| — ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ ᠮ᠊ · ᠠᠰᠠᠷ ᠢ ᠲᠤᠷᠠᠰᠬᠠᠬᠤ ᠨᠢ | | ● ᠴᠧᠨ ᠭᠤᠸᠠ | ᠨᠡᠷᠡ ᠶᠢ ᠨᠢ ᠲᠤᠷᠠᠳᠪᠠᠯ | ᠮᠤᠩᠭᠤᠯ ᠤᠷᠤᠨ ᠪᠦᠷ ᠮᠡᠳᠡᠨᠡ | ᠨᠢᠳᠡᠷ ᠢ ᠨᠢ ᠲᠤᠭᠤᠯᠪᠠᠯ | ᠮᠤᠩᠭᠤᠯ ᠰᠤᠶᠤᠯᠳᠠᠳ ᠴᠦᠮ ᠮᠡᠳᠡᠷᠡᠨᠡ | ᠤᠯᠤᠰ ᠤᠨ ᠪᠠᠳᠤᠯᠠᠨ ᠬᠠᠮᠠᠭᠠᠯᠠᠯᠳᠠ ᠳᠤ | ᠲᠦᠯᠦ ᠰᠢᠭ ᠲᠦᠷᠡᠯᠵᠡᠵᠦ ᠶᠠᠪᠤᠭᠰᠠᠨ | ᠠᠷᠠᠳ ᠲᠦᠮᠡᠨ ᠤ ᠵᠢᠷᠦᠬᠡ ᠰᠡᠳᠬᠢᠯ ᠳᠤ | ᠴᠤᠤᠷᠢᠶᠠ ᠰᠢᠭ᠋ ᠬᠠᠩᠭᠢᠨᠠᠵᠤ ᠲᠠᠭᠤᠷᠢᠰᠤᠭᠰᠠᠨ | ᠠᠭᠤᠤ ᠨᠠᠮ ᠤᠨ ᠲᠠᠶᠢᠴᠢᠨ ᠪᠠᠶᠢᠯᠳᠤᠭᠴᠢ | ᠮ᠊ · ᠠᠰᠠᠷ | ᠠᠷᠠᠳ ᠲᠦᠮᠡᠨ ᠤ ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ | ᠮ᠊ · ᠠᠰᠠᠷ | ᠲᠦᠷᠦ ᠭᠦᠷᠦᠨ ᠳᠤ ᠪᠠᠨ ᠵᠢᠳᠭᠦᠭᠰᠡᠨ | ᠭᠠᠪᠢᠶᠠᠨ ᠲᠡᠮᠳᠡᠭ ᠤᠨ ᠱᠠᠩᠨᠠᠯ ᠲᠠᠢ | ᠲᠦᠮᠡᠨ ᠤᠯᠠᠨ ᠳᠤ ᠪᠠᠨ ᠪᠠᠭ᠋ᠠᠷᠬᠠᠭᠳᠠᠭᠰᠠᠨ | ᠦᠨᠢᠷ ᠤᠯᠠᠨ ᠤᠷᠠᠨ ᠪᠦᠳᠦᠭᠡᠯ ᠲᠠᠢ | ᠬᠢᠯᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠲᠦᠯᠦᠭᠡ | ᠬᠦᠴᠦᠨ ᠴᠢᠳᠠᠯ ᠢᠶᠠᠨ ᠡᠷᠭᠦᠭᠰᠡᠨ | ᠬᠡᠯᠡ ᠰᠤᠶᠤᠯ ᠤᠨ ᠬᠦᠭᠵᠢᠯᠳᠡ ᠶᠢᠨ ᠲᠦᠯᠦᠭᠡ | ᠤᠶᠤᠨ ᠤᠬᠠᠭᠠᠨ ᠢᠶᠠᠨ ᠰᠢᠪᠬᠠᠭᠰᠠᠨ | ᠠᠭᠤᠤ ᠨᠠᠮ ᠤᠨ ᠲᠠᠶᠢᠴᠢᠨ ᠪᠠᠶᠢᠯᠳᠤᠭᠴᠢ | ᠮ᠊ · ᠠᠰᠠᠷ | ᠠᠷᠠᠳ ᠲᠦᠮᠡᠨ ᠤ ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ | ᠮ᠊ · ᠠᠰᠠᠷ | ᠠᠭᠤᠤ ᠨᠠᠮ ᠳᠤ ᠪᠠᠨ ᠪᠡᠯᠡᠭᠯᠡᠭᠰᠡᠨ | ᠦᠯᠡᠮᠵᠢ ᠶᠡᠭᠡ ᠵᠢᠳᠭᠦᠯ ᠲᠠᠢ | ᠣᠩᠰᠢᠭᠴᠢ ᠲᠦᠮᠡᠨ ᠳᠤ ᠪᠠᠨ ᠬᠠᠨᠳᠢᠪᠯᠠᠭᠰᠠᠨ | ᠠᠷᠪᠠᠭᠠᠳ ᠪᠤᠳᠢ ᠨᠤᠮ ᠪᠦᠳᠦᠭᠡᠯ ᠲᠠᠢ | ᠤᠤᠭᠤᠭᠰᠠᠨ ᠤᠰᠤ ᠤᠨᠠᠭᠰᠠᠨ ᠰᠢᠷᠤᠢ ᠪᠠᠨ | ᠬᠤᠳᠠᠯᠠ ᠲᠠᠶᠠᠭᠠᠷ ᠲᠤ ᠲᠠᠨᠢᠭᠤᠯᠤᠭᠰᠠᠨ ᠬᠦᠮᠦᠨ | ᠤᠤᠭᠠᠯ ᠨᠤᠳᠤᠭ ᠲᠦᠰᠢᠶᠡᠳᠦ ᠬᠤᠰᠢᠭᠤ ᠪᠠᠨ | ᠬᠤᠷᠸᠠ ᠶᠢᠷᠳᠢᠨᠴᠦ ᠳᠤ ᠮᠡᠳᠡᠭᠦᠯᠦᠭᠰᠡᠨ ᠲᠠᠷᠬᠠᠨ | ᠠᠭᠤᠤ ᠨᠠᠮ ᠤᠨ ᠲᠠᠶᠢᠴᠢᠨ ᠪᠠᠶᠢᠯᠳᠤᠭᠴᠢ | ᠮ᠊ · ᠠᠰᠠᠷ | ᠠᠷᠠᠳ ᠲᠦᠮᠡᠨ ᠤ ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ | ᠮ᠊ · ᠠᠰᠠᠷ | ᠰᠢᠯᠦᠭ ᠨᠠᠶᠢᠷᠠᠭᠤᠯᠤᠯ ᠲᠣᠭᠤᠵᠢᠰ ᠰᠢᠬᠦᠮᠵᠢ | ᠰᠲ᠋ᠢᠯᠢ ᠪᠤᠯᠭᠠᠨ ᠢᠶᠠᠷ ᠠᠪᠤᠭᠠᠳ ᠲᠤᠭᠤᠷᠪᠢᠬᠤ ᠳᠤ | ᠰᠢᠯᠢᠳᠡᠭ ᠵᠤᠬᠢᠶᠠᠯ ᠰᠤᠳᠤᠨ ᠪᠦᠳᠦᠭᠡᠯ ᠤᠳ | ᠰᠢᠵᠢᠷ ᠲᠤᠶᠠᠭᠠ ᠲᠠᠳᠠᠭᠠᠳ ᠰᠤᠯᠤᠩᠭᠠᠷᠠᠨᠠ | ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠲᠡᠭᠦᠪᠦᠷᠢ ᠠᠴᠠ | ︽ᠲᠤᠷᠭᠠᠨ ᠬᠢᠯᠢ ᠶᠢᠨ ᠮᠠᠨᠠᠭᠠ︾ ᠲᠠᠢ | ᠦᠭᠦᠯᠡᠯᠭᠡ ᠲᠤᠭᠤᠵᠢ ᠶᠢᠨ ᠲᠡᠭᠦᠪᠦᠷᠢ ᠠᠴᠠ | ︽ᠮᠤᠨᠳᠠᠭᠠ ᠴᠠᠭᠠᠨ ᠮᠤᠷᠢ︾ ᠲᠠᠢ | ᠠᠭᠤᠤ ᠨᠠᠮ ᠤᠨ ᠲᠠᠶᠢᠴᠢᠨ ᠪᠠᠶᠢᠯᠳᠤᠭᠴᠢ | ᠮ᠊ · ᠠᠰᠠᠷ | ᠠᠷᠠᠳ ᠲᠦᠮᠡᠨ ᠤ ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ | ᠮ᠊ · ᠠᠰᠠᠷ | ᠰᠤᠯᠤᠩᠭᠠ ᠱᠠᠩᠨᠠᠯ ᠲᠤᠰᠤᠭᠰᠠᠨ | ︽ᠮᠠᠨᠠᠭᠳᠠᠭᠰᠠᠨ ᠭᠠᠯ︾᠂ ︽ᠪᠠᠭᠰᠢ ᠯᠠᠮᠠ ᠶᠢᠨ ᠪᠠᠭᠠᠯ︾ ᠁ | ᠴᠡᠷᠢᠭ ᠤᠨ ᠲᠤᠭᠤᠷᠢᠭ ᠤᠨ ᠱᠠᠩᠨᠠᠯ ᠬᠦᠷᠳᠡᠭᠰᠡᠨ | ︽ᠵᠠᠮ ᠤᠨ ᠠᠶᠢᠯ ᠳᠤ︾᠂ ︽ᠪᠠᠯᠠᠷᠠᠰᠢ ᠦᠭᠡᠢ ᠲᠤᠷᠠᠰᠬᠠᠯ︾ | ᠰᠤᠷᠬᠤ ᠪᠢᠴᠢᠭ ᠲᠤ ᠰᠤᠩᠭᠤᠭᠳᠠᠭᠰᠠᠨ | ︽ᠲᠡᠰᠢᠭᠡᠳ ᠪᠠᠢ᠂ ᠲᠡᠭᠦᠦ ᠨᠠᠷ ᠮᠢᠨᠢ︾᠂ ︽ᠠᠳᠤᠭᠤᠴᠢᠨ ᠪᠦᠷᠭᠦᠳ︾ ᠁ | ᠠᠩᠭ᠍ᠯᠢ ᠬᠡᠯᠡᠨ ᠳᠤ ᠤᠷᠴᠢᠭᠤᠯᠤᠭᠳᠠᠭᠰᠠᠨ | ︽ᠵᠠᠮ ᠤᠨ ᠭᠤᠳᠤᠰ ᠲᠤ︾ ᠰᠣᠯᠣᠩᠭᠠᠷᠠᠨᠠ | ᠶᠠᠫᠤᠨ ᠬᠡᠯᠡ ᠪᠠᠷ ᠬᠦᠷᠪᠡᠭᠦᠯᠦᠭᠳᠡᠭᠰᠡᠨ | ︽ᠡᠬᠡ ᠶᠢᠨ ᠬᠠᠶᠢᠷᠠ︾ ᠢᠪᠢᠯᠦᠨᠡ | ᠠᠭᠤᠤ ᠨᠠᠮ ᠤᠨ ᠲᠠᠶᠢᠴᠢᠨ ᠪᠠᠶᠢᠯᠳᠤᠭᠴᠢ | ᠮ᠊ · ᠠᠰᠠᠷ | ᠠᠷᠠᠳ ᠲᠦᠮᠡᠨ ᠤ ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ | ᠮ᠊ · ᠠᠰᠠᠷ | ︽ᠤᠳᠬᠠ ᠵᠤᠬᠢᠶᠠᠯᠴᠢᠳ ᠤᠨ ᠲᠤᠯᠢ ᠪᠢᠴᠢᠭ︾ ᠲᠤ | ᠤᠪᠤᠭ ᠨᠡᠷᠡ ᠪᠠᠨ ᠲᠡᠮᠳᠡᠭᠯᠡᠭᠦᠯᠦᠭᠰᠡᠨ | ︽ᠮᠤᠩᠭᠤᠯ ᠵᠤᠬᠢᠶᠠᠯᠴᠢ ᠶᠢᠨ ᠨᠠᠮᠳᠠᠷ︾ ᠲᠤ | ᠴᠠᠳᠢᠭ ᠨᠠᠮᠳᠠᠷ ᠢᠶᠠᠨ ᠲᠤᠷᠠᠶᠢᠯᠭᠠᠭᠰᠠᠨ | ︽ᠴᠦᠬᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠠᠯᠳᠠᠷᠳᠤ ᠬᠦᠮᠦᠰ︾ ᠲᠤ | ᠢᠷᠠᠭᠤ ᠠᠯᠳᠠᠷ ᠢᠶᠠᠨ ᠲᠠᠭᠤᠷᠢᠰᠤᠭᠤᠯᠤᠭᠰᠠᠨ | ︽ᠤᠳᠤ ᠦᠶᠡ ᠶᠢᠨ ᠵᠤᠬᠢᠶᠠᠯᠴᠢᠳ ᠤᠨ ᠬᠡᠯᠬᠢᠶᠡᠰᠦ︾ ᠳᠤ | ᠡᠮᠦᠨᠠ ᠬᠤᠶᠢᠨᠠᠬᠢ ᠶᠢ ᠬᠤᠯᠪᠤᠨ ᠰᠢᠵᠢᠮᠯᠡᠭᠰᠡᠨ | ︽ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠠᠯᠳᠠᠷᠳᠤ ᠬᠦᠮᠦᠰ︾ ᠲᠤ | ᠤᠯᠤᠰ ᠤᠨ ᠲᠡᠰ ᠤᠨ ᠵᠤᠬᠢᠶᠠᠯᠴᠢ ᠴᠤᠯᠠ ᠲᠠᠢ | ᠠᠭᠤᠤ ᠨᠠᠮ ᠤᠨ ᠲᠠᠶᠢᠴᠢᠨ ᠪᠠᠶᠢᠯᠳᠤᠭᠴᠢ | ᠮ᠊ · ᠠᠰᠠᠷ | ᠠᠷᠠᠳ ᠲᠦᠮᠡᠨ ᠤ ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ | ᠮ᠊ · ᠠᠰᠠᠷ | | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠲᠣᠮᠳᠠᠳᠣ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ ᠨᠠᠢᠮᠠᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢ |