠂ ᠬᠦᠷᠰᠢ ᠰᠠᠭᠠᠬᠠᠯᠳᠡ᠂ ᠪᠠᠭ᠎ᠠ ᠶᠢᠨ ᠨᠠᠶᠢᠵᠠ᠂ ᠲᠦᠷᠤᠯ ᠰᠠᠳᠤᠨ ᠮᠢᠨᠢ ᠤᠪᠤᠨ ᠴᠤᠪᠤᠨ ᠢᠷᠡᠵᠡᠭᠡᠵᠤ᠂ ᠠᠷᠢᠬᠢ ᠲᠠᠷᠠᠰᠤ ᠤᠤᠭᠤᠯᠴᠠᠨ ᠰᠦᠨᠢ ᠶᠢᠨ ᠬᠦᠨ ᠪᠤᠯᠳᠠᠯ᠎ᠠ ᠨᠠᠶᠢᠷᠠᠯᠳᠤᠭᠠᠤᠨ ᠰᠠᠶ᠋ᠢ ᠲᠠᠷᠬᠠᠪᠡ᠃ᠪᠢ ᠬᠡᠳᠤᠷᠬᠡᠢ ᠰᠡᠤᠨᠬᠢᠯ ᠲᠤᠭᠳᠤᠯᠤᠭᠰᠠᠨ ᠠᠴᠠ ᠤᠨᠳᠠᠵᠤ ᠤᠷᠤᠬᠤ ᠦᠭᠡᠢ ᠲᠤᠯᠠ᠂ ᠮᠢᠨᠤ ᠬᠤᠨᠤᠬᠤ ᠦᠷᠤᠭᠡᠨ ᠳᠤ ᠲᠠᠯᠪᠢᠭᠠᠰᠤᠳᠠᠢ ᠲᠧᠯᠸᠢᠰ ᠢ ᠨᠡᠭᠡᠭᠡᠵᠤ ᠦᠵᠡᠯ᠎ᠡ᠃ ᠪᠠᠭ᠎ᠠ ᠳᠤ ᠪᠠᠨ ᠨᠢᠭᠡᠨ ᠴᠠᠭ ᠤᠨ ᠺᠢᠨᠣ᠋ ᠶᠢ ᠦᠵᠡᠬᠦ ᠬᠡᠮᠡᠨ ᠭᠠᠴᠠᠭ᠎ᠠ ᠰᠤᠮᠤᠨ ᠤ ᠠᠷᠪᠡᠨ ᠲᠠᠪᠤ ᠵᠢᠷᠭᠤᠭᠠᠨ ᠭᠠᠵᠠᠷ ᠤᠨ ᠵᠠᠮ ᠢ ᠰᠦᠨᠢ ᠶᠢᠨ ᠬᠠᠷᠠᠩᠭᠤᠢ ᠳᠤ ᠦᠭᠡᠳᠡ ᠤᠷᠤᠭᠤ ᠶᠠᠪᠠᠭᠠᠯᠠᠨ ᠬᠦᠶᠤᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠪᠤᠳᠤᠪᠡᠯ᠂ ᠦᠨᠤᠳᠤᠷ ᠴᠤ ᠨᠢᠭᠡ ᠴᠠᠭ ᠤᠨ ᠰᠠᠶᠢᠬᠠᠨ ᠳᠤ ᠵᠢᠷᠭᠠᠵᠤ ᠪᠠᠶᠢᠨ᠎ᠠ ᠳ᠋ᠠ︕ ᠦᠡᠭᠭᠡᠷᠡᠭᠰᠡᠨ ᠤᠳᠤ ᠶᠢᠨ ᠠᠯᠢ ᠤᠯᠠᠨ ᠬᠡᠷᠡᠭ ᠤᠴᠢᠷ ᠢ ᠠᠳᠠᠯᠢᠳᠬᠠᠨ ᠡᠷᠬᠢᠴᠡᠬᠦᠯᠤᠭ᠍ᠰᠡᠭᠡᠷ ᠬᠡᠳᠤᠢ ᠳᠤ ᠪᠤᠤ ᠮᠡᠳᠡ᠂ ᠲᠠᠭ ᠤᠨᠳᠠᠵᠤ ᠤᠷᠬᠢᠵᠠᠢ᠃       ᠬᠡᠳᠤᠬᠡᠨ ᠴᠠᠭ ᠤᠨᠳᠠᠭᠰᠠᠨ ᠴᠤ᠂ ᠪᠢ ᠲᠠᠷᠠᠭ᠎ᠠ ᠦᠷᠯᠤᠭᠡ ᠨᠢ ᠨᠡᠷᠡᠨ ᠠᠴᠠ ᠵᠠᠪᠳᠤᠨ ᠪᠤᠰᠪᠡ᠃ ᠬᠦᠳᠡᠭᠡ ᠠᠶᠢᠯ ᠤᠨ ᠬᠠᠷ᠎ᠠ ᠪᠤᠷᠤ ᠠᠵᠢᠯ ᠳᠤ ᠭᠠᠷᠰᠢᠵᠤ ᠦᠰᠤᠭ᠍ᠰᠡᠨ ᠪᠢ᠂ ᠶᠡᠷᠤ ᠨᠢ ᠨᠠᠷᠠᠨ ᠳᠤ ᠲᠠᠷᠤᠭᠳᠠᠨ ᠤᠨᠳᠠᠳᠠᠭ ᠦᠭᠡᠢ ᠶᠤᠮ᠃ ᠪᠢ ᠬᠡᠤᠬᠡᠤᠨ ᠦᠶ᠎ᠡ ᠶᠢᠨ ᠪᠤᠷᠭᠠᠰᠤᠨ ᠮᠤᠷᠢ ᠲᠠᠢ ᠲᠠᠪᠬᠢᠭᠤᠯᠵᠤ ᠪᠠᠶᠢᠭᠰᠠᠨ ᠪᠤᠮᠪᠤᠭᠤᠷ ᠠᠭᠤᠯᠠ ᠶᠢᠨ ᠤᠷᠤᠢ ᠳᠤ ᠭᠠᠷᠪᠡ᠃ ᠠᠭᠤᠯᠠ ᠬᠡᠬᠦ ᠤᠷᠤᠨ ᠳᠤ ᠬᠦᠳᠤᠯ ᠲᠤᠪᠤ ᠭᠡᠵᠤ ᠬᠡᠯᠡᠪᠡᠯ ᠲᠠᠭᠠᠷᠠᠬᠤ ᠪᠠᠶᠢᠭᠰᠠᠨ᠃ ᠠᠭᠤᠯᠠᠨ ᠲᠡᠭᠡᠷᠡᠬᠢ ᠡᠪᠤᠳᠤᠭ᠌ ᠰᠢᠬᠦᠷᠡᠮ᠎ᠡ ᠤᠷᠭᠤᠵᠤ ᠪᠠᠶᠢᠭᠰᠠᠨ ᠴᠠᠭᠠᠨ ᠰᠢᠷᠠᠯᠵᠢ᠂ ᠬᠦᠭᠡ ᠬᠢᠶᠠᠭ᠂ ᠤᠯᠠᠭᠠᠨ᠎ᠠ ᠶᠢᠨ ᠮᠤᠳᠤ ᠬᠡᠳᠦ᠋ᠢᠨ ᠠᠯᠠᠭ᠎ᠠ ᠪᠤᠯᠵᠠᠢ᠃ ᠬᠤᠨᠢ ᠮᠠᠯ ᠳᠤ ᠠᠬᠢᠨ ᠲᠠᠬᠢᠨ ᠢᠳᠡᠭᠳᠡᠭᠰᠡᠨ ᠡᠯᠳᠡᠪ ᠦᠡᠭᠭᠡ ᠶᠢᠨ ᠡᠪᠡᠰᠤ᠂ ᠭᠠᠵᠠᠷ ᠤᠨ ᠬᠦᠷᠤᠰᠤᠨ ᠳᠤ ᠠᠷᠠᠶᠢᠬᠠᠨ ᠴᠤᠬᠤᠶᠢᠵᠤ᠂ ᠶᠠᠭ ᠨᠠᠮᠤᠷ ᠤᠨ ᠡᠬᠢᠨ ᠤ ᠠᠯᠢᠰᠤᠨ ᠬᠠᠳᠤᠯᠠᠩ ᠰᠢᠭ᠋ ᠬᠠᠷᠠᠭᠳᠠᠨ᠎ᠠ᠃       ᠠᠢ ᠳ᠋ᠡ︕ ᠲᠤᠯᠤᠭᠠᠨ ᠭᠠᠨᠭ᠍ᠭ᠎ᠠ ᠶᠢᠨ ᠱᠠᠭᠠᠷᠢᠭ ᠤᠨ ᠮᠤᠳᠤ᠂ ᠠᠶᠢᠯ ᠤᠨ ᠡᠮᠤᠨᠡᠬᠢ ᠬᠠᠶᠢᠯᠠᠰᠤ ᠤᠯᠢᠶᠠᠰᠤᠨ ᠤᠢ ᠬᠡᠵᠢᠶᠡᠨᠠᠢ ᠤᠷᠤ ᠮᠦᠷ ᠦᠭᠡᠢ ᠪᠤᠯᠵᠠᠢ᠃ ᠲᠡᠬᠦᠨ ᠤ ᠲᠤᠮᠳᠠᠭᠤᠷ ᠴᠠᠶᠢᠯᠵᠠᠨ ᠤᠷᠤᠰᠤᠭᠰᠠᠨ ᠲᠡᠮᠡᠭᠡᠨ ᠭᠤᠤᠯ ᠤᠨ ᠬᠡᠳᠤᠨ ᠰᠠᠯᠪᠤᠷᠢ ᠤᠷᠤᠰᠬᠠᠯ ᠨᠢ ᠠᠯᠠᠭ᠎ᠠ ᠪᠤᠯᠵᠤ᠂ ᠨᠠᠷᠢᠬᠠᠨ ᠨᠢᠭᠡᠨ ᠵᠤᠷᠪᠤᠰ ᠭᠤᠤᠯ ᠤᠷᠤᠰᠬᠠᠯ ᠨᠢ ᠠᠷᠠᠶᠢᠬᠠᠨ ᠠᠮᠢ ᠲᠠᠢ ᠤᠷᠤᠰᠤᠨ᠎ᠠ᠃ ᠮᠤᠳᠤ ᠰᠢᠭᠤᠢ ᠪᠠᠨ ᠠᠯᠳᠠᠭᠰᠠᠨ ᠬᠠᠯᠴᠠᠭᠠᠢ ᠬᠦᠨᠳᠡᠢ ᠬᠠᠷᠠᠭᠠᠨ ᠤ ᠦᠵᠦᠬᠦᠷ ᠲᠤ ᠤᠶᠢᠤᠡᠬᠠᠷ ᠬᠦᠷᠤᠮ᠎ᠠ ᠬᠠᠨᠭ᠍ᠬᠠᠶᠢᠨ᠎ᠠ᠃ ᠡᠬᠦᠯᠡ ᠪᠤᠷᠤᠭᠠᠨ ᠢᠶᠠᠨ ᠦᠷᠬᠦᠯᠵᠢ ᠲᠠᠳᠠᠳᠠᠭ ᠡᠯᠴᠢᠳᠡᠢ ᠠᠭᠤᠯᠠ ᠮᠢᠨᠢ᠃ ᠡᠴᠡᠵᠤ ᠲᠤᠷᠠᠭᠰᠠᠨ ᠡᠪᠤᠭᠡᠨ ᠰᠢᠭ ᠬᠠᠯᠴᠠᠭᠠᠶᠢᠷᠠᠨ ᠰᠢᠩᠭᠡᠷᠡᠵᠤ᠂ ᠰᠦᠷ ᠰᠦᠯᠳᠡ ᠦᠭᠡᠢ᠃ ᠪᠦᠮᠪᠤᠷᠴᠡᠭ ᠤᠨ ᠠᠭᠤᠰᠬᠢ ᠪᠤᠯᠤᠭᠰᠠᠨ ᠨᠠᠮᠤᠭᠳᠤ ᠲᠠᠯ᠎ᠠ᠂ ᠨᠤᠭᠤ ᠭᠠᠵᠠᠷ ᠮᠢᠨᠢ ᠤᠭ ᠢᠶᠠᠷ ᠢᠶᠠᠨ ᠤᠷᠪᠠᠯᠠᠭᠳᠠᠨ ᠱᠠᠩ ᠤᠨ ᠲᠠᠷᠢᠶ᠎ᠠ ᠪᠤᠯᠵᠠᠢ᠃       ᠠᠶᠢᠯ ᠲᠤᠰᠬᠤᠨ ᠰᠢᠨᠡᠳᠤᠨ ᠦᠭᠡᠷᠡᠴᠢᠯᠡᠭᠳᠡᠵᠤ᠂ ᠠᠷᠠᠤᠨ ᠤᠨ ᠠᠮᠢᠳᠤᠷᠠᠯ ᠤᠯᠠᠮ ᠰᠠᠶᠢᠵᠢᠷᠠᠨ ᠴᠢᠨᠡᠭᠡᠯᠢᠭᠵᠢᠭᠰᠡᠨ ᠴᠤ᠂ ᠠᠷᠢᠭᠤᠨ ᠲᠠᠷᠬᠠᠨ ᠡᠭᠡ ᠪᠠᠶᠢᠭᠠᠯᠢ ᠮᠠᠨᠢ᠂ ᠠᠷᠭ᠎ᠠ ᠦᠭᠡᠢ ᠶᠠᠳᠠᠭᠤᠷᠠᠨ ᠬᠤᠭᠤᠰᠤᠷᠠᠵᠠᠢ᠃ ᠲᠠᠷᠢᠶᠠᠨ ᠳᠤ ᠪᠦᠷ ᠡᠪᠡᠰᠤ ᠠᠷᠢᠯᠭᠠᠬᠤ ᠡᠮ ᠴᠤᠬᠢᠵᠤ᠂ ᠠᠯᠢᠰᠤ ᠬᠠᠳᠤᠬᠤ ᠠᠯᠠᠭᠠᠨ ᠬᠢᠷᠢ ᠭᠠᠵᠷ ᠦᠭᠡᠢ ᠪᠤᠯᠤᠭᠰᠠᠨ ᠲᠤᠯᠠ᠂ ᠪᠢ ᠦᠷᠯᠤᠭᠡ ᠶᠢᠨ ᠬᠤᠭᠤᠯᠠᠨ ᠤ ᠲᠠᠷᠠᠭ᠎ᠠ ᠭᠡᠷ ᠲᠤ ᠪᠠᠨ ᠪᠤᠴᠠᠬᠤ ᠪᠠᠷ ᠠᠶᠠᠨᠴᠢᠤᠨ ᠤᠨ ᠲᠡᠷᠭᠡᠨ ᠳᠤ ᠭᠠᠷᠤᠯ᠎ᠠ᠃ ᠡᠨᠡ ᠤᠳᠠᠭ᠎ᠠ ᠪᠢ ᠱᠠᠭᠠᠷᠢᠭᠳᠠᠢ ᠠᠴᠠ ᠪᠠᠨ ᠰᠠᠯᠬᠤ ᠳᠤ᠂ ᠰᠠᠨᠠᠭ᠎ᠠ ᠰᠡᠤᠨᠬᠢᠯ ᠮᠢᠨᠢ ᠤᠶᠢᠤᠡᠬᠠᠷ ᠭᠤᠨᠢᠭ ᠢᠶᠠᠷ ᠲᠦᠬᠦᠷᠪᠡ᠃       ᠤᠷᠵᠢᠨᠤᠨ ᠵᠢᠯ ᠤᠨ ᠵᠤᠨ᠂ ᠦᠨᠡᠨ ᠢ ᠬᠡᠯᠡᠪᠡᠯ  ᠱᠠᠭᠠᠷᠭᠠᠳᠠᠢ ᠠᠴᠠ ᠨᠡᠬᠦᠵᠤ ᠢᠷᠡᠭᠰᠡᠨ ᠤ ᠲᠠᠷᠠᠭᠠᠬᠢ ᠲᠦᠴᠢᠨ ᠬᠤᠶᠠᠷ ᠵᠢᠯ ᠤᠨ ᠲᠠᠷᠠᠭ᠎ᠠ᠂ ᠪᠢ ᠶᠠᠳᠠᠭᠤ ᠶᠢ ᠲᠡᠤᠡᠬᠦᠬᠦ ᠺᠠᠳ᠋ᠷ ᠤᠨ ᠠᠵᠢᠯ ᠠᠯᠪᠡ ᠪᠠᠷ ᠬᠤᠪᠢ ᠶᠢᠨ ᠮᠠᠰᠢᠨ ᠢᠶᠠᠨ ᠵᠢᠯᠤᠭᠤᠳᠤᠨ  ᠱᠠᠭᠠᠷᠭᠠᠳᠠᠢ ᠪᠠᠨ ᠴᠢᠭᠯᠡᠯ᠎ᠡ᠃ ᠤᠷᠢᠤᠨ ᠤᠨ ᠰᠢᠷᠤᠢ ᠶᠢᠨ ᠵᠠᠮ᠂ ᠤᠳᠤ ᠨᠢᠭᠡᠨᠳᠡ ᠲᠡᠭᠰᠢ ᠲᠠᠷᠳᠡᠩ ᠵᠠᠮ ᠪᠤᠯᠴᠢᠬᠠᠭᠠᠤᠨ᠂ ᠰᠡᠤᠬᠡ ᠲᠡᠷᠭᠡ ᠬᠤᠷᠳᠤᠯᠠᠨ ᠲᠠᠪᠬᠢᠬᠤ ᠳᠤ ᠰᠡᠤᠨᠬᠢᠯ ᠤᠨ ᠲᠤᠭᠳᠤᠯᠤᠯ ᠲᠡᠷᠭᠡᠨ ᠤ ᠰᠠᠵᠢᠯᠠᠭᠠᠨ ᠢ ᠲᠠᠷᠤᠵᠤ ᠪᠠᠶᠢᠯ᠎ᠠ᠃ ᠡᠯᠴᠢᠳᠡᠢ ᠠᠭᠤᠯᠠ ᠶᠢᠨ ᠵᠡᠬᠦᠨ ᠲᠠᠪᠠᠭ᠎ᠠ ᠶᠢ ᠲᠠᠪᠡᠨ ᠮᠤᠯ ᠤᠨ ᠬᠤᠨᠭ᠍ᠰᠢᠶᠠᠷ ᠢ ᠤᠷᠢᠶᠠᠭᠠᠤᠨ ᠪᠠᠷᠠᠭᠤᠨᠰᠢ ᠶᠠᠪᠤᠭᠰᠠᠭᠠᠷ ᠲᠡᠮᠡᠭᠡᠨ ᠭᠤᠤᠯ ᠤᠨ ᠦᠷᠡᠯ ᠤᠨ ᠴᠡᠭᠡᠯ᠂ ᠲᠡᠯ ᠤᠨ ᠲᠠᠯᠠᠪᠠᠢ ᠶᠢᠨ ᠡᠮᠤᠨᠠᠬᠢ ᠨᠤᠭᠤᠭᠠᠨ ᠬᠦᠨᠳᠡᠢ ᠳᠤ ᠤᠷᠤᠳᠠᠭ᠃ ᠪᠠᠭ᠎ᠠ ᠶᠢᠨ ᠦᠶ᠎ᠡ ᠳᠤ ᠪᠤᠷᠭᠠᠰᠤᠨ ᠤ ᠲᠦᠡᠭ ᠪᠠᠶᠢᠭᠰᠠᠨ᠂ ᠬᠤᠵᠢᠮ ᠨᠢ ᠱᠠᠩ ᠤᠨ ᠲᠠᠷᠢᠶ᠎ᠠ ᠪᠤᠯᠵᠤ᠂ ᠲᠠᠬᠢᠨ ᠲᠠᠷᠢᠶᠠᠯᠠᠬᠤ ᠪᠠᠨ ᠪᠤᠯᠢᠵᠤ ᠡᠪᠡᠰᠤ ᠮᠤᠳᠤ ᠡᠬᠢᠯᠡᠨ ᠴᠡᠯᠡᠭᠡᠷᠡᠬᠦ ᠪᠤᠯᠤᠭᠰᠠᠨ᠃ ᠡᠯᠴᠢᠳᠠᠢ ᠠᠭᠤᠯᠠ ᠶᠢᠨ ᠭᠤᠪᠢ ᠭᠠᠨᠭ᠍ᠭ᠎ᠠ ᠶᠢᠨ ᠱᠠᠭᠠᠷᠢᠭ᠂ ᠬᠤᠰᠤ ᠮᠤᠳᠤ ᠴᠤ ᠮᠡᠳᠡᠭᠳᠡᠮ᠎ᠡ ᠢᠭᠴᠤᠷᠠᠨ ᠬᠦᠭᠡᠷᠡᠵᠤ᠂ ᠬᠦᠳᠡᠩ ᠤᠨᠢᠶᠠᠷ ᠲᠠᠳᠠᠨ᠎ᠠ᠃  ᠱᠠᠭᠠᠷᠭᠠᠳᠠᠢ ᠠᠶᠢᠯ ᠤᠨ ᠠᠷᠤ ᠶᠢᠨ ᠲᠤᠯᠤᠭᠠᠨ ᠭᠠᠨᠭ᠍ᠭ᠎ᠠ ᠶᠢᠨ ᠱᠠᠭᠠᠷᠢᠭ ᠤᠨ ᠮᠤᠳᠤ ᠲᠠᠬᠢᠨ ᠠᠮᠢᠯᠠᠨ ᠤᠷᠭᠤᠭᠰᠠᠨ ᠦᠭᠡᠢ ᠴᠤ ᠲᠠᠷᠢᠮᠡᠯ ᠬᠦᠢᠯᠡᠰᠤᠨ ᠮᠤᠳᠤ ᠨᠡᠶᠢᠳᠡᠮ ᠴᠡᠯᠡᠭᠡᠷᠡᠨ ᠪᠦᠷᠬᠦᠵᠤ᠂ ᠪᠤᠮᠪᠤᠭᠤᠷ ᠠᠭᠤᠯᠠ᠂ ᠤᠡᠭᠭᠤᠨ ᠠᠭᠤᠯᠠ ᠴᠡᠯ ᠨᠤᠭᠤᠭᠠᠨ ᠡᠪᠡᠰᠤ ᠮᠤᠳᠤᠨ ᠳᠤ ᠡᠬᠢᠯᠡᠨ ᠬᠤᠴᠢᠭᠳᠠᠨ ᠦᠭᠡᠳᠡ ᠠᠴᠠ ᠮᠦᠰᠢᠶᠡᠭᠡᠤᠨ ᠤᠭᠳᠤᠬᠤ ᠰᠢᠭ᠋᠃        ᠪᠢ ᠠᠶᠢᠯ ᠤᠨ ᠵᠡᠬᠦᠨ ᠦᠵᠦᠬᠦᠷ ᠢᠷᠡᠭᠡᠤᠨ ᠮᠠᠰᠢᠨ ᠠᠴᠠ ᠪᠠᠨ ᠪᠠᠭᠤᠯ᠎ᠠ᠃ ᠨᠢᠭᠡᠯᠡ ᠬᠦᠭ ᠲᠡᠭᠡᠨ ᠤᠳᠠᠰᠤᠷᠠᠨ ᠵᠢᠭᠳᠡᠷᠡᠭᠰᠡᠨ ᠡᠨᠡ ᠠᠶᠢᠯ ᠤᠨ ᠡᠪᠡᠰᠤᠨ ᠤᠷᠤᠢ ᠲᠠᠢ ᠰᠢᠪᠡᠷ ᠪᠠᠶᠢᠰᠢᠩ ᠪᠦᠬᠦᠨ ᠢᠶᠠᠷ ᠢᠶᠠᠨ ᠬᠠᠷᠠᠭᠳᠠᠬᠤ ᠪᠠᠨ ᠪᠤᠯᠢᠵᠤ᠂ ᠦᠷᠭᠡᠨ ᠵᠡᠬᠡᠯᠢ ᠶᠢᠨ ᠬᠤᠶᠠᠷ ᠲᠠᠯ᠎ᠠ ᠪᠠᠷ ᠤᠯᠠᠭᠠᠨ᠂ ᠴᠠᠭᠠᠨ᠂ ᠶᠠᠭᠠᠨ ᠲᠡᠮᠤᠷ ᠬᠠᠪᠳᠠᠰᠤᠨ ᠤᠷᠤᠢ ᠲᠠᠢ ᠲᠤᠭᠤᠰᠬᠠᠨ ᠪᠠᠶᠢᠰᠢᠩ ᠤᠳ ᠦᠡᠭᠭᠡ ᠢᠯᠭᠠᠷᠠᠨ ᠵᠢᠭᠳᠡᠷᠡᠨ᠎ᠡ᠃ ᠵᠡᠭᠡᠯᠢ ᠶᠢᠨ ᠵᠡᠬᠦᠨ ᠦᠵᠦᠬᠦᠷ ᠲᠠᠬᠢ ᠲᠡᠮᠤᠷ ᠢᠶᠠᠷ ᠪᠤᠰᠬᠠᠭᠰᠠᠨ ᠶᠠᠭᠠᠨ ᠦᠡᠭᠭᠡ ᠶᠢᠨ ᠲᠤᠮᠤ ᠲᠤᠭᠤᠯᠭ᠎ᠠ ᠬᠡᠯᠪᠡᠷᠢᠳᠤ ᠡᠬᠦᠳᠡᠨ ᠤ ᠢᠯᠡᠷᠬᠡᠶᠢᠯᠡᠯ ᠲᠡᠭᠡᠷ᠎ᠡ ︽ ᠱᠠᠭᠠᠷᠭᠠᠳᠠᠢ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠬᠦᠳᠡᠭᠡ ᠲᠤᠰᠬᠤᠨ ᠲᠠᠨ ᠢ ᠪᠠᠶᠠᠷᠯᠠᠨ ᠤᠭᠳᠤᠶ᠎ᠠ︾ ᠭᠡᠵᠤ ᠪᠢᠴᠢᠭᠰᠡᠨ ᠨᠢ ᠨᠡᠳᠡ ᠳᠤ ᠲᠦᠢᠯ ᠤᠨ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠰᠠᠨᠠᠭᠳᠠᠪᠠ᠃       ᠠᠪᠤ ᠮᠢᠨᠢ ᠬᠡᠵᠢᠶᠡᠨᠠᠢ ᠦᠭᠡᠳᠡ ᠪᠤᠯᠵᠤ᠂ ᠠᠩᠭ᠎ᠠ ᠲᠡᠬᠦᠤ ᠨᠠᠷ ᠪᠦᠷ ᠠᠵᠢᠯ ᠠᠯᠪᠠᠨ ᠳᠤ ᠶᠠᠪᠤᠭᠰᠠᠨ ᠪᠡ ᠡᠭᠡᠴᠢ ᠬᠦᠷᠭᠡᠨ ᠠᠬ᠎ᠠ ᠴᠤ ᠠᠶᠢᠮᠠᠭ ᠤᠨ ᠲᠦᠪ ᠲᠤ ᠨᠡᠬᠦᠭᠰᠡᠨ ᠲᠤᠯᠠ᠂ ᠡ᠊ᠨᠳᠡ ᠮᠢᠨᠤ ᠡᠷᠬᠢᠵᠤ ᠦᠵᠡᠬᠦ ᠠᠷᠤ ᠭᠡᠷ ᠭᠡᠵᠤ ᠦᠭᠡᠢ ᠪᠤᠯᠤᠭᠰᠠᠨ᠃ ᠪᠢ ᠭᠠᠴᠠᠭᠠᠨ ᠤ ︽ᠬᠤᠶᠠᠷ ᠵᠦᠪᠯᠡᠯ ︾ ᠤᠨ ᠠᠵᠢᠯᠯᠠᠬᠤ ᠭᠡᠷ ᠲᠤ ᠬᠦᠷᠤᠯ᠎ᠠ᠃ ᠤᠳᠤᠬᠢᠴᠢᠯᠠᠭᠰᠠᠨ ᠲᠤᠨᠤᠭ ᠲᠦᠭᠦᠬᠡᠷᠤᠮᠵᠢ᠂ ᠰᠤᠶᠤᠯ ᠤᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠲᠠᠢ ᠭᠢᠯᠪᠠᠶᠢᠭᠰᠠᠨ ᠰᠠᠶᠢᠬᠠᠨ ᠡᠨᠡ ᠲᠠᠪᠤᠨ ᠲᠠᠰᠤᠯᠭ᠎ᠠ ᠭᠡᠷ ᠢ ᠭᠠᠴᠠᠭᠠᠨ ᠤ ︽ᠬᠤᠶᠠᠷ ᠵᠦᠪᠯᠠᠯ ︾ ᠤᠨ ᠠᠵᠢᠯᠯᠠᠬᠤ ᠭᠠᠵᠠᠷ ᠬᠡᠬᠦ ᠳᠤ ᠠᠷᠠᠢ ᠢᠳᠡᠭᠡᠮᠡᠷ ᠦᠭᠡᠢ᠃ ᠠᠵᠢᠯᠯᠠᠬᠤ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠤᠨ᠎ᠠ ᠲᠠᠯ᠎ᠠ ᠶᠢᠨ ᠡᠬᠦᠳᠡᠨ ᠳᠤ ᠪᠠᠨ ︽ᠵᠠᠯᠠᠶᠢᠤᠨ ᠨᠤᠳᠤᠭ ᠤᠨ ᠮᠤᠩᠭᠤᠯ ᠬᠦᠮᠤᠨ ᠤ ᠮᠥᠽᠸᠢ︾ ᠭᠡᠰᠡᠨ ᠢᠯᠡᠷᠬᠡᠶᠢᠯᠡᠯ ᠡᠯᠬᠦᠭᠰᠡᠨ ᠬᠤᠶᠠᠷ ᠲᠠᠪᠬᠤᠷ ᠠᠰᠠᠷ ᠪᠤᠢ᠃ ᠴᠤᠤᠯ ᠭᠤᠤᠯ ᠤᠨ ᠤᠷᠤᠰᠬᠠᠯ ᠲᠠᠭᠠᠤ ᠶᠢᠨ ᠵᠠᠯᠠᠶᠢᠤᠨ ᠨᠤᠳᠤᠭ ᠤᠨ ᠬᠦᠮᠤᠨ ᠰᠤᠶᠤᠯ ᠲᠡᠤᠭᠡ᠂ ᠵᠡᠩ ᠤᠶᠢᠯᠡ ᠶᠢ ᠡᠮᠬᠢᠤᠡᠭᠡᠨ ᠴᠤᠭᠯᠠᠭᠤᠯᠵᠤ ᠲᠡᠯᠭᠡᠨ ᠦᠵᠡᠬᠦᠯᠵᠤ ᠪᠠᠶᠢᠭ᠎ᠠ ᠡᠨᠡ ᠠᠰᠠᠷ᠂  ᠱᠠᠭᠠᠷᠭᠠᠳᠠᠢ ᠠᠶᠢᠯ ᠤᠨ ᠰᠤᠶᠤᠯ ᠤᠨ ᠲᠦᠪᠰᠢᠨ ᠢ ᠪᠠᠰᠠ ᠨᠢᠭᠡ ᠦᠨᠳᠤᠷ ᠲᠤ ᠡᠷᠬᠦᠭᠰᠡᠨ ᠰᠢᠭ ᠰᠠᠨᠠᠭᠳᠠᠨ᠎ᠠ᠃       ᠭᠠᠴᠠᠭᠠᠨ ᠤ ᠠᠯᠪᠠᠨ ᠭᠡᠷ ᠲᠤ ᠤᠷᠤᠬᠤ ᠳᠤ ᠦᠰᠤ ᠬᠡᠵᠢᠭᠡ ᠨᠢ ᠪᠤᠭᠤᠷᠤᠯᠳᠤᠨ ᠰᠢᠩᠭᠡᠷᠡᠭᠰᠡᠨ ᠨᠠᠰᠤᠳᠠᠢ ᠠᠪᠤ ᠦᠭᠡᠳᠡ ᠠᠴᠠ ᠤᠭᠳᠤᠵᠠᠢ᠃ ᠨᠠᠷᠢᠨ ᠰᠠᠶᠢᠬᠠᠨ ᠠᠵᠢᠭᠯᠠᠪᠡᠯ᠂ ᠮᠢᠨᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠤᠷᠪᠡ᠂ ᠲᠦᠷᠪᠡᠳᠤᠭᠡᠷ ᠤᠨ ᠤ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠰᠢᠨᠵᠢᠯᠳᠤ ᠪᠠᠭᠰᠢ ᠪᠠᠶᠢᠯ᠎ᠠ᠃ ᠨᠢᠳᠤᠨ ᠭᠠᠯ ᠨᠢ ᠨᠡᠯᠢᠶᠡᠤᠨ ᠰᠠᠶᠢᠨ ᠪᠤᠯᠤᠯᠳᠠᠢ᠂ ᠰᠢ ᠪᠠᠭᠰᠢ ᠮᠢᠨᠢ ᠨᠠᠳᠡ ᠶᠢ ᠦᠵᠡᠨ ᠲᠠᠨᠢᠵᠤ᠄       — ᠠᠢ ᠬᠦ᠋︕ ᠡᠨᠡ ᠴᠢᠨᠢ ᠴᠤᠭᠳᠤ ᠶᠤᠮ ᠪᠠᠶᠢᠨ᠎ᠠ᠂ ᠴᠤᠩᠬᠤᠨ ᠭᠠᠳᠠᠨᠠᠬᠢ ᠰᠠᠭᠯᠠᠭᠠᠷ ᠬᠠᠶᠢᠯᠠᠰᠤᠨ ᠳᠤ ᠱᠠᠭᠠᠵᠠᠭᠠᠢ ᠱᠠᠭᠰᠢᠭᠠᠤᠨ ᠪᠠᠶᠢᠬᠤ ᠪᠠᠷ ᠨᠢ ᠶᠠᠮᠠᠷ ᠨᠢᠭᠡᠨ ᠬᠦᠨᠳᠤᠳᠤ ᠵᠤᠴᠢᠨ ᠢᠷᠡᠬᠦ ᠪᠠᠶᠢᠯᠬᠦᠢ ᠬᠡᠮᠡᠨ ᠪᠤᠳᠤᠵᠤ ᠪᠠᠶᠢᠭᠰᠠᠨ ᠴᠢᠨᠢ ᠬᠠᠷᠢᠨ ᠴᠢ ᠪᠠᠶᠢᠵᠠᠢ ᠭᠡᠤᠨ ᠨᠠᠳᠡ ᠳᠤ ᠴᠠᠢ ᠠᠶᠠᠭᠠᠯᠠᠵᠤ ᠦᠭᠭᠦᠨ᠎ᠡ᠃       ᠪᠢ ᠪᠠᠭ᠎ᠠ ᠳᠤ ᠪᠠᠨ ᠠᠷᠠᠤᠨ ᠠᠴᠠ ᠡᠷᠬᠢᠯᠡᠭᠰᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠰᠢᠨᠵᠢᠯᠳᠤ ᠪᠠᠭᠰᠢ ᠲᠠᠢ ᠪᠠᠨ ᠲᠤᠩ ᠰᠠᠶᠢᠬᠠᠨ ᠲᠠᠰᠤᠯᠴᠠᠭᠰᠠᠨ ᠶᠤᠮ᠃ ᠰᠢ ᠪᠠᠭᠰᠢ ᠮᠠᠨ ᠤ ᠬᠡᠯᠡ ᠲᠤᠭ᠎ᠠ ᠶᠢ ᠵᠢᠭᠠᠬᠤ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠤᠳᠤ ᠦᠶ᠎ᠡ ᠶᠢᠨ ᠬᠤᠪᠢᠰᠬᠠᠯᠳᠤ ᠰᠢ ᠵᠦᠴᠤᠭᠡ ᠶᠢ ᠵᠢᠭᠠᠳᠠᠬ᠃ ᠲᠡᠭᠡᠭᠡᠤᠨ ︽ᠤᠯᠠᠭᠠᠨ ᠳ᠋ᠸᠡᠭ ᠤᠨ ᠲᠡᠮᠳᠡᠭᠯᠡᠯ︾ ᠭᠡᠮᠡᠬᠦ ᠰᠢ ᠶᠢ ᠲᠠᠭᠤᠯᠠᠬᠤ ᠳᠤ ᠪᠠᠨ ᠬᠢᠴᠢᠶᠡᠯᠯᠡᠬᠦ ᠲᠠᠶᠢᠰᠠᠨ ᠲᠡᠭᠡᠷᠡᠬᠢ ᠵᠢᠭᠠᠬᠤ ᠰᠢᠷᠡᠭᠡᠨ ᠳᠤ ᠡᠯᠢᠭᠡᠳᠡᠨ ᠵᠤᠭᠰᠤᠵᠤ᠂ ᠬᠦᠯ ᠢᠶᠠᠨ ᠴᠡᠴᠡᠷᠬᠡᠨᠡᠭᠦᠯᠤᠨ ᠪᠡᠭᠡᠵᠢᠩ ᠰᠢ ᠶᠢᠨ ᠤᠷᠳᠤ ᠨᠤᠭᠤᠯᠤᠭ᠎ᠠ ᠶᠢ ᠭᠠᠷᠭᠠᠵᠤ ᠪᠠᠶᠢᠭᠰᠠᠨ ᠲᠦᠷᠬᠦ ᠨᠢ ᠤᠳᠤ ᠴᠤ ᠪᠤᠳᠤᠯ ᠳᠤ ᠲᠤᠳᠤᠨᠤ ᠰᠠᠨᠠᠭᠳᠠᠨ᠎ᠠ᠃ ᠪᠢᠳᠡ ᠰᠢᠨᠵᠢᠯᠳᠤ ᠪᠠᠭᠰᠢ ᠪᠠᠨ ᠰᠢ ᠪᠠᠭᠰᠢ ᠬᠡᠮᠡᠨ ᠲᠠᠭᠤᠳᠠᠬᠤ ᠨᠢ ᠪᠡᠭᠡᠵᠢᠩ ᠰᠢ ᠶᠢᠨ ᠪᠠᠭᠰᠢ ᠭᠡᠰᠡᠨ ᠤᠤᠠᠬ᠎ᠠ ᠴᠤ ᠪᠤᠢ᠃ ᠰᠢ ᠪᠠᠭᠰᠢ ᠶᠢᠨ ᠨᠠᠳᠡ ᠳᠤ ᠪᠠᠰᠠ ᠨᠢᠭᠡᠨ ᠬᠦᠨ ᠰᠠᠭᠤᠭᠳᠠᠯ ᠦᠭᠭᠦᠭᠰᠡᠨ ᠤᠴᠢᠷ ᠭᠡᠪᠡᠯ᠂ ᠨᠡᠯᠢᠶᠡᠤᠨ ᠤᠷᠠᠯᠢᠭ ᠰᠠᠶᠢᠬᠠᠨ ᠬᠢᠭᠰᠡᠨ ᠶᠠᠭᠤᠮ᠎ᠠ ᠶᠢ ᠦᠵᠡᠭᠰᠡᠭᠡᠷ ︽ᠦᠨᠡᠭᠡᠷ ᠳ᠋ᠧᠪᠠᠯᠢᠭ︾ ᠭᠡᠵᠤ ᠬᠡᠯᠡᠨ᠎ᠡ᠃ ᠨᠢᠭᠡ ᠵᠢᠯ ᠤᠨ ᠪᠢᠳᠡᠬᠦᠨ ᠤ ᠤᠷᠢᠤᠨ ᠡᠳᠤᠷ ᠰᠢ ᠪᠠᠭᠰᠢ᠂ ᠠᠪᠤ ᠶᠢ ᠬᠠᠪᠰᠤᠷᠤᠨ ᠮᠠᠨ ᠤ ᠭᠡᠷ ᠤᠨ ᠠᠳᠠᠭᠠᠷ ᠢ ᠬᠠᠭᠤᠴᠢᠨ ᠰᠤᠨᠢᠨ ᠢᠶᠠᠷ ᠨᠠᠭᠠᠵᠤ ᠦᠭᠴᠡᠢ᠃ ᠪᠢ ᠦᠪᠡᠷ ᠤᠨ ᠬᠡᠳᠤᠨ ᠲᠠᠪᠬᠤᠷ ᠴᠠᠭᠠᠰᠤ ᠶᠢ ᠨᠡᠶᠢᠯᠡᠬᠦᠯᠤᠨ ᠴᠠᠷᠳᠡᠵᠤ᠂ ᠤᠯᠠᠭᠠᠨ᠂ ᠬᠠᠷ᠎ᠠ ᠪᠤᠳᠤᠭ ᠢᠶᠠᠷ ᠲᠠᠷᠤᠮᠠᠯᠯᠠᠵᠤ ᠬᠢᠭᠰᠡᠨ ᠬᠦᠵᠤᠷ ᠢᠶᠠᠨ ᠰᠢ ᠪᠠᠭᠰᠢ ᠳᠤ ᠪᠠᠨ ᠦᠵᠡᠬᠦᠯᠬᠦ ᠳᠤ᠂ ᠪᠠᠭᠰᠢ ᠮᠢᠨᠢ ᠮᠦᠨ ᠯᠡ ︽ᠡᠨᠡ ᠬᠦᠵᠤᠷ ᠢ ᠦᠨᠡᠭᠡᠷ ᠳ᠋ᠧᠪᠠᠯᠢᠭ ᠬᠢᠵᠠᠢ︾ ᠭᠡᠪᠡ᠃ ᠢᠡᠭᠭᠢᠵᠤ ᠬᠡᠯᠡᠬᠦ ᠶᠢ ᠮᠡᠳᠡᠵᠤ ᠪᠠᠶᠢᠭᠰᠠᠨ ᠡᠭᠡᠴᠢ ᠪᠢᠳᠡ ᠬᠡᠳᠤᠬᠦᠯᠡ ᠬᠠᠷᠢᠯᠴᠡᠨ ᠰᠡᠮ ᠢᠨᠢᠶᠡᠵᠤ ᠠᠮᠵᠢᠪᠡ᠃ ᠳ᠋ᠧᠪᠠᠯᠢᠭ ᠭᠡᠰᠡᠨ ᠨᠢ ᠬᠢᠳᠡᠤᠨ ᠦᠭᠡᠨ ᠳᠤ ᠮᠤᠩᠭᠤᠯ ᠲᠠᠭᠠᠪᠤᠷᠢ ᠵᠠᠯᠭᠠᠵᠤ ︽ᠰᠠᠶᠢᠬᠠᠨ︾ ᠭᠡᠬᠦ ᠰᠢᠨ᠎ᠡ ᠦᠭᠡ ᠪᠦᠳᠤᠭᠡᠭᠰᠡᠨ ᠪᠤᠯᠤᠯᠳᠠᠢ᠃ ᠮᠠᠨ ᠤ ᠬᠢᠨ ᠢᠡᠭᠭᠢᠵᠤ ᠬᠢᠳᠡᠤᠨ ᠮᠤᠩᠭᠤᠯ ᠬᠤᠯᠢᠵᠤ ᠬᠡᠯᠡᠬᠦ ᠨᠢ ᠨᠢᠭᠡᠨᠳᠡ ᠲᠠᠤᠡᠬᠠᠯ ᠪᠤᠯᠤᠭᠰᠠᠨ ᠪᠠᠶᠢᠪᠠ᠃ ᠰᠢ ᠪᠠᠭᠰᠢ ᠤᠳᠤᠬᠠᠨ ᠬᠡᠳᠦ᠋ᠢᠪᠡᠷ ᠨᠠᠶᠠ ᠰᠢᠬᠠᠭᠰᠠᠨ ᠴᠤ᠂ ᠪᠡᠶ᠎ᠡ ᠲᠡᠩᠭᠡᠯᠡᠭᠦᠨ᠂ ᠪᠢᠯᠢᠭ ᠰᠠᠷᠠᠭᠤᠯᠬᠠᠨ ᠪᠠᠶᠢᠭᠰᠠᠭᠠᠷ᠃       — ᠭᠠᠴᠠᠭᠠᠨ ᠤ ᠨᠤᠶᠠᠤᠨ ᠪᠦᠷ ᠲᠠᠨ ᠰᠢᠭ᠋ ᠵᠤᠴᠢᠤᠨ ᠢ ᠲᠠᠭᠠᠵᠤ᠂ ᠡᠷᠤᠭᠡ ᠳᠤ ᠭᠦᠨᠵᠡᠭᠡᠶᠢᠷᠡᠭᠰᠡᠨ᠃ ᠪᠢ ᠬᠦᠤ ᠪᠠᠨ ᠤᠷᠤᠯᠠᠨ ᠭᠡᠷ ᠰᠠᠬᠢᠭᠰᠠᠨ ᠴᠢᠨᠢ ᠬᠠᠷᠢᠨ ᠴᠤᠭᠳᠤ ᠲᠠᠢ ᠠᠭᠤᠯᠵᠠᠬᠤ ᠠᠵᠠ ᠲᠠᠢ ᠪᠠᠶᠢᠵᠠᠢ ᠬᠡᠮᠡᠨ ᠰᠢ ᠪᠠᠭᠰᠢ ᠮᠢᠨᠢ ᠨᠠᠳᠡ ᠶᠢ ᠬᠠᠷᠠᠵᠤ ᠬᠡᠯᠡᠬᠡᠤᠨ ᠲᠠᠬᠢᠨ ᠭᠠᠴᠠᠭᠠᠨ ᠤ ᠠᠯᠪᠠᠨ ᠭᠡᠷ ᠤᠨ ᠴᠤ᠋ ᠰᠢᠨ᠎ᠡ ᠰᠢᠷᠡᠭᠡ ᠰᠠᠨᠳᠠᠯᠢ᠂ ᠰᠢᠷᠡᠭᠡᠨ ᠲᠡᠭᠡᠷᠡᠬᠢ ᠺᠤᠮᠫᠢᠥ᠋ᠲ᠋ᠧᠷ ᠵᠡᠷᠭᠡ ᠶᠢ ᠬᠠᠷᠠᠭᠠᠤᠨ᠄        — ᠨᠠᠮ ᠵᠠᠰᠠᠭ ᠤᠨ ᠰᠠᠶᠢᠨ ᠢᠶᠠᠷ ᠠᠶᠢᠯ ᠲᠤᠰᠬᠤᠨ ᠮᠢᠨᠢ ᠰᠢᠨᠡᠳᠤᠨ ᠬᠦᠭᠵᠢᠵᠤ᠂ ᠠᠷᠠᠤᠨ ᠤᠨ ᠠᠮᠢᠳᠤᠷᠠᠯ ᠤᠷᠢᠤᠨ ᠢ ᠪᠤᠳᠤᠪᠡᠯ ᠡᠳᠤᠷᠵᠢᠨ ᠰᠢᠨᠡᠯᠡᠵᠤ ᠪᠠᠶᠢᠨ᠎ᠠ᠃ ᠡᠶᠢᠮᠤ ᠰᠠᠶᠢᠬᠠᠨ ᠴᠠᠭ ᠢᠷᠡᠨ᠎ᠡ ᠭᠡᠵᠤ ᠰᠠᠨᠠᠭ᠎ᠠ ᠵᠡᠬᠦᠳᠤᠨ ᠳᠤ ᠤᠷᠤᠭᠰᠠᠨ ᠦᠭᠡᠢ ᠭᠡᠵᠤ ᠰᠡᠤᠨᠬᠢᠯ ᠲᠤᠭᠳᠤᠯᠤᠩᠭᠤᠢ ᠬᠡᠯᠡᠪᠡ᠃ ᠡᠨᠡᠭᠡᠨ ᠭᠱᠠᠨ᠎ᠡ ᠮᠢᠨᠤ ᠪᠤᠳᠤᠯ ᠤᠨ ᠬᠦᠰᠢᠭᠡᠨ ᠳᠤ᠂ ᠡᠬᠦᠳᠡ ᠴᠤᠩᠬᠤ ᠨᠢ ᠤᠡᠭᠭᠤᠶᠢᠵᠤ᠂ ᠬᠡᠷᠡᠮ ᠬᠠᠨ᠎ᠠ ᠨᠢ ᠬᠡᠯᠳᠤᠷᠢᠭ᠍ᠰᠡᠨ ᠰᠢᠪᠡᠷ ᠪᠠᠶᠢᠰᠢᠩ ᠤᠨ ᠨᠢᠭᠡᠯᠡ ᠲᠠᠰᠤᠯᠭ᠎ᠠ ᠬᠢᠴᠢᠶᠡᠯᠯᠡᠬᠦ ᠭᠡᠷ ᠲᠤ᠂ ᠲᠦᠷᠪᠡᠨ ᠠᠩᠭᠢ ᠶᠢᠨ ᠲᠦᠴᠢᠨ ᠬᠡᠳᠤᠨ ᠰᠤᠷᠤᠭᠴᠢᠤᠨ ᠲᠤ ᠪᠠᠨ ᠠᠪᠤ ᠪᠤᠯᠤᠨ ᠰᠢ ᠪᠠᠭᠰᠢ ᠡᠭᠡᠯᠵᠢ ᠪᠠᠷ ᠬᠤᠭᠤᠯᠠᠢ ᠪᠠᠨ ᠰᠦᠭᠡᠳᠡᠯ᠎ᠡ ᠬᠢᠴᠢᠶᠡᠯ ᠵᠢᠭᠠᠵᠤ ᠪᠠᠶᠢᠭᠰᠠᠨ ᠲᠠᠯᠠᠪᠤᠷ ᠪᠠᠶᠢᠳᠠᠯ ᠲᠤᠳᠤᠷᠠᠵᠤ ᠠᠮᠵᠢᠪᠡ᠃       — ᠡᠨᠡ ᠨᠤᠳᠤᠭ ᠤᠨ ᠬᠦᠭᠵᠢᠯ ᠬᠤᠪᠢᠷᠡᠯ ᠳᠤ ᠪᠠᠭᠰᠢ ᠮᠢᠨᠢ ᠲᠠ ᠴᠤ ᠨᠠᠰᠤ ᠪᠠᠷ ᠢᠶᠠᠨ ᠵᠢᠤᠡᠬᠦᠭᠰᠡᠨ ᠭᠠᠪᠢᠶ᠎ᠠ ᠲᠠᠢ ᠬᠦᠮᠤᠨ ᠰᠢᠤ︕ ᠭᠡᠬᠦ ᠳᠤ ᠰᠢ ᠪᠠᠭᠰᠢ ᠮᠢᠨᠢ ᠰᠠᠭᠤᠭᠰᠠᠨ ᠰᠠᠨᠳᠠᠯᠢ ᠠᠴᠠ ᠪᠠᠨ ᠪᠤᠰᠤᠨ᠂ ᠨᠡᠭᠡᠭᠡᠯᠳᠡᠢ ᠴᠤᠩᠬᠤ ᠪᠠᠷ ᠤᠨᠢᠶᠠᠷᠳᠤᠨ ᠴᠡᠩᠭᠡᠷᠯᠡᠭᠡ ᠡᠯᠴᠢᠳᠠᠢ ᠠᠭᠤᠯᠠ ᠪᠡ ᠲᠡᠮᠡᠭᠡᠨ ᠭᠤᠤᠯ ᠤᠨ ᠦᠷᠭᠡᠨ ᠬᠦᠨᠳᠡᠢ ᠶᠢ ᠪᠠᠷᠠᠯᠠᠨ ᠄       — ᠠᠶᠢᠯ ᠤᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠪᠠᠨ ᠬᠡᠤᠬᠡᠤᠨ ᠤᠨ ᠴᠡᠴᠡᠷᠯᠢᠭ ᠪᠤᠯᠳᠠᠯ᠎ᠠ ᠡᠬᠦᠳᠡ ᠶᠢ ᠨᠢ ᠬᠠᠭᠠᠭᠰᠠᠨ ᠦᠭᠡᠢ ᠠᠪᠴᠤ ᠶᠠᠪᠤᠭᠰᠠᠨ ᠨᠢ ᠦᠨᠡᠨ᠃ ᠭᠡᠶ᠎ᠠ ᠴᠤ ᠨᠤᠳᠤᠭ ᠢᠶᠠᠨ ᠬᠤᠳᠦ᠋ᠢᠳᠠᠯ᠎ᠠ ᠰᠠᠭᠤᠭᠠᠤᠨ᠂ ᠨᠤᠳᠤᠭ ᠢᠶᠠᠨ ᠢᠳᠡᠭᠰᠡᠨ ᠠᠴᠠ ᠪᠢᠰᠢ᠂ ᠨᠤᠳᠤᠭ ᠲᠤ ᠪᠠᠨ ᠶᠠᠭᠤ ᠪᠦᠳᠤᠭᠡᠵᠤ ᠦᠭᠪᠡ ᠪᠢᠳᠡ ᠴᠢᠨᠢ︖ ᠨᠠᠮ ᠵᠠᠰᠠᠭ ᠠᠴᠠ ᠭᠡᠷ ᠪᠠᠶᠢᠰᠢᠩ ᠪᠠᠷᠢᠵᠤ᠂ ᠵᠠᠮ ᠵᠡᠭᠡᠯᠢ ᠶᠢ ᠲᠡᠪᠢᠰᠴᠤ ᠦᠭᠭᠦᠨ᠂ ᠮᠠᠯ ᠲᠠᠷᠢᠶᠠᠨ ᠠᠴᠠ ᠭᠠᠶᠢᠯᠢ ᠲᠠᠳᠠᠪᠤᠷᠢ ᠬᠤᠷᠢᠶᠠᠬᠤ ᠦᠭᠡᠢ ᠪᠦᠭᠡᠳ ᠠᠯᠢ ᠤᠯᠠᠨ ᠨᠦᠬᠦᠪᠤᠷᠢ ᠲᠡᠤᠨᠬᠦᠮᠵᠢ ᠭᠡᠤᠨ ᠦᠭᠴᠤ ᠯᠡ ᠪᠠᠶᠢᠨ᠎ᠠ᠃ ᠠᠶᠢᠯ ᠭᠡᠷ ᠤᠨ ᠠᠮᠢᠳᠤᠷᠠᠯ ᠮᠠᠨᠢ ᠤᠷᠢᠤᠨ ᠢ ᠪᠤᠳᠤᠪᠡᠯ ᠦᠨᠡᠭᠡᠷ ᠲᠡᠭᠷᠢ ᠭᠠᠵᠠᠷ ᠤᠨ ᠶᠡᠭᠡ ᠬᠤᠪᠢᠷᠠᠯᠳᠡ ᠭᠠᠷᠴᠠᠢ᠃ ᠮᠠᠨᠤᠰ ᠤᠨ ᠬᠡᠳᠤᠨ ᠦᠶ᠎ᠡ ᠪᠠᠷ ᠡᠪᠳᠡᠭᠰᠡᠨ ᠠᠭᠤᠯᠠ ᠤᠰᠤ᠂ ᠡᠪᠡᠰᠤ ᠪᠡᠯᠴᠢᠭᠡᠷ ᠢ ᠰᠡᠷᠬᠦᠭᠡᠨ ᠨᠤᠭᠤᠭᠠᠷᠠᠭᠤᠯᠬᠤ ᠭᠡᠵᠤ ᠨᠠᠮ ᠵᠠᠰᠠᠭ ᠠᠴᠠ ᠶᠡᠭᠡ ᠪᠡᠯᠡ ᠤᠷᠤᠭᠤᠯᠤᠨ ᠴᠢᠷᠮᠠᠶᠢᠵᠤ ᠪᠠᠶᠢᠨ᠎ᠠ᠃ ᠨᠤᠳᠤᠭ ᠤᠰᠤ ᠮᠢᠨᠢ ᠤᠷᠢᠤᠨ ᠤᠨ ᠰᠢᠭ᠋ ᠢᠶᠠᠷ ᠢᠶᠠᠨ ᠬᠦᠭᠡᠷᠡᠨ ᠨᠤᠭᠤᠭᠠᠷᠠᠬᠤ ᠭᠡᠭᠴᠢ ᠶᠡᠭᠡ ᠬᠦᠴᠤ ᠬᠡᠷᠡᠭᠰᠡᠨ᠎ᠡ ᠳ᠋ᠡ︕ ᠭᠡᠵᠤ ᠬᠦᠨ ᠰᠡᠤᠨᠬᠢᠯᠭᠡ ᠲᠠᠢ ᠬᠡᠯᠡᠪᠡ᠃        — ᠪᠢᠳᠡ ᠪᠦᠷ ᠡᠭᠡ ᠪᠠᠶᠢᠭᠠᠯᠢ ᠳᠤ ᠪᠠᠨ ᠦᠷᠢ ᠲᠠᠢ ᠬᠦᠮᠤᠨ ᠭᠡᠵᠤ ᠪᠡᠶ᠎ᠡ ᠪᠠᠨ ᠪᠤᠷᠤᠭᠤᠡᠬᠠᠪᠠ᠃        ᠱᠠᠭᠠᠷᠭᠠᠳᠠᠢ ᠳᠤ ᠢᠷᠡᠭᠰᠡᠨ ᠠᠵᠢᠯ ᠠᠯᠪᠡ ᠪᠠᠨ ᠲᠠᠭᠤᠰᠬᠠᠭᠠᠤᠨ ᠪᠢ ᠲᠠᠷᠠᠭ᠎ᠠ ᠡᠳᠤᠷ ᠲᠤ ᠨᠢ ᠬᠤᠰᠢᠭᠤᠨ ᠲᠦᠪ ᠤᠷᠤᠭᠤ ᠪᠠᠨ ᠪᠤᠴᠠᠪᠡ᠃ ᠠᠶᠢᠯ ᠤᠨ ᠡᠮᠤᠨᠠᠬᠢ ᠲᠡᠯ ᠬᠠᠳᠡᠨ ᠤ ᠲᠤᠤᠷ᠎ᠠ ᠬᠦᠷᠤᠭᠡᠤᠨ ᠪᠢ᠂ ᠲᠡᠷᠭᠡ ᠪᠠᠨ ᠲᠠᠯᠪᠢᠨ ᠬᠠᠳᠡᠨ ᠤ ᠤᠷᠤᠢ ᠳᠤ ᠮᠠᠴᠤᠨ ᠭᠠᠷᠪᠡ᠃ ᠲᠤᠯᠤᠭᠠᠨ ᠭᠠᠨᠭ᠍ᠭ᠎ᠠ ᠶᠢᠨ ᠠᠭᠤᠯᠠ ᠪᠠᠨ ᠲᠦᠰᠢᠨ᠂ ᠲᠡᠮᠡᠭᠡᠨ ᠭᠤᠤᠯ ᠤᠨ ᠦᠷᠬᠡᠨ ᠬᠦᠨᠳᠠᠢ ᠢᠰᠬᠦᠯᠤᠭ᠍ᠰᠡᠨ ᠱᠠᠭᠠᠷᠭᠠᠳᠠᠢ ᠠᠶᠢᠯ ᠤᠨ ᠰᠢᠨᠡᠭᠡᠨ ᠭᠤᠶᠤ ᠪᠠᠶᠢᠰᠢᠩ ᠤᠳ ᠦᠷᠯᠤᠭᠡ ᠶᠢᠨ ᠨᠠᠷᠠᠨ ᠳᠤ ᠦᠡᠭᠭᠡ ᠢᠯᠭᠠᠷᠠᠨ ᠵᠢᠭᠳᠡᠷᠡᠨ᠎ᠡ᠃ ᠡᠨᠡ ᠨᠢ ᠨᠠᠳᠡ ᠳᠤ ᠮᠤᠳᠤᠤᠨ ᠨᠢ ᠰᠢᠩᠭᠡᠷᠡᠨ᠂ ᠰᠢᠪᠠᠭᠤᠤᠨ ᠨᠢ ᠴᠦᠭᠡᠷᠡᠵᠤ᠂ ᠤᠰᠤ ᠨᠢ ᠲᠠᠳᠠᠭᠤᠷᠠᠭᠰᠠᠨ ᠠᠭᠤᠯᠠ ᠭᠤᠤᠯ ᠲᠠᠢ ᠪᠠᠨ ᠡᠰᠡᠷᠬᠦᠤ ᠲᠡᠰᠡᠷᠬᠦᠤ ᠵᠡᠷᠭᠡᠴᠡᠬᠦᠯᠤᠯ ᠪᠤᠯᠵᠤ ᠬᠠᠷᠠᠭᠳᠠᠨ᠎ᠠ᠃       ᠮᠢᠨᠤ ᠤᠨᠠᠭᠠᠨ ᠪᠠᠭ᠎ᠠ ᠶᠢᠨ ᠨᠠᠭᠠᠳᠤᠨ ᠲᠤᠭᠯᠠᠵᠤ᠂ ᠲᠠᠰᠤᠭᠰᠠᠨ ᠬᠦᠭᠡ ᠠᠭᠤᠯᠠ᠂ ᠬᠦᠭᠡᠮᠳᠤᠭ᠌ ᠤᠰᠤ ᠪᠡ ᠬᠦᠮᠤᠨ ᠪᠤᠯᠬᠤ ᠶᠢᠨ ᠪᠡᠷᠭᠡ ᠶᠢ ᠰᠤᠷᠭᠠᠭᠰᠠᠨ ᠬᠦᠳᠡᠭᠡ ᠠᠶᠢᠯ ᠬᠤᠶᠠᠷ ᠮᠠᠨᠢ︕ ᠦᠨᠤ ᠶᠤᠰᠤᠳᠠᠢ ᠤᠷᠤᠨ ᠪᠠᠶᠢᠷᠢ ᠪᠠᠨ ᠲᠦᠢᠯᠪᠤᠷᠢᠳᠠᠢ ᠰᠤᠯᠢᠴᠢᠬᠠᠭᠰᠠᠨ ᠪᠠᠶᠢᠪᠡ᠃       ᠮᠦᠷᠤᠭᠡᠳᠤᠯ ᠳᠤ ᠰᠦᠮᠡᠯᠵᠡᠳᠡᠭ ᠤᠨᠠᠭᠠᠨ ᠪᠠᠭ᠎ᠠ ᠶᠢᠨ ᠨᠤᠳᠤᠭ ᠮᠢᠨᠢ︕ ᠦᠨᠡᠭᠡᠷ ᠮᠢᠨᠤ ᠦᠨᠢ ᠡᠬᠦᠷᠢᠳᠡ ᠶᠢᠨ ᠲᠤᠷᠠᠰᠤᠮᠵᠢ ᠪᠤᠶᠤ ᠬᠦᠰᠡᠯ ᠵᠡᠬᠦᠳᠤᠨ ᠪᠤᠯᠴᠢᠬᠠᠭᠰᠠᠨ ᠪᠢᠯᠢᠤ᠃  ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠵᠠᠯᠠᠶᠢᠤᠨ ᠬᠤᠰᠢᠭᠤᠨ ᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠲᠤᠪᠴᠢᠶ᠎ᠡ
  
ᠢᠷᠡᠯᠲᠡ᠄ ᠬᠢᠩᠭᠠᠨ ᠤ ᠡᠳᠦᠷ ᠤᠨ ᠰᠣᠨᠢᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠡᠵᠢ ᠶᠢᠨ ᠬᠠᠶᠢᠷ᠎ᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号