| ︽ᠮᠢᠨᠤ ᠬᠡᠣᠬᠡᠨ ᠪᠢᠴᠢᠭ ᠢᠶᠠᠨ ᠰᠠᠶᠢᠨ ᠰᠤᠷᠴᠤ ᠬᠤᠵᠢᠮ ᠰᠠᠶᠢᠨ ᠠᠵᠢᠯ ᠣᠯᠵᠤ᠂ ᠶᠡᠭᠡ ᠬᠤᠲᠠ ᠳᠤ | ᠠᠮᠢᠳᠣᠷᠠᠨᠠ ᠰᠢᠤ︾ ᠭᠡᠵᠦ ᠣᠶᠢᠷᠠ ᠰᠠᠳᠣᠨ ᠨᠠᠮᠠ ᠳᠤ ᠶᠠᠷᠢᠪᠡᠯ ᠪᠢ ᠲᠠᠰᠤ ᠵᠥᠷᠢᠭᠦᠯᠡᠵᠦ᠄ ︽ᠦᠭᠡᠢ᠂ ᠦᠭᠡᠢ | ᠡ᠂ ᠪᠢ ᠬᠦᠳᠡᠭᠡ ᠳᠤ ᠪᠠᠨ ᠠᠮᠢᠳᠣᠷᠠᠨᠠ︾ ᠭᠡᠵᠤ ᠨᠢᠷᠤᠭᠤ ᠭᠡᠳᠡᠶᠢᠵᠦ ᠰᠢᠭᠤᠳ ᠶᠠᠷᠢᠳᠠᠭ᠃ ᠪᠢ ᠲᠦᠮᠡ | ᠲᠦᠵᠢᠬᠢᠨᠡᠵᠤ ᠪᠤᠮ ᠪᠣᠵᠢᠬᠢᠨᠠᠭᠰᠠᠨ ᠬᠤᠲᠠ ᠳᠤ ᠳᠤᠷᠠ ᠦᠭᠡᠢ᠂ ᠬᠠᠷᠢᠨ ᠬᠠᠷᠠᠭᠠ ᠮᠣᠬᠤᠭᠠᠭᠰᠠᠨ ᠬᠠᠨᠠᠭᠠᠷ | ᠠᠭᠤᠳᠠᠮ ᠬᠦᠳᠡᠭᠡ ᠳᠤ ᠪᠠᠨ ᠲᠣᠷᠠᠲᠠᠢ ᠪᠢᠯᠡ᠃ ᠡᠨᠡ ᠨᠢ ᠮᠢᠨᠤ ᠲᠣᠭᠤᠢ ᠪᠦᠷᠦᠭ ᠵᠠᠩ ᠠᠷᠠᠨᠰᠢᠨ ᠠᠴᠠ ᠪᠣᠯᠣᠭᠰᠠᠨ | ᠴᠤ ᠮᠠᠭᠠᠳ᠂ ᠨᠡᠩ ᠴᠢᠬᠤᠯᠠ ᠨᠢ ᠬᠦᠳᠡᠭᠡ ᠨᠣᠳᠤᠭ ᠤᠨ ᠲᠠᠪᠲᠠᠭᠳᠠᠰᠢ ᠦᠭᠡᠢ ᠰᠠᠶᠢᠬᠠᠨ ᠥᠩᠭᠡ ᠠᠶᠠᠰ ᠨᠢ | ᠬᠠᠶᠢᠷᠠ ᠰᠡᠳᠬᠢᠯᠭᠡ ᠶᠢ ᠮᠢᠨᠢ ᠠᠷᠭᠠᠮᠵᠢᠭᠰᠠᠨ ᠪᠠᠶᠢᠬᠤ ᠡ᠃ | ᠣᠯᠠᠷᠢᠯ ᠤᠨ ᠰᠠᠶᠢᠬᠠᠨ ᠬᠠᠪᠣᠷ ᠬᠦᠳᠡᠭᠡ ᠨᠣᠳᠤᠭ ᠲᠤ ᠰᠠᠭᠠᠲᠠᠵᠤ᠂ ᠬᠤᠶᠢᠨᠠ ᠵᠦᠭ ᠠᠴᠠ ᠤᠷᠢᠬᠠᠨ ᠰᠠᠯᠬᠢ | ᠰᠡᠷ ᠰᠡᠷ ᠦᠯᠢᠶᠡᠨ᠂ ᠴᠢᠬᠢᠭ ᠤᠨ ᠠᠮᠢᠰᠬᠤᠯ ᠬᠠᠮᠠᠷ ᠲᠤ ᠦᠨᠣᠰᠣᠭ᠍ᠳᠡᠨ᠂ ᠡᠮᠦᠨᠡ ᠵᠦᠭ ᠠᠴᠠ ᠭᠠᠯᠠᠭᠤᠳ | ᠭᠠᠩᠭᠠᠷ ᠭᠤᠩᠭᠤᠷ ᠲᠣᠣᠭᠠᠷᠣᠭᠰᠠᠭᠠᠷ ᠪᠣᠴᠠᠨ ᠢᠷᠠᠵᠤ ᠲᠥᠯᠵᠢᠬᠦ ᠬᠠᠪᠣᠷ ᠤᠨ ᠥᠩᠭᠡ ᠬᠠ ᠶᠠ ᠦᠭᠡᠢ | ᠬᠠᠷᠠᠭᠳᠠᠨᠠ᠃ ᠲᠥᠯ ᠮᠠᠯ ᠤᠨ ᠳᠠᠭᠤ ᠰᠡᠳᠬᠢᠯ ᠭᠡᠳᠡᠭᠡᠯᠡᠬᠦ ᠮᠡᠲᠦ ᠣᠶᠠᠬᠠᠨ ᠬᠤᠩᠭᠤᠷ ᠰᠣᠨᠣᠰᠲᠠᠵᠤ᠂ | ᠣᠭᠲᠠᠷᠭᠤᠢ ᠳᠤ ᠬᠦᠪᠣᠯᠵᠡᠬᠦ ᠬᠡᠰᠡᠭ ᠬᠡᠰᠡᠭ ᠡᠭᠦᠯᠡ ᠬᠡᠣᠬᠡᠳ ᠤᠨ ᠢᠨᠢᠶᠡᠳᠦ ᠮᠡᠲᠦ ᠬᠥᠭᠵᠢᠯᠲᠡᠢ ᠨᠡᠭᠦᠳᠡᠯᠯᠡᠵᠤ᠂ | ᠪᠣᠷᠭᠠᠰᠣᠨ ᠮᠣᠷᠢ ᠪᠠᠨ ᠲᠣᠭᠤᠰᠣ ᠮᠠᠨᠠᠷᠠᠲᠠᠯᠠ ᠳᠠᠪᠬᠢᠭᠤᠯᠬᠤ ᠬᠡᠣᠬᠡᠳ ᠤᠨ ᠨᠠᠷᠭᠢᠶᠠᠨ ᠬᠥᠳᠡᠭᠡ ᠨᠣᠳᠤᠭ ᠤᠨ ᠬᠥᠯ | ᠦᠭᠡᠢ ᠴᠡᠩᠭᠡᠯ ᠢ ᠦᠵᠡᠭᠦᠯᠤᠨᠡ᠃ ᠬᠥᠳᠡᠭᠡ ᠭᠡᠵᠦ ᠡᠶᠢᠮᠦ ᠯᠠ ᠰᠠᠶᠢᠬᠠᠨ ᠲᠡᠶᠢᠮᠦ ᠯᠠ ᠭᠤᠶᠣ ᠡ᠃ | ᠣᠨᠠᠬᠤ ᠨᠠᠷᠠ ᠠᠭᠤᠯᠠ ᠶᠢᠨ ᠲᠣᠯᠣᠭᠠᠢ ᠰᠢᠭᠦᠷᠡᠬᠦ ᠦᠶᠡ ᠳᠤ ᠠᠪᠤ ᠪᠢᠳᠡ ᠬᠤᠶᠠᠭᠤᠯᠠ ᠮᠠᠯ ᠢᠶᠠᠨ ᠡᠪᠡᠰᠦᠯᠡᠵᠦ | ᠲᠥᠩᠭᠡᠷ ᠳᠠᠩᠭᠠᠷ ᠶᠠᠷᠢᠯᠴᠠᠵᠦ᠂ ᠥᠬᠢᠨ ᠳᠡᠬᠦᠤ ᠶᠡᠭᠡ ᠯᠠ ᠬᠢᠨᠠᠮᠠᠭᠠᠢ ᠠᠪᠣᠷᠢᠯᠠᠨ ᠳᠠᠰᠬᠠᠯ ᠢᠶᠠᠨ ᠬᠢᠵᠦ᠂ ᠡᠪᠦᠭᠡ | ᠶᠡᠭᠡ ᠯᠠ ᠬᠡᠷᠡᠭᠲᠡᠢ ᠶᠤᠮ ᠰᠢᠭ᠋ ᠥᠪᠦᠳᠡᠯ ᠴᠦᠪᠣᠳᠠᠯ ᠲᠡᠭᠦᠵᠤ᠂ ᠡᠵᠢ ᠪᠣᠯᠣᠨ ᠡᠮᠡᠭᠡ ᠡᠩ ᠠᠩ ᠬᠡᠯᠴᠡᠨ | ᠣᠷᠣᠢ ᠶᠢᠨ ᠬᠤᠭᠤᠯᠠ ᠪᠠᠨ ᠬᠢᠨᠡ᠃ ᠮᠠᠯ ᠰᠦᠷᠦᠭ ᠠᠮᠲᠠᠲᠣ ᠬᠤᠭᠤᠯᠠ ᠪᠠᠨ ᠠᠮᠠ ᠠᠮᠠ ᠪᠠᠷ ᠡᠮᠬᠦᠯᠡᠵᠦ᠂ | ᠬᠤᠷᠠᠭᠠ ᠲᠤᠭᠤᠯ ᠵᠠᠪᠰᠢᠶᠠᠨ ᠢ ᠠᠯᠳᠠᠯ ᠦᠭᠡᠢ ᠡᠬᠡ ᠶᠢᠨ ᠳᠡᠯᠡᠭ ᠦᠯᠭᠡᠨᠡ᠃ ᠡᠳᠤᠷᠵᠢᠨ ᠭᠠᠵᠠᠷ ᠮᠠᠯᠳᠠᠵᠦ | ᠵᠦᠳᠡᠷᠡᠭᠰᠡᠨ ᠳᠠᠬᠢᠶᠠᠳ ᠬᠦᠵᠦᠭᠦᠦ ᠪᠠᠨ ᠣᠷᠠᠨ ᠡᠪᠯᠢᠭ ᠬᠦᠳᠡᠯᠭᠡᠵᠦ ᠡᠭᠦᠷ ᠵᠦᠭ ᠲᠤ ᠪᠠᠨ ᠣᠶᠢᠷᠠᠲᠣᠨᠠ᠃ | ᠬᠤᠲᠠᠴᠢ ᠨᠣᠬᠠᠢ ᠬᠢᠳᠡᠯ ᠠᠯᠳᠠᠭᠰᠠᠨ ᠮᠡᠲᠦ ᠡᠨᠡᠭᠦᠷ ᠲᠡᠨᠡᠭᠦᠷ ᠰᠢᠩᠰᠢᠯᠡᠨ ᠪᠠᠶᠢᠭᠰᠠᠨ ᠢᠶᠠᠨ ᠠᠯᠣᠰ ᠲᠤ ᠵᠢᠷᠪᠢᠭᠢᠨᠡᠬᠦ | ᠮᠣᠷᠢᠲᠠᠢ ᠬᠦᠮᠣᠨ ᠤ ᠴᠢᠮᠡᠭᠡ ᠶᠢ ᠣᠯᠣᠭᠰᠠᠨ ᠪᠣᠯᠪᠠ ᠤᠤ᠂ ᠠᠯᠪᠠᠨ ᠳᠡᠳᠤᠢ ᠬᠤᠶᠠᠷ ᠪᠣᠷᠭᠤᠭᠠᠳ ᠬᠤᠭᠤᠯᠠ | ᠬᠦᠰᠡᠨ ᠭᠡᠷ ᠤᠨ ᠡᠬᠦᠳᠡ ᠰᠠᠬᠢᠨᠠ᠃ ᠴᠠᠳᠲᠠᠯᠠ ᠬᠦᠬᠦᠭᠰᠡᠨ ᠢᠰᠢᠭᠡ ᠬᠤᠷᠠᠭᠠ ᠡᠬᠡ ᠶᠢᠨ ᠢᠶᠠᠨ ᠲᠣᠭᠤᠷᠢᠨ ᠳᠤ | ᠲᠠᠭᠤᠯᠴᠠᠨ ᠲᠣᠭᠯᠠᠯᠳᠣᠵᠤ ᠢᠷᠭᠡ ᠰᠡᠷᠭᠡ ᠨᠦᠭᠦᠳ ᠠᠶᠢᠵᠠᠮ ᠲᠠᠭᠠᠷᠠᠭᠤᠯᠣᠨ ᠬᠢᠪᠢᠵᠡᠭᠡᠵᠦ᠂ ᠠᠶᠢᠯ ᠤᠨ | ᠬᠤᠯᠠᠩ ᠠᠴᠠ ᠰᠣᠭᠤᠨᠠᠭᠯᠠᠭᠰᠠᠨ ᠣᠳᠤᠭᠠ ᠣᠭᠠᠯᠵᠠ ᠵᠢᠷᠣᠭᠰᠠᠭᠠᠷ ᠭᠦᠨ ᠣᠭᠳᠠᠷᠭᠤᠢ ᠳᠤ ᠵᠠᠮᠠᠭᠷᠠᠨ ᠠᠯᠤᠰ ᠤᠨ | ᠡᠭᠦᠯᠡ ᠵᠦᠭ ᠲᠡᠮᠡᠣᠯᠤᠨᠡ᠃ ᠲᠡᠪᠡᠭᠡ ᠬᠦᠭᠡᠷᠣᠭ᠍ᠰᠡᠨ ᠳᠡᠷᠲᠡᠭᠡ ᠠᠯᠣᠰ ᠠᠴᠠ ᠬᠤᠨᠣᠬᠤ ᠰᠢᠪᠠᠭᠤᠳ ᠤᠨ | ᠭᠠᠩᠨᠠᠯᠳᠣᠬᠤ ᠳᠠᠭᠤᠨ ᠰᠣᠨᠣᠷ ᠲᠤ ᠲᠠᠭᠠᠲᠠᠢ ᠴᠣᠣᠷᠢᠶᠠᠯᠠᠨᠠ᠃ ᠨᠠᠷᠠ ᠠᠭᠤᠯᠠ ᠶᠢᠨ ᠴᠠᠭᠠᠨᠠ ᠳᠠᠯᠳᠠᠷᠠᠬᠤ ᠳᠤ | ᠰᠢᠷᠭᠠᠯ ᠲᠣᠶᠠᠭᠠ ᠨᠢ ᠭᠡᠷ ᠲᠡᠷᠭᠡ᠂ ᠮᠠᠯ ᠰᠦᠷᠦᠭ᠂ ᠠᠭᠤᠯᠠ ᠲᠠᠯᠠ ᠁ ᠶᠢ ᠨᠡᠶᠢᠳᠡᠮ ᠪᠣᠳᠣᠭᠯᠠᠵᠤ ᠶᠠᠮᠠᠷ ᠴᠤ | ᠲᠣᠰᠣᠨ ᠪᠣᠳᠤᠭ ᠤᠨ ᠵᠢᠷᠤᠭ ᠢᠶᠠᠷ ᠵᠢᠷᠣᠵᠤ ᠢᠯᠡᠳᠬᠡᠵᠤ ᠲᠡᠶᠢᠯᠤᠰᠢ ᠦᠭᠡᠢ ᠨᠢᠭᠡᠨ ᠵᠦᠢᠯ ᠤᠨ ᠰᠠᠶᠢᠬᠠᠨ ᠥᠩᠭᠡ | ᠦᠵᠡᠮᠵᠢ ᠶᠢ ᠪᠦᠷᠢᠯᠳᠦᠭᠦᠯᠵᠠᠢ᠃ ᠠ ᠳ᠋ᠠ᠂ ᠪᠢ ᠵᠢᠷᠣᠭᠴᠢ ᠪᠣᠯᠣᠭᠰᠠᠨ ᠪᠣᠯ︖ ᠪᠢ ᠢᠷᠠᠭᠤ ᠨᠠᠶᠢᠷᠠᠭᠴᠢ | ᠪᠣᠯᠣᠭᠰᠠᠨ ᠪᠣᠯ᠂ ᠪᠢ ᠳᠠᠭᠤᠴᠢᠨ ᠪᠣᠯᠣᠭᠰᠠᠨ ᠪᠣᠯ︖ ︽ᠥᠩᠭᠡᠲᠦ ᠶᠢᠷᠳᠢᠨᠴᠤ ᠳᠤ ᠰᠠᠶᠢᠬᠠᠨ ᠭᠠᠵᠠᠷ ᠮᠣᠩᠳᠠᠬᠤ | ᠦᠭᠡᠢ ᠴᠤ᠂ ᠥᠪᠡᠷ ᠤᠨ ᠨᠣᠳᠤᠭ ᠠᠴᠠ ᠰᠠᠶᠢᠬᠠᠨ ᠨᠢ ᠦᠭᠡᠢ︾ ᠭᠡᠬᠦ ᠰᠢᠯᠦᠭ ᠤᠨ ᠮᠥᠷ ᠪᠠᠳᠠᠭ ᠬᠠᠭᠠᠰ ᠬᠤᠭᠤᠰ | ᠣᠬᠠᠭᠠᠨ ᠳᠤ ᠪᠠᠭᠤᠨᠠ᠃ ᠬᠥᠳᠡᠭᠡ ᠨᠣᠳᠤᠭ ᠤᠨ ᠢᠶᠠᠨ ᠰᠠᠶᠢᠬᠠᠨ ᠦᠵᠡᠮᠵᠢ ᠳᠤ ᠪᠢ ᠱᠠᠯ ᠰᠣᠭᠳᠣᠯᠠ ᠁ | ︽ᠬᠦᠮᠣᠨ ᠤ ᠬᠡᠣᠬᠡᠳ ᠬᠤᠲᠠ ᠣᠷᠣᠨᠠ ᠭᠡᠵᠦ ᠣᠬᠠᠭᠠᠨ ᠢᠶᠠᠨ ᠪᠠᠷᠠᠵᠤ ᠪᠠᠶᠢᠬᠤ ᠳᠤ ᠮᠢᠨᠤ ᠡᠨᠡ ᠮᠠᠭᠤ | ᠥᠬᠢᠨ ᠯᠠ ᠬᠥᠳᠡᠭᠡ ᠳᠤ ᠪᠠᠨ ᠠᠮᠢᠳᠣᠷᠠᠨᠠ ᠭᠡᠬᠦ ᠶᠤᠮ᠃ ᠵᠠᠶᠠᠭᠠ ᠨᠢ ᠮᠡᠳᠡᠭ︾ ᠭᠡᠵᠦ ᠠᠬᠠᠮᠠᠳ ᠨᠠᠷ ᠥᠭᠡᠯᠡᠨᠡ᠃ | ︽ᠠᠳᠠᠯᠢ ᠨᠠᠰᠣᠨ ᠤ ᠨᠠᠶᠢᠵᠠ ᠨᠠᠷ ᠪᠢᠴᠢᠭ ᠢᠶᠠᠨ ᠰᠠᠶᠢᠨ ᠰᠣᠷᠴᠣ ᠪᠠᠶᠢᠬᠤ ᠳᠤ ᠪᠢ ᠶᠠᠭᠠᠬᠢᠭᠠᠳ ᠰᠠᠶᠢᠨ ᠰᠤᠷᠴᠤ | ᠪᠣᠯᠳᠠᠭ ᠦᠭᠡᠢ ᠶᠤᠮ ᠳ᠋ᠠ᠃ ᠪᠢ ᠬᠤᠵᠢᠮ ᠶᠠᠭᠠᠬᠢᠳᠠᠭ ᠪᠣᠯ︖︾ ᠭᠡᠳᠡᠭ ᠣᠯᠠᠨ ᠠᠰᠠᠭᠤᠯᠲᠠ ᠰᠡᠳᠬᠢᠯ ᠳᠤ | ᠬᠠᠶᠠ ᠪᠠᠭᠤᠨᠠ᠃ ᠪᠢ ᠬᠦᠮᠣᠨ ᠠᠴᠠ ᠳᠣᠣᠷᠠ ᠣᠷᠣᠬᠤ ᠦᠭᠡᠢ ᠭᠡᠵᠦ ᠬᠢᠴᠢᠶᠡᠯ ᠰᠣᠷᠣᠯᠭᠠ ᠳᠤ ᠪᠠᠨ | ᠴᠢᠷᠮᠠᠶᠢᠳᠠᠭ ᠨᠢ ᠴᠤ ᠦᠨᠡᠨ᠃ ᠶᠡᠭᠡ ᠰᠣᠷᠭᠠᠭᠤᠯᠢ ᠳᠤ ᠰᠣᠷᠣᠯᠴᠠᠨᠠ ᠭᠡᠵᠦ ᠲᠡᠮᠡᠣᠯᠳᠡᠭ ᠴᠤ ᠦᠨᠡᠨ᠃ ᠭᠡᠪᠡᠴᠤ | ᠪᠢ ᠬᠤᠵᠢᠮ ᠬᠤᠲᠠ ᠪᠠᠷᠠᠳᠠᠵᠤ ᠬᠤᠭᠤᠯᠠ ᠢᠳᠡᠬᠦ ᠦᠭᠡᠢ ᠳ᠋ᠠ᠃ ᠡᠶᠢᠮᠦ ᠰᠠᠶᠢᠬᠠᠨ ᠬᠥᠳᠡᠭᠡ ᠨᠣᠳᠤᠭ ᠲᠤ ᠡᠪᠦᠭᠡ | ᠳᠡᠭᠡᠳᠣᠰ ᠮᠢᠨᠢ ᠣᠷᠣᠰᠢᠨ ᠠᠮᠢᠳᠣᠷᠠᠵᠤ ᠥᠭᠰᠦᠨ ᠣᠷᠣᠭᠤᠳᠠᠵᠦ ᠦᠣᠬᠡ ᠳᠡᠣᠬᠡ ᠪᠠᠨ ᠪᠢᠴᠢᠭᠯᠡᠭᠰᠡᠭᠡᠷ ᠢᠷᠡᠭᠰᠡᠨ | ᠪᠠᠶᠢᠬᠤ ᠳᠤ ᠪᠢ ᠶᠠᠭᠠᠬᠢᠨ ᠭᠤᠯᠣᠵᠤ ᠪᠣᠯᠬᠤ ᠪᠣᠢ᠃ ᠁ ᠪᠢ ᠨᠢᠳᠣᠨᠣᠨ ᠨᠠᠮᠣᠷ ᠤᠨ ᠶᠠᠭᠠᠷᠠᠤ ᠦᠶᠡ ᠶᠢ | ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠯᠠ᠃ ︽ᠠᠭᠤᠯᠵᠠᠭᠰᠠᠨ ᠬᠦᠮᠣᠨ ᠲᠠᠢ ᠬᠡᠯᠡᠯᠴᠡᠬᠦ ᠵᠠᠪ ᠦᠭᠡᠢ᠂ ᠣᠨᠠᠭᠰᠠᠨ ᠮᠠᠯᠠᠭᠠᠢ ᠠᠪᠬᠤ | ᠵᠠᠪ ᠦᠭᠡᠢ︾ ᠡᠨᠡ ᠣᠯᠠᠷᠢᠯ ᠳᠤ ᠪᠢ ᠠᠪᠤ ᠡᠵᠢ ᠲᠠᠢ ᠪᠠᠨ ᠡᠪᠡᠰᠦ ᠲᠡᠭᠡᠭᠡᠬᠦ᠂ ᠲᠠᠷᠢᠶᠠ ᠣᠷᠣᠭᠤᠯᠬᠤ᠂ ᠮᠠᠯ | ᠬᠠᠷᠢᠭᠤᠯᠬᠤ᠂ ᠬᠤᠭᠤᠯᠠ ᠬᠢᠬᠦ᠂ ᠰᠠᠭᠠᠬᠠᠯᠲᠠ ᠳᠤ ᠬᠠᠮᠵᠢᠬᠤ ᠁ ᠵᠡᠷᠭᠡ ᠬᠥᠯ ᠦᠭᠡᠢ ᠣᠯᠠᠨ ᠠᠵᠢᠯ ᠳᠤ | ᠣᠷᠣᠯᠴᠠᠯᠠ᠃ ᠳᠣᠯᠤᠭᠠ ᠨᠠᠢᠮᠠᠨ ᠡᠳᠣᠷ ᠲᠤ ᠭᠠᠷ ᠡᠪᠡᠷᠰᠢᠵᠦ ᠴᠢᠷᠠᠢ ᠬᠠᠷᠠᠯᠠᠨ ᠬᠥᠯ ᠨᠢᠷᠣᠭᠤ ᠱᠠᠷᠬᠢᠷᠠᠨ | ᠡᠪᠡᠳᠴᠦ ᠮᠠᠰᠢ ᠳᠦᠢᠯᠳᠤᠭᠰᠠᠨ ᠪᠢᠯᠡ᠂ ᠡᠵᠢ ᠶᠢᠨ ᠬᠡᠯᠡᠬᠦ ᠪᠠᠷ ︽ᠮᠠᠭᠤᠳᠠᠭᠠᠳ ᠨᠢᠳᠦ ᠨᠢ ᠰᠠᠭᠤᠴᠢᠬᠠᠵᠠᠢ︾ | ᠭᠡᠨᠡ᠃ ︽ᠡᠨᠡ ᠥᠬᠢᠨ ᠣᠳᠣ ᠯᠠ ᠬᠥᠳᠡᠭᠡ ᠶᠢᠨ ᠬᠠᠷᠠ ᠠᠵᠢᠯ ᠠᠴᠠ ᠬᠠᠰᠢᠷᠠᠨᠠ ᠳ᠋ᠠ︾ ᠭᠡᠵᠦ ᠠᠬᠠᠮᠠᠳᠴᠣᠣᠯ | ᠰᠡᠮ ᠶᠠᠷᠢᠯᠴᠠᠨᠠ᠃ ᠭᠡᠪᠡᠴᠤ ᠪᠢ ᠣᠭᠲᠣ ᠬᠠᠰᠢᠷᠠᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠴᠤ ᠡᠪᠦᠭᠡ ᠡᠮᠡᠭᠡ ᠠᠪᠤ ᠡᠵᠢ | ᠨᠠᠰᠤ ᠪᠠᠷ ᠢᠶᠠᠨ ᠬᠠᠷᠠ ᠠᠵᠢᠯ ᠬᠢᠭᠡᠳ ︽ᠶᠠᠳᠠᠷᠠᠯᠠ᠂ ᠵᠦᠳᠡᠷᠡᠯᠡ︾ ᠭᠡᠵᠦ ᠰᠢᠳᠣᠨ ᠵᠠᠪᠰᠠᠷ ᠢᠶᠠᠷ ᠢᠶᠠᠨ ᠭᠠᠷᠭᠠᠳᠠᠭ | ᠦᠭᠡᠢ ᠪᠠᠶᠢᠬᠤ ᠳᠤ ᠣᠳᠤᠮ ᠵᠠᠯᠭᠠᠭᠰᠠᠨ ᠪᠢ ᠴᠢᠨᠢ ᠬᠡᠳᠣᠬᠡᠨ ᠡᠳᠤᠷ ᠠᠵᠢᠯ ᠬᠢᠭᠡᠳ ᠬᠠᠰᠢᠷᠠᠴᠢᠬᠠᠨᠠ ᠭᠡᠵᠦ ᠤᠤ ᠁ | ᠬᠠᠷᠢᠨ ᠪᠢ ᠠᠵᠢᠯ ᠬᠢᠬᠦ ᠳᠤ ᠨᠡᠩ ᠳᠣᠷᠠᠲᠠᠢ ᠪᠣᠯᠵᠤ ᠠᠬᠠᠮᠠᠳ ᠨᠠᠷ ᠢᠶᠠᠨ ᠬᠠᠪᠰᠣᠷᠴᠤ ᠤᠯᠠᠮ ᠪᠤᠰᠢᠭᠤ ᠲᠤᠰᠢᠭᠤ | ᠭᠦᠶᠣᠨ ᠮᠠᠭᠲᠠᠭᠠᠯ ᠬᠥᠷᠲᠡᠵᠦ ᠣᠷᠮᠠᠰᠢᠯᠠ᠃ ᠵᠠᠷᠢᠮ ᠦᠶᠡ ᠳᠤ ᠪᠢ ᠦᠨᠡᠬᠡᠷ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠠᠶᠠᠲᠠᠢ | ᠰᠠᠶᠢᠬᠠᠨ ᠠᠮᠢᠳᠣᠷᠠᠯ ᠢ ᠠᠲᠠᠭᠠᠷᠬᠠᠨᠠ᠃ ᠰᠦ ᠰᠠᠭᠠᠯᠢ ᠠᠪᠬᠤ ᠠᠴᠠ ᠰᠦᠷᠦᠭ ᠮᠠᠯ ᠲᠠᠢ᠂ ᠰᠢᠨᠡ ᠰᠣᠷᠭᠤᠭ | ᠡᠷᠡᠭᠦᠯ ᠴᠡᠪᠡᠷ ᠨᠣᠭᠤᠭᠠ ᠴᠠᠭᠠ ᠲᠠᠢ᠂ ᠥᠷᠭᠡᠨ ᠠᠭᠤᠳᠠᠮ ᠪᠡᠯᠴᠢᠭᠡᠷ ᠨᠣᠳᠤᠭ ᠲᠠᠢ᠂ ᠨᠡᠭᠦᠵᠦ ᠮᠠᠯᠵᠢᠬᠤ | ᠣᠲᠣᠷ ᠤᠨ ᠪᠠᠭᠤᠴᠠ ᠲᠠᠢ᠂ ᠳᠦᠭᠦᠮ ᠮᠦᠷᠳᠡᠭᠡᠨ ᠠᠮᠣᠷ ᠲᠠᠶᠢᠪᠣᠭᠤᠨ ᠠᠮᠢᠳᠣᠷᠠᠯ ᠲᠠᠢ᠂ ᠦᠨᠣᠷᠯᠡᠬᠦ ᠠᠴᠠ | ᠦᠷᠡ ᠲᠠᠢ᠂ ᠦᠷᠦᠰᠢᠶᠡᠬᠦ ᠠᠴᠠ ᠨᠠᠰᠣᠲᠠᠨ ᠲᠠᠢ᠂ ᠡᠯᠢᠭᠡ ᠪᠦᠲᠣᠨ ᠡᠩᠬᠡ ᠲᠣᠩᠬᠠ᠂ ᠪᠠᠶᠠᠷ ᠵᠢᠷᠭᠠᠯ ᠳᠦᠭᠦᠷᠡᠩ | ᠡ᠃ ᠬᠡᠳᠣᠢ ᠬᠦᠯᠣᠰᠦ ᠣᠷᠣᠰᠬᠠᠪᠠᠯ ᠲᠡᠳᠣᠢ ᠬᠤᠷᠢᠶᠠᠯᠲᠠ ᠲᠠᠢ᠃ ᠬᠥᠮᠣᠨ ᠡᠭᠦᠨ ᠠᠴᠠ ᠥᠭᠡᠷᠡ ᠶᠠᠭᠤ ᠬᠦᠰᠡᠬᠦ | ᠪᠢᠯᠡ᠃ ᠬᠥᠳᠡᠭᠡ ᠭᠡᠵᠦ ᠥᠡᠭᠭᠡ ᠦᠵᠡᠮᠵᠢ ᠲᠠᠢ ᠨᠣᠳᠤᠭ ᠯᠠ ᠳ᠋ᠠ᠃ ᠪᠢ ᠬᠤᠵᠢᠮ ᠬᠦᠳᠡᠭᠡ ᠳᠤ ᠪᠠᠨ ᠲᠠᠨᠠᠨ | ᠴᠠᠭᠠᠨ ᠮᠣᠩᠭᠤᠯ ᠭᠡᠷ ᠢᠶᠠᠨ ᠪᠣᠰᠬᠠᠵᠦ ᠲᠠᠪᠣᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠦᠷᠡᠵᠢᠭᠦᠯᠵᠦ᠂ ᠲᠦᠮᠡᠨ ᠴᠡᠴᠡᠭ ᠤᠨ | ᠭᠠᠩᠬᠤᠭᠠ ᠲᠠᠢ ᠮᠢᠩᠭᠠᠨ ᠰᠢᠪᠠᠭᠤᠳ ᠤᠨ ᠲᠣᠩᠭᠤᠳᠣᠭᠠᠨ ᠲᠠᠢ ᠬᠥᠭᠵᠢᠯᠲᠦ ᠬᠥᠳᠡᠭᠡ ᠪᠣᠯᠭᠠᠨᠠ᠃ ᠡᠪᠦᠭᠡ ᠡᠮᠡᠭᠡ | ᠠᠪᠤ ᠡᠵᠢ ᠪᠠᠨ ᠠᠰᠠᠷᠠᠨ ᠬᠥᠨᠳᠦᠯᠡᠵᠦ ᠬᠥᠳᠡᠭᠡ ᠶᠢᠨ ᠰᠠᠶᠢᠬᠠᠨ ᠳᠤ ᠵᠢᠷᠭᠠᠭᠤᠯᠣᠨᠠ᠃ ᠮᠠᠯᠴᠢᠨ ᠲᠦᠮᠡᠨ ᠢᠶᠠᠨ | ᠳᠠᠶᠢᠴᠢᠯᠠᠵᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠴᠢ ᠪᠠᠷ ᠮᠠᠯ ᠮᠠᠯᠵᠢᠨ᠂ ᠤᠯᠠᠨ ᠰᠠᠶᠢᠬᠠᠨ ᠦᠢᠯᠡᠰ ᠪᠤᠰᠬᠠᠨᠠ᠃ ᠬᠦᠳᠡᠭᠡ ᠳᠤ | ᠠᠵᠢᠯ ᠳᠤᠲᠠᠬᠤ ᠪᠢᠰᠢ ᠰᠢᠦ᠃ | ᠡᠪᠦᠭᠡ ᠳᠡᠭᠡᠳᠣᠰ ᠠᠴᠠ ᠦᠯᠡᠳᠡᠭᠡᠵᠦ ᠥᠭᠭᠦᠭᠰᠡᠨ ᠥᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠨᠣᠳᠤᠭ᠂ ᠠᠷᠢᠭᠤᠨ ᠴᠡᠪᠡᠷ | ᠠᠭᠤᠷ ᠠᠮᠢᠰᠬᠤᠯ᠂ ᠴᠡᠩᠬᠡᠷ ᠴᠡᠯᠮᠡᠭ ᠠᠭᠠᠷ ᠲᠡᠭᠷᠢ ᠲᠠᠢ ᠡᠶᠢᠮᠦ ᠰᠠᠶᠢᠬᠠᠨ ᠨᠣᠳᠤᠭ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠦᠭᠡᠢ | ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠨᠢ ᠡ᠃ ︽ᠡᠷᠬᠢᠬᠦ ᠨᠠᠰᠣᠨ ᠳᠤ ᠪᠠᠨ ᠴᠤ ᠡᠨᠡ ᠨᠣᠳᠤᠭ ᠲᠤ ᠪᠠᠨ ᠲᠦᠷᠦᠨᠡ︾ | ᠭᠡᠳᠡᠭ ᠨᠢ ᠬᠠᠶᠢᠷᠠᠲᠠᠢ ᠬᠦᠮᠣᠨ ᠤ ᠲᠣᠷᠠᠲᠠᠢ ᠦᠭᠡ ᠯᠠ ᠪᠠᠶᠢᠵᠠᠢ ᠳ᠋ᠠ᠃ | ᠪᠣᠷᠣᠭᠵᠢᠭᠤᠨ ᠰᠠᠶᠢᠬᠠᠨ ᠬᠥᠳᠡᠭᠡ ᠮᠢᠨᠢ᠂ ᠪᠣᠷᠣᠬᠠᠨ ᠵᠢᠭᠠᠬᠠᠨ ᠨᠠᠮᠠ ᠳᠤ ᠪᠠᠨ᠂ ᠪᠣᠷᠬᠠᠨ ᠪᠤᠮᠪᠠ ᠶᠢᠨ ᠣᠷᠣᠨ | ᠰᠢᠦ᠃ | ᠵᠤᠬᠢᠶᠠᠬᠴᠢ᠄ ᠥᠨᠢᠷᠴᠡᠴᠡᠭ ︵ᠤᠯᠠᠭᠠᠨᠬᠠᠳᠠ ᠬᠤᠲᠠ ᠶᠢᠨ ᠤᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠪᠣᠷᠣᠬᠤᠲᠠ | ᠮᠤᠩᠭᠤᠯ ᠳᠣᠮᠳᠠᠳᠣ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠭᠡᠳᠦ ᠬᠤᠶᠠᠷ ᠤᠨ ᠨᠢᠭᠡ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠡᠷᠳᠡᠨᠢᠪᠠᠶᠠᠷ |