| ᠮᠣᠩᠭᠤᠯᠴᠣᠳ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠨᠢ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦᠨ ᠳᠣᠷᠣᠢ ᠪᠠᠶᠢᠭᠰᠠᠨ ᠠᠴᠠ | ᠪᠣᠯᠵᠦ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠠᠴᠠ ᠳᠡᠮᠡᠢ ᠰᠠᠶᠢᠨ ᠢᠯᠭᠠᠵᠦ ᠴᠢᠳᠠᠬᠤ ᠦᠭᠡᠢ᠂ ᠬᠦᠮᠦᠨ ᠢ | ᠰᠦᠨᠡᠰᠦ ᠲᠠᠢ ᠭᠡᠵᠦ ᠦᠵᠡᠭᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠪᠠᠶᠢᠭᠠᠯᠢ ᠶᠢᠨ ᠭᠡᠷᠡᠭ ᠪᠣᠳᠠᠰ ᠦᠵᠡᠭᠳᠡᠯ ᠤᠳ ᠢ ᠴᠦᠮ | ᠠᠮᠢ ᠭᠤᠣᠯ ᠲᠠᠢ᠂ ᠰᠦᠨᠡᠰᠦ ᠰᠠᠬᠢᠭᠤᠰᠣ ᠲᠠᠢ ᠭᠡᠵᠦ ᠦᠵᠡᠳᠡᠭ᠃ ᠲᠡᠭᠡᠭᠡᠳ ᠡᠳᠡᠭᠡᠷ ᠰᠦᠨᠡᠰᠦ ᠰᠠᠬᠢᠭᠤᠰᠣ ᠶᠢ | ᠲᠠᠬᠢᠵᠦ ᠰᠢᠳᠦᠬᠦ᠂ ᠳᠣᠮᠨᠤᠨ ᠰᠢᠪᠰᠢᠬᠦ᠂ ᠲᠦᠯᠭᠡ ᠱᠣ ᠣᠷᠬᠢᠵᠦ ᠰᠢᠨᠵᠢᠯᠡᠳᠡᠭ ᠪᠠᠶᠢᠵᠠᠢ᠃ ᠮᠣᠩᠭᠤᠯ ᠤᠨ ᠣᠯᠠᠨ | ᠠᠶᠢᠮᠠᠭ ᠪᠦᠯᠦᠭ ᠤᠨ ᠨᠢᠭᠡ ᠨᠢ ᠪᠣᠯᠣᠭᠰᠠᠨ ᠪᠠᠭᠠᠷᠢᠨᠴᠣᠳ ᠴᠦ ᠬᠢᠯᠭᠠᠰᠣᠨ ᠲᠦᠯᠭᠡ᠂ ᠵᠣᠭᠤᠰᠣᠨ ᠲᠦᠯᠭᠡ᠂ | ᠳᠠᠯᠣ ᠶᠢᠨ ᠲᠦᠯᠭᠡ ᠵᠡᠷᠭᠡ ᠲᠦᠯᠭᠡ ᠰᠢᠨᠵᠢᠯᠡᠭᠡ ᠦᠵᠡᠵᠦ᠂ ᠡᠨᠡ ᠨᠢ ᠣᠳᠣ ᠳᠤ ᠲᠣᠯᠲᠠᠯᠠ ᠣᠯᠠᠮᠵᠢᠯᠠᠭᠳᠠᠵᠦ | ᠢᠷᠡᠭᠰᠡᠨ ᠶᠤᠮ᠃ ᠠᠳᠡ ᠵᠦᠪᠬᠡᠨ ᠪᠠᠭᠠᠷᠢᠨᠴᠣᠳ ᠤᠨ ᠳᠠᠯᠣ ᠶᠢᠨ ᠦᠵᠡᠯᠭᠡ ᠰᠢᠨᠵᠢᠯᠡᠭᠡ ᠶᠢᠨ ᠲᠣᠬᠠᠢ ᠦᠵᠡᠵᠦ | ᠰᠣᠨᠣᠰᠣᠭᠰᠠᠨ ᠢᠶᠠᠨ ᠲᠣᠭᠠᠴᠢᠶᠠ᠃ | ᠮᠠᠨ ᠤ ᠤᠯᠤᠰ ᠤᠨ ᠬᠠᠮᠤᠭ ᠤᠨ ᠡᠷᠲᠡᠨ ᠤ ᠳᠠᠯᠣ ᠶᠢᠨ ᠲᠦᠯᠭᠡ ᠶᠢ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠠᠴᠠ | ᠢᠯᠡᠷᠡᠭᠦᠯᠦᠭᠰᠡᠨ ᠪᠦᠭᠡᠳ ᠡᠷᠳᠡᠮᠲᠡᠳ ᠠᠴᠠ ᠳᠠᠯᠣ ᠶᠢᠨ ᠶᠠᠰᠣ ᠪᠠᠷ ᠲᠦᠯᠭᠡ ᠦᠵᠡᠭᠦ ᠶᠠᠪᠣᠳᠠᠯ ᠱᠠᠩ ᠤᠯᠤᠰ ᠤᠨ | ᠦᠶᠡ ᠠᠴᠠ ᠬᠦᠭᠵᠢᠵᠦ ᠲᠦᠭᠡᠮᠡᠯᠵᠢᠯᠡ ᠭᠡᠵᠦ ᠨᠣᠲᠠᠯᠬᠠᠰᠠᠨ ᠪᠠᠶᠢᠨᠠ᠃ | ᠳᠠᠯᠣ ᠶᠢᠨ ᠲᠦᠯᠭᠡ ᠭᠡᠳᠡᠭ ᠨᠢ ᠪᠣᠳᠠ ᠪᠣᠭ ᠮᠠᠯ ᠤᠨ ᠳᠠᠯᠣ ᠶᠢᠨ ᠶᠠᠰᠣ ᠪᠠᠷ ᠲᠦᠯᠭᠡᠳᠡᠬᠦ ᠲᠦᠯᠭᠡ ᠶᠢ | ᠬᠡᠯᠡᠳᠡᠭ᠃ ᠪᠢᠴᠢᠭ ᠲᠡᠮᠳᠡᠭᠯᠡᠯ ᠪᠠ ᠪᠣᠭᠤᠷᠣᠯᠴᠣᠳ ᠤᠨ ᠳᠣᠷᠠᠰᠣᠨ ᠶᠠᠷᠢᠬᠤ ᠪᠠᠷ᠂ ᠳᠠᠯᠣ ᠶᠢᠨ ᠲᠦᠯᠭᠡ | ᠦᠵᠡᠭᠦ ᠳᠤ ᠪᠠᠭᠠᠷᠢᠨᠴᠣᠳ ᠭᠤᠣᠯᠳᠠᠭᠤ ᠬᠤᠨᠢ ᠢᠮᠠᠭᠠᠨ ᠤ ᠳᠠᠯᠣ ᠶᠢᠨ ᠶᠠᠰᠣ ᠪᠠ ᠦᠬᠡᠷ ᠤᠨ ᠳᠠᠯᠣ ᠶᠢ ᠬᠡᠷᠡᠭᠯᠡᠳᠡᠭ | ᠪᠠᠶᠢᠵᠠᠢ᠃ ᠪᠠᠭᠠᠷᠢᠨ ᠨᠣᠲᠤᠭ ᠢᠶᠠᠷ ᠠᠶᠢᠯᠴᠢᠯᠠᠬᠤ ᠳᠤ ᠮᠣᠩᠭᠤᠯ ᠭᠡᠷ ᠤᠨ ᠬᠠᠨᠠᠨ ᠲᠣᠯᠣᠭᠠᠢ᠂ ᠣᠨᠢ ᠶᠢᠨ ᠬᠢᠨᠢ | ᠵᠠᠪᠰᠠᠷ ᠲᠤ ᠣᠲᠣᠭᠠᠰᠢᠭᠰᠠᠨ ᠳᠠᠯᠣ ᠶᠢᠨ ᠶᠠᠰᠣ ᠬᠠᠪᠴᠢᠭᠤᠯᠣᠭᠳᠠᠵᠦ ᠪᠠᠶᠢᠬᠤ ᠶᠢ ᠪᠢᠳᠡ ᠦᠷᠬᠦᠯᠵᠢ ᠣᠯᠵᠦ | ᠬᠠᠷᠠᠳᠠᠭ ᠪᠠ ᠵᠠᠷᠢᠮ ᠨᠠᠰᠣᠲᠠᠨ ᠲᠣᠷᠭᠠᠨ ᠳᠤ ᠪᠠᠭᠯᠠᠭᠰᠠᠨ ᠳᠠᠯᠣ ᠶᠢᠨ ᠶᠠᠰᠣ ᠪᠠᠨ ᠭᠠᠷᠭᠠᠵᠦ ᠨᠡᠷᠡᠨ ᠦᠭᠡᠳᠡ | ᠬᠠᠷᠠᠭᠤᠯᠣᠨ ᠰᠢᠨᠵᠢᠵᠦ ᠪᠠᠶᠢᠬᠤ ᠪᠣᠶᠣ ᠣᠲᠣᠭᠠᠰᠢᠭᠰᠠᠨ ᠳᠠᠯᠣ ᠶᠢᠨ ᠶᠠᠰᠣ ᠪᠠᠨ ᠨᠣᠷᠮᠠᠰᠢᠭᠰᠠᠨ ᠭᠠᠯ ᠳᠤ | ᠰᠢᠲᠠᠭᠠᠭᠠᠳ ᠬᠠᠭᠠᠷᠠᠵᠦ ᠴᠠᠪᠲᠣᠭᠰᠠᠨ ᠵᠢᠷᠣᠭᠠᠰᠣ ᠶᠢ ᠰᠢᠨᠵᠢᠵᠦ ᠪᠠᠶᠢᠬᠤ ᠲᠠᠢ ᠬᠠᠶᠠ ᠬᠠᠷᠭᠤᠳᠠᠭ ᠪᠢᠯᠡ᠃ | ᠪᠠᠭᠠᠷᠢᠨᠴᠣᠳ ᠳᠠᠯᠣ ᠶᠢ ᠶᠡᠷᠦᠩᠬᠡᠢ ᠳᠤᠨᠢ ᠳᠠᠯᠣ ᠶᠢᠨ ᠲᠣᠭᠤᠭᠠ᠂ ᠡᠮᠡᠭᠲᠠᠢ ᠶᠢᠨ ᠣᠮᠤᠭ᠂ ᠳᠠᠯᠣ ᠶᠢᠨ | ᠬᠦᠵᠦᠭᠦᠦ᠂ ᠣᠮᠤᠭ ᠰᠦᠷ ︵ᠡᠷᠡᠭᠲᠠᠢ ᠶᠢᠨ ᠣᠮᠤᠭ︶᠂ ᠬᠡᠦᠬᠡᠳ ᠤᠨ ᠣᠯᠠ᠂ ᠮᠠᠯ ᠤᠨ ᠣᠮᠤᠭ᠂ ᠬᠤᠲᠠ᠂ | ᠬᠤᠲᠠ ᠶᠢᠨ ᠣᠯᠠ᠂ ᠮᠠᠯ ᠤᠨ ᠴᠣᠪᠣᠭᠠ᠂ ᠬᠤᠯᠠᠭᠠᠶᠢᠴᠢ ᠶᠢᠨ ᠡᠭᠦᠷ ᠭᠡᠵᠦ ᠠᠷᠪᠠᠨ ᠣᠷᠣᠨ ᠬᠤᠪᠢᠶᠠᠳᠠᠭ᠃ | ᠳᠠᠯᠣ ᠶᠢᠨ ᠲᠦᠯᠭᠡ ᠪᠠᠷᠢᠬᠤ ᠪᠠ ᠳᠠᠯᠣ ᠶᠢᠨ ᠦᠵᠡᠯᠭᠡ ᠰᠢᠨᠵᠢᠬᠦ ᠨᠢ ᠦᠰᠦᠳ ᠣᠨᠳᠣᠣ ᠦᠵᠡᠯᠭᠡ | ᠰᠢᠨᠵᠢᠯᠡᠭᠡ ᠪᠣᠯᠬᠤ ᠪᠣᠯᠪᠠᠴᠦ ᠡᠨᠡ ᠬᠤᠶᠠᠷ ᠨᠢ ᠴᠦᠮ ᠳᠠᠯᠣ ᠶᠢᠨ ᠠᠷᠪᠠᠨ ᠣᠷᠣᠨ ᠲᠠᠢ ᠨᠢᠭᠲᠠ ᠬᠤᠯᠪᠣᠭᠠ ᠲᠠᠢ | ᠪᠠᠶᠢᠳᠠᠭ᠃ ᠳᠠᠯᠣ ᠶᠢᠨ ᠦᠵᠡᠯᠭᠡ ᠦᠵᠡᠭᠦ ᠳᠤ ᠳᠠᠯᠣ ᠶᠢᠨ ᠮᠢᠬᠠ ᠶᠢ ᠰᠢᠳᠦ ᠬᠢᠮᠣᠰᠣ ᠬᠦᠷᠭᠡᠯ ᠦᠭᠡᠢ | ᠬᠢᠲᠤᠭᠠ ᠪᠠᠷ ᠮᠦᠯᠵᠢᠵᠦ ᠢᠳᠡᠭᠡᠳ᠂ ᠳᠠᠯᠣ ᠶᠢᠨ ᠶᠠᠰᠣᠨ ᠤ ᠠᠷᠪᠠᠨ ᠣᠷᠣᠨ ᠢ ᠨᠠᠷᠢᠨ ᠠᠵᠢᠭᠯᠠᠨ ᠰᠢᠨᠵᠢᠵᠦ᠂ | ᠦᠩᠭᠡᠷᠡᠭᠰᠡᠨ᠂ ᠣᠳᠣ᠂ ᠢᠷᠡᠭᠡᠳᠦᠢ ᠶᠢ ᠵᠦᠢᠴᠢᠯᠡᠨ᠂ ᠰᠠᠶᠢᠨ ᠮᠠᠭᠤ᠂ ᠭᠠᠢ ᠪᠣᠶᠠᠨ᠂ ᠵᠣᠪᠠᠯ ᠵᠢᠷᠭᠠᠯ ᠢ | ᠦᠭᠦᠯᠡᠳᠡᠭ᠃ ᠲᠡᠭᠡᠬᠦ ᠳᠤ ᠠᠷᠪᠠᠨ ᠣᠷᠣᠨ ᠨᠢ ᠲᠤᠰ ᠲᠤᠰ ᠨᠢᠭᠡᠨ ᠵᠦᠢᠯ ᠤᠨ ᠲᠣᠭᠲᠠᠭᠰᠠᠨ ᠪᠡᠯᠭᠡ ᠲᠡᠮᠳᠡᠭ ᠢ | ᠲᠦᠯᠦᠭᠡᠯᠡᠳᠡᠭ᠃ | ᠳᠠᠯᠣ ᠶᠢᠨ ᠶᠠᠰᠣᠨ ᠤ ᠳᠣᠮᠳᠠ ᠴᠢᠮᠦᠭᠡ ᠲᠠᠢ ᠵᠠᠯᠭᠠᠯᠳᠣᠵᠦ ᠪᠠᠶᠢᠭᠠ ᠬᠡᠰᠡᠭ ᠤᠨ ᠬᠤᠨᠳᠠᠭᠠ ᠰᠢᠭ᠋ | ᠬᠤᠲᠣᠭᠤᠷ ᠢ ︽ᠲᠣᠭᠤᠭᠠ︾ ᠭᠡᠳᠡᠭ᠃ ︽ᠲᠣᠭᠤᠭᠠ︾ ᠨᠢ ᠬᠦᠨ ᠪᠦᠭᠡᠳ ᠬᠦᠯᠢᠭᠡᠷ ᠪᠣᠯ ᠡᠷᠦᠬᠡ ᠭᠡᠷ ᠤᠨ | ᠬᠢᠨᠢ ᠠᠮᠢᠳᠣᠷᠠᠯ ᠦᠩ ᠦᠭᠡᠳᠡ᠂ ᠰᠠᠨᠠᠭᠠ ᠰᠡᠳᠬᠢᠯ ᠠᠮᠣᠷ ᠠᠵᠣ ᠲᠦᠷᠦᠬᠦ ᠶᠢᠨ ᠪᠡᠯᠭᠡ ᠲᠡᠮᠳᠡᠭ᠃ ︽ᠲᠣᠭᠤᠭᠠ | ︾ ᠨᠢ ᠭᠦᠶᠦᠭᠡᠨ ᠪᠦᠭᠡᠳ ᠰᠡᠪ ᠲᠠᠢ ᠪᠣᠯ ᠠᠮᠢᠳᠣᠷᠠᠯ ᠨᠢ ᠠᠨᠠᠢ᠂ ᠠᠷᠭᠠᠴᠠᠨ ᠦᠩᠭᠡᠷᠡᠭᠦᠯᠬᠦ ᠶᠢᠨ ᠰᠢᠨᠵᠢ᠃ ︽ | ᠲᠣᠭᠤᠭᠠ︾ ᠶᠢᠨ ᠬᠠᠵᠠᠭᠤ ᠲᠠᠯᠠ ᠳᠤ ᠳᠣᠮᠳᠠ ᠴᠢᠮᠦᠭᠡ ᠲᠠᠢ ᠬᠤᠯᠪᠣᠯᠳᠣᠭᠰᠠᠨ ᠬᠡᠰᠡᠭ ᠤᠨ ᠰᠢᠷᠪᠦᠰᠦ ᠲᠠᠢ | ᠬᠤᠰᠢᠭᠤᠯᠵᠢᠨ ᠢ ᠶᠡᠷᠦᠳᠡᠭᠡᠨ ︽ᠳᠠᠯᠣ ᠶᠢᠨ ᠵᠢᠯᠠᠭᠠ︾ ᠭᠡᠳᠡᠭ ᠴᠦ ᠬᠠᠷᠢᠨ ᠳᠠᠯᠣ ᠶᠢᠨ ᠦᠵᠡᠯᠭᠡ ᠳᠤ ︽ | ᠡᠮᠡᠭᠲᠠᠢ ᠶᠢᠨ ᠣᠮᠤᠭ︾ ᠭᠡᠳᠡᠭ᠃ ᠲᠡᠷᠡᠬᠦ ᠰᠢᠷᠪᠦᠰᠦᠯᠢᠭ ᠵᠢᠯᠠᠭᠠ ᠶᠢᠨ ᠬᠡᠰᠡᠭ ᠨᠢ ᠪᠦᠳᠦᠭᠦᠨ ᠪᠦᠭᠡᠳ ᠦᠨᠳᠦᠷ | ᠪᠣᠯ ᠡᠮᠡᠭᠲᠠᠢ ᠶᠢᠨ ᠣᠮᠤᠭ ᠰᠦᠷ ᠨᠢ ᠡᠷᠡᠭᠲᠠᠢ ᠶᠢᠨ ᠣᠮᠤᠭ ᠰᠦᠷ ᠠᠴᠠ ᠳᠠᠪᠠᠩᠭᠤᠢ ᠪᠠᠶᠢᠬᠤ ᠶᠢ ᠬᠠᠷᠠᠭᠤᠯᠳᠠᠭ᠃ | ᠳᠠᠯᠣ ᠶᠢᠨ ᠲᠣᠭᠤᠭᠠ ᠶᠢᠨ ᠰᠠᠭᠤᠷᠢ ᠶᠢᠨ ᠨᠠᠷᠢᠬᠠᠨ ᠬᠡᠰᠡᠭ ᠢ ︽ᠳᠠᠯᠣ ᠶᠢᠨ ᠬᠦᠵᠦᠭᠦᠦ︾ ᠭᠡᠳᠡᠭ᠃ | ᠬᠦᠵᠦᠭᠦᠦ ᠨᠢ ᠨᠠᠷᠢᠬᠠᠨ ᠣᠷᠲᠦ ᠪᠣᠯ ᠠᠮᠢᠳᠣᠷᠠᠯ ᠳᠠᠭᠠᠨ ᠬᠦᠴᠢᠷᠳᠡᠵᠦ ᠬᠦᠵᠦᠭᠦᠦ ᠰᠣᠩᠭᠠᠨ ᠠᠮᠢᠳᠣᠷᠠᠬᠤ ᠶᠢᠨ | ᠲᠡᠮᠳᠡᠭ᠃ ᠬᠦᠵᠦᠭᠦᠦ ᠨᠢ ᠠᠬᠠᠷ ᠪᠦᠭᠡᠳ ᠪᠦᠳᠦᠭᠦᠨ ᠪᠣᠯ ᠠᠮᠢᠳᠣᠷᠠᠯ ᠨᠢ ᠴᠢᠨᠡᠭᠡᠯᠢᠭ ᠬᠦᠷᠦᠩᠭᠡᠵᠢᠭᠦᠨ | ᠪᠣᠯᠬᠤ ᠶᠢᠨ ᠰᠢᠨᠵᠢ᠃ ᠳᠠᠯᠣ ᠶᠢᠨ ᠶᠠᠰᠣᠨ ᠤ ᠳᠣᠮᠳᠠᠭᠤᠷ ᠬᠢᠲᠣᠭᠠᠨ ᠮᠦᠷᠦ ᠰᠢᠭ ᠳᠠᠯᠠᠩᠨᠠᠨ ᠭᠦᠳᠦ᠋ᠢᠭᠰᠡᠨ | ᠶᠠᠰᠣᠨ ᠤ ᠳᠠᠯᠣ ᠶᠢᠨ ᠲᠤᠷᠤᠠᠠᠰᠢ ᠬᠠᠨᠳᠣᠭᠰᠠᠨ ᠰᠡᠵᠢᠭᠦᠷ ᠢ ︽ᠣᠮᠤᠭ ᠰᠦᠷ︾ ︵ᠡᠷᠡ ᠶᠢᠨ ᠣᠮᠤᠭ︶ ᠭᠡᠵᠦ᠂ | ᠣᠮᠤᠭ ᠰᠦᠷ ᠠᠴᠠ ᠵᠠᠯᠭᠠᠵᠦ ᠬᠤᠲᠠ ᠶᠢᠨ ᠣᠯᠨ ᠲᠡᠰᠢ ᠬᠢᠷᠠᠯᠠᠭᠰᠠᠨ ᠬᠡᠰᠡᠭ ᠢ ︽ᠬᠡᠦᠬᠡᠳ ᠤᠨ ᠣᠯᠠ︾ ᠭᠡᠳᠡᠭ᠃ | ᠣᠮᠤᠭ ᠰᠦᠷ ᠨᠢ ᠦᠨᠳᠦᠷ ᠪᠦᠭᠡᠳ ᠡᠮᠦᠨᠡᠰᠢ ᠳᠦᠷᠪᠡᠯᠵᠢᠯᠡᠨ ᠳᠦᠷᠢᠭᠰᠡᠨ ᠪᠠᠶᠢᠪᠠᠯ ᠣᠮᠤᠭ ᠰᠦᠷ ᠪᠠᠳᠠᠷᠠᠩᠭᠤᠢ᠂ | ᠲᠣᠬᠢᠶᠠᠯᠳᠣᠯ ᠪᠦᠬᠦᠨ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠪᠠᠶᠢᠬᠤ ᠶᠢ ᠪᠡᠯᠭᠡᠳᠡᠵᠦ᠂ ᠣᠮᠤᠭ ᠰᠦᠷ ᠨᠢ ᠪᠣᠭᠤᠨᠢ᠂ ᠲᠣᠯᠭᠠᠭᠤᠷᠢ | ᠬᠡᠰᠡᠭ ᠨᠢ ᠲᠡᠭᠰᠢᠭᠡᠨ ᠪᠣᠶᠣ ᠭᠤᠷᠪᠠᠯᠵᠢᠯᠠᠨ ᠱᠣᠷᠣᠯᠠᠭᠰᠠᠨ ᠪᠠᠶᠢᠪᠠᠯ ᠣᠮᠤᠭ ᠰᠦᠷ ᠮᠠᠭᠤ᠂ ᠤᠴᠠᠷᠠᠯ ᠪᠦᠬᠦᠨ | ᠣᠷᠣᠭᠰᠢ ᠦᠭᠡᠢ ᠶᠢᠨ ᠲᠡᠮᠳᠡᠭ ᠭᠡᠳᠡᠭ᠃ ᠬᠡᠦᠬᠡᠳ ᠤᠨ ᠤᠯᠠ ᠭᠡᠵᠦ ᠬᠤᠲᠠ ᠶᠢᠨ ᠤᠯᠠ ᠣᠷᠣᠭᠤ ᠬᠠᠮᠠᠷᠯᠠᠨ | ᠦᠷᠬᠦᠯᠵᠢᠯᠡᠭᠰᠡᠨ ᠬᠢᠷᠠ ᠶᠢ ᠬᠡᠯᠡᠳᠡᠭ᠃ ᠡᠨᠡᠬᠦ ᠬᠢᠷᠠ ᠶᠠᠰᠣ ᠶᠢ ᠳᠣᠯᠣᠪᠣᠷ ᠬᠤᠷᠣᠭᠤ ᠪᠠᠷ ᠢᠶᠠᠨ ᠡᠯᠬᠦᠬᠦ ᠳᠤ ᠠᠵᠢᠭ | ᠦᠭᠡᠢ ᠲᠣᠭᠲᠠᠵᠦ ᠪᠠᠶᠢᠪᠠᠯ ᠬᠡᠦᠬᠡᠳ ᠤᠨ ᠤᠯᠠ ᠰᠠᠶᠢᠨ ᠭᠡᠳᠡᠭ ᠪᠦᠭᠡᠳ ᠦᠷᠡ ᠦᠨᠳᠦᠰᠦ ᠵᠠᠯᠭᠠᠬᠤ ᠤᠯᠠᠨ | ᠬᠦᠦ ᠲᠠᠢ ᠪᠣᠯᠬᠤ ᠶᠢᠨ ᠲᠡᠮᠳᠡᠭ ᠭᠡᠳᠡᠭ᠃ ᠬᠡᠦᠬᠡᠳ ᠤᠨ ᠤᠯᠠ ᠳᠡᠭᠡᠭᠦᠷᠬᠢ ᠬᠢᠷᠠ ᠮᠣᠷᠣᠢ ᠮᠣᠰᠬᠢᠭᠤ ᠦᠭᠡᠢ | ᠠᠰᠬᠠᠨ ᠪᠣᠯ ᠲᠤᠰ ᠭᠡᠷ ᠤᠨ ᠠᠳᠠᠯ ᠠᠮᠢᠳᠣᠷᠠᠯ ᠳᠤ ᠨᠢᠭᠡ ᠬᠦᠮᠦᠨ ᠡᠵᠡᠨ ᠮᠡᠳᠡᠵᠦ ᠪᠣᠯᠭᠤᠮᠵᠢᠲᠠᠢ | ᠪᠣᠷᠣᠭᠵᠢᠭᠤᠨ ᠢᠶᠠᠷ ᠠᠮᠢᠳᠣᠷᠠᠬᠤ ᠶᠢᠨ ᠲᠡᠮᠳᠡᠭ᠃ ᠭᠡᠪᠡᠴᠦ ᠡᠭᠦᠨ ᠢ ᠪᠠᠰᠠ ᠦᠭᠯᠢᠭᠡ ᠪᠣᠶᠠᠨ ᠬᠢᠳᠡᠭ ᠦᠭᠡᠢ ᠶᠢᠨ | ᠰᠢᠨᠵᠢ ᠬᠡᠳᠡᠭ᠃ ᠬᠡᠦᠬᠡᠳ ᠤᠨ ᠤᠯᠠ ᠳᠡᠭᠡᠭᠦᠷᠬᠢ ᠬᠢᠷᠠ ᠮᠣᠷᠣᠢ ᠰᠠᠷᠣᠢ ᠪᠣᠯ ᠭᠡᠷ ᠤᠨ ᠠᠳᠠᠯ ᠠᠮᠢᠳᠣᠷᠠᠯ ᠢ ᠣᠯᠠᠨ | ᠬᠦᠮᠦᠨ ᠡᠷᠬᠡ ᠮᠡᠳᠡᠬᠦ ᠪᠠᠷ ᠪᠣᠯᠢᠶᠠᠯᠴᠠᠵᠦ ᠪᠠᠶᠢᠭᠠ ᠶᠢᠨ ᠲᠡᠮᠳᠡᠭ᠃ ᠳᠠᠯᠣ ᠶᠢᠨ ᠠᠰᠬᠠᠨ ᠰᠢᠭ᠋ ᠲᠠᠯᠠ ᠶᠢᠨ ᠵᠣᠵᠠᠭᠠᠨ | ᠬᠦᠪᠡᠭᠡ ᠶᠢᠨ ᠳᠣᠮᠳᠠᠭᠤᠷᠬᠢ ᠬᠤᠪᠢᠯ ᠢ ︽ᠮᠠᠯ ᠤᠨ ᠴᠣᠪᠣᠭᠠ︾ ᠭᠡᠳᠡᠭ᠃ ᠮᠠᠯ ᠤᠨ ᠴᠣᠪᠣᠭᠠ ᠨᠢ ᠬᠦᠨ ᠪᠦᠭᠡᠳ | ᠲᠣᠳᠣ ᠪᠣᠯ ᠮᠠᠯ ᠠᠬᠤᠢ ᠨᠢ ᠦᠩ ᠦᠭᠡᠳᠡ ᠦᠰᠴᠦ ᠦᠷᠡᠵᠢᠬᠦ ᠶᠢᠨ ᠪᠡᠯᠭᠡ ᠲᠡᠮᠳᠡᠭ᠃ ᠮᠠᠯ ᠤᠨ ᠴᠣᠪᠣᠭᠠ ᠨᠢ | ᠬᠦᠨ ᠪᠣᠯᠪᠠᠴᠦ ᠵᠢᠵᠢᠭ ᠵᠢᠵᠢᠭ ᠴᠣᠬᠤᠷ ᠲᠠᠢ ᠪᠣᠯ ᠬᠡᠳᠦ᠋ᠢᠪᠡᠷ ᠮᠠᠯ ᠰᠦᠷᠦᠭ ᠨᠢ ᠦᠰᠴᠦ ᠦᠷᠡᠵᠢᠬᠦ | ᠬᠠᠨᠳᠣᠰᠢ ᠲᠠᠢ ᠴᠦ ᠶᠠᠮᠠᠷ ᠨᠢᠭᠡ ᠰᠦᠢᠳᠦᠯ ᠬᠤᠬᠢᠷᠠᠯ ᠳᠤ ᠤᠴᠠᠷᠠᠵᠦ ᠮᠡᠳᠡᠬᠦ ᠶᠢᠨ ᠰᠢᠨᠵᠢ ᠮᠦᠨ᠃ ᠮᠠᠯ ᠤᠨ | ᠴᠣᠪᠣᠭᠠ ᠨᠢ ᠬᠦᠶᠦᠬᠡᠨ ᠪᠦᠭᠡᠳ ᠲᠡᠭᠰᠢ ᠪᠣᠰᠣ ᠪᠣᠯ ᠮᠠᠯ ᠰᠦᠷᠦᠭ ᠣᠷᠣᠭᠤᠳᠠᠨ ᠳᠣᠷᠦ᠋ᠢᠲᠠᠬᠤ ᠶᠢᠨ ᠰᠢᠨᠵᠢ | ᠭᠡᠳᠡᠭ᠃ ᠮᠠᠯ ᠤᠨ ᠴᠣᠪᠣᠭᠠ ᠨᠢ ᠲᠡᠭᠰᠢᠬᠡᠨ ᠳᠦᠭᠦᠷᠡᠩ ᠪᠣᠯ ᠮᠠᠯ ᠰᠦᠷᠦᠭ ᠪᠠᠷᠠᠭᠳᠠᠵᠦ ᠬᠤᠭᠤᠰᠣᠷᠠᠬᠤ ᠶᠢᠨ | ᠰᠣᠪᠢᠩ ᠰᠢᠨᠵᠢ᠃ ᠮᠠᠯ ᠤᠨ ᠴᠣᠪᠣᠭᠠ ᠶᠢᠨ ᠡᠬᠢᠨ ᠳᠤ ᠳᠠᠯᠣ ᠶᠢᠨ ᠬᠦᠵᠦᠭᠦᠨ ᠤ ᠣᠭ ᠣᠷᠴᠢᠮ ᠪᠠᠶᠢᠬᠤ | ᠵᠡᠭᠦᠦ ᠶᠢᠨ ᠰᠠᠨᠵᠢᠨ ᠬᠢᠷᠢ ᠨᠦᠬᠡ ᠲᠠᠢ ᠶᠢ ︽ᠬᠤᠯᠠᠭᠠᠶᠢᠴᠢ ᠶᠢᠨ ᠡᠭᠦᠷ︾ ᠭᠡᠳᠡᠭ᠃ | ᠳᠠᠯᠣ ᠶᠢᠨ ᠶᠠᠰᠣᠨ ᠤ ᠬᠠᠪᠲᠠᠭᠠᠢ ᠲᠡᠭᠰᠢ ᠨᠢᠭᠤᠷ ᠢ ︽ᠬᠤᠲᠠ︾ ᠬᠡᠳᠡᠭ᠃ ᠬᠤᠲᠠ ᠨᠢ ᠰᠠᠷᠠᠭᠤᠯ᠂ | ᠲᠣᠩᠭᠠᠯᠠᠭ ᠭᠡᠭᠡᠨ ᠪᠣᠯ ᠮᠠᠯ ᠰᠦᠷᠦᠭ ᠦᠰᠬᠦ ᠶᠢᠨ ᠪᠡᠯᠭᠡ ᠳᠡᠮᠪᠡᠷᠢᠯ ᠪᠣᠯᠬᠤ ᠪᠦᠭᠡᠳ ᠦᠭᠡᠳᠡᠯᠡᠬᠦ ᠠᠶᠢᠯ ᠤᠨ | ᠰᠢᠨᠵᠢ ᠭᠡᠳᠡᠭ᠃ ᠮᠦᠨ ᠴᠦ ᠰᠦᠷᠦᠭ ᠤᠨ ᠡᠵᠡᠨ ᠨᠢ ᠠᠷᠢᠭᠤᠨ ᠴᠢᠭᠡᠴᠢ᠂ ᠲᠦᠪ ᠭᠤᠣᠯᠴᠢ᠂ ᠶᠠᠮᠠᠷ ᠴᠦ | ᠶᠠᠪᠣᠳᠠᠯ ᠳᠤ ᠨᠣᠮᠣᠬᠠᠨ ᠳᠠᠷᠣᠣ᠂ ᠰᠢᠯᠣᠭᠤᠨ ᠰᠢᠳᠣᠷᠭᠤ ᠪᠠᠶᠢᠬᠤ ᠶᠢ ᠬᠠᠷᠠᠭᠤᠯᠵᠦ ᠪᠠᠶᠢᠨᠠ ᠭᠡᠳᠡᠭ᠃ ᠬᠤᠲᠠ ᠶᠢᠨ | ᠳᠣᠲᠣᠷᠠ ᠰᠣᠳᠠᠯ ᠵᠢᠷᠣᠭᠠᠰᠣ ᠰᠦᠯᠵᠢᠯᠳᠦᠵᠦ ᠲᠣᠩᠭᠠᠯᠠᠭ ᠪᠣᠰᠣ ᠪᠣᠯ ᠮᠠᠯ ᠰᠦᠷᠦᠭ ᠭᠠᠶᠢᠳᠠᠬᠤ ᠰᠣᠪᠢᠩ ᠪᠦᠭᠡᠳ | ᠡᠷᠦᠬᠡ ᠶᠢᠨ ᠡᠵᠡᠨ ᠤ ᠠᠵᠢᠯ ᠦᠢᠯᠡ ᠳᠡᠭᠡᠨ ᠵᠢᠰᠦᠷ ᠬᠠᠭᠤᠮᠠᠭᠠᠢ᠂ ᠶᠠᠮᠠᠷ ᠴᠦ ᠶᠠᠪᠣᠳᠠᠯ ᠢ ᠭᠦᠢᠴᠡᠳᠬᠡᠬᠦ ᠳᠤ ᠲᠦᠪ | ᠪᠣᠰᠣ ᠪᠠᠶᠢᠳᠠᠭ ᠢ ᠬᠠᠷᠠᠭᠤᠯᠵᠦ ᠪᠠᠶᠢᠨᠠ ᠭᠡᠳᠡᠭ᠃ | ᠬᠤᠲᠠ ᠶᠢᠨ ᠣᠯᠠ ᠵᠣᠵᠠᠭᠠᠨ ᠪᠣᠯ ᠮᠠᠯ ᠰᠦᠷᠦᠭ ᠰᠦᠢᠳᠦᠯ ᠦᠭᠡᠢ᠂ ᠨᠢᠮᠭᠡᠨ ᠪᠣᠯ ᠮᠠᠯ ᠰᠦᠷᠦᠭ ᠲᠣ | ᠰᠦᠢᠳᠦᠯ ᠭᠠᠷᠬᠤ ᠶᠢᠨ ᠰᠣᠪᠢᠩ ᠭᠡᠳᠡᠭ᠃ ᠮᠠᠯ ᠤᠨ ᠴᠣᠪᠣᠭᠠᠨ ᠤ ᠡᠰᠡᠷᠭᠦ ᠲᠠᠯᠠ ᠶᠢᠨ ᠨᠢᠮᠭᠡᠨ ᠬᠦᠪᠡᠭᠡᠨ ᠳᠠᠬᠢ | ᠭᠠᠳᠠᠭᠰᠢ ᠴᠣᠬᠤᠶᠢᠭᠰᠠᠨ ᠪᠢᠴᠢᠬᠠᠨ ᠳᠣᠪᠣᠭᠤᠷ ᠢ ︽ᠮᠠᠯ ᠤᠨ ᠣᠮᠤᠭ︾ ᠭᠡᠳᠡᠭ᠃ ᠮᠠᠯ ᠤᠨ ᠣᠮᠤᠭ ᠰᠠᠶᠢᠨ ᠪᠣᠯ | ᠮᠠᠯ ᠰᠦᠷᠦᠭ ᠦᠭᠡᠳᠡ ᠡᠰᠡᠷᠡᠭ ᠦᠰᠴᠦ ᠦᠷᠡᠵᠢᠬᠦ ᠶᠢᠨ ᠰᠢᠨᠵᠢ ᠭᠡᠳᠡᠭ᠃ ᠳᠡᠭᠡᠷᠡᠬᠢ ᠪᠣᠯ ᠳᠠᠯᠣ ᠶᠢᠨ | ᠦᠵᠡᠯᠭᠡ ᠶᠢᠨ ᠠᠷᠪᠠᠨ ᠣᠷᠣᠨ ᠤ ᠲᠤᠰ ᠲᠤᠰ ᠤᠨ ᠪᠡᠯᠭᠡᠳᠡᠬᠦ ᠰᠢᠨᠵᠢ ᠪᠠᠶᠢᠳᠠᠯ ᠪᠠ ᠦᠵᠡᠯᠭᠡ ᠪᠣᠯᠣᠨᠠ᠃ | ᠳᠠᠯᠣ ᠶᠢᠨ ᠰᠢᠨᠵᠢᠯᠡᠭᠡ ᠶᠢ ᠪᠠᠰᠠ ᠳᠠᠯᠣ ᠶᠢᠨ ᠲᠦᠯᠭᠡ ᠭᠡᠳᠡᠭ ᠪᠠ ᠲᠡᠭᠦᠨ ᠢ ︽ᠴᠠᠭᠠᠨ ᠳᠠᠯᠣ ᠶᠢᠨ | ᠲᠦᠯᠬᠡ︾᠂ ︽ᠬᠠᠷᠠ ᠳᠠᠯᠣ ᠶᠢᠨ ᠲᠦᠯᠬᠡ︾ ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠪᠠᠭᠠᠷᠢᠨᠴᠣᠳ ᠮᠠᠯ ᠠᠬᠤᠢ ᠪᠠᠨ | ᠠᠯᠳᠠᠬᠤ᠂ ᠶᠠᠭᠤᠮᠠ ᠬᠡᠦᠮᠡ ᠪᠠᠨ ᠭᠡᠭᠡᠬᠦ ᠪᠠ ᠠᠶᠠᠨ ᠲᠤᠭᠤᠰᠤᠨ ᠳᠤ ᠶᠠᠪᠣᠭᠰᠠᠳ᠂ ᠡᠷᠢᠯ ᠰᠣᠷᠠᠭ ᠲᠣ | ᠭᠠᠷᠣᠭᠰᠠᠳ ᠪᠣᠴᠠᠵᠦ ᠢᠷᠡᠬᠦ ᠦᠭᠡᠢ ᠤᠳᠠᠬᠤ ᠳᠤ ᠪᠦᠷ ᠲᠦᠯᠭᠡᠴᠢ ᠶᠢ ᠭᠤᠶᠣᠵᠦ ︽ᠲᠠᠯᠠᠨ ᠰᠢᠨᠵᠢᠯᠡᠭᠡ ᠲᠠᠢ | ᠳᠠᠯᠣᠨ ᠲᠦᠯᠭᠡ︾ ᠦᠵᠡᠭᠦᠯᠳᠡᠭ ᠶᠤᠮ᠃ | ᠴᠠᠭᠠᠨ ᠳᠠᠯᠣ ᠶᠢᠨ ᠲᠦᠯᠭᠡᠴᠢ ᠶᠢᠨ ᠬᠡᠷᠡᠭᠯᠡᠬᠦ ᠳᠠᠯᠣ ᠪᠣᠯ ᠲᠡᠮᠳᠡᠭ ᠦᠭᠡᠢ ᠴᠠᠭᠠᠨ ᠬᠤᠨᠢᠨ ᠠᠴᠠ | ᠲᠦᠷᠦᠭᠰᠡᠨ ᠲᠡᠮᠳᠡᠭ ᠦᠭᠡᠢ ᠴᠠᠭᠠᠨ ᠬᠤᠷᠠᠭᠠ ᠶᠢ ᠲᠦᠷᠦᠬᠦ ᠠᠴᠠ ᠨᠢ ᠡᠬᠢᠯᠡᠭᠡᠳ ᠪᠦᠰᠡᠭᠦᠢ ᠬᠦᠮᠦᠨ ᠤ ᠭᠠᠷ | ᠬᠦᠷᠭᠡᠯ ᠦᠭᠡᠢ ᠠᠷᠠᠴᠢᠯᠠᠵᠦ ᠦᠰᠭᠡᠭᠡᠳ ᠰᠢᠳᠦᠯᠡᠩ ᠳᠡᠭᠡᠷᠡ ᠨᠢ ᠨᠠᠷᠠ ᠦᠵᠡᠬᠦ ᠦᠭᠡᠢ ᠭᠠᠵᠠᠷ ᠠᠯᠠᠵᠦ᠂ | ᠬᠠᠯᠠᠭᠤᠨ ᠢᠶᠠᠷ ᠨᠢ ᠳᠠᠯᠣ ᠶᠢᠨ ᠮᠢᠬᠠ ᠶᠢ ᠱᠣᠯᠣᠵᠤ ᠲᠣᠷᠭᠠᠨ ᠳᠤ ᠪᠠᠭᠯᠠᠵᠦ ᠬᠠᠳᠠᠭᠠᠯᠠᠭᠰᠠᠨ ᠳᠠᠯᠣ ᠪᠤᠯᠤᠨᠠ᠃ | ᠡᠨᠡᠬᠦ ᠳᠠᠯᠣ ᠪᠠᠨ ᠬᠡᠵᠢᠶᠡᠳᠠ ᠲᠣᠷᠭᠠᠨ ᠳᠤ ᠪᠠᠭᠯᠠᠨ ᠬᠠᠳᠠᠭᠠᠯᠠᠵᠦ ᠲᠦᠯᠭᠡᠳᠡᠬᠦ ᠦᠶᠡ ᠳᠡᠭᠡᠨ ᠲᠣᠷᠭᠠᠨ | ᠪᠠᠭᠯᠠᠭᠠ ᠠᠴᠠ ᠭᠠᠷᠭᠠᠵᠦ ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠡᠷᠭᠦᠨ ᠪᠠᠷᠢᠵᠦ ᠰᠢᠨᠵᠢᠯᠡᠨᠡ᠃ | ᠬᠠᠷᠠ ︵ᠰᠢᠲᠠᠭᠠᠭᠰᠠᠨ︶ ᠳᠠᠯᠣ ᠶᠢᠨ ᠲᠦᠯᠭᠡ ᠳᠤ ᠬᠡᠷᠡᠭᠯᠡᠬᠦ ᠳᠠᠯᠣ ᠪᠣᠯ ᠠᠯᠠᠵᠦ ᠢᠳᠡᠭᠰᠡᠨ ᠬᠤᠨᠢᠨ ᠤ | ᠳᠠᠯᠣ ᠶᠢ ᠴᠢᠨᠠᠵᠦ᠂ ᠰᠢᠳᠦ ᠬᠢᠮᠣᠰᠣ ᠬᠦᠷᠭᠡᠯ ᠦᠭᠡᠢ ᠪᠠᠷ ᠬᠢᠲᠤᠭᠠ ᠪᠠᠷ ᠮᠢᠬᠠ ᠶᠢ ᠨᠢ ᠮᠦᠯᠵᠢᠨ ᠢᠲᠡᠭᠡᠳ᠂ | ᠳᠠᠯᠣ ᠶᠢᠨ ᠶᠠᠰᠣ ᠶᠢ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠠᠭᠠᠨ ᠬᠠᠪᠴᠢᠭᠤᠯᠤᠨ ᠬᠠᠳᠠᠭᠠᠯᠠᠵᠦ᠂ ᠬᠡᠵᠢᠶᠡ ᠲᠦᠯᠭᠡᠳᠡᠬᠦ ᠭᠡᠪᠡᠯ | ᠳᠠᠯᠣ ᠶᠢᠨ ᠶᠠᠰᠣ ᠪᠠᠨ ᠭᠠᠯ ᠳᠤ ᠰᠢᠲᠠᠭᠠᠵᠦ᠂ ᠰᠢᠲᠠᠭᠳᠠᠨ ᠭᠠᠷᠣᠭᠰᠠᠨ ᠴᠡᠪᠠ ᠵᠢᠷᠣᠭᠠᠰᠣ ᠶᠢ ᠨᠢ ᠰᠢᠨᠵᠢᠯᠡᠵᠦ | ᠲᠦᠯᠭᠡᠳᠡᠨᠡ᠃ ᠴᠠᠭᠠᠨ ᠳᠠᠯᠣ ᠪᠠ ᠬᠠᠷᠠ ᠳᠠᠯᠣ ᠶᠢ ᠰᠢᠨᠵᠢᠯᠡᠬᠦ ᠨᠢ ᠠᠳᠠᠯᠢᠬᠠᠨ ᠪᠠᠶᠢᠳᠠᠭ᠃ ᠭᠠᠭᠴᠠᠬᠦ ᠴᠠᠭᠠᠨ | ᠳᠠᠯᠣ ᠶᠢ ᠣᠯᠠᠨ ᠳᠠᠬᠢᠨ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠠᠲᠠᠯᠠ ᠬᠠᠷᠠ ᠳᠠᠯᠣ ᠶᠢᠨ ᠲᠦᠯᠭᠡ ᠳᠤ ᠨᠢᠭᠡ ᠤᠳᠠᠭᠠ ᠨᠢᠭᠡ ᠳᠠᠯᠣ ᠶᠢ | ᠰᠢᠲᠠᠭᠠᠵᠦ ᠬᠡᠷᠡᠭᠯᠡᠳᠡᠭ᠃ | ᠳᠠᠯᠣ ᠶᠢᠨ ᠲᠦᠯᠭᠡᠴᠢ ᠣᠯᠠᠩᠬᠢ ᠨᠢ ᠰᠢᠨᠵᠢᠬᠦ ᠳᠤ ᠠᠮᠠᠷ ᠢ ᠪᠣᠳᠣᠵᠦ ᠬᠠᠷᠠ ᠳᠠᠯᠣ ᠶᠢᠨ ᠲᠦᠯᠭᠡ ᠪᠠᠷᠢᠳᠠᠭ | ᠶᠤᠮ᠃ ᠳᠠᠯᠣ ᠶᠢᠨ ᠲᠦᠯᠭᠡ ᠪᠠᠷᠢᠬᠤ ᠳᠤ ᠲᠦᠯᠭᠡᠴᠢ ᠣᠷᠢᠳᠠᠪᠡᠷ ᠪᠡᠶᠡ ᠭᠠᠷ ᠢᠶᠠᠨ ᠠᠷᠢᠭᠤᠯᠠᠵᠦ᠂ ᠳᠠᠯᠣ ᠪᠠᠨ ᠴᠦ | ᠠᠷᠢᠭᠤᠯᠠᠨ᠄ ︽ᠣᠮᠳᠠᠭᠠ ᠦᠭᠡᠢ ᠠᠪᠣᠷᠠᠯ ᠪᠯᠠᠮᠠ ᠭᠤᠷᠪᠠᠨ ᠡᠷᠳᠡᠨᠢ ᠳᠤᠷ ᠵᠠᠯᠪᠠᠷᠢᠮᠣᠢ᠂ ᠡᠷᠳᠡᠮ ᠨᠣᠮ ᠤᠨ | ᠰᠠᠬᠢᠭᠤᠯᠰᠣᠨ ᠳᠤᠷ ᠵᠠᠯᠪᠠᠷᠢᠮᠣᠢ᠂ ᠡᠨᠡ ᠳᠠᠯᠣ ᠶᠢᠨ ᠲᠡᠮᠳᠡᠭ ᠢ ᠲᠣᠳᠣᠷᠬᠠᠢ ᠪᠣᠯᠭᠠᠨ ᠰᠣᠶᠣᠷᠬᠠ︾ ᠬᠡᠮᠡᠨ | ᠰᠢᠪᠰᠢᠵᠦ᠂ ᠨᠣᠷᠮᠠᠰᠢᠭᠰᠠᠨ ᠭᠠᠯ ᠳᠤ ᠳᠠᠯᠣ ᠪᠠᠨ ᠰᠢᠲᠠᠭᠠᠵᠦ ᠬᠡᠲᠦᠷᠡᠲᠡᠯᠡ ᠬᠡᠦᠷᠰᠢᠬᠦ ᠠᠴᠠ ᠡᠮᠦᠨᠡ ᠭᠠᠷᠭᠠᠨ | ᠠᠪᠴᠦ᠂ ᠳᠠᠯᠣ ᠶᠢᠨ ᠰᠢᠲᠠᠭᠳᠠᠨ ᠭᠠᠷᠣᠭᠰᠠᠨ ᠴᠠᠪᠠ ᠵᠢᠷᠣᠭᠠᠰᠣ ᠶᠢ ᠰᠢᠨᠵᠢᠯᠡᠵᠦ᠂ ᠠᠯᠳᠠᠵᠦ ᠬᠤᠯᠠᠭᠠᠶᠢᠯᠠᠭᠳᠠᠭᠰᠠᠨ | ᠮᠠᠯ ᠪᠠ ᠪᠣᠳᠠᠰ ᠪᠦᠷᠢᠯᠦᠭᠰᠡᠨ ᠵᠦᠭ ᠴᠢᠭ᠂ ᠬᠤᠯᠠ ᠤᠶᠢᠷᠠ᠂ ᠤᠯᠬᠤ ᠪᠠ ᠡᠰᠡᠬᠦ ᠶᠢ ᠦᠬᠦᠯᠡᠳᠡᠭ᠃ ᠬᠤᠳᠠ ᠶᠢᠨ | ᠲᠤᠳᠣᠷᠠ ᠭᠠᠷᠤᠭᠰᠠᠨ ᠴᠠᠪᠠ ᠵᠢᠷᠤᠭᠠᠰᠦ ᠬᠤᠳᠠ ᠶᠢᠨ ᠲᠦᠪ ᠲᠤᠮᠳᠠ ᠠᠴᠠ ᠵᠢᠭᠳᠡ ᠪᠠᠷ ᠡᠬᠦᠰᠴᠦ ᠨᠢᠬᠡ ᠵᠦᠭ ᠲᠤ | ᠴᠢᠭᠯᠡᠭᠰᠡᠨ ᠢ ᠠᠯᠳᠠᠵᠤ ᠬᠤᠯᠠᠭᠠᠶᠢᠯᠠᠭᠳᠠᠭᠰᠠᠨ ᠮᠠᠯ ᠪᠠ ᠪᠤᠳᠠᠰ ᠤᠨ ᠵᠦᠭ ᠭᠡᠨᠡ᠃ ᠲᠡᠭᠡᠭᠡᠳ ᠰᠢᠲᠠᠭᠰᠠᠨ ᠤ | ᠰᠡᠭᠦᠯᠡᠷ ᠴᠠᠪᠠᠲᠤᠵᠦ ᠭᠠᠷᠣᠭᠰᠠᠨ ᠴᠠᠪᠠ ᠵᠢᠷᠣᠭᠠᠰᠣ ᠡᠮᠬᠢ ᠲᠢᠭᠯᠢᠮ ᠲᠠᠢ ᠪᠣᠯ ᠡᠷᠢᠯ ᠬᠢᠯᠪᠠᠷ ᠣᠯᠳᠠᠨᠠ ᠭᠡᠳᠡᠭ᠃ | ᠳᠠᠯᠣ ᠶᠢᠨ ᠣᠮᠤᠭ ᠲᠠᠯᠠ ᠠᠴᠠ ᠴᠠᠪᠠ ᠭᠠᠷᠣᠭᠰᠠᠨ ᠪᠣᠯ ᠬᠠᠯᠠᠭᠤᠨ ᠲᠠᠯᠠ ᠶᠢᠨ ᠰᠣᠷᠠᠭ᠂ ᠮᠠᠯ ᠤᠨ | ᠴᠣᠪᠣᠭᠠ ᠠᠴᠠ ᠴᠠᠪᠠ ᠭᠠᠷᠣᠭᠰᠠᠨ ᠪᠣᠯ ᠮᠠᠭᠤ ᠲᠠᠯᠠ ᠶᠢᠨ ᠰᠣᠷᠠᠭ ᠭᠡᠳᠡᠭ᠃ ᠬᠤᠲᠠ ᠶᠢᠨ ᠤᠯᠠ ᠲᠠᠯᠠ ᠠᠴᠠ | ᠴᠠᠪᠠᠳᠤᠵᠦ ᠳᠠᠯᠣ ᠶᠢᠨ ᠬᠦᠵᠦᠭᠦᠦ ᠦᠭᠡᠳᠡ ᠶᠠᠪᠣᠭᠰᠠᠨ ᠪᠣᠯ ᠪᠡᠯᠴᠢᠭᠡᠷ ᠲᠡᠭᠡᠨ ᠦᠭᠡᠢ ᠶᠢᠨ ᠲᠡᠮᠳᠡᠭ᠃ ᠬᠤᠲᠠ | ᠳᠣᠲᠣᠷᠠ ᠪᠠᠨ ᠡᠭᠡᠳᠡᠷᠡᠭᠰᠡᠨ ᠪᠣᠯ ᠪᠡᠯᠴᠢᠭᠡᠷ ᠲᠡᠭᠡᠨ ᠪᠠᠶᠢᠭᠠ ᠶᠢᠨ ᠲᠡᠮᠳᠡᠭ᠃ ᠬᠤᠲᠠ ᠳᠣᠲᠣᠷᠠ ᠬᠦᠨᠳᠡᠯᠡᠨ | ᠭᠤᠯᠳᠣ ᠴᠠᠪᠠ ᠭᠠᠷᠴᠦ ᠨᠢᠭᠡ ᠦᠵᠦᠭᠦᠷ ᠨᠢ ᠬᠤᠲᠠ ᠠᠴᠠ ᠭᠠᠳᠠᠭᠰᠢ ᠭᠠᠷᠣᠭᠰᠠᠨ ᠪᠣᠯ ᠣᠯᠳᠠᠬᠤ ᠦᠭᠡᠢ ᠶᠢᠨ | ᠲᠡᠮᠳᠡᠭ᠃ ᠮᠠᠯ ᠤᠨ ᠴᠣᠪᠣᠭᠠ ᠳᠠᠭᠠᠵᠦ ᠴᠠᠪᠠ ᠭᠠᠷᠴᠦ ᠬᠤᠯᠠᠭᠠᠶᠢᠴᠢ ᠶᠢᠨ ᠡᠭᠦᠷ ᠦᠭᠡᠳᠡ ᠣᠷᠣᠭᠰᠠᠨ ᠪᠣᠯ | ᠬᠤᠯᠠᠭᠠᠶᠢᠯᠠᠭᠳᠠᠭᠰᠠᠨ ᠤ ᠲᠡᠮᠳᠡᠭ᠃ ᠳᠠᠯᠣ ᠶᠢᠨ ᠬᠦᠵᠦᠭᠦᠦ ᠲᠣᠭᠤᠷᠢᠭᠠᠳ ᠴᠠᠪᠠ ᠭᠠᠷᠣᠭᠰᠠᠨ ᠪᠣᠯ ᠠᠯᠳᠠᠭᠰᠠᠨ | ᠮᠠᠯ ᠣᠶᠠᠭᠳᠠᠵᠦ ᠪᠠᠶᠢᠬᠤ ᠶᠢᠨ ᠲᠡᠮᠳᠡᠭ᠃ ᠴᠠᠪᠠ ᠨᠢ ᠬᠤᠳᠠ ᠠᠴᠠ ᠬᠤᠯᠠᠳᠠᠭᠰᠠᠨ ᠦᠭᠡᠢ ᠪᠣᠯ ᠠᠯᠳᠠᠭᠰᠠᠨ ᠮᠠᠯ | ᠪᠠ ᠪᠣᠳᠠᠰ ᠳᠡᠮᠡᠢ ᠬᠤᠯᠠᠳᠠᠭᠠᠳᠣᠢ ᠶᠢᠨ ᠲᠡᠮᠳᠡᠭ ᠲᠣᠯᠠ ᠡᠷᠢᠵᠦ ᠰᠣᠷᠠᠭᠯᠠᠵᠦ ᠪᠣᠯᠣᠨᠠ᠃ ᠴᠠᠪᠠ ᠨᠢ ᠬᠤᠲᠠ ᠶᠢ | ᠰᠢᠪᠲᠣᠯᠣᠭᠰᠠᠨ ᠪᠣᠶᠣ ᠳᠠᠯᠣ ᠶᠢ ᠵᠦᠰᠦᠭᠰᠡᠨ ᠪᠣᠯ ᠦᠪᠡᠷ ᠤᠨ ᠬᠤᠰᠢᠭᠤᠨ ᠬᠢᠵᠠᠭᠠᠷ ᠠᠴᠠ ᠭᠠᠷᠴᠦ ᠡᠷᠢᠵᠦ | ᠣᠯᠬᠤ ᠳᠤ ᠪᠡᠷᠭᠡ ᠪᠣᠯᠣᠭᠰᠠᠨ ᠢ ᠢᠯᠡᠳᠬᠡᠨᠡ᠃ ᠴᠠᠪᠠ ᠨᠢ ᠳᠠᠯᠣ ᠶᠢᠨ ᠭᠠᠳᠠᠨᠠ ᠠᠴᠠ ᠳᠣᠲᠣᠭᠰᠢ ᠭᠠᠷᠣᠭᠰᠠᠨ | ᠪᠣᠯ ᠳᠣᠲᠣᠭᠠᠳᠦ ᠳᠤ ᠬᠤᠯᠪᠣᠭᠠ ᠦᠭᠡᠢ᠂ ᠳᠣᠲᠣᠨᠠ ᠠᠴᠠ ᠭᠠᠳᠠᠭᠰᠢ ᠭᠠᠷᠣᠭᠰᠠᠨ ᠪᠣᠯ ᠳᠣᠲᠣᠭᠠᠳᠦ ᠳᠤ | ᠬᠤᠯᠪᠣᠭᠠ ᠲᠠᠢ ᠭᠡᠳᠡᠭ᠃ ᠴᠠᠪᠠ ᠶᠢᠨ ᠡᠬᠢᠯᠡᠭᠰᠡᠨ ᠴᠡᠭ ᠲᠤ ᠬᠤᠶᠠᠷ ᠴᠠᠪᠠ ᠠᠭᠤᠯᠵᠠᠭᠰᠠᠨ ᠪᠠᠶᠢᠪᠠᠯ ᠠᠯᠳᠠᠭᠰᠠᠨ | ᠶᠠᠭᠤᠮᠠ ᠨᠢᠭᠡᠨᠲᠡ ᠭᠠᠷ ᠳᠠᠮᠵᠢᠭᠰᠠᠨ ᠤ ᠲᠡᠮᠳᠡᠭ ᠭᠡᠳᠡᠭ᠃ | ᠠᠶᠠᠨ ᠳᠤ ᠶᠠᠪᠣᠭᠠᠳ ᠣᠳᠠᠭᠰᠠᠨ ᠬᠦᠮᠦᠨ ᠤ ᠠᠶᠠᠨ ᠵᠠᠮ ᠣᠷᠣᠭᠰᠢᠲᠠᠢ ᠡᠰᠡᠭᠦ᠂ ᠢᠷᠡᠬᠦ ᠣᠶᠢᠷᠠᠲᠣᠭᠰᠠᠨ | ᠡᠰᠡᠬᠦ ᠶᠢ ᠲᠦᠯᠭᠡᠳᠡᠬᠦ ᠦᠶᠡ ᠳᠤ᠂ ᠬᠡᠦᠬᠡᠳ ᠤᠨ ᠤᠯᠠ ᠨᠢ ᠳᠣᠣᠷᠠ ᠲᠠᠯᠠ ᠠᠴᠠ ᠪᠠᠨ ᠴᠠᠪᠠ ᠭᠠᠷᠣᠭᠰᠠᠨ ᠪᠣᠯ ︽ | ᠬᠤᠲᠣᠷᠭᠠ ᠪᠠᠭᠤᠵᠠᠢ︾ ᠭᠡᠳᠡᠭ᠃ ᠳᠠᠷᠣᠢ ᠶᠡᠭᠡ ᠰᠠᠭᠠᠳ ᠭᠠᠷᠣᠭᠰᠠᠨ ᠤ ᠲᠡᠮᠳᠡᠭ᠃ ᠬᠦᠮᠦᠨ ᠤ ᠤᠮᠤᠭ | ᠰᠦᠷ ᠤᠨ ᠲᠣᠭᠤᠣᠷ ᠴᠠᠪᠠ ᠭᠠᠷᠣᠭᠰᠠᠨ ᠪᠣᠯ ︽ᠪᠣᠷᠪᠢ ᠨᠢ ᠦᠨᠳᠡᠶᠢᠵᠤ ᠪᠠᠶᠢᠨᠠ︾ ᠭᠡᠳᠡᠭ᠃ ᠳᠠᠷᠣᠢ ᠰᠠᠭᠠᠳ | ᠦᠭᠡᠢ ᠶᠠᠪᠣᠵᠦ ᠪᠠᠶᠢᠬᠤ ᠶᠢᠨ ᠲᠡᠮᠳᠡᠭ᠃ | ᠳᠠᠯᠣ ᠶᠢᠨ ᠲᠦᠯᠭᠡ ᠳᠤ ᠨᠡᠮᠡᠬᠦ ᠲᠡᠮᠳᠡᠭ ᠰᠢᠭ ᠴᠠᠪᠠ ᠭᠠᠷᠬᠤ ᠶᠢ ᠣᠨᠴᠠ ᠬᠢᠴᠢᠶᠡᠨ ᠴᠡᠭᠡᠷᠯᠡᠳᠡᠭ᠃ | ᠨᠡᠮᠡᠬᠦ ᠲᠡᠮᠳᠡᠭ ᠰᠢᠭ ᠴᠠᠪᠠ ᠭᠠᠷᠣᠭᠰᠠᠨ ᠪᠣᠯ ᠶᠠᠭᠤ ᠪᠦᠬᠦᠨ ᠲᠡᠨᠳᠡ ᠠᠴᠠ ᠬᠦᠳᠡᠯᠬᠦ ᠦᠭᠡᠢ ᠪᠣᠯᠣᠭᠰᠠᠨ ᠤ ᠲᠡᠮᠳᠡᠭ | ᠲᠣᠯᠠ ᠪᠡᠯᠭᠡ ᠳᠡᠮᠪᠡᠷᠢᠯ ᠦᠭᠡᠢ ᠮᠠᠭᠤ ᠢᠷᠸᠠ ᠶᠢᠨ ᠲᠡᠮᠳᠡᠭ ᠭᠡᠳ ᠰᠢᠨᠵᠢᠬᠦ ᠦᠭᠡᠢ ᠪᠠᠷ ᠭᠠᠯ ᠳᠤ ᠬᠢᠳᠡᠭ ᠶᠤᠮ᠃ | ᠲᠦᠯᠭᠡᠴᠢ ᠪᠠᠰᠠ ᠳᠠᠯᠣ ᠶᠢᠨ ᠶᠠᠰᠣᠨ ᠳᠡᠭᠡᠷᠡ ᠭᠠᠷᠣᠭᠰᠠᠨ ᠴᠠᠪᠠ ᠵᠢᠷᠣᠭᠠᠰᠣ ᠶᠢ ᠰᠢᠨᠵᠢᠬᠦ ᠶᠢᠨ ᠳᠠᠭᠠᠣ ᠲᠦᠯᠭᠡ | ᠪᠠᠷᠢᠭᠤᠯᠣᠭᠴᠢ ᠪᠠᠷ ᠪᠣᠳᠣᠯᠬᠢᠯᠠᠬᠤ ᠶᠢᠨ ᠵᠠᠪ ᠦᠭᠡᠢ ᠨᠢᠭᠡᠨ ᠴᠠᠭ ᠬᠡᠯᠡᠭᠦᠯᠵᠦ ᠲᠡᠭᠷᠢ ᠶᠢᠨ ᠡᠰᠢ᠂ ᠭᠠᠵᠠᠷ ᠤᠨ | ᠡᠷᠭᠡᠲᠡᠨ᠂ ᠨᠠᠢᠮᠠᠨ ᠣᠷᠣᠨ ᠢ ᠬᠤᠷᠣᠭᠤ ᠳᠠᠷᠣᠨ ᠲᠣᠭᠠᠯᠠᠵᠦ ᠬᠠᠮᠤᠭ ᠤᠨ ᠡᠴᠦᠰ ᠤᠨ ᠳ᠋ᠦᠩ ᠢ ᠭᠠᠷᠭᠠᠵᠦ | ᠦᠭᠦᠯᠡᠨᠡ᠃ | ᠳᠠᠯᠣ ᠶᠢᠨ ᠲᠦᠯᠭᠡ ᠶᠢᠨ ᠲᠦᠯᠭᠡᠳᠡᠭᠦ ᠬᠡᠪᠴᠢᠶᠡ ᠨᠢ ᠶᠡᠭᠡ ᠲᠦᠯᠦᠪ ᠡᠶᠢᠮᠦ ᠪᠠᠶᠢᠳᠠᠭ ᠪᠦᠭᠡᠳ ᠵᠦᠪᠬᠡᠨ | ᠠᠮᠠ ᠪᠠᠷ ᠤᠯᠠᠮᠵᠢᠯᠠᠭᠳᠠᠵᠦ ᠢᠷᠡᠭᠰᠡᠨ ᠲᠣᠯᠠ ᠭᠠᠵᠠᠷ ᠭᠠᠵᠠᠷ ᠤᠨ ᠰᠢᠨᠵᠢᠯᠡᠨ ᠲᠦᠯᠭᠡᠳᠡᠬᠦ ᠨᠢ ᠠᠳᠠᠯᠢ ᠦᠭᠡᠢ᠂ | ᠲᠦᠯᠭᠡᠴᠢᠨ ᠪᠦᠬᠦᠨ ᠤ ᠦᠢᠯᠡᠳᠴᠦ ᠦᠬᠦᠯᠡᠬᠦ ᠨᠢ ᠣᠨᠳᠣᠣ ᠣᠨᠳᠣᠣ ᠪᠠᠶᠢᠳᠠᠭ᠃ | ᠠᠳᠡ ᠪᠠᠭᠠᠷᠢᠨᠴᠣᠳ ᠤᠨ ᠳᠠᠯᠣ ᠶᠢᠨ ᠦᠵᠡᠯᠭᠡ ᠲᠦᠯᠭᠡ ᠶᠢ ᠲᠦᠢᠮᠣᠴᠢᠯᠠᠨ ᠲᠠᠨᠢᠯᠴᠠᠭᠤᠯᠣᠯᠠ᠃ | ᠡᠨᠡ ᠨᠢ ᠮᠠᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠰᠣᠶᠣᠯ ᠤᠨ ᠦᠪ ᠤᠨ ᠨᠢᠭᠡ ᠪᠣᠯᠣᠭᠰᠠᠨ ᠳᠠᠯᠣ ᠶᠢᠨ ᠲᠦᠯᠭᠡ ᠶᠢ | ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠵᠦ ᠲᠡᠦᠬᠡ ᠰᠣᠶᠣᠯ᠂ ᠵᠠᠩ ᠦᠢᠯᠡ ᠰᠣᠳᠣᠯᠣᠭᠴᠢᠳ ᠲᠤ ᠯᠠᠪᠯᠠᠯᠲᠠ ᠪᠣᠯᠭᠠᠬᠤ ᠭᠡᠰᠡᠨ | ᠵᠣᠷᠢᠯᠭᠠ ᠪᠠᠨ ᠲᠣᠳᠣᠷᠬᠠᠶᠢᠯᠠᠵᠦ ᠪᠠᠶᠢᠨᠠ᠃ | | ᠵᠣᠬᠢᠶᠠᠭᠴᠢ᠄ ᠨᠣᠷᠪᠣᠪᠠᠽᠠᠷ | |