| ᠮᠤᠩᠭᠤᠯᠴᠤᠳ ᠤᠨ ᠬᠡᠯᠡᠴᠡ ᠳᠤ ︽ᠰᠠᠪᠠ ᠬᠤᠭᠤᠰᠤᠯᠠᠬᠤ ᠦᠭᠡᠢ︾ ᠭᠡᠬᠦ ᠪᠤᠶᠦ ︽ᠰᠠᠪᠠ ᠬᠤᠭᠤᠰᠤᠨ | ᠪᠤᠴᠠᠭᠠᠳᠠᠭ ᠦᠭᠡᠢ︾ ᠭᠡᠬᠦ ᠬᠡᠯᠡᠯᠬᠡ ᠪᠠᠶᠢᠳᠠᠭ ᠰᠠᠨ᠃ ᠤᠳᠬ ᠠ ᠨᠢ ᠦᠨᠳᠦᠰᠦᠨ ᠳᠤ ᠪᠠᠨ ᠠᠳᠠᠯᠢ ᠶᠤᠮ᠃ | ᠮᠤᠩᠭᠤᠯ ᠬᠦᠮᠦᠨ ᠡᠷᠳᠡ ᠠᠴᠠ ᠪᠠᠨ ᠠᠶᠢᠯ ᠳᠤ ᠪᠠᠭᠤᠵᠦ ᠰᠠᠭᠤᠬᠤ ᠳᠤ ᠪᠠᠨ ᠴᠠᠢ ᠤᠰᠤ ᠤᠤᠭᠤᠬᠤ ᠪᠤᠶᠦ | ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠬᠦ ᠳᠤ ᠪᠠᠨ ᠠᠶᠢᠯ ᠤᠨ ᠲᠠᠯᠪᠢᠵᠦ ᠦᠭᠬᠦᠭᠰᠡᠨ ᠪᠤᠦᠪᠤ ᠪᠤᠭᠤᠷᠰᠤᠭ᠂ ᠰᠢᠬᠢᠷ ᠵᠢᠮᠢᠰ᠂ | ᠠᠶᠢᠷᠠᠭ ᠬᠤᠷᠤᠳ ᠪᠤᠶᠦ ᠮᠢᠬᠠ ᠰᠢᠭᠦᠰᠦ ᠶᠢ ᠲᠠᠪᠠᠭ᠂ ᠰᠠᠪᠠ ᠶᠢ ᠨᠢ ᠬᠤᠭᠤᠰᠤᠷᠠᠳᠠᠯ ᠠ ᠢᠳᠡᠵᠦ ᠤᠭᠤᠤᠬᠤ ᠶᠢ | ᠮᠠᠰᠢ ᠴᠡᠭᠡᠷᠯᠡᠳᠡᠭ ᠪᠠᠶᠢᠨᠠ᠃ ᠡᠭᠦᠨ ᠢ ︽ᠰᠠᠪᠠ ᠬᠤᠭᠤᠰᠤᠯᠠᠬᠤ ᠦᠭᠡᠢ︾ ᠭᠡᠳᠡᠭ᠃ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ︽ | ᠲᠠᠪᠠᠭ ᠬᠤᠭᠤᠰᠤᠯᠠᠬᠤ ᠦᠭᠡᠢ︾ ᠭᠡᠳᠡᠭ ᠨᠢ ᠮᠤᠩᠭᠤᠯ ᠬᠦᠮᠦᠨ ᠵᠤᠴᠢᠨᠰᠠᠭ ᠭᠡᠳᠡᠭ ᠦᠨᠡᠨ ᠤᠴᠢᠷᠳᠡᠢ ᠰᠠᠨ᠃ | ᠠᠯᠢ ᠠᠶᠢᠯ ᠡᠷᠦᠭᠡ ᠳᠤ ᠨᠢ ᠴᠦ ᠭᠡᠰᠡᠨ᠂ ᠵᠠᠯᠠᠭᠰᠠᠨ ᠵᠤᠴᠢᠨ ᠢᠷᠡᠬᠦ ᠪᠤᠶᠦ ᠵᠠᠮ ᠢᠶᠠᠷ ᠦᠡᠭᠭᠡᠷᠡᠬᠦ ᠬᠦᠮᠦᠨ ᠪᠠᠭᠤᠵᠦ | ᠰᠠᠭᠤᠭᠠᠳ ᠭᠠᠷᠬᠤ ᠶᠠᠪᠤᠳᠠᠯ ᠵᠦᠡᠭᠳᠡᠭᠡᠨ ᠳᠤᠬᠢᠶᠠᠯᠳᠤᠳᠠᠭ ᠶᠤᠮ᠃ ᠪᠠᠭᠤᠭᠠᠳ ᠯᠠ ᠭᠠᠷᠳᠠᠭ᠂ ᠪᠤᠴᠠᠭᠠᠳ ᠯᠠ | ᠮᠤᠷᠳᠠᠳᠠᠭ᠃ ᠠᠯᠢ ᠨᠢᠭᠡᠨ ᠠᠶᠢᠯ ᠡᠷᠦᠬᠡ ᠨᠢ ᠴᠦ ᠲᠠᠨᠢᠬᠤ᠂ ᠲᠠᠨᠢᠬᠤ ᠦᠭᠡᠢ ᠬᠦᠮᠦᠨ ᠢᠷᠡᠯ ᠠ ᠭᠡᠳ ︽ᠴᠠᠢ ᠴᠦ | ᠦᠭᠡᠢ ᠴᠢᠷᠠᠢ ᠴᠦ ᠦᠭᠡᠢ︾ ᠴᠠᠮᠪᠠᠶᠢᠵᠦ ᠲᠠᠮᠪᠠᠶᠢᠵᠦ ᠰᠠᠭᠤᠭᠠᠳ ᠦᠡᠭᠭᠡᠷᠡᠭᠡᠳᠡᠭ ᠦᠭᠡᠢ ᠪᠢᠯᠡ᠃ ᠬᠡᠨ ᠨᠢ | ᠢᠷᠡᠭᠰᠡᠨ ᠴᠦ ᠬᠠᠮᠢᠶ ᠠ ᠦᠭᠡᠢ᠂ ᠰᠠᠪᠠ ᠲᠠᠪᠠᠭ ᠲᠤ ᠪᠠᠨ ᠴᠠᠭᠠᠨ ᠢᠳᠡᠭᠡ ᠪᠤᠭᠤᠷᠰᠤᠭ ᠢᠶᠠᠨ ᠳᠦᠭᠦᠷᠡᠳᠡᠯ ᠠ | ᠳᠠᠯᠪᠢᠭᠠᠳ᠂ ᠴᠠᠢ ᠤᠮᠳᠠ ᠪᠠᠨ ᠠᠶᠠᠭᠠᠯᠠᠵᠦ ᠤᠭᠳᠤᠳᠠᠭ ᠵᠠᠩᠰᠢᠯ ᠲᠠᠢ ᠪᠢᠯᠡ᠃ ᠳᠡᠭᠡᠬᠦ ᠳᠤ ᠵᠠᠯᠠᠭᠳᠠᠭᠰᠠᠨ ᠵᠤᠴᠢᠨ | ᠴᠦ ᠪᠤᠯᠤᠭ᠂ ᠢᠷᠡᠭᠰᠡᠨ ᠬᠦᠮᠦᠨ ᠨᠢ ᠴᠦ ᠪᠤᠯᠤᠭ᠂ ᠳᠠᠯᠪᠢᠵᠦ ᠦᠭᠭᠦᠭᠰᠡᠨ ᠲᠠᠪᠠᠭ ᠲᠠᠢ ᠢᠳᠡᠭᠡ ᠶᠢ ᠨᠢ | ᠬᠤᠭᠤᠰᠤᠷᠠᠳᠠᠯ ᠠ ᠢᠳᠡᠳᠡᠭ ᠦᠭᠡᠢ ᠶᠤᠮ᠃ ᠠᠩᠭᠠᠭᠠ ᠴᠠᠩᠭᠠᠭᠠ ᠪᠠᠨ ᠪᠠᠭᠠ ᠳᠠᠷᠤᠭᠠᠳ ᠪᠤᠯᠭᠠᠴᠢᠬᠠᠳᠠᠭ᠃ | ᠶᠠᠭᠠᠬᠢᠵᠦ ᠦᠯᠦᠰᠴᠦ᠂ ᠠᠩᠭᠠᠵᠦ ᠪᠠᠢᠭᠰᠠᠨ ᠴᠦ ︽ᠳᠡᠭᠡᠵᠢ︾ ︽ᠬᠡᠰᠢᠭ︾ ︽ᠪᠤᠶᠠᠨ︾ ᠢ ᠨᠢ ᠦᠯᠡᠳᠡᠭᠡᠶ ᠠ | ᠭᠡᠳ ᠵᠤᠴᠢᠯᠠᠭᠰᠠᠨ ᠠᠶᠢᠯ ᠤᠨ ᠢᠳᠡᠭᠡᠨ ᠤ ᠰᠠᠪᠠ ᠪᠤᠶᠦ ᠲᠠᠪᠠᠭ ᠢ ᠬᠤᠭᠤᠰᠤᠯᠠᠳᠠᠭ ᠦᠭᠡᠢ᠃ ᠡ᠊ᠨᠡ ᠪᠤᠯ | ᠮᠤᠩᠭᠤᠯᠴᠤᠳ ᠤᠨ ᠠᠯᠢ ᠡᠷᠳᠡ ᠠᠴᠠ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠢᠵᠠᠭᠤᠷ ᠦᠪ ᠰᠤᠶᠤᠯ ᠶᠤᠮ᠃ ᠮᠤᠩᠭᠤᠯᠴᠤᠳ | ᠠᠶᠢᠯ ᠳᠤ ᠤᠴᠢᠭᠰᠠᠨ ᠭᠡᠶᠢᠴᠢᠨ ᠵᠤᠴᠢᠨ ᠳᠤ ᠪᠠᠨ ᠳᠠᠯᠪᠢᠵᠦ ᠦᠭᠭᠦᠭᠰᠡᠨ ᠲᠠᠪᠠᠭ ᠲᠠᠢ ᠢᠳᠡᠭᠡ ᠪᠤᠶᠦ ᠰᠠᠪᠠ ᠲᠠᠢ | ᠬᠤᠭᠤᠯᠠ ᠤᠮᠳᠠᠭᠠᠨ ᠢ ᠨᠢ ᠬᠤᠭᠤᠰᠤᠷᠠᠳᠠᠯ ᠠ ᠢᠳᠡᠵᠦ ᠤᠤᠭᠤᠬᠤ ᠨᠢ ︽ᠶᠤᠰᠦ ᠮᠤᠷᠠᠯ ᠦᠭᠡᠢ ᠬᠦᠮᠦᠨ︾᠂ ︽ | ᠶᠠᠭᠤᠮ ᠠ ᠮᠡᠳᠡᠬᠦ ᠦᠭᠡᠢ᠂ ᠶᠠᠭᠤᠮ ᠠ ᠦᠵᠡᠭᠰᠡᠨ ᠦᠭᠡᠢ ᠠᠮᠢᠳᠠᠨ︾᠂ ︽ᠦᠯᠦᠭ ᠬᠤᠪᠳᠤᠭ︾ ᠁ ᠭᠡᠬᠦ | ᠮᠡᠲᠦ ᠪᠠᠷ ᠬᠡᠯᠡᠭᠳᠡᠨᠡ ᠭᠡᠵᠦ ᠲᠠᠰᠦ ᠴᠡᠭᠡᠷᠯᠡᠳᠡᠭ ᠪᠢᠯᠡ᠃ ᠰᠠᠪᠠ ᠬᠤᠭᠤᠰᠤᠯᠠᠬᠤ ᠦᠭᠡᠢ ᠶᠤᠰᠤᠨ ᠳᠤ ᠪᠠᠰᠠ | ᠪᠤᠰᠤᠳ ᠤᠨ ᠦᠭᠭᠦᠭᠰᠡᠨ ᠪᠡᠯᠡᠭ ᠤᠨ ᠬᠠᠷᠢᠭᠤ ᠳᠤ ᠰᠠᠪᠠ ᠪᠤᠶᠦ ᠲᠠᠪᠠᠭ ᠢ ᠨᠢ ᠪᠤᠴᠠᠭᠠᠬᠤ ᠳᠤ ᠪᠠᠨ ᠰᠠᠪᠠ ᠪᠤᠶᠦ | ᠲᠠᠪᠠᠭ ᠲᠤ ᠨᠢ ᠰᠢᠬᠢᠷ ᠪᠤᠦᠪᠤ ᠵᠡᠷᠭᠡ ᠶᠢ ᠬᠢᠵᠦ᠂ ᠬᠤᠭᠤᠰᠤᠨ ᠪᠤᠴᠠᠭᠠᠳᠠᠭ ᠦᠭᠡᠢ ᠶᠤᠰᠦ ᠲᠠᠢ ᠪᠠᠶᠢᠳᠠᠭ ᠪᠢᠯᠡ᠃ | ᠡᠬᠦᠨ ᠢ ︽ᠰᠠᠪᠠ ᠬᠤᠭᠤᠰᠤᠨ ᠪᠤᠴᠠᠭᠠᠳᠠᠭ ᠦᠭᠡᠢ︾ ᠭᠡᠳᠡᠭ᠃ ᠡᠨᠡ ᠪᠦᠬᠦᠢ ᠦᠢᠯᠡ ᠶᠤᠰᠦ ᠪᠤᠯ ᠬᠦᠨᠳᠦᠳᠭᠡᠯ᠂ | ᠲᠠᠯᠠᠷᠬᠠᠯ ᠪᠤᠶᠦ ᠪᠡᠯᠭᠡᠳᠡᠯ ᠤᠨ ᠤᠯᠠᠮᠵᠢᠯᠠᠯᠳᠦ ᠰᠤᠶᠤᠯ ᠶᠤᠰᠤᠨ ᠪᠠᠶᠢᠵᠦ᠂ ᠮᠤᠩᠭᠤᠯᠴᠤᠳ ᠤᠨ ︽ᠰᠠᠪᠠ | ᠬᠤᠭᠤᠰᠤᠯᠠᠬᠤ ᠦᠭᠡᠢ︾ ᠠᠮᠢᠳᠤᠷᠠᠯ ᠤᠨ ᠶᠤᠰᠦ ᠤᠴᠢᠷ ᠢ ᠬᠡᠦᠬᠡᠳ ᠳᠡᠭᠦᠦ ᠨᠠᠷ ᠮᠢᠨᠢ ᠭᠦᠨᠠ ᠡᠵᠡᠮᠰᠢᠵᠦ | ᠠᠪᠬᠤ ᠳᠤ ᠮᠤᠩᠭᠤᠯ ᠰᠤᠶᠤᠯ ᠤᠨ ᠨᠢᠭᠡ ᠰᠠᠶᠢᠬᠠᠨ ᠦᠢᠯᠡ ᠳᠡᠯᠭᠡᠷᠡᠭᠰᠡᠭᠡᠷ ᠯᠠ ᠪᠠᠶᠢᠬᠤ ᠪᠤᠯᠤᠨᠠ ᠳ᠋ᠠ︕ | | ︵︽ᠰᠢᠯᠢ ᠶᠢᠨ ᠭᠤᠤᠯ ᠮᠤᠩᠭᠤᠯ ᠰᠦᠯᠵᠢᠶᠠ︾ ᠠᠴᠠ︶ |