| ᠵᠠᠷᠤᠳ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯ ᠵᠢᠮᠰᠡᠭ ᠤᠨ ᠡᠳ᠋ ᠲᠤ ᠪᠦᠰᠡᠬᠦ᠋ᠢᠴᠤᠳ ᠤᠨ | ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠪᠤᠯᠬᠤ ︽ᠲᠠᠪᠤᠨ ᠬᠠᠳᠬᠤᠭᠤᠷ︾᠂ ᠲᠤᠯᠤᠭᠠᠢ ᠶᠢᠨ ᠠᠯᠴᠢᠭᠤᠷ᠂ ᠡᠭᠡᠮᠥᠭ ᠰᠦᠢᠬᠡ ᠠᠴᠠ | ᠭᠠᠳᠠᠨᠠ ᠬᠠᠪᠳᠠᠭᠠ᠂ ᠵᠡᠬᠦᠪᠴᠢ᠂ ᠪᠠᠭᠤᠥ᠂ ᠪᠡᠭᠡᠵᠢ ᠵᠢᠴᠢ ᠡᠷᠡᠭᠳᠡᠶᠢᠴᠤᠳ ᠤᠨ ᠡᠳ᠋ᠯᠡᠳᠡᠭ ᠲᠠᠮᠠᠬᠢᠨ ᠤᠭᠤᠳᠠ᠂ | ᠬᠦᠬᠦᠷ᠂ ᠬᠦᠬᠦᠷ ᠤᠨ ᠲᠠᠯᠢᠩ᠂ ᠪᠦᠭᠡᠵᠢ᠂ ᠬᠡᠳᠠ᠂ ᠮᠤᠩᠭᠤᠯ ᠬᠢᠳᠤᠭᠠ᠂ ᠲᠠᠮᠠᠬᠢᠨ ᠭᠠᠩᠰᠠ ᠭᠡᠬᠦ ᠮᠡᠳᠤᠰ ᠢ | ᠪᠠᠭᠳᠠᠭᠠᠨᠠ᠃ ︽ᠲᠠᠪᠤᠨ ᠬᠠᠳᠬᠤᠭᠤᠷ︾ ᠤᠨ ᠦᠨᠳᠤᠰᠤᠨ ᠪᠦᠳᠤᠴᠠ᠃ ᠵᠠᠷᠤᠳ ᠮᠤᠩᠭᠤᠯ | ᠪᠦᠰᠡᠬᠦ᠋ᠢᠴᠤᠳ ᠤᠨ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ︽ᠲᠠᠪᠤᠨ ᠬᠠᠳᠬᠤᠭᠤᠷ︾ ᠨᠢ ᠶᠡᠷᠤᠩᠬᠡᠢ ᠳᠡᠭᠡᠨ ᠨᠢᠭᠡ ᠠᠷᠠᠯ ᠤᠨ | ᠬᠠᠳᠬᠤᠭᠤᠷ᠂ ᠬᠤᠶᠠᠷ ᠰᠢᠭᠠᠮᠠᠯ ᠬᠠᠳᠬᠤᠭᠤᠷ᠂ ᠬᠤᠶᠠᠷ ᠦᠰᠤᠨ ᠲᠦᠩᠰᠠ᠂ ᠬᠤᠶᠠᠷ ᠲᠤᠯᠤᠭᠤᠷ᠂ ᠬᠤᠶᠠᠷ | ᠬᠠᠪᠠᠭᠠ ᠬᠠᠳᠬᠤᠭᠤᠷ ︵ᠪᠠᠰᠠ ᠰᠢᠪᠡᠭᠡ ᠬᠠᠳᠬᠤᠭᠤᠷ ᠭᠡᠳᠡᠭ︶᠂ ᠨᠢᠭᠡ ᠬᠤᠥᠰ ᠮᠦᠩᠬᠦᠨ ᠡᠰᠢ ᠲᠠᠢ ᠱᠢᠷᠤᠨ | ᠤᠨᠵᠢᠯᠠᠭᠠ ᠪᠤᠯᠤᠨ ᠨᠢᠭᠡ ᠠᠴᠠ ᠬᠤᠶᠠᠷ ᠱᠢᠷᠤᠨ ᠲᠠᠳᠠᠭᠤᠷ ᠵᠡᠷᠭᠡ ᠪᠠᠷ ᠪᠦᠷᠢᠯᠳᠤᠳᠡᠭ᠃ ᠵᠠᠷᠤᠳ ᠮᠤᠩᠭᠤᠯ | ᠪᠦᠰᠡᠬᠦ᠋ᠢᠴᠤᠳ ᠤᠨ ᠤᠯᠠᠮᠵᠢᠯᠠᠳᠤ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ — ︽ᠲᠠᠪᠤᠨ ᠬᠠᠳᠬᠤᠭᠤᠷ︾ ᠢ ᠬᠡᠥᠬᠡᠨ ᠬᠦᠮᠤᠨ | ᠵᠡᠬᠦᠳᠡᠭ ᠦᠭᠡᠢ᠃ ᠬᠠᠳᠬᠤᠭᠤᠷ ᠤᠨ ᠲᠤᠳᠤᠷᠠ ᠠᠷᠠᠯ ᠤᠨ ᠬᠠᠳᠬᠤᠭᠤᠷ ᠨᠢ ᠬᠠᠮᠤᠭ ᠤᠨ ᠲᠤᠮᠤ᠃ ᠦᠰᠤᠨ | ᠲᠦᠩᠰᠠ ᠶᠢᠨ ᠭᠤᠥᠯ ᠪᠡᠶᠠ ᠶᠢ ᠮᠦᠩᠬᠦ ᠪᠠᠷ ᠬᠢᠵᠤ ᠭᠠᠳᠠᠭᠤᠷ ᠨᠢ ᠵᠢᠵᠢᠭ ᠵᠢᠵᠢᠭ ᠱᠢᠷᠤᠨ ᠬᠡᠯᠬᠢᠶᠠ ᠪᠠᠷ ᠨᠢᠭᠳᠠ | ᠰᠠᠶᠢᠬᠠᠨ ᠤᠷᠢᠶᠠᠭᠰᠠᠨ ᠪᠠᠶᠢᠨᠠ᠃ ᠱᠢᠷᠤᠨ ᠬᠡᠯᠬᠢᠶᠠ ᠶᠢᠨ ᠬᠤᠶᠠᠷ ᠬᠦᠪᠡᠭᠡ ᠳᠤ ᠮᠦᠩᠬᠦᠨ ᠬᠠᠰᠢᠯᠭᠠ ᠲᠠᠢ᠃ | ᠤᠨᠵᠢᠯᠠᠭᠠ ᠶᠢᠨ ᠡᠰᠢ ᠶᠢᠨ ᠬᠠᠳᠬᠤᠭᠤᠷ ᠤᠨ ᠬᠡᠰᠡᠭ ᠢ ᠮᠠᠨᠤ ᠪᠠᠷ ᠲᠠᠯᠪᠢ ᠮᠡᠳᠤ ᠶᠠᠩᠵᠤᠯᠠᠨ ᠵᠤᠬᠢᠶᠠᠳᠠᠭ᠃ | ᠠᠷᠠᠳ ᠤᠨ ᠬᠠᠳᠬᠤᠭᠤᠷ᠂ ᠰᠢᠭᠠᠮᠠᠯ ᠬᠠᠳᠬᠤᠭᠤᠷ᠂ ᠦᠰᠤᠨ ᠲᠦᠩᠰᠠ᠂ ᠲᠤᠯᠤᠭᠤᠷ᠂ ᠬᠠᠪᠠᠭᠠ | ᠬᠠᠳᠬᠤᠭᠤᠷ ᠤᠨ ᠭᠤᠥᠯ ᠪᠡᠶᠠ ᠬᠢᠭᠡᠳ ᠤᠨᠵᠢᠯᠠᠭᠠ ᠶᠢᠨ ᠡᠰᠢ ᠶᠢ ᠴᠦᠮ ᠴᠤᠯᠤ ᠮᠦᠩᠬᠦ ᠪᠠᠷ ᠬᠢᠳᠡᠭ ᠪᠠᠶᠢᠨᠠ᠃ | ᠲᠤᠯᠤᠭᠠᠢ ᠶᠢᠨ ᠠᠯᠴᠢᠭᠤᠷ᠃ ᠲᠤᠯᠤᠭᠠᠢ ᠶᠢᠨ ᠠᠯᠴᠢᠭᠤᠷ ᠪᠤᠯ ᠵᠠᠷᠤᠳ ᠮᠤᠩᠭᠤᠯ ᠪᠦᠰᠡᠬᠦ᠋ᠢᠴᠤᠳ ᠤᠨ | ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯ ᠤᠨ ᠡᠳ᠋ ᠤᠨ ᠨᠢᠭᠡ ᠶᠤᠮ᠃ ᠤᠥᠯ ᠨᠢ ᠵᠠᠷᠤᠳ ᠮᠤᠩᠭᠤᠯ ᠪᠦᠰᠡᠬᠦ᠋ᠢᠴᠤᠳ ᠬᠦᠮᠤᠨ ᠤ | ᠡᠮᠤᠨᠠ ᠭᠠᠷᠬᠤ ᠳᠤ ᠲᠤᠯᠤᠭᠠᠢ ᠨᠢᠴᠤᠬᠦᠨ ᠪᠠᠶᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠭᠡᠷ ᠲᠡᠭᠡᠨ ᠢᠷᠡᠬᠦ | ᠭᠡᠶᠢᠴᠢᠨ ᠵᠤᠴᠢᠨ ᠢᠶᠠᠨ ᠤᠭᠳᠤᠬᠤ ᠳᠠᠭᠠᠨ ᠲᠤᠯᠤᠭᠠᠢ ᠨᠢᠴᠤᠬᠦᠨ ᠭᠠᠷᠳᠠᠭ ᠦᠭᠡᠢ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠤᠳᠤ ᠴᠤ | ᠭᠡᠰᠡᠨ ᠨᠡᠯᠢᠶᠡᠳ ᠲᠤᠭᠠᠨ ᠤ ᠵᠠᠷᠤᠳ ᠮᠤᠩᠭᠤᠯ ᠪᠦᠰᠡᠬᠦ᠋ᠢᠴᠤᠳ ᠲᠤᠷᠭᠠᠨ ᠠᠯᠴᠢᠭᠤᠷ ᠢᠶᠠᠨ ᠵᠡᠬᠦᠳᠡᠭ᠃ ᠤᠥᠯ ᠨᠢ | ᠬᠤᠷᠢᠮ ᠨᠠᠶᠢᠷ ᠲᠤ ᠤᠷᠤᠯᠴᠠᠬᠤ ᠪᠤᠶᠤ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠦᠵᠡᠬᠦᠯᠤᠯᠭᠡ ᠳᠤ ᠲᠤᠷᠭᠠᠨ ᠠᠯᠴᠢᠭᠤᠷ ᠢᠶᠠᠨ | ᠲᠡᠭᠡᠬᠦᠷ ᠨᠢᠭᠡ ᠪᠤᠶᠤ ᠬᠤᠶᠠᠷ ᠲᠠᠳᠠᠭᠤᠷ ᠲᠠᠳᠠᠳᠠᠭ ᠨᠢ ᠤᠯᠠᠨ ᠪᠠᠶᠢᠯ ᠠ ᠭᠡᠳᠡᠭ᠃ | ᠵᠡᠬᠦᠪᠴᠢ᠃ ᠵᠡᠬᠦᠪᠴᠢ ᠪᠤᠯ ᠵᠠᠷᠤᠳ ᠮᠤᠩᠭᠤᠯ ᠪᠦᠰᠡᠬᠦ᠋ᠢᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯ ᠤᠨ ᠡᠳ᠋ ᠪᠤᠯᠬᠤ | ᠮᠦᠷᠳᠡᠬᠡᠨ ᠤᠯᠠᠮᠵᠢᠯᠠᠯᠳᠤ ᠭᠠᠷ ᠦᠵᠤᠬᠦᠷ ᠤᠨ ᠬᠡᠷᠡᠭᠯᠡᠭᠡᠨ ᠤ ᠴᠢᠬᠤᠯᠠ ᠡᠳ᠋ᠯᠠᠯ ᠪᠤᠯᠵᠤ ᠪᠠᠶᠢᠵᠠᠢ᠃ ᠵᠡᠬᠦᠪᠴᠢ ᠶᠢ | ᠵᠡᠬᠦᠥ ᠪᠠᠨ ᠬᠢᠵᠤ ᠬᠠᠳᠠᠭᠠᠯᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ᠃ ᠲᠡᠷᠠ ᠨᠢ ᠤᠷᠳᠤ ᠲᠦᠷᠪᠡᠯᠵᠢᠨ᠂ ᠲᠦᠷᠪᠡᠯᠵᠢᠨ᠂ ᠵᠤᠥᠪᠠᠩ | ᠬᠡᠯᠪᠡᠷᠢᠳᠤ᠂ ᠬᠤᠯᠤ ᠬᠡᠯᠪᠡᠷᠢᠳᠤ᠂ ᠲᠤᠭᠤᠷᠠᠭ ᠁ ᠵᠡᠷᠭᠡ ᠤᠯᠠᠨ ᠶᠠᠩᠵᠤ ᠶᠢᠨ ᠬᠡᠯᠪᠡᠷᠢ ᠵᠠᠭᠪᠤᠷ ᠲᠠᠢ᠃ | ᠵᠡᠬᠦᠪᠴᠢ ᠶᠢ ᠭᠤᠥᠯᠳᠠᠭᠤ ᠬᠤᠷᠴᠠ ᠰᠠᠶᠢᠬᠠᠨ ᠦᠩᠭᠡᠳᠤ ᠲᠤᠷᠭᠠ ᠲᠤᠷᠳᠤᠩ ᠪᠤᠶᠤ ᠦᠭᠡᠳᠡᠩ ᠢᠶᠠᠷ ᠭᠠᠳᠠᠷᠯᠠᠵᠤ᠂ | ᠭᠠᠳᠠᠷ ᠲᠠᠯ ᠠ ᠳᠤᠨᠢ ᠴᠡᠴᠡᠭ ᠨᠠᠪᠴᠢ ᠵᠢᠴᠢ ᠪᠤᠰᠤᠳ ᠠᠮᠢᠳᠠᠨ ᠤᠷᠭᠤᠮᠠᠯ᠂ ᠰᠢᠪᠠᠭᠤ᠂ ᠵᠢᠭᠠᠰᠤ᠂ ᠡᠷᠪᠡᠬᠡᠢ᠂ | ᠦᠯᠵᠡᠢ ᠵᠠᠩᠬᠢᠶᠠ᠂ ᠦᠯᠵᠡᠢ ᠪᠡᠯᠭᠡᠳᠤ ᠦᠭᠡ ᠮᠡᠳᠤ ᠶᠢᠨ ᠤᠷᠠᠨ ᠰᠠᠶᠢᠬᠠᠨ ᠬᠡ ᠤᠭᠠᠯᠵᠠ ᠶᠢ ᠬᠠᠳᠬᠤᠮᠠᠯ᠂ | ᠨᠠᠭᠠᠮᠠᠯ᠂ ᠤᠷᠢᠶᠠᠮᠠᠯ᠂ ᠰᠡᠶᠢᠯᠤᠮᠡᠯ ᠵᠡᠷᠭᠡ ᠭᠠᠷ ᠤᠷᠠᠯᠠᠯ ᠢᠶᠠᠷ ᠮᠠᠰᠢ ᠭᠤᠶᠤ ᠤᠷᠠᠯᠠᠨ ᠴᠢᠮᠡᠨᠠ᠃ ᠵᠡᠬᠦᠪᠴᠢ ᠶᠢᠨ | ᠲᠤᠳᠤᠷᠠ ᠨᠢᠮᠭᠡᠨ ᠬᠦᠪᠤᠩ ᠵᠤᠯᠤᠵᠤ ᠬᠡᠯᠡ ᠬᠢᠵᠤ᠂ ᠦᠨᠤ ᠬᠡᠯᠡ ᠲᠡᠭᠡᠷᠠ ᠨᠢ ᠵᠡᠬᠦᠥ ᠪᠠᠨ ᠬᠠᠳᠬᠤᠵᠤ ᠲᠡᠭᠡᠷᠠ | ᠲᠠᠯᠠ ᠶᠢᠨ ᠤᠭᠤᠰᠤᠷ ᠠᠴᠠ ᠨᠢ ᠲᠡᠭᠡᠭᠰᠢ ᠴᠢᠩᠭᠠᠭᠠᠪᠠᠯ ᠵᠡᠬᠦᠥ ᠪᠠᠨ ᠵᠡᠬᠦᠪᠴᠢ ᠶᠢᠨ ᠲᠤᠳᠤᠷᠠ ᠨᠢᠭᠤᠵᠤ | ᠬᠠᠳᠠᠭᠠᠯᠠᠴᠢᠬᠠᠳᠠᠭ᠃ | ᠬᠠᠪᠳᠠᠭᠠ᠃ ᠬᠠᠪᠳᠠᠭᠠ ᠪᠤᠯ ᠵᠠᠷᠤᠳ ᠮᠤᠩᠭᠤᠯᠴᠤᠳ ᠤᠨ ᠪᠠᠰᠠ ᠨᠢᠭᠡᠨ ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯ ᠵᠢᠮᠰᠡᠭ ᠤᠨ | ᠵᠦᠢᠯ ᠪᠤᠯᠤᠨᠠ᠃ ᠲᠡᠬᠦᠨ ᠤ ᠬᠡᠯᠪᠡᠷᠢ ᠲᠦᠷᠰᠤ ᠨᠢ ᠮᠦᠨ ᠵᠡᠬᠦᠪᠴᠢ ᠲᠠᠢ ᠤᠢᠢᠷᠠᠯᠴᠠᠭᠠ ᠪᠠᠷ ᠤᠷᠳᠤ ᠲᠦᠷᠪᠡᠯᠵᠢᠨ | ᠂ ᠲᠤᠭᠤᠷᠠᠭ᠂ ᠲᠡᠭᠰᠢ ᠲᠦᠷᠪᠡᠯᠵᠢᠨ᠂ ᠵᠤᠥᠪᠠᠩ ᠬᠡᠯᠪᠡᠷᠢᠳᠤ᠂ ᠬᠤᠯᠤ ᠬᠡᠯᠪᠡᠷᠢᠳᠤ᠂ ᠡᠷᠪᠡᠬᠡᠢ ᠬᠡᠯᠪᠡᠷᠢᠳᠤ᠂ | ᠵᠢᠷᠭᠤᠭᠠᠨ ᠲᠠᠯ ᠠ ᠲᠠᠢ ᠬᠠᠪᠳᠠᠭᠠ᠂ ᠨᠠᠢᠮᠠᠨ ᠲᠠᠯᠠ ᠲᠠᠢ ᠬᠠᠪᠳᠠᠭᠠ᠂ ᠵᠢᠷᠤᠬᠡᠨ ᠬᠡᠯᠪᠡᠷᠢᠳᠤ ᠵᠡᠷᠭᠡ ᠪᠠᠶᠢᠳᠠᠭ᠃ | ᠵᠢᠷᠤᠬᠡᠨ ᠬᠡᠯᠪᠡᠷᠢᠳᠤ ᠬᠠᠪᠳᠠᠭᠠ ᠶᠢ ᠪᠠᠰᠠ ᠵᠢᠷᠤᠬᠡᠨ ᠬᠠᠪᠳᠠᠭᠠ ᠭᠡᠵᠤ ᠲᠤᠰᠬᠠᠢ ᠨᠡᠷᠡᠯᠡᠳᠡᠭ᠃ ᠬᠠᠪᠳᠠᠭᠠ ᠲᠡᠭᠡᠷᠠ | ᠮᠦᠨ ᠴᠡᠴᠡᠭ ᠨᠠᠪᠴᠢ᠂ ᠰᠢᠪᠠᠭᠤ᠂ ᠵᠢᠭᠠᠰᠤ᠂ ᠡᠷᠪᠡᠬᠡᠢ ᠮᠡᠳᠤ ᠶᠢᠨ ᠤᠷᠭᠤᠮᠠᠯ ᠠᠮᠢᠳᠠᠨ ᠤ ᠬᠡ ᠤᠭᠠᠯᠵᠠ ᠶᠢ | ᠨᠠᠭᠠᠮᠠᠯ᠂ ᠬᠠᠳᠬᠤᠮᠠᠯ᠂ ᠤᠷᠢᠶᠠᠮᠠᠯ᠂ ᠰᠡᠶᠢᠯᠤᠮᠡᠯ ᠵᠡᠷᠭᠡ ᠤᠷᠠᠯᠠᠯ ᠵᠢᠴᠢ ᠭᠤᠴᠤ ᠨᠠᠷᠢᠯᠢᠭ ᠤᠷᠠᠯᠠᠨ ᠤᠶᠤᠳᠠᠭ ᠪᠤᠶᠤ | ᠦᠯᠵᠡᠢ ᠵᠠᠩᠬᠢᠶᠠ ᠤᠶᠤᠬᠤ ᠠᠴᠠ ᠭᠠᠳᠠᠨᠠ ︽ᠵᠤᠯ ᠵᠢᠷᠭᠠᠯ︾᠂ ︽ᠦᠨᠢᠷ ᠪᠠᠶᠠᠯᠢᠭ︾᠂ ︽ᠦᠨᠢᠷ ᠵᠢᠷᠭᠠᠯ︾᠂ | ︽ᠬᠡᠢ ᠮᠤᠷᠢ︾᠂ ︽ᠬᠡᠰᠢᠭ ᠪᠤᠶᠠᠨ︾᠂ ︽ᠬᠤᠷᠤᠢ ᠬᠤᠷᠤᠢ︾ ᠮᠡᠳᠤ ᠶᠢᠨ ᠦᠯᠵᠠᠢ ᠪᠡᠯᠭᠡᠳᠤ ᠦᠰᠥᠭ ᠢ | ᠨᠠᠭᠠᠬᠤ᠂ ᠬᠠᠳᠬᠤᠬᠤ᠂ ᠤᠷᠢᠶᠠᠬᠤ ᠪᠤᠶᠤ ᠰᠡᠶᠢᠯᠳᠡᠭ᠃ | ᠲᠠᠮᠠᠬᠢᠨ ᠤᠭᠤᠳᠠ᠃ ᠲᠠᠮᠠᠬᠢᠨ ᠤᠭᠤᠳᠠ ᠶᠢ ᠵᠠᠷᠤᠳ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ ᠪᠠᠰᠠ ᠰᠢᠭᠤᠳᠠᠢ ᠪᠤᠶᠤ | ᠲᠠᠮᠠᠬᠢᠨ ᠰᠢᠭᠤᠳᠠᠢ ᠭᠡᠳᠡᠭ᠃ ᠦᠩᠭᠡᠷᠡᠭᠰᠡᠨ ᠳᠤ᠂ ᠵᠢᠱᠢᠶᠡᠯᠡᠪᠡᠯ ᠲᠡᠭᠡᠷᠠ ᠵᠠᠭᠤᠨ ᠤ ᠲᠠᠪᠢᠭᠠᠳ ᠤᠨ ᠠᠴᠠ | ᠲᠠᠯᠠᠭᠠᠳ ᠤᠨ ᠤ ᠰᠡᠬᠦᠯᠴᠢ ᠶᠢᠨ ᠦᠶᠠ ᠪᠤᠯᠳᠠᠯᠠ ᠲᠠᠮᠠᠬᠢᠨ ᠤᠭᠤᠳᠠ ᠨᠢ ᠲᠠᠮᠠᠬᠢ ᠲᠠᠳᠠᠳᠠᠭ ᠡᠷᠡᠭᠳᠠᠢ ᠬᠦᠮᠤᠨ ᠤ | ᠴᠢᠬᠤᠯᠠ ᠨᠢᠭᠡ ᠡᠳ᠋ᠯᠡᠯ ᠬᠡᠷᠡᠭᠯᠡᠯ ᠪᠤᠯᠬᠤ ᠪᠦᠭᠡᠳ ᠮᠠᠰᠢ ᠴᠢᠬᠤᠯᠠ ᠵᠠᠰᠠᠯ ᠴᠢᠮᠡᠭᠯᠡᠯ ᠤᠨ ᠵᠦᠢᠯ ᠪᠤᠯᠵᠤ ᠪᠠᠶᠢᠪᠠ᠃ | ᠵᠠᠷᠤᠳᠴᠤᠳ ᠲᠠᠮᠠᠬᠢᠨ ᠤᠭᠤᠳᠠ ᠶᠢ ᠬᠠᠷᠠ᠂ ᠤᠯᠠᠭᠠᠨ᠂ ᠨᠤᠭᠤᠭᠠᠨ᠂ ᠬᠦᠬᠡ᠂ ᠴᠡᠩᠬᠡᠷ᠂ ᠶᠠᠭᠠᠨ᠂ ᠬᠤᠨᠳᠠᠨ | ᠵᠡᠷᠭᠡ ᠦᠩᠭᠡ ᠦᠩᠭᠡ ᠶᠢᠨ ᠦᠭᠡᠳᠡᠩ ᠲᠤᠷᠭᠠ ᠪᠠᠷ ᠪᠦᠷ ᠬᠢᠳᠡᠭ ᠪᠤᠯᠪᠠᠴᠤ ᠬᠠᠷᠠ ᠦᠩᠭᠡ ᠪᠠᠷ ᠬᠢᠳᠡᠭ | ᠲᠤᠬᠢᠶᠠᠯᠳᠤᠮᠵᠢ ᠬᠠᠮᠤᠭ ᠤᠨ ᠤᠯᠠᠨ᠃ ᠲᠠᠮᠠᠬᠢᠨ ᠤᠭᠤᠳᠠ ᠨᠢ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠭᠤᠥᠯ ᠪᠡᠶᠠ᠂ | ᠢᠷᠤᠭᠠᠷ ᠤᠨ ᠬᠡᠰᠡᠭ ᠪᠤᠯᠤᠨ ᠫᠢᠶᠤᠥᠳᠠᠢ ᠵᠡᠷᠭᠡ ᠠᠴᠠ ᠪᠦᠳᠤᠨᠠ᠃ ᠭᠡᠬᠦ ᠳᠡᠭᠡᠨ ᠭᠤᠥᠯ ᠪᠡᠶᠠ ᠪᠠ ᠢᠷᠤᠭᠠᠷ ᠤᠨ | ᠬᠡᠰᠡᠭ ᠵᠢᠴᠢ ᠫᠢᠶᠥᠥᠳᠠᠢ ᠶᠢᠨ ᠦᠩᠭᠡ ᠨᠢ ᠪᠦᠷ ᠤᠨᠳᠤᠥ ᠤᠨᠳᠤᠥ ᠪᠠᠶᠢᠳᠠᠭ᠃ ᠵᠠᠷᠤᠳ ᠮᠤᠩᠭᠤᠯᠴᠤᠳ ᠲᠠᠮᠠᠬᠢᠨ | ᠤᠭᠤᠳᠠ ᠶᠢ ᠲᠡᠭᠡᠭᠰᠢ ᠬᠠᠨᠳᠤᠭᠰᠠᠨ ᠠᠮᠠᠰᠠᠷ ᠲᠠᠢ ᠪᠡᠯᠭᠡᠳᠤ ᠡᠳ᠋ ᠭᠡᠵᠤ ᠦᠵᠡᠳᠡᠭ ᠠᠴᠠ ᠵᠦᠪᠬᠡᠨ ᠵᠠᠰᠠᠯ ᠵᠢᠮᠰᠡᠭ | ᠪᠤᠯᠤᠨ ᠲᠠᠮᠠᠬᠢᠯᠠᠬᠤ ᠳᠤ ᠬᠡᠷᠡᠭᠯᠡᠭᠡᠳ ᠵᠤᠭᠰᠤᠭᠰᠠᠨ ᠪᠢᠰᠢ᠂ ᠲᠠᠮᠠᠬᠢᠨ ᠤᠭᠤᠳᠠ ᠨᠢ ᠮᠠᠰᠢ ᠬᠦᠨᠳᠦ ᠴᠢᠬᠤᠯᠠ ᠪᠡᠯᠡᠭ | ᠰᠠᠯᠳᠠ ᠪᠤᠶᠤ ᠬᠡᠥᠬᠡᠨᠴᠤᠳ ᠤᠨ ᠬᠠᠶᠢᠷᠠ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠬᠦ ᠲᠦᠯᠤᠭᠡᠨ ᠤ ᠡᠳ᠋ ᠪᠤᠯᠵᠤ ᠪᠠᠶᠢᠪᠠ᠃ ᠵᠠᠷᠤᠳ | ᠡᠷᠡᠭᠳᠠᠶᠢᠴᠤᠳ ᠲᠠᠮᠠᠬᠢᠨ ᠤᠭᠤᠳᠠ ᠪᠠᠨ ᠪᠠᠷᠠᠭᠤᠨ ᠲᠠᠯ ᠠ ᠶᠢᠨ ᠲᠠᠰᠢᠶᠠ ᠲᠠᠭᠠᠷᠠᠭᠤᠯᠵᠤ ᠠᠷᠥ ᠪᠦᠰᠠ ᠠᠴᠠ ᠪᠠᠨ | ᠵᠡᠬᠦᠳᠡᠭ ᠵᠠᠩᠰᠢᠯ ᠲᠠᠢ᠃ | ᠬᠦᠬᠦᠷ ᠪᠤᠯᠤᠨ ᠬᠦᠬᠦᠷ ᠤᠨ ᠲᠠᠯᠢᠩ᠃ ᠬᠦᠬᠦᠷ ᠪᠤᠯ ᠬᠠᠮᠠᠷ ᠲᠠᠮᠠᠬᠢ ᠬᠢᠬᠦ ᠰᠠᠪᠠ ᠪᠤᠯᠤᠨᠠ᠃ ᠵᠠᠷᠤᠳ | ᠨᠤᠳᠤᠭ ᠲᠤ ᠡᠷᠳᠠ ᠳᠡᠭᠡᠨ ᠡᠭᠡᠯ ᠠᠷᠠᠳ ᠤᠨ ᠵᠠᠷᠤᠬᠤ ᠡᠩ ᠤᠨ ᠬᠦᠬᠦᠷ ᠢ ᠮᠠᠨᠥ᠂ ᠴᠢᠯᠠᠭᠤ ᠪᠤᠶᠤ ᠱᠠᠭᠠᠵᠠᠩ | ᠮᠡᠳᠤ ᠶᠢᠨ ᠬᠢᠮᠳᠠ ᠬᠢᠯᠪᠠᠷ ᠡᠳ᠋ ᠢᠶᠠᠷ ᠬᠢᠳᠡᠭ ᠨᠢ ᠤᠯᠠᠨ ᠪᠠᠶᠢᠪᠠ᠃ ᠶᠡᠬᠡᠰ ᠨᠤᠶᠠᠳ ᠪᠤᠯᠤᠨ ᠪᠠᠶᠠᠳ ᠢᠵᠠᠭᠤᠷᠳᠠᠳ | ᠪᠤᠯ ᠬᠠᠰ ᠢᠶᠠᠷ ᠬᠢᠭᠰᠡᠨ ᠬᠠᠰ ᠬᠦᠬᠦᠷ ᠪᠤᠶᠤ ᠠᠮᠠᠰᠠᠷ ᠲᠡᠭᠡᠷᠠ ᠨᠢ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ᠂ ᠱᠢᠷᠥ ᠰᠢᠬᠢᠳᠭᠡᠭᠰᠡᠨ | ᠬᠦᠬᠦᠷ ᠴᠤ ᠵᠠᠷᠤᠳᠠᠭ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠤᠳᠤ ᠵᠠᠷᠤᠳ ᠮᠤᠩᠭᠤᠯᠴᠤᠳ ᠤᠨ ᠲᠤᠳᠤᠷᠠ ᠬᠠᠮᠠᠷ ᠲᠠᠮᠠᠬᠢ | ᠲᠠᠳᠠᠳᠠᠭ ᠬᠦᠮᠤᠨ ᠪᠠᠷᠤᠭ ᠦᠭᠡᠢ ᠪᠤᠯᠵᠠᠢ᠃ ᠲᠡᠶᠢᠮᠤ ᠠᠴᠠ ᠤᠳᠤ ᠬᠦᠬᠦᠷ ᠰᠤᠯᠢᠯᠴᠠᠬᠤ ᠮᠡᠳᠤ ᠶᠢᠨ | ᠬᠦᠨᠳᠤᠳᠭᠡᠵᠤ ᠮᠡᠨᠳᠤᠴᠢᠯᠡᠬᠦ ᠮᠤᠩᠭᠤᠯ ᠤᠨ ᠰᠠᠶᠢᠬᠠᠨ ᠵᠠᠩ ᠦᠢᠯᠠ ᠭᠡᠭᠡᠭᠳᠡᠨ ᠤᠷᠬᠢᠭᠳᠠᠵᠠᠢ᠃ ᠬᠦᠬᠦᠷ ᠨᠢ ᠡᠶᠢᠨᠬᠦ | ᠬᠦᠮᠤᠰ ᠤᠨ ᠲᠤᠮᠳᠠ ᠲᠡᠳᠤᠢ ᠯᠡ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ ᠬᠦᠬᠦᠷ ᠤᠨ ᠤᠭᠤᠳᠠ ᠪᠤᠯᠬᠤ | ᠲᠠᠯᠢᠩ ᠨᠢ ᠬᠠᠷᠢᠨ ᠵᠠᠷᠤᠳ ᠨᠤᠳᠤᠭ ᠲᠤ ᠤᠯᠠᠨ ᠬᠠᠷᠠᠭᠳᠠᠨᠠ᠃ ᠵᠠᠷᠤᠳ ᠮᠤᠩᠭᠤᠯ ᠤᠶᠤᠳᠠᠯᠴᠢᠳ ᠬᠦᠬᠦᠷ ᠤᠨ | ᠲᠠᠯᠢᠩ ᠢ ᠪᠠᠷᠤᠭ ᠨᠢᠭᠡ ᠲᠦᠭᠡ ᠦᠷᠭᠡᠨ ᠢᠶᠠᠷ ᠭᠤᠷᠪᠠ ᠠᠴᠠ ᠲᠦᠷᠪᠡᠨ ᠲᠦᠭᠡ ᠤᠷᠳᠤ ᠤᠷᠠᠯᠠᠨ ᠵᠤᠬᠢᠶᠠᠳᠠᠭ᠃ | ᠦᠩᠭᠡᠷᠡᠭᠰᠡᠨ ᠳᠤ ᠵᠠᠷᠤᠳ ᠮᠤᠩᠭᠤᠯᠴᠤᠳ ᠬᠦᠬᠦᠷ ᠤᠨ ᠲᠠᠯᠢᠩ ᠢ ᠲᠦᠭᠡᠮᠡᠯ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠦᠶᠠ ᠳᠤ᠂ | ᠲᠠᠯᠢᠩ ᠵᠤᠬᠢᠶᠠᠬᠤ ᠳᠤ ᠪᠦᠰ᠂ ᠲᠤᠷᠭᠠ ᠲᠤᠷᠳᠥᠩ᠂ ᠬᠢᠯᠢᠩ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠮᠠᠲᠧᠷᠢᠶᠠᠯ ᠢ ᠬᠡᠷᠡᠭᠯᠡᠳᠡᠭ | ᠪᠠᠶᠢᠭᠰᠠᠨ ᠪᠦᠭᠡᠳ ᠲᠠᠯᠢᠩ ᠢᠶᠠᠨ ᠡᠩ ᠤᠨ ᠬᠡᠷᠡᠭᠯᠡᠭᠡᠨ ᠤ ᠲᠠᠯᠢᠨ ᠪᠤᠯᠤᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠤᠨ ᠲᠠᠯᠢᠩ ᠭᠡᠵᠤ | ᠬᠤᠶᠠᠷ ᠵᠦᠢᠯ ᠳᠤ ᠬᠤᠪᠢᠶᠠᠳᠠᠭ ᠪᠠᠶᠢᠭᠰᠠᠨ ᠭᠡᠳᠡᠭ᠃ | ︵︽ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶᠠ︾ ᠠᠴᠠ ᠰᠢᠯᠵᠢᠬᠦᠯᠪᠡ︶ |