ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠨᠠᠮᠣᠭᠤᠨ ᠲᠡᠭᠷᠢ ᠨᠢᠵᠢᠬᠢᠨᠡᠪᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/12/7
● ᠬᠠᠨᠲᠠ       ︽ᠡᠮᠡᠭᠲᠡᠢ ᠶᠢᠨ ᠸᠠᠩᠲᠣ ᠣᠯᠣᠰ︾ ᠭᠡᠮᠡᠨ ᠠᠯᠳᠠᠷᠰᠢᠯ ᠲᠠᠢ ᠰᠤᠷᠭᠠᠭᠤᠯᠢ ᠳᠤ ᠠᠵᠢᠯᠯᠠᠵᠣ ᠪᠠᠶᠢᠭ᠎ᠠ ᠴᠣᠷᠢ ᠶᠢᠨ ᠭᠠᠭᠴᠠ ᠡᠷᠡᠭᠲᠡᠢ ᠪᠠᠭᠰᠢ ᠶᠢ ᠥᠭᠡᠷᠴᠢᠨ ᠭᠡᠲᠡᠭ᠃ ᠲᠠᠷᠠ ᠰᠣᠷᠣᠭᠴᠢᠳ ᠲᠤ ᠪᠠᠨ ᠬᠢᠴᠢᠶᠡᠯ ᠣᠷᠣᠬᠤ ᠠᠴᠠ ᠭᠠᠲᠠᠨ᠎ᠠ ᠰᠣᠷᠭᠠᠭᠤᠯᠢ ᠶᠢᠨ ᠬᠤᠩᠬᠤᠨ ᠤ ᠰᠠᠬᠢᠭᠤᠯᠴᠢᠨ᠃ ᠲᠡᠭᠦᠨ ᠰᠢᠭ ᠬᠤᠩᠬᠤ ᠴᠣᠬᠢᠬᠤ ᠲᠣᠷᠠᠲᠠᠢ ᠬᠥᠮᠥᠨ ᠬᠤᠪᠣᠷ ᠡ᠂ ᠬᠤᠩᠬᠤ ︽ᠳ᠋ᠠᠩ ᠳ᠋ᠠᠩ︾ ᠭᠡᠬᠦ ᠬᠥᠩᠬᠢᠨᠡᠬᠦ ᠭᠱᠠᠨ ᠳᠤ ᠪᠠᠨ ᠴᠠᠭ ᠢ ᠮᠡᠲᠡᠭᠡᠯᠡᠵᠣ᠂ ᠡᠷ᠎ᠡ ᠬᠥᠮᠥᠨ ᠤ ᠣᠷᠣᠰᠢᠬᠤᠢ ᠶᠢ ᠮᠡᠲᠡᠭᠡᠯᠡᠵᠣ᠂ ᠡᠷᠭᠢᠬᠦ ᠬᠤᠷᠸ᠎ᠠ ᠶᠢᠨ ᠣᠯᠠᠷᠢᠯ ᠬᠤᠪᠢᠰᠣᠯ ᠤᠨ ᠵᠢᠮ᠎ᠠ ᠶᠣᠰᠣ ᠶᠢ ᠮᠡᠲᠡᠭᠡᠯᠡᠨ᠎ᠠ᠃       ᠣᠷᠴᠢᠨ ᠲᠣᠭᠤᠷᠢᠨ ᠬᠥᠮᠥᠨ ᠤ ᠠᠮᠢᠲᠣᠷᠠᠬᠤᠢ ᠶᠢᠨ ᠠᠷᠭ᠎ᠠ ᠭᠡᠯᠪᠡᠷᠢ ᠶᠢ ᠲᠣᠭᠲᠠᠭᠠᠲᠠᠭ ᠠᠵᠢ᠃       ᠥᠭᠡᠷᠴᠢᠨ ᠪᠠᠭᠰᠢ ᠶᠢᠨ ᠨᠠᠬᠢᠯᠵᠡᠨ ᠨᠣᠬᠢᠯᠵᠡᠨ ᠠᠯᠬᠤᠨ᠂ ᠢᠴᠢᠨ ᠭᠠᠩᠬᠤᠵᠣ ᠶᠠᠷᠢᠬᠤ᠂ ᠭᠡᠵᠢᠭᠡ ᠥᠰᠣ ᠪᠠᠨ ᠮᠢᠷᠠᠰᠬᠢᠯᠭᠡᠬᠦ ᠶᠢ ᠨᠢ ᠬᠠᠯᠲᠣ ᠬᠠᠷᠠᠪᠠᠯ ᠡᠮᠡᠭᠲᠡᠢ ᠶᠣᠮ ᠤᠤ ᠭᠡᠵᠣ ᠡ᠊ᠨᠳᠡᠬᠦᠷᠡᠨ᠎ᠠ᠃ ᠲᠠᠷᠠ ᠡᠮᠡᠭᠲᠡᠢ ᠶᠢᠨ ᠨᠥᠯᠥᠭᠡᠨ ᠳᠤ ᠬᠥᠨ ᠠᠪᠲᠠᠵᠠᠢ᠃ ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠠᠪᠤ ᠶᠢ ᠪᠠᠨ ᠠᠯᠲᠠᠵᠣ ᠡᠵᠢ ᠶᠢᠨ ᠢᠶᠠᠨ ᠪᠥᠪᠠᠶᠢᠯᠠᠯ ᠳᠤ ᠥᠨᠥᠴᠢᠨ ᠥᠰᠴᠣ᠂ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠤ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠥᠬᠢᠳ ᠤᠨ ᠲᠠᠯᠠᠢ ᠳᠤ ᠰᠥᠷ ᠲᠠᠷᠣᠭᠲᠠᠵᠣ᠂ ᠲᠥᠨᠲᠥᠭᠡᠷ ᠠᠷᠠᠨᠰᠢᠨ ᠲᠠᠢ ᠪᠥᠰᠡᠬᠦᠢ ᠶᠢᠨ ᠢᠶᠠᠨ ᠠᠭᠰᠣᠮᠨᠠᠯ ᠳᠤ ᠲᠣᠯᠣᠭᠠᠢ ᠪᠥᠬᠦ᠋ᠢᠵᠣ᠂ ︽ᠡᠮᠡᠭᠲᠡᠢ ᠶᠢᠨ ᠸᠠᠩᠲᠣ ᠣᠯᠣᠰ︾ ᠭᠡᠮᠡᠭᠲᠡᠭᠦ ᠪᠠᠶᠢᠭᠤᠯᠭ᠎ᠠ ᠳᠤ ᠪᠠᠨ ᠣᠮᠤᠭ ᠪᠣᠯᠠᠭᠲᠠᠵᠠᠢ᠃ ᠡᠬᠡᠨᠡᠷ ᠨᠢ ᠪᠠᠶᠠᠨ ᠠᠶᠢᠯ ᠤᠨ ᠬᠥᠨ᠎ᠠ ᠬᠥᠷᠢᠶᠡᠨ᠎ᠠ ᠥᠰᠴᠣ ᠲᠣᠷᠨᠢᠭᠰᠡᠨ ᠡᠷᠭᠡ ᠲᠠᠢ ᠪᠥᠰᠡᠬᠦᠢ᠃ ᠥᠭᠡᠷᠴᠢᠨ ᠳᠤ ᠠᠪᠴᠣ ᠬᠡᠯᠡᠪᠡᠯ ᠡᠭᠡᠨᠡᠷ ᠲᠠᠢ ᠪᠠᠨ ᠬᠤᠷᠢᠮᠯᠠᠭᠰᠠᠨ ᠡᠲᠣᠷ ᠪᠣᠯ ᠡᠷᠯᠢᠭ ᠢᠶᠠᠨ ᠣᠯᠣᠭᠰᠠᠨ ᠬᠠᠷᠠᠰᠠᠯᠲᠠᠢ ᠴᠠᠭ ᠮᠥᠴᠠ ᠮᠥᠨ᠃ ᠡᠭᠡᠨᠡᠷ ᠨᠢ ᠲᠡᠭᠦᠨ ᠤ ᠲᠥᠯᠥᠭᠡ ᠬᠢᠭᠰᠡᠨ ᠭᠠᠭᠴᠠ ᠶᠠᠭᠤᠮ᠎ᠠ ᠭᠡᠪᠡᠯ ᠨᠢᠭᠡ ᠪᠤᠨᠲᠣᠭᠤᠷ ᠴᠠᠭᠠᠨ ᠬᠥᠥ ᠲᠥᠷᠥᠵᠣ ᠥᠭᠴᠠᠢ᠃ ᠲᠡᠭᠦᠨ ᠤ ᠪᠥᠰᠡᠬᠦᠢ ᠨᠢ ᠬᠤᠭᠤᠯᠠᠨ ᠤ ᠡᠷᠢᠨ ᠪᠣᠯᠴᠢᠬᠠᠭᠰᠠᠨ ᠪᠠᠶᠢᠲᠠᠯ᠎ᠠ ᠨᠠᠷᠠᠨᠬᠤᠸᠠᠷ ᠢᠲᠡᠵᠣ ᠫᠢᠰ ᠫᠠᠰ ᠲᠣᠣᠭᠠᠷᠭᠠᠵᠣ ᠯᠠᠷᠵᠢᠶᠠᠯᠠᠵᠣ ᠰᠠᠭᠤᠨ᠎ᠠ᠃ ᠠᠲᠠᠭ ᠲᠤ ᠪᠠᠨ ᠠᠶᠠᠭ᠎ᠠ ᠫᠢᠯᠡ ᠴᠦ ᠵᠥᠭᠡᠭᠡᠲᠡᠭ ᠥᠬᠡᠢ᠃ ᠡᠬᠦᠨ ᠳᠤ ᠲᠠᠷᠡ ᠶᠡᠷᠣ ᠡᠭᠡᠨᠡᠷ ᠲᠤ ᠪᠠᠨ ᠣᠨᠲᠣᠭᠤᠴᠠᠲᠠᠭ ᠥᠬᠡᠢ᠂ ᠣᠴᠢᠷ ᠨᠢ ᠲᠠᠭᠦᠨ ᠰᠢᠭ ᠡᠶᠢᠮᠣ ᠮᠠᠭᠤᠬᠠᠢ ᠲᠥᠷᠥᠭᠰᠡᠨ ᠬᠥᠮᠥᠨ ᠢ ᠬᠠᠷᠢᠨ ᠭᠤᠯᠣᠯ ᠥᠬᠡᠢ ᠪᠣᠭᠲᠣᠯᠠᠵᠣ ᠣᠷᠣᠭᠯᠠᠭᠰᠠᠨ ᠪᠥᠰᠡᠬᠦᠢ ᠳᠤ ᠪᠠᠨ ᠥᠷᠣ ᠵᠢᠷᠣᠭᠡᠨ ᠠᠴᠠ ᠪᠠᠨ ᠲᠠᠯᠠᠷᠬᠠᠨ᠎ᠠ᠃       ᠲᠡᠷᠡ ᠰᠣᠷᠭᠠᠭᠤᠯᠢ ᠳᠤ ᠪᠠᠨ ᠢᠷᠡᠪᠡᠯ ᠠᠯᠪᠠᠨ ᠭᠡᠷ ᠤᠨ ᠢᠶᠠᠨ ᠪᠣᠯᠣᠩ ᠳᠤ ᠬᠢᠯᠦ᠋ᠢᠵᠣ᠂ ᠬᠥᠮᠥᠨ ᠤ ᠣᠷᠣᠨᠴᠤᠭ ᠰᠢᠭ᠋ ᠬᠥᠲᠡᠯᠥᠯ ᠥᠬᠡᠢ ᠰᠠᠭᠤᠲᠠᠭ ᠲᠡᠭᠦᠨ ᠳᠤ ᠪᠣᠰᠣᠳ ᠤᠨ ᠶᠡᠷᠢᠶ᠎ᠡ ᠴᠢᠬᠢᠨ ᠨᠠᠮᠠᠭᠠᠨ ᠳᠤ ᠨᠢ ᠴᠦ ᠨᠠᠭᠠᠯᠲᠣᠬᠤ ᠥᠭᠡᠢ᠃ ᠲᠠᠷᠠ ᠰᠣᠷᠣᠭᠴᠢ ᠳᠤ ᠪᠠᠨ ᠣᠯᠠᠨ ᠣᠯᠠᠨ ᠲᠠᠰᠬᠠᠯ ᠥᠯᠡᠲᠡᠭᠡᠨ᠎ᠠ᠂ ᠬᠢᠴᠢᠶᠠᠯ ᠪᠡᠯᠡᠳᠭᠡᠬᠦ᠂ ᠲᠠᠰᠬᠠᠯ ᠬᠢᠨᠠᠭᠠᠳ ᠯᠡ ᠪᠥᠰᠡᠬᠦ᠋ᠢᠴᠣᠳ ᠤᠨ ᠮᠠᠷᠵᠠᠩ ᠶᠠᠷᠢᠶᠠᠨ ᠠᠴᠠ ᠵᠠᠶᠢᠯᠠᠨ᠎ᠠ᠃       ᠨᠠᠶᠢᠵᠢ ᠨᠥᠭᠦᠳ ᠨᠢ ᠲᠡᠭᠦᠨ ᠢ ᠡᠮᠡᠭᠲᠡᠶᠢᠴᠣᠳ ᠤᠨ ᠲᠣᠮᠲᠠ ᠪᠠᠨ ᠣᠷᠬᠤᠲᠠᠢ ᠪᠣᠯᠴᠢᠬᠠᠵᠠᠢ ᠭᠡᠵᠣ᠂ ᠬᠤᠩᠰᠢᠶᠠᠷ ᠣᠷᠣᠯᠲᠣᠲᠠᠭ ᠨᠢᠭᠡ ᠨᠢ ᠰᠥᠷᠥᠭ ᠭᠡᠭᠦᠤ ᠶᠢᠨ ᠭᠠᠭᠴᠠ ᠠᠵᠢᠷᠭ᠎ᠠ ᠰᠠᠨᠠᠭᠠᠨ ᠲᠠᠪᠠ ᠪᠠᠷ ᠰᠡᠩᠭᠡᠯᠵᠡᠨ᠎ᠠ ᠭᠡᠵᠣ ᠥᠬᠦᠯᠡᠨ᠎ᠠ᠃ ᠡᠶᠢᠮᠣᠷᠭᠦᠥ ᠥᠷᠭᠡᠰᠣ ᠵᠠᠩᠭᠤᠣ ᠮᠡᠲᠣ ᠣᠯᠬᠢᠶ᠎ᠡ ᠥᠭᠡ ᠨᠢ ᠲᠣᠭᠤᠯᠣᠭᠰᠠᠭᠠᠷ ᠯᠡ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠳᠤ ᠪᠠᠨ ᠭᠤᠮᠣᠲᠠᠨ᠎ᠠ᠂ ᠬᠠᠯᠵᠠᠨ ᠮᠠᠨᠢ ᠵᠠᠯᠢ ᠳᠤ ᠪᠠᠨ ᠥᠰᠣ ᠨᠢ ᠬᠠᠯᠴᠠᠭᠠᠶᠢᠷᠠᠴᠢᠬᠠᠵᠠᠢ᠂ ᠶᠠᠪᠣᠨ ᠶᠠᠪᠣᠲᠠᠯ᠎ᠠ ᠣᠲᠠᠰᠣᠨ ᠲᠠᠲᠣᠢ ᠰᠣᠷᠠᠭ ᠵᠠᠲᠠᠷᠠᠭᠤᠯᠣᠭᠰᠠᠨ ᠥᠬᠡᠢ ᠯᠠᠢ ᠶᠢᠨ ᠲᠣᠭᠤᠣᠷ ᠣᠰᠣ ᠬᠥᠶᠥᠯᠭᠡᠲᠡᠭ ᠡᠷ᠎ᠡ᠃ ᠬᠤᠶᠠᠷ ᠵᠢᠯ ᠤᠨ ᠡᠮᠣᠨ᠎ᠠ ᠲᠡᠷᠡ ᠥᠪᠡᠷ ᠤᠨ ᠠᠵᠢᠯ ᠳᠤ ᠪᠠᠨ ᠶᠡᠭᠡ ᠣᠷᠮ᠎ᠠ ᠲᠠᠢ ᠪᠠᠶᠢᠵᠣ᠂ ᠬᠠᠶᠠ ᠪᠠᠰᠠ ᠰᠠᠶᠢᠨ ᠨᠠᠶᠢᠵᠢ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠪᠠᠨ ᠣᠷᠢᠵᠣ ᠬᠤᠶᠠᠷ ᠯᠠᠩ ᠣᠣᠭᠤᠴᠢᠬᠠᠨ᠎ᠠ᠃ ᠭᠡᠪᠡᠴᠣ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠭᠡᠭᠴᠢ ᠣᠷᠠᠨ ᠰᠢᠪᠠᠭᠤᠬᠠᠢ ᠶᠢᠨ ᠡᠭᠦᠷ᠂ ᠣᠬᠠᠭᠠᠨ ᠰᠠᠨᠠᠭᠠᠨ ᠤ ᠣᠭᠤᠲᠠ ᠭᠡᠪᠡᠯ ᠲᠠᠭᠠᠷᠠᠨ᠎ᠠ᠃ ᠰᠡᠪ ᠰᠡᠮᠡᠭᠡᠷ ᠢᠶᠠᠨ ᠬᠤᠰᠢᠭᠤᠨ ᠤ ᠰᠣᠷᠭᠠᠨ ᠬᠥᠮᠥᠵᠢᠯ ᠤᠨ ᠲᠣᠪᠴᠢᠶᠠᠨ ᠳᠤ ᠠᠵᠢᠯ ᠰᠢᠯᠵᠢᠵᠠᠢ᠃ ᠥᠭᠡᠷᠴᠢᠨ ᠠᠴᠠ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠶᠢᠨ ᠰᠣᠷᠭᠠᠨ ᠬᠥᠮᠥᠵᠢᠯ ᠤᠨ ᠲᠣᠪᠴᠢᠶᠠᠨ ᠳᠤ ᠰᠢᠯᠵᠢᠭᠰᠡᠨ ᠤ ᠲᠠᠷᠦ᠋ᠢᠬᠠᠨ ᠲᠡᠭᠦᠨ ᠢ ᠡᠷᠢᠵᠣ ᠠᠭᠤᠯᠵᠠᠭᠠᠳ᠄       — — ᠬᠠᠯᠵᠠᠨ ᠡ᠂ ᠲᠠ ᠬᠠᠮᠢᠭ᠎ᠠ ᠭᠡᠳ ᠶᠠᠪᠣᠯᠭᠠᠨ ᠥᠬᠡᠢ᠂ ᠪᠢᠲᠠ ᠬᠤᠶᠠᠭᠤᠯᠠ ᠨᠢᠭᠡ ᠪᠠᠶᠢᠭᠤᠯᠭ᠎ᠠ ᠳᠤ ᠬᠠᠨᠢ ᠲᠠᠢ ᠪᠢᠰᠢᠣ ᠭᠡᠬᠦ ᠳᠤ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠨᠢ ᠬᠠᠲᠠᠭᠠᠨᠠᠲᠠᠯ᠎ᠠ ᠢᠨᠢᠶᠡᠭᠡᠳ᠄        — — ᠨᠢᠭᠡ ᠰᠥᠷᠥᠭ ᠲᠤ ᠬᠤᠶᠠᠷ ᠪᠣᠬ᠎ᠠ ᠪᠠᠶᠢᠵᠣ ᠪᠣᠯᠬᠤ ᠥᠬᠡᠢ᠂ ᠪᠢ ᠴᠢᠮ᠎ᠠ ᠲᠠᠢ ᠰᠥᠷᠥᠭ ᠤᠨ ᠲᠥᠷᠥᠬᠦᠥ ᠶᠢ ᠪᠣᠯᠢᠶᠠᠯᠲᠣᠭᠠᠳ ᠲᠠᠶᠢᠯᠬᠦ ᠶᠠᠭᠤᠮ᠎ᠠ ᠪᠢᠰᠢ ᠭᠡᠳ ᠬᠢᠳ ᠬᠢᠳ ᠢᠨᠢᠶᠡᠪᠡ᠃ ᠲᠡᠭᠦᠨ ᠠᠴᠠ ᠡᠭᠢᠯᠡᠭᠡᠳ ᠥᠭᠡᠷᠴᠢᠨ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠳᠤ ᠪᠠᠨ ᠥᠬᠦᠨ ᠭᠤᠮᠣᠲᠠᠵᠣ᠂ ᠭᠠᠭᠴᠠᠭᠠᠷᠲᠠᠯ ᠤᠨ ᠲᠠᠯᠠᠢ ᠳᠤ ᠭᠠᠩᠰᠠᠷᠠᠵᠣ ᠵᠢᠪᠪᠣᠯ᠎ᠠ᠃       ᠥᠭᠡᠷᠴᠢᠨ ᠪᠠᠭᠰᠢ ᠥᠪᠡᠷ ᠢ ᠪᠠᠨ ᠰᠡᠳᠬᠢᠴᠡ ᠶᠢᠨ ᠡᠪᠡᠳᠴᠢᠨ ᠲᠠᠢ ᠪᠣᠯᠴᠢᠬᠠᠵᠠᠢ ᠭᠡᠰᠡᠨ ᠢ ᠰᠣᠨᠣᠰᠣᠭᠠᠳ ᠢᠲᠡᠭᠡᠵᠣ ᠶᠠᠲᠠᠨ᠎ᠠ᠃ ᠲᠠᠷᠠ ᠰᠥᠨᠠᠰᠣ ᠪᠠᠨ ᠭᠡᠭᠡᠭᠰᠡᠨ ᠬᠥᠮᠥᠨ ᠰᠢᠭ ᠰᠥᠷ ᠰᠥᠯᠲᠠ ᠮᠠᠭᠤᠲᠠᠢ ᠠᠵᠢᠯᠯᠠᠨ᠎ᠠ᠃ ᠲᠥᠯᠬᠢᠬᠦᠷ ᠢᠶᠠᠨ ᠠᠳᠬᠤᠵᠣ ᠪᠠᠶᠢᠭᠠᠳ ᠲᠥᠯᠬᠢᠬᠦᠷ ᠢᠶᠠᠨ ᠡᠷᠢᠨ᠎ᠠ᠂ ᠬᠠᠮᠤᠭ ᠢᠨᠢᠶᠡᠲᠣᠮᠲᠠᠢ ᠨᠢ ᠬᠢᠴᠢᠶᠡᠯ ᠡᠭᠢᠯᠡᠬᠦ ᠥᠶ᠎ᠡ ᠳᠤ ᠰᠣᠷᠣᠭᠴᠢᠳ ᠨᠢ ᠲᠡᠭᠦᠨ ᠳᠤ ᠪᠣᠰᠴᠣ ᠵᠣᠭᠰᠣᠭᠠᠳ ᠮᠡᠨᠲᠣᠴᠢᠯᠡᠭᠰᠡᠨ ᠪᠠᠶᠢᠳᠠᠯ᠎ᠠ ᠪᠠᠨ ᠬᠠᠷᠢᠨ ᠭᠡᠲᠣᠨ ᠮᠢᠨᠦ᠋ᠲ ᠤᠨ ᠲᠠᠷᠠᠭ᠎ᠠ ᠲᠠᠬᠢᠨ ᠬᠢᠴᠢᠶᠡᠯ ᠣᠷᠣᠬᠤ ᠲᠣᠬᠢᠶ᠎ᠡ ᠥᠭᠴᠣ ᠰᠣᠷᠣᠭᠴᠢᠳ ᠢᠶᠠᠨ ᠵᠣᠭᠰᠣᠭᠠᠭᠰᠠᠨ ᠶᠠᠪᠣᠲᠠᠯ ᠭᠠᠷᠴᠠᠢ᠃ ᠲᠡᠭᠡᠷ᠎ᠡ ᠭᠠᠷᠠᠭ ᠤᠨ ᠬᠤᠶᠠᠷ ᠤᠨ ᠥᠲᠡ ᠶᠢᠨ ᠬᠤᠭᠤᠯᠠᠨ ᠰᠢᠷᠡᠭᠡᠨ ᠲᠡᠭᠡᠷ᠎ᠡ ᠥᠭᠡᠷᠴᠢᠨ ᠪᠠᠭᠰᠢ ᠰᠣᠷᠭᠠᠭᠤᠯᠢ ᠶᠢᠨ ᠢᠶᠠᠨ ᠰᠡᠳᠬᠢᠴᠠ ᠵᠥᠪᠲᠠᠯ ᠤᠨ ᠥᠷᠡᠯᠡ ᠪᠠᠭᠰᠢ ᠳᠤ ᠥᠪᠡᠷ ᠤᠨ ᠢᠯᠡᠷᠡᠯ ᠢᠶᠠᠨ ᠬᠡᠯᠡᠭᠰᠡᠨ ᠳᠤ᠂ ᠬᠤᠭᠤᠯᠠᠨ ᠤ ᠲᠠᠷᠠᠭ᠎ᠠ ᠥᠷᠡᠯᠡ ᠪᠠᠭᠰᠢ ᠰᠡᠳᠬᠢᠴᠠ ᠵᠥᠪᠲᠠᠯ ᠤᠨ ᠲᠠᠰᠤᠭ ᠲᠤ ᠪᠠᠨ ᠲᠡᠭᠦᠨ ᠢ ᠲᠠᠭᠤᠲᠠᠯ᠎ᠠ᠃ ᠲᠠᠰᠤᠭ ᠲᠤ ᠭᠤᠷᠪᠠᠨ ᠡᠮᠡᠭᠲᠡᠢ ᠪᠠᠭᠰᠢ ᠠᠯᠪᠠᠨ ᠰᠢᠷᠡᠭᠡᠨ ᠲᠡᠭᠡᠷ᠎ᠡ ᠪᠠᠨ ᠨᠠᠮᠪᠠᠭᠠᠲᠠᠢ ᠰᠠᠭᠤᠵᠠᠭᠠᠨ᠎ᠠ᠃ ᠥᠷᠡᠯᠡ ᠪᠠᠭᠰᠢ ᠲᠡᠭᠦᠨ ᠢᠶᠠᠷ ᠭᠠᠷ ᠣᠲᠠᠰᠣᠨ ᠲᠡᠭᠡᠷ᠎ᠡ ᠲᠥᠷᠰᠣ ᠰᠣᠨᠢᠷᠬᠠᠭᠤᠯᠵᠣ᠂ ᠡᠯᠡᠰᠣᠨ ᠴᠠᠷ᠎ᠡ ᠳᠤ ᠰᠢᠲᠡᠷ᠎ᠡ ᠨᠠᠭᠠᠲᠣᠭᠤᠯᠵᠣ᠂ ᠥᠪᠡᠷ ᠲᠠᠢ ᠨᠢ ᠵᠣᠭᠤᠭᠲᠠᠭᠰᠠᠨ ᠤ ᠳ᠋ᠥᠩ ᠳᠤ ᠠᠯᠪᠠᠷᠠᠬᠤ ᠭᠡᠮ ᠰᠠᠭᠤᠭᠰᠠᠨ ᠮᠥᠷᠲᠡᠭᠡᠨ ᠨᠠᠯᠢᠶᠠᠳ ᠬᠥᠨᠲᠣ ᠭᠡᠮᠡᠨ ᠣᠨᠣᠰᠢᠯᠠᠯ᠎ᠠ᠃ ᠭᠤᠷᠪᠠᠨ ᠡᠮᠡᠭᠲᠡᠢ ᠰᠠᠳᠬᠢᠴᠠ ᠵᠥᠪᠲᠡᠯ ᠤᠨ ᠪᠠᠭᠰᠢ ᠲᠠᠭᠦᠨ ᠢ ᠬᠤᠷᠠᠭ᠎ᠠ ᠴᠢᠮᠬᠢᠬᠦ‍ ᠰᠢᠭ ᠬᠥᠪ ᠭᠥᠩᠭᠡᠭᠡᠨ ᠪᠣᠬᠢᠨᠢᠲᠣᠯ ᠲᠠᠶᠢᠯᠬᠤ ᠲᠠᠰᠤᠭ ᠤᠨ ᠢᠯᠢᠨ ᠵᠠᠰᠠᠬᠤ ᠣᠷᠣ ᠲᠡᠭᠡᠷ᠎ᠡ ᠪᠠᠨ ᠭᠡᠪᠲᠡᠭᠦᠯᠥᠯ᠎ᠠ᠃ ᠶᠠᠭᠤᠮ᠎ᠠ ᠬᠤᠪᠣᠷ ᠲᠤ ᠪᠠᠨ ᠡᠷᠭᠢᠮᠰᠥᠭ᠂ ᠭᠠᠭᠴᠠ ᠡᠷᠡᠭᠲᠡᠢ ᠪᠠᠭᠰᠢ ᠶᠢ ᠪᠠᠨ ᠪᠣᠣ ᠯᠡ ᠥᠬᠦᠭᠦᠯᠴᠢᠭᠡᠶ᠎ᠡ ᠭᠡᠵᠣ ᠪᠣᠲᠣᠵᠣ ᠪᠠᠶᠢᠭ᠎ᠠ ᠨᠢ ᠥᠷᠡᠯᠡ ᠪᠠᠭᠰᠢ ᠶᠢᠨ ᠴᠢᠷᠠᠢ ᠳᠤ ᠪᠢᠴᠢᠭᠡᠰᠣᠲᠠᠢ᠃ ᠥᠷᠡᠯᠡ ᠪᠠᠭᠰᠢ᠂ ᠨᠠ᠊ ᠪᠠᠭᠰᠢ ᠲᠡᠭᠦᠨ ᠤ ᠬᠤᠶᠡᠷ ᠭᠠᠷ ᠢ ᠨᠢ ᠲᠠᠯᠠᠵᠣ ᠥᠶ᠎ᠡ ᠭᠡᠰᠢᠬᠦᠥ ᠶᠢ ᠨᠢ ᠢᠯᠢᠨ ᠨᠣᠬᠤᠯᠠᠵᠣ᠂ ᠰᠠ᠊ ᠪᠠᠭᠰᠢ ᠬᠠᠷᠢᠨ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠣ ᠲᠠᠭᠤᠯᠠᠬᠰᠠᠨ ᠠᠴᠠ ᠲᠣᠲᠣᠷ ᠨᠢ ᠭᠡᠷᠡᠯᠲᠥᠴᠢᠭᠡᠯ᠎ᠠ᠃ ᠥᠨᠡᠨ ᠳᠤ ᠪᠠᠨ ᠥᠷᠡᠯᠡ ᠪᠠᠭᠰᠢ᠂ ᠥᠭᠡᠷᠴᠢᠨ ᠢ ᠠᠩᠬᠠᠷᠣᠨ ᠬᠠᠯᠠᠮᠵᠢᠯᠠᠬᠤ ᠪᠣᠯᠣᠭᠰᠠᠨ ᠨᠢ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠶᠢᠨ ᠠᠵᠢᠯ ᠰᠢᠯᠵᠢᠭᠰᠡᠨ ᠲᠠᠢ ᠬᠠᠮᠢᠶ᠎ᠡ ᠥᠬᠡᠢ ᠶᠣᠮ᠃ ᠨᠠᠯᠠᠭᠠᠷᠬᠠᠨ ᠬᠠᠪᠣᠷ ᠤᠨ ᠡᠲᠣᠷ᠂ ᠬᠠᠶᠢᠯᠠᠰᠣᠲᠠᠢ ᠰᠣᠷᠭᠠᠭᠤᠯᠢ ᠶᠢᠨ ᠬᠢᠨ ᠵᠢᠯ ᠪᠥᠷᠢ ᠶᠢᠨ ᠨᠢᠭᠡ ᠣᠲᠠᠭᠠᠨ ᠤ ᠬᠥᠨᠲᠣ ᠬᠥᠩᠭᠡᠨ ᠪᠡᠶ᠎ᠡ ᠲᠠᠮᠢᠷ ᠤᠨ ᠣᠷᠣᠯᠲᠣᠭᠠᠨ ᠢᠶᠠᠨ ᠡᠷᠭᠢᠯᠡᠪᠡ᠃ ᠡᠬᠢᠯᠡᠯᠲᠡ ᠶᠢᠨ ᠶᠣᠰᠣᠯᠠᠯ ᠲᠠᠭᠤᠰᠴᠣ᠂ ᠵᠠᠭᠤᠨ ᠮᠧᠲᠷ ᠤᠨ ᠣᠷᠣᠯᠲᠣᠭᠠᠨ ᠡᠭᠢᠯᠠᠯ᠎ᠠ᠃ ᠣᠣᠯ ᠨᠢ ᠡᠬᠢᠯᠡᠯᠲᠡ ᠶᠢᠨ ᠴᠡᠭ ᠤᠨ ᠫᠣᠣ ᠶᠢ ᠥᠭᠡᠷᠴᠢᠨ ᠪᠠᠭᠰᠢ ᠲᠠᠯᠪᠢᠲᠠᠭ᠃ ᠥᠨᠣ ᠵᠢᠯ ᠪᠠᠭᠰᠢ ᠮᠢᠨᠢ ᠬᠢᠮᠥᠷᠠᠭ᠎ᠠ ᠳᠤ ᠨᠠᠷᠪᠡᠭᠲᠡᠵᠣ ᠣᠷᠣᠯᠲᠣᠭᠠᠨ ᠳᠤ ᠢᠷᠡᠭᠰᠡᠨ ᠥᠬᠡᠢ᠃ ᠥᠭᠡᠷᠴᠢᠨ ᠢ ᠣᠷᠣᠯᠠᠵᠣ ᠫᠣᠣ ᠲᠠᠯᠪᠢᠭᠰᠠᠨ ᠬᠢᠨᠠᠭᠴᠢ ᠪᠣᠯ ᠰᠡᠳᠬᠢᠴᠠ ᠵᠥᠪᠲᠠᠯ ᠤᠨ ᠲᠠᠰᠤᠭ ᠤᠨ ᠥᠷᠡᠯᠡ ᠪᠠᠭᠰᠢ ᠶᠣᠮ᠃ ᠵᠠᠭᠤᠨ ᠮᠧᠲᠷ ᠤᠨ ᠡᠭᠢᠯᠡᠯᠲᠡ ᠶᠢᠨ ᠴᠡᠭ ᠲᠤ ᠲᠣᠭᠤᠰᠣ ᠪᠣᠵᠢᠬᠢᠨᠠᠵᠣ᠂ ᠵᠠᠯᠠᠭᠤ ᠲᠠᠮᠢᠷᠴᠢᠳ ᠣᠶᠠᠭ᠎ᠠ ᠪᠠᠨ ᠲᠣᠭᠤᠷᠢᠨ ᠲᠡᠪᠭᠡᠴᠡᠭᠦ ᠰᠦᠢᠭᠠᠳ ᠣᠲᠠᠭᠰᠠᠨ ᠮᠣᠷᠢᠳ ᠰᠢᠭ᠋ ᠥᠰᠣᠷᠴᠣ ᠬᠠᠷᠠᠶᠢᠨ᠎ᠠ᠃ ᠥᠵᠡᠭᠴᠢᠳ ᠣᠷᠣᠯᠲᠣᠬᠤ ᠶᠢ ᠬᠥᠯᠢᠶᠡᠭᠰᠡᠭᠡᠷ᠂ ᠥᠷᠡᠯᠡ ᠪᠠᠭᠰᠢ ᠶᠢᠨ ᠫᠣᠣ ᠲᠠᠭ ᠲᠣᠭᠤᠢ᠃ ᠲᠣᠭᠢᠶᠠᠨ ᠫᠣᠣ ᠴᠦ ᠭᠠᠷ ᠢᠯᠭᠠᠲᠠᠭ ᠪᠠᠶᠢᠵᠣ ᠳ᠋ᠠ᠃ ᠬᠥᠮᠥᠰ ᠪᠥᠷ ᠵᠢᠲᠠᠨ ᠥᠵᠥᠬᠦᠷ ᠢᠶᠠᠨ ᠥᠷᠡᠯᠡ ᠪᠠᠭᠰᠢ ᠳᠤ ᠬᠠᠨᠲᠣᠭᠤᠯᠵᠣ᠂ ︽ᠴᠢᠲᠠᠬᠤ ᠥᠬᠡᠢ ᠪᠣᠯ ᠪᠠᠶᠢᠴᠢᠬ᠎ᠠ︾ ᠭᠡᠵᠣ ᠴᠢᠷᠠᠶᠢᠯᠠᠨ ᠬᠠᠰᠬᠢᠷᠴᠣ ᠣᠶᠢᠮᠠᠯᠲᠣᠵᠣ ᠡᠭᠢᠯᠡᠪᠡ᠃ ᠬᠠᠰᠬᠢᠷᠬᠤ ᠲᠠᠭᠤᠨ ᠳᠤ ᠥᠷᠡᠯᠡ ᠪᠠᠭᠰᠢ ᠣᠯᠠᠮ ᠪᠠᠴᠢᠮᠲᠠᠨ ᠰᠠᠡᠲᠣᠷᠴᠣ ︽ᠪᠢ ᠡᠨᠡ ᠠᠵᠢᠯ ᠢ ᠴᠢᠨᠢ ᠬᠢᠪᠠᠯ ᠶᠠᠭᠠᠬᠢᠨ᠎ᠠ᠂ ᠬᠢᠬᠦ ᠥᠬᠡᠢ ᠪᠣᠯ ᠶᠠᠭᠠᠬᠢᠨ᠎ᠠ︾ ᠭᠡᠵᠣ ᠠᠭᠠᠰᠢᠯᠠᠵᠣ ᠫᠣᠣ ᠪᠠᠨ ᠭᠠᠵᠠᠷ ᠪᠠᠯᠪᠠᠵᠣ ᠭᠠᠲᠠᠭᠰᠢ ᠪᠠᠨ ᠬᠥᠶᠥᠴᠢᠭᠡᠪᠡ᠃ ᠮᠣᠬᠤᠷᠲᠠᠯ ᠲᠣᠯᠭᠠᠮᠲᠠᠯ ᠳᠤ ᠭᠡᠲᠡᠷᠭᠦ ᠬᠠᠷᠢᠨ ᠵᠠᠮ ᠰᠠᠷᠠᠭᠤᠯᠵᠢᠵᠣ ᠠᠷᠭ᠎ᠠ ᠣᠯᠲᠠᠨ᠎ᠠ᠃ ᠠᠯᠠᠭ᠎ᠠ ᠲᠠᠰᠢᠯᠲᠠ ᠨᠢᠵᠢᠬᠢᠨᠡᠪᠡ᠃ ᠲᠠᠮᠢᠷ ᠤᠨ ᠲᠠᠯᠠᠪᠣᠷ ᠲᠤ ᠥᠭᠡᠷᠴᠢᠨ ᠪᠠᠭᠰᠢ ᠭᠤᠷᠣᠯᠵᠡᠨ ᠮᠣᠰᠬᠢᠯᠵᠡᠨ ᠣᠷᠣᠵᠣ ᠢᠷᠡᠯ᠎ᠠ ᠃ ᠡᠭᠢᠯᠡᠯᠲᠡ ᠶᠢᠨ ᠫᠣᠣ ᠬᠤᠵᠢᠮᠲᠠᠭᠰᠠᠨ ᠴᠦ ︽ᠲᠠᠰ ᠨᠢᠰ︾ ᠭᠡᠵᠣ ᠰᠠᠶᠢᠬᠠᠨ ᠲᠣᠣᠭᠠᠷᠪᠠ᠃ ᠵᠠᠯᠠᠭᠤ ᠲᠠᠮᠢᠷᠴᠢᠳ ᠡᠴᠣᠰ ᠤᠨ ᠴᠡᠭ ᠢ ᠣᠣᠬᠠᠶᠢᠯᠠᠨ ᠰᠢᠪᠲᠣᠯᠣᠨ᠎ᠠ᠃ ᠣᠷᠣᠯᠲᠣᠭᠠᠨ ᠤ ᠲᠠᠷᠠᠭ᠎ᠠ ᠥᠭᠡᠷᠴᠢᠨ ᠠᠴᠠ ᠥᠷᠡᠯᠡ ᠪᠠᠭᠰᠢ ᠶᠢ ᠡᠷᠢᠵᠣ᠂ ᠲᠣᠭᠢᠶᠠᠨ ᠫᠣᠣ ᠶᠢ ᠢᠩᠬᠢᠵᠣ ᠴᠢᠩᠬᠢᠵᠣ ᠵᠠᠷᠣᠲᠠᠭ᠂ ︽ᠲᠠ ᠪᠡᠶ᠎ᠡ ᠪᠠᠨ ᠵᠤᠪᠠᠭ᠋ᠤ ᠬᠡᠷᠡᠭ ᠦᠭᠡᠢ᠂ ᠣᠴᠠᠷᠠᠭ᠎ᠠ ᠥᠬᠡᠢ ᠨᠣᠶᠠᠨ ᠪᠠᠷᠰ᠂ ᠶᠠᠪᠣᠭ᠎ᠠ ᠥᠬᠡᠢ ᠵᠠᠮ ᠲᠠᠮᠣ︾ ᠭᠡᠵᠣ ᠲᠠᠶᠢᠳᠬᠤᠷᠠᠭᠤᠯᠵᠠᠢ᠃ ᠬᠥᠮᠥᠨ ᠭᠡᠰᠡᠨ ᠴᠢᠨᠢ ᠠᠮᠠᠷᠬᠠᠨ ᠭᠡᠪᠡᠯ ᠲᠣᠩ ᠠᠮᠠᠷᠬᠠᠨ᠂ ᠲᠥᠭᠦᠮ ᠭᠡᠲᠥᠭᠡᠨ ᠥᠭᠡᠨ ᠳᠤ ᠰᠡᠳᠬᠢᠯ ᠣᠶᠠᠷᠠᠴᠢᠬᠠᠲᠠᠭ᠃       ᠲᠠᠷᠠ ᠣᠣᠯ ᠨᠢ ᠪᠠᠭᠰᠢ ᠶᠢᠨ ᠠᠵᠢᠯ ᠳᠤ ᠲᠣᠩ ᠬᠠᠶᠢᠷᠠᠲᠠᠢ᠃ ᠭᠡᠪᠡᠴᠣ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠠᠵᠢᠯ ᠰᠢᠯᠵᠢᠭᠰᠡᠨ ᠠᠴᠠ ᠲᠠᠷᠠ ᠪᠠᠰᠠ ᠰᠣᠷᠭᠠᠭᠤᠯᠢ ᠳᠤ ᠪᠠᠨ ᠰᠠᠭᠤᠬᠤ ᠰᠠᠨᠠᠭ᠎ᠠ ᠥᠬᠡᠢ ᠪᠣᠯᠵᠠᠢ᠃ ᠥᠭᠡᠷᠴᠢᠨ ᠪᠠᠭᠰᠢ ᠠᠵᠢᠯ ᠢᠶᠠᠨ ᠰᠣᠯᠢᠬᠤ ᠭᠡᠳ ᠭᠡᠲᠣ ᠣᠲᠠᠭ᠎ᠠ ᠣᠷᠣᠯᠲᠣᠵᠣ ᠥᠵᠡᠭᠰᠡᠨ ᠪᠣᠯᠪᠠᠴᠣ ᠭᠡᠷᠢᠶ᠎ᠡ ᠭᠠᠯᠠᠭᠤ ᠶᠢ ᠲᠠᠭᠤᠷᠢᠶᠠᠵᠣ ᠣᠰᠣᠨ ᠳᠤ ᠣᠨᠠᠭᠰᠠᠨ ᠭᠡᠷᠡᠭ ᠪᠣᠯᠵᠠᠢ᠃ ᠨᠡᠩ ᠴᠦ ︽ᠲᠠᠨ ᠤ ᠣᠷᠭᠤᠵᠣ ᠲᠥᠷᠥᠭᠰᠡᠨ ᠴᠢᠨᠢ ᠪᠠᠶᠢᠭᠤᠯᠭ᠎ᠠ ᠶᠢᠨ ᠲᠥᠷᠭᠦ ᠶᠢ ᠪᠠᠯᠠᠷᠠᠭᠤᠯᠵᠣ ᠣᠷᠭᠢᠨ᠎ᠠ︾ ᠭᠡᠰᠡᠨ ᠣᠬᠤᠷ ᠴᠢᠮᠡᠭᠡ ᠶᠢ ᠲᠣᠰᠣᠭᠠᠳ ᠵᠢᠷᠣᠭᠡ ᠨᠢ ᠨᠢᠭᠡᠮᠥᠰᠣᠨ ᠰᠢᠮᠰᠢᠷᠡᠵᠣ ᠠᠵᠢᠯ ᠢᠶᠠᠨ ᠰᠣᠯᠢᠬᠤ ᠪᠣᠲᠣᠯ ᠢᠶᠠᠨ ᠬᠤᠷᠢᠶᠠᠵᠠᠢ᠃ ᠣᠲᠠᠭ᠎ᠠ ᠪᠣᠯᠭᠠᠨ ᠤ ᠪᠠᠭᠰᠢ ᠡᠯᠰᠡᠭᠦ ᠰᠢᠯᠭᠠᠯᠲᠠ ᠳᠤ ᠲᠠᠷᠠ ᠡᠷᠡᠭᠲᠡᠢ ᠪᠠᠭᠰᠢ ᠰᠢᠯᠭᠠᠭᠲᠠᠨ ᠢᠷᠡᠭᠦ ᠶᠢ ᠮᠠᠰᠢ ᠬᠥᠰᠡᠲᠡᠭ ᠶᠣᠮ᠃          ᠲᠡᠭᠦᠨ ᠤ ᠬᠠᠮᠲᠣ ᠰᠣᠷᠣᠯᠭᠠᠲᠠᠨ ᠴᠣᠭᠵᠢᠯ ᠨᠢ ᠬᠤᠰᠢᠭᠤᠨ ᠤ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠲᠣᠪᠴᠢᠶᠠᠨ ᠳᠤ ᠠᠵᠢᠯᠯᠠᠲᠠᠭ ᠶᠣᠮ᠃       ᠲᠡᠭᠡᠷ᠎ᠡ ᠭᠠᠷᠠᠭ ᠤᠨ ᠵᠢᠷᠭᠤᠭᠠᠨ ᠤ ᠣᠷᠥᠢ ᠶᠢᠨ ᠨᠠᠶᠢᠷ ᠲᠤ ᠪᠠᠨ ᠥᠭᠡᠷᠴᠢᠨ ᠢ ᠣᠷᠢᠯ᠎ᠠ᠃ ᠥᠲᠡᠰᠢᠯᠡᠭᠡ ᠳᠤ ᠲᠠᠷᠠ ᠬᠤᠶᠠᠷ ᠠᠴᠠ ᠪᠣᠰᠣᠳ ᠪᠠᠰᠠ ᠰᠣᠷᠭᠠᠨ ᠬᠥᠮᠥᠵᠢᠯ ᠤᠨ ᠲᠣᠪᠴᠢᠶᠠᠨ ᠤ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ᠂ ᠲᠣᠲᠣᠭᠠᠲᠣ ᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠨ ᠤ ᠠᠯᠲᠠ᠂ ᠴᠢᠯᠠᠭᠤᠨ ᠲᠣᠰᠣᠨ ᠤ ᠺᠣᠮᠫᠠᠨᠢ ᠶᠢᠨ ᠠᠭᠤᠯᠠ ᠨᠡᠷ ᠪᠠᠶᠢᠯᠴᠠᠪᠠ᠃       ᠮᠣᠩᠭᠤᠯᠴᠣᠳ ᠤᠨ ᠨᠠᠶᠢᠷ ᠲᠤ ᠠᠷᠢᠬᠢ ᠮᠢᠬ᠎ᠠ ᠲᠣᠲᠠᠲᠠᠭ ᠥᠬᠡᠢ᠃ ᠭᠤᠣᠯ ᠰᠠᠭᠤᠲᠠᠯ ᠳᠤ ᠲᠣᠲᠣᠭᠠᠲᠣ ᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠨ ᠤ ᠠᠯᠲᠠ ᠰᠠᠭᠠᠲᠠᠵᠣ ᠲᠡᠭᠦᠨ ᠢ ᠬᠤᠶᠠᠷ ᠭᠠᠷᠯᠠᠨ ᠴᠣᠭᠵᠢᠯ᠂ ᠠᠭᠤᠯᠠ᠂ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠰᠠᠭᠤᠪᠠ᠃ ᠥᠭᠡᠷᠴᠢᠨ ᠪᠠᠭᠰᠢ ᠥᠢᠯᠡᠴᠢᠯᠡᠭᠡ ᠶᠢᠨ ᠨᠣᠭᠤᠭ᠎ᠠ ᠵᠥᠭᠡᠭᠡᠲᠡᠭ ᠵᠠᠮ ᠢ ᠪᠥᠭᠯᠡᠨ ᠪᠣᠭᠵᠦ᠋ᠢᠨ ᠰᠠᠭᠤᠵᠠᠢ᠃ ᠠᠷᠢᠬᠢᠨ ᠤ ᠬᠠᠯᠠᠭᠤᠨ ᠲᠣᠲᠣᠷ ᠠᠴᠠ ᠪᠠᠲᠠᠷᠠᠨ ᠲᠠᠭᠤᠨ ᠤ ᠰᠢᠷᠣᠩᠬᠠᠶᠢᠯᠠᠯ ᠣᠶᠣᠨ ᠢ ᠬᠥᠭᠡᠷᠥᠬᠦᠯᠥᠨ ᠨᠠᠶᠢᠷ ᠥᠨᠲᠥᠷᠯᠡᠬᠦ ᠶᠢᠨ ᠠᠰ ᠢᠶᠠᠷ᠄       — — ᠣᠲᠣ ᠭᠡᠨ ᠨᠠᠶᠢᠷ ᠲᠤ ᠠᠷᠢᠬᠢ ᠡᠷᠭᠦᠭᠡᠲᠥᠢ ᠪᠢᠯᠡ ᠭᠡᠵᠣ ᠴᠣᠭᠵᠢᠯ ᠲᠥᠲᠡᠭᠡᠯᠵᠡᠨ ᠠᠰᠠᠭᠤᠬᠤ ᠳᠤ᠂ ᠥᠭᠡᠷᠴᠢᠨ ᠪᠠᠭᠰᠢ ᠪᠠᠷᠰ ᠤᠨ ᠰᠥᠷ ᠲᠤ ᠵᠢᠷᠣᠭᠡᠰᠢᠶᠡᠭᠰᠡᠨ ᠪᠥᠵᠥᠩ ᠰᠢᠭ ᠰᠠᠯᠭᠠᠨᠠᠨ ᠴᠡᠴᠡᠷᠭᠢᠯᠡᠭᠰᠡᠭᠡᠷ ᠪᠣᠰᠴᠣ ᠵᠣᠭᠰᠣᠬᠤ ᠳᠤ ᠨᠢ ᠰᠢᠨᠠ ᠶᠢ ᠨᠢ ᠲᠠᠭᠠᠵᠣ ᠬᠥᠯᠥᠰᠣ ᠲᠠᠭᠠᠪᠥᠷᠢᠯᠠᠪᠠ᠃       — — ᠣᠣ᠂ ᠪᠣᠬ᠎ᠠ ᠪᠠᠭᠰᠢ ᠠᠷᠢᠬᠢ ᠡᠷᠭᠦᠭᠡᠲᠥᠢ ᠰᠢᠲᠠ ᠭᠡᠵᠣ ᠬᠠᠯᠵᠡᠨ ᠲᠣᠯᠣᠭᠠᠶᠢᠲᠣ ᠢᠨᠢᠶᠡᠬᠦ ᠳᠤ ᠣᠯᠠᠨ ᠢᠶᠠᠷ ᠴᠦ ᠬᠥᠷᠴᠢᠬᠢᠨᠠᠨ ᠱᠣᠣᠬᠢᠯ᠎ᠠ᠃ ᠲᠣᠲᠣᠭᠠᠲᠣ ᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠨ ᠤ ᠠᠯᠲᠠ ᠲᠠᠷᠤᠭ᠎ᠠ ᠥᠭᠡᠷᠴᠢᠨ ᠪᠠᠭᠰᠢ ᠶᠢ ᠬᠢᠯᠠᠶᠢᠵᠣ ᠬᠠᠷᠠᠵᠣ ᠠᠪᠣᠭᠰᠠᠨ ᠢᠶᠠᠨ᠂ ᠪᠠᠭᠰᠢ ᠬᠥᠮᠥᠨ ᠭᠡᠰᠡᠨ ᠴᠢᠨᠢ ᠭᠡᠴᠡᠭᠦᠥ ᠶᠠᠷᠢ᠊ ᠡᠶ᠎ᠡ ᠶᠣᠮ ᠡ᠂ ᠮᠠᠨ ᠤ ᠪᠢᠴᠢᠭ ᠥᠵᠡᠵᠣ ᠪᠠᠶᠢᠬᠤ ᠳᠤ ᠨᠢᠭᠡ ᠭᠡᠨᠲᠡᠨ ᠭᠡᠲᠡᠭ ᠶᠠᠷᠢᠶ᠎ᠡ ᠪᠠᠭᠰᠢ ᠪᠠᠶᠢᠭᠰᠠᠨ᠂ ᠲᠠᠷᠠ ᠪᠠᠭᠰᠢ ᠶᠢᠨ ᠬᠢᠴᠢᠶᠠᠯ ᠢ ᠣᠷᠣᠬᠤ ᠳᠤ ᠪᠠᠨ ᠪᠢᠲᠠ ᠬᠠᠯᠢᠷᠠᠲᠠᠭ᠂ ᠬᠥᠢ᠂ ᠬᠢᠴᠢᠶᠡᠯ ᠤᠨ ᠵᠠᠪᠰᠠᠷᠯᠠᠭ᠎ᠠ ᠭᠡᠵᠣ ᠲᠡᠭᠦᠨ ᠳᠤ ᠪᠠᠷᠤᠭ ᠪᠠᠶᠢᠲᠠᠭ ᠥᠬᠡᠢ᠃ ᠮᠠᠨ ᠤ ᠥᠭᠡᠷᠴᠢᠨ ᠪᠠᠭᠰᠢ ᠲᠠᠶᠢᠮᠣ ᠪᠢᠰᠢ ᠪᠠᠶᠢᠬᠤ ᠡ ᠭᠡᠳ ᠱᠣᠭᠯᠠᠯ᠎ᠠ᠃        ᠴᠢᠯᠠᠭᠤᠨ ᠲᠣᠰᠣᠨ ᠤ ᠺᠣᠮᠫᠠᠨᠢ ᠶᠢᠨ ᠠᠭᠤᠯᠠ ᠭᠡᠨᠡᠳᠲᠠ ᠭᠡᠭᠡᠷᠡᠭᠰᠡᠨ ᠰᠢᠭ᠄       — — ᠮᠠᠨ ᠤ ᠪᠢᠴᠢᠭ ᠥᠵᠡᠵᠣ ᠪᠠᠶᠢᠬᠤ ᠳᠤ ᠵᠠᠩ ᠣᠪᠣᠭᠲᠠᠢ ᠲᠡᠥᠭᠡ ᠶᠢᠨ ᠪᠠᠭᠰᠢ ᠪᠠᠶᠢᠭᠰᠠᠨ ᠶᠣᠮ ᠃ ᠪᠠᠭᠰᠢ ᠮᠠᠨᠢ ᠰᠢᠯᠭᠠᠯᠲᠠ ᠪᠠᠨ ᠬᠢᠨᠠᠵᠣ ᠵᠠᠰᠠᠵᠣ ᠪᠠᠶᠢᠭᠠᠳ ᠡᠨᠡ ᠠᠯᠠᠰᠢᠨ ᠤ ᠰᠠᠶᠢᠯᠣ ᠨᠤᠭᠤᠳ ᠴᠢᠨᠢ ᠶᠠᠭᠤ ᠰᠢᠯᠭᠠᠵᠤ ᠪᠠᠶᠢᠬᠤ ᠪᠤᠢ ᠭᠡᠳ ᠬᠠᠭᠠᠷᠠᠲᠠᠯ᠎ᠠ ᠠᠭᠤᠷᠯᠠᠵᠣ ᠬᠠᠭ᠋ᠠᠵᠣ ᠲᠡᠭᠡᠭᠯᠡᠵᠣ ᠰᠢᠯᠭᠠᠯᠲᠠ ᠪᠠᠨ ᠬᠢᠨᠠᠬᠤ ᠳᠤ ᠭᠡᠨᠡᠳᠲᠠ ᠲᠥᠩᠰᠥᠭᠡᠷ ᠴᠢᠷᠠᠢ ᠳᠤ ᠨᠢ ᠮᠥᠰᠢᠶᠡᠲᠣ ᠢᠯᠡᠷᠡᠪᠡ᠃ ᠡᠴᠣᠰ ᠲᠤ ᠪᠠᠨ ᠨᠢᠭᠡ ᠰᠣᠷᠣᠭᠴᠢ ᠶᠢᠨ ᠬᠢᠨ ᠰᠢᠯᠭᠠᠯᠲᠠ ᠨᠢ ᠶᠡᠷᠡᠨ ᠬᠤᠪᠢ ᠶᠢ ᠲᠠᠪᠠᠭᠰᠠᠨ ᠭᠡᠨ᠎ᠠ᠃ ᠲᠡᠭᠡᠭᠡᠳ ᠬᠠᠮᠲᠣ ᠠᠵᠢᠯᠯᠠᠭᠰᠠᠳ ᠢᠶᠠᠨ ᠲᠠᠭᠤᠲᠠᠵᠣ ᠥᠨᠣ ᠰᠣᠷᠣᠭᠴᠢ ᠶᠢᠨ ᠢᠶᠠᠨ ᠬᠢᠷᠢ ᠪᠥᠲᠥᠮᠵᠢ ᠶᠢ ᠭᠠᠶᠢᠬᠠᠭᠤᠯᠣᠭᠰᠠᠨ ᠳᠤ᠂ ᠪᠠᠶᠢᠵᠣ ᠤᠤ᠂ ᠬᠢᠷᠠᠬᠠᠢ ᠨᠢᠭᠡ ᠨᠢ ᠡᠨᠡ ᠰᠣᠷᠣᠭᠴᠢ ᠶᠠᠭᠠᠬᠢᠭᠠᠳ ᠰᠢᠯᠭᠠᠯᠲᠠ ᠳᠤ ᠪᠠᠨ ᠨᠠᠷ᠎ᠡ ᠪᠠᠨ ᠲᠡᠮᠲᠡᠭᠯᠡᠲᠡᠭ ᠥᠬᠡᠢ ᠪᠣᠢ︖ ᠥᠬᠡᠢ᠂ ᠡᠨᠡ ᠴᠢᠨᠢ ᠲᠡᠨ ᠤ ᠬᠢ ᠪᠠᠷᠢᠮᠵᠢᠶ᠎ᠡ ᠬᠠᠷᠢᠭᠤᠯᠲᠠ ᠪᠢᠰᠢ ᠤᠤ ᠭᠡᠰᠡᠨ ᠳᠤ᠂ ᠮᠠᠨ ᠤ ᠪᠠᠭᠰᠢ ᠰᠠᠶ᠋ᠢ ᠰᠡᠭᠡᠰᠬᠢᠵᠣ᠂ ᠥ᠂ ᠬᠠᠷᠢᠨ ᠲᠠᠶᠢᠮᠣ ᠪᠠᠶᠢᠵᠣ ᠭᠡᠮ ᠭᠡᠳ ᠴᠢᠷᠡᠢ ᠨᠢ ᠫᠠᠳ ᠣᠯᠠᠶᠢᠪᠠ᠃       ᠴᠣᠭᠵᠢᠯ ᠤᠨ ᠥᠯᠢᠭᠡᠷ ᠤᠨ ᠣᠭᠤᠲᠠ ᠨᠡᠭᠡᠭᠡᠭᠲᠡᠭᠰᠡᠨ ᠪᠣᠯᠣᠯᠲᠠᠢ᠄       — — ᠪᠢᠲᠠᠨ ᠤ ᠠᠮᠢᠲᠣ ᠪᠣᠲᠠᠰ ᠤᠨ ᠪᠠᠭᠰᠢ ᠬᠤᠶᠠᠷ ᠭᠡᠥᠭᠡᠳ ᠢᠶᠠᠨ ᠲᠠᠭᠠᠭᠤᠯᠣᠭᠠᠳ ᠰᠣᠷᠭᠠᠭᠤᠯᠢ ᠳᠤ ᠢᠷᠠᠯ᠎ᠠ᠃ ᠪᠠᠭᠰᠢ ᠮᠢᠨᠢ ᠵᠢᠭᠦᠷᠲᠡᠨ ᠰᠢᠪᠠᠭᠤᠨ ᠤ ᠲᠣᠬᠠᠢ ᠰᠠᠳᠬᠢᠯ ᠲᠣᠭᠲᠣᠯᠣᠨ ᠲᠠᠶᠢᠯᠪᠣᠷᠢᠯᠠᠵᠣ ᠪᠠᠶᠢᠲᠠᠯ᠎ᠠ ᠮᠡᠨ ᠤ ᠠᠩᠬᠢ ᠶᠢᠨ ᠬᠢᠨ ᠭᠡᠲᠥᠬᠦᠯᠡ ᠥᠢᠮᠡᠯᠲᠥᠭᠡᠳ ᠪᠠᠶᠢᠬᠤᠯᠠᠷ ᠲᠠᠨ ᠤ ᠨᠢᠭᠡ ᠨᠢ ᠲᠠᠷᠣᠢ ᠲᠠᠪᠣᠨ ᠵᠠᠭᠤᠨ ᠭᠠᠯᠠᠭᠤ ᠲᠠᠢ ᠲᠡᠩᠴᠡᠨ᠎ᠡ᠂ ᠡᠨᠡ ᠣᠷᠢᠯᠠᠯᠲᠥᠵᠣ ᠪᠠᠶᠢᠬᠤ ᠶᠢ ᠥᠵᠡ ᠭᠡᠵᠣ ᠬᠢᠯᠢᠩᠨᠠᠯ᠎ᠠ᠃ ᠡᠭᠦᠨ ᠳᠤ ᠲᠡᠯᠲᠡᠭᠡᠷ ᠴᠢᠬᠢᠲᠣ ᠪᠣᠰᠴᠣ ᠵᠣᠭᠰᠣᠭᠠᠳ᠂ ᠪᠠᠭᠰᠢ ᠡ᠂ ᠲᠠᠨ ᠤ ᠲᠡᠵᠢᠭᠡᠭᠰᠡᠨ ᠮᠢᠩᠭᠠᠨ ᠭᠠᠯᠠᠭᠤ ᠴᠢᠨᠢ ᠲᠠᠨᠲᠠ ᠭᠠᠩᠭᠠᠨᠠᠯᠲᠣᠵᠣ ᠪᠠᠶᠢᠨ᠎ᠠ ᠭᠡᠳ ᠰᠣᠷᠭᠠᠭᠤᠯᠢ ᠶᠢᠨ ᠬᠥᠷᠢᠶᠡᠨ ᠳᠤ ᠣᠷᠢᠯᠠᠯᠲᠣᠵᠣ ᠪᠠᠶᠢᠭᠰᠠᠨ ᠪᠠᠭᠰᠢ ᠶᠢᠨ ᠢᠶᠠᠨ ᠬᠤᠶᠡᠷ ᠭᠡᠥᠭᠡᠳ ᠢ ᠵᠢᠭᠠᠭᠠᠳ ᠭᠡᠯᠡᠯ᠎ᠠ᠃ ᠁ ᠠᠯᠲᠠ ᠲᠠᠷᠤᠭ᠎ᠠ ᠢᠨᠢᠶᠡᠭᠰᠡᠭᠡᠷ ᠰᠠᠨᠲᠠᠯᠢ ᠲᠡᠭᠡᠷ᠎ᠡ ᠪᠠᠨ ᠲᠠᠩᠭᠠᠶᠢᠴᠢᠬᠠᠯ᠎ᠠ᠃       ᠥᠭᠡᠷᠴᠢᠨ ᠪᠠᠭᠰᠢ ᠵᠣᠭᠰᠣᠭᠰᠠᠭᠠᠷ᠂ ᠭᠡᠨᠡᠳᠲᠠ ᠲᠣᠲᠣᠭᠠᠲᠣ ᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠨ ᠤ ᠠᠯᠲᠠ ᠲᠠᠷᠤᠭ᠎ᠠ ᠢᠨᠢᠶᠠᠵᠣ ᠪᠠᠶᠢᠭᠰᠠᠭᠠᠷ ᠬᠠᠭ᠋ᠠᠴᠢᠬᠠᠵᠣ ᠥᠨᠥᠲᠣᠷ ᠤᠨ ᠰᠢᠷᠡᠭᠡ ᠡ᠊ᠨᠳᠡ ᠬᠥᠷᠥᠭᠡᠳ ᠥᠨᠲᠥᠷᠯᠠᠯ᠎ᠠ ᠭᠡᠳ ᠲᠠᠷᠤᠭ᠎ᠠ ᠬᠥᠮᠥᠨ ᠤ ᠶᠣᠰᠣ ᠪᠠᠷ ᠵᠠᠷᠯᠢᠭ ᠪᠠᠭᠤᠯ᠎ᠠ᠃ ᠬᠠᠯᠵᠠᠨ ᠲᠣᠯᠣᠭᠠᠶᠢᠲᠣ ᠣᠷᠣᠭᠤᠯ ᠢᠶᠠᠨ ᠣᠷᠴᠢᠢᠯᠭᠠᠨ᠄       — — ᠥᠭᠡᠷᠴᠢᠨ ᠢ ᠬᠡᠯᠡ ᠭᠡᠵᠣ ᠪᠠᠶᠢᠬᠤ ᠳᠤ ᠶᠠᠭᠤ ᠭᠡᠳ ᠮᠠᠶ᠋ᠢᠭᠯᠠᠭᠠᠳ ᠪᠠᠶᠢᠬᠤ ᠪᠣᠢ ᠭᠡᠵᠣ ᠰᠢᠭᠦᠮᠵᠢᠯᠡᠵᠤ᠂ ᠲᠠᠬᠢᠨ ᠥᠭᠡᠷᠴᠢᠨ ᠪᠠᠭᠰᠢ ᠪᠠᠷᠤᠭ ᠤᠨ ᠲᠠᠯᠠᠪᠣᠷ ᠲᠤ ᠠᠪᠢᠶᠠᠰ ᠢᠶᠠᠨ ᠢᠯᠡᠷᠡᠭᠦᠯᠲᠡᠭ ᠶᠠᠭᠤᠮ᠎ᠠ ᠪᠢᠰᠢ ᠭᠡᠳ ᠬᠤᠸᠠᠰ ᠬᠤᠸᠠᠰ ᠢᠨᠢᠶᠡᠯ᠎ᠠ᠃       ᠥᠭᠡᠷᠴᠢᠨ ᠪᠠᠭᠰᠢ ᠨᠠᠮᠣᠭᠤᠬᠠᠨ ᠲᠥᠯᠭᠡᠨ ᠵᠠᠩ ᠲᠠᠢ ᠲᠣᠯᠠ ᠶᠠᠭᠤ ᠴᠤ ᠪᠣᠯᠣᠭᠰᠠᠨ ᠥᠭᠡᠢ ᠰᠢᠭ ᠨᠢᠲᠣ ᠪᠠᠨ ᠬᠥᠯᠢᠪᠡᠯᠵᠡᠭᠦᠯᠥᠨ ᠭᠡᠵᠢᠬᠡ ᠪᠠᠨ ᠮᠢᠷᠡᠰᠬᠢᠯᠭᠡᠨ ᠥᠩᠭᠡᠷᠡᠭᠡᠯ᠎ᠠ᠃       ᠲᠠᠷᠠ ᠣᠷᠣᠢ ᠥᠭᠡᠷᠴᠢᠨ ᠪᠠᠭᠰᠢ ᠰᠣᠭᠲᠣᠴᠢᠬᠠᠯ᠎ᠠ᠂ ᠭᠡᠷ ᠢᠶᠠᠨ ᠡᠷᠢᠵᠣ ᠣᠯᠬᠤ ᠪᠠᠨ ᠪᠣᠯᠢᠵᠠᠢ᠃ ᠥᠪᠡᠷ ᠤᠨ ᠰᠠᠭᠤᠲᠠᠭ ᠤᠷᠤᠨᠴᠠᠳᠤ ᠠᠰᠠᠷ ᠲᠤ ᠪᠠᠨ ᠬᠠᠷᠢᠭᠠᠳ ᠭᠡᠷ ᠤᠨ ᠢᠶᠠᠨ ᠡᠬᠦᠲᠠ ᠪᠠᠨ ᠡ᠊ᠨᠳᠡᠭᠦᠷᠡᠴᠢᠭᠡᠵᠡᠢ᠃ ᠲᠠᠷᠠ ᠥᠪᠡᠷ ᠤᠨ ᠠᠰᠠᠷ ᠤᠨ ᠲᠣᠣᠷ᠎ᠡ ᠪᠠᠨ ᠢᠷᠡᠭᠡᠳ ︽ᠲᠠ ᠨᠡᠷ ᠴᠣᠩᠬᠤ ᠪᠠᠷ ᠢᠶᠠᠨ ᠬᠠᠷᠠ᠂ ᠪᠢ ᠠᠯᠢ ᠭᠡᠷ ᠤᠨ ᠬᠢᠨ ᠪᠣᠢ︾ ᠭᠡᠵᠣ ᠡᠷᠢᠶᠡᠨ ᠮᠠᠷᠢᠶᠠᠨ ᠢᠶᠠᠷ ᠬᠠᠰᠬᠢᠷᠣᠭᠰᠠᠨ ᠳᠤ ᠭᠡᠲᠣ ᠭᠡᠲᠣᠨ ᠠᠰᠠᠷ ᠤᠨ ᠴᠣᠩᠬᠤ ᠨᠡᠭᠡᠭᠡᠭᠲᠡᠯ᠎ᠠ᠃       ᠲᠡᠪᠣᠲᠣᠭᠠᠷ ᠠᠰᠠᠷ ᠤᠨ ᠴᠣᠩᠬᠤ ᠨᠡᠭᠡᠭᠡᠭᠲᠡᠵᠣ ᠨᠢᠭᠡᠨ ᠪᠥᠰᠡᠬᠦᠢ ᠭᠠᠷ ᠢᠶᠠᠨ ᠬᠤᠷᠦ᠋ᠢᠯᠠᠵᠣ᠄       — — ᠥᠭᠡᠷᠴᠢᠨ ᠡ᠂ ᠲᠠ ᠮᠡᠨ ᠤ ᠭᠡᠷ ᠤᠨ ᠬᠢ ᠭᠡᠵᠣ ᠢᠲᠡᠭᠡᠯ ᠲᠡᠭᠦᠯᠲᠡᠷ ᠬᠠᠰᠬᠢᠷᠣᠯ᠎ᠠ᠃ ᠲᠠᠷᠠ ᠰᠥᠨᠢ ᠥᠭᠡᠷᠴᠢᠨ ᠪᠠᠭᠰᠢ ᠶᠢᠨ ᠪᠥᠰᠡᠬᠦᠢ ᠨᠢ᠄       — — ᠪᠢ ᠵᠢᠩᠬᠢᠨᠢ ᠡᠷ᠎ᠡ ᠬᠥᠮᠥᠨ ᠤ ᠪᠡᠷ᠎ᠡ ᠶᠢ ᠣᠯᠵᠣ ᠬᠠᠷᠠᠯ᠎ᠠ ᠭᠡᠳ ᠠᠮᠠᠨ ᠳᠤ ᠪᠠᠨ ᠲᠦᠲᠣᠨᠡᠨ ᠰᠡᠳᠬᠢᠯ ᠣᠶᠠᠷᠠᠨ ᠣᠬᠢᠯᠠᠴᠢᠬᠠᠯ᠎ᠠ᠃       ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠥᠭᠡᠷᠴᠢᠨ ᠪᠠᠭᠰᠢ ᠠᠯᠪᠠᠯᠠᠬᠤ ᠪᠠᠷ ᠰᠠᠨᠲᠠᠯᠢ ᠲᠡᠭᠡᠷ᠎ᠡ ᠪᠠᠨ ᠰᠠᠭᠤᠲᠠᠯ᠎ᠠ᠄       — — ᠰᠠᠳᠬᠢᠴᠠ ᠵᠥᠪᠲᠡᠯ ᠤᠨ ᠲᠠᠰᠤᠭ ᠤᠨ ᠥᠷᠡᠯᠡ ᠪᠠᠭᠰᠢ ᠲᠣᠯᠣᠭᠠᠢ ᠶᠢ ᠨᠢ ᠫᠢᠰ ᠬᠢᠲᠠᠯ᠎ᠠ ᠠᠯᠠᠭᠠᠲᠠᠵᠣ᠂ ᠥᠭᠡᠷᠴᠢᠨ ᠡ᠂ ᠠᠯᠪᠠᠷᠠᠬᠤ ᠭᠡᠮ ᠴᠢᠨᠢ ᠭᠠᠶᠢᠭᠤᠢ ᠪᠡ ᠳ᠋ᠠ ᠭᠡᠵᠣ ᠠᠰᠠᠭᠤᠲᠠᠯ᠎ᠠ᠂ ᠥᠭᠡᠷᠴᠢᠨ ᠪᠠᠭᠰᠢ ᠰᠥᠷᠲᠢᠬᠢᠨ ᠪᠣᠰᠴᠣ᠄       — — ᠡᠴᠢᠭᠡ ᠶᠢᠨ ᠴᠢᠨᠢ᠂ ᠥᠩᠭᠦᠷᠢᠲᠣ᠂ ᠪᠢ ᠠᠯᠪᠠᠷᠠᠬᠤ ᠭᠡᠮ ᠥᠬᠡᠢ ᠭᠡᠮᠡᠨ ᠲᠣᠭᠰᠢᠷᠠᠯ᠎ᠠ᠃ ᠡᠨᠡ ᠲᠠᠭᠤᠨ ᠭᠡᠷ ᠤᠨ ᠠᠲᠠᠭᠠᠷ ᠢ ᠡᠷᠭᠦᠭᠦ ᠠᠯᠲᠠᠵᠣ᠂ ᠠᠰᠠᠷ ᠤᠨ ᠭᠤᠲᠣᠮᠵᠢ ᠪᠠᠷ ᠬᠥᠩᠭᠢᠨᠡᠨ ᠴᠣᠣᠷᠢᠶᠠᠯᠠᠯ᠎ᠠ᠃       ᠴᠣᠴᠢᠮᠠᠭ ᠲᠠᠭᠠᠷᠢᠯᠲᠠ ᠳᠤ ᠲᠣᠯᠭᠠᠷᠠᠭᠰᠠᠨ ᠥᠷᠡᠯᠡ ᠪᠠᠭᠰᠢ ᠶᠢᠨ ᠴᠢᠷᠠᠢ ᠨᠢᠯᠴᠢᠬᠢᠨᠡᠵᠣ ᠬᠡᠯᠮᠡᠭᠲᠡᠨ ᠰᠣᠴᠢᠵᠣ ᠠᠷᠣᠨᠰᠢ ᠪᠠᠨ ᠭᠡᠲᠣ ᠣᠬᠤᠷᠢᠵᠣ ᠪᠠᠶᠢᠭᠰᠠᠭᠠᠷ ᠭᠡᠨᠡᠳᠲᠠ ᠣᠷᠢᠯᠠᠴᠢᠬᠠᠯ᠎ᠠ᠄       — — ᠪᠢᠲᠠ ᠪᠠᠰᠠ ᠡᠷ᠎ᠡ ᠬᠥᠮᠥᠨ ᠲᠠᠢ ᠬᠠᠮᠲᠣ ᠠᠵᠢᠯᠯᠠᠵᠣ ᠪᠠᠶᠢᠨ᠎ᠠ ᠰᠢᠲᠠ ᠭᠡᠵᠣ ᠠᠮᠠᠨ ᠳᠤ ᠪᠠᠨ ᠣᠪᠣᠷ ᠲᠣᠪᠣᠷ ᠲᠥᠲᠥᠭᠡᠨᠡᠬᠦ ᠨᠢ ᠰᠣᠨᠣᠰᠲᠠᠨ᠎ᠠ᠃       ᠥᠭᠡᠷᠴᠢᠨ ᠪᠠᠭᠰᠢ ᠶᠢᠨ ᠬᠠᠮᠲᠣ ᠠᠵᠢᠯᠯᠠᠭᠰᠠᠳ ᠨᠢ ᠰᠣᠴᠢᠨ ᠭᠡᠯᠮᠡᠭᠲᠡᠭᠡᠳ ᠨᠢᠲᠣ ᠨᠢ ᠣᠷᠣᠢ ᠲᠡᠭᠡᠷ᠎ᠡ ᠪᠠᠨ ᠡᠷᠭᠢᠯᠲᠣᠪᠠ᠃ ᠨᠠᠮᠣᠭᠤᠨ ᠲᠡᠭᠷᠢ ᠨᠢᠵᠢᠬᠢᠨᠠᠵᠣ᠂ ᠠᠷᠠᠯ ᠤᠨ ᠱᠠᠷ ᠬᠥᠭᠯᠡᠴᠢᠭᠡᠬᠦ ᠨᠢ ᠰᠠᠳᠬᠢᠯ ᠢ ᠠᠭᠤᠵᠢᠷᠠᠭᠤᠯᠣᠮ᠎ᠠ ᠰᠠᠶᠢᠬᠠᠨ ᠡ︕       ᠬᠥᠮᠥᠨ ᠰᠠᠳᠬᠢᠯ ᠢᠶᠠᠷ ᠢᠶᠠᠨ ᠪᠣᠰᠴᠣ᠂ ᠰᠠᠳᠬᠢᠯ ᠢᠶᠠᠷ ᠢᠶᠠᠨ ᠣᠨᠠᠲᠠᠭ᠃ ᠭᠠᠭᠴᠠ ᠪᠣᠯᠪᠠᠴᠣ ᠭᠠᠲᠠᠰᠣ ᠡᠯᠡᠭᠡᠵᠣ᠂ ᠭᠠᠩᠭᠠᠩ ᠲᠡᠯᠡᠭᠡᠢ ᠶᠢᠨ ᠥᠷᠥᠴᠡᠨ ᠳᠤ ᠪᠠᠭᠰᠢ ᠬᠡᠮᠡᠬᠦ ᠡᠷᠭᠢᠮᠰᠥᠭ ᠠᠵᠢᠯ ᠢᠶᠠᠨ ᠢᠲᠡᠭᠡᠯ ᠲᠠᠢ ᠬᠢᠬᠦ ᠭᠡᠷᠡᠭᠲᠡᠢ ᠭᠡᠵᠣ ᠥᠭᠡᠷᠴᠢᠨ ᠵᠣᠷᠢᠭ ᠢᠶᠠᠨ ᠴᠢᠩᠭᠠᠯᠠᠬᠤ ᠳᠤ ᠡᠷ᠎ᠡ ᠶᠢᠨ ᠵᠣᠯᠢ ᠪᠠᠲᠠᠷᠠᠨ᠎ᠠ᠂ ᠪᠥᠰᠡᠬᠦᠢ ᠪᠠᠭᠰᠢ ᠨᠡᠷ ᠤᠨ ᠵᠢᠰᠣ ᠭᠤᠸᠠᠯᠢᠭᠵᠢᠨ᠎ᠠ᠂ ᠥᠨᠢᠷ ᠭᠡᠥᠭᠡᠳ ᠢᠶᠠᠨ ᠪᠥᠪᠠᠶᠢᠯᠡᠭᠰᠡᠨ ᠰᠣᠷᠭᠠᠭᠤᠯᠢ ᠶᠢᠨ ᠥᠩᠭᠡ ᠲᠥᠷᠰᠣ ᠰᠢᠨᠠᠲᠣᠨ᠎ᠠ᠃        ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠣᠯᠠᠭᠠᠨᠬᠤᠲᠠ ᠬᠤᠶᠠᠲᠣᠭᠠᠷ ᠲᠣᠮᠲᠠᠲᠣ ᠰᠣᠷᠭᠠᠭᠤᠯᠢ
 
ᠢᠷᠡᠯᠲᠡ᠄ ᠬᠢᠩᠭᠠᠨ ᠤ ᠡᠳᠦᠷ ᠤᠨ ᠰᠣᠨᠢᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠤᠩᠭᠤᠯ ᠮᠤᠷᠢ
ᠮᠢᠨᠤ ᠨᠤᠳᠤᠭ ᠲᠦᠩᠯᠢᠶᠤᠤ
ᠡᠵᠢ ᠶᠢᠨ ᠬᠠᠶᠢᠷ᠎ᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号