| | ᠲᠡᠭᠷᠢ ᠶᠢᠨ ᠠᠯᠲᠠᠨ ᠨᠠᠷᠠᠨ ᠨᠢ | ᠲᠤᠯᠤᠭᠠᠳ ᠢᠶᠠᠨ ᠡᠷᠭᠦᠨ ᠮᠠᠨᠳᠤᠳᠠᠭ | ᠲᠡᠷᠭᠡᠯ ᠴᠠᠭᠠᠨ ᠰᠠᠷᠠᠨ ᠨᠢ | ᠲᠠᠯᠠ ᠶᠢᠨ ᠢᠶᠠᠨ ᠡᠩᠭᠡᠷ ᠲᠤ ᠬᠤᠨᠤᠭᠯᠠᠳᠠᠭ | ᠲᠤᠩᠭᠠᠯᠠᠭ ᠭᠤᠤᠯ ᠮᠦᠷᠡᠨ ᠨᠢ | ᠲᠡᠭᠷᠢ ᠶᠢᠨ ᠡᠭᠡᠰᠢᠭ ᠢᠶᠠᠷ ᠱᠤᠤᠭᠢᠳᠠᠭ | ᠲᠠᠩᠰᠤᠭ ᠨᠤᠭᠤᠭᠠᠨ ᠲᠠᠯᠠ ᠨᠢ | ᠲᠤᠷᠭᠠᠨ ᠤ ᠡᠩ ᠰᠢᠭ ᠭᠠᠩᠭᠠᠷᠠᠳᠠᠭ | ᠲᠡᠩᠳᠡᠭᠦᠦ ᠵᠢᠪᠬᠤᠯᠠᠩᠳᠤ ᠮᠢᠨᠦ ᠨᠤᠳᠤᠭ | ᠳᠤᠷᠤᠨᠠ ᠠᠴᠠ ᠮᠠᠨᠳᠤᠬᠤ ᠨᠠᠷᠠᠨ | ᠦᠷᠦᠨᠡ ᠰᠢᠩᠭᠡᠲᠡᠯᠡ ᠬᠢᠯᠢ ᠲᠠᠢ | ᠳᠡᠯᠭᠡᠭᠰᠡᠨ ᠳᠡᠷᠯᠢᠭ ᠰᠢᠭ ᠨᠤᠲᠤᠭ ᠨᠢ | ᠲᠡᠭᠷᠢ ᠶᠢᠨ ᠬᠠᠨᠠ ᠲᠠᠢ ᠵᠠᠯᠭᠠᠯᠳᠤᠳᠠᠭ | ᠳᠡᠩᠳᠡᠭᠦᠦ ᠴᠠᠭᠯᠠᠰᠢ ᠦᠭᠡᠢ ᠠᠭᠤᠳᠠᠮ ᠳᠤᠨᠢ | ᠳᠦᠷᠪᠡᠨ ᠲᠢᠪ ᠢᠶᠠᠷ ᠢᠶᠠᠨ ᠦᠶᠡᠷᠬᠡᠯᠳᠦᠵᠦ | ᠳᠡᠯᠭᠡᠷᠡᠩᠭᠦᠢ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠳᠤᠨᠢ | ᠲᠦᠮᠡᠨ ᠲᠦᠷᠦᠯᠬᠢᠲᠡᠨ ᠬᠤᠷᠭᠤᠳᠠᠳᠠᠭ | ᠳᠡᠩᠳᠡᠭᠦᠦ ᠵᠢᠪᠬᠤᠯᠠᠩᠳᠤ ᠮᠢᠨᠦ ᠨᠤᠳᠤᠭ | ᠳᠤᠮᠤᠭ ᠤᠨ ᠠᠩᠬᠠᠨ ᠤ ᠶᠢᠷᠲᠢᠨᠴᠦ ᠶᠢ | ᠡᠭᠦᠳᠦᠨ ᠪᠠᠶᠢᠭᠤᠯᠤᠭᠰᠠᠨ ᠬᠠᠭᠤᠴᠢ ᠲᠠᠢ | ᠳᠤᠷᠤᠨᠠ ᠶᠢᠨ ᠴᠡᠭᠡᠨ ᠭᠡᠷᠡᠯ ᠢᠶᠠᠷ | ᠲᠤᠪᠴᠢᠶᠠᠨ ᠬᠡᠯᠬᠢᠭᠰᠡᠨ ᠶᠠᠷᠢᠶᠠ ᠲᠠᠢ | ᠳᠤᠲᠤᠭᠠᠳᠤ ᠰᠡᠳᠭᠢᠯ ᠤᠨ ᠬᠢᠨᠢ ᠠᠩ ᠢ | ᠲᠠᠪᠤᠨ ᠮᠦᠰᠦ ᠪᠠᠷ ᠢᠶᠠᠨ ᠭᠠᠩᠨᠠᠭᠠᠳ ᠯᠡ | ᠳᠡᠯᠡᠭᠡᠢ ᠶᠢᠨ ᠲᠦᠮᠡᠨ ᠢᠷᠬᠡᠳ ᠲᠠᠢ | ᠳᠠᠩᠳᠠ ᠡᠶᠡᠯᠰᠡᠭ ᠲᠡᠦᠬᠡ ᠲᠠᠢ | ᠳᠡᠩᠳᠡᠭᠦᠦ ᠵᠢᠪᠬᠤᠯᠠᠩᠳᠦ ᠮᠢᠨᠦ ᠨᠤᠳᠤᠭ | ᠳᠤᠲᠤᠭᠠᠳᠤ ᠳᠤᠯᠠᠭᠠᠨ ᠡᠩᠭᠡᠷ ᠲᠤᠨᠢ | ᠲᠤᠯᠤᠭᠠᠨ ᠪᠤᠷᠬᠠᠨ ᠤ ᠢᠪᠡᠭᠡᠯ ᠲᠠᠢ | ᠳᠤᠯᠤᠭᠠᠨ ᠪᠤᠷᠬᠠᠨ ᠤ ᠨᠤᠮᠯᠠᠯ ᠨᠢ | ᠳᠤᠯᠤᠭᠠᠨ ᠡᠭᠡᠰᠢᠭ ᠤᠨ ᠳᠠᠭᠤᠷᠢᠰᠤᠯᠳᠠᠢ | ᠳᠤᠯᠤᠭᠠᠨ ᠡᠭᠡᠰᠢᠭ ᠤᠨ ᠰᠢᠲᠦᠯᠭᠡ ᠲᠠᠢ ᠠᠴᠠ | ᠳᠤᠯᠤᠭᠠᠨ ᠳᠤᠯᠤᠭᠠ ᠶᠢᠨ ᠳᠡᠯᠭᠡᠷᠡᠯ ᠲᠠᠢ | ᠳᠤᠯᠤᠭᠠᠨ ᠶᠡᠭᠡ ᠳᠡᠯᠭᠡᠷᠡᠩᠭᠦᠢ ᠨᠢ | ᠳᠤᠮᠤᠭ ᠳᠡᠦᠭᠡ ᠶᠢᠨ ᠪᠠᠭ᠋ᠠᠷᠬᠠᠯ ᠲᠠᠢ | ᠳᠡᠩᠳᠡᠭᠦᠦ ᠵᠢᠪᠬᠤᠯᠠᠩᠳᠤ ᠮᠢᠨᠦ ᠨᠤᠳᠤᠭ | ᠳᠦᠷᠦᠭᠡᠨ ᠬᠤᠶᠠᠷ ᠲᠠᠪᠠᠭ ᠲᠠᠭᠠᠨ | ᠳᠡᠯᠡᠬᠡᠢ ᠡᠷᠭᠦᠨ ᠦᠨᠳᠡᠯᠵᠡᠳᠡᠭ | ᠳᠦᠷᠪᠡᠨ ᠵᠦᠪ ᠤᠨ ᠭᠠᠨᠵᠤᠭᠠᠨ ᠳᠠᠭᠠᠨ | ᠳᠠᠶᠠᠩ ᠢ ᠭᠠᠨᠵᠤᠭᠠᠯᠠᠭᠠᠳ ᠤᠯᠵᠠᠷᠬᠠᠳᠠᠭ | ᠳᠦᠷᠪᠡᠨ ᠴᠠᠭ ᠤᠨ ᠨᠡᠭᠦᠲᠡᠯ ᠨᠢ | ᠳᠤᠮᠤᠭ ᠴᠤᠪᠤᠭᠤᠯᠤᠨ ᠠᠶᠠᠯᠠᠳᠠᠭ | ᠳᠦᠬᠦᠷᠡᠩ ᠴᠢᠯᠦᠭᠡᠲᠦ ᠠᠮᠢᠳᠤᠷᠠᠯ ᠨᠢ | ᠲᠤᠤᠯᠢ ᠶᠢᠨ ᠬᠠᠶᠢᠯᠠᠭᠠ ᠲᠠᠢ ᠤᠶᠠᠩᠭᠠᠷᠠᠳᠠᠭ | ᠳᠡᠩᠳᠡᠭᠦᠦ ᠵᠢᠪᠬᠤᠯᠠᠩᠳᠦ ᠮᠢᠨᠦ ᠯᠡ ᠨᠤᠳᠤᠭ | ᠲᠤᠯᠭᠠ ᠶᠢᠨ ᠬᠦᠭᠡ ᠭᠠᠯ ᠨᠢ | ᠳᠡᠭᠵᠢᠷᠡᠯ ᠤᠨ ᠰᠤᠷ ᠢᠶᠠᠷ ᠲᠦᠷᠡᠯᠵᠡᠳᠡᠭ | ᠲᠤᠭᠤᠭᠠ ᠲᠠᠢ ᠬᠠᠯᠠᠭᠤᠨ ᠴᠠᠢ ᠠᠴᠠ ᠨᠢ | ᠲᠤᠰᠤᠨ ᠵᠢᠷᠭᠠᠯ ᠴᠠᠯᠭᠢᠯᠠᠳᠠᠭ | ᠲᠦᠮᠡᠨ ᠠᠮᠲᠠᠲᠤ ᠵᠤᠭᠤᠭ ᠨᠢ | ᠲᠠᠷᠠᠭ ᠰᠦ ᠪᠠᠷ ᠪᠢᠯᠬᠠᠷᠠᠳᠠᠭ | ᠲᠦᠮᠡᠨ ᠳᠦᠮᠡᠨ ᠠᠷᠡᠳ ᠨᠢ | ᠲᠡᠭᠷᠢ ᠶᠢᠨ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠳᠠᠭ | ᠳᠡᠩᠳᠡᠭᠦᠦ ᠵᠢᠪᠬᠤᠯᠠᠩᠳᠤ ᠮᠢᠨᠤ ᠯᠡ ᠨᠤᠳᠤᠭ | ᠠᠷᠳᠠᠭ ᠲᠠᠭᠰᠢᠨ ᠪᠠᠶᠢᠭᠠᠯᠢ ᠨᠢ | ᠠᠷᠰᠢ ᠶᠢᠨ ᠤᠷᠤᠨ ᠰᠢᠭ᠋ ᠠᠮᠤᠭᠤᠯᠠᠩᠬᠠᠨ | ᠠᠷᠠᠯᠵᠢᠬᠤ ᠲᠦᠷᠪᠡᠨ ᠤᠯᠠᠷᠢᠯ ᠨᠢ | ᠠᠮᠠᠷᠠᠭ ᠤᠨ ᠠᠭᠤᠯᠵᠠᠯᠲᠠ ᠰᠢᠭ᠋ ᠳᠤᠷᠠᠰᠤᠩᠬᠠᠨ | ᠠᠶᠠᠰ ᠤᠨ ᠬᠤᠩᠭᠤᠷ ᠰᠠᠯᠬᠢᠨ ᠨᠢ | ᠠᠶᠢᠷᠠᠭ ᠲᠠᠷᠠᠭ ᠰᠢᠭ᠋ ᠬᠠᠩᠬᠤᠯᠤᠩᠬᠠᠨ | ᠷᠠᠰᠢᠶᠠᠨ ᠪᠤᠯᠠᠭ ᠤᠨ ᠤᠰᠤᠨ ᠨᠢ | ᠤᠭᠤᠷᠠᠭ ᠰᠦ ᠰᠢᠭ ᠠᠮᠲᠠᠯᠠᠩᠬᠠᠨ | ᠳᠡᠩᠳᠡᠭᠦᠦ ᠵᠢᠪᠬᠤᠯᠠᠩ ᠮᠢᠨᠦ ᠯᠡ ᠨᠤᠳᠤᠭ | ᠠᠳᠤᠭᠤ ᠮᠠᠯ ᠰᠦᠷᠦᠭ ᠨᠢ | ᠠᠮᠳᠠᠷᠬᠠᠨ ᠢᠳᠡᠰᠢᠯᠡᠬᠦ ᠪᠡᠯᠴᠢᠭᠡᠷ ᠲᠠᠢ | ᠠᠩᠭᠢᠷ ᠬᠤᠨ᠂ ᠰᠢᠪᠠᠭᠤᠳ ᠨᠢ | ᠠᠯᠬᠤᠯᠠᠨ ᠵᠢᠷᠭᠠᠬᠤ ᠤᠷᠤᠨ ᠲᠠᠢ | ᠠᠷᠢᠶᠠᠳᠠᠨ ᠠᠮᠢᠲᠠᠨ ᠪᠦᠬᠦᠨ ᠨᠢ | ᠠᠮᠤᠭᠤᠯᠠᠩ ᠤᠷᠤᠰᠢᠬᠤ ᠨᠦᠮᠦᠷᠢ ᠲᠠᠢ | ᠠᠳᠢᠰᠯᠠᠯᠲᠤ ᠨᠠᠪᠳᠠᠭ ᠰᠠᠪᠳᠠᠭ ᠨᠢ | ᠠᠰᠢᠲᠠ ᠶᠢᠨ ᠲᠡᠳᠭᠦᠬᠦ ᠪᠡᠯᠭᠡ ᠲᠠᠢ | ᠳᠡᠩᠳᠡᠭᠦᠦ ᠵᠢᠪᠬᠤᠯᠠᠩᠳᠤ ᠮᠢᠨᠦ ᠯᠡ ᠨᠤᠳᠤᠭ | ᠡᠩ ᠦᠷᠭᠡᠨ ᠡᠬᠡ ᠭᠠᠵᠠᠷ ᠤᠨ | ᠡᠵᠡᠨ ᠨᠢ ᠶᠠᠪᠤᠭᠰᠠᠨ ᠨᠠᠷᠠᠨ ᠤ ᠮᠠᠯᠴᠢᠳ | ᠡᠨᠡᠭᠡᠨ ᠽᠠᠮᠪᠤᠯᠢᠩ ᠤᠨ ᠠᠭᠤᠳᠠᠮ ᠳᠤ | ᠡᠷᠳᠡᠨᠢᠲᠤ ᠰᠤᠪᠤᠳ ᠰᠢᠭ᠋ ᠠᠰᠬᠠᠷᠠᠬᠤ ᠳᠠᠭᠠᠨ | ᠡᠴᠢᠬᠡ ᠳᠡᠬᠡᠳᠤᠰ ᠢᠶᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠨ | ᠡᠪ ᠤᠨ ᠰᠠᠶᠢᠬᠠᠨ ᠢ ᠮᠦᠷᠦᠭᠡᠳᠦᠭᠰᠡᠭᠡᠷ | ᠶᠢᠷᠲᠢᠨᠴᠦ ᠶᠢᠨ ᠬᠠᠮᠤᠭ ᠠᠮᠢᠲᠠᠳ ᠢᠶᠠᠨ | ᠡᠯᠢᠭᠡᠨ ᠳᠡᠭᠡᠨ ᠳᠡᠪᠡᠷᠢᠨ ᠪᠦᠪᠠᠶᠢᠯᠡᠳᠡᠭ | ᠳᠡᠩᠳᠡᠭᠦᠦ ᠵᠢᠪᠬᠤᠯᠠᠩᠳᠤ ᠮᠢᠨᠦ ᠯᠡ ᠨᠤᠳᠤᠭ ᠡ᠃ | | | ᠵᠣᠬᠢᠶᠠᠭᠴᠢ᠄ ᠵᠤ · ᠲᠤᠭᠳᠠᠬᠤ |