| | ᠨᠠᠮᠤᠭᠳᠤ ᠶᠢᠨ ᠲᠠᠯᠠ ᠶᠢᠨ ᠨᠠᠮᠤᠭᠤᠬᠠᠨ ᠪᠤᠷᠤ ᠲᠤᠯᠤᠭᠠᠳ ᠤᠨ ᠡᠩᠭᠡᠷ ᠲᠤ ᠨᠠᠷᠠ ᠬᠠᠨᠳᠤᠨ ᠨᠠᠮᠠᠭᠠ ᠰᠠᠯᠠᠭᠠ | ᠪᠠᠭᠰᠠᠶᠢᠯᠭᠠᠨ ᠤᠷᠭᠤᠭᠰᠠᠨ ᠦᠨᠦᠴᠢᠨ ᠭᠠᠭᠴᠠ ᠪᠠᠳᠤᠴᠠᠭᠠᠨ ᠤ ᠲᠤᠣᠷᠠ ᠡᠪᠦᠭᠡᠨ ᠠᠪᠤ ᠶᠢᠨ ᠢᠰᠡᠭᠡᠢ ᠮᠠᠯᠠᠭᠠᠢ | ᠰᠢᠦᠬᠠᠨ ᠡᠪᠠᠶᠢᠨ ᠲᠦᠩᠬᠦ᠋ᠢᠭᠰᠡᠨ ᠰᠢᠷᠤᠢ ᠶᠢᠨ ᠤᠪᠤᠭᠠ ᠪᠠᠶᠢᠳᠠᠭ᠃ ᠡᠨᠡ ᠤᠪᠤᠭᠠ ᠨᠢ ᠡᠩ ᠤᠨ ᠨᠢᠭᠡᠨ ᠦᠯᠢᠭᠡᠷ | ᠲᠤᠮᠤᠭ ᠲᠠᠢ ︽ᠲᠠᠶᠢᠭᠠ ᠶᠢᠨ ᠤᠩᠭᠤᠨ︾ ᠪᠤᠯᠬᠤ ᠰᠠᠨ᠃ | ᠦᠯᠢᠭᠡᠷᠴᠢᠨ ᠠᠪᠤ ᠶᠢᠨ ᠬᠡᠯᠡᠬᠦ ᠪᠠᠷ ᠠᠪᠤ ᠶᠢᠨ ᠮᠢᠨᠢ ᠬᠤᠯᠠ ᠶᠢᠨ ᠲᠦᠷᠦᠯ ᠤᠨ ᠠᠪᠠᠭᠠ ᠨᠢ ᠨᠠᠮᠴᠢ ᠭᠡᠳᠡᠭ | ᠪᠡᠶᠡ ᠪᠢᠯᠳᠠᠷ ᠠᠨᠠᠢ᠂ ᠦᠩᠭᠡ ᠵᠢᠰᠦ ᠨᠢ ᠪᠡᠨᠡ ᠪᠠᠨ ᠠᠯᠳᠠᠭᠰᠠᠨ ᠮᠠᠶᠢᠮᠠᠶᠢᠴᠢᠨ ᠤ ᠵᠢᠰᠤᠯᠡᠴᠢᠭᠡᠭᠰᠡᠨ᠂ ᠲᠦᠷᠦᠭᠰᠡᠨ | ᠪᠠᠶᠢᠳᠠᠯ ᠨᠢ ᠪᠠᠷᠭᠤ ᠬᠦᠮᠦᠨ ᠲᠠᠢ ᠪᠠᠷᠤᠭᠰᠢᠦ ᠮᠠᠶ᠋ᠢᠭ ᠤᠨ ᠬᠦᠮᠦᠨ ᠪᠠᠶᠢᠭᠰᠠᠨ ᠮᠦᠷᠳᠡᠭᠡᠨ ᠰᠢᠳᠤᠷᠭᠤ ᠶᠢᠨ | ᠪᠤᠶᠠᠨ ᠢᠶᠠᠷ ᠲᠠᠮᠪᠠ ᠪᠠᠶᠠᠨ ᠳᠤ ᠲᠤᠭᠤᠭᠳᠠᠵᠤ ᠬᠠᠶᠢᠷᠠᠳᠤ ᠦᠬᠢᠨ ᠨᠠᠩᠰᠠᠯᠮᠠ ᠶᠢ ᠨᠢ ᠪᠠᠷᠢ ᠪᠤᠯᠭᠠᠨ ᠠᠪᠤᠭᠰᠠᠨ | ᠭᠡᠳᠡᠭ᠃ ᠲᠡᠭᠦᠨ ᠤ ᠡᠬᠡᠨᠡᠷ ᠨᠢ ᠨᠠᠩᠰᠠᠯᠮᠠ ᠭᠡᠵᠦ ᠦᠩᠭᠡ ᠵᠢᠰᠦ ᠭᠤᠸᠠ ᠦᠵᠡᠰᠭᠦᠯᠡᠩ᠂ ᠦᠭᠡ ᠶᠠᠷᠢᠶᠠ | ᠤᠷᠤᠰᠤᠮᠠ ᠲᠤᠳᠤ᠂ ᠪᠡᠶᠡ ᠪᠢᠯᠳᠠᠷ ᠨᠠᠷᠢᠬᠠᠨ᠂ ᠬᠦᠯ ᠪᠤᠭᠤᠭᠰᠠᠨ ᠱᠦᠢᠱᠤᠭ ᠤᠴᠢᠷ ᠠᠯᠬᠤᠵᠤ ᠬᠢᠰᠭᠢᠬᠦ ᠨᠢ | ᠠᠶᠠᠰ ᠤᠨ ᠰᠠᠯᠬᠢᠨ ᠳᠤ ᠨᠠᠮᠢᠰ ᠨᠠᠮᠢᠰ ᠭᠡᠳ ᠨᠠᠮᠪᠠᠳᠠᠶᠢᠬᠠᠨ ᠶᠠᠪᠤᠵᠤ ᠰᠠᠭᠤᠬᠤ ᠪᠠᠷ ᠨᠢ ᠬᠦᠮᠦᠨ ᠪᠤᠯᠭᠠᠨ ᠤ | ᠬᠦᠰᠡᠯ ᠤᠨ ᠵᠢᠯᠤᠭᠤ ᠶᠢ ᠲᠠᠳᠠᠭᠠᠳ ᠪᠠᠶᠢᠳᠠᠭ᠃ | ᠨᠠᠮᠴᠢ ᠠᠪᠠᠭᠠ ᠭᠡᠵᠦ ᠨᠠᠰᠤ ᠪᠠᠷ ᠢᠶᠠᠨ ᠨᠠᠷᠠ ᠰᠠᠯᠬᠢᠨ ᠳᠤ ᠬᠦᠳᠡᠭᠡ ᠭᠠᠳᠠᠭᠠ ᠠᠳᠤᠭᠤ ᠬᠠᠷᠠᠵᠤ ᠠᠮᠢ | ᠭᠤᠣᠯ ᠢᠶᠠᠨ ᠵᠢᠭᠤᠵᠤ ᠠᠷᠠᠢ ᠴᠢᠮᠠᠢ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠰᠠᠯᠪᠢᠵᠤ ᠶᠠᠪᠤᠭᠠ ᠨᠤᠮᠤᠬᠠᠨ ᠵᠠᠩ ᠢᠶᠠᠷ ᠢᠶᠠᠨ | ᠨᠤᠭᠳᠤᠯᠤᠭᠳᠠᠭᠰᠠᠨ ᠮᠤᠷᠢ ᠰᠢᠬ ᠶᠠᠪᠤᠳᠠᠭ᠃ ᠲᠡᠷᠡ ᠬᠡᠵᠢᠶᠡᠳᠡ ᠬᠦᠮᠦᠨ ᠠᠴᠠ ᠬᠤᠨᠵᠢᠶᠠ ᠤᠯᠤᠶᠠ ᠭᠡᠵᠦ | ᠪᠤᠳᠤᠳᠠᠭ ᠦᠭᠡᠢ ᠮᠦᠷᠳᠡᠭᠡᠨ ᠬᠦᠮᠦᠨ ᠳᠤ ᠴᠦ ᠢᠳᠡᠭᠳᠡᠳᠡᠭ ᠦᠭᠡᠢ ᠬᠤᠪᠢ ᠪᠠᠨ ᠬᠦᠭᠡᠭᠡᠭᠰᠡᠨ ᠬᠡᠷᠰᠡᠦ | ᠪᠤᠯᠭᠤᠮᠵᠢᠳᠠᠢ ᠨᠤᠮᠤᠬᠠᠨ ᠠᠴᠠ ᠨᠤᠮᠤᠬᠠᠨ᠂ ᠰᠢᠳᠤᠷᠭᠤ ᠠᠴᠠ ᠰᠢᠳᠤᠷᠭᠤ ᠬᠠᠮᠠᠷ ᠤᠨ ᠦᠵᠦᠭᠦᠷ ᠢᠶᠠᠨ ᠬᠠᠷᠠᠭᠰᠠᠨ | ᠬᠠᠷᠠ ᠬᠦᠴᠦ ᠪᠠᠨ ᠲᠦᠰᠢᠭᠰᠡᠨ ᠬᠦᠮᠦᠨ ᠪᠢᠯᠡ᠃ | ᠨᠠᠮᠴᠢ ᠠᠪᠠᠭᠠ ᠨᠤᠮᠤᠬᠠᠨ ᠨᠢ ᠨᠤᠮᠤᠬᠠᠨ ᠪᠤᠯᠪᠠᠴᠤ ᠮᠠᠯ ᠠᠳᠤᠭᠤᠰᠤᠨ ᠳᠤ ᠲᠦᠢᠯ ᠤᠨ ᠪᠠᠬᠠ ᠲᠠᠢ ᠪᠠᠶᠢᠳᠠᠭ᠃ | ᠲᠡᠷᠡ ᠰᠠᠶᠢᠨ ᠨᠠᠶᠢᠵᠠ ᠲᠠᠮᠳᠢᠨ ᠤ ᠪᠠᠨ ᠬᠡᠬᠡᠷᠡ ᠠᠪᠠᠴᠢᠵᠤ ᠭᠡᠭᠡᠬᠦ ᠭᠡᠰᠡᠨ ᠬᠡᠳᠦᠨ ᠬᠦᠯᠦᠭᠡ ᠶᠢᠨ ᠲᠤᠮᠳᠠ ᠠᠴᠠ | ᠬᠠᠮᠠᠷ ᠴᠠᠭᠠᠨ ᠬᠦᠯᠦᠭᠡ ᠶᠢ ᠨᠢ ᠦᠵᠡᠵᠦ ᠲᠤᠭᠤᠭᠠᠳ ᠬᠤᠵᠢᠮ ᠰᠠᠶᠢᠨ ᠠᠩ ᠤᠨ ᠨᠤᠬᠠᠢ ᠪᠤᠯᠬᠤ ᠶᠤᠮ ᠪᠠᠶᠢᠨᠠ | ᠭᠡᠳ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠵᠤ ᠢᠮᠠᠭᠠᠨ ᠰᠦ ᠪᠠᠷ ᠤᠭᠵᠢᠵᠤ ᠶᠠᠭᠤᠮᠠ ᠪᠤᠯᠭᠠᠭᠰᠠᠨ ᠭᠡᠳᠡᠭ᠃ ᠲᠡᠭᠡᠭᠡᠳ | ᠠᠳᠤᠭᠤᠨ ᠳᠠᠭᠠᠨ ᠶᠠᠪᠤᠬᠤ ᠳᠤ᠂ ᠤᠳᠤᠷ ᠢᠶᠠᠷ ᠰᠢᠯᠵᠢᠬᠦ ᠳᠤ᠂ ᠬᠠᠪᠤᠷᠵᠢᠶᠠ ᠳᠤ ᠶᠠᠪᠤᠬᠤ᠂ ᠵᠤᠰᠠᠯᠠᠩ ᠢᠶᠠᠷ ᠵᠤᠰᠠᠬᠤ | ᠂ ᠨᠠᠮᠤᠷᠵᠢᠶᠠ ᠳᠤ ᠨᠡᠭᠦᠳᠡᠯᠯᠡᠬᠦ ᠳᠤ᠂ ᠡᠪᠦᠯᠵᠢᠶᠡ ᠳᠤ ᠪᠤᠴᠬᠠᠤ ᠳᠤ ᠶᠡᠷᠦ ᠪᠠᠶᠠ ᠠᠴᠠ ᠪᠠᠨ ᠰᠠᠯᠭᠠᠯ ᠦᠭᠡᠢ | ᠲᠠᠭᠠᠭᠤᠯᠵᠤ᠂ ᠨᠡᠩ ᠢᠯᠠᠩᠭᠤᠶᠠ ᠠᠩ ᠬᠦᠷᠦᠭᠡ ᠳᠤ ᠲᠠᠭᠠᠭᠤᠯᠤᠨ ᠦᠨᠡᠭᠡ ᠲᠠᠦᠯᠠᠢ ᠠᠪᠠᠯᠠᠭᠰᠠᠭᠠᠷ ᠪᠠᠶᠢᠭᠠᠳ | ᠡᠵᠡᠨ ᠳᠤ ᠪᠠᠨ ᠰᠢᠳᠡᠷ ᠵᠠᠷᠤᠴᠠ ᠨᠢ ᠰᠢᠬ ᠠᠯᠠᠭ ᠦᠬᠡᠢ ᠵᠢᠳᠭᠦᠭᠰᠡᠭᠡᠷ ᠢᠷᠡᠭᠰᠡᠨ ᠲᠠᠶᠢᠭᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠨᠢᠭᠡ ᠤᠳᠠᠭᠠ ᠨᠠᠮᠴᠢ ᠠᠪᠠᠭᠠ ᠬᠡᠬᠡᠷᠡ ᠠᠳᠤᠭᠤ ᠪᠠᠨ ᠮᠠᠨᠠᠵᠤ ᠪᠠᠶᠢᠭᠠᠳ ᠵᠡᠭᠦᠷᠮᠡᠭᠯᠡᠭᠡᠳ ᠠᠪᠤᠪᠠ᠃ ᠭᠡᠨᠡᠳᠳᠡ | ᠲᠠᠶᠢᠭᠠ ᠨᠢ ᠬᠦᠶᠦᠨ ᠢᠷᠡᠵᠦ ᠲᠡᠪᠡᠯ ᠢ ᠨᠢ ᠮᠠᠯᠳᠠᠵᠤ ᠬᠤᠴᠠᠵᠤ ᠪᠠᠶᠢᠯᠠ᠂ ᠰᠤᠴᠢᠨ ᠰᠡᠷᠢᠭᠡᠳ ᠦᠵᠡᠭᠰᠡᠨ ᠴᠢᠨᠢ | ᠲᠠᠶᠢᠭᠠ ᠰᠡᠭᠦᠯ ᠡᠷᠳᠡᠶᠢᠯᠭᠡᠨ ᠬᠦᠶᠦᠭᠡᠳ ᠶᠠᠪᠤᠪᠠ᠃ ᠨᠠᠮᠴᠢ ᠠᠪᠠᠭᠠ ᠰᠠᠶᠢᠬᠠᠨ ᠨᠠᠷᠢᠪᠴᠢᠯᠠᠨ ᠦᠵᠡᠭᠰᠡᠨ ᠳᠤ | ᠲᠤᠪᠤ ᠶᠢᠨ ᠡᠩᠭᠡᠷ ᠲᠤ ᠬᠠᠯᠢᠭᠤᠨ ᠭᠡᠭᠦᠤ ᠤᠨᠠᠭᠠᠯᠠᠭᠰᠠᠨ ᠪᠦᠭᠡᠳ ᠨᠠᠭᠠᠭᠤᠷ ᠴᠠᠭᠠᠭᠤᠷ ᠨᠢ ᠬᠦᠬᠡ ᠮᠠᠷᠠᠯ ᠴᠢᠨ᠋ᠸᠠ | ᠡᠷᠭᠢᠯᠳᠤᠵᠦ ᠬᠠᠯᠢᠭᠤᠨ ᠭᠡᠭᠦᠤ ᠤᠨᠠᠭᠠ ᠪᠠᠨ ᠬᠠᠮᠠᠭᠠᠯᠠᠨ ᠦᠦᠷᠰᠡᠨ ᠦᠦᠷᠰᠡᠨ ᠢᠨᠴᠠᠭᠠᠵᠤ ᠭᠠᠵᠠᠷ ᠴᠠᠪᠴᠢᠯᠠᠨ | ᠪᠠᠶᠢᠪᠠ᠃ ᠲᠠᠶᠢᠭᠠ ᠴᠦ ᠬᠦᠬᠡ ᠴᠢᠨ᠋ᠸᠠ ᠶᠢᠨ ᠵᠠᠮ ᠢ ᠲᠤᠰᠴᠤ ᠬᠤᠴᠠᠵᠤ ᠪᠠᠶᠢᠭᠰᠠᠨ᠂ ᠨᠠᠮᠴᠢ ᠠᠪᠠᠭᠠ | ᠮᠤᠷᠢᠨ ᠳᠤ ᠪᠠᠨ ᠮᠤᠷᠳᠠᠵᠤ ᠪᠢᠯᠠᠭᠤ ᠪᠠᠨ ᠰᠦᠢᠷᠠᠨ ᠢᠷᠡᠵᠦ ᠬᠦᠬᠡ ᠴᠢᠨ᠋ᠸᠠ ᠶᠢ ᠬᠦᠭᠡᠭᠡᠨ ᠶᠠᠪᠤᠭᠤᠯᠪᠠ᠃ | ᠬᠦᠮᠦᠨ ᠠᠮᠢᠳᠠᠨ ᠭᠡᠰᠡᠨ ᠦᠬᠡᠢ ᠬᠠᠷᠢᠯᠴᠠᠨ ᠢᠵᠢᠯᠢᠰᠢᠨ ᠲᠠᠰᠤᠯᠴᠠᠭᠰᠠᠨ ᠤ ᠰᠡᠭᠦᠯᠡᠷ ᠰᠡᠳᠭᠢᠯᠭᠡ ᠲᠠᠢ ᠪᠤᠯᠵᠤ | ᠡᠳᠦᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠲᠤᠮᠳᠠ ᠪᠠᠶᠠᠷ ᠪᠠᠶᠠᠰᠤᠯ ᠢ ᠬᠤᠪᠢᠶᠠᠯᠴᠠᠨ ᠠᠪᠴᠢᠷᠠᠵᠤ ᠦᠭᠳᠡᠭ ᠨᠢ ᠵᠦᠩᠳᠡᠭᠡᠨ | ᠪᠠᠶᠢᠳᠠᠭ ᠭᠡᠯᠳᠡᠢ᠃ | ᠨᠠᠮᠴᠢ ᠠᠪᠠᠭᠠ ᠵᠢᠯ ᠳᠡᠭᠡᠨ ᠬᠡᠬᠡᠷᠡ ᠭᠠᠳᠠᠭᠠ ᠶᠠᠪᠤᠵᠤ ᠭᠡᠷ ᠤᠨ ᠪᠠᠷᠠ ᠬᠠᠷᠠᠬᠤ ᠦᠭᠡᠢ ᠭᠡᠬᠦᠯᠡᠷ ᠭᠡᠷ ᠤᠨ | ᠮᠤᠬᠤᠷ ᠢᠶᠠᠨ ᠰᠠᠬᠢᠵᠤ ᠠᠷᠤ ᠭᠡᠷ ᠲᠡᠭᠡᠨ ᠠᠳᠠᠯ ᠠᠮᠢᠳᠤᠷᠠᠯ ᠢᠶᠠᠨ ᠲᠤᠳᠤᠮᠳᠠᠵᠤ ᠶᠠᠪᠤᠭᠠ ᠨᠠᠩᠰᠠᠯᠮᠠ ᠨᠢ ᠰᠤᠷ | ᠢᠳᠡᠭᠰᠡᠨ ᠨᠤᠬᠠᠢ ᠰᠤᠷ ᠢᠳᠡᠬᠦ ᠪᠠᠨ ᠪᠤᠯᠢᠬᠤ ᠦᠭᠡᠢ ᠭᠡᠳᠡᠭ ᠢᠶᠠᠷ ᠡᠨᠡ ᠲᠡᠷᠡ ᠠᠶᠢᠯ ᠤᠨ ᠤᠯᠢᠭ ᠲᠠᠢ᠂ ᠤᠯᠢᠭ | ᠦᠭᠡᠢ ᠰᠠᠳᠦᠷ ᠡᠷᠡᠴᠤᠳ ᠢ ᠴᠤᠭᠯᠠᠭᠤᠯᠤᠭᠰᠠᠭᠠᠷ ᠪᠠᠶᠢᠭᠠᠳ ᠡᠴᠤᠰ ᠲᠡᠭᠡᠨ ᠬᠢᠳᠠᠳ ᠬᠤᠳᠠᠯᠳᠤᠭᠠᠴᠢᠨ ᠹᠠᠩ | ᠲᠠᠷᠭᠤᠨ ᠢ ᠤᠯᠵᠤ ᠪᠡᠶᠡ ᠠᠴᠠ ᠪᠠᠨ ᠰᠠᠯᠭᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠵᠤ ᠡᠳᠦᠷᠵᠢᠨ ᠬᠤᠶᠠᠷ ᠲᠠᠰᠤᠯᠭᠠ | ᠪᠠᠶᠢᠰᠢᠩ ᠳᠤ ᠨᠢ ᠬᠤᠷᠭᠤᠳᠠᠬᠤ ᠪᠤᠯᠵᠤ ᠭᠡᠨᠡ᠃ | ︽ᠰᠠᠶᠢᠨ ᠴᠢᠮᠡᠭᠡ ᠡᠭᠦᠳᠡ ᠶᠢ ᠭᠠᠷᠴᠤ ᠲᠡᠶᠢᠯᠬᠦ ᠦᠭᠡᠢ᠂ ᠮᠠᠭᠤ ᠴᠢᠮᠡᠭᠡ ᠮᠢᠩᠭᠠᠨ ᠭᠠᠵᠠᠷ ᠨᠡᠪᠳᠡ︾ ᠭᠡᠵᠦ | ᠵᠢᠪᠠᠷ ᠨᠡᠪᠳᠡᠷᠡᠬᠦ ᠦᠭᠡᠢ ᠬᠡᠷᠡᠮ ᠭᠡᠵᠦ ᠪᠠᠶᠢᠳᠠᠭ ᠦᠭᠡᠢ ᠶᠤᠮ ᠴᠢᠨᠢ᠂ ᠨᠠᠩᠰᠠᠯᠮᠠ ᠡᠮᠡ ᠶᠢᠨ ᠬᠢᠳᠡᠯ ᠶᠠᠪᠤᠳᠠᠯ ᠨᠢ | ᠨᠠᠮᠴᠢ ᠠᠪᠠᠭᠠ ᠶᠢᠨ ᠴᠢᠬᠢᠨ ᠳᠤ ᠤᠷᠤᠵᠤ᠂ ᠰᠠᠷᠠ ᠬᠠᠭᠠᠰ ᠢᠶᠠᠷ ᠨᠢᠭᠡ ᠤᠳᠠᠭᠠ ᠭᠡᠷ ᠲᠡᠭᠡᠨ ᠪᠤᠴᠠᠵᠤ ᠢᠷᠡᠳᠡᠭ | ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠡᠳᠦᠨ ᠡᠳᠦᠷ ᠲᠤ ᠪᠤᠶᠤ ᠵᠠᠷᠢᠮ ᠳᠤ ᠪᠠᠨ ᠰᠦᠨᠢ ᠪᠠᠷ ᠴᠦ ᠪᠤᠴᠠᠵᠤ ᠢᠷᠡᠳᠡᠭ ᠪᠤᠯᠤᠭᠰᠠᠨ | ᠭᠡᠨᠡ᠃ | ᠹᠠᠩ ᠮᠠᠶᠢᠮᠠᠶᠢᠴᠢᠨ ᠭᠡᠵᠦ ᠵᠤᠭᠤᠰ ᠵᠤᠭᠠ ᠡᠯᠳᠡᠩ᠂ ᠪᠡᠶᠡ ᠪᠢᠯᠳᠠᠷ ᠴᠠᠬᠢᠷᠠᠭ᠂ ᠲᠡᠭᠡᠷᠡᠩᠭᠦᠢ ᠵᠠᠩ ᠲᠠᠢ ᠬᠦᠮᠦᠨ | ᠤᠴᠢᠷ ᠠᠴᠠ ᠪᠠᠷᠤᠭ ᠤᠨ ᠬᠦᠮᠦᠨ ᠢ ᠨᠢᠳᠦᠨ ᠳᠡᠭᠡᠨ ᠬᠠᠪᠴᠢᠬᠤ ᠦᠭᠡᠢ ᠪᠠᠶᠢᠳᠠᠭ ᠪᠤᠯᠬᠤᠷ ᠤᠳᠠᠭᠠᠨ ᠳᠤ ᠪᠠᠨ | ᠨᠠᠮᠴᠢ ᠠᠪᠠᠭᠠ ᠶᠢ ᠬᠤᠣᠷᠯᠠᠬᠤ ᠪᠠᠷ ᠬᠤᠪᠢᠯᠳᠤᠪᠠ᠃ ᠨᠢᠭᠡ ᠡᠳᠦᠷ ᠮᠤᠷᠢᠨ ᠲᠤᠪᠳᠤᠯᠤᠭᠠ ᠪᠠᠷ ᠨᠠᠩᠰᠠᠯᠮᠠ ᠶᠢ | ᠠᠷᠤ ᠳᠤ ᠪᠠᠨ ᠰᠤᠨᠳᠠᠯᠠᠭᠤᠯᠵᠤ ᠬᠤᠶᠠᠭᠤᠯᠠ ᠪᠠᠨ ᠤᠳᠤᠷ ᠲᠤ ᠪᠠᠶᠢᠭᠠ ᠨᠠᠮᠴᠢ ᠠᠪᠠᠭᠠ ᠶᠢᠨ ᠲᠡᠷᠭᠡᠳᠡ ᠬᠦᠷᠴᠦ | ᠬᠤᠶᠠᠭᠤᠯᠠ ᠬᠡᠯᠡᠯᠴᠡᠵᠦ ᠪᠠᠶᠢᠭᠰᠠᠭᠠᠷ ᠬᠡᠷᠡᠭᠦᠯ ᠪᠤᠯᠵᠤ ᠭᠠᠷ ᠬᠦᠳᠡᠯᠦᠨ ᠠᠯᠠᠯᠳᠤᠭᠠᠨ ᠪᠤᠯᠪᠠ᠃ ᠨᠠᠩᠰᠠᠯᠮᠠ ᠡᠮᠡ | ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠵᠦᠴᠦᠭᠡ ᠦᠵᠡᠭᠴᠢ ᠪᠤᠯᠵᠤ᠄ ︽ᠠᠷᠰᠯᠠᠨ ᠪᠠᠷᠰ ᠤᠨ ᠠᠯᠢ ᠨᠢ ᠲᠡᠶᠢᠯᠳᠡᠭ ᠪᠤᠯ︖ | ᠠᠯᠢ ᠨᠢ ᠲᠡᠶᠢᠯᠪᠡᠯ ᠪᠢ ᠠᠯᠢ ᠶᠢ ᠨᠢ ᠲᠠᠭᠠᠵᠤ ᠠᠮᠢ ᠵᠢᠭᠤᠨᠠ ᠡ︕︾ ᠭᠡᠵᠦ ᠶᠠᠩ ᠲᠠᠳᠠᠵᠤ ᠰᠠᠭᠤᠪᠠ᠃ | ᠹᠠᠩ ᠮᠠᠶᠢᠮᠠᠶᠢᠴᠢᠨ ᠪᠦᠳᠦᠭᠦᠨ ᠲᠠᠷᠭᠤᠨ ᠮᠦᠷᠳᠡᠭᠡᠨ ᠪᠢᠷᠠ ᠴᠢᠳᠠᠯ ᠲᠠᠢ ᠬᠦᠮᠦᠨ ᠪᠤᠯᠬᠤᠷ ᠨᠢᠭᠡᠯᠡ | ᠭᠠᠷ ᠢᠶᠠᠷ ᠢᠶᠠᠨ ᠨᠠᠮᠴᠢ ᠠᠪᠠᠭᠠ ᠶᠢ ᠰᠢᠭᠦᠷᠦᠨ ᠠᠪᠴᠤ ᠭᠠᠵᠠᠷ ᠰᠠᠪᠠᠨ ᠤᠨᠠᠭᠠᠵᠤ ᠪᠠᠭᠤᠯᠵᠠᠭᠤᠷ ᠬᠦᠵᠦᠭᠦᠤ ᠶᠢ ᠨᠢ | ᠪᠠᠵᠠᠭᠳᠠᠨ ᠰᠦᠢᠯᠬᠢᠯᠡᠵᠤ ᠪᠠᠶᠢᠬᠤ ᠳᠤ ᠤᠳᠤᠷ ᠤᠨ ᠰᠡᠭᠦᠳᠡᠷ ᠲᠤ ᠬᠡᠪᠳᠡᠵᠦ ᠪᠠᠶᠢᠭᠰᠠᠨ ᠲᠠᠶᠢᠭᠠ ᠰᠤᠭᠤ | ᠦᠰᠦᠷᠦᠨ ᠬᠦᠶᠦᠨ ᠪᠤᠰᠴᠤ ᠰᠢᠭᠤᠳ ᠹᠠᠩ ᠲᠠᠷᠭᠤᠨ ᠤ ᠤᠪᠠᠶᠢᠨ ᠳᠤ ᠦᠭᠡᠢ ᠪᠦᠭᠴᠦ᠋ᠢᠨ ᠨᠢᠳᠤᠷᠭᠠᠳᠠᠵᠤ | ᠪᠠᠶᠢᠭᠰᠠᠨ ᠬᠦᠵᠦᠬᠦᠨ ᠠᠴᠠ ᠨᠢ ᠵᠠᠭᠤᠵᠤ ᠲᠠᠷᠤᠨ ᠤᠨᠠᠪᠠ᠂ ᠡᠨᠡ ᠦᠶᠡᠰ ᠨᠠᠮᠴᠢ ᠠᠪᠠᠭᠠ ᠤᠷᠪᠠᠵᠤ ᠬᠦᠶᠦᠨ | ᠪᠤᠰᠤᠮᠠᠭᠴᠠ ᠠᠶᠠᠭᠠᠨ ᠴᠢᠨᠡᠭᠡ ᠴᠢᠯᠠᠭᠤ ᠪᠠᠷ ᠭᠠᠪᠠᠯᠠ ᠤᠷᠤᠭᠤ ᠨᠢ ᠠᠪᠤᠨ ᠴᠤᠬᠢᠬᠤ ᠳᠤ ᠹᠠᠩ ᠲᠠᠷᠭᠤᠨ ᠤ | ᠲᠠᠷᠢᠬᠢ ᠨᠢ ᠭᠠᠷᠴᠤ ᠠᠷᠤᠨᠰᠢ ᠪᠠᠨ ᠰᠠᠪᠠᠨ ᠤᠨᠠᠵᠤ ᠭᠤᠣᠯ ᠨᠢ ᠲᠠᠰᠤᠷᠠᠵᠤ ᠦᠬᠦᠪᠡ᠃ ᠭᠡᠳᠡᠯᠡ ᠲᠠᠶᠢᠭᠠ ᠮᠦᠨ | ᠯᠠ ᠬᠦᠵᠦᠭᠦᠨ ᠠᠴᠠ ᠨᠢ ᠵᠢᠭᠤᠷᠠᠭᠰᠠᠭᠠᠷ ᠪᠠᠶᠢᠯᠠ᠂ ᠨᠠᠮᠴᠢ ᠠᠪᠠᠭᠠ ᠠᠷᠠᠢ ᠴᠢᠮᠠᠢ ᠰᠠᠯᠭᠠᠵᠤ ᠤᠷᠬᠢᠭᠰᠠᠨ ᠪᠠᠶᠢᠯᠠ᠃ | ᠨᠠᠮᠴᠢ ᠠᠪᠠᠭᠠ ᠲᠠᠶᠢᠭᠠ ᠳᠠᠭᠠᠨ ᠰᠡᠳᠭᠢᠯ ᠬᠦᠳᠡᠯᠵᠦ ᠬᠦᠵᠦᠬᠦᠤ ᠶᠢ ᠨᠢ ᠲᠡᠪᠡᠷᠢᠨ ᠲᠠᠭᠤ ᠲᠠᠯᠪᠢᠨ ᠤᠬᠢᠯᠠᠭᠰᠠᠨ | ᠭᠡᠨᠡ᠃ ᠲᠡᠭᠡᠭᠡᠳ ᠵᠡᠳᠭᠡᠷ ᠡᠮᠡ ᠪᠠᠨ ᠭᠡᠷ ᠠᠴᠠ ᠪᠠᠨ ᠬᠦᠭᠡᠭᠡᠨ ᠭᠠᠷᠭᠠᠵᠤ ᠲᠠᠶᠢᠭᠠ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠪᠠᠨ | ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠬᠠᠮᠳᠤ ᠠᠮᠢᠳᠤᠷᠠᠭᠰᠠᠨ ᠭᠡᠨᠡ᠃ | ᠬᠦᠮᠦᠨ ᠨᠢ ᠶᠠᠭᠤ ᠢᠳᠡᠪᠡᠯ ᠲᠠᠶᠢᠭᠠ ᠪᠠᠨ ᠶᠠᠭᠤ ᠢᠳᠡᠭᠦᠯᠵᠦ ᠪᠠᠰᠠ ᠬᠠᠯᠠᠭᠤᠨ ᠬᠠᠨᠵᠤᠨ ᠲᠡᠭᠡᠷᠡ ᠪᠠᠨ | ᠬᠠᠵᠠᠭᠤ ᠳᠠᠭᠠᠨ ᠬᠤᠨᠤᠭᠤᠯᠳᠠᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠬᠤᠵᠢᠮ ᠨᠢ ᠨᠤᠬᠠᠢ ᠨᠢ ᠦᠳᠡᠯᠦᠭᠡᠳ ᠦᠬᠦᠬᠦ ᠳᠤ | ᠦᠵᠡᠭᠡᠴᠢ ᠪᠠᠷ ᠭᠠᠵᠠᠷ ᠦᠵᠡᠭᠦᠯᠵᠦ ᠨᠠᠮᠤᠭᠳᠤ ᠶᠢᠨ ᠲᠠᠯᠠ ᠶᠢᠨ ᠨᠠᠮᠤᠭᠤᠬᠠᠨ ᠪᠤᠷᠤ ᠲᠤᠯᠤᠭᠠᠳ ᠤᠨ ᠡᠩᠭᠡᠷ ᠲᠤ | ᠠᠮᠢ ᠶᠢ ᠠᠪᠤᠷᠠᠭᠰᠠᠨ ᠠᠴᠢᠳᠠᠨ ᠭᠡᠵᠦ ᠤᠩᠭᠤᠨ ᠪᠤᠰᠬᠠᠵᠤ ᠦᠭᠭᠦᠭᠰᠡᠨ ᠭᠡᠨᠡ᠃ ᠲᠡᠭᠡᠭᠡᠳ ᠡᠨᠡ ᠪᠤᠯᠠᠰᠢ ᠪᠠᠨ ︽ | ᠲᠠᠶᠢᠭᠠ ᠶᠢᠨ ᠤᠩᠭᠤᠨ︾ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠭᠡᠨᠡ᠃ | ᠠᠷᠠᠳ ᠤᠨ ᠲᠤᠮᠳᠠ ᠮᠠᠭᠤ ᠬᠦᠮᠦᠨ ᠢ ᠴᠢᠨᠢ ᠨᠤᠬᠠᠢ ᠶᠢ ᠴᠦ ᠬᠦᠷᠬᠦ ᠦᠭᠡᠢ ᠭᠡᠳᠡᠭ ᠦᠭᠡ ᠶᠠᠷᠢᠶᠠ | ᠲᠡᠯᠭᠡᠷᠡᠭᠰᠡᠨ ᠨᠢ ᠶᠤᠰᠤᠳᠠᠢ ᠵᠦᠪ ᠡ︕ ᠭᠡᠭᠡᠬᠦ ᠭᠡᠰᠡᠨ ᠬᠦᠯᠦᠭᠡ ᠡᠵᠡᠨ ᠤ ᠪᠠᠨ ᠲᠡᠵᠢᠭᠡᠭᠰᠡᠨ ᠬᠠᠷᠢᠭᠤ ᠳᠤ ᠠᠮᠢ | ᠴᠦᠯᠡᠨ ᠲᠡᠮᠡᠴᠡᠵᠦ ᠡᠵᠡᠨ ᠢᠶᠠᠨ ᠲᠤᠰᠠᠯᠠᠵᠤ ᠠᠪᠤᠷᠠᠭᠰᠠᠨ ᠠᠴᠠ ᠡᠵᠡᠨ ᠤ ᠪᠠᠨ ᠢᠳᠡᠭᠡᠯ ᠢ ᠤᠯᠵᠤ ᠦᠬᠦᠨ | ᠦᠬᠦᠳᠡᠯᠡ ᠬᠠᠨᠵᠤᠨ ᠲᠡᠭᠡᠷᠡ ᠬᠡᠪᠳᠡᠵᠦ᠂ ᠦᠬᠦᠭᠰᠡᠨ ᠤ ᠰᠡᠭᠦᠯᠡᠷ ᠪᠠᠰᠠ ᠤᠩᠭᠤᠨ ᠪᠤᠰᠬᠠᠵᠤ ᠦᠭᠭᠦᠭᠰᠡᠨ ᠨᠢ | ᠪᠠᠰᠠ ᠪᠢᠰᠢᠷᠡᠭᠦᠰᠢᠳᠡᠢ᠃ ᠬᠦᠮᠦᠨ ᠭᠡᠵᠦ ᠲᠦᠷᠦᠪᠡᠯ ᠬᠠᠰᠢᠯᠠ ᠬᠦᠮᠦᠨ ᠮᠦᠰᠦ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠬᠦᠮᠦᠨ | ᠮᠦᠰᠦ ᠪᠠᠨ ᠠᠯᠳᠠᠪᠠᠯ ᠨᠤᠬᠠᠢ ᠶᠢ ᠴᠦ ᠬᠦᠷᠬᠦ ᠦᠭᠡᠢ ᠭᠡᠳᠡᠭ ᠨᠢ ᠦᠨᠡᠨ ᠵᠦᠪ ᠪᠢᠯᠡ︕ | ᠨᠠᠮᠤᠭᠳᠤ ᠶᠢᠨ ᠲᠠᠯᠠ ᠶᠢᠨ ᠨᠠᠮᠤᠭᠤᠬᠠᠨ ᠪᠤᠷᠤ ᠲᠤᠯᠤᠭᠠᠳ ᠤᠨ ᠡᠩᠭᠡᠷ ᠲᠤ ᠡᠪᠦᠭᠡᠨ ᠠᠪᠤ ᠶᠢᠨ ᠢᠰᠡᠭᠡᠢ ᠮᠠᠯᠠᠭᠠᠢ | ᠰᠢᠬ ᠲᠦᠩᠬᠦ᠋ᠢᠭᠰᠡᠨ ︽ᠲᠠᠶᠢᠭᠠ ᠶᠢᠨ ᠤᠩᠭᠤᠨ︾ ᠨᠢ ᠦᠷᠭᠡᠨ ᠤᠯᠠᠨ ᠠᠷᠠᠳ ᠲᠦᠮᠡᠨ ᠤ ᠠᠩᠬᠠᠷᠤᠯ ᠳᠤ | ᠵᠤᠭᠤᠭ ᠪᠤᠯᠵᠤ ᠲᠡᠯᠭᠡᠭᠳᠡᠬᠦ ᠨᠢ ᠡ︕ | | ᠵᠤᠬᠢᠶᠠᠬᠴᠢ᠄ ᠰ᠊᠂ ᠬᠤᠷᠴᠢᠨᠬᠦᠤ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠡᠮᠳᠦ ᠶᠢᠨ ᠭᠤᠣᠯ ᠰᠤᠮᠤ ᠶᠢᠨ ᠴᠠᠭᠠᠨ ᠪᠤᠬᠠ ᠪᠠᠭᠠ | ᠰᠤᠷᠭᠠᠭᠤᠯᠢ | |