| ᠡᠵᠡᠨ ᠴᠢᠩᠬᠢᠰ ᠤᠨ ᠲᠣᠷᠭᠠᠨ ᠴᠡᠷᠢᠭ ᠤᠨ | ᠢᠪᠡᠨ ᠴᠠᠶᠢᠯᠵᠠᠭᠰᠠᠨ ᠲᠣᠭᠰᠢᠨ ᠦᠶᠡᠷ | ᠶᠢᠰᠦᠩᠬᠡ ᠮᠡᠷᠬᠡᠨ ᠤ ᠬᠠᠷᠪᠣᠭᠰᠠᠨ ᠰᠣᠮᠣ ᠰᠢᠬ | ᠶᠢᠷᠳᠢᠨᠴᠦ ᠶᠢ ᠲᠣᠷᠬᠢᠭᠤᠯᠣᠭᠰᠠᠨ ᠴᠠᠭᠠᠨ ᠠᠳᠣᠭᠤᠳ | ᠬᠤᠰᠢᠭᠤᠴᠢ ᠪᠠᠭᠠᠳᠣᠷ ᠤᠨ ᠰᠦᠯᠳᠡ ᠶᠢᠨ ᠲᠣᠣᠷᠠ | ᠬᠤᠷᠸᠠ ᠶᠢ ᠲᠡᠯᠡᠭᠰᠡᠨ ᠲᠣᠭᠰᠢᠨ ᠠᠶᠢᠮᠠᠭ ᠤᠨ | ᠬᠠᠨᠢ ᠨᠠᠶᠢᠵᠠ ᠬᠦᠯᠦᠭ ᠠᠨᠳᠠ ᠪᠣᠯᠣᠭᠰᠠᠨ | ᠬᠠᠩᠭᠠᠢ ᠨᠣᠳᠤᠭ ᠤᠨ ᠡᠷᠳᠡᠨᠢ ᠰᠦᠷᠦᠭ | ᠲᠠᠯᠠ ᠬᠦᠨᠳᠡᠢ ᠶᠢᠨ ᠣᠩᠭᠤᠨ ᠪᠡᠯᠴᠢᠭᠡᠷ ᠲᠤ | ᠲᠠᠪᠠᠳᠠᠢ ᠪᠡᠯᠴᠢᠭᠰᠡᠨ ᠴᠠᠭᠠᠨ ᠠᠳᠣᠭᠤᠳ | ᠡᠷᠡᠮᠡᠭ ᠬᠡᠬᠦᠦ ᠶᠢᠨ ᠡᠷᠳᠡᠨᠢ ᠬᠡᠪᠡᠯᠢ ᠠᠴᠠ | ᠣᠰᠣᠳᠠᠵᠣ ᠲᠦᠷᠦᠭᠰᠡᠨ ᠰᠣᠳᠣᠨ ᠣᠨᠠᠭᠠ | ᠲᠡᠯ ᠢᠶᠠᠷ ᠨᠠᠭᠠᠳᠣᠨ ᠰᠡᠬᠦᠯ ᠲᠣᠭᠯᠠᠭᠰᠠᠨ | ᠲᠡᠭᠵᠢᠨ ᠠᠷᠠᠨᠰᠢᠨ ᠲᠠᠢ ᠴᠣᠪᠣᠭᠤ ᠲᠠᠭᠠ | ᠲᠠᠰᠢᠶᠠᠨ ᠲᠡᠭᠡᠷᠡ ᠪᠠᠨ ᠡᠷᠬᠢᠬᠦᠯᠬᠡ ᠲᠠᠢ | ᠲᠡᠮᠳᠡᠭ ᠪᠡᠯᠬᠡ ᠶᠢᠨ ᠰᠠᠶᠢᠨ ᠠᠭᠳᠠ | ᠮᠠᠩᠨᠠᠢ ᠲᠡᠭᠡᠷᠡ ᠪᠠᠨ ᠱᠠᠩᠬᠤ ᠲᠠᠢ | ᠮᠠᠭᠠᠳ ᠰᠠᠶᠢᠨ ᠠᠵᠢᠨᠠᠢ ᠬᠦᠯᠦᠭ | ᠠᠵᠢᠷᠭᠠ ᠠᠵᠢᠷᠭᠠ ᠪᠠᠷ ᠰᠦᠢᠯᠠᠭᠰᠠᠨ | ᠠᠳᠠᠷ ᠬᠠᠩᠭᠠᠢ ᠶᠢᠨ ᠬᠤᠯᠠᠨ ᠴᠢᠬᠢᠳᠡᠢ | ᠭᠠᠩ ᠲᠣᠭᠤᠷᠠᠢ ᠣᠴᠢ ᠶᠢᠨ ᠬᠢᠯᠪᠠᠭᠠ ᠲᠠᠢ | ᠭᠠᠶᠢᠬᠠᠮᠰᠢᠭ ᠲᠣᠭᠰᠢᠨ ᠣᠩᠭᠤᠨ ᠰᠦᠷᠦᠭ | ᠬᠦᠪᠴᠢᠨ ᠬᠠᠩᠭᠠᠢ ᠨᠣᠳᠤᠭ ᠤᠨ ᠮᠢᠨᠢ | ᠬᠦᠬᠡ ᠴᠡᠴᠡᠭᠡᠢ ᠲᠠᠢ ᠴᠠᠭᠠᠨ ᠠᠳᠣᠭᠤᠳ | ᠮᠦᠩᠬᠦᠨ ᠬᠢᠷᠠᠭᠤ ᠠᠭᠤᠯᠠᠰ ᠲᠣᠯᠣᠭᠠᠶᠢᠳᠠᠬᠤ ᠪᠠᠷ | ᠮᠦᠴᠡᠷᠭᠡᠵᠦ ᠲᠣᠪᠳᠣᠯᠣᠭᠰᠠᠨ ᠴᠠᠭᠠᠨ ᠰᠢᠭᠤᠷᠭᠠ | ᠠᠭᠯᠠᠭ ᠬᠠᠩᠭᠠᠢ ᠠᠭᠤᠯᠠᠰ ᠤᠨ ᠮᠢᠨᠢ | ᠠᠷᠣ ᠶᠢ ᠬᠤᠴᠢᠭᠰᠠᠨ ᠡᠪᠦᠯ ᠤᠨ ᠴᠠᠰᠣ | ᠠᠳᠠᠭᠠ ᠲᠡᠭᠷᠢ ᠶᠢᠨ ᠡᠯᠴᠢᠨ ᠰᠠᠬᠢᠭᠤᠰᠣ | ᠠᠶᠣᠩᠭᠠ ᠲᠣᠭᠰᠢᠨ ᠬᠤᠷᠮᠣᠰᠳᠠ ᠶᠢᠨ ᠬᠦᠯᠦᠭ ᠡ | ᠮᠣᠷᠢᠳᠦ ᠴᠡᠷᠢᠭ ᠤᠨ ᠲᠠᠶᠢᠴᠢᠳ ᠤᠨ ᠮᠢᠨᠢ | ᠮᠦᠩᠬᠡ ᠶᠢᠨ ᠠᠯᠳᠠᠷ ᠢ ᠲᠠᠭᠤᠷᠢᠰᠣᠭᠤᠯᠣᠭᠰᠠᠨ | ᠮᠣᠩᠭᠤᠯ ᠣᠷᠣᠨ ᠤ ᠴᠢᠯᠦᠭᠡᠯᠡᠯᠳᠡ ᠶᠢᠨ ᠦᠢᠯᠡᠰ ᠲᠤ | ᠮᠣᠬᠤᠰᠢ ᠦᠬᠡᠢ ᠵᠣᠷᠢᠭ ᠢ ᠨᠢ ᠬᠦᠪᠴᠢᠯᠡᠭᠰᠡᠨ | ᠲᠡᠯᠪᠡᠷᠡᠬᠦ ᠲᠠᠭᠤᠨ ᠠᠴᠠ ᠴᠣᠴᠠᠳᠠᠭ ᠦᠬᠡᠢ | ᠲᠡᠩᠳᠡᠬᠦᠦ ᠭᠠᠶᠢᠬᠠᠮᠰᠢᠭ ᠡᠷᠳᠡᠨᠢ ᠶᠢᠨ ᠬᠦᠯᠦᠭ | ᠲᠡᠭᠡᠳᠦᠰ ᠤᠨ ᠨᠣᠳᠤᠭ ᠲᠤ ᠲᠠᠪᠢᠯᠠᠩ ᠲᠠᠢ | ᠲᠡᠭᠡᠳᠦ ᠲᠡᠭᠷᠢ ᠠᠴᠠ ᠰᠣᠶᠣᠷᠬᠠᠭᠰᠠᠨ ᠬᠠᠨᠢ ᠡ | ᠴᠢᠨ᠋ᠸᠠ ᠶᠢᠨ ᠬᠤᠶᠠᠷ ᠴᠢᠬᠢᠨ ᠤ ᠰᠣᠨᠣᠷ ᠢᠶᠠᠷ | ᠴᠢᠮᠡᠭᠡ ᠠᠨᠢᠷᠯᠠᠵᠣ ᠬᠠᠮᠠᠷ ᠲᠣᠷᠬᠢᠭᠠᠳ | ᠴᠣᠯᠮᠣᠨ ᠬᠤᠶᠠᠷ ᠪᠢᠯᠢᠭ ᠤᠨ ᠨᠢᠳᠦᠨ ᠢᠶᠠᠷ | ᠴᠢᠪ ᠤᠨ ᠬᠠᠷᠠᠩᠭᠤᠢ ᠳᠤ ᠬᠠᠷᠠᠭᠠᠯᠠᠵᠣ ᠪᠠᠶᠢᠭᠰᠠᠨ | ᠲᠠᠶᠢᠨ ᠤ ᠰᠣᠮᠣᠨ ᠳᠤ ᠬᠠᠯᠢᠷᠠᠬᠤ ᠶᠢ ᠮᠡᠳᠡᠬᠦ ᠦᠬᠡᠢ | ᠲᠠᠪᠬᠢᠬᠤ ᠬᠤᠷᠳᠣ ᠪᠠᠷ ᠲᠠᠭᠠᠷᠢᠳᠠᠭ ᠪᠠᠶᠢᠭᠰᠠᠨ | ᠲᠠᠶᠢᠴᠢᠨ ᠡᠵᠡᠨ ᠤ ᠪᠠᠨ ᠬᠡᠬᠦᠷ ᠢ ᠰᠠᠬᠢᠵᠦ | ᠵᠣᠭᠰᠤᠭᠠ ᠪᠠᠷ ᠴᠢᠯᠡᠷᠬᠡᠵᠦ ᠡᠮᠵᠡᠭᠯᠡᠳᠡᠭ ᠪᠠᠶᠢᠭᠰᠠᠨ | ᠭᠠᠵᠠᠷ ᠤᠨ ᠬᠤᠯᠠ ᠠᠴᠠ ᠨᠣᠳᠤᠭ ᠬᠡᠮᠡᠨ | ᠭᠠᠩᠰᠠᠷᠠᠬᠤ ᠰᠡᠳᠬᠢᠯᠬᠡ ᠪᠠᠷ ᠦᠣᠷᠰᠡᠳᠡᠭ ᠪᠠᠶᠢᠭᠰᠠᠨ | ᠲᠡᠮᠦᠷ ᠴᠢᠳᠦᠷ ᠤᠨ ᠭᠤᠷᠮᠣᠰᠣᠨ ᠠᠯᠠᠭᠠ ᠠᠴᠠ | ᠲᠡᠩᠬᠡᠬᠡ ᠴᠢᠳᠠᠯ ᠢᠶᠠᠷ ᠴᠣᠪᠬᠤᠴᠠᠳᠠᠭ ᠪᠠᠶᠢᠭᠰᠠᠨ | ᠠᠪᠤ ᠰᠢᠳᠦᠬᠡᠨ ᠪᠠᠶᠠᠨᠵᠢᠷᠦᠬᠡ ᠠᠭᠤᠯᠠᠨ ᠳᠠᠭᠠᠨ | ᠠᠭᠳᠠ ᠶᠢᠨ ᠰᠢᠯᠢᠳᠡᠭ ᠮᠢᠩᠭᠠᠨ ᠴᠠᠭᠠᠨ ᠠᠳᠤᠭᠤᠳ ᠢᠨᠴᠠᠭᠠᠭᠰᠠᠨ | ᠰᠧᠮᠫᠡᠯ ᠤᠨ ᠠᠳᠣᠭᠤ ᠬᠤᠳᠣᠭᠤᠷ ᠢᠶᠠᠷ ᠬᠡᠮᠵᠢᠨ | ᠰᠠᠶᠠ ᠪᠣᠮᠠᠨ ᠮᠠᠩᠯᠠᠢ ᠪᠠᠶᠠᠨ ᠪᠣᠯᠣᠭᠰᠠᠨ | ᠷᠢᠨᠴᠢᠨ ᠵᠠᠯᠠᠨ ᠤ ᠨᠣᠭᠤᠭᠠᠨ ᠲᠡᠯᠳᠦ ᠣᠨᠠᠭᠠ ᠠᠴᠠ | ᠷᠡᠮ ᠢᠶᠠᠷ ᠡᠬᠢᠯᠡᠭᠰᠡᠨ ᠲᠦᠮᠡᠨ ᠤ ᠢᠷᠦᠬᠡᠯ ᠣᠶᠠᠩᠭᠠᠷᠠᠭᠰᠠᠨ | ᠲᠣᠳᠪᠣᠣ ᠪᠠᠶᠠᠨ ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ ᠪᠠᠷ | ᠲᠣᠮᠤᠭ ᠲᠠᠭᠤᠷᠢᠰᠣᠭᠤᠯᠵᠣ ᠬᠦᠬᠡᠬᠤᠳᠠ ᠵᠣᠷᠢᠭᠰᠠᠨ | ᠲᠣᠭᠰᠢᠨ ᠠᠭᠳᠠ ᠰᠠᠯᠬᠢᠨ ᠬᠦᠯᠦᠭ ᠨᠢ ᠴᠤ | ᠲᠠᠭᠤᠷᠢᠰᠬᠤ ᠨᠡᠷᠡ ᠪᠠᠷ ᠲᠠᠶᠠᠭᠠᠷ ᠠᠯᠳᠠᠷᠰᠢᠭᠰᠠᠨ | ᠮᠣᠷᠢᠳᠦ ᠴᠡᠷᠢᠭ ᠤᠨ ᠣᠲ᠋ᠧᠷᠢᠶᠡᠲ ᠤᠨ | ᠮᠠᠨᠳᠣᠭᠤᠯᠵᠣ ᠬᠢᠯᠠᠷᠠᠭᠤᠯᠣᠭᠰᠠᠨ ᠲᠡᠣᠬᠡᠨ ᠬᠠᠭᠤᠳᠠᠰᠣ | ᠮᠦᠽᠧᠢ ᠣᠷᠳᠣᠨ ᠲᠠᠢ ᠣᠷᠣᠨ ᠤ ᠲᠦᠪ ᠲᠤ | ᠮᠦᠩᠬᠡ ᠶᠢᠨ ᠴᠣᠭᠴᠠᠰ ᠨᠢ ᠦᠨᠢᠳᠡ ᠱᠣᠭᠤᠭᠳᠠᠭᠰᠠᠨ ᠡ︕ | | ᠵᠣᠬᠢᠶᠠᠭᠴᠢ᠄ ● ᠪᠣᠷᠵᠢᠬᠢᠨ ᠨᠠᠷᠠᠨᠴᠣᠭᠳᠣ | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠡᠮᠦᠨᠡᠳᠦ ᠬᠤᠰᠢᠭᠤᠨ ᠤ ᠲᠡᠪᠰᠡᠭ ᠰᠣᠷᠭᠠᠭᠤᠯᠢ |