| ᠪᠤᠬᠢᠨᠢᠳᠤᠯ — ᠶᠠᠭ ᠮᠢᠩᠭᠠ ᠲᠦᠮᠡᠨ ᠰᠢᠷᠬᠡᠭ ᠤᠲᠠᠰᠤ ᠤᠷᠢᠶᠠᠯᠳᠤᠨ ᠵᠢᠭᠤᠷᠠᠯᠳᠤᠭᠰᠠᠨ ᠰᠢᠭ᠋ ᠡᠳᠦᠷ | ᠲᠤᠵᠢ ᠨᠠᠮᠠᠶᠢ ᠲᠠᠷᠴᠢᠯᠭᠠᠨᠠ᠃ ᠬᠤᠭᠤᠯᠠ ᠢᠳᠡᠭᠡᠳ ᠠᠮᠳᠠ ᠦᠭᠡᠢ᠂ ᠤᠰᠤ ᠤᠤᠭᠤᠭᠠᠳ ᠰᠢᠮᠡ ᠦᠭᠡᠢ᠂ | ᠤᠨᠲᠠᠵᠤ ᠠᠮᠠᠷᠠᠬᠤ ᠨᠦᠢᠷ ᠦᠭᠡᠢ ᠪᠤᠯᠭᠠᠪᠠ᠃ ᠡᠵᠢ ᠮᠢᠨᠢ ︽ᠡᠨᠡ ᠬᠦᠦ ᠡᠪᠡᠳᠴᠢᠯᠡᠴᠢᠬᠡᠵᠡᠢ︾ ᠭᠡᠵᠤ ᠡᠮ ᠳᠤᠮ | ᠭᠡᠵᠤ ᠮᠤᠩᠭᠠᠨᠢᠨᠠ᠃ ᠠᠪᠤ ᠮᠢᠨᠢ ︽ᠶᠠᠮᠠᠷ ᠡᠪᠡᠳᠴᠢᠨ ᠪᠤᠯᠴᠢᠬᠠᠪᠠ︖ ᠡᠮᠴᠢ ᠳᠤ ᠤᠴᠢᠬᠤ ᠬᠡᠷᠡᠭᠲᠡᠢ︾ ᠭᠡᠵᠤ | ᠡᠵᠢ ᠳᠤ ᠳᠠᠬᠢᠨ ᠲᠠᠪᠲᠠᠨ ᠱᠠᠭᠠᠷᠳᠠᠨᠠ᠃ ᠦᠨᠡᠨᠳᠡᠭᠡᠨ ᠮᠢᠨᠦ ᠡᠪᠡᠳᠴᠢᠨ ᠪᠤᠯ ︽ᠭᠠᠷ ᠤᠳᠠᠰᠤᠨ ᠤ ᠰᠢᠨᠤᠯ︾᠃ | ᠪᠢ ᠦᠪᠡᠷ ᠢᠶᠠᠨ ᠯᠠ ᠮᠡᠳᠡᠳᠡᠭ ᠰᠡᠳᠭᠢᠯ ᠤᠨ ᠡᠪᠡᠳᠴᠢᠨ᠃ ᠡᠵᠢ ᠠᠪᠤ ᠶᠠᠭᠠᠬᠢᠨ ᠮᠡᠳᠡᠬᠦ ᠪᠢᠯᠡ︖ | ᠪᠠᠭᠠ ᠰᠤᠷᠭᠠᠭᠤᠯᠢ ᠲᠡᠭᠦᠰᠴᠦ ᠠᠩᠬᠠ ᠳᠤᠮᠳᠠᠳᠤ ᠳᠤ ᠰᠤᠷᠤᠯᠴᠠᠬᠤ ᠪᠤᠯᠤᠭᠰᠠᠨ ᠪᠢ ᠠᠪᠤ ᠡᠵᠢ ᠪᠠᠨ | ᠭᠤᠶᠤᠭᠰᠠᠭᠠᠷ ᠪᠠᠶᠢᠵᠤ ᠨᠢᠭᠡᠨ ᠭᠠᠷ ᠤᠳᠠᠰᠤ ᠠᠪᠤᠭᠰᠠᠨ ᠪᠢᠯᠡ᠃ ᠦᠨᠡᠨᠳᠡᠭᠡᠨ ᠠᠪᠤ ᠡᠵᠢ ᠶᠢᠨ ᠬᠡᠨ ᠨᠢ ᠴᠦ | ᠠᠪᠴᠤ ᠦᠭᠬᠦ ᠳᠤᠷᠠ ᠦᠭᠡᠢ ᠪᠠᠶᠢᠵᠠᠢ᠃ ᠡᠨᠡ ᠨᠢ ᠶᠠᠷᠢᠶᠠᠨ ᠦᠭᠡᠢ ᠨᠠᠮᠠᠶᠢ ᠭᠠᠷ ᠤᠳᠠᠰᠤᠨ ᠠᠴᠠ ᠰᠦᠭᠡᠷᠬᠦ | ᠲᠠᠯᠠ ᠶᠢᠨ ᠨᠦᠯᠦᠭᠡ ᠬᠦᠷᠲᠡᠬᠦ ᠠᠴᠠ ᠪᠤᠯᠭᠤᠮᠵᠢᠯᠠᠵᠤ ᠪᠠᠶᠢᠭᠰᠠᠨ ᠤᠴᠢᠷ᠃ ᠭᠡᠲᠡᠯᠡ ᠪᠢ ᠠᠪᠤ ᠡᠵᠢ ᠳᠤ ᠪᠠᠨ ︽ | ᠪᠢ ᠶᠠᠭᠠᠬᠢᠯᠠ ᠴᠦ ᠭᠡᠰᠡᠨ ᠰᠤᠷᠤᠯᠭᠠ ᠪᠠᠨ ᠬᠠᠷᠰᠢᠯᠠᠬᠤ ᠦᠭᠡᠢ︾ ᠭᠡᠵᠤ ᠠᠷᠠᠢ ᠯᠠ ᠲᠠᠩᠭᠠᠷᠢᠭᠯᠠᠭᠰᠠᠨ ᠦᠭᠡᠢ᠃ | ᠲᠡᠭᠡᠭᠡᠳ ᠠᠪᠤ ᠡᠵᠢ ᠬᠤᠶᠠᠭᠤᠯᠠ ᠪᠠᠨ ᠵᠦᠪᠳᠡᠵᠦ ᠨᠠᠳᠠ ᠳᠤ ᠠᠷᠭᠠ ᠪᠤᠰᠤ ᠨᠢᠭᠡᠨ ᠭᠠᠷ ᠤᠳᠠᠰᠤ ᠠᠪᠴᠦ | ᠦᠭᠭᠦᠭᠰᠡᠨ ᠪᠢᠯᠡ᠃ | ᠭᠠᠷ ᠤᠳᠠᠰᠤ ᠤᠯᠵᠤ ᠠᠳᠬᠤᠭᠰᠠᠨ ᠪᠢ ᠰᠢᠬᠢᠷ ᠬᠦᠯᠬᠦᠭᠰᠡᠨ ᠠᠴᠠ ᠢᠯᠡᠭᠦᠦ ᠠᠮᠳᠠᠲᠠᠢ ᠰᠠᠨᠠᠭᠳᠠᠯᠠ᠃ | ᠭᠡᠪᠡᠴᠦ ᠤᠯᠵᠤ ᠠᠪᠬᠤ ᠳᠤ ᠬᠦᠴᠢᠷᠳᠡᠭᠰᠡᠨ ᠢᠶᠠᠨ ᠪᠤᠳᠤᠪᠠᠯ ᠪᠡᠶᠡ ᠪᠠᠨ ᠪᠠᠷᠢᠴᠢᠬᠠᠨᠠ᠃ ᠡᠬᠢᠯᠡᠭᠡᠳ ᠨᠢᠭᠡ ᠠᠴᠠ | ᠬᠤᠶᠠᠷ ᠴᠠᠭ ᠨᠠᠭᠠᠳᠪᠠᠯ ᠲᠠᠯᠪᠢᠴᠢᠬᠠᠳᠠᠭ᠃ ᠬᠠᠭᠠᠰ ᠰᠠᠷᠠ ᠪᠤᠯᠪᠠ᠃ ᠪᠢ ᠭᠠᠷ ᠤᠳᠠᠰᠤᠨ ᠤ ᠨᠠᠭᠠᠳᠤᠮ ᠤᠨ | ᠪᠠᠭ᠋ᠠᠨ ᠳᠤ ᠤᠷᠤᠪᠠ᠃ ᠦᠯᠢᠭᠡᠷ ᠺᠢᠨᠣ᠋ ᠦᠵᠡᠨᠡ᠃ ᠲᠧᠯᠸᠢᠰ ᠦᠵᠡᠨᠡ᠃ ᠭᠠᠷ ᠤᠳᠠᠰᠤ ᠭᠡᠭᠴᠢ ᠦᠨᠡᠬᠡᠷ ᠰᠠᠶᠢᠨ | ᠡᠳ᠋ ᠭᠡᠵᠤ ᠳᠤᠲᠤᠷᠠ ᠪᠠᠨ ᠪᠠᠭ᠋ᠠᠳᠤᠨᠠ᠃ ᠰᠤᠷᠭᠠᠭᠤᠯᠢ ᠲᠠᠷᠬᠠᠭᠠᠳ ᠭᠡᠷ ᠲᠤ ᠪᠠᠨ ᠬᠦᠷᠦᠭᠡᠳ ᠢᠷᠡᠪᠡᠯ ᠮᠢᠨᠦ | ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠤ ᠬᠢᠬᠦ ᠠᠵᠤ ᠭᠡᠪᠡᠯ ᠭᠠᠷ ᠤᠳᠠᠰᠤ᠃ ᠭᠠᠷ ᠤᠳᠠᠰᠤ ᠪᠠᠨ ᠤᠯᠤᠭᠠᠳ ᠠᠳᠬᠤᠭᠰᠠᠨ ᠤ | ᠳᠠᠷᠠᠭᠠ ᠰᠠᠶ᠋ᠢ ᠪᠢ ᠡᠯᠡ ᠲᠦᠷᠦᠯ ᠤᠨ ᠳᠠᠰᠬᠠᠯ ᠢᠶᠠᠨ ᠬᠤᠷᠳᠤᠯᠠᠨ ᠭᠦᠢᠴᠡᠳᠭᠡᠳᠡᠭ᠃ ᠪᠠᠷᠠᠮᠠᠭᠴᠠ ᠭᠠᠷ | ᠤᠳᠠᠰᠤ ᠪᠠᠨ ᠠᠪᠤᠭᠠᠳ ᠬᠠᠨᠵᠤᠨ ᠳᠡᠭᠡᠷᠡ ᠪᠠᠨ ᠰᠠᠭᠤᠵᠤ ᠪᠠᠶᠢᠵᠤ᠂ ᠬᠡᠪᠲᠡᠵᠦ ᠪᠠᠶᠢᠵᠤ ᠭᠠᠷ ᠤᠳᠠᠰᠤ ᠪᠠᠷ | ᠨᠠᠭᠠᠳᠤᠨᠠ᠃ ᠨᠢᠭᠡ ᠯᠠ ᠦᠭᠡ ᠪᠠᠷ ᠬᠡᠯᠡᠪᠡᠯ ᠡᠳᠦᠷ ᠬᠤᠨᠤᠭ ᠨᠠᠳᠠ ᠳᠤ ᠲᠦᠢᠯ ᠤᠨ ᠤᠳᠬᠠ ᠠᠭᠤᠯᠭᠠ ᠲᠠᠢ | ᠰᠠᠨᠠᠭᠳᠠᠵᠦ ᠪᠠᠶᠢᠭᠰᠠᠨ᠃ ᠡᠶᠢᠨᠬᠦ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠪᠢ ᠭᠠᠷ ᠤᠳᠠᠰᠤᠨ ᠤ ᠲᠤᠭᠯᠠᠭᠠᠮ ᠳᠤ ᠨᠢ ᠬᠤᠷᠤᠬᠠᠶᠢᠰᠢᠵᠤ | ᠪᠤᠭᠤᠮᠲᠠ ᠳᠠᠪᠠᠭ᠋ᠤ᠂ ᠳᠡᠰ ᠳᠡᠪᠰᠢᠬᠦ ᠭᠡᠵᠤ ᠴᠢᠷᠮᠠᠶᠢᠭᠰᠠᠭᠠᠷ ᠰᠤᠷᠤᠯᠭᠠ ᠪᠠᠨ ᠤᠶᠢᠰᠢᠶᠠᠬᠤ ᠪᠠᠨ ᠪᠤᠯᠢᠪᠠ᠃ | ᠦᠪᠡᠷ ᠢ ᠪᠠᠨ ᠭᠠᠷ ᠤᠳᠠᠰᠤᠨ ᠤ ᠬᠤᠤᠷ ᠬᠦᠨᠦᠭᠡᠯ ᠳᠤ ᠲᠠᠳᠠᠭᠳᠠᠭᠰᠠᠨ ᠭᠡᠳᠡᠭ ᠢᠶᠠᠨ ᠮᠡᠳᠡᠪᠡᠴᠦ ᠪᠡᠶᠡ ᠪᠠᠨ ᠪᠠᠷᠢᠵᠤ | ᠲᠡᠶᠢᠯᠬᠦ ᠦᠭᠡᠢ ᠪᠤᠯᠪᠠ᠃ ᠲᠡᠭᠡᠭᠡᠳ ᠨᠢᠭᠡᠨ ᠡᠳᠦᠷ ᠪᠢ ᠡᠵᠢ ᠠᠪᠤ ᠠᠴᠠ ᠪᠠᠨ ᠨᠢᠭᠤᠵᠤ ᠪᠠᠶᠢᠭᠠᠳ ᠦᠨᠦᠬᠢ ᠪᠠᠨ | ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠠᠪᠤᠭᠠᠳ ᠶᠠᠪᠤᠭᠰᠠᠨ ᠰᠢᠦ᠃ | ᠲᠡᠷᠡ ᠡᠳᠦᠷ ᠤᠨ ᠲᠤᠭᠠᠨ ᠤ ᠬᠢᠴᠢᠶᠡᠯ ᠳᠡᠭᠡᠷᠡ ᠪᠢ ᠭᠠᠷ ᠤᠳᠠᠰᠤ ᠪᠠᠷ ᠢᠶᠠᠨ ᠨᠠᠭᠠᠳᠬᠤ ᠭᠡᠵᠤ ᠬᠠᠮᠤᠭ | ᠠᠷᠤ ᠶᠢᠨ ᠰᠠᠭᠤᠳᠠᠯ ᠳᠠᠬᠢ ᠨᠠᠶᠢᠵᠠ ᠲᠠᠢ ᠲᠤᠰᠬᠠᠶᠢᠯᠠᠨ ᠤᠷᠤ ᠰᠤᠯᠢᠵᠤ ᠰᠠᠭᠤᠪᠠ᠃ ᠲᠡᠭᠡᠭᠡᠳ ᠡᠮᠦᠨᠡ ᠪᠠᠨ | ᠳᠡᠪᠲᠡᠷ ᠢᠶᠠᠨ ᠤᠪᠤᠭᠠᠯᠠᠵᠤ ᠲᠠᠯᠪᠢᠭᠠᠳ ᠲᠤᠭᠠᠨ ᠤ ᠳᠡᠪᠲᠡᠷ ᠢᠶᠠᠨ ᠢᠯᠡ ᠭᠠᠷᠭᠠᠵᠤ ᠳᠤᠤᠷᠠ ᠨᠢ ᠭᠠᠷ ᠤᠳᠠᠰᠤ ᠪᠠᠨ | ᠨᠢᠭᠤᠵᠤ ᠨᠠᠭᠠᠳᠴᠤ ᠡᠬᠢᠯᠡᠭᠰᠡᠨ᠂ ᠪᠤᠭᠤᠮᠲᠠ ᠳᠠᠪᠠᠵᠤ ᠡᠬᠢᠯᠡᠭᠰᠡᠨ ᠁ ᠭᠡᠨᠡᠳᠲᠡ ᠬᠠᠮᠲᠤ ᠨᠦᠬᠦᠳ | ᠲᠦᠷᠴᠢᠬᠢᠨᠡᠲᠡᠯᠡ ᠢᠨᠢᠶᠡᠯᠳᠦᠨᠡ᠃ ᠪᠢ ︽ᠶᠠᠭᠤ ᠪᠤᠯᠴᠢᠬᠠᠪᠠ︖︾ ᠭᠡᠵᠤ ᠳᠡᠭᠡᠭᠰᠢ ᠦᠨᠳᠡᠶᠢᠪᠡᠯ ᠪᠠᠭᠰᠢ ᠮᠢᠨᠦ | ᠨᠡᠷᠡ ᠪᠠᠷ ᠳᠠᠭᠤᠳᠠᠵᠤ ᠪᠠᠶᠢᠨᠠ᠃ ᠪᠢ ᠰᠤᠴᠢᠰᠭᠢᠨ ᠪᠤᠰᠴᠤ ᠵᠤᠭᠰᠤᠬᠤ ᠳᠤ ᠪᠠᠨ ᠭᠠᠷ ᠤᠳᠠᠰᠤ ᠪᠠᠨ ᠭᠠᠵᠠᠷ | ᠤᠨᠠᠭᠠᠵᠤ ᠬᠠᠮᠤᠭ ᠬᠡᠷᠡᠭ ᠨᠢᠭᠤᠵᠤ ᠳᠠᠯᠳᠠᠯᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠤᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠪᠠᠭᠰᠢ ᠮᠠᠨᠢ | ᠭᠠᠷ ᠤᠳᠠᠰᠤ ᠶᠢ ᠬᠤᠷᠢᠶᠠᠨ ᠠᠪᠴᠤ ᠤᠷᠴᠢᠮ ᠰᠤᠷᠤᠯᠭᠠ ᠮᠠᠭᠤᠲᠠᠵᠤ ᠪᠠᠶᠢᠭᠠ ᠰᠢᠯᠲᠠᠭᠠᠨ ᠢ ᠲᠤᠳᠤᠯᠠᠵᠤ ᠡᠵᠢ | ᠠᠪᠤ ᠶᠢ ᠳᠠᠭᠤᠳᠠᠭᠤᠯᠤᠭᠰᠠᠨ ᠪᠢᠯᠡ᠃ ᠠᠪᠤ ᠡᠵᠢ ᠰᠠᠨᠳᠤᠷᠤᠨ ᠬᠦᠷᠴᠦ ᠢᠷᠡᠭᠡᠳ ᠪᠠᠭᠰᠢ ᠶᠢᠨ ᠡᠮᠦᠨᠡ ︽ᠪᠢᠳᠡ | ᠬᠡᠦᠬᠡᠳ ᠢ ᠳᠡᠩᠳᠡᠭᠦᠦ ᠡᠷᠬᠡ ᠳᠤᠷᠠ ᠪᠠᠷ ᠨᠢ ᠰᠤᠷᠭᠠᠵᠤ ᠪᠤᠢ᠃ ᠪᠦᠷ ᠮᠠᠨ ᠤ ᠪᠤᠷᠤᠭᠤ︾ ᠭᠡᠵᠤ ᠪᠠᠭᠰᠢ ᠳᠤ | ᠳᠡᠭᠡᠷᠡ ᠳᠡᠭᠡᠷᠡ ᠨᠢ ᠪᠤᠷᠤᠭᠤ ᠮᠡᠳᠡᠵᠦ ᠪᠠᠶᠢᠯᠠ᠃ | ᠤᠷᠤᠢ ᠨᠢ ᠰᠤᠷᠭᠠᠭᠤᠯᠢ ᠲᠠᠷᠬᠠᠭᠠᠳ ᠭᠡᠷ ᠲᠤ ᠬᠠᠷᠢᠬᠤ ᠳᠤ ᠠᠪᠤ᠄ ︽ᠬᠦᠦ ᠮᠢᠨᠢ︕ ᠨᠠᠭᠠᠳᠤᠮ | ᠲᠤᠭᠯᠠᠭᠠᠮ ᠳᠤ ᠰᠢᠨᠤᠭᠠᠳ ᠰᠤᠷᠤᠯᠭᠠ ᠪᠠᠨ ᠬᠠᠷᠰᠢᠯᠠᠭᠰᠠᠨ ᠴᠢᠮᠠ ᠳᠤ ᠦᠭᠡᠷᠡ ᠬᠡᠯᠡᠬᠦ ᠦᠭᠡ ᠪᠠᠶᠢᠨᠠ ᠤᠤ︖︾ | ᠭᠡᠰᠡᠨ ᠳᠤ᠂ ᠪᠢ ᠲᠤᠯᠤᠭᠠᠢ ᠰᠡᠭᠰᠦᠷᠴᠦ ᠶᠠᠭᠤ ᠴᠦ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠲᠡᠭᠦᠨ ᠠᠴᠠ ᠰᠡᠭᠦᠯᠡᠷ ᠪᠢ ᠭᠠᠷ | ᠤᠳᠠᠰᠤ ᠤᠯᠵᠤ ᠠᠳᠬᠤᠬᠤ ᠶᠢ ᠪᠠᠶᠢᠴᠢᠬᠠ ᠪᠠᠷᠠ ᠶᠢ ᠨᠢ ᠤᠯᠵᠤ ᠬᠠᠷᠠᠭᠰᠠᠨ ᠦᠭᠡᠢ ᠡᠳᠦᠭᠡ ᠳᠤ ᠲᠤᠯᠤᠯᠠ᠃ | ᠪᠢ ᠭᠠᠷ ᠤᠳᠠᠰᠤ ᠨᠠᠭᠠᠳᠬᠤ ᠭᠡᠵᠤ ᠲᠤᠩ ᠰᠠᠨᠠᠨᠠ᠃ ᠲᠡᠷᠡ ᠨᠢᠭᠡᠨ ᠲᠤᠭᠯᠠᠭᠠᠮ ᠤᠨ ᠢᠶᠠᠨ ᠲᠠᠪᠤᠳᠤᠭᠠᠷ | ᠪᠤᠭᠤᠮᠲᠠ ᠶᠢ ᠳᠠᠪᠠᠭ᠋ᠤ ᠰᠢᠬᠠᠵᠤ ᠪᠠᠶᠢᠭᠰᠠᠨ ᠰᠢᠦ ᠭᠡᠵᠤ ᠪᠤᠳᠤᠪᠠᠯ ᠬᠠᠷᠠᠮᠰᠠᠵᠤ ᠤᠴᠢᠨᠠ᠃ ᠭᠡᠪᠡᠴᠦ ᠠᠪᠤ | ᠡᠵᠢ ᠶᠢᠨ ᠢᠶᠠᠨ ᠵᠢᠮᠡᠯᠡᠩᠭᠦᠢ ᠬᠠᠷᠠᠴᠠ ᠠᠴᠠ ᠠᠶᠤᠨᠠ᠃ ᠰᠤᠷᠤᠯᠭᠠ ᠶᠢᠨ ᠢᠶᠠᠨ ᠮᠠᠭᠤᠲᠠᠭᠰᠠᠨ ᠢ ᠪᠤᠳᠤᠪᠠᠯ ᠵᠤᠪᠠᠨᠠ | ᠃ ᠪᠠᠭᠰᠢ᠂ ᠭᠡᠷ ᠤᠨ ᠠᠬᠠᠮᠠᠳ᠂ ᠬᠠᠮᠳᠤ ᠨᠦᠬᠦᠳ ᠲᠤ ᠪᠠᠨ ᠢᠲᠡᠭᠡᠯ ᠢᠶᠠᠨ ᠠᠯᠳᠠᠵᠤ ᠶᠠᠪᠤᠭᠰᠠᠨ ᠭᠡᠵᠤ ᠭᠡᠮᠰᠢᠨᠡ | ᠃ ᠶᠠᠭᠠᠬᠢᠪᠠᠯ ᠲᠠᠭᠠᠷᠠᠬᠤ ᠪᠢᠯᠡ︖ ᠡᠶᠢᠨᠬᠦ ᠪᠤᠬᠢᠨᠢᠳᠤᠯ ᠮᠢᠨᠦ ᠤᠶᠤᠨ ᠢ ᠡᠵᠡᠮᠳᠡᠭᠡᠳ ᠤᠳᠠᠭᠰᠠᠨ ᠲᠤᠯᠠ ᠪᠢ | ᠦᠨᠡᠬᠡᠷ ᠡᠪᠡᠳᠴᠢᠨ ᠬᠦᠷᠲᠡᠭᠰᠡᠨ ᠰᠢᠭ ᠪᠤᠯᠪᠠ᠃ ᠠᠪᠤ ᠡᠵᠢ ᠰᠠᠨᠳᠤᠷᠬᠤ ᠦᠭᠡᠢ ᠭᠡᠵᠤ ᠪᠠᠶᠢᠨᠠ ᠤᠤ ᠳ᠋ᠠ︕ | ᠭᠡᠪᠡᠴᠦ ᠪᠢ ᠰᠡᠭᠡᠭᠡᠷᠡᠬᠦ ᠬᠡᠷᠡᠭᠲᠡᠢ᠃ ᠤᠶᠤᠨ ᠮᠡᠳᠡᠷᠡᠯ ᠢᠶᠠᠨ ᠡᠵᠡᠮᠳᠡᠬᠦ ᠬᠡᠷᠡᠭᠲᠡᠢ᠃ ᠦᠪᠡᠷ ᠢ ᠪᠠᠨ ᠢᠯᠠᠬᠤ | ᠬᠡᠷᠡᠭᠲᠡᠢ᠃ ︽ᠡᠪᠡᠳᠴᠢᠨ︾ ᠢᠶᠠᠨ ᠵᠠᠰᠠᠬᠤ ᠬᠡᠷᠡᠭᠲᠡᠢ᠃ | ᠵᠤᠬᠢᠶᠠᠭᠴᠢ᠄ ᠢᠤᠢ ᠹᠧᠩ ︵ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ ᠳᠦᠷᠪᠡᠳᠦᠭᠡᠷ ᠳᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠳᠤᠯᠤᠭᠠ ᠶᠢᠨ ᠳᠦᠷᠪᠡ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠮᠦᠩᠭᠦᠨ | |