ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠴᠢᠣᠢ ᠶᠣᠸᠠᠨ ᠬᠢᠭᠡᠳ ︽ᠲᠠᠪᠣᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠶᠢᠨ ᠲᠠᠪᠣᠨ ᠤ ᠪᠠᠶᠠᠷ︾ ᠤᠨ ᠡᠳᠦᠷ ᠤᠨ ᠢᠷᠠᠯᠲᠠ ᠶᠢᠨ ᠲᠣᠬᠠᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-12-25
     ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠲᠠᠪᠣᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠶᠢᠨ ᠲᠠᠪᠣᠨ ᠤ ᠡᠳᠦᠷ ᠪᠣᠯᠬᠤᠶ᠎ᠠ ᠲᠣᠮᠳᠠᠳᠣ ᠣᠯᠣᠰ ᠤᠨ ᠵᠠᠭᠤᠨ ᠣᠪᠣᠭᠲᠠᠳ ᠡᠨᠡ ᠡᠳᠦᠷ ᠢ ᠲᠣᠷᠠᠰᠬᠠᠳᠠᠭ᠃ ᠡᠨᠡ ᠲᠣᠷᠠᠰᠬᠠᠯᠲᠣ ᠡᠳᠦᠷ ᠨᠢ ᠴᠦᠨ ᠴᠢᠦ ᠪᠠᠶᠢᠯᠳᠣᠭᠠᠨᠲᠣ ᠣᠯᠣᠰ ᠤᠨ ᠦᠶ᠎ᠠ ᠠᠴᠠ ᠡᠬᠢᠯᠡᠭᠡᠳ ᠣᠳᠣ ᠪᠣᠯᠲᠠᠯ᠎ᠠ ᠬᠤᠶᠠᠷ ᠮᠢᠩᠭ᠎ᠠ ᠭᠠᠷᠣᠢ ᠵᠢᠯ ᠪᠣᠯᠵᠣ ᠪᠠᠶᠢᠨ᠎ᠠ᠃      ᠲᠣᠰ ᠲᠣᠷᠠᠰᠬᠠᠯᠲᠣ ᠡᠳᠦᠷ ᠤᠨ ᠢᠷᠠᠯᠲᠠ ᠶᠢᠨ  ᠲᠣᠬᠠᠢ ᠡᠮᠦᠨᠡᠲᠦ ᠣᠮᠠᠷᠠᠲᠣ ᠣᠷᠣᠨ ᠤ ᠭᠠᠵᠠᠷ ᠭᠠᠵᠠᠷ ᠤᠨ ᠦᠨᠳᠦᠰᠦᠲᠡᠨ ᠶᠠᠰᠣᠲᠠᠨ ᠤ ᠲᠣᠮᠳᠠ ᠠᠳᠠᠯᠢ ᠪᠣᠰᠣ ᠶᠢᠨ ᠣᠯᠠᠮᠵᠢᠯᠠᠯ ᠶᠠᠷᠢᠶ᠎ᠠ ᠪᠣᠢ ᠪᠣᠯᠪᠠᠴᠣ  ᠲᠡᠣᠬᠡ ᠶᠢᠨ ᠦᠨᠡᠨ ᠤ ᠮᠦᠷ ᠰᠡᠭᠦᠳᠡᠷ ᠲᠠᠯᠳᠠᠯᠠᠭᠳᠠᠵᠣ ᠪᠠᠶᠢᠨ᠎ᠠ᠃ ᠲᠡᠷᠡ ᠨᠢ ᠴᠦ᠋ ᠣᠯᠣᠰ ᠤᠨ ᠠᠭᠤᠣ ᠶᠡᠭᠡ ᠮᠣᠩᠭᠤᠯᠵᠢᠨ ᠰᠣᠳᠣᠨ ᠰᠢᠯᠦᠭᠴᠢᠨ ᠴᠢᠣᠢ ᠶᠣᠸᠠᠨ  ᠢ ᠲᠣᠷᠠᠰᠬᠠᠭᠰᠠᠨ ᠠᠴᠠ ᠡᠭᠦᠰᠦᠯ  ᠲᠠᠢ ᠶᠣᠮ᠃ ᠡᠨᠡ ᠲᠣᠬᠠᠢ ᠲᠣᠣᠷᠠᠬᠢ ᠮᠡᠲᠦ ᠬᠡᠳᠦᠨ ᠲᠠᠯ᠎ᠠ ᠪᠠᠷ ᠦᠭᠦᠯᠡᠶ᠎ᠠ᠄     ᠴᠢᠣᠢ ᠶᠣᠸᠠᠨ ᠤ ᠣᠭ ᠣᠳᠣᠮ      ᠴᠢᠣᠢ ᠶᠣᠸᠠᠨ ᠪᠣᠯ ᠤᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡᠬᠢ 340 ᠤᠨ — 278 ᠤᠨ ᠤ ᠬᠤᠭᠤᠷᠣᠨᠳᠣ ᠠᠮᠢᠳᠣᠷᠠᠵᠣ ᠪᠠᠶᠢᠵᠠᠢ᠃ ᠪᠠᠶᠢᠯᠳᠣᠭᠠᠨᠲᠣ ᠣᠯᠣᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶ᠎ᠠ ᠶᠢᠨ ᠴᠦ᠋ ᠣᠯᠣᠰ ᠤᠨ ᠳ᠋ᠠᠨ ᠶᠠᠩ ᠤᠨ ᠬᠦᠮᠦᠨ ᠪᠦᠭᠡᠳ ᠣᠭ ᠢᠵᠠᠭᠤᠷ ᠣᠳᠣᠮ ᠣᠭᠰᠠᠭ᠎ᠠ ᠨᠢ ᠮᠣᠩᠭᠤᠯᠵᠢᠨ ᠬᠦᠮᠦᠨ ᠪᠣᠯᠣᠨ᠎ᠠ᠃ ︽ᠱᠠᠨ ᠬᠠᠢ ᠵᠢᠩ︾ ᠨᠣᠮ ᠳᠤ ᠲᠡᠭᠦᠨ ᠢ ︽ᠴᠦ᠋ ᠶᠢᠨ ᠮᠠᠨᠴᠣᠳ︾ ᠭᠡᠳᠡᠭ᠃     ᠰᠧ ᠮᠠ ᠴᠢᠶᠠᠨ ᠤ ︽ᠲᠡᠣᠬᠡᠨ ᠲᠡᠮᠲᠡᠭᠯᠡᠯ︾ ᠤᠨ ︽ᠴᠢᠣᠢ ᠶᠣᠸᠠᠨ ᠤ ᠴᠠᠳᠢᠭ︾ ᠲᠤ᠄ ︽ᠴᠢᠣᠢ ᠶᠣᠸᠠᠨ ᠪᠣᠯ ᠴᠦᠨ ᠴᠢᠦ ᠪᠠᠶᠢᠯᠳᠣᠭᠠᠨᠲᠣ ᠣᠯᠣᠰ ᠤᠨ ᠦᠶ᠎ᠠ ᠳᠤ ᠴᠦ᠋ ᠣᠯᠣᠰ ᠤᠨ ᠨᠢᠭᠡᠨ ᠢᠵᠠᠭᠤᠷᠲᠠᠨ ᠪᠠᠶᠢᠵᠠᠢ᠃ ᠵᠠᠯᠠᠭᠤ ᠨᠠᠰᠣᠨ ᠳᠠᠭᠠᠨ ᠴᠦ᠋ ᠬᠤᠸᠠᠢ ᠸᠠᠩ ᠤᠨ ᠢᠲᠡᠭᠡᠯ ᠢ ᠣᠯᠵᠣ᠂ ᠽᠦᠸᠧ ᠲᠦ᠋ ᠲᠦᠰᠢᠮᠡᠯ ᠪᠣᠯᠣᠭᠠᠳ ᠡᠵᠡᠨ ᠬᠠᠭᠠᠨ ᠳᠠᠭᠠᠨ ᠦᠨᠡᠨᠴᠢ ᠰᠢᠳᠣᠷᠭᠤ ᠪᠠᠷ ᠵᠢᠳᠭᠦᠬᠦ ᠶᠢᠨ ᠲᠦᠯᠦᠭᠡ ︽ᠮᠡᠷᠭᠡᠳ ᠢ ᠰᠣᠩᠭᠤᠨ ᠡᠯᠰᠡᠵᠦ᠂ ᠴᠢᠳᠠᠯᠲᠠᠨ ᠢ ᠡᠷᠭᠦᠨ ᠬᠡᠷᠡᠭᠯᠡᠵᠦ᠂ ᠰᠠᠶᠢᠨ ᠵᠠᠰᠠᠭ ᠢ ᠶᠠᠪᠣᠭᠤᠯᠣᠨ᠂ ᠴᠦ᠋ ᠣᠯᠣᠰ ᠢᠶᠠᠨ ᠴᠢᠬᠢᠷᠠᠭᠵᠢᠭᠤᠯᠣᠮᠣ︕︾ ᠭᠡᠵᠦ ᠰᠡᠳᠦᠵᠦ ᠰᠠᠨᠠᠭᠤᠯᠵᠣ ᠪᠠᠶᠢᠵᠠᠢ᠃     ᠴᠢᠣᠢ ᠶᠣᠸᠠᠨ ᠴᠦᠯᠡᠭᠳᠡᠭᠰᠡᠨ ᠨᠢ       ᠴᠢᠣᠢ ᠶᠣᠸᠠᠨ ᠪᠠᠰᠠ ᠴᠦ᠋ ᠬᠤᠸᠠᠢ ᠸᠠᠩ ᠳᠤ ᠰᠠᠨᠠᠭᠠᠴᠢᠯᠠᠵᠣ ︽ᠣᠯᠣᠰ ᠠᠷᠠᠳ ᠢᠶᠠᠨ ᠪᠠᠶᠠᠵᠢᠭᠤᠯᠵᠣ᠂ ᠬᠤᠶᠠᠭ ᠴᠡᠷᠢᠭ ᠢᠶᠠᠨ ᠴᠢᠬᠢᠷᠠᠭᠵᠢᠭᠤᠯᠣᠨ᠂ ᠴᠢ ᠣᠯᠣᠰ ᠲᠠᠢ ᠬᠤᠯᠪᠣᠭᠠᠯᠠᠵᠣ᠂ ᠴᠢᠨ ᠣᠯᠣᠰ ᠤᠨ ᠲᠦᠷᠢᠮᠡᠬᠡᠶᠢᠯᠡᠯ ᠢ ᠡᠰᠡᠷᠭᠦᠴᠡᠬᠦ︾ ᠶᠢ ᠵᠣᠷᠢᠵᠣ ᠪᠠᠶᠢᠯ᠎ᠠ᠃ ᠡᠨᠡᠬᠦ ᠲᠦᠪ ᠶᠣᠰᠣᠨ ᠤ ᠦᠨᠡᠨᠴᠢ ᠵᠣᠷᠢᠯᠲᠠ ᠨᠢ ᠽᠢ ᠯᠠᠨ ︵子兰︶ ᠮᠡᠲᠦ ᠢᠵᠠᠭᠤᠷᠲᠠᠠ ᠤ ᠴᠢᠩᠭ᠎ᠠ ᠡᠰᠡᠷᠭᠦᠴᠡᠯ ᠳᠤ ᠣᠴᠠᠷᠠᠪᠠ᠃ ᠴᠦ᠋ ᠬᠤᠸᠠᠢ ᠸᠠᠩ ᠪᠠᠰᠠ ᠲᠣᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠡᠷᠬᠡ ᠲᠠᠩᠬᠠᠢ᠂ ᠡᠷᠳᠡᠮ ᠴᠢᠳᠠᠯ ᠦᠭᠡᠢ ᠪᠦᠭᠡᠳ ᠬᠡᠷᠬᠡᠮ ᠲᠣᠰᠢᠶᠠᠯ ᠳᠤ ᠠᠲᠠᠭᠠᠷᠬᠠᠭᠰᠠᠨ ᠬᠤᠪᠴᠢ ᠲᠦᠰᠢᠮᠡᠯ ᠱᠠᠩ ᠭᠤᠸᠠᠨ ᠹᠦ᠋ ︵上官夫︶ ᠪᠣᠯᠣᠨ ᠶᠢᠨ ᠱᠠᠩ ︵靳 尚︶ ᠮᠡᠲᠦ ᠶᠢᠨ ᠬᠦᠮᠦᠰ ᠤᠨ ᠬᠤᠶᠢᠬᠤᠷ ᠦᠭᠡ ᠶᠢ ᠰᠣᠨᠣᠰᠣᠭᠠᠳ ᠴᠢᠣᠢ ᠶᠣᠸᠠᠨ ᠳᠤ ᠦᠰᠦᠳ ᠦᠭᠡᠷ᠎ᠠ ᠦᠵᠡᠯᠲᠡ ᠲᠠᠢ ᠪᠣᠯᠪᠠ᠃ ᠲᠡᠭᠡᠭᠡᠳ ᠴᠢᠣᠢ ᠶᠣᠸᠠᠨ ᠤ ᠬᠡᠷᠬᠡᠮ ᠢ ᠬᠠᠰᠣᠵᠣ᠂ ᠲᠣᠰᠢᠶᠠᠯ ᠠᠴᠠ ᠨᠢ ᠪᠠᠭᠤᠯᠭᠠᠵᠣ᠂ ᠨᠡᠶᠢᠰᠯᠡᠯ ᠶᠢᠩ ᠳᠤ ︵郢都︶ ᠬᠤᠲᠠ ᠠᠴᠠ ᠬᠦᠭᠡᠭᠡᠵᠦ᠂ ᠬᠠᠨ ᠱᠦᠢ ᠭᠤᠣᠯ ᠤᠨ ᠠᠷᠣ ᠳᠤ ᠴᠦᠯᠡᠵᠦ ᠶᠠᠪᠣᠭᠤᠯᠪᠠ᠃     ᠴᠦ᠋ ᠬᠤᠸᠠᠢ ᠸᠠᠩ ᠰᠢᠳᠣᠷᠭᠤ ᠲᠦᠰᠢᠮᠡᠯ ᠴᠢᠣᠢ ᠶᠣᠸᠠᠨ ᠢᠶᠠᠨ ᠬᠦᠭᠡᠭᠡᠵᠦ ᠶᠠᠪᠣᠭᠤᠯᠣᠭᠰᠠᠨ ᠠᠴᠠ ᠴᠦ᠋ ᠣᠯᠣᠰ ᠠᠷᠪᠠᠭᠠᠳ ᠵᠢᠯ ᠤᠨ ᠬᠤᠭᠤᠷᠣᠨᠳᠣ ᠭᠠᠳᠠᠭᠠᠳᠣ ᠬᠠᠷᠢᠯᠴᠠᠭ᠎ᠠ ᠨᠢ ᠮᠣᠬᠤᠷᠳᠠᠵᠣ᠂ ᠠᠵᠣ ᠠᠬᠤᠢ ᠨᠢ ᠣᠷᠣᠭᠤᠳᠠᠭᠰᠠᠨ ᠮᠦᠷᠲᠡᠭᠡᠨ ᠴᠢᠨ ᠣᠯᠣᠰ ᠲᠠᠢ ᠣᠳᠠᠭ᠎ᠠ ᠲᠠᠷᠠᠭᠠᠯᠠᠨ ᠪᠠᠶᠢᠯᠳᠣᠵᠣ ᠢᠯᠠᠭᠳᠠᠭᠠᠳ ᠶᠡᠭᠡ ᠬᠤᠬᠢᠷᠠᠯ ᠠᠮᠰᠠᠭᠰᠠᠨ ᠰᠢᠯᠲᠠᠭᠠᠨ ᠢᠶᠠᠨ ᠮᠡᠳᠡᠭᠡᠳ ᠴᠦ᠋ ᠬᠤᠸᠠᠢ ᠸᠠᠩ ᠴᠢᠣᠢ ᠶᠣᠸᠠᠨ ᠢ ᠲᠠᠬᠢᠨ ᠵᠠᠯᠠᠵᠣ ᠠᠪᠴᠢᠷᠠᠭᠠᠳ ᠲᠣᠰᠢᠶᠠᠯ ᠳᠤᠨᠢ ᠬᠡᠷᠡᠭᠯᠡᠭᠰᠡᠨ ᠠᠴᠠ ᠴᠦ᠋ ᠣᠯᠣᠰ ᠦᠭᠡᠳᠡᠯᠡᠨ ᠲᠡᠭᠵᠢᠷᠡᠪᠡ᠃ ᠲᠡᠮᠡᠢ ᠣᠳᠠᠭᠰᠠᠨ ᠦᠭᠡᠢ ᠴᠦ᠋ ᠬᠤᠸᠠᠢ ᠸᠠᠩ ᠦᠬᠦᠭᠰᠡᠨ ᠳᠤ ᠲᠡᠭᠦᠨ ᠤ ᠬᠦᠪᠡᠭᠦᠨ ᠴᠦ᠋ ᠰᠢᠶᠠᠩ ᠸᠠᠩ ᠣᠯᠣᠰ ᠤᠨ ᠡᠵᠡᠨ ᠪᠣᠯᠣᠭᠰᠠᠨ ᠤ ᠲᠠᠷᠠᠭ᠎ᠠ ᠂ ᠶᠡᠷᠦᠩᠬᠡᠢ ᠰᠠᠶᠢᠳ ᠽᠢ ᠯᠠᠨ᠂ ᠱᠠᠩ ᠭᠤᠸᠠᠨ ᠳ᠋ᠠᠶᠢᠹᠦ᠋ ᠵᠡᠷᠭᠡ ᠬᠤᠶᠢᠬᠤᠷ ᠲᠦᠰᠢᠮᠡᠳ ᠲᠤ ᠬᠠᠪᠴᠢᠭᠳᠠᠨ ᠭᠠᠳᠠᠭᠤᠷᠴᠢᠯᠠᠭᠳᠠᠭᠠᠳ ᠣᠷᠲᠣ ᠮᠦᠷᠡᠨ ᠤ ᠡᠮᠦᠨᠡᠬᠢ ᠪᠤᠶᠢᠳᠠ ᠪᠦᠭᠯᠡᠭᠦᠦ ᠭᠠᠵᠠᠷ ᠴᠦᠯᠡᠭᠳᠡᠪᠡ᠃ ᠲᠡᠭᠡᠭᠡᠳ ᠴᠢᠣᠢ ᠶᠣᠸᠠᠨ ︽ᠭᠤᠨᠢᠭᠲᠣ ᠣᠴᠠᠷᠠᠯ︾ ᠭᠡᠰᠡᠨ ᠰᠢᠯᠦᠭ ᠪᠢᠴᠢᠵᠦ ︽ᠬᠢᠯᠢᠰ ᠬᠦᠵᠢᠷ ᠢᠶᠠᠷ ᠴᠦᠯᠡᠭᠳᠡᠭᠡᠳ᠂ ᠭᠡᠨᠡᠳᠲᠡ ᠶᠢᠨ ᠦᠬᠦᠯ ᠲᠠᠭᠠᠷᠢᠪᠠᠴᠣ᠂ ᠶᠠᠩᠵᠣ ᠦᠭᠡᠢ ᠵᠠᠩ ᠢᠶᠠᠷ᠂ ᠶᠠᠭᠠᠬᠢᠭᠰᠠᠨ ᠴᠦ ᠪᠢ ᠶᠠᠪᠣᠬᠤ ᠦᠭᠡᠢ︾ ᠭᠡᠵᠦ ᠠᠷᠢᠭᠤᠨ ᠴᠢᠭᠡᠴᠢ ᠪᠠᠨ ᠢᠯᠡᠳᠭᠡᠪᠡ᠃     ᠴᠢᠣᠢ ᠶᠣᠸᠠᠨ ᠤ ᠣᠶᠠᠩᠭ᠎ᠠ ᠰᠢᠯᠦᠭ       ᠴᠢᠤᠢ ᠶᠣᠸᠠᠨ ᠴᠦᠯᠡᠭᠳᠡᠭᠰᠡᠨ ᠡᠬᠢᠨ ᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠳ᠋ᠦᠡᠭ ᠲᠢᠩ ᠨᠠᠭᠤᠷ ᠢᠶᠠᠷ ᠡᠷᠭᠢᠴᠡᠨ᠂ ᠬᠠᠨ ᠱᠦᠢ ᠭᠤᠣᠯ ᠢᠶᠠᠷ ᠦᠭᠰᠣᠵᠦ᠂ ᠰᠢᠦ᠋ᠢᠹᠦ᠋ ᠭᠡᠳᠡᠭ ᠭᠠᠵᠠᠷ ᠰᠠᠭᠤᠭᠠᠳ᠂ ᠲᠠᠷᠠᠭ᠎ᠠ ᠨᠢ ᠰᠢᠶᠠᠩᠵᠢᠶᠠᠩ ᠮᠦᠷᠡᠨ ᠢᠶᠠᠷ ᠣᠷᠣᠭᠤᠳᠠᠨ᠂ ᠮᠢ ᠯᠦᠸᠧ ᠵᠢᠶᠠᠩ ᠮᠦᠷᠡᠨ ︵汨 罗 江︶ ᠤ ᠬᠦᠪᠡᠭᠡ ᠳᠤ ᠰᠠᠭᠤᠭᠰᠠᠨ ᠪᠠᠶᠢᠨ᠎ᠠ᠃     ᠴᠢᠣᠢ ᠶᠣᠸᠠᠨ ᠴᠦᠯᠡᠭᠳᠡᠭᠰᠡᠨ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠴᠦ᠋ ᠣᠯᠣᠰ ᠤᠨ ᠠᠷᠠᠳ ᠤᠨ ᠲᠠᠭᠤᠣ ᠶᠢᠨ ᠰᠠᠭᠤᠷᠢᠠ ᠲᠡᠭᠡᠷ᠎ᠠ ︽ᠣᠶᠠᠩᠭ᠎ᠠ ᠶᠢᠨ ᠬᠡᠯᠪᠡᠷᠢᠲᠦ᠂ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ᠂ ᠰᠢᠯᠦᠭ ᠤᠨ ᠬᠡᠯᠪᠡᠷᠢᠲᠠᠢ ᠣᠶᠠᠩᠭ᠎ᠠ ᠶᠢ ᠣᠯᠠᠨ ᠪᠦᠲᠦᠭᠡᠪᠡ︾᠃ ᠡᠶᠢᠮᠦ ᠬᠡᠯᠪᠡᠷᠢ ᠪᠠᠷ ᠪᠢᠴᠢᠭᠰᠡᠨ ᠰᠢᠯᠦᠭ ᠢ ︽ᠴᠦ᠋ ᠣᠯᠣᠰ ᠤᠨ ᠣᠶᠠᠩᠭ᠎ᠠ︾ ︵楚辞︶ ᠭᠡᠳᠡᠭ᠃ ᠣᠳᠣ ᠪᠣᠯᠲᠠᠯ᠎ᠠ ᠣᠯᠠᠮᠵᠢᠯᠠᠭᠳᠠᠵᠣ ᠢᠷᠡᠭᠰᠡᠨ ᠴᠢᠣᠢ ᠶᠣᠸᠠᠨ ᠤ ᠰᠢᠯᠦᠭ ᠲᠤ᠄ ︽ᠭᠤᠨᠢᠭᠲᠣ ᠣᠴᠠᠷᠠᠯ︾ ︵离骚︶᠂ ︽ᠶᠢᠰᠦᠨ ᠲᠠᠭᠤᠣ︾ ︵九歌︶᠂ ︽ᠶᠢᠰᠦᠨ ᠰᠢᠯᠦᠭ︾ ︵九章︶᠂ ︽ᠰᠦᠨᠡᠰᠦᠨ ᠤ ᠲᠠᠯᠠᠯᠭ᠎ᠠ︾ ︵招魂︶᠂ ︽ᠲᠡᠭᠷᠢ ᠶᠢᠨ ᠠᠰᠠᠭᠤᠳᠠᠯ︾ ︵天问︶ ᠭᠡᠬᠦ ᠮᠡᠲᠦ ᠬᠤᠷᠢ ᠭᠠᠷᠣᠢ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠨᠢ ᠦᠯᠡᠳᠡᠵᠦ ᠢᠷᠡᠵᠠᠢ᠃ ᠲᠡᠳᠡᠭᠡᠷ ᠣᠶᠠᠩᠭ᠎ᠠ ᠶᠢᠨ ᠰᠢᠯᠦᠭ ᠲᠡᠭᠡᠨ ᠲᠣᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠨᠣᠶᠠᠷᠬᠠᠭᠴᠢ ᠠᠩᠬᠢ ᠶᠢᠨ ᠲᠣᠲᠣᠷᠠᠬᠢ ᠬᠤᠶᠠᠷ ᠪᠦᠯᠦᠭ ᠲᠡᠮᠡᠴᠡᠯ ᠳᠤ ᠢᠯᠠᠭᠳᠠᠨ ᠲᠠᠷᠣᠭᠳᠠᠵᠣ ᠣᠷᠲᠣ ᠬᠤᠭᠤᠴᠠᠭ᠎ᠠ ᠪᠠᠷ ᠴᠦᠯᠡᠭᠳᠡᠵᠦ ᠶᠠᠪᠣᠭᠰᠠᠨ ᠦᠡᠭᠭᠡᠷᠡᠯᠲᠡ ᠪᠠᠷ ᠢᠶᠠᠨ ᠲᠠᠮᠵᠢᠭᠤᠯᠵᠣ᠂ ᠬᠠᠷᠬᠢᠰ ᠲᠡᠷᠰᠯᠡᠭᠦᠦ ᠪᠦᠭᠡᠳ ᠬᠤᠪᠳᠤᠭ ᠲᠣᠯᠣᠮᠰᠢᠭ ᠡᠷᠬᠡ ᠪᠠᠷᠢᠭᠴᠢᠳ ᠤᠨ ᠶᠠᠯ᠎ᠠ ᠭᠡᠮ ᠢ ᠬᠠᠶᠢᠷ᠎ᠠ ᠨᠠᠶᠢᠷ ᠦᠭᠡᠢ ᠢᠯᠡᠴᠢᠯᠡᠵᠦ᠂ ᠬᠠᠶᠢᠷ᠎ᠠ ᠬᠤᠷᠣᠰᠣᠯ ᠢᠶᠠᠨ ᠢᠯᠡᠳᠭᠡᠬᠦ ᠶᠢᠨ ᠲᠠᠭᠠᠤ ᠴᠢᠨ ᠣᠯᠣᠰ ᠤᠨ ᠲᠦᠷᠢᠮᠡᠬᠡᠶᠢᠯᠡᠯ ᠢ ᠡᠰᠡᠷᠭᠦᠴᠡᠭᠰᠡᠨ ᠡᠬᠡ ᠣᠯᠣᠰ ᠤᠨ ᠢᠶᠠᠨ ᠨᠣᠲᠤᠭ ᠲᠡᠪᠢᠰᠭᠡᠷ ᠢ ᠬᠠᠮᠠᠭᠠᠯᠠᠬᠤ ᠪᠠᠷ ᠲᠠᠶᠢᠨ ᠤ ᠲᠠᠯᠠᠪᠣᠷ ᠲᠤ ᠪᠠᠭᠠᠲᠣᠷᠯᠢᠭ ᠢᠶᠠᠷ ᠲᠡᠮᠡᠴᠡᠵᠦ ᠪᠡᠶ᠎ᠠ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠣᠷᠴᠣᠳ ᠤᠨ ᠢᠶᠠᠨ ᠠᠷᠢᠭᠤᠨ ᠰᠦᠨᠡᠰᠦ ᠶᠢ ᠨᠢ ᠲᠠᠬᠢᠵᠣ᠂ ᠲᠡᠳᠡᠨ ᠤ ᠪᠠᠭᠠᠲᠣᠷ ᠵᠣᠷᠢᠭ ᠢ ᠮᠠᠭᠲᠠᠨ ᠲᠠᠭᠤᠯᠠᠪᠠ᠃     ᠮᠢ ᠯᠦᠸᠧ ᠵᠢᠶᠠᠩ ᠮᠦᠷᠡᠨ ᠳᠤ ᠬᠠᠷᠠᠶᠢᠵᠣ ᠨᠠᠰᠣ ᠪᠠᠷᠠᠭᠰᠠᠨ ᠨᠢ       ᠤᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡᠬᠢ 278 ᠤᠨ ᠳᠤ ᠴᠢᠨ ᠱᠢ ᠬᠤᠸᠠᠩ ᠤᠨ ᠴᠢᠨ ᠣᠯᠣᠰ ᠤᠨ ᠶᠡᠭᠡ ᠴᠡᠷᠢᠭ ᠴᠦ᠋ ᠣᠯᠣᠰ ᠤᠨ ᠬᠢᠯᠢ ᠬᠢᠵᠠᠭᠠᠷ ᠢ ᠲᠣᠪᠲᠣᠯᠵᠣ᠂ ᠨᠡᠶᠢᠰᠯᠡᠯ ᠶᠢᠩ ᠳᠤ ᠬᠤᠲᠠ ᠶᠢ ᠨᠢ ᠡᠪᠳᠡᠵᠦ᠂ ᠣᠯᠣᠰ ᠣᠷᠣᠨ ᠢ ᠨᠢ ᠡᠵᠡᠯᠡᠵᠦ᠂ ᠴᠡᠷᠢᠭ ᠠᠷᠠᠳ ᠢ ᠨᠢ ᠶᠡᠬᠡᠪᠡᠷ ᠬᠢᠲᠣᠭᠰᠠᠨ ᠳᠤ ᠴᠢᠣᠢ ᠶᠣᠸᠠᠨ ᠨᠡᠩ ᠶᠡᠭᠡ ᠬᠠᠷᠠᠰᠣᠨ᠂ ᠡᠯᠢᠭᠡ ᠵᠢᠷᠦᠬᠡ ᠶᠢ ᠨᠢ ᠮᠡᠰᠡ ᠬᠢᠲᠤᠭ᠎ᠠ ᠪᠠᠷ ᠣᠭᠲᠣᠯᠵᠣ ᠪᠠᠶᠢᠬᠤ ᠮᠡᠲᠦ ᠪᠣᠯᠣᠭᠰᠠᠨ ᠳᠤ ᠡᠬᠡ ᠣᠯᠣᠰ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠵᠣᠷᠢᠭ ᠰᠠᠨᠠᠭ᠎ᠠ ᠨᠢ ᠣᠯᠠᠮ ᠴᠢᠩᠭᠠᠷᠠᠵᠣ᠂ 5 ᠰᠠᠷ᠎ᠠ ᠶᠢᠨ 5 ᠤ ᠡᠳᠦᠷ ᠬᠠᠮᠤᠭ ᠡᠴᠦᠰ ᠤᠨ ᠬᠡᠷᠢᠶᠡᠰ ᠪᠢᠴᠢᠭ ︽ᠬᠤᠸᠠᠢ ᠱᠠ︾ ᠲᠠᠭᠤᠯᠠᠯ ᠢᠶᠠᠨ ᠪᠢᠴᠢᠭᠡᠳ ᠴᠢᠯᠠᠭᠤ ᠲᠡᠪᠡᠷᠢᠵᠦ ᠮᠢ ᠯᠦᠸᠧ ᠵᠢᠶᠠᠩ ᠮᠦᠷᠡᠨ ᠳᠤ ᠬᠠᠷᠠᠶᠢᠵᠣ᠂ ᠰᠦᠷᠯᠢᠭ ᠶᠡᠭᠡ ᠢᠷᠠᠭᠤ ᠬᠦᠭ ᠲᠠᠢ ᠣᠶᠠᠩᠭ᠎ᠠ ᠰᠢᠯᠦᠭ ᠲᠡᠭᠡᠨ ᠡᠬᠡ ᠣᠯᠣᠰ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠳᠭᠡᠵᠦ᠂ ᠲᠡᠣᠬᠡ ᠶᠢᠨ ᠬᠠᠭᠤᠳᠠᠰᠣᠨ ᠳᠤ ᠮᠦᠡᠭᠬᠡ ᠦᠯᠡᠳᠡᠭᠡᠪᠡ᠃     ᠬᠤᠭᠤᠷᠠᠬᠤ ᠠᠴᠠ ᠪᠢᠰᠢ ᠨᠣᠭᠤᠷᠠᠬᠤ ᠦᠭᠡᠢ ᠬᠠᠳᠠᠨ ᠵᠣᠷᠢᠭᠲᠠᠨ       ᠴᠢᠣᠢ ᠶᠣᠸᠠᠨ ᠤ ᠡᠨᠡ ᠮᠡᠲᠦ ᠡᠬᠡ ᠣᠷᠣᠨᠴᠢ ᠦᠵᠡᠯ ᠨᠢ ᠴᠦᠮ ᠮᠣᠩᠭᠤᠯ ᠣᠨᠴᠠᠯᠢᠭ ᠪᠦᠬᠦᠢ ᠴᠦ᠋ ᠶᠢᠨ ᠵᠣᠷᠢᠭ ᠰᠠᠨᠠᠭ᠎ᠠ᠂ ᠴᠦ᠋ ᠶᠢᠨ ᠰᠣᠶᠣᠯ ᠢᠶᠠᠷ ᠠᠮᠢᠯᠠᠭᠰᠠᠨ ᠪᠠᠶᠢᠨ᠎ᠠ᠃ ᠲᠣᠬᠠᠢ ᠶᠢᠨ ᠦᠶ᠎ᠠ ᠳᠤ ᠬᠠᠷᠠᠩᠭᠤᠢ ᠮᠣᠩᠬᠠᠭ ᠴᠦ᠋ ᠰᠢᠶᠠᠩ ᠸᠠᠩ ᠬᠤᠶᠢᠬᠤᠷ ᠬᠤᠯᠵᠢᠨ ᠬᠦᠮᠦᠨ ᠤ ᠬᠤᠪᠴᠢ ᠦᠭᠡᠨ ᠳᠤ ᠣᠨᠠᠵᠣ ᠰᠢᠳᠣᠷᠭᠤ ᠴᠢᠭᠡᠴᠢ ᠴᠢᠣᠢ ᠶᠣᠸᠠᠨ ᠢ ᠴᠦᠯᠡᠭᠡᠳ᠂ ᠴᠦ᠋ ᠣᠯᠣᠰ ᠤᠨ ᠴᠡᠷᠢᠭ ᠠᠷᠠᠳ ᠨᠢ ᠴᠢᠨ ᠣᠯᠣᠰ ᠤᠨ ᠦᠭᠶᠦᠭᠡ ᠪᠣᠯᠵᠣ᠂ ᠡᠴᠦᠰ ᠲᠡᠭᠡᠨ ᠴᠦ᠋ ᠣᠯᠣᠰ ᠨᠢ ᠴᠦ ᠮᠦᠬᠦᠪᠡ᠃ ᠡᠶᠢᠮᠦ ᠠᠴᠠ ᠴᠢᠣᠢ ᠶᠣᠸᠠᠨ ︽ᠵᠢᠭᠠᠰᠣᠴᠢᠨ ᠡᠪᠦᠭᠡᠨ︾ ᠭᠡᠬᠦ ᠰᠢᠯᠦᠭ ᠲᠡᠭᠡᠨ᠄ ︽ᠬᠦᠪᠴᠢᠨ ᠲᠡᠯᠡᠬᠡᠢ ᠪᠣᠵᠠᠷᠳᠠᠭᠠᠳ / ᠦᠴᠦᠬᠡᠨ ᠪᠢ ᠭᠠᠭᠴᠠᠭᠠᠷ ᠴᠡᠪᠡᠷ / ᠴᠦ᠋ ᠬᠤᠸᠠᠢ ᠸᠠᠩ ᠮᠣᠩᠬᠠᠷᠠᠭᠠᠳ / ᠡᠭᠡᠯ ᠪᠢ ᠭᠠᠭᠴᠠᠭᠠᠷ ᠰᠡᠷᠭᠡᠢ︾ ᠭᠡᠮᠡᠨ ᠰᠢᠯᠦᠭᠯᠡᠵᠦ᠂ ᠡᠶᠢᠮᠦ ᠣᠴᠢᠷ ᠠᠴᠠ ᠴᠦᠯᠡᠭᠳᠡᠪᠡ ᠭᠡᠰᠡᠨ ᠪᠦᠭᠡᠳ ᠪᠠᠰᠠ᠄ ︽ᠰᠢᠶᠠᠩ ᠵᠢᠶᠠᠩ ᠮᠦᠷᠡᠨ ᠤ ᠣᠰᠣᠨ ᠳᠤ ᠵᠢᠪᠴᠦ / ᠵᠢᠭᠠᠰᠣᠨ ᠤ ᠦᠭᠶᠦᠭᠡ ᠪᠣᠯᠬᠤ ᠠᠴᠠ ᠪᠢᠰᠢ / ᠴᠡᠪᠡᠷ ᠴᠠᠭᠠᠨ ᠠᠷᠢᠭᠤᠨ ᠪᠡᠶ᠎ᠠ ᠳᠡᠭᠡᠨ / ᠶᠢᠷᠲᠢᠨᠴᠦ ᠶᠢᠨ ᠪᠣᠵᠠᠷ ᠢ ᠬᠠᠯᠳᠠᠭᠠᠬᠤ ᠦᠭᠡᠢ︾ ᠭᠡᠪᠡ᠃ ᠡᠨᠡ ᠪᠣᠯ ᠴᠢᠣᠢ ᠶᠣᠸᠠᠨ ᠤ ᠬᠤᠭᠤᠷᠠᠬᠤ ᠠᠴᠠ ᠪᠢᠰᠢ ᠨᠣᠭᠤᠷᠠᠬᠤ ᠦᠭᠡᠢ ᠬᠠᠳᠠᠨ ᠵᠣᠷᠢᠭ ᠤᠨ ᠢᠯᠡᠷᠡᠯ ᠪᠣᠯᠣᠨ᠎ᠠ᠃     ᠴᠢᠣᠢ ᠶᠣᠸᠠᠨ ᠢ ᠬᠡᠷᠬᠢᠨ ᠦᠨᠡᠯᠡᠬᠦ ᠪᠣᠢ︖      ᠴᠢᠣᠢ ᠶᠣᠸᠠᠨ ᠪᠣᠯ ᠮᠠᠨ ᠤ ᠣᠯᠣᠰ ᠤᠨ ᠴᠦᠨ ᠴᠢᠦ ᠪᠠᠶᠢᠯᠳᠣᠭᠠᠨᠲᠣ ᠣᠯᠣᠰ ᠤᠨ ᠦᠶ᠎ᠠ ᠳᠠᠬᠢ ᠴᠦ᠋ ᠣᠯᠣᠰ ᠤᠨ ᠠᠭᠤᠣ ᠶᠡᠭᠡ ᠮᠣᠩᠭᠤᠯᠵᠢᠨ ᠰᠢᠯᠦᠭᠴᠢ ᠪᠦᠭᠡᠳ ᠡᠬᠡ ᠣᠷᠣᠨᠴᠢ ᠬᠠᠳᠠᠨ ᠪᠠᠭᠠᠲᠣᠷ ᠰᠠᠶᠢᠨ ᠰᠠᠶᠢᠳ ᠮᠦᠨ᠃ ᠴᠢᠣᠢ ᠶᠣᠸᠠᠨ ᠤ ᠣᠶᠠᠩᠭ᠎ᠠ ᠶᠢᠨ ᠲᠣᠬᠠᠢ ᠶᠡᠭᠡ ᠵᠣᠬᠢᠶᠠᠯᠴᠢ ᠰᠧ ᠮᠠ ᠴᠢᠶᠠᠨ᠄ ︽ᠣᠳᠬ᠎ᠠ ᠠᠨᠣ ᠭᠦᠨ᠂  ᠣᠶᠠᠩᠭ᠎ᠠ  ᠠᠨᠣ ᠣᠷᠠᠨ᠂  ᠵᠣᠷᠢᠭ ᠠᠨᠣ ᠬᠠᠲᠠᠭᠤ᠂ ᠦᠢᠯᠡᠰ ᠠᠨᠣ ᠴᠡᠪᠡᠷ᠂ ᠵᠣᠬᠢᠶᠠᠯ ᠠᠨᠣ ᠣᠬᠤᠷ ᠪᠦᠭᠡᠲᠡᠯ᠎ᠠ ᠲᠣᠰᠣᠯᠲᠠ ᠠᠨᠣ ᠲᠦᠢᠯ ᠤᠨ ᠶᠡᠭᠡ᠂ ᠦᠭᠦᠯᠡᠬᠦ ᠠᠨᠣ ᠣᠢᠢᠷ᠎ᠠ ᠪᠦᠭᠡᠲᠡᠯ᠎ᠠ ᠬᠠᠷᠠᠯᠲᠠ ᠠᠨᠣ ᠬᠤᠯᠠ ᠪᠣᠶᠣ︕︾ ᠭᠡᠵᠦ ᠦᠨᠡᠯᠡᠭᠰᠡᠨ ᠪᠠᠶᠢᠳᠠᠭ᠃     ᠵᠠᠭᠤᠨ ᠣᠪᠣᠭᠲᠠᠨ ᠴᠢᠣᠢ ᠶᠣᠸᠠᠨ ᠢ ᠰᠠᠨᠠᠭᠠᠯᠵᠠᠭᠰᠠᠨ ᠨᠢ      ᠴᠢᠣᠢ ᠶᠣᠸᠠᠨ ᠨᠠᠰᠣ ᠪᠠᠷᠠᠭᠰᠠᠨ ᠳᠤ ᠴᠦ᠋ ᠣᠯᠣᠰ ᠤᠨ ᠵᠠᠭᠤᠨ ᠣᠪᠣᠭᠲᠠᠨ ᠬᠤᠶᠢᠨ᠎ᠠ ᠬᠤᠶᠢᠨ᠎ᠠ ᠠᠴᠠ ᠪᠠᠨ ᠮᠢ ᠯᠦᠸᠧ ᠵᠢᠶᠠᠩ ᠮᠦᠷᠡᠨ ᠤ ᠬᠦᠪᠡᠭᠡᠠ ᠳᠤ ᠬᠦᠷᠴᠦ ᠡᠮᠭᠡᠨᠢᠨ ᠭᠠᠰᠢᠭᠤᠳᠠᠭᠰᠠᠨ ᠪᠠᠶᠢᠨ᠎ᠠ᠃ ᠡᠭᠦᠨ ᠳᠤ᠄ ᠣᠯᠠᠨ ᠵᠢᠭᠠᠰᠣᠴᠢᠨ ᠠᠷᠠᠳ ᠣᠡᠭᠭᠤᠴᠠ ᠰᠠᠯ ᠢᠶᠠᠨ ᠰᠡᠯᠢᠨ ᠬᠦᠷᠴᠦ᠂ ᠮᠦᠷᠡᠨ ᠤ ᠲᠡᠭᠡᠭᠦᠷ ᠨᠠᠰᠢ ᠴᠠᠰᠢ ᠡᠷᠭᠢᠯᠳᠦᠬᠦ ᠳᠡᠭᠡᠨ ᠲᠣᠣᠷ ᠬᠠᠶᠠᠵᠣ᠂ ᠴᠢᠣᠢ ᠶᠣᠸᠠᠨ ᠤ ᠬᠡᠭᠦᠷ ᠪᠡᠶ᠎ᠠ ᠶᠢ ᠱᠦᠭᠦᠵᠦ ᠣᠯᠬᠤ ᠪᠠᠷ ᠴᠢᠷᠮᠠᠶᠢᠪᠠ︔ ᠵᠠᠷᠢᠮ ᠵᠢᠭᠠᠰᠣᠴᠢᠨ ᠠᠷᠠᠳ ᠴᠢᠣᠢ ᠶᠣᠸᠠᠨ ᠳᠤ ᠪᠡᠯᠡᠳᠭᠡᠭᠰᠡᠨ ᠠᠮᠲᠠᠲᠣ ᠢᠳᠡᠭᠡᠨ᠂ ᠲᠠᠬᠢᠶᠠᠨ ᠦᠨᠳᠡᠭᠡ᠂ ᠵᠠᠭᠤᠴᠢ ᠪᠣᠳᠠᠭ᠎ᠠ ᠵᠡᠷᠭᠡ ᠪᠠᠨ ᠮᠦᠷᠡᠨ ᠤ ᠣᠰᠣᠨ ᠳᠤ ᠬᠠᠶᠠᠵᠣ᠂ ᠵᠢᠭᠠᠰᠣ ᠵᠢᠷᠠᠭᠠᠬᠠᠢ᠂ ᠨᠠᠢᠮᠠᠯᠵᠢ ᠮᠡᠯᠡᠬᠡᠢ ᠵᠡᠷᠭᠡ ᠣᠰᠣᠨ ᠤ ᠠᠮᠢᠲᠠᠳ ᠴᠢᠣᠢ ᠶᠣᠸᠠᠨ ᠤ ᠬᠡᠭᠦᠷ ᠪᠡᠶ᠎ᠠ ᠶᠢ ᠪᠢᠲᠡᠬᠡᠢ ᠯᠡ ᠭᠡᠮᠲᠦᠭᠡ ᠭᠡᠵᠦ ᠬᠦᠰᠡᠮᠵᠢᠯᠡᠪᠡ︔ ᠵᠠᠷᠢᠮ ᠢᠷᠭᠡᠳ ᠬᠦᠭᠰᠢᠨ ᠵᠠᠯᠠᠭᠤ ᠪᠦᠬᠦᠨ ᠢᠶᠠᠷ ᠢᠶᠠᠨ ᠬᠦᠷᠦᠯᠴᠡᠨ ᠣᠴᠢᠵᠣ᠂ ᠴᠢᠣᠢ ᠶᠣᠸᠠᠨ ᠤ ᠬᠡᠭᠦᠷ ᠪᠡᠶ᠎ᠠ ᠶᠢ ᠬᠠᠮᠠᠭᠠᠯᠠᠬᠤ ᠡᠯᠳᠡᠪ ᠵᠦᠢᠯ ᠤᠨ ᠠᠷᠭ᠎ᠠ ᠰᠦᠪᠡᠭᠴᠢᠯᠡᠪᠡ ᠭᠡᠨ᠎ᠠ᠃ ᠨᠢᠭᠡᠨ ᠡᠪᠦᠭᠡᠨ ᠡᠮᠴᠢ ᠲᠣᠮᠴᠢ ᠨᠢᠭᠡ ᠪᠣᠲᠣᠩ ᠠᠷᠠᠵᠠ ᠰᠠᠷᠬᠤᠳ ᠢ ᠮᠦᠷᠡᠨ ᠳᠤ ᠰᠠᠴᠣᠵᠣ᠂ ᠣᠰᠣᠨ ᠤ ᠠᠮᠢᠲᠠᠳ ᠣᠣᠭᠤᠵᠣ ᠰᠣᠭᠲᠣᠪᠠᠯ ᠴᠢᠣᠢ ᠶᠣᠸᠠᠨ ᠤ ᠬᠡᠭᠦᠷ ᠪᠡᠶ᠎ᠠ ᠶᠢ ᠭᠡᠮᠲᠦᠭᠡᠬᠦ ᠦᠭᠡᠢ ᠶᠣᠮ ᠭᠡᠵᠦ ᠲᠣᠮᠨᠠᠪᠠ ᠭᠡᠨ᠎ᠠ᠃    ᠰᠣᠳᠣᠨ ᠰᠢᠯᠦᠭᠴᠢᠨ ᠴᠢᠣᠢ ᠶᠣᠸᠠᠨ ᠢ ᠲᠣᠷᠠᠰᠬᠠᠭᠰᠠᠨ ᠨᠢ      ᠬᠤᠶᠠᠷ ᠮᠢᠩᠭᠠᠨ ᠵᠢᠯ ᠤᠨ ᠡᠮᠦᠨᠡᠬᠢ ᠴᠦᠨ ᠴᠢᠦ ᠶᠢᠨ ᠦᠶ᠎ᠠ ᠠᠴᠠ ᠡᠬᠢᠯᠡᠨ ᠣᠳᠣ ᠪᠣᠯᠲᠠᠯ᠎ᠠ ᠵᠢᠯ ᠪᠦᠷᠢ ᠶᠢᠨ 5 ᠰᠠᠷ᠎ᠠ ᠶᠢᠨ 5 ᠤ ᠡᠳᠦᠷ ᠵᠠᠭᠤᠨ ᠣᠪᠣᠭᠲᠠᠨ ᠡᠷᠦᠬᠡ ᠪᠦᠷᠢ ᠪᠦᠷ ᠬᠤᠯᠣᠰᠣᠨ ᠨᠠᠪᠴᠢ ᠪᠠᠷ ᠪᠣᠭᠤᠭᠰᠠᠨ ᠨᠢᠭᠡ ᠵᠦᠢᠯ ᠤᠨ ᠢᠳᠡᠭᠡᠨ  — ᠽᠦᠡᠭᠽᠢ ᠢᠳᠡᠵᠦ ᠴᠢᠣᠢ ᠶᠣᠸᠠᠨ ᠢ ᠲᠣᠷᠠᠰᠬᠠᠳᠠᠭ᠃ ᠡᠮᠦᠨᠡᠲᠦ ᠣᠷᠣᠨ ᠳᠤ ᠪᠣᠯ ᠯᠣᠣ ᠶᠢᠨ ᠲᠣᠯᠣᠭᠠᠢᠢᠲᠣ ᠣᠡᠭᠭᠤᠴᠠ ᠰᠡᠯᠢᠵᠦ ᠣᠷᠣᠯᠳᠣᠨ ᠠᠷᠢᠬᠢ ᠲᠠᠷᠠᠰᠣ ᠣᠣᠭᠤᠵᠣ ᠴᠢᠣᠢ ᠶᠣᠸᠠᠨ ᠢ ᠲᠣᠷᠠᠰᠬᠠᠳᠠᠭ᠃ ᠽᠦᠡᠭᠽᠢ ᠢᠳᠡᠬᠦ ᠵᠠᠩᠰᠢᠯ ᠨᠢ ᠬᠦᠭᠵᠢᠭᠡᠳ ᠰᠣᠯᠣᠩᠭᠤᠰ᠂ ᠶᠠᠫᠣᠨ ᠪᠣᠶᠣ ᠡᠮᠦᠨᠡᠲᠦ ᠠᠽᠢᠶ᠎ᠠ ᠶᠢᠨ ᠣᠯᠠᠨ ᠣᠯᠣᠰ ᠲᠤ ᠣᠯᠠᠮᠵᠢᠯᠠᠨ ᠲᠠᠷᠬᠠᠭᠰᠠᠨ ᠪᠠᠶᠢᠨ᠎ᠠ᠃        
  
ᠢᠷᠡᠯᠲᠡ᠄ ᠤᠯᠠᠭᠠᠨᠬᠳᠠ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠦᠯᠡᠮᠵᠢ ᠬᠡᠮᠵᠢᠶᠡᠳᠤ ᠬᠦᠷᠤᠨ ᠬᠦᠡᠭᠵᠤ
ᠳ᠋ᠧᠩ ᠰᠢᠶᠣᠣ ᠫᠢᠩ ᠶᠢᠰᠦ ᠣᠳᠠᠭ᠎ᠠ ᠶᠡᠷᠦᠩᠬᠡᠢ ᠰᠠᠶᠢᠳ ᠤᠨ ᠲᠣᠰᠢᠶᠠᠯ ᠢ ᠣᠷᠣᠯᠠᠨ ᠭᠦᠢᠴᠡᠳᠭᠡᠭᠰᠡᠨ ᠨᠢ
ᠪᠠᠭᠠᠷᠢᠨᠴᠣᠳ ᠤᠨ ᠳᠠᠯᠣ ᠶᠢᠨ ᠦᠵᠡᠯᠭᠡ ᠲᠦᠯᠭᠡ ᠶᠢᠨ ᠲᠤᠬᠠᠢ
ᠡᠷᠲᠡᠨ ᠤ ᠮᠤᠩᠭᠤᠯ ᠤᠨ ᠬᠠᠥᠯᠢ ᠴᠠᠭᠠᠵᠠ
ᠲᠦᠯ ᠮᠠᠯ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠶᠤᠰᠤᠨ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号