| ᠮᠠᠨ ᠤ ᠠᠩᠭᠢ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠤ ᠪᠠᠭᠰᠢ ᠪᠣᠯ ᠳᠣᠮᠳᠠ ᠶᠢᠨ ᠪᠡᠶᠡ ᠲᠠᠢ᠂ ᠳᠣᠷᠮᠣᠭᠤᠷ ᠨᠢᠳᠣ ᠲᠠᠢ᠂ | ᠭᠡᠵᠢᠶᠡᠳᠡ ᠨᠢᠭᠤᠷ ᠳᠦᠬᠦᠷᠡᠩ ᠢᠨᠢᠶᠡᠮᠰᠦᠭᠯᠡᠵᠣ ᠶᠠᠪᠣᠳᠠᠭ ᠯᠠᠪᠳᠠᠭᠤᠨ ᠳᠣᠭᠳᠠᠭᠤᠨ ᠵᠠᠩ ᠲᠠᠢ ᠬᠦᠮᠦᠨ ᠶᠤᠮ᠃ | ᠪᠢᠳᠡ ᠡ᠊ ᠪᠠᠭᠰᠢ ᠭᠡᠵᠤ ᠬᠦᠨᠳᠦᠳᠭᠡᠨ ᠳᠠᠭᠤᠳᠠᠳᠠᠭ᠃ ᠪᠢᠳᠡᠨ ᠢ ᠰᠣᠶᠣᠯ ᠮᠡᠳᠡᠯᠭᠡ ᠲᠠᠢ᠂ ᠶᠣᠰᠣ ᠮᠣᠷᠠᠯ ᠲᠠᠢ | ᠬᠦᠮᠦᠨ ᠪᠣᠯᠭᠠᠨ ᠬᠦᠮᠦᠵᠢᠬᠦᠯᠬᠦ ᠭᠡᠵᠤ ᠪᠠᠭᠰᠢ ᠮᠢᠨᠢ ᠴᠠᠭ ᠮᠦᠴᠠ ᠶᠢ ᠠᠯᠳᠠᠯ ᠦᠭᠡᠢ ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠳᠠᠢ | ᠠᠵᠢᠯᠯᠠᠵᠣ ᠯᠠ ᠪᠠᠶᠢᠳᠠᠭ ᠰᠠᠨ᠃ | ᠡ᠊ ᠪᠠᠭᠰᠢ ᠪᠢᠳᠡᠨ ᠢ ᠳᠦᠷᠪᠡᠳᠦᠭᠡᠷ ᠣᠨ ᠪᠣᠯᠬᠤ ᠠᠴᠠ ᠡᠬᠢᠯᠡᠨ ᠮᠠᠨ ᠤ ᠠᠩᠭᠢ ᠳᠤ ᠮᠣᠩᠭᠤᠯ ᠬᠡᠯᠡᠨ ᠤ | ᠬᠢᠴᠢᠶᠠᠯ ᠣᠷᠣᠵᠠᠢ᠃ ᠪᠠᠭᠰᠢ ᠮᠢᠨᠢ ᠬᠢᠴᠢᠶᠠᠯ ᠢ ᠳᠣᠩ ᠰᠠᠶᠢᠬᠠᠨ ᠳᠠᠶᠢᠯᠪᠦᠷᠢᠯᠠᠳᠠᠭ᠃ ᠵᠠᠷᠢᠮ ᠳᠤ ᠪᠠᠨ ᠪᠢᠳᠡ | ᠪᠠᠭᠰᠢ ᠶᠢᠨ ᠶᠠᠷᠢᠬᠤ ᠶᠢ ᠰᠣᠨᠣᠰᠴᠣ ᠪᠠᠶᠢᠭᠰᠠᠭᠠᠷ ᠬᠢᠴᠢᠶᠠᠯ ᠪᠠᠭᠤᠬᠤ ᠪᠠᠨ ᠴᠦ ᠮᠠᠷᠳᠠᠴᠢᠬᠠᠳᠠᠭ᠂ ᠳᠡᠭᠡᠭᠡᠳ ᠪᠠᠭᠰᠢ | ᠄ ︽ᠬᠢᠴᠢᠶᠠᠯ ᠪᠠᠭᠤᠶᠠ︾ ᠭᠡᠬᠦ ᠳᠤ ᠪᠢᠳᠡ ᠰᠠᠶ᠋ᠢ ᠰᠡᠭᠡᠰᠬᠢᠵᠣ ᠠᠪᠳᠠᠭ᠃ ᠪᠠᠭᠰᠢ ᠮᠢᠨᠢ ᠮᠠᠨ ᠤ ᠶᠠᠭᠤ ᠪᠣᠳᠣᠵᠣ | ᠪᠠᠶᠢᠬᠤ ᠶᠢ ᠪᠦᠷ ᠮᠡᠳᠡᠵᠣ ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠳᠠᠭ᠃ ᠵᠠᠷᠢᠮ ᠨᠦᠬᠦᠳ ᠠᠯᠢᠶᠠ ᠠᠭᠠᠰᠢᠯᠠᠭᠠᠳ ᠭᠡᠷᠡᠭ | ᠭᠠᠷᠭᠠᠳᠠᠭ ᠴᠦ ᠡ᠊ ᠪᠠᠭᠰᠢ ᠳᠤ ᠪᠣᠯ ᠦᠨᠡᠨ ᠢᠶᠠᠨ ᠬᠡᠯᠡᠴᠢᠭᠡᠳᠡᠭ ᠶᠤᠮ᠃ | ᠪᠠᠭᠰᠢ ᠮᠢᠨᠢ ᠦᠷᠯᠦᠭᠡ ᠪᠦᠷᠢ ᠠᠩᠭᠢ ᠳᠤ ᠡᠷᠳᠡᠯᠡᠨ ᠢᠷᠡᠭᠡᠳ ᠪᠢᠳᠡᠨ ᠤ ᠳᠠᠰᠬᠠᠯ ᠢ ᠬᠤᠷᠢᠶᠠᠨ ᠠᠪᠴᠣ᠂ | ᠣᠩᠰᠢᠯᠭᠠ ᠶᠢ ᠵᠢᠯᠣᠭᠤᠳᠳᠠᠭ᠃ ᠦᠷᠯᠦᠭᠡ ᠶᠢᠨ ᠣᠩᠰᠢᠯᠭᠠ ᠠᠷᠪᠠᠭ᠋ᠠᠨ ᠮᠢᠨᠦ᠋ᠲ ᠪᠠᠶᠢᠳᠠᠭ ᠪᠣᠯᠪᠠᠴᠣ ᠪᠢᠳᠡ ᠮᠠᠰᠢ | ᠣᠯᠠᠨ ᠶᠠᠭᠤᠮᠠ ᠣᠩᠰᠢᠭᠠᠳ ᠵᠠᠪᠳᠣᠴᠢᠬᠠᠳᠠᠭ᠃ ᠪᠠᠭᠰᠢ ᠮᠢᠨᠢ ᠵᠠᠷᠢᠮ ᠳᠤ ᠪᠠᠨ ᠪᠢᠳᠡᠨ ᠢᠶᠠᠷ ᠰᠢᠯᠦᠭ | ᠴᠡᠭᠡᠵᠢᠯᠡᠬᠦᠯᠦᠨᠠ᠂ ᠵᠠᠷᠢᠮ ᠳᠤ ᠪᠠᠨ ᠬᠢᠴᠢᠶᠠᠯ ᠣᠩᠰᠢᠭᠤᠯᠣᠨᠠ᠂ ᠪᠠᠰᠠ ᠵᠠᠷᠢᠮ ᠳᠤ ᠪᠠᠨ ᠵᠦᠢᠷ ᠰᠡᠴᠡᠨ ᠦᠭᠡ | ᠬᠡᠯᠡᠬᠦᠯᠬᠦ ᠪᠣᠶᠣ ᠳᠠᠭᠤᠨ ᠰᠢᠩᠭᠡᠭᠡᠯᠳᠠ ᠰᠣᠨᠣᠰᠬᠠᠨᠠ᠃ ᠵᠠᠷᠢᠮ ᠳᠤ ᠪᠠᠨ ᠨᠢᠭᠡ ᠨᠢᠭᠡ ᠬᠦᠮᠦᠨ ᠢᠶᠠᠷ ᠡᠭᠡᠯᠵᠢᠯᠡᠨ | ᠣᠩᠰᠢᠭᠤᠯᠣᠨᠠ᠂ ᠵᠠᠷᠢᠮ ᠳᠤ ᠪᠠᠨ ᠳᠣᠭᠤᠶᠢᠯᠠᠩ ᠬᠤᠪᠢᠶᠠᠵᠣ ᠦᠷᠢᠰᠦᠯᠳᠦᠨ ᠣᠩᠰᠢᠭᠤᠯᠣᠨᠠ᠃ ᠳᠡᠭᠡᠵᠣ | ᠣᠷᠣᠯᠳᠣᠨ ᠣᠩᠰᠢᠭᠰᠠᠭᠠᠷ ᠪᠠᠶᠢᠵᠣ᠂ ᠮᠠᠨ ᠤ ᠠᠩᠭᠢ ᠶᠢᠨ ᠨᠣᠮ ᠣᠩᠰᠢᠬᠤ ᠴᠢᠳᠠᠪᠣᠷᠢ ᠳᠣᠩ ᠳᠡᠭᠡᠭᠰᠢᠯᠡᠭᠰᠡᠨ ᠰᠢᠣ | ︕ ᠪᠠᠰᠠ ᠬᠢᠴᠢᠶᠠᠯ ᠤᠨ ᠰᠣᠯᠠ ᠰᠡᠯᠡᠬᠦᠦ ᠴᠠᠭ ᠢᠶᠠᠷ ᠪᠢᠳᠡᠨ ᠢ ᠵᠣᠬᠢᠶᠠᠯ ᠪᠢᠴᠢᠬᠦ ᠶᠢ ᠵᠣᠷᠢᠭᠵᠢᠭᠤᠯᠵᠣ᠂ ᠵᠠᠷᠢᠮ | ᠨᠦᠬᠦᠳ ᠤᠨ ᠰᠠᠶᠢᠬᠠᠨ ᠪᠢᠴᠢᠭᠰᠡᠨ ᠵᠣᠬᠢᠶᠠᠯ ᠢ ᠣᠯᠠᠨ ᠤ ᠡᠮᠣᠨᠠ ᠣᠩᠰᠢᠵᠣ ᠦᠭᠭᠦᠭᠡᠳ ᠪᠢᠳᠡᠨ ᠢ | ᠠᠳᠠᠭᠠᠷᠬᠠᠭᠤᠯᠳᠠᠭ᠃ ᠪᠢ ᠣᠣᠯ ᠳᠤ ᠪᠠᠨ ᠦᠬᠦᠯᠡᠪᠦᠷᠢ ᠵᠣᠬᠢᠶᠠᠬᠤ ᠳᠤ ᠪᠠᠨ ᠴᠦ ᠬᠦᠴᠢᠷᠳᠡᠵᠣ ᠪᠠᠶᠢᠵᠠᠢ᠃ | ᠭᠡᠪᠡᠴᠣ ᠪᠠᠭᠰᠢ ᠶᠢᠨ ᠵᠣᠷᠢᠭᠵᠢᠭᠤᠯᠣᠯ ᠢᠶᠠᠷ ᠭᠡᠳᠦ ᠣᠳᠠᠭᠠᠨ ᠤ ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠢᠶᠠᠨ ᠰᠠᠶᠢᠨ | ᠪᠡᠶᠡᠯᠡᠬᠦᠯᠦᠭᠰᠡᠨ ᠠᠴᠠ ᠵᠣᠬᠢᠶᠠᠯ ᠪᠢᠴᠢᠬᠦ ᠵᠣᠷᠢᠭ ᠮᠢᠨᠢ ᠨᠡᠮᠡᠭᠳᠡᠵᠣ᠂ ᠪᠠᠰᠠ ᠨᠢᠭᠡ ᠣᠳᠠᠭᠠᠨ ᠤ ᠪᠢᠴᠢᠭᠰᠡᠨ ᠵᠣᠬᠢᠶᠠᠯ | ᠮᠢᠨᠢ ︽ᠣᠯᠠᠭᠠᠨᠬᠠᠳᠠ ᠶᠢᠨ ᠶᠡᠷᠦᠩᠭᠡᠶᠢᠯᠡᠭᠰᠡᠨ ᠷᠠᠳᠢᠣ᠋︾ ᠸᠢᠴᠠᠲ ᠳᠠᠪᠴᠡᠩ ᠳᠡᠭᠡᠷᠡ ᠨᠡᠶᠢᠳᠡᠯᠡᠭᠳᠡᠭᠰᠡᠨ ᠳᠤ ᠪᠢ | ᠳᠦᠢᠯ ᠤᠨ ᠶᠡᠭᠡ ᠪᠠᠷ ᠪᠠᠶᠠᠷᠯᠠᠨ ᠬᠦᠭᠰᠡᠭᠰᠡᠨ ᠶᠤᠮ᠃ ᠡ᠊ ᠪᠠᠭᠰᠢ ᠮᠢᠨᠢ ᠮᠠᠨ ᠳᠤ ᠵᠣᠬᠢᠶᠠᠯ ᠪᠢᠴᠢᠬᠦ ᠶᠢ ᠦᠷᠬᠦᠯᠵᠢ | ᠵᠢᠭᠠᠨ ᠵᠢᠯᠣᠭᠤᠳᠴᠣ᠂ ᠪᠠᠰᠠ ᠪᠢᠳᠡᠨ ᠢᠶᠠᠷ ᠣᠯᠠᠨᠳᠠ ᠵᠣᠬᠢᠶᠠᠯ ᠪᠢᠴᠢᠬᠦᠯᠳᠡᠭ ᠪᠣᠯᠬᠤᠷ ᠮᠠᠨ ᠤ ᠠᠩᠭᠢ ᠶᠢᠨ | ᠨᠡᠯᠢᠶᠡᠳ ᠨᠦᠬᠦᠳ ᠤᠨ ᠵᠣᠬᠢᠶᠠᠯ ︽ᠨᠠᠬᠢᠶᠠ︾᠂ ︽ᠴᠣᠮᠣᠷᠯᠢᠭ︾᠂ ︽ᠦᠪᠣᠷ ᠮᠣᠩᠭᠤᠯ ᠤᠨ ᠪᠠᠭᠠᠴᠣᠳ ᠤᠨ | ᠰᠣᠨᠢᠨ︾ ᠳᠤ ᠨᠡᠶᠢᠳᠡᠯᠡᠭᠳᠡᠵᠣ ᠪᠠᠶᠢᠨᠠ᠃ ᠪᠢᠴᠢᠭᠰᠡᠨ ᠵᠣᠬᠢᠶᠠᠯ ᠮᠢᠨᠢ ᠰᠣᠨᠢᠨ ᠰᠡᠳᠬᠦᠯ ᠳᠡᠭᠡᠷᠡ ᠨᠡᠶᠢᠳᠡᠯᠡᠭᠳᠡᠪᠠᠯ | ᠪᠢᠳᠡ ᠳᠣᠩ ᠶᠡᠭᠡ ᠪᠠᠶᠠᠰᠣᠨ ᠵᠣᠷᠢᠭᠵᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠬᠤᠭᠤᠴᠠᠭᠠᠨ ᠡᠴᠣᠰ ᠲᠤ ᠵᠣᠬᠢᠶᠠᠯ | ᠨᠡᠶᠢᠳᠡᠯᠡᠬᠦᠯᠦᠭᠰᠡᠨ ᠨᠦᠬᠦᠳ ᠢ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠬᠤᠷᠠᠯ ᠳᠡᠭᠡᠷᠡ ᠱᠠᠩᠨᠠᠨ ᠬᠦᠬᠢᠬᠦᠯᠳᠡᠭ ᠪᠣᠯᠬᠤᠷ ᠪᠢᠳᠡ | ᠬᠠᠷᠢᠯᠴᠠᠨ ᠭᠡᠨ ᠨᠢ ᠨᠡᠩ ᠣᠯᠠᠨ ᠵᠣᠬᠢᠶᠠᠯ ᠨᠡᠶᠢᠳᠡᠯᠡᠬᠦᠯᠬᠦ ᠪᠣᠯ︖ ᠭᠡᠵᠤ ᠠᠳᠠᠯᠢᠳᠬᠠᠬᠤ ᠪᠣᠯᠵᠠᠢ᠃ ᠢᠩᠭᠢᠭᠡᠳ | ᠮᠠᠨ ᠤ ᠵᠣᠬᠢᠶᠠᠯ ᠪᠢᠴᠢᠬᠦ ᠴᠢᠳᠠᠪᠦᠷᠢ ᠴᠦ ᠳᠣᠩ ᠳᠡᠭᠡᠭᠰᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠪᠠᠭᠰᠢ ᠮᠢᠨᠢ ᠪᠠᠷᠣᠭᠳᠠᠢ ᠳᠤ ᠪᠢᠳᠡᠨ ᠢ ᠠᠭᠤᠷᠯᠠᠵᠣ ᠵᠠᠩᠨᠠᠳᠠᠭ ᠦᠭᠡᠢ᠂ ᠬᠠᠷᠢᠨ ᠡᠶᠡᠯᠳᠡᠭ ᠵᠦᠭᠡᠯᠡᠨ ᠢᠶᠠᠷ | ᠶᠣᠰᠣ ᠣᠴᠢᠷ ᠢ ᠬᠡᠯᠡᠵᠣ ᠦᠭᠭᠦᠨ ᠪᠢᠳᠡᠨ ᠢ ᠰᠣᠷᠭᠠᠳᠠᠭ᠃ ᠪᠢ ᠣᠣᠯ ᠳᠤ ᠪᠠᠨ ᠬᠢᠴᠢᠶᠠᠯ ᠳᠡᠭᠡᠷᠡ ᠡᠨᠡ ᠳᠡᠷᠡ | ᠶᠠᠭᠤᠮᠠ ᠪᠠᠨ ᠣᠷᠣᠯᠳᠣᠭᠠᠳ ᠪᠠᠭᠰᠢ ᠶᠢᠨ ᠬᠢᠴᠢᠶᠠᠯ ᠳᠠᠶᠢᠯᠪᠦᠷᠢᠯᠡᠬᠤ ᠶᠢ ᠳᠡᠮᠡᠢ ᠠᠩᠬᠠᠷᠳᠠᠭ ᠦᠭᠡᠢ ᠪᠠᠶᠢᠵᠠᠢ᠃ | ᠳᠡᠭᠡᠭᠡᠳ ᠨᠢᠭᠡ ᠣᠳᠠᠭᠠᠨ ᠤ ᠰᠢᠯᠭᠠᠯᠳᠠ ᠳᠤ ᠳᠣᠩ ᠮᠠᠭᠤ ᠬᠤᠪᠢ ᠣᠯᠵᠣ᠂ ᠣᠷᠮᠠ ᠮᠠᠭᠤᠳᠠᠢ ᠰᠠᠭᠤᠵᠣ | ᠪᠠᠶᠢᠬᠤ ᠳᠤ ᠡ᠊ ᠪᠠᠭᠰᠢ ᠮᠢᠨᠣ ᠳᠡᠷᠭᠡᠳᠡ ᠢᠷᠡᠭᠡᠳ᠄ ︽ᠴᠢᠨᠣ ᠳᠠᠷᠢᠬᠢ ᠴᠢᠨᠢ ᠳᠣᠩ ᠰᠠᠶᠢᠨ ᠰᠢᠣ᠂ ᠬᠢᠴᠢᠶᠠᠯ | ᠳᠡᠭᠡᠷᠡ ᠠᠩᠬᠠᠷᠴᠣ ᠰᠣᠨᠣᠰᠣᠭᠰᠠᠭᠠᠷ ᠯᠠ ᠰᠣᠷᠣᠯᠭᠠ ᠴᠢᠨᠢ ᠣᠳᠠᠬᠤ ᠦᠭᠡᠢ ᠳᠡᠭᠡᠭᠰᠢᠯᠡᠨᠡ᠂ ᠴᠢ ᠨᠢᠭᠡ ᠴᠢᠷᠮᠠᠶᠢᠵᠣ | ᠦᠵᠡᠭᠡᠷᠡᠢ︕︾ ᠭᠡᠵᠤ ᠰᠠᠨᠠᠭᠤᠯᠪᠠ᠃ ᠪᠢ ᠡ᠊ ᠪᠠᠭᠰᠢ ᠶᠢᠨ ᠬᠡᠯᠡᠭᠰᠡᠨ ᠦᠭᠡ ᠶᠢ ᠰᠠᠨᠠᠭᠠᠨ ᠳᠤ ᠪᠠᠨ ᠠᠪᠴᠣ᠂ | ᠪᠡᠶᠡ ᠪᠠᠨ ᠪᠠᠷᠢᠨ ᠬᠢᠴᠢᠶᠠᠯ ᠳᠡᠭᠡᠷᠡ ᠠᠩᠬᠠᠷᠣᠯ ᠢᠶᠠᠨ ᠳᠦᠪᠯᠡᠷᠡᠬᠦᠯᠦᠨ ᠬᠢᠴᠢᠶᠠᠯ ᠰᠣᠨᠣᠰᠬᠤ ᠪᠣᠯᠣᠭᠰᠠᠨ ᠠᠴᠠ | ᠦᠨᠡᠭᠡᠷ ᠬᠢᠴᠢᠶᠠᠯ ᠤᠨ ᠠᠭᠤᠯᠭᠠ ᠶᠢ ᠣᠶᠢᠯᠠᠭᠠᠵᠣ᠂ ᠰᠣᠷᠣᠯᠭᠠ ᠳᠣᠩ ᠳᠦᠷᠭᠡᠨ ᠳᠡᠭᠡᠭᠰᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠳᠡᠭᠡᠭᠡᠳ ᠪᠢ ᠡ᠊ ᠪᠠᠭᠰᠢ ᠳᠤ ᠪᠠᠨ ᠳᠣᠩ ᠳᠠᠯᠠᠷᠬᠠᠵᠣ ᠶᠠᠪᠣᠳᠠᠭ᠃ | ᠡ᠊ ᠪᠠᠭᠰᠢ ᠮᠢᠨᠢ ᠭᠡᠳᠦ᠋ᠢᠪᠡᠷ ᠮᠠᠨ ᠤ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠢᠰᠢ ᠪᠣᠯᠪᠠᠴᠣ ᠠᠩᠭᠢ ᠶᠢᠨ ᠳᠦᠯᠦᠭᠡ | ᠳᠣᠩ ᠴᠢᠷᠮᠠᠶᠢᠳᠠᠭ᠂ ᠪᠢᠳᠡᠨ ᠢ ᠮᠥᠨ ᠠᠩᠭᠢ ᠨᠡᠶᠢᠳᠡ ᠶᠢᠨ ᠢᠶᠠᠨ ᠳᠦᠯᠦᠭᠡ ᠴᠢᠷᠮᠠᠶᠢᠯᠭᠠᠳᠠᠭ᠃ ᠨᠢᠭᠡ ᠣᠳᠠᠭᠠ | ᠰᠣᠷᠭᠠᠭᠤᠯᠢ ᠠᠴᠠ ᠬᠠᠮᠳᠣ ᠶᠢᠨ ᠰᠢᠯᠦᠭ ᠣᠩᠰᠢᠬᠤ ᠣᠷᠣᠯᠳᠣᠭᠠᠨ ᠦᠷᠨᠢᠬᠦᠯᠦᠭᠰᠡᠨ ᠳᠤ ᠪᠠᠭᠰᠢ ᠮᠢᠨᠢ ᠪᠢᠳᠡᠨ ᠢ | ᠳᠠᠶᠢᠴᠢᠯᠡᠨ ᠳᠣᠩ ᠬᠠᠳᠠᠭᠤᠵᠢᠯᠳᠠᠢ ᠪᠣᠯᠪᠠᠰᠣᠷᠠᠭᠤᠯᠣᠭᠰᠠᠨ ᠶᠤᠮ᠃ ᠵᠠᠷᠢᠮ ᠰᠣᠷᠣᠯᠭᠠ ᠳᠤ ᠪᠠᠨ ᠠᠨᠠᠢ ᠨᠦᠬᠦᠳ | ᠰᠢᠯᠦᠭ ᠢᠶᠠᠨ ᠴᠡᠭᠡᠵᠢᠯᠡᠬᠦ ᠦᠭᠡᠢ᠂ ᠵᠠᠷᠢᠮ ᠠᠯᠢᠶᠠ ᠳᠡᠭᠵᠢᠨ ᠨᠦᠬᠦᠳ ᠡᠷᠬᠦᠯᠳᠠ ᠳᠠᠷᠣᠯᠳᠠ ᠲᠠᠢ ᠰᠠᠶᠢᠬᠠᠨ | ᠣᠩᠰᠢᠬᠤ ᠦᠭᠡᠢ᠂ ᠵᠠᠷᠢᠮ ᠨᠦᠬᠦᠳ ᠨᠢᠭᠡ ᠨᠢ ᠨᠢᠭᠡᠨ ᠢᠶᠠᠨ ᠬᠠᠯᠳᠠᠵᠣ ᠬᠠᠪᠢᠷᠣᠨ ᠰᠠᠶᠢᠬᠠᠨ ᠵᠣᠭᠰᠣᠬᠤ ᠦᠭᠡᠢ | ᠰᠠᠬᠢᠯᠭᠠ ᠪᠠᠳᠣ ᠶᠢ ᠡᠪᠳᠡᠬᠦ ᠳᠤ ᠪᠠᠭᠰᠢ ᠮᠨᠢ ᠳᠡᠳᠡᠨ ᠢ ᠨᠢᠭᠡᠳ ᠨᠢᠭᠡ ᠪᠠᠷ ᠬᠡᠯᠡᠵᠣ ᠰᠣᠷᠭᠠᠨ᠂ ᠬᠦᠮᠦᠨ ᠪᠦᠬᠦᠨ | ᠴᠢᠷᠮᠠᠶᠢᠪᠠᠯ ᠰᠠᠶ᠋ᠢ ᠠᠩᠭᠢ ᠨᠢᠭᠡᠴᠡ ᠪᠠᠷ ᠢᠶᠠᠨ ᠠᠮᠵᠢᠯᠳᠠ ᠣᠯᠵᠣ ᠳᠡᠶᠢᠯᠣᠨᠠ ᠭᠡᠰᠡᠨ ᠶᠣᠰᠣ ᠣᠴᠢᠷ ᠢ | ᠮᠡᠳᠡᠬᠦᠯᠦᠭᠰᠡᠨ ᠶᠤᠮ᠃ ᠳᠡᠭᠡᠭᠡᠳ ᠪᠢᠳᠡ ᠬᠦᠮᠦᠨ ᠪᠦᠬᠦᠨ ᠴᠢᠳᠠᠯ ᠢᠶᠠᠷ ᠢᠶᠠᠨ ᠴᠢᠷᠮᠠᠶᠢᠵᠣ ᠣᠩᠰᠢᠭᠠᠳ ᠬᠠᠮᠤᠭ | ᠡᠴᠣᠰ ᠲᠤ ᠣᠷᠣᠯᠳᠣᠭᠠᠨ ᠤ ᠳᠡᠷᠢᠬᠦᠨ ᠢ ᠳᠡᠮᠡᠴᠡᠨ ᠣᠯᠵᠣ᠂ ᠳᠣᠩ ᠪᠠᠶᠠᠷᠯᠠᠵᠠᠭᠠᠨ᠂ ᠠᠩᠭᠢ ᠨᠡᠶᠢᠳᠡ ᠳᠤ ᠪᠠᠨ | ᠦᠩᠭᠡ ᠭᠡᠷᠡᠯ ᠨᠡᠮᠡᠷᠢᠯᠡᠭᠰᠡᠨ ᠶᠤᠮ᠃ ᠳᠡᠬᠦᠨ ᠠᠴᠠ ᠬᠤᠶᠢᠰᠢ ᠰᠣᠷᠣᠯᠭᠠ ᠠᠨᠠᠢ ᠰᠣᠷᠣᠭᠴᠢ ᠴᠦ ᠭᠡᠰᠡᠨ᠂ ᠠᠯᠢᠶᠠ | ᠳᠡᠭᠵᠢᠨ ᠰᠣᠷᠣᠭᠴᠢ ᠴᠦ ᠭᠡᠰᠡᠨ ᠴᠦᠮ ᠠᠩᠭᠢ ᠨᠡᠶᠢᠳᠡ ᠶᠢᠨ ᠢᠶᠠᠨ ᠳᠦᠯᠦᠭᠡ ᠴᠢᠷᠮᠠᠶᠢᠬᠤ ᠪᠣᠯᠪᠠ᠃ | ᠬᠠᠶᠢᠷᠠᠳᠣ ᠪᠠᠭᠰᠢ ᠮᠢᠨᠢ ᠡ᠂ ᠳᠠᠨ ᠤ ᠪᠠᠨ ᠳᠠᠭᠠᠭᠤᠯᠣᠯ ᠳᠣᠣᠷᠠ ᠪᠢᠳᠡ ᠯᠠᠪᠳᠠᠢ ᠪᠦᠯᠬᠦᠮᠳᠠᠨ ᠴᠢᠷᠮᠠᠶᠢᠵᠣ᠂ | ᠠᠮᠵᠢᠯᠳᠠ ᠠᠴᠠ ᠠᠮᠵᠢᠯᠳᠠ ᠳᠤ ᠬᠦᠷᠬᠦ ᠶᠤᠮ᠃ | | ᠵᠤᠬᠢᠶᠠᠬᠴᠢ᠄ ᠠᠶᠠᠯᠭᠤ ︵ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠳ᠋ᠠᠪᠠᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠪᠠᠭᠠ | ᠰᠣᠷᠭᠠᠭᠤᠯᠢ ᠶᠢᠨ ᠲᠠᠪᠤ ᠶᠢᠨ ᠬᠤᠶᠠᠷ︶ | ᠵᠢᠯᠣᠭᠤᠳᠣᠭᠰᠠᠨ ᠪᠠᠭᠰᠢ᠄ ᠡᠷᠳᠡᠨᠢᠴᠢᠮᠡᠭ |