| | ᠤᠯᠤᠮ ᠦᠬᠡᠢ ᠬᠦᠨ ᠲᠠᠯᠠᠢ ᠤᠭᠳᠠᠷᠭᠤᠢ ᠶᠢᠨ ᠬᠠᠶᠠᠭᠠ ᠲᠠᠢ ᠴᠡᠯᠡᠶᠢᠭᠡᠳ | ᠤᠩᠭᠤᠴᠠ ᠰᠦᠯᠵᠢᠯᠳᠤᠨ ᠭᠠᠷᠠᠮ ᠤᠨ ᠵᠤᠬᠰᠤᠭᠠᠯ ᠳᠤ ᠤᠨᠴᠠ ᠲᠠᠶᠢᠪᠤᠭᠤᠨ ᠵᠦᠷᠢᠯᠳᠤᠨᠠ | ᠤᠰᠤᠨ ᠳᠤ ᠲᠤᠨᠤᠷᠠᠬᠰᠠᠨ ᠰᠡᠬᠦᠳᠡᠷ ᠲᠤᠩᠭᠤᠷᠤᠤ ᠪᠤᠯᠪᠠᠴᠤ ᠦᠨᠡᠨ ᠭᠡᠯᠳᠡᠢ | ᠤᠷᠤᠰᠬᠠᠯ ᠤᠨ ᠲᠤᠩᠭᠠᠯᠠᠬ ᠲᠤ ᠨᠢ ᠵᠢᠰᠦ ᠪᠠᠨ ᠲᠤᠯᠢᠳᠠᠳᠠᠬ ᠨᠤᠳᠤᠬ ᠤᠨ ᠭᠤᠤᠯ ᠮᠢᠨᠢ ᠰᠠᠨᠠᠭᠳᠠᠨᠠ | ᠮᠦᠷᠡᠨ ᠭᠤᠤᠯ ᠤᠨ ᠤᠰᠤ ᠲᠠᠯᠠᠢ ᠳᠤ ᠴᠢᠳᠬᠤᠯᠠᠳᠠᠬ ᠢᠶᠠᠷ ᠢᠶᠠᠨ ᠲᠤᠨᠳᠠᠷᠠᠳᠠᠬ ᠦᠬᠡᠢ ᠪᠠᠶᠢᠳᠠᠬ | ᠮᠦᠩᠬᠦᠨ ᠰᠠᠷᠠᠨ ᠤ ᠲᠤᠶᠠᠭᠠ ᠲᠠᠯᠠᠢ ᠳᠤ ᠠᠰᠬᠠᠳᠠᠬ ᠢᠶᠠᠷ ᠢᠶᠠᠨ ᠵᠢᠷᠤᠬᠯᠢᠬ ᠪᠠᠶᠢᠳᠠᠬ | ᠮᠦᠰᠦ ᠴᠠᠷᠴᠠᠬᠰᠠᠨ ᠴᠠᠰᠤᠳᠤ ᠤᠷᠬᠢᠯ ᠴᠤ ᠲᠠᠯᠠᠢ ᠵᠦᠭᠯᠡᠨ ᠠᠭᠤᠷᠰᠢᠳᠠᠬ | ᠮᠦᠷᠦᠭᠡᠳᠦᠯ ᠲᠡᠭᠡᠭᠡᠭᠰᠡᠨ ᠤᠷᠳᠤ ᠶᠢᠨ ᠲᠠᠭᠤᠤ ᠴᠤ ᠲᠠᠯᠠᠢ ᠰᠢᠬ ᠴᠠᠯᠬᠢᠯᠠᠳᠠᠬ | ᠪᠠᠭᠠ ᠳᠠᠭᠠᠨ ᠱᠠᠭᠠᠢᠢᠳᠠᠬ ᠬᠠᠨᠠ ᠶᠢᠨ ᠨᠢᠳᠤᠨ ᠳᠤ ᠲᠡᠭᠷᠢ ᠶᠠᠭᠠᠬᠢᠬᠰᠠᠨ ᠠᠭᠤᠵᠢᠭᠤ ᠪᠤᠢ | ᠪᠠᠯᠴᠢᠷ ᠲᠠᠭᠠᠨ ᠲᠤᠭᠯᠠᠬᠰᠠᠨ ᠪᠤᠯᠳᠤᠭᠤᠷ ᠬᠦᠳᠦᠯ ᠤᠳ ᠨᠠᠳᠠ ᠳᠤ ᠶᠠᠭᠠᠬᠢᠬᠰᠠᠨ ᠮᠤᠨᠳᠠᠬ ᠪᠤᠢ | ᠪᠠᠭᠰᠢ ᠶᠢᠨ ᠵᠢᠭᠠᠭᠰᠠᠨ ︽ᠬᠠᠭᠤᠴᠢᠨ ᠬᠦᠦ︾ ᠮᠦᠷᠳᠡᠯ ᠤᠨ ᠰᠤᠪᠢᠩ ᠢᠶᠠᠷ ᠬᠦᠳᠦᠯᠬᠦ ᠳᠤ | ᠪᠠᠷᠠᠭᠤᠨ ᠳᠤ ᠲᠠᠰᠢᠬᠤ ᠨᠠᠷᠠ ᠬᠠᠷᠢᠨ ᠲᠠᠯᠠᠢ ᠡᠷᠬᠢᠳᠡᠭ ᠢ ᠤᠬᠠᠭᠠᠯᠠ | ᠰᠢᠷᠭᠠᠯ ᠲᠤᠭᠤᠰᠤ ᠲᠠᠢ ᠠᠶᠠᠨ ᠤ ᠭᠠᠨᠵᠤᠭᠠ ᠰᠠᠵᠢᠯᠠᠭᠤᠯᠤᠬᠰᠠᠭᠠᠷ | ᠰᠠᠨᠰᠠᠷ ᠲᠠᠢ ᠬᠢᠯᠢᠯᠡᠭᠰᠡᠨ ᠲᠠᠯᠠᠢ ᠬᠠᠷᠠᠭᠰᠠᠨ ᠮᠢᠨᠢ ᠠᠵᠠ ᠲᠠᠢ ᠤᠴᠠᠷᠠᠯ ᠡ | ᠰᠠᠶᠠ ᠲᠦᠮᠡᠨ ᠲᠠᠯᠠᠢ ᠶᠢᠨ ᠠᠮᠢᠳᠠᠨ ᠰᠡᠳᠬᠢᠯ ᠢ ᠭᠡᠵᠢᠭᠡᠳᠡᠨ ᠰᠠᠭᠤᠬᠤ ᠳᠤ | ᠰᠠᠨᠠᠭᠠᠨ ᠤ ᠠᠯᠤᠰ ᠲᠤ ᠨᠤᠳᠤᠬ ᠤᠨ ᠲᠠᠯᠠ ᠲᠠᠯᠠᠢ ᠮᠡᠳᠦ ᠰᠠᠷᠠᠭᠤᠯᠵᠢᠨᠠ | ᠪᠤᠬᠳᠠ ᠴᠢᠩᠬᠢᠰ ᠤᠨ ᠠᠯᠳᠠᠷ ᠭᠠᠪᠢᠶᠠ ᠲᠠᠯᠠᠢ ᠮᠡᠳᠦ ᠬᠦᠨ | ᠪᠤᠶᠠᠨᠳᠤ ᠮᠤᠩᠭᠤᠯ ᠤᠨ ᠬᠡᠶᠢᠮᠦᠷᠢ ᠰᠦᠯᠳᠡ ᠲᠠᠯᠠᠢ ᠮᠡᠳᠦ ᠲᠠᠪᠠᠯᠭᠠᠯᠠᠵᠤ | ᠪᠤᠰᠤᠭᠠ ᠦᠰᠦᠭ ᠤᠨ ᠦᠬᠡᠰ ᠤᠨ ᠰᠠᠩ ᠲᠠᠯᠠᠢ ᠮᠡᠳᠦ ᠪᠠᠶᠠᠯᠢᠬᠵᠢᠨ | ᠪᠦᠳᠦᠨ ᠰᠤᠶᠤᠯ ᠤᠨ ᠲᠠᠷᠬᠠᠨ ᠭᠤᠯᠤᠮᠳᠠ ᠮᠢᠨᠢ ᠲᠠᠯᠠᠢ ᠮᠡᠳᠦ ᠮᠦᠩᠭᠡᠵᠢᠬᠦ ᠶᠤᠮ | ᠰᠠᠬᠠᠯ ᠨᠢ ᠴᠠᠶᠢᠬᠰᠠᠨ ᠠᠴᠢᠯᠠᠯ ᠤᠨ ᠲᠡᠭᠷᠢ ᠠᠪᠤ ᠮᠢᠨᠢ | ᠰᠠᠨᠴᠢᠬ ᠨᠢ ᠪᠤᠭᠤᠷᠤᠯᠳᠤᠬᠰᠠᠨ ᠡᠨᠡᠷᠢᠯ ᠤᠨ ᠲᠠᠯᠠᠢ ᠡᠵᠢ ᠮᠢᠨᠢ | ᠰᠠᠨᠠᠬᠤ ᠶᠢᠨ ᠵᠠᠶᠠᠭᠠᠨ ᠤ ᠬᠠᠶᠢᠷᠠ ᠶᠢᠨ ᠲᠡᠩᠭᠡᠯᠢᠭ ᠪᠦᠰᠡᠬᠦᠢ ᠮᠢᠨᠢ | ᠰᠠᠯᠬᠤ ᠶᠢᠨ ᠬᠤᠷᠤᠮ ᠳᠤ ᠰᠡᠬᠦᠷᠡᠰᠦ ᠠᠯᠳᠠᠭᠤᠯᠤᠬᠰᠠᠨ ᠡᠮᠵᠡᠭᠯᠡᠯ ᠮᠢᠨᠢ | ᠡᠷᠦᠭᠡ ᠭᠡᠷ ᠮᠢᠨᠢ ᠲᠠᠯᠠᠢ ᠮᠡᠳᠦ ᠲᠦᠬᠦᠷᠡᠩ ᠪᠠᠶᠢᠭᠠᠰᠠᠢ | ᠦᠷᠠ ᠬᠡᠤᠭᠡᠳ ᠮᠢᠨᠢ ᠲᠠᠯᠠᠢ ᠠᠮᠤᠭᠤᠯᠠᠩ ᠦᠯᠵᠡᠢ ᠲᠠᠢ ᠪᠠᠶᠢᠭᠠᠰᠠᠢ | ᠠᠵᠢᠯ ᠦᠢᠯᠡᠰ ᠮᠢᠨᠢ ᠲᠠᠯᠠᠢ ᠲᠠᠩᠰᠤᠬ ᠤᠷᠤᠬᠰᠢᠳᠠᠢ ᠪᠠᠶᠢᠭᠠᠰᠠᠢ | ᠠᠯᠤᠰ ᠢᠷᠡᠭᠡᠳᠦᠢ ᠮᠢᠨᠢ ᠲᠠᠯᠠᠢ ᠲᠦᠪᠰᠢᠨ ᠰᠠᠷᠠᠭᠤᠯᠬᠠᠨ ᠪᠠᠶᠢᠭᠠᠰᠠᠢ | ᠦᠨᠦᠳᠦᠷ ᠢᠨᠢᠶᠡᠵᠤ ᠮᠠᠷᠭᠠᠰᠢ ᠭᠤᠳᠤᠳᠠᠬ ᠵᠢᠮᠠ ᠳᠤ ᠲᠠᠯᠠᠢ ᠰᠢᠬ ᠲᠤᠭᠳᠠᠭᠤᠨ ᠪᠠᠢ | ᠤᠬᠢᠯᠠᠬᠰᠠᠨ ᠴᠤ ᠨᠢᠯᠪᠤᠰᠤ ᠪᠠᠨ ᠵᠠᠯᠬᠢᠯᠠᠵᠤ ᠲᠠᠯᠠᠢ ᠰᠢᠬ ᠨᠠᠮᠵᠢᠭᠤᠨ ᠪᠠᠢ | ᠤᠯᠤᠬᠰᠠᠨ ᠴᠤ ᠤᠮᠤᠷᠬᠠᠳᠠᠬ ᠦᠬᠡᠢ ᠲᠠᠯᠠᠢ ᠰᠢᠬ ᠪᠠᠭᠳᠠᠭᠠᠮᠵᠢᠳᠠᠢ ᠪᠠᠢ︕ | ᠵᠤᠬᠢᠶᠠᠬᠴᠢ᠄ ᠰ᠊ · ᠭᠠᠯᠰᠠᠩ ︵ᠮᠠᠯᠴᠢᠨ︶ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠬ᠄ ᠡᠮᠤᠨᠡᠳᠦ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠤᠳᠤ ᠰᠤᠮᠤ ᠶᠢᠨ ᠪᠠᠶᠠᠨᠵᠢᠷᠦᠭᠡ ᠭᠠᠴᠠᠭᠠ | |