| ᠤᠳᠤᠬᠠᠨ ᠳᠤ ᠰᠠᠭᠠᠯᠢ ᠶᠢᠨ ᠦᠨᠢᠶᠠ ᠶᠢ ᠡᠵᠡᠩᠨᠡᠬᠦ ᠭᠡᠪᠴᠶ᠊ ᠡᠶᠡ ᠨᠢ ᠪᠠᠭᠠ᠂ ᠠᠷᠠᠴᠢᠯᠠᠨ ᠬᠠᠮᠢᠶᠠᠷᠬᠤ | ᠲᠠᠯᠠ ᠪᠠᠷ ᠪᠦᠳᠦᠭᠦᠯᠢᠭ ᠠᠴᠠ ᠰᠠᠭᠠᠯᠢ ᠶᠢᠨ ᠦᠨᠢᠶᠠ ᠲᠡᠵᠢᠭᠡᠭᠴᠢᠳ ᠤᠨ ᠤᠯᠵᠠ ᠠᠰᠢᠭ ᠨᠢ ᠲᠤᠤᠷᠠ᠂ ᠦᠪᠡᠷ ᠤᠨ | ᠦᠷᠳᠡᠭ ᠨᠢ ᠦᠨᠳᠦᠷ ᠪᠠᠶᠢᠵᠦ᠂ ᠤᠷᠤᠯᠭᠠ ᠶᠢ ᠨᠦᠯᠦᠭᠡᠯᠡᠵᠦ ᠪᠠᠶᠢᠨᠠ᠃ | ᠢᠩᠬᠢᠬᠦ ᠪᠠᠷ ᠰᠠᠭᠠᠯᠢ ᠶᠢᠨ ᠦᠨᠢᠶᠠ ᠶᠢᠨ ᠰᠦ ᠶᠢᠨ ᠭᠠᠷᠤᠯᠳᠠ ᠶᠢ ᠨᠡᠮᠡᠭᠳᠡᠭᠦᠯᠦᠶᠠ ᠭᠡᠪᠡᠯ ᠡᠷᠭᠡᠪᠰᠢ | ᠰᠠᠭᠠᠯᠢ ᠶᠢᠨ ᠦᠨᠢᠶᠠ ᠶᠢᠨ ᠠᠳᠠᠯᠢ ᠪᠤᠰᠤ ᠦᠰᠦᠯᠳᠡ ᠶᠢᠨ ᠬᠤᠭᠤᠴᠠᠭᠠᠨ ᠤ ᠠᠷᠠᠴᠢᠯᠠᠨ ᠬᠠᠮᠢᠶᠠᠷᠬᠤ ᠠᠵᠢᠯ ᠢ | ᠰᠠᠶᠢᠳᠤᠷ ᠬᠢᠬᠦ ᠭᠡᠷᠡᠭᠳᠡᠢ᠃ | ᠠᠳᠠᠯᠢ ᠪᠤᠰᠤ ᠬᠤᠭᠤᠴᠠᠭᠠᠨ ᠳᠠᠬᠢ ᠠᠷᠠᠴᠢᠯᠠᠨ ᠬᠠᠮᠢᠶᠠᠷᠤᠯᠳᠠ | ᠨᠢᠭᠡ᠂ ᠲᠤᠭᠤᠯ ᠢ ᠠᠷᠠᠴᠢᠯᠠᠨ ᠪᠤᠶᠢᠵᠢᠭᠤᠯᠬᠤ | ᠦᠨᠢᠶᠠ ᠲᠤᠭᠤᠯᠯᠠᠭᠰᠠᠨ ᠤ ᠲᠠᠷᠠᠭᠠ 30 — 60 ᠮᠢᠨᠦ᠋ᠲ ᠪᠤᠯᠪᠠᠯ ᠡᠬᠢᠨ ᠤ ᠤᠳᠠᠭᠠ ᠬᠦᠬᠦᠬᠦᠯᠵᠦ᠂ | ᠤᠭᠤᠷᠠᠭ ᠤᠨ ᠭᠡᠮᠵᠢᠶᠠ ᠶᠢ ᠲᠤᠭᠤᠯ ᠤᠨ ᠪᠡᠶᠠ ᠶᠢᠨ ᠬᠦᠨᠳᠦ ᠶᠢᠨ 3% ᠳᠤ ᠬᠦᠷᠭᠡᠵᠦ᠂ ᠤᠭᠤᠷᠠᠭ ᠬᠦᠬᠦᠬᠦᠯᠭᠦ | ᠬᠤᠭᠤᠴᠠᠭᠠ ᠶᠢ 3 — 7 ᠡᠳᠦᠷ ᠪᠠᠶᠢᠯᠭᠠᠨᠠ᠃ | ᠲᠤᠭᠤᠯ ᠨᠢᠭᠡ ᠭᠠᠷᠠᠭ ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠶᠡᠷᠦ ᠶᠢᠨ ᠰᠦ ᠪᠠᠷ ᠲᠡᠵᠢᠭᠡᠨᠠ᠃ ᠡᠭᠦᠨ ᠤ ᠬᠠᠮᠳᠤ ᠪᠠᠰᠠ | ᠨᠠᠷᠢᠯᠢᠭ ᠪᠤᠷᠳᠤᠭᠠ ᠢᠳᠡᠭᠦᠯᠵᠦ ᠰᠤᠷᠭᠠᠨᠠ᠃ ᠬᠤᠶᠠᠷ ᠭᠠᠷᠠᠭ ᠪᠤᠯᠬᠤ ᠳᠤ ᠪᠦᠳᠦᠭᠦᠯᠢᠭ ᠪᠤᠷᠳᠤᠭᠠ ᠢᠳᠡᠭᠦᠯᠵᠦ | ᠰᠤᠷᠭᠠᠨᠠ᠃ ᠲᠤᠭᠤᠯ ᠤᠨ ᠰᠦ ᠬᠦᠬᠦᠬᠦ ᠬᠤᠭᠤᠴᠠᠭᠠ ᠨᠢ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠲᠤᠤᠷᠠ 100 — 150 | ᠡᠳᠦᠷ ᠪᠠᠶᠢᠵᠦ᠂ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠰᠦ ᠶᠢᠨ ᠶᠡᠷᠦᠩᠭᠡᠢ ᠭᠡᠮᠵᠢᠶᠠ ᠨᠢ 300 — 400 ᠺᠢᠯᠦᠭᠷᠠᠮ | ᠬᠦᠷᠴᠦ᠂ ᠲᠤᠭᠤᠯ ᠤᠨ ᠪᠡᠶᠠ ᠶᠢᠨ ᠬᠦᠨᠳᠦ ᠶᠢᠨ 8% ᠬᠦᠷᠦᠨᠠ᠃ | ᠲᠤᠭᠤᠯ ᠢ ᠡᠷᠭᠡᠪᠰᠢ ᠴᠢᠨᠠᠷ ᠰᠠᠶᠢᠳᠠᠢ ᠬᠦᠭᠡ ᠡᠪᠡᠰᠦ᠂ ᠲᠤᠰᠬᠠᠢ ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠪᠠᠷ | ᠲᠡᠵᠢᠭᠡᠵᠦ᠂ ᠪᠤᠷᠳᠤᠭᠠᠨ ᠤ ᠤᠭᠤᠷᠠᠭ ᠤᠨ ᠭᠡᠮᠵᠢᠶᠠ ᠶᠢ 20% ᠠᠴᠠ ᠲᠡᠭᠡᠭᠰᠢ ᠪᠠᠶᠢᠯᠭᠠᠬᠤ ᠭᠡᠷᠡᠭᠳᠡᠢ᠃ ᠲᠤᠭᠤᠯ | ᠨᠢᠭᠡ ᠭᠠᠷᠠᠭ ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠶᠡᠭᠡ ᠬᠤᠷᠤᠭᠠᠨ ᠳᠤ ᠬᠤᠷᠢᠵᠦ᠂ ᠬᠦᠳᠡᠯᠭᠡᠭᠡᠨ ᠬᠢᠬᠦ ᠶᠢ ᠪᠠᠳᠤᠯᠠᠬᠤ ᠶᠢᠨ | ᠬᠠᠮᠳᠤ ᠲᠤᠭᠤᠯ ᠤᠨ ᠭᠡᠪᠳᠡᠰᠢ ᠪᠤᠶᠤ ᠬᠤᠷᠤᠭᠠ ᠶᠢᠨ ᠠᠷᠢᠭᠤᠨ ᠴᠡᠪᠡᠷ ᠢ ᠠᠩᠬᠠᠷᠴᠦ᠂ ᠭᠠᠷᠠᠭ ᠲᠤ ᠨᠢᠭᠡ ᠤᠳᠠᠭᠠ | ᠠᠷᠢᠭᠤᠳᠬᠠᠬᠤ ᠭᠡᠷᠡᠭᠳᠡᠢ᠃ | ᠬᠤᠶᠠᠷ᠂ ᠭᠤᠨᠵᠢ ᠶᠢ ᠠᠷᠠᠴᠢᠯᠠᠨ ᠬᠠᠮᠢᠶᠠᠷᠬᠤ | ᠪᠦᠬᠦᠯᠢ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠪᠤᠯᠤᠭᠰᠠᠨ ᠭᠤᠨᠵᠢ ᠶᠢ ᠪᠤᠯ ᠡᠳᠦᠷ ᠲᠤ ᠬᠤᠶᠠᠷ ᠤᠳᠠᠭᠠ ᠬᠦᠬᠦ ᠶᠢ ᠨᠢ | ᠢᠯᠪᠢᠬᠦ ᠭᠡᠷᠡᠭᠳᠡᠢ᠃ ᠭᠡᠭᠡᠯ ᠲᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠡᠳᠦᠷ ᠪᠦᠷᠢ ᠲᠡᠯᠡᠩ ᠢ ᠨᠢ ᠢᠯᠪᠢᠵᠦ ᠪᠤᠷᠳᠤᠭᠠ | ᠨᠦᠬᠦᠪᠤᠷᠢᠯᠡᠨᠠ᠃ ᠠᠩᠬᠠᠷᠬᠤ ᠨᠢ᠂ ᠲᠠᠷᠭᠤ ᠬᠦᠴᠦ ᠨᠢ ᠭᠡᠳᠦᠷᠭᠡᠢ ᠨᠡᠮᠡᠭᠳᠡᠬᠦ ᠠᠴᠠ ᠬᠢᠴᠢᠶᠡᠬᠦ ᠭᠡᠷᠡᠭᠳᠡᠢ᠃ | ᠪᠤᠷᠳᠤᠭᠠᠨ ᠤ ᠲᠠᠯᠠ ᠪᠠᠷ ᠴᠢᠨᠠᠷ ᠰᠠᠶᠢᠳᠠᠢ ᠬᠦᠭᠡ ᠡᠪᠡᠰᠦ ᠪᠠᠷ ᠭᠤᠤᠯᠳᠠᠭᠤᠯᠵᠦ᠂ ᠡᠳᠦᠷ ᠪᠦᠷᠢ 3 ᠺᠢᠯᠦᠭᠷᠠᠮ | ᠨᠠᠷᠢᠯᠢᠭ ᠪᠤᠷᠳᠤᠭᠠ ᠨᠦᠬᠦᠪᠤᠷᠢᠯᠡᠵᠦ ᠦᠭᠭᠦᠨᠠ᠃ | ᠭᠤᠷᠪᠠ᠂ ᠦᠨᠢᠶᠠ ᠶᠢ ᠠᠷᠠᠴᠢᠯᠠᠨ ᠬᠠᠮᠢᠶᠠᠷᠬᠤ | ᠪᠡᠶᠠ ᠶᠢᠨ ᠬᠦᠨᠳᠦ ᠨᠢ 100 ᠺᠢᠯᠦᠭᠷᠠᠮ ᠪᠦᠷᠢ ᠳᠤ ᠲᠠᠷᠤᠰᠢᠭᠰᠠᠨ ᠪᠤᠷᠳᠤᠭᠠ 3 — 4 ᠺᠢᠯᠦᠭᠷᠠᠮ | ᠦᠭᠴᠦ᠂ ᠡᠭᠦᠨ ᠤ ᠬᠠᠮᠳᠤ ᠡᠷᠦᠳᠡᠰᠦᠨ ᠡᠯᠧᠮᠧᠨ᠋ᠲ ︵ᠵᠢᠱᠢᠶᠡᠯᠡᠪᠡᠯ ᠺᠠᠯᠢ᠂ ᠺᠠᠯᠼ ᠵᠡᠷᠭᠡ︶ ᠢ ᠴᠠᠭ ᠲᠤᠬᠠᠢ ᠳᠤᠨᠢ | ᠨᠦᠬᠦᠪᠤᠷᠢᠯᠡᠨ᠂ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠡᠳᠦᠷ ᠪᠦᠷᠢ 5 — 6 ᠺᠢᠯᠦᠭᠷᠠᠮ ᠨᠦᠬᠦᠪᠤᠷᠢᠯᠡᠨᠠ᠃ | ᠦᠨᠢᠶᠠ ᠲᠤᠭᠤᠯᠯᠠᠭᠰᠠᠨ ᠤ ᠲᠠᠷᠠᠭᠠ ᠲᠠᠪᠤᠰᠤ ᠲᠠᠢ ᠪᠦᠯᠢᠶᠡᠨ ᠤᠰᠤᠨ ᠳᠤ ᠵᠢᠭᠤᠷᠠᠭᠰᠠᠨ ᠪᠤᠭᠤᠳᠠᠢ ᠶᠢᠨ | ᠠᠭᠠᠭ ᠢ ᠤᠤᠭᠤᠯᠭᠠᠬᠤ ᠶᠢᠨ ᠬᠠᠮᠳᠤ ᠦᠨᠢᠶᠠ ᠶᠢᠨ ᠭᠡᠪᠳᠡᠰᠢ ᠳᠤ ᠵᠦᠭᠡᠯᠡᠨ ᠡᠪᠡᠰᠦ ᠲᠡᠪᠢᠰᠴᠦ ᠦᠭᠭᠦᠨᠠ᠃ | ᠲᠤᠭᠤᠯᠯᠠᠭᠰᠠᠨ ᠤ ᠲᠠᠷᠠᠭᠠ ᠨᠢ ᠲᠦᠷᠪᠡᠨ ᠤ ᠨᠢᠭᠡ ᠶᠢᠨ ᠭᠡᠮᠵᠢᠶᠠ ᠶᠢᠨ ᠰᠦ ᠶᠢ ᠨᠢ ᠰᠠᠭᠠᠵᠦ ᠠᠪᠤᠨᠠ᠃ | ᠦᠨᠢᠶᠠ ᠰᠠᠭᠠᠬᠤ ᠳᠠᠭᠠᠨ 40 — 45 ᠭᠷᠠᠳᠦ᠋ᠰ ᠤᠨ ᠪᠦᠯᠢᠶᠡᠨ ᠤᠰᠤ ᠪᠠᠷ ᠲᠡᠯᠡᠩ ᠢ ᠨᠢ ᠤᠬᠢᠶᠠᠨᠠ᠃ | ᠰᠠᠭᠠᠬᠤ ᠳᠠᠭᠠᠨ ᠡᠬᠢᠯᠡᠭᠡᠳ ᠤᠳᠠᠭᠠᠨ ᠰᠢᠬ ᠰᠠᠭᠠᠵᠦ᠂ ᠢᠳᠡᠭ ᠢᠳᠡᠭ ᠢᠶᠠᠷ ᠬᠤᠷᠳᠤᠯᠠᠨᠠ᠃ ᠦᠨᠢᠶᠠ ᠶᠢᠨ | ᠰᠦ ᠶᠢᠨ ᠭᠠᠷᠤᠯᠳᠠ ᠶᠢ ᠦᠨᠳᠦᠰᠦᠯᠡᠵᠦ ᠭᠡᠳᠦ ᠤᠳᠠᠭᠠ ᠰᠠᠭᠠᠬᠤ ᠪᠠᠨ ᠲᠤᠭᠳᠠᠭᠠᠨᠠ᠃ ᠶᠡᠷᠦ ᠶᠢᠨ ᠪᠠᠶᠢᠳᠠᠯ | ᠲᠤᠤᠷᠠ ᠨᠢᠭᠡ ᠦᠨᠢᠶᠠ ᠡᠳᠦᠷ ᠲᠤ 15 ᠺᠢᠯᠦᠭᠷᠠᠮ ᠰᠦ ᠭᠠᠷᠬᠤ ᠪᠠᠷ ᠪᠤᠳᠤᠪᠠᠯ ᠡᠳᠦᠷ ᠲᠤ ᠬᠤᠶᠠᠷ ᠤᠳᠠᠭᠠ | ᠰᠠᠭᠠᠪᠠᠯ ᠲᠤᠬᠢᠷᠠᠮᠵᠢᠳᠠᠢ᠃ | ᠲᠦᠷᠪᠡ᠂ ᠰᠦ ᠰᠢᠷᠬᠢᠭᠡᠬᠦ ᠦᠶᠠ ᠶᠢᠨ ᠠᠷᠠᠴᠢᠯᠠᠨ ᠬᠠᠮᠢᠶᠠᠷᠤᠯᠳᠠ | ᠦᠨᠢᠶᠠ ᠶᠢᠨ ᠰᠦ ᠶᠢ ᠰᠢᠷᠬᠢᠭᠡᠬᠦ ᠬᠤᠭᠤᠴᠠᠭᠠ ᠨᠢ ᠶᠡᠷᠦ ᠳᠡᠭᠡᠨ 60 ᠡᠳᠦᠷ ᠪᠠᠶᠢᠳᠠᠭ᠂ ᠰᠦ ᠶᠡᠭᠡᠳᠡᠢ | ᠦᠨᠢᠶᠠ ᠪᠤᠯ 70 — 75 ᠡᠳᠦᠷ ᠭᠡᠷᠡᠭᠰᠡᠨᠠ᠃ ᠡᠨᠡ ᠦᠶᠡᠰ ᠡᠷᠭᠡᠪᠰᠢ ᠴᠢᠨᠠᠷ ᠰᠠᠶᠢᠳᠠᠢ ᠪᠦᠳᠦᠭᠦᠯᠢᠭ | ᠪᠤᠷᠳᠤᠭᠠ ᠪᠠᠷ ᠲᠡᠵᠢᠭᠡᠨᠠ᠃ | ᠪᠦᠬᠦ ᠵᠢᠯ ᠤᠨ ᠡᠯᠠ ᠤᠯᠠᠷᠢᠯ ᠳᠠᠬᠢ ᠠᠷᠠᠴᠢᠯᠠᠯᠳᠠ ᠬᠠᠮᠢᠶᠠᠷᠤᠯᠳᠠ | 3 — 4 ᠰᠠᠷᠠ ᠶᠢᠨ ᠦᠶᠠ ᠪᠠᠷ ᠬᠠᠪᠤᠷ ᠤᠨ ᠡᠪᠡᠳᠴᠢᠨ ᠭᠡᠮ ᠠᠴᠠ ᠤᠨᠴᠠ ᠰᠡᠷᠭᠡᠶᠢᠯᠡᠬᠦ ᠪᠦᠭᠡᠳ ᠬᠢᠵᠢᠭ | ᠰᠡᠷᠭᠡᠶᠢᠯᠡᠬᠦ ᠡᠮ ᠢ ᠴᠠᠭ ᠲᠤᠬᠠᠢ ᠳᠤᠨᠢ ᠬᠠᠳᠬᠤᠵᠦ᠂ ᠬᠤᠷᠤᠭᠠ ᠬᠠᠰᠢᠶᠠ ᠪᠠᠨ ᠴᠠᠭ ᠲᠤᠬᠠᠢ ᠳᠤᠨᠢ ᠠᠷᠢᠭᠤᠳᠬᠠᠬᠤ | ᠭᠡᠷᠡᠭᠳᠡᠢ᠃ ᠠᠭᠤᠷ ᠠᠮᠢᠰᠬᠤᠯ ᠲᠤᠯᠭᠠᠨ ᠪᠤᠯᠬᠤ ᠪᠠᠷ ᠬᠦᠭᠡ ᠲᠠᠷᠤᠰᠢ ᠪᠠ ᠤᠰᠤᠯᠢᠭ ᠪᠤᠷᠳᠤᠭᠠ ᠶᠢ ᠬᠦᠢᠴᠡᠳ | ᠪᠡᠯᠡᠳᠭᠡᠬᠦ ᠭᠡᠷᠡᠭᠳᠡᠢ᠃ 6 ᠰᠠᠷᠠ ᠶᠢᠨ ᠦᠶᠠ ᠪᠠᠷ ᠠᠭᠤᠷ ᠠᠮᠢᠰᠬᠤᠯ ᠬᠠᠯᠠᠭᠤᠨ ᠪᠤᠯᠬᠤ ᠳᠤ ᠦᠨᠢᠶᠠ ᠶᠢᠨ | ᠬᠠᠯᠠᠭᠤᠨ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠠᠵᠢᠯ ᠢ ᠰᠠᠶᠢᠳᠤᠷ ᠬᠢᠵᠦ᠂ ᠵᠤᠨ ᠤ ᠬᠠᠮᠤᠭ ᠬᠠᠯᠠᠭᠤᠨ ᠴᠠᠭ ᠪᠤᠯᠬᠤ ᠳᠤ ᠡᠳᠦᠷ | ᠪᠦᠷᠢ ᠤᠰᠤᠯᠠᠬᠤ ᠶᠢ ᠪᠠᠳᠤᠯᠠᠵᠦ᠂ ᠪᠤᠷᠳᠤᠭᠠᠨ ᠤ ᠭᠡᠮᠵᠢᠶᠠ ᠶᠢ ᠢᠳᠡᠭ ᠢᠳᠡᠭ ᠢᠶᠠᠷ ᠪᠠᠭᠠᠰᠬᠠᠨᠠ᠃ ᠵᠤᠨ ᠤ | ᠤᠯᠠᠷᠢᠯ ᠳᠤ ᠬᠤᠷᠠ ᠪᠤᠷᠤᠭᠠᠨ ᠡᠯᠪᠡᠭ ᠪᠤᠯᠬᠤᠷ ᠦᠨᠢᠶᠠ ᠶᠢᠨ ᠬᠤᠷᠤᠭᠠ ᠬᠠᠰᠢᠶᠠ ᠶᠢ ᠬᠠᠭᠤᠷᠠᠢ ᠪᠠᠶᠢᠯᠭᠠᠬᠤ ᠶᠢ | ᠪᠠᠳᠤᠯᠠᠵᠦ ᠠᠷᠢᠭᠤᠨ ᠴᠡᠪᠡᠷ ᠢ ᠠᠩᠬᠠᠷᠤᠨᠠ᠃ | 9 ᠰᠠᠷᠠ ᠶᠢᠨ ᠦᠶᠠ ᠳᠤ ᠬᠦᠭᠡ ᠲᠠᠷᠤᠰᠢ ᠪᠠᠨ ᠡᠬᠢᠯᠡᠨ ᠪᠡᠯᠡᠳᠭᠡᠵᠦ᠂ ᠨᠠᠮᠤᠷ ᠤᠨ ᠰᠡᠷᠭᠡᠶᠢᠯᠡᠬᠦ ᠲᠠᠷᠢᠯᠭᠠ ᠶᠢ | ᠴᠠᠭ ᠲᠤᠬᠠᠢ ᠳᠤᠨᠢ ᠲᠠᠷᠢᠨᠠ᠃ ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠪᠤᠯᠬᠤ ᠳᠤ ᠦᠨᠢᠶᠡᠨ ᠤ ᠡᠰᠢᠯᠢᠭ ᠪᠤᠷᠳᠤᠭᠠ ᠲᠠᠷᠤᠰᠢᠭᠤᠯᠬᠤ | ᠠᠵᠢᠯ ᠢ ᠬᠦᠢᠴᠡᠳ ᠬᠢᠬᠦ ᠭᠡᠷᠡᠭᠳᠡᠢ᠃ | ᠡᠪᠤᠯ ᠤᠨ ᠠᠭᠤᠷ ᠤᠷᠤᠬᠤ ᠳᠤ ᠬᠦᠢᠳᠡᠨ ᠢ ᠰᠡᠷᠭᠡᠶᠢᠯᠡᠵᠦ᠂ ᠦᠨᠢᠶᠠ ᠶᠢᠨ ᠬᠤᠷᠤᠭᠠ ᠬᠠᠰᠢᠶᠠ ᠶᠢᠨ ᠰᠠᠷᠠᠪᠴᠢ | ᠴᠤᠩᠬᠤ ᠶᠢ ᠪᠦᠭᠯᠡᠵᠦ ᠪᠠᠬᠢᠯᠡᠨ ᠲᠤᠯᠠᠭᠠᠨ ᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢ ᠰᠠᠶᠢᠳᠤᠷ ᠬᠢᠵᠦ᠂ ᠡᠳᠦᠷ ᠤᠨ ᠪᠤᠷᠳᠤᠭᠠᠨ ᠳᠠᠬᠢ | ᠨᠠᠷᠢᠯᠢᠭ ᠪᠤᠷᠳᠤᠭᠠᠨ ᠤ ᠭᠡᠮᠵᠢᠶᠠ ᠶᠢ ᠨᠡᠮᠡᠭᠳᠡᠭᠦᠯᠵᠦ᠂ ᠲᠠᠷᠭᠤ ᠶᠢ ᠬᠠᠮᠠᠭᠠᠯᠠᠨ ᠦᠨᠢᠶᠠ ᠶᠢᠨ ᠭᠡᠭᠡᠯ ᠬᠠᠶᠠᠬᠤ ᠠᠴᠠ | ᠤᠨᠴᠠ ᠬᠢᠴᠢᠶᠡᠬᠦ ᠡᠷᠡᠭᠳᠡᠢ᠃ | ︵︽ᠤᠯᠠᠭᠠᠨᠬᠠᠳᠠ ᠶᠢᠨ ᠡᠳᠦᠷ ᠤᠨ ᠰᠤᠨᠢᠨ︾ ᠠᠴᠠ ᠰᠢᠯᠵᠢᠭᠦᠯᠪᠡ︶ |