| ᠨᠦᠮᠦᠷᠢ ᠳᠤ ᠲᠣᠭᠳᠠᠭᠰᠠᠨ ᠡᠪᠦᠯ ᠤᠨ ᠴᠠᠰᠤ ᠤᠷᠳᠦ ᠰᠦᠨᠢ ᠶᠢ ᠦᠤᠷ ᠴᠦᠤᠷ ᠢᠶᠠᠷ ᠠᠯᠭᠠᠰᠠᠭᠤᠯᠵᠤ᠂ | ᠬᠤᠩᠬᠤᠷ ᠲᠤ ᠬᠤᠷᠭᠤᠳᠠᠭᠰᠠᠨ ᠦᠨᠵᠢᠮᠡᠯ ᠡᠪᠡᠰᠦ ᠨᠠᠷᠠᠨ ᠤ ᠭᠡᠷᠡᠯ ᠤᠨ ᠰᠤᠪᠤᠷᠠᠯ ᠳᠤ ᠨᠢᠳᠦ ᠠᠨᠢᠪᠴᠢᠨ | ᠨᠠᠶᠢᠭᠤᠯᠵᠠᠨᠠ᠃ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢ ᠪᠦᠷᠢᠳᠦᠭᠰᠡᠨ ᠲᠡᠷᠳᠡᠭᠡ ᠨᠠᠷᠢᠨ ᠵᠢᠮ ᠢᠶᠠᠷ ᠲᠣᠰᠤᠨ ᠲᠠᠷᠭᠤ | ᠠᠪᠤᠭᠰᠠᠨ ᠠᠳᠤᠭᠤᠳ ᠴᠣᠪᠤᠵᠤ᠂ ᠲᠠᠷᠭᠤᠨ ᠲᠠᠰᠢᠶᠠ ᠪᠦᠮᠪᠦᠯᠵᠡᠭᠦᠯᠵᠤ ᠳᠣᠷᠪᠤᠭᠤᠨᠠᠨ ᠳᠤᠷᠭᠢᠬᠤ ᠳᠤ᠂ ᠲᠦᠭᠡ | ᠰᠠᠯᠤᠯ ᠦᠭᠡᠢ ᠲᠠᠬᠢᠮᠳᠡᠨ ᠳᠠᠭᠠᠭᠰᠠᠨ ᠤᠨᠠᠭᠠ ᠳᠠᠭᠠ ᠨᠤᠭᠤᠳ ᠪᠠᠶᠢᠨ ᠳᠠᠬᠢᠨ ᠢᠵᠢᠯᠢ ᠳᠡᠭᠡᠨ ᠳᠠᠭᠤ ᠠᠨᠢᠷ | ᠳᠠᠮᠵᠢᠭᠤᠯᠤᠨ᠂ ᠬᠦᠷᠦᠰᠦ ᠴᠠᠰᠤᠨ ᠳᠤ ᠬᠦᠯ ᠲᠠᠯᠪᠢᠨ ᠰᠡᠷᠳᠡᠯᠵᠡᠨᠡ᠃ | ᠪᠣᠳᠠ ᠪᠣᠷᠤᠯᠵᠢ᠂ ᠪᠣᠷᠤ ᠲᠣᠯᠤᠭᠠᠢ᠂ ᠪᠠᠷᠰᠠᠭᠠᠷ ᠬᠠᠳᠠᠨ ᠤ ᠡᠩᠭᠡᠷ ᠰᠢᠯᠢ ᠪᠠᠷ ᠪᠣᠮᠪᠤᠭᠤᠨᠠᠨ ᠪᠡᠯᠴᠢᠬᠦ ᠬᠤᠨᠢᠨ | ᠰᠦᠷᠦᠭ ᠡᠪᠦᠯ ᠤᠨ ᠡᠷᠴᠢᠨ ᠳᠤ ᠦᠩᠬᠡ ᠨᠡᠮᠡᠵᠤ᠂ ᠪᠦᠭᠬᠦᠨ ᠬᠤᠨᠤᠭᠰᠠᠨ ᠪᠦᠷᠭᠦᠳ ᠰᠢᠪᠠᠭᠤᠨ ᠤ ᠳᠠᠭᠤᠨ | ᠬᠦᠨᠳᠡᠢ ᠳᠠᠮᠵᠢᠨ ᠨᠠᠮᠤᠭᠤᠬᠠᠨ ᠬᠤᠯᠠᠳᠠᠬᠤ ᠳᠤ ᠴᠠᠶᠢᠯᠵᠡᠨ ᠬᠠᠷᠠᠭᠳᠠᠬᠤ ᠡᠪᠦᠯᠵᠢᠶᠡᠨ ᠤ ᠨᠤᠳᠤᠭ ᠮᠢᠨᠢ ᠣᠶᠢᠷᠠᠳᠤᠨ | ᠢᠷᠡᠨᠡ᠃ | ᠪᠦᠯᠢᠶᠡᠨ ᠬᠦᠷᠦᠰᠦ ᠲᠠᠢ ᠨᠤᠳᠤᠭ ᠤᠰᠤᠨ ᠳᠠᠭᠠᠨ ᠪᠠᠯᠴᠢᠷ ᠨᠠᠰᠤ ᠪᠠᠨ ᠦᠩᠭᠡᠷᠡᠭᠦᠯᠦᠭᠰᠡᠨ ᠨᠠᠳᠠ ᠳᠤ ᠶᠠᠭᠤ | ᠪᠦᠬᠦᠨ ᠨᠢ ᠡᠶᠢᠮᠦ ᠯᠠ ᠬᠠᠯᠠᠭᠤᠬᠠᠨ᠂ ᠲᠡᠶᠢᠮᠦ ᠯᠠ ᠲᠣᠳᠤᠨᠤᠬᠠᠨ ᠪᠣᠳᠤᠭᠳᠠᠨᠠ᠃ ᠬᠤᠶᠠᠷ ᠵᠠᠯᠠᠭᠤ ᠬᠤᠨᠢᠨ | ᠬᠡᠪᠳᠡᠷᠢ ᠳᠡᠭᠡᠨ ᠠᠯᠢᠰᠦ ᠬᠠᠶᠠᠨ ᠪᠣᠵᠢᠭᠢᠨᠠᠵᠤ᠂ ᠠᠯᠢᠶᠠ ᠬᠡᠤᠬᠡᠳ ᠠᠷᠠᠰᠤ ᠴᠢᠷᠦᠨ ᠨᠣᠬᠠᠳ ᠲᠠᠢ ᠨᠤᠣᠷᠠᠯᠳᠤᠨᠠ᠃ | ᠴᠠᠰᠤᠨ ᠳᠤ ᠬᠤᠴᠢᠭᠳᠠᠭᠰᠠᠨ ᠣᠢ᠂ ᠴᠠᠩᠭᠠ ᠳᠠᠷᠣᠭᠰᠠᠨ ᠠᠶᠢᠷᠠᠭ᠂ ᠰᠦᠩ ᠲᠦᠰᠢᠭᠰᠡᠨ ᠠᠶᠢᠯ᠂ ᠲᠤᠣᠯᠢ | ᠬᠠᠶᠢᠯᠠᠭᠰᠠᠨ ᠪᠤᠭᠤᠷᠤᠯ ᠁ ᠡᠨᠡ ᠪᠦᠬᠦᠨ ᠢ ᠡᠪᠦᠯᠵᠢᠶᠡᠨ ᠤ ᠨᠤᠳᠤᠭ ᠠᠴᠠ ᠯᠠ ᠣᠯᠵᠤ ᠬᠠᠷᠠᠳᠠᠭ ᠡ᠃ | ᠵᠢᠷᠦᠬᠡᠨ ᠬᠡ ᠲᠠᠢ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠮᠢᠨᠢ ᠠᠭᠤᠯᠠ ᠤᠰᠤᠨ ᠤ ᠰᠠᠯᠬᠢᠨ ᠤ ᠠᠶᠠ ᠪᠠᠷ ᠪᠣᠷᠭᠢᠨ ᠪᠦᠵᠢᠬᠦ | ᠴᠠᠰᠤᠨ ᠳᠤ ᠡᠨᠡᠭᠰᠢᠵᠦ᠂ ᠰᠦᠷᠦᠭ ᠤᠨ ᠢᠶᠠᠨ ᠦᠨᠦᠷ ᠲᠤ ᠳᠠᠰᠤᠭᠰᠠᠨ ᠡᠷᠪᠡᠢ ᠪᠢ ᠪᠣᠷᠤ ᠨᠠᠰᠤᠨ ᠤ ᠡᠪᠦᠯ ᠤᠨ | ᠣᠮᠤᠭᠯᠠᠩ ᠡᠷᠴᠢ ᠶᠢ ᠢᠩᠭᠢᠵᠦ ᠯᠠ ᠰᠠᠨᠠᠵᠤ ᠡᠷᠭᠢᠴᠡᠭᠦᠯᠳᠡᠭ ᠪᠢᠯᠡ᠃ | ᠬᠦᠳᠡᠭᠡ ᠠᠶᠢᠯ ᠤᠨ ᠬᠡᠤᠬᠡᠳ ᠤᠨ ᠬᠥᠬᠡ ᠳᠤᠯᠪᠤᠳᠤ ᠡᠰ ᠪᠦᠬᠦᠨ ᠳᠤ ᠬᠠᠳᠠᠩᠰᠢᠵᠦ ᠦᠯᠡᠳᠡᠭᠰᠡᠨ ᠲᠡᠷᠡᠬᠡᠨ | ᠡᠪᠦᠯ ᠤᠨ ᠡᠷᠡᠨ ᠳᠤ ᠣᠷᠢ ᠵᠠᠯᠠᠭᠤ ᠶᠢᠨ ᠤᠨᠠᠭᠠᠨ ᠳᠣᠷᠠᠯᠠᠯ᠂ ᠤᠶᠠᠷᠠᠮᠠ ᠳᠤᠷᠠᠰᠤᠮᠵᠢ᠂ ᠠᠯᠤᠰ ᠢ ᠲᠡᠮᠡᠤᠯᠦᠭᠰᠡᠨ | ᠠᠶᠠᠨ ᠤ ᠡᠬᠢᠯᠡᠯ᠂ ᠠᠷᠤ ᠭᠡᠷ ᠢᠶᠠᠨ ᠦᠩᠰᠢᠭᠦᠯᠵᠤ ᠶᠠᠪᠤᠬᠤ ᠠᠮᠢᠯᠠᠯ ᠤᠨ ᠬᠦᠴᠦᠨ ᠤᠬᠠᠭᠠᠨ ᠲᠠᠮᠢᠷ ᠢ ᠰᠡᠯᠪᠢᠵᠤ᠂ | ᠤᠭᠤᠷᠠᠭ ᠲᠠᠷᠢᠬᠢᠨ ᠳᠤ ᠦᠳᠡᠭᠡᠷᠢᠯᠡᠨ ᠲᠤᠪᠬᠢᠭᠰᠠᠨ ᠨᠢ ᠡᠨᠡ ᠠᠪᠠᠢ᠃ ᠰᠢᠪᠠᠳᠠᠭᠤ ᠬᠠᠪᠤᠷ᠂ ᠰᠢᠳᠠᠮᠠ ᠵᠤᠨ᠂ | ᠰᠢᠷᠭᠠᠯᠳᠤᠬᠤ ᠨᠠᠮᠤᠷ ᠦᠩᠭᠡᠷᠡᠭᠰᠡᠨ ᠴᠤ ᠠᠷᠠᠭᠠᠮᠵᠢᠨ ᠳᠤᠷᠠᠰᠤᠭᠳᠠᠬᠤ ᠲᠡᠷᠡᠬᠦ ᠲᠦᠯ ᠤᠨ ᠮᠠᠶᠢᠯᠡᠯᠭᠠᠨ᠂ | ᠣᠳᠣᠷ ᠤᠨ ᠨᠡᠭᠦᠳᠡᠯ᠂ ᠬᠠᠳᠤᠯᠠᠩ ᠤᠨ ᠭᠠᠵᠠᠷ ᠤᠳ ᠣᠨ ᠣᠨ ᠳᠤ ᠢᠳᠡᠭᠡᠰᠢᠵᠤ᠂ ᠡᠳᠦᠷ ᠬᠤᠨᠤᠭ ᠲᠤ | ᠬᠠᠳᠠᠩᠰᠢᠨ᠂ ᠡᠪᠴᠢᠭᠦᠤ ᠴᠡᠭᠡᠵᠢᠨ ᠳᠤ ᠨᠡᠪᠴᠢᠵᠡᠢ᠃ ᠨᠤᠳᠤᠭ ᠤᠨ ᠮᠢᠨᠢ ᠪᠠᠷᠠ ᠡᠪᠡᠢ ᠨᠠᠳᠠ ᠶᠢ ᠣᠭᠤᠰᠤᠷᠯᠠᠠ | ᠶᠠᠪᠤᠳᠠᠭ ᠪᠣᠯᠬᠤᠷ ᠵᠢᠯ ᠵᠢᠯ ᠤᠨ ᠮᠦᠩᠭᠦᠨ ᠡᠪᠦᠯ ᠪᠣᠯᠬᠤ ᠳᠤ ᠡᠪᠣᠯ ᠤᠨ ᠰᠠᠭᠤᠴᠠᠨ ᠳᠠᠭᠠᠨ ᠡᠷᠭᠢᠨ ᠡᠷᠭᠢᠨ | ᠣᠴᠢᠵᠤ᠂ ᠦᠨᠳᠦᠷ ᠨᠠᠰᠤᠳᠠᠢ ᠪᠤᠭᠤᠷᠤᠯ ᠠᠴᠠ ᠪᠠᠨ ᠦᠯᠢᠭᠡᠷ ᠳᠣᠮᠤᠭ ᠰᠤᠨᠤᠰᠴᠤ᠂ ᠦᠶᠡ ᠶᠢᠨ ᠠᠨᠳᠠ ᠨᠠᠷ ᠢᠶᠠᠨ | ᠦᠬᠦᠭᠡᠷᠳᠦᠨ ᠬᠠᠷᠠᠨ ᠨᠠᠷᠭᠢᠵᠤ᠂ ᠬᠦᠨᠳᠡᠢ ᠶᠢ ᠴᠣᠤᠷᠢᠶᠠᠳᠤᠭᠤᠯᠤᠮᠠ ᠬᠦᠬᠦᠭᠡ ᠶᠢᠨ ᠳᠠᠭᠤᠨ ᠢ ᠴᠢᠩᠨᠠᠵᠤ ᠰᠠᠭᠤᠮᠠᠷ | ᠡ ᠁ ᠠᠢ ᠳ᠋ᠠ᠂ ᠠᠮᠢᠨ ᠬᠠᠶᠢᠷᠠᠳᠠᠢ ᠨᠤᠳᠤᠭ᠂ ᠠᠰᠢᠳᠠ ᠲᠠᠳᠠᠭᠳᠠᠬᠤ ᠦᠯᠦᠭᠡᠢ ᠶᠤᠮ ᠰᠢᠤ᠃ | ᠲᠠᠯᠠ ᠶᠢᠨ ᠲᠠᠷᠳᠠᠩ ᠵᠠᠮ ᠢᠶᠠᠷ ᠲᠡᠷᠭᠡ ᠵᠢᠵᠢᠭᠢᠨᠡᠵᠦ᠂ ᠤᠨᠤᠭᠠ ᠴᠤᠪᠬᠤᠴᠠᠨ᠂ ᠤᠴᠠᠷᠠᠭᠰᠠᠨ ᠨᠢᠭᠡ ᠲᠠᠢ ᠪᠠᠨ | ᠣᠴᠢᠷᠯᠠᠬᠤ ᠴᠢᠯᠦᠭᠡ ᠦᠭᠡᠢ ᠦᠩᠭᠡᠷᠡᠬᠦ ᠬᠠᠷᠠᠭᠳᠠᠵᠤ ᠪᠠᠶᠢᠨᠠᠮ᠃ ᠬᠦᠷᠴᠦ ᠣᠴᠢᠬᠤ ᠳᠤ ᠬᠡᠳᠦ ᠬᠡᠳᠦᠨ ᠨᠦᠬᠦᠳ | ᠬᠠᠯᠠᠭᠤᠨ ᠠᠯᠠᠭᠠᠨ ᠳᠠᠭᠠᠨ ᠲᠣᠰᠴᠤ᠂ ᠬᠡᠳᠦᠷᠬᠡᠢ ᠰᠠᠨᠠᠭᠠᠯᠵᠠᠭᠰᠠᠨ ᠤ ᠶᠤᠮ ᠤᠤ︖ ᠳᠠᠭᠤᠯᠠᠵᠤ ᠬᠠᠶᠢᠯᠠᠬᠤ ᠶᠢᠨ | ᠵᠠᠪᠰᠡᠷ ᠲᠣᠭᠤᠭᠠᠨ ᠴᠠᠢ ᠵᠠᠰᠠᠵᠤ᠂ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠤᠴᠢᠷ᠂ ᠲᠣᠭᠤᠭᠳᠠᠭᠰᠠᠨ ᠶᠠᠪᠤᠳᠠᠯ ᠢᠶᠠᠨ | ᠲᠣᠭᠤᠴᠢᠬᠤ ᠶᠢ ᠶᠠᠭᠠᠷᠠᠨᠠ᠃ | ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠲᠦᠭᠡᠮᠡᠯᠵᠢᠨ᠂ ᠠᠯᠢᠰᠦ ᠬᠠᠳᠤᠬᠤ᠂ ᠡᠪᠡᠰᠦ ᠪᠤᠭᠤᠵᠢᠯᠠᠬᠤ ᠮᠠᠰᠢᠨ ᠢ ᠨᠡᠶᠢᠳᠡᠮ | ᠬᠡᠷᠡᠭᠯᠡᠵᠦ᠂ ᠠᠷᠠᠰᠤ ᠰᠢᠷᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠰᠠᠭᠤᠷᠢᠨ᠂ ᠰᠣᠮᠦ᠂ ᠭᠠᠴᠠᠭᠠ ᠳᠤ ᠠᠯᠠᠰᠢᠨ ᠤ ᠭᠠᠵᠠᠷ | ᠪᠠᠶᠢᠭᠤᠯᠤᠭᠳᠠᠵᠤ᠂ ᠨᠠᠷᠠᠨ ᠤ ᠡᠨᠧᠷᠭᠢ ᠤᠭᠰᠠᠷᠠᠵᠤ᠂ ᠲᠧᠯᠸᠢᠰ ᠰᠤᠨᠢᠷᠬᠠᠨ᠂ ᠲᠣᠤᠷ ᠰᠦᠯᠵᠢᠶᠡ ᠠᠰᠢᠭᠯᠠᠵᠤ | ᠲᠡᠯᠡᠬᠡᠢ ᠶᠢᠨ ᠴᠠᠭ ᠤᠨ ᠪᠠᠶᠢᠳᠠᠯ ᠢ ᠣᠶᠢᠯᠠᠭᠠᠯᠴᠠᠵᠤ ᠪᠠᠶᠢᠭᠠ ᠨᠢ ᠪᠠᠶᠠᠵᠢᠯ ᠢ ᠬᠤᠷᠦ᠋ᠢᠯᠠᠭᠰᠠᠨ ᠡᠶᠡ ᠵᠣᠬᠢᠴᠠᠩᠭᠤᠢ | ᠨᠡᠶᠢᠭᠡᠮ ᠤᠨ ᠲᠡᠭᠵᠢᠷᠡᠯ ᠬᠦᠳᠦᠯᠦᠭᠰᠡᠨ ᠠᠮᠢᠳᠤᠷᠠᠯ ᠭᠡᠭᠴᠢ ᠡᠨᠡ ᠪᠣᠶᠣ᠃ | ᠡᠯᠢᠭᠡ ᠪᠦᠳᠦᠨ ᠡᠩᠬᠡ ᠠᠮᠤᠭᠤᠯᠠᠩ ᠨᠤᠳᠤᠭ᠂ ᠡᠭᠡᠯᠵᠢᠯᠡᠬᠦ ᠤᠯᠠᠷᠢᠯ ᠳᠤ ᠲᠠᠷ ᠲᠠᠮᠢᠷ ᠲᠠᠢ ᠤᠭᠰᠠᠭᠠ᠃ | ᠡᠩᠰᠡᠷᠡᠳᠡᠯᠡ ᠰᠠᠨᠠᠭᠳᠠᠬᠤ ᠡᠩᠭᠦᠷᠡᠢ ᠮᠢᠨᠦ ᠪᠠᠭᠤᠴᠠ᠂ ᠡᠷᠭᠢᠵᠦ ᠣᠴᠢᠬᠤ ᠪᠣᠯᠭᠠᠨ ᠪᠦᠪᠡᠢ ᠶᠢᠨ ᠳᠠᠭᠤ ᠲᠠᠢ | ᠡᠪᠦᠯᠵᠢᠶᠡ ᠪᠢᠯᠡ᠃ | ᠵᠣᠬᠢᠶᠠᠭᠴᠢ᠄ ᠪᠠᠶᠠᠨᠬᠦᠤ | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠡᠮᠦᠨᠡᠳᠦ ᠬᠤᠰᠢᠭᠤᠨ ᠤ ᠪᠠᠭᠰᠢ ᠶᠢᠨ ᠲᠠᠪᠳᠠᠨ ᠪᠤᠯᠪᠠᠰᠤᠷᠠᠬᠤ ᠰᠤᠷᠭᠠᠭᠤᠯᠢ |