| | ● ᠰ᠊ · ᠭᠠᠯᠰᠠᠩ ︵ᠮᠠᠯᠴᠢᠨ ᠵᠤᠬᠢᠶᠠᠯᠴᠢ︶ | ᠤᠳᠤᠮᠳᠤ ᠮᠤᠩᠭᠤᠯ ᠤᠨ ᠪᠤᠷᠤ ᠭᠡᠷ ᠤᠨ ᠬᠠᠶᠠᠭᠠᠨ ᠠᠴᠠ | ᠤᠷᠢᠳᠤ ᠶᠢᠨ ᠲᠡᠦᠬᠡ ᠪᠠᠨ ᠡᠷᠭᠦᠵᠦ ᠲᠦᠷᠦᠭᠰᠡᠨ ᠬᠦᠴᠦᠳᠡᠨ | ᠤᠷᠴᠢᠯᠠᠩ ᠤᠨ ᠬᠦᠮᠦᠰ ᠲᠤ ᠡᠷᠡ ᠴᠢᠳᠠᠯ ᠢᠶᠠᠨ ᠬᠠᠷᠠᠭᠤᠯᠤᠭᠰᠠᠨ | ᠤᠬᠠᠭᠠᠨ ᠪᠢᠯᠢᠭ ᠢᠶᠠᠨ ᠵᠤᠳᠤᠭ ᠲᠤ ᠪᠠᠨ ᠡᠭᠦᠷᠦᠭᠰᠡᠨ ᠪᠦᠭᠡᠴᠦᠳ | ᠲᠡᠯᠢᠭᠦᠨ ᠪᠤᠨᠳᠤᠭ ᠤᠨ ᠲᠠᠨᠵᠢ ᠠᠴᠠ ᠴᠤᠤ ᠲᠠᠢ ᠢᠷᠡᠭᠰᠡᠨ ᠨᠠᠭᠠᠳᠤᠮ | ᠲᠡᠷᠡ ᠬᠤᠯᠠ ᠶᠢᠨ ᠵᠠᠭᠤᠨ ᠳᠤ ᠬᠠᠯᠴᠠᠭᠠᠢ ᠤᠷᠤᠮ ᠤᠨ ᠮᠦᠷ ᠪᠤᠢ | ᠲᠡᠯᠡᠬᠡᠢ ᠶᠢᠨ ᠡᠯᠢᠭᠡ ᠶᠢ ᠲᠤᠩᠰᠤᠯᠭᠠᠬᠰᠠᠨ ᠲᠠᠶᠠᠭᠠᠷ ᠲᠦᠮᠡᠨ ᠤ ᠨᠠᠶᠢᠷ | ᠲᠡᠭᠷᠢ ᠭᠠᠵᠠᠷ ᠤᠨ ᠵᠠᠢ ᠳᠤ ᠲᠠᠶᠠᠩ ᠢ ᠲᠤᠷᠭᠢᠭᠤᠯᠤᠭᠰᠠᠨ ᠲᠤᠮᠤᠭ ᠪᠤᠢ | ᠡᠵᠡᠨ ᠪᠤᠭᠳᠠ ᠴᠢᠩᠬᠢᠰ ᠤᠨ ᠰᠦᠯᠳᠡ ᠪᠠᠨ ᠲᠡᠭᠡᠳᠦᠯᠡᠭᠰᠡᠨ ᠪᠦᠭᠡᠴᠦᠳ | ᠡᠷᠡᠮᠡᠭᠡᠢ ᠪᠠᠭᠠᠳᠤᠷ ᠪᠡᠯᠭᠦᠳᠡᠢ ᠮᠡᠳᠦ ᠢᠳᠡ ᠴᠢᠳᠠᠯ ᠲᠠᠢ ᠲᠤᠷᠪᠢᠯᠢᠭ ᠪᠦᠭᠡᠴᠦᠳ | ᠡᠷᠭᠦᠵᠦ ᠠᠪᠬᠤ ᠨᠢ ᠡᠷᠢᠶᠡᠨ ᠪᠠᠷᠰ ᠰᠢᠭ᠋ ᠬᠦᠴᠦ ᠲᠠᠢ ᠪᠦᠭᠡᠴᠦᠳ | ᠡᠯᠭᠦᠵᠦ ᠬᠠᠶᠠᠬᠤ ᠨᠢ ᠠᠷᠰᠯᠠᠨ ᠵᠠᠭᠠᠨ ᠰᠢᠭ᠋ ᠢᠳᠡᠳᠦ ᠪᠦᠭᠡᠴᠦᠳ | ᠠᠰᠬᠠᠭᠰᠠᠨ ᠭᠠᠯ ᠤᠨ ᠲᠦᠯᠦ ᠰᠢᠭ ᠭᠠᠨᠭ᠍ᠭᠠᠡᠭ ᠵᠠᠩᠭᠢᠶᠠ ᠨᠢ ᠨᠠᠮᠢᠷᠠᠭᠰᠠᠨ | ᠠᠭᠠᠷ ᠲᠤ ᠭᠢᠯᠠᠯᠵᠠᠬᠤ ᠤᠳᠤᠳ ᠰᠢᠭ᠋ ᠠᠯᠳᠠᠨ ᠲᠤᠪᠤᠷᠤᠤ ᠨᠢ ᠭᠢᠯᠠᠯᠵᠠᠭᠰᠠᠨ | ᠠᠭᠤᠳᠠᠮ ᠲᠠᠯᠠ ᠶᠢᠨ ᠨᠠᠮᠢᠷᠠᠭᠠ ᠰᠢᠭ᠋ ᠡᠷᠢᠶᠡᠨ ᠬᠤᠷᠮᠤᠪᠴᠢ ᠨᠢ ᠮᠢᠷᠠᠯᠵᠠᠭᠰᠠᠨ | ᠠᠨᠠᠪᠠᠳ ᠲᠠᠯᠠᠢ ᠴᠠᠯᠭᠢᠯᠠᠬᠤ ᠰᠢᠭ᠋ ᠨᠠᠶᠠᠨ ᠨᠢᠭᠡᠨ ᠱᠠᠩ ᠢᠶᠠᠷ ᠮᠢᠯᠢᠶᠠᠯᠭᠠᠭᠰᠠᠨ | ᠤᠰᠤᠨ ᠨᠤᠳᠤᠭ ᠤᠨ ᠨᠡᠷᠡ ᠲᠦᠷᠦ ᠪᠠᠨ ᠤᠬᠠᠭᠠᠨ ᠴᠢᠳᠠᠯ ᠳᠤ ᠪᠠᠨ ᠡᠷᠭᠦᠭᠰᠡᠨ | ᠤᠬᠠᠭᠠᠨ ᠰᠢᠯᠭᠠᠭᠰᠠᠨ ᠲᠠᠯᠠᠪᠠᠢ ᠲᠤᠮᠳᠠ ᠨᠠᠴᠢᠨ ᠭᠠᠷᠤᠳᠠᠢ ᠰᠢᠭ᠋ ᠲᠡᠪᠢᠭᠰᠡᠨ | ᠤᠷᠠᠨ ᠭᠠᠪᠰᠢᠭᠠᠢ ᠪᠠᠷᠢᠯᠳᠤᠭᠠᠨ ᠠᠴᠠ ᠤᠯᠠᠨ ᠤ ᠤᠤᠬᠠᠢ ᠴᠤᠤᠷᠢᠶᠠᠳᠤᠭᠰᠠᠨ | ᠤᠯᠠᠨ ᠢ ᠪᠠᠶᠠᠰᠬᠠᠬᠤ ᠨᠠᠭᠠᠳᠤᠮ ᠳᠤ ᠪᠠᠨ ᠲᠡᠭᠦᠰ ᠵᠢᠪᠬᠤᠯᠠᠩ ᠪᠠᠳᠠᠷᠠᠭᠰᠠᠨ | ᠬᠠᠨᠠᠭᠠᠷ ᠠᠭᠤᠳᠠᠮ ᠴᠡᠭᠡᠵᠢ ᠲᠠᠢ ᠬᠠᠷᠢᠶᠠᠳᠤ ᠤᠯᠠᠨ ᠳᠤ ᠪᠠᠨ ᠰᠠᠶᠢᠰᠢᠶᠠᠯ ᠲᠠᠢ ᠪᠦᠬᠡᠴᠢᠨ | ᠬᠠᠳᠠᠭᠤ ᠪᠤᠯᠴᠢᠩ ᠰᠢᠷᠪᠤᠰᠤ ᠲᠠᠢ ᠬᠤᠳᠠᠯᠠ ᠲᠦᠮᠡᠨ ᠳᠤ ᠪᠠᠨ ᠮᠠᠭᠳᠠᠭᠠᠯᠲᠠᠢ ᠪᠦᠬᠡᠴᠢᠨ | ᠬᠠᠳᠠᠨ ᠪᠠᠭᠠᠳᠤᠷ ᠵᠤᠷᠢᠭ ᠲᠠᠢ ᠬᠠᠮᠤᠭ ᠮᠤᠩᠭᠤᠯ ᠤᠨ ᠤᠮᠤᠭᠰᠢᠯ ᠪᠦᠬᠡᠴᠢᠨ | ᠬᠠᠳᠠᠭᠤ ᠴᠢᠩᠭᠠ ᠰᠢᠨᠳᠠᠰᠤ ᠲᠠᠢ ᠬᠠᠳᠤᠨ ᠲᠡᠯᠡᠬᠡᠢ ᠶᠢᠨ ᠲᠠᠷᠬᠠᠨ ᠪᠦᠬᠡᠴᠢᠨ | | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠡᠭᠤᠨ ᠭᠠᠷᠣᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠤᠳᠤ ᠰᠤᠮᠤ | |