| ᠭᠡᠷ ᠤᠨ ᠭᠠᠳᠠᠭᠠ ᠰᠠᠯᠬᠢ ᠢᠰᠭᠢᠷᠤᠨ ᠬᠠᠶᠢᠯᠠᠰᠤᠨ ᠮᠣᠳᠤ ᠬᠥᠴᠥᠳᠡᠢ ᠰᠠᠵᠢᠯᠠᠨᠠ᠃ ᠴᠣᠩᠬᠤᠨ ᠲᠡᠷᠭᠡᠳᠡ | ᠰᠠᠭᠤᠵᠤ ᠪᠠᠶᠢᠭᠰᠠᠨ ᠬᠥᠥ ᠬᠥᠬᠡ ᠶᠠᠭᠤ ᠨᠢᠭᠡ ᠪᠤᠳᠤᠯᠬᠢᠯᠠᠨ ᠭᠠᠳᠠᠭᠰᠢ ᠰᠢᠷᠳᠡᠨᠡ ᠲᠡᠭᠦᠨ ᠤ ᠨᠢᠳᠥᠨ ᠳᠤ ᠥᠯᠥ | ᠮᠡᠳᠡᠭᠳᠡᠮᠡ ᠭᠤᠮᠤᠳᠠᠯ ᠭᠤᠳᠤᠷᠠᠯ ᠤᠨ ᠰᠡᠳᠭᠢᠯ ᠭᠡᠬᠦ ᠤᠤ ᠪᠢᠰᠢ ᠰᠢᠭ ᠮᠥᠷᠥᠭᠡᠳᠡᠯ ᠥᠭᠡᠶᠢᠯᠡᠯ ᠤᠨ ᠰᠡᠳᠭᠢᠯ ᠭᠡᠪᠡᠯ | ᠲᠤᠬᠢᠷᠠᠮᠵᠢᠳᠠᠢ ᠰᠢᠭ᠋ ᠪᠠᠶᠢᠭᠠ ᠨᠢ ᠢᠯᠡᠬᠡᠨ᠃ | ᠥᠨᠥᠳᠥᠷ ᠪᠤᠯ ᠡᠮᠡᠭᠡ ᠨᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠲᠤᠯᠤᠳᠤᠭᠠᠷ ᠡᠳᠥᠷ ᠪᠤᠯᠤᠨᠠ᠃ ᠠᠬᠠ ᠶᠢᠨ ᠬᠢᠨ ᠬᠡᠯᠡᠬᠦ ᠪᠠᠷ | ᠬᠥᠮᠥᠨ ᠨᠠᠰᠤ ᠪᠠᠷᠠᠪᠠᠯ ᠲᠤᠯᠤᠳᠤᠭᠠᠷ ᠡᠳᠥᠷ ᠲᠤ ᠪᠠᠨ ᠰᠥᠨᠡᠰᠥ ᠨᠢ ᠭᠡᠷ ᠲᠤ ᠪᠠᠨ ᠡᠷᠭᠢᠨᠡ ᠭᠡᠨᠡ᠃ ᠬᠥᠬᠡ ᠡᠨᠡ | ᠡᠳᠥᠷ ᠢ ᠤᠳᠠᠳᠠᠯᠠ ᠬᠥᠯᠢᠶᠡᠪᠡ᠃ ᠬᠡᠳᠦ᠋ᠢᠪᠡᠷ ᠲᠡᠷᠡ ᠰᠥᠨᠡᠰᠥ ᠭᠡᠳᠡᠭ ᠢ ᠢᠳᠡᠭᠡᠳᠡᠭ ᠥᠭᠡᠢ ᠪᠤᠯᠪᠠᠴᠥ | ᠡᠮᠡᠭᠡ ᠶᠢᠨ ᠬᠢᠨ ᠰᠥᠨᠡᠰᠥ ᠡᠷᠭᠢᠪᠡᠯ ᠨᠢᠭᠡ ᠤᠯᠤᠭᠠᠳ ᠬᠠᠷᠠᠴᠢᠬᠠᠨᠠ ᠭᠡᠵᠤ ᠢᠳᠡᠭᠡᠯ ᠲᠠᠢ ᠪᠠᠶᠢᠯᠠ᠃ ︽ᠬᠥᠥ ᠮᠢᠨᠢ | ᠬᠤᠷᠳᠤᠨ ᠪᠤᠰ︕ ᠭᠠᠷᠠᠭ ᠤᠨ ᠡᠳᠥᠷ ᠪᠤᠯᠪᠠᠴᠥ ᠥᠳᠡ ᠪᠤᠯᠳᠠᠯᠠ ᠤᠨᠳᠠᠭᠠᠳ ᠥᠶᠡᠷ ᠪᠤᠯᠳᠠᠯᠠ ᠰᠢᠭᠡᠵᠤ ᠪᠤᠯᠬᠤ | ᠥᠭᠡᠢ ᠰᠢᠥ᠂ ᠥᠨᠥᠳᠥᠷ ᠪᠢ ᠭᠠᠳᠠᠭᠰᠢ ᠭᠠᠷᠤᠨᠠ ᠴᠢ ᠭᠡᠷ ᠲᠤ ᠪᠠᠨ ᠪᠠᠶᠢᠭᠠᠷᠠᠢ ᠥᠯᠥᠰᠪᠡᠯ ᠬᠥᠯᠳᠡᠭᠡᠭᠦᠷ ᠠᠴᠠ | ᠲᠠᠯᠬᠠ ᠠᠪᠴᠥ ᠢᠳᠡ︾ ᠭᠡᠵᠤ ᠬᠡᠯᠡᠭᠡᠳ ᠡᠵᠢ ᠨᠢ ᠪᠤᠭᠴᠤ ᠪᠠᠨ ᠠᠪᠤᠭᠠᠳ ᠭᠡᠷ ᠠᠴᠠ ᠪᠠᠨ ᠭᠠᠷᠤᠯᠠ᠃ | ︽ᠵᠠ᠂ ᠮᠡᠳᠡᠯᠡ᠂ ᠥᠨᠥᠳᠥᠷ ᠲᠤᠯᠤᠳᠤᠭᠠᠷ ᠡᠳᠥᠷ ᠪᠢᠵᠡ︾ ᠭᠡᠬᠦ ᠳᠤ ᠬᠡᠰᠡᠭ ᠤᠳᠠᠭᠰᠠᠨ ᠴᠦ ᠬᠠᠷᠢᠭᠤ | ᠥᠭᠡᠢ ᠪᠤᠯᠬᠤᠷ ᠡᠵᠢ ᠨᠢ ᠨᠢᠭᠡᠨᠳᠡ ᠭᠠᠷᠤᠭᠠᠳ ᠬᠤᠯᠠ ᠶᠠᠪᠤᠭᠰᠠᠨ ᠢ ᠮᠡᠳᠡᠪᠡ᠃ ᠬᠥᠬᠡ ᠰᠡᠭᠦᠷᠡᠰᠥ ᠠᠯᠳᠠᠨ | ᠬᠠᠨᠵᠤᠨ ᠠᠴᠠ ᠪᠠᠨ ᠪᠠᠭᠤᠵᠦ ᠬᠤᠭᠤᠯᠠᠨ ᠰᠢᠷᠡᠭᠡᠨ ᠤ ᠲᠡᠷᠭᠡᠳᠡ ᠤᠴᠢᠨ ᠰᠠᠨᠳᠠᠯᠢ ᠪᠠᠨ ᠳᠠᠳᠠᠨ ᠲᠠᠯᠬᠠ ᠶᠢ | ᠠᠳᠬᠤᠨ ᠬᠠᠵᠠᠵᠤ ᠪᠠᠶᠢᠳᠠᠯᠠ ᠨᠢᠳᠤᠨ ᠳᠤᠨᠢ ᠨᠢᠭᠡ ᠶᠠᠭᠤᠮᠠ ᠬᠠᠷᠠᠭᠳᠠᠯᠠ᠃ ᠲᠡᠷᠡ ᠬᠡᠰᠡᠭ ᠮᠡᠯᠡᠷᠡᠭᠰᠡᠨ ᠢᠶᠠᠨ | ᠰᠢᠷᠡᠭᠡᠨ ᠲᠡᠭᠡᠷᠡᠬᠢ ᠬᠥᠷᠡᠩ ᠬᠠᠪᠢᠰᠤ ᠲᠠᠢ ᠰᠡᠭᠦᠳᠡᠷ ᠢ ᠠᠪᠴᠥ ᠥᠵᠡᠪᠡ᠃ ᠭᠤᠤᠯ ᠲᠤᠮᠳᠠ ᠨᠢ ᠡᠮᠡᠭᠡ ᠨᠢ ᠨᠢᠭᠤᠷ | ᠲᠥᠭᠦᠷᠡᠩ ᠢᠨᠢᠶᠡᠮᠰᠥᠭᠯᠡᠨ ᠰᠠᠭᠤᠵᠤ ᠡᠪᠥᠳᠥᠭ ᠲᠡᠭᠡᠷᠡ ᠨᠢ ᠬᠥᠬᠡ ᠰᠠᠭᠤᠭᠰᠠᠨ ᠪᠠᠶᠢᠪᠠ᠃ ᠡᠮᠡᠭᠡ ᠶᠢᠨ ᠬᠢᠨ ᠵᠡᠭᠦᠨ | ᠲᠠᠯᠠ ᠳᠤ ᠡᠵᠢ ᠨᠢ ᠪᠠᠷᠠᠭᠤᠨ ᠲᠠᠯᠠ ᠳᠤ ᠠᠪᠤ ᠨᠢ ᠵᠤᠭᠰᠤᠭᠰᠠᠨ ᠪᠠᠶᠢᠪᠠ᠃ ︽ᠡᠨᠡ ᠴᠢᠨᠢ ᠲᠥᠷᠪᠡᠨ ᠵᠢᠯ ᠤᠨ | ᠡᠮᠥᠨᠡ ᠲᠠᠳᠠᠭᠤᠯᠤᠭᠰᠠᠨ ᠰᠡᠭᠦᠳᠡᠷ ᠪᠢᠰᠢ ᠤᠤ ᠁︾ ᠬᠥᠬᠡ ᠶᠢᠨ ᠲᠠᠷᠢᠬᠢᠨ ᠳᠤ ᠤᠯᠠᠨ ᠥᠵᠡᠭᠳᠡᠯ ᠬᠠᠷᠪᠤᠨ | ᠤᠷᠤᠨᠠ᠃ ᠲᠥᠷᠪᠡᠨ ᠵᠢᠯ ᠤᠨ ᠡᠮᠥᠨᠡ ᠡᠵᠢ ᠨᠢ ᠲᠡᠭᠦᠨ ᠢ ᠲᠡᠷᠭᠡᠳᠡ ᠪᠠᠨ ᠵᠤᠭᠰᠤᠭᠠᠨ ᠰᠡᠭᠦᠳᠡᠷᠯᠡᠬᠦ ᠭᠡᠵᠤ | ᠪᠠᠶᠢᠳᠠᠯᠠ ᠡᠮᠡᠭᠡ ᠨᠢ ︽ᠬᠥᠥ ᠮᠢᠨᠢ᠂ ᠨᠠᠰᠢ ᠢᠷᠡ︕ ᠡᠮᠡᠭᠡ ᠶᠢᠨ ᠢᠶᠠᠨ ᠡᠪᠥᠳᠥᠭ ᠲᠡᠭᠡᠷᠡ ᠰᠠᠭᠤ︾ ᠭᠡᠰᠡᠨ ᠳᠤ | ᠬᠥᠬᠡ ᠤᠴᠢᠬᠤ ᠭᠡᠳᠡᠯᠡ ᠡᠵᠢ ᠨᠢ ︽ᠡᠵᠢ ᠡ᠂ ᠬᠥᠥ ᠡᠶᠢᠮᠥ ᠪᠥᠳᠥᠭᠦᠨ ᠪᠤᠯᠴᠢᠬᠠᠭᠰᠠᠨ ᠰᠢᠥ ᠲᠨᠨ ᠢ | ᠭᠡᠮᠳᠥᠭᠡᠴᠢᠭᠡᠪᠡᠯ ᠶᠠᠭᠠᠬᠢᠨᠠ︾ ᠭᠡᠨᠡ᠃ ᠡᠮᠡᠭᠡ ᠨᠢ ︽ᠬᠠᠮᠢᠶᠠ ᠥᠭᠡᠢ ᠡᠮᠡᠭᠡ ᠨᠢ ᠬᠥᠥ ᠪᠠᠨ ᠲᠠᠭᠠᠭᠠᠨᠠ᠂ ᠬᠥᠥ | ᠮᠢᠨᠢ ᠨᠠᠰᠢ ᠢᠷᠡ︾ ᠭᠡᠳ ᠡᠪᠥᠳᠥᠭ ᠢᠶᠠᠨ ᠬᠡᠳᠥ ᠬᠥᠩᠭᠡᠨ ᠠᠯᠠᠭᠠᠳᠠᠨ ᠬᠥᠬᠡ ᠶᠢᠨ ᠢᠷᠡᠵᠤ ᠰᠠᠭᠤᠬᠤ ᠶᠢ | ᠬᠥᠯᠢᠶᠡᠨᠡ᠃ ᠬᠦ᠋ᠬᠡ ᠶᠠᠭᠠᠬᠢᠬᠤ ᠪᠤᠢ ᠭᠡᠰᠡᠨ ᠮᠠᠶ᠋ᠢᠭᠳᠠᠢ ᠡᠵᠢ ᠪᠠᠨ ᠬᠠᠷᠠᠨᠠ᠃ ᠡᠵᠢ ᠨᠢ ᠬᠥᠩᠭᠡᠨ ᠰᠠᠭᠤ ᠭᠡᠰᠡᠨ | ᠮᠠᠶ᠋ᠢᠭᠳᠠᠢ ᠨᠢᠳᠥ ᠵᠠᠷᠤᠨᠠ᠃ ᠬᠥᠬᠡ ᠲᠤᠯᠤᠭᠠᠢ ᠲᠤᠬᠢᠨ ᠡᠮᠡᠭᠡ ᠶᠢᠨ ᠢᠶᠠᠨ ᠡᠪᠥᠳᠥᠭ ᠲᠡᠭᠡᠷᠡ ᠨᠢ ᠰᠠᠭᠤᠯᠠ᠃ | ᠬᠡᠳᠥᠨ ᠰᠡᠭᠦᠳᠡᠷ ᠢᠶᠠᠨ ᠲᠠᠳᠠᠵᠤ ᠪᠠᠷᠠᠭᠠᠳ ᠬᠥᠬᠡ ᠠᠪᠤ ᠲᠠᠢ ᠪᠠᠨ ᠰᠡᠭᠦᠳᠡᠷ ᠢᠶᠠᠨ ᠠᠪᠬᠤ ᠪᠠᠷ ᠤᠴᠢᠪᠠ ᠬᠥᠬᠡ ᠶᠢᠨ | ᠡᠵᠢ ᠨᠢ ︽ᠡᠵᠢ ᠡ᠂ ᠵᠥᠭᠡᠷ ᠤᠤ︖ ᠠᠢ ᠡᠨᠡ ᠬᠡᠥᠬᠡᠳ ᠭᠡᠵᠥ ᠡ᠂ ᠬᠥᠩᠭᠡᠨ ᠰᠠᠭᠤ ᠭᠡᠬᠦ ᠳᠤ︾᠂ ︽ᠵᠥᠭᠡᠷ | ᠡ᠂ ᠵᠥᠭᠡᠷ᠂ ᠬᠥᠥ ᠶᠢᠨ ᠪᠤᠷᠤᠭᠤ ᠪᠢᠰᠢ ᠡᠨᠡ ᠮᠠᠭᠤ ᠬᠥᠯ ᠮᠢᠨᠢ ᠵᠢᠭᠠᠬᠠᠨ ᠤᠳᠠᠭᠠᠨ ᠰᠠᠭᠤᠬᠤ ᠳᠤ ᠯᠡ | ᠪᠠᠳᠠᠶᠢᠷᠠᠵᠤ ᠬᠥᠰᠢᠴᠢᠭᠡᠬᠦ ᠨᠢ ᠡ︾ ᠭᠡᠵᠤ ᠡᠮᠡᠭᠡ ᠨᠢ ᠪᠡᠶᠡ ᠪᠠᠨ ᠪᠤᠷᠤᠭᠤᠳᠬᠠᠨᠠ᠃ ᠡᠨᠡ ᠪᠠᠶᠢᠳᠠᠯ ᠢ ᠥᠵᠡᠭᠰᠡᠨ | ᠬᠥᠬᠡ ᠤᠰᠤᠯᠳᠤᠭᠰᠠᠨ ᠢᠶᠠᠨ ᠮᠡᠳᠡᠷᠡᠵᠤ ᠠᠷᠠᠢ ᠯᠡ ᠨᠢᠯᠪᠤᠰᠤ ᠤᠨᠠᠭᠠᠭᠠ ᠥᠭᠡᠢ᠃ | ᠥᠨᠥ ᠡᠭᠦᠨ ᠢ ᠪᠠᠨ ᠪᠤᠳᠤᠬᠤ ᠳᠤ ᠯᠡ ᠬᠥᠬᠡ ᠶᠢᠨ ᠬᠠᠮᠠᠷ ᠨᠢ ᠬᠤᠷᠤᠰᠤᠨ ᠬᠤᠭᠤᠯᠠᠢ ᠨᠢ ᠭᠠᠰᠢᠭᠤᠳᠠᠨ | ᠨᠢᠯᠪᠤᠰᠤ ᠨᠢ ᠬᠡᠯᠬᠢᠶᠡ ᠨᠢ ᠲᠠᠰᠤᠷᠠᠭᠰᠠᠨ ᠰᠤᠨᠳᠤᠷ ᠤᠨ ᠮᠥᠬᠦᠯᠢᠭ ᠰᠤᠪᠤᠳ ᠰᠢᠥ ᠯᠡ ᠪᠥᠮᠪᠥᠷᠢᠨᠡ᠃ ᠲᠡᠷᠡ | ᠲᠠᠯᠬᠠ ᠪᠠᠨ ᠠᠷᠠᠢ ᠬᠡᠳᠥ ᠬᠠᠵᠠᠭᠰᠠᠨ ᠪᠤᠯᠪᠠᠴᠥ ᠵᠠᠯᠭᠢᠵᠤ ᠤᠷᠤᠬᠤ ᠥᠭᠡᠢ ᠪᠠᠶᠢᠯᠠ᠃ ᠡᠵᠢ ᠶᠢᠨ ᠢᠶᠠᠨ | ᠥᠷᠥᠭᠡᠨ ᠳᠤ ᠤᠷᠤᠬᠤ ᠳᠤ ᠡᠮᠡᠭᠡ ᠶᠢᠨ ᠬᠢᠨ ᠬᠠᠷᠠ ᠰᠡᠭᠦᠳᠡᠷ ᠬᠠᠷᠠᠭᠳᠠᠪᠠ ᠡᠨᠡ ᠰᠡᠭᠦᠳᠡᠷ ᠨᠢ ᠡᠮᠡᠭᠡ ᠨᠢ ᠬᠤᠷᠢᠨ | ᠬᠡᠳᠥᠳᠡᠢ ᠥᠶᠡ ᠳᠤ ᠪᠠᠨ ᠲᠠᠳᠠᠭᠤᠯᠤᠭᠰᠠᠨ ᠰᠡᠭᠦᠳᠡᠷ ᠪᠠᠶᠢᠯᠠ᠃ ᠤᠷᠳᠤ ᠬᠠᠷᠠ ᠭᠡᠵᠢᠭᠡ ᠪᠠᠨ ᠬᠤᠶᠠᠷ ᠭᠥᠷᠥᠨ | ᠡᠮᠥᠨᠡᠭᠦᠷ ᠢᠶᠠᠨ ᠤᠨᠵᠢᠭᠤᠯᠴᠢᠬᠠᠭᠰᠠᠨ᠂ ᠨᠢᠭᠤᠷ ᠴᠢᠷᠠᠢ ᠳᠤ ᠨᠢ ᠤᠨ ᠵᠢᠯ ᠢ ᠡᠯᠡᠭᠡᠭᠰᠡᠨ ᠥᠷᠴᠢᠯᠡᠭᠡ ᠶᠢᠨ ᠢᠮ | ᠲᠡᠮᠳᠡᠭ ᠭᠡᠵᠤ ᠪᠠᠶᠢᠬᠤ ᠥᠭᠡᠢ᠃ ᠰᠡᠭᠦᠳᠡᠷ ᠢ ᠬᠠᠷᠠᠭᠠᠳ ᠪᠠᠶᠢᠬᠤ ᠳᠤ ᠡᠮᠡᠭᠡ ᠶᠢᠨ ᠬᠢᠨ ᠢᠨᠢᠶᠡᠬᠦ ᠲᠥᠷᠢ ᠨᠢ | ᠢᠯᠡᠷᠡᠬᠦ ᠰᠢᠭ ᠪᠤᠯᠪᠠ᠂ ᠬᠡᠳᠥᠬᠡᠨ ᠡᠳᠥᠷ ᠤᠨ ᠡᠮᠥᠨᠡ ᠬᠥᠬᠡ ᠡᠮᠡᠭᠡ ᠳᠤ ᠪᠠᠨ ᠢᠨᠢᠶᠡᠳᠥᠮ ᠱᠤᠭ ᠭᠠᠷᠭᠠᠵᠤ | ᠠᠭᠠᠰᠢᠯᠠᠬᠤ ᠳᠤ ᠡᠮᠡᠭᠡ ᠨᠢ ᠲᠠᠭᠠᠯᠠᠮᠵᠢᠳᠠᠶᠢᠬᠠᠨ ᠢᠨᠢᠶᠡᠴᠢᠭᠡᠳ ᠬᠥᠭᠡ ᠶᠢ ᠥᠭᠦᠭᠡᠷᠳᠥᠨ ᠥᠨᠥᠰᠳᠡᠭ ᠪᠠᠶᠢᠭᠰᠠᠨ᠃ | ᠲᠡᠷᠡ ᠴᠠᠭ ᠮᠥᠴᠡ ᠲᠡᠶᠢᠮᠥ ᠯᠡ ᠪᠠᠶᠠᠷ ᠲᠠᠢ ᠲᠡᠶᠢᠮᠥ ᠯᠡ ᠭᠤᠶᠤ ᠪᠠᠶᠢᠭᠰᠠᠨ᠃ | ᠬᠥᠬᠡ ᠥᠷᠥᠭᠡᠨ ᠳᠤ ᠪᠠᠨ ᠪᠤᠴᠠᠵᠤ ᠴᠤᠩᠬᠤᠨ ᠲᠡᠷᠭᠡᠳᠡᠬᠢ ᠰᠠᠨᠳᠠᠯᠢ ᠲᠡᠭᠡᠷᠡ ᠰᠠᠭᠤᠵᠦ ᠭᠠᠳᠠᠨᠠᠬᠢ | ᠥᠵᠡᠮᠵᠢ ᠶᠢ ᠤᠳᠠᠳᠠᠯᠠ ᠬᠠᠷᠠᠯᠠ᠃ ᠨᠢᠯᠪᠤᠰᠤ ᠴᠢᠢᠯᠭᠡᠨᠡᠭᠰᠡᠨ ᠨᠢᠳᠤᠨ ᠳᠤᠨᠢ ᠨᠢᠭᠡ ᠬᠥᠮᠥᠨ ᠤ ᠪᠠᠷᠠ ᠬᠠᠷᠠᠭᠳᠠᠪᠠ᠃ | ᠮᠤᠳᠤᠨ ᠤ ᠠᠷᠤ ᠠᠴᠠ ᠠᠯᠭᠤᠷᠬᠠᠨ ᠨᠠᠰᠢᠯᠠᠨᠠ ︽ᠲᠡᠷᠡ ᠁ ᠲᠡᠷᠡ ᠴᠢᠨᠢ ᠁ ᠡᠮᠡᠭᠡ ᠁ ᠡᠮᠡᠭᠡ ᠡ︾ | ᠭᠡᠵᠦ ᠰᠠᠨᠳᠠᠯᠢ ᠠᠴᠠ ᠪᠠᠨ ᠪᠤᠰᠤᠨ ᠭᠥᠶᠥᠨ ᠭᠠᠷᠪᠠ᠃ ᠡᠷᠭᠢᠨ ᠲᠤᠭᠤᠷᠢᠨ ᠮᠤᠳᠤᠨ ᠤ ᠠᠷᠤ ᠬᠥᠷᠢᠶᠡᠨ ᠲᠤᠳᠤᠷᠠ | ᠤᠳᠠᠳᠠᠯᠠ ᠡᠷᠢᠪᠡ᠃ ᠨᠢᠳᠥ ᠪᠠᠨ ᠨᠤᠬᠤᠯᠤᠨ ᠲᠠᠬᠢᠨ ᠨᠠᠷᠢᠪᠴᠢᠯᠠᠨ ᠬᠠᠷᠠᠵᠤ ᠲᠠᠬᠢᠨ ᠡᠷᠢᠭᠰᠡᠨ ᠪᠤᠯᠪᠠᠴᠥ | ᠡᠮᠡᠭᠡ ᠶᠢᠨ ᠬᠢᠨ ᠲᠥᠷᠢ ᠲᠠᠬᠢᠵᠤ ᠢᠯᠡᠷᠡᠭᠰᠡᠨ ᠥᠭᠡᠢ᠃ ᠲᠡᠷᠡ ᠡᠮᠡᠭᠡ ᠪᠠᠨ ᠰᠤᠷᠠᠭᠯᠠᠯᠠ᠃ ᠬᠥᠮᠥᠨ ᠠᠴᠠ | ᠠᠰᠠᠭᠤᠯᠠ᠃ ᠤᠯᠵᠤ ᠬᠠᠷᠠᠭᠰᠠᠨ ᠬᠥᠮᠥᠨ ᠪᠠᠶᠢᠬᠤ ᠥᠭᠡᠢ ᠶᠠᠳᠠᠷᠠᠵᠤ ᠲᠦᠢᠯᠳᠤᠭᠠᠳ ᠵᠤᠷᠢᠭ ᠮᠤᠬᠤᠪᠠ᠃ | ᠲᠡᠷᠡ ᠭᠡᠷ ᠤᠷᠤᠭᠤ ᠪᠠᠨ ᠬᠠᠷᠢᠬᠤ ᠵᠠᠮ ᠳᠤ ᠪᠠᠨ ᠤᠯᠢᠶᠠᠰᠤᠨ ᠮᠤᠳᠤᠨ ᠤ ᠲᠤᠤᠷᠠ ᠬᠥᠷᠥᠭᠡᠳ ᠤᠯᠢᠶᠠᠰᠤ ᠶᠢ | ᠲᠥᠰᠢᠨ ᠪᠤᠳᠤᠯᠭᠠ ᠪᠤᠯᠤᠨᠠ᠃ ᠲᠡᠷᠡ ᠴᠡᠴᠡᠷᠯᠢᠭ ᠲᠤ ᠪᠠᠶᠢᠬᠤ ᠳᠤ ᠡᠮᠡᠭᠡ ᠲᠠᠢ ᠪᠠᠨ ᠴᠤᠭ ᠰᠠᠭᠤᠳᠠᠭ᠃ ᠠᠪᠤ | ᠡᠵᠢ ᠨᠢ ᠬᠥᠳᠡᠭᠡ ᠬᠤᠨᠢᠨ ᠳᠤ ᠪᠠᠨ ᠶᠠᠪᠤᠳᠠᠭ ᠭᠠᠷᠠᠭ ᠢᠶᠠᠷ ᠢᠷᠡᠪᠡᠯ ᠬᠥᠬᠡ ᠶᠢ ᠤᠨᠳᠠᠭᠤᠯᠴᠢᠬᠠᠭᠠᠳ ᠤᠷᠭᠤᠵᠤ | ᠶᠠᠪᠤᠳᠠᠭ ᠪᠠᠶᠢᠭᠰᠠᠨ᠃ ᠨᠢᠭᠡ ᠤᠳᠠᠭᠠ ᠬᠥᠬᠡ ᠨᠦᠢᠷ ᠠᠴᠠ ᠪᠠᠨ ᠰᠡᠷᠢᠭᠡᠳ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠬᠤᠶᠢᠨᠠ ᠠᠴᠠ | ᠨᠡᠬᠡᠪᠡ᠃ ᠡᠮᠡᠭᠡ ᠨᠢ ᠰᠠᠨᠳᠤᠷᠤᠨ ᠬᠥᠭᠡ ᠶᠢᠨ ᠬᠤᠶᠢᠨᠠ ᠠᠴᠠ ᠨᠡᠬᠡᠵᠤ ︽ᠵᠤᠭᠰᠤ ᠳ᠋ᠠ︕ ᠡᠮᠡᠭᠡ ᠨᠢ ᠨᠡᠬᠡᠵᠤ | ᠭᠥᠢᠴᠡᠬᠦ ᠥᠭᠡᠢ ᠪᠠᠶᠢᠨᠠ ᠪᠤᠴᠠᠵᠤ ᠢᠷᠡ ᠡ᠂ ᠪᠤᠭᠤᠷᠰᠤᠭ ᠥᠭᠭᠦᠶᠡ︾ ᠭᠡᠭᠰᠡᠭᠡᠷ ᠭᠥᠢᠴᠡᠨ ᠢᠷᠡᠭᠡᠳ | ᠬᠠᠷᠮᠠᠨ ᠠᠴᠠ ᠪᠠᠨ ᠪᠤᠭᠤᠷᠰᠤᠭ ᠭᠠᠷᠭᠠᠵᠤ ᠥᠭᠭᠦᠨᠡ ︽ᠪᠢᠳᠡᠭᠡᠢ ᠤᠭᠢᠯᠠ︾ ᠭᠡᠳ ᠥᠰᠥ ᠶᠢ ᠨᠢ ᠢᠯᠪᠢᠨᠡ᠃ | ᠬᠥᠬᠡ ᠨᠢᠯᠪᠤᠰᠤᠳᠠᠢ ᠨᠢᠳᠥ ᠪᠠᠨ ᠮᠡᠯᠳᠡᠭᠡᠨᠡᠭᠦᠯᠥᠨ ᠠᠪᠤ ᠡᠵᠢ ᠬᠡᠵᠢᠶᠡ ᠢᠷᠡᠬᠦ ᠶᠤᠮ︾ ᠭᠡᠵᠤ ᠠᠰᠠᠭᠤᠨᠠ᠃ ︽ | ᠤᠬᠠᠭᠠᠨ ᠲᠠᠢ ᠪᠠᠢ᠂ ᠪᠢᠴᠢᠭ ᠢᠶᠠᠨ ᠰᠠᠶᠢᠨ ᠰᠤᠷ᠂ ᠤᠳᠠᠯ ᠥᠭᠡᠢ ᠢᠷᠡᠴᠢᠭᠡᠨᠡ︾᠂ ︽ᠡᠮᠡᠭᠡ ᠡ᠂ ᠨᠠᠮᠠ ᠶᠢ | ᠡᠭᠦᠷᠥᠭᠡᠴᠢ ᠪᠢ ᠬᠥᠯ ᠡᠪᠡᠳᠴᠥ ᠪᠠᠶᠢᠨᠠ︾ ᠭᠡᠵᠤ ᠬᠥᠬᠡ ᠡᠷᠬᠡᠯᠡᠨᠡ᠃ ᠡᠮᠡᠭᠡ ᠨᠢ ᠢᠨᠢᠶᠡᠴᠢᠭᠡᠳ ᠲᠤᠭᠤᠭᠰᠢ | ᠤᠴᠦ᠋ᠢᠨ ᠰᠠᠭᠤᠵᠤ ᠬᠥᠬᠡ ᠶᠢ ᠡᠭᠦᠷᠪᠡ᠃ ᠨᠠᠮᠤᠷ ᠤᠨ ᠤᠯᠠᠷᠢᠯ ᠤᠨ ᠭᠠᠵᠠᠷ ᠲᠥᠭᠦᠷᠡᠩ ᠨᠠᠪᠴᠢᠰ ᠤᠨ ᠲᠡᠭᠡᠭᠦᠷ | ᠱᠠᠷ ᠱᠠᠷ ᠭᠢᠰᠭᠢᠯᠡᠨ ᠶᠠᠪᠤᠬᠤ ᠳᠤ ᠶᠡᠷᠥ ᠪᠤᠰᠤ ᠶᠢᠨ ᠲᠠᠭᠠᠯᠠᠮᠵᠢᠳᠠᠢ ᠲᠠᠭᠤ ᠰᠤᠨᠤᠰᠳᠠᠨᠠ᠃ ᠰᠢᠷᠭᠠᠯ ᠨᠠᠷᠠ | ᠲᠡᠭᠡᠷᠡ ᠠᠴᠠ ᠬᠥᠬᠡ ᠶᠢᠨ ᠨᠢᠷᠤᠭᠤ ᠶᠢ ᠲᠤᠯᠠᠭᠠᠴᠠᠭᠤᠯᠤᠨ ᠬᠥᠬᠡ ᠡᠮᠡᠭᠡ ᠶᠢᠨ ᠢᠶᠠᠨ ᠨᠢᠷᠤᠭᠤᠨ ᠳᠤ ᠨᠠᠯᠠᠨ | ᠠᠭᠠᠵᠢᠮᠬᠠᠨ ᠰᠠᠵᠢᠯᠠᠬᠤ ︽ᠥᠯᠥᠭᠡᠢ︾ ᠳᠤ ᠲᠠᠭᠠᠳᠠᠶᠢᠬᠠᠨ ᠤᠨᠳᠠᠴᠢᠬᠠᠪᠠ᠃ | ᠨᠢᠭᠡ ᠮᠡᠳᠡᠬᠦ ᠳᠤ ᠲᠡᠭᠷᠢ ᠬᠠᠷᠠᠩᠭᠤᠶᠢᠯᠪᠠ᠃ ᠭᠠᠷ ᠤᠳᠠᠰᠤ ᠪᠠᠨ ᠠᠪᠴᠥ ᠡᠵᠢ ᠳᠤ ᠪᠠᠨ ᠤᠳᠠᠰᠤ ᠠᠪᠤᠪᠠ᠃ | ᠳ᠋ᠧᠩ ᠢᠶᠠᠨ ᠲᠠᠷᠤᠨ ᠤᠨᠳᠠᠬᠤ ᠭᠡᠳᠡᠯᠡ ᠴᠢᠬᠢᠨ ᠳᠤᠨᠢ ᠲᠠᠨᠢᠯ ᠲᠠᠭᠤ ᠲᠤᠭᠤᠯᠳᠠᠪᠠ᠃ ︽ᠬᠥᠥ ᠮᠢᠨᠢ᠂ ᠤᠶᠢᠷᠠ ᠳᠤ | ᠶᠠᠮᠠᠷ ᠰᠢᠥ ᠪᠠᠶᠢᠨᠠ︾ ᠲᠤᠳᠤᠨᠤ ᠰᠠᠨᠠᠭᠳᠠᠭᠰᠠᠨ ᠭᠡᠵᠥ ᠡ᠂ ᠡᠮᠡᠭᠡ ᠶᠢᠨ ᠬᠢᠨ ᠲᠠᠭᠤ ᠶᠠᠭ ᠮᠥᠨ᠃ ᠲᠡᠷᠡ | ᠴᠡᠴᠡᠷᠬᠢᠯᠡᠭᠰᠡᠨ ᠬᠤᠭᠤᠯᠠᠢ ᠪᠠᠷ ︽ᠡᠮᠡᠭᠡ ᠡ᠂ ᠪᠢ ᠲᠠᠨ ᠢ ᠶᠡᠭᠡ ᠰᠠᠨᠠᠵᠤ ᠪᠠᠶᠢᠨᠠ᠂ ᠲᠠᠨ ᠤ ᠬᠢᠬᠦ ᠬᠤᠭᠤᠯᠠ᠂ | ᠨᠡᠩ ᠢᠯᠠᠩᠭᠤᠶᠠ ᠲᠠᠨ ᠤ ᠬᠢᠭᠰᠡᠨ ᠪᠤᠤᠰᠠ᠂ ᠵᠢᠭᠠᠰᠤ᠂ ᠯᠤᠤᠪᠠᠩ ᠲᠠᠢ ᠱᠥᠯᠤ᠂ ᠁ ᠲᠠᠨ ᠤ ᠪᠠᠨ ᠲᠡᠷᠭᠡᠳᠡ | ᠤᠨᠳᠠᠪᠠᠯ ᠰᠠᠶ᠋ᠢ ᠠᠮᠳᠠᠳᠠᠢ ᠨᠦᠢᠷᠰᠤᠵᠤ ᠲᠡᠶᠢᠯᠥᠨᠡ︾ ᠭᠡᠵᠦ ᠬᠥᠬᠡ ᠲᠡᠷᠡ ᠤᠯᠠᠨ ᠢ ᠤᠷᠤᠰᠤᠭᠤᠯᠵᠤ ᠭᠠᠷᠤᠯᠠ᠃ | ᠬᠥᠬᠡ ᠤᠶᠢᠷᠠ ᠳᠤ ᠢᠩᠭᠢᠵᠤ ᠤᠭᠢᠯᠠᠭᠰᠠᠨ ᠥᠭᠡᠢ ᠲᠡᠭᠦᠨ ᠤ ᠰᠡᠳᠭᠢᠯ ᠠᠭᠤᠵᠢᠷᠠᠯᠠ᠃ ᠲᠡᠷᠡ ᠬᠠᠴᠠᠷ | ᠲᠡᠭᠡᠭᠦᠷ ᠨᠢ ᠤᠷᠤᠰᠬᠤ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠭᠰᠠᠨ ᠢᠶᠠᠨ ᠲᠡᠭᠷᠢ ᠭᠡᠭᠡᠷᠡᠬᠦ ᠰᠢᠭ ᠪᠤᠯᠤᠭᠰᠠᠨ ᠢ ᠰᠡᠷᠡᠵᠤ ᠮᠡᠳᠡᠪᠡ᠃ | ᠲᠡᠷᠡ ᠶᠢᠨ ᠲᠡᠷᠭᠡᠳᠡᠬᠢ ᠰᠡᠭᠦᠳᠡᠷ ᠢ ᠠᠪᠴᠥ ᠰᠢᠷᠡᠭᠡᠨ ᠲᠡᠭᠡᠷᠡ ᠲᠠᠯᠪᠢᠪᠠ᠃ | ᠡᠨᠡ ᠰᠡᠭᠦᠳᠡᠷ — ᠬᠥᠬᠡ ᠲᠠᠢ ᠡᠳᠥᠷ ᠰᠥᠨᠢ ᠶᠢᠨ ᠬᠤᠪᠢᠨ ᠳᠤ ᠬᠠᠮᠳᠤ ᠪᠠᠶᠢᠳᠠᠭ ᠰᠡᠭᠦᠳᠡᠷ ᠡ︕ | ᠡᠮᠡᠭᠡ ᠪᠠᠨ ᠲᠤᠷᠠᠰᠤᠨ ᠰᠠᠨᠠᠭᠠᠯᠵᠠᠬᠤ ᠪᠥᠷᠢ ᠡᠯᠢᠭᠡᠨ ᠳᠤ ᠪᠠᠨ ᠲᠡᠪᠡᠷᠢᠳᠡᠭ ᠰᠡᠭᠦᠳᠡᠷ ᠡ︕ ᠬᠥᠬᠡ ᠶᠢᠨ ᠪᠠᠭᠠ | ᠨᠠᠰᠤᠨ ᠳᠤᠨᠢ ᠪᠠᠷᠠ ᠪᠤᠯᠤᠭᠰᠠᠨ ᠰᠡᠭᠦᠳᠡᠷ᠂ ᠥᠨᠥ ᠲᠡᠭᠦᠨ ᠳᠤ ᠬᠠᠨᠢ ᠪᠤᠯᠵᠤ ᠡᠳᠥᠷ ᠰᠥᠨᠢ ᠶᠢᠨ ᠬᠤᠪᠢᠨ ᠳᠤ | ᠵᠤᠷᠢᠭᠵᠢᠭᠤᠯᠵᠤ ᠪᠠᠶᠢᠭᠠ ᠰᠡᠭᠦᠳᠡᠷ ᠶᠤᠮ ᠡ︕ | ᠵᠤᠬᠢᠶᠠᠬᠴᠢ᠄ ᠨᠠᠮᠤᠭᠤᠨ ︵ᠬᠥᠯᠥᠨ ᠪᠤᠶᠢᠷ ᠤᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠨᠢᠭᠡᠳᠥᠭᠡᠷ ᠲᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬᠠ ᠬᠤᠶᠠᠳᠤᠭᠠᠷ ᠤᠨ ᠤ ᠰᠤᠷᠤᠭᠴᠢ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠵᠢᠮᠢᠰ |