| | ● ᠴᠢ᠊ · ᠵᠠᠮᠰᠤ | | ᠮᠠᠩᠬᠠᠨ ᠨᠤᠲᠤᠭ ᠤᠨ ᠲᠡᠮᠡᠭᠡᠨ ᠬᠦᠬᠦ ᠶᠢᠨ ᠮᠢᠬᠠᠯᠢᠭ ᠵᠤᠵᠠᠭᠠᠨ ᠰᠦ ᠨᠢ ᠤᠮᠳᠠ ᠳᠠᠷᠤᠳᠠᠭ ᠠᠮᠲᠠᠲᠤ | ᠬᠡᠭᠡᠷᠡ ᠶᠢᠨ ᠵᠢᠮᠢᠰ ᠤᠨ ᠨᠢᠭᠡᠨ ᠪᠢᠯᠡ᠃ ᠲᠡᠮᠡᠭᠡᠨ ᠬᠦᠬᠦ ᠪᠤᠯ ᠤᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠠᠶᠢᠵᠤ᠂ | ᠪᠦᠬᠦ ᠪᠡᠶᠡ ᠳᠤ ᠨᠢ ᠰᠦ ᠰᠢᠭ᠋ ᠰᠢᠭᠦᠰᠦ ᠲᠠᠢ᠂ ᠪᠦᠰᠡ ᠬᠡᠯᠪᠡᠷᠢᠲᠠᠢ ᠨᠠᠪᠴᠢᠰ ᠨᠢ ᠴᠢᠭᠳᠡᠯᠠᠨ ᠤᠷᠭᠤᠵᠤ᠂ ᠵᠢᠵᠢᠭᠬᠡᠨ | ᠴᠠᠶᠢᠪᠦᠷ ᠨᠤᠭᠤᠭᠠᠨ ᠴᠡᠴᠡᠭ ᠳᠡᠯᠭᠡᠷᠡᠭᠡᠳ᠂ ᠤᠷᠬᠢᠴᠠ ᠬᠡᠯᠪᠡᠷᠢᠲᠠᠢ ᠴᠠᠨᠠ ᠵᠢᠮᠢᠰ ᠰᠠᠭᠤᠳᠠᠭ᠃ ᠳᠠᠷᠤᠢ ᠲᠠᠪᠤᠨ | ᠬᠤᠰᠢᠭᠤ ᠮᠠᠯ ᠤᠨ ᠨᠢᠭᠡ ᠲᠡᠮᠡᠭᠡ ᠶᠢᠨ ᠬᠦᠬᠦ ᠰᠢᠭ ᠬᠡᠯᠪᠡᠷᠢ ᠲᠠᠢ ᠵᠢᠮᠢᠰ ᠰᠠᠭᠤᠳᠠᠭ ᠠᠴᠠ ᠯᠠ ᠮᠠᠨ ᠤ | ᠮᠤᠩᠭᠤᠯᠴᠤᠳ ᠲᠡᠮᠡᠭᠡᠨ ᠬᠦᠬᠦ ᠭᠡᠵᠤ ᠳᠦᠷᠰᠦᠯᠢᠭ ᠨᠡᠷᠡᠶᠢᠳᠦᠭᠰᠡᠨ ᠪᠠᠶᠢᠬᠠ ᠭᠡᠵᠤ ᠪᠢ ᠪᠤᠳᠤᠳᠠᠭ᠃ ᠪᠤᠰᠤᠳ | ᠨᠡᠷᠡ ᠲᠠᠢ ᠴᠤ ᠪᠠᠶᠢᠬᠠ ᠭᠡᠪᠡᠴᠦ ᠪᠢ ᠦᠯᠦ ᠮᠡᠳᠡᠬᠦ ᠠᠴᠠ ᠰᠢᠭᠤᠳ ᠲᠡᠮᠡᠭᠡᠨ ᠬᠦᠬᠦ ᠭᠡᠮᠡᠨ ᠪᠢᠴᠢᠪᠡᠢ᠃ ᠲᠡᠮᠡᠭᠡᠨ | ᠬᠦᠬᠦ ᠨᠢ ᠪᠠᠰᠠ ᠮᠠᠯ ᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠵᠡᠷᠭᠡ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠵᠤ᠂ ᠮᠠᠨ ᠤ ᠮᠠᠩᠬᠠᠨ ᠨᠤᠲᠤᠭ ᠲᠤ | ᠨᠡᠶᠢᠳᠡᠮ ᠤᠷᠭᠤᠳᠠᠭ ᠪᠠᠯᠠᠷᠯᠢᠭ ᠵᠢᠮᠢᠰ ᠤᠨ ᠨᠢᠭᠡᠨ ᠪᠢᠯᠡ᠃ | ᠮᠠᠨ ᠤ ᠪᠠᠭᠠ ᠶᠢᠨ ᠦᠶᠡ ᠳᠤ ᠭᠡᠷ ᠢ ᠲᠤᠭᠤᠷᠢᠭᠰᠠᠨ ᠪᠤᠳᠠ ᠪᠤᠷᠭᠤᠯᠵᠢ ᠶᠢᠨ ᠤᠭ᠂ ᠮᠠᠩᠬᠠ ᠪᠦᠷᠢᠲᠦ ᠪᠠᠷ | ᠲᠡᠮᠡᠬᠡᠨ ᠬᠦᠬᠦ ᠨᠢ ᠶᠡᠭᠡ ᠯᠠ ᠡᠯᠳᠡᠩ ᠤᠷᠭᠤᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠳᠠᠷᠤᠢ ᠡᠪᠡᠰᠦ ᠮᠤᠳᠤ ᠤᠷᠭᠤᠳᠠᠭ ᠭᠠᠵᠠᠷ | ᠯᠠ ᠪᠤᠯ ᠤᠷᠭᠤᠴᠢᠬᠠᠳᠠᠭ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠢᠶᠠᠷ ᠲᠡᠭᠦᠰ ᠬᠡᠭᠡᠷᠡ ᠶᠢᠨ ᠵᠢᠮᠢᠰ ᠪᠢᠯᠡ᠃ ᠠᠩᠬᠠ ᠪᠡᠯᠴᠢᠷ | ᠨᠠᠰᠤᠨ ᠳᠤ ᠪᠠᠨ ᠡᠮᠡᠭᠡ ᠶᠢᠨ ᠢᠶᠠᠨ ᠭᠠᠷ ᠠᠴᠠ ᠲᠡᠮᠡᠬᠡᠨ ᠬᠦᠬᠦ ᠲᠤᠰᠴᠦ ᠪᠠᠶᠢᠭᠰᠠᠨ ᠶᠤᠮ ᠪᠤᠯ ᠠᠩᠬᠠ ᠡᠭᠡᠴᠢ ᠪᠠᠨ | ᠳᠠᠭᠠᠵᠤ ᠭᠦᠶᠦᠬᠦ ᠴᠢᠳᠠᠯ ᠤᠷᠤᠮᠠᠭᠴᠡ ᠪᠠᠨ ᠭᠠᠷ ᠠᠴᠠ ᠨᠢ ᠬᠦᠲᠦᠯᠦᠭᠳᠡᠵᠤ ᠲᠡᠮᠡᠭᠡᠨ ᠬᠦᠬᠦ ᠲᠡᠭᠦᠵᠦ ᠢᠳᠡᠵᠤ | ᠠᠮᠳᠠᠨ ᠳᠤ ᠨᠢ ᠤᠷᠤᠭᠰᠠᠨ ᠶᠤᠮᠰᠠᠨ᠃ ᠵᠠᠷᠢᠮ ᠳᠤ ᠪᠠᠨ ᠰᠤᠷᠭᠠᠭᠤᠯᠢ ᠳᠤ ᠤᠴᠢᠬᠤ ᠵᠠᠮ ᠳᠤ ᠪᠠᠨ ᠪᠢᠴᠢᠬᠠᠨ | ᠬᠠᠷᠮᠠᠨ ᠢᠶᠠᠨ᠂ ᠪᠢᠴᠢᠭ ᠤᠨ ᠪᠤᠭᠴᠦ ᠪᠠᠨ ᠲᠦᠭᠦᠷᠲᠡᠯᠡ ᠲᠡᠭᠦᠵᠤ ᠪᠠᠶᠢᠭᠰᠠᠨ᠂ ᠬᠡᠷᠪᠡ ᠨᠢᠭᠡᠯᠡ ᠳᠤᠤᠷᠠ ᠬᠡᠲᠦᠷᠬᠡᠢ | ᠠᠷᠪᠢᠨ ᠢᠳᠡᠪᠡᠯ ᠬᠡᠯᠡ ᠴᠢᠯᠠᠭᠤᠳᠠᠵᠤ ᠴᠤᠭᠤᠷᠤᠭᠠᠳ ᠴᠢᠰᠤ ᠭᠠᠷᠳᠠᠭ᠂ ᠵᠠᠷᠢᠮ ᠳᠡᠭᠦᠦᠲᠠᠢ ᠮᠢᠨᠢ ᠬᠡᠯᠡ ᠪᠠᠨ | ᠴᠤᠭᠤᠷᠠᠲᠠᠯᠠ ᠢᠳᠡᠭᠡᠳ ᠡᠭᠡᠷ ᠲᠠᠲᠠᠲᠠᠯᠠ ᠪᠠᠨ ᠤᠬᠢᠯᠠᠵᠤ ᠯᠠ ᠪᠠᠶᠢᠭᠰᠠᠨ ᠡ︕ ᠬᠤᠪᠳᠤᠭ ᠬᠦᠮᠦᠨ | ᠬᠤᠭᠤᠯᠠᠢ ᠪᠠᠨ ᠪᠠᠷᠢᠵᠤ ᠳᠡᠶᠢᠯᠳᠡᠭ ᠦᠭᠡᠢ ᠶᠢᠨ ᠰᠢᠯᠳᠠᠭᠠᠨ ᠪᠢᠵᠠ᠃ | ᠲᠡᠮᠡᠭᠡᠨ ᠬᠦᠬᠦ ᠶᠢ ᠬᠠᠷᠢᠨ ᠮᠠᠨ ᠤ ᠨᠤᠲᠤᠭ ᠤᠨ ᠤᠨᠴᠠ ᠭᠠᠷᠤᠯᠲᠠ ᠴᠠᠭᠠ ᠳᠤ ᠳᠡᠪᠲᠤᠭᠡᠵᠤ ᠢᠳᠡᠬᠦ ᠪᠤᠶᠤ | ᠳᠦᠷᠦᠵᠤ ᠢᠳᠡᠪᠡᠯ ᠠᠪᠤᠨ ᠳᠠᠷᠤᠢ ᠳᠤ ᠪᠠᠨ ᠬᠡᠯᠡ ᠴᠢᠯᠠᠭᠤᠳᠠᠵᠤ ᠴᠤᠭᠤᠷᠠᠬᠤ ᠦᠭᠡᠢ ᠨᠢ ᠭᠠᠶᠢᠬᠠᠯᠲᠠᠢ ᠪᠢᠯᠡ᠃ | ᠡᠮᠡᠭᠡ ᠶᠢᠨ ᠬᠡᠯᠡᠬᠦ ᠪᠠᠷ ᠤᠷᠢᠲᠤ ᠳᠤ ᠪᠠᠨ ᠲᠡᠮᠡᠭᠡᠨ ᠬᠦᠬᠦ ᠪᠠᠷ ᠵᠠᠭᠤᠰᠢ ᠴᠢᠨᠠᠵᠤ ᠢᠳᠡᠵᠤ ᠪᠠᠶᠢᠯᠠ ᠭᠡᠳᠡᠭ᠂ ᠳᠠᠷᠤᠢ | ᠶᠡᠭᠡ ᠯᠡ ᠡᠯᠳᠡᠩ ᠤᠷᠭᠤᠵᠤ ᠪᠠᠶᠢᠵᠠᠢ᠂ ᠮᠠᠩᠬᠠᠨ ᠰᠢᠷᠤᠢ ᠳᠤ ᠪᠤᠯᠠᠭᠳᠠᠭᠰᠠᠨ ᠪᠤᠶᠤ ᠵᠤᠵᠠᠭᠠᠨ ᠵᠡᠯᠡ ᠶᠢᠨ ᠢᠶᠠᠨ | ᠳᠤᠤᠷᠠ ᠨᠢᠭᠤᠭᠳᠠᠵᠤ ᠤᠷᠭᠤᠭᠰᠠᠨ ᠲᠡᠮᠡᠭᠡᠨ ᠬᠦᠬᠦ ᠨᠠᠷᠠ ᠰᠠᠯᠬᠢ ᠤᠯᠵᠤ ᠦᠵᠡᠭᠰᠡᠨ ᠦᠭᠡᠢ ᠠᠴᠠ ᠴᠠᠪ ᠴᠠᠭᠠᠨ | ᠦᠩᠭᠡ ᠲᠠᠢ ᠪᠤᠯᠴᠢᠬᠠᠳᠠᠭ ᠴᠤ ᠪᠤᠢ᠃ ᠡᠶᠢᠮᠦᠷᠬᠦᠥ ᠲᠡᠮᠡᠭᠡᠨ ᠬᠦᠬᠦ ᠰᠡᠷᠢᠭᠦᠨ ᠲᠠᠭᠠᠯᠠᠮᠵᠢᠲᠠᠢ ᠤᠮᠳᠠ | ᠳᠠᠷᠤᠬᠤ ᠳᠤ ᠪᠠᠨ ᠨᠡᠩ ᠭᠦᠢᠴᠡᠳ ᠰᠦ ᠲᠠᠢ᠂ ᠴᠠᠭᠠᠨ ᠲᠡᠮᠡᠭᠡᠨ ᠬᠦᠬᠦ ᠤᠯᠵᠤ ᠲᠡᠭᠦᠪᠡᠯ ᠪᠤᠰᠤᠳ ᠲᠤ ᠪᠠᠨ | ᠭᠠᠶᠢᠬᠠᠭᠤᠯᠵᠤ ᠪᠠᠶᠢᠭᠠᠳ ᠴᠢᠳᠠᠯ ᠦᠭᠡᠢ ᠪᠤᠯ ᠪᠤᠯᠢᠶᠠᠭᠳᠠᠴᠢᠬᠠᠳᠠᠭ᠃ ᠲᠡᠶᠢᠮᠦ ᠠᠴᠠ ᠴᠢᠳᠠᠯ ᠦᠭᠡᠢ ᠨᠢᠭᠡ ᠨᠢ | ᠤᠯᠵᠦ ᠲᠡᠭᠦᠮᠡᠭᠴᠡ ᠪᠠᠨ ᠳᠠᠷᠦ᠋ᠢᠬᠠᠨ ᠢᠳᠡᠴᠢᠭᠡᠳᠡᠭ᠂ ᠵᠠᠷᠢᠮ ᠨᠢ ᠨᠢᠭᠡᠯᠡ ᠴᠠᠭᠠᠨ ᠲᠡᠮᠡᠭᠡᠨ ᠬᠦᠬᠦ ᠪᠠᠷ ᠪᠢᠲᠡᠭᠦᠦ | ᠨᠤᠭᠤᠭᠠᠨ ᠲᠡᠮᠡᠭᠡᠨ ᠬᠦᠬᠦ ᠴᠤ ᠰᠤᠯᠢᠴᠢᠬᠠᠳᠠᠭ᠃ ᠡᠨᠡ ᠨᠢ ᠳᠠᠷᠤᠢ ᠡᠳ᠋ ᠬᠤᠪᠤᠷ ᠲᠤ ᠪᠠᠨ ᠦᠨᠡ ᠲᠠᠢ ᠭᠡᠰᠡᠨ | ᠪᠠᠲᠤᠶᠤᠰᠤ ᠪᠠᠶᠢᠬᠠ᠃ | ᠲᠡᠮᠡᠭᠡᠨ ᠬᠦᠬᠦ ᠶᠢ ᠬᠢᠮᠤᠰᠤᠨ ᠲᠤᠯᠢ ᠶᠢᠨ ᠴᠢᠨᠡᠭᠡ ᠪᠠᠶᠢᠬᠤ ᠳᠤ ᠨᠢ ᠢᠳᠡᠪᠡᠯ ᠬᠡᠯᠡ ᠴᠤᠭᠤᠷᠠᠬᠤ ᠦᠭᠡᠢ ᠴᠤ | ᠠᠮᠳᠠ ᠪᠠᠷ ᠬᠦᠭ ᠲᠠᠢ᠂ ᠬᠤᠷᠤᠭᠤ ᠴᠢᠨᠡᠭᠡ ᠪᠤᠯᠬᠤ ᠳᠤ ᠨᠢ ᠢᠳᠡᠪᠡᠯ ᠬᠠᠮᠤᠭ ᠠᠮᠲᠠᠲᠠᠢ᠂ ᠲᠡᠮᠡᠭᠡᠨ ᠬᠦᠬᠦ ᠦᠰᠴᠦ | ᠭᠦᠢᠴᠡᠮᠡᠭᠴᠡ ᠪᠠᠨ ᠬᠠᠲᠠᠭᠤᠷᠠᠴᠢᠬᠠᠳᠠᠭ ᠶᠤᠮ᠃ | ᠲᠡᠮᠡᠭᠡᠨ ᠬᠦᠬᠦ ᠨᠢ ᠮᠢᠨᠤ ᠪᠠᠯᠴᠢᠷ ᠨᠠᠰᠤᠨ ᠤ ᠪᠠᠯᠠᠷᠯᠢᠭ ᠵᠢᠮᠢᠰ ᠢᠶᠠᠷ ᠦᠯᠦ ᠪᠠᠷᠠᠨ᠂ ᠬᠠᠳᠠᠭᠰᠠᠨ ᠲᠡᠮᠡᠭᠡᠨ | ᠬᠦᠬᠦ ᠨᠢ ᠴᠤ ᠤᠯᠳᠠᠰᠢ ᠦᠭᠡᠢ ᠨᠠᠭᠠᠳᠤᠮ ᠤᠨ ᠪᠠᠭᠠᠵᠢ ᠪᠤᠯᠳᠠᠭ᠃ ᠠᠷᠪᠠ ᠬᠦᠷᠲᠡᠯᠡ ᠦᠶᠡ ᠵᠡᠷᠭᠡ ᠪᠠᠷ ᠢᠶᠠᠨ | ᠨᠡᠶᠢᠯᠡᠭᠡᠳ ᠠᠶᠢᠯ ᠪᠤᠯᠵᠤ ᠨᠠᠭᠠᠳᠬᠤ ᠳᠤ ᠪᠠᠨ ᠨᠦᠢᠲᠠᠨ ᠰᠢᠷᠤᠢ ᠪᠠᠷ ᠦᠪᠦᠩ ᠭᠡᠷ ᠪᠠᠷᠢᠵᠤ ᠬᠡᠷᠡᠮ ᠬᠠᠰᠢᠶᠠ ᠴᠤ | ᠬᠦᠷᠢᠶᠡᠯᠴᠢᠭᠡᠳᠡᠭ᠃ ᠬᠠᠭᠠᠷᠬᠠᠢ ᠱᠠᠭᠠᠵᠠᠩ ᠬᠡᠯᠲᠡᠷᠬᠡᠢ ᠲᠤᠭᠤᠰᠬᠠ ᠪᠦᠷ ᠯᠡ ᠮᠠᠨ ᠤ ᠨᠠᠭᠠᠳᠳᠠᠭ ᠠᠶᠢᠯ ᠪᠦᠯᠢ ᠶᠢᠨ | ᠤᠯᠳᠠᠰᠢ ᠦᠭᠡᠢ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤᠳ᠂ ᠠᠶᠢᠯᠴᠢᠯᠠᠵᠤ ᠢᠷᠡᠭᠰᠡᠨ ᠪᠤᠶᠤ ᠤᠷᠢᠵᠤ ᠵᠠᠯᠠᠭᠰᠠᠨ ᠵᠤᠴᠢᠨ ᠳᠤ ᠪᠠᠨ | ᠪᠦᠬᠦᠯᠢ ᠲᠡᠮᠡᠬᠡᠨ ᠬᠦᠬᠦ ᠭᠠᠷᠭᠠᠳᠠᠭ᠂ ᠳᠠᠷᠤᠢ ᠬᠠᠳᠠᠭᠰᠠᠨ ᠲᠡᠮᠡᠭᠡᠨ ᠬᠦᠬᠦ ᠶᠢ ᠵᠠᠭᠠᠳᠠᠰᠤ ᠪᠠᠷ ᠨᠢ ᠬᠠᠭᠠᠯᠠᠭᠠᠳ | ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠪᠠᠯ ᠳᠤᠲᠤᠷᠠᠬᠢ ᠴᠠᠭᠠᠨ ᠦᠷᠪᠡᠯᠭᠡ ᠨᠢ ᠶᠠᠭ ᠯᠠ ᠳᠤᠩ ᠴᠠᠭᠠᠨ ᠬᠤᠨᠢ ᠰᠢᠭ᠋ | ᠪᠠᠶᠢᠳᠠᠭ᠃ | ᠬᠦᠪᠦᠩ ᠰᠢᠭ ᠦᠷᠪᠡᠯᠭᠡ ᠶᠢᠨ ᠬᠢᠨ ᠦᠵᠦᠭᠦᠷ ᠬᠠᠪᠲᠠᠭᠠᠢ ᠰᠢᠷᠠ ᠦᠷᠡ ᠪᠠᠶᠢᠳᠠᠭ᠂ ᠠᠯᠠᠭᠠᠨ ᠳᠤ ᠪᠠᠨ | ᠲᠠᠯᠪᠢᠵᠤ ᠦᠯᠢᠶᠡᠪᠡᠯ ᠰᠠᠯᠬᠢᠨ ᠤ ᠠᠶᠠ ᠪᠠᠷ ᠠᠯᠤᠰ ᠲᠤ ᠬᠡᠶᠢᠰᠴᠦ ᠶᠠᠪᠤᠨᠠ᠃ ᠡᠳᠦᠭᠡ ᠡᠷᠬᠢᠴᠡᠬᠦᠯᠬᠦ ᠳᠤ᠂ | ᠮᠦᠨᠴᠦ ᠬᠡᠭᠡᠷᠡ ᠲᠠᠯᠠ ᠪᠠᠷ ᠲᠡᠮᠡᠭᠡᠨ ᠬᠦᠬᠦ ᠲᠠᠷᠢᠵᠤ ᠪᠠᠶᠢᠵᠤ ᠯᠠ ᠳ᠋ᠠ᠃ ᠲᠡᠮᠡᠭᠡᠨ ᠬᠦᠬᠦ ᠴᠡᠴᠡᠭ ᠳᠡᠯᠭᠡᠷᠡᠬᠦ ᠶᠢ | ᠮᠠᠨᠤᠰ ᠪᠤᠳᠠᠭᠠᠯᠠᠵᠤ ᠪᠠᠶᠢᠨᠠ ᠭᠡᠳᠡᠭ᠂ ᠶᠠᠭ ᠯᠠ ᠨᠠᠷᠢᠮᠤ ᠪᠤᠶᠤ ᠮᠤᠩᠭᠤᠯ ᠠᠮᠤ ᠶᠢᠨ ᠴᠢᠨᠡᠭᠡ ᠴᠡᠴᠡᠭ | ᠳᠡᠯᠭᠡᠷᠡᠳᠡᠭ ᠠᠴᠠ ᠪᠤᠳᠠᠭᠠᠯᠠᠵᠤ ᠪᠠᠶᠢᠨᠠ ᠭᠡᠰᠡᠨ ᠪᠠᠶᠢᠬᠠ᠂ ᠪᠤᠳᠠᠭᠠᠯᠠᠭᠠᠳ ᠬᠡᠳᠦᠬᠡᠨ ᠬᠤᠨᠤᠮᠠᠭᠴᠠ ᠪᠠᠨ ᠲᠡᠮᠡᠭᠡᠨ | ᠬᠦᠬᠦ ᠰᠠᠭᠤᠴᠢᠭᠳᠠᠭ ᠠᠴᠠ ᠮᠠᠨᠤᠰ ᠲᠤᠩ ᠪᠠᠶᠠᠷᠯᠠᠳᠠᠭ ᠶᠤᠮ᠃ ᠡᠳᠦᠭᠡ ᠪᠤᠯᠲᠠᠯᠠ ᠨᠤᠲᠤᠭ ᠤᠨ ᠮᠢᠨᠢ ᠮᠠᠩᠬᠠ | ᠪᠦᠷᠢᠲᠦ ᠪᠠᠷ ᠲᠡᠮᠡᠭᠡᠨ ᠬᠦᠬᠦ ᠮᠢᠨᠢ ᠤᠷᠭᠤᠭᠰᠠᠭᠠᠷ ᠯᠠ ᠳ᠋ᠠ︕ | ᠲᠡᠨᠡᠭ ᠡᠪᠦᠭᠡᠨ ᠠᠭᠤᠯᠠ ᠶᠢ ᠨᠡᠭᠦᠯᠭᠡᠨᠡ | ᠲᠡᠭᠷᠢ ᠶᠢᠨ ᠰᠠᠯᠬᠢ ᠮᠠᠩᠬᠠ ᠶᠢ ᠨᠡᠭᠦᠯᠭᠡᠨᠡ | ᠲᠡᠮᠦᠷ ᠲᠤᠤᠷ ᠰᠦᠷᠦᠭ ᠢ ᠨᠢ ᠬᠠᠰᠢᠨᠠ | ᠲᠧᠭᠨᠢᠭ ᠸᠢᠴᠡᠲ ᠬᠦᠮᠦᠨ ᠢ ᠴᠤ ᠲᠤᠰᠢᠨᠠ | ᠭᠦᠯᠢᠭᠡᠷ ᠴᠠᠭᠠᠨ ᠮᠠᠩᠬᠠ ᠨᠢ ᠬᠡᠶᠢᠰᠦᠭᠰᠡᠭᠡᠷ ᠴᠤ | ᠬᠦᠯᠦ ᠴᠠᠭᠠᠨ ᠪᠤᠷᠭᠠᠰᠤ ᠨᠢ ᠨᠠᠶᠢᠭᠤᠭᠰᠠᠭᠠᠷ | ᠰᠤᠤᠲᠤ ᠪᠠᠯᠴᠢᠷ ᠨᠠᠰᠤ ᠮᠢᠨᠢ ᠬᠤᠯᠠᠳᠠᠭᠰᠠᠨ ᠴᠤ | ᠰᠦᠳᠦ ᠲᠡᠮᠡᠭᠡᠨ ᠬᠦᠬᠦ ᠮᠢᠨᠢ ᠤᠷᠭᠤᠭᠰᠠᠭᠠᠷ ᠯᠠ | | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠤᠯᠠᠭᠠᠨᠮᠤᠳᠤ ᠰᠤᠮᠤ ᠶᠢᠨ ᠦᠪᠦᠷᠵᠢᠯᠠᠭᠠ ᠲᠤᠭᠤᠷᠢᠭ |