| ᠶᠡᠷᠦ ᠳᠡᠭᠡᠨ ᠰᠢᠯᠢᠳᠡᠭ ᠦᠷᠠ ᠨᠢ ᠲᠤᠤᠷᠠᠬᠢ ᠤᠨᠴᠠᠯᠢᠭ ᠢ ᠪᠦᠷᠢᠯᠳᠦᠭᠦᠯᠪᠡᠯ ᠵᠤᠬᠢᠨᠠ᠄ ᠨᠢᠭᠡ᠂ ᠲᠠᠯᠠᠪᠠᠢ | ᠨᠢᠭᠡᠴᠡ ᠶᠢᠨ ᠤᠨᠠᠯᠳᠠ ᠦᠨᠳᠦᠷ︔ ᠬᠤᠶᠠᠷ᠂ ᠲᠤᠰᠤᠯᠢᠭ ᠨᠠᠷᠠᠨ ᠬᠤᠸᠠᠷ ᠤᠨ ᠦᠷᠠ ᠳᠠᠬᠢ ᠲᠤᠰᠤᠨ ᠤ | ᠠᠭᠤᠯᠤᠭᠳᠠᠴᠠ ᠨᠢ ᠦᠨᠳᠦᠷ︔ ᠭᠤᠷᠪᠠ᠂ ᠰᠦᠷᠬᠦ ᠶᠢ ᠡᠰᠡᠷᠭᠦᠴᠡᠬᠦ ᠴᠢᠨᠠᠷ ᠢᠶᠠᠷ ᠴᠢᠩᠭᠠ ᠪᠠ ᠲᠤᠬᠢᠷᠠᠯᠴᠠᠬᠤ | ᠴᠢᠨᠠᠷ ᠨᠢ ᠰᠠᠶᠢᠨ᠃ ᠭᠡᠷᠪᠡ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠦᠷᠠ ᠶᠢ ᠰᠤᠩᠭᠤᠨ ᠭᠡᠷᠡᠭᠯᠡᠬᠦ ᠳᠡᠭᠡᠨ ᠪᠠᠰᠠ ᠲᠤᠤᠷᠠᠬᠢ ᠭᠡᠳᠦᠨ | ᠲᠠᠯᠠ ᠶᠢ ᠠᠩᠬᠠᠷᠬᠤ ᠭᠡᠷᠡᠭᠳᠡᠢ᠃ | 1. ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠦᠷᠠ ᠶᠢᠨ ᠴᠡᠪᠡᠷᠴᠡ᠃ ᠴᠡᠪᠡᠷᠴᠡ ᠨᠢ ᠭᠡᠳᠦᠢ ᠦᠨᠳᠦᠷ ᠪᠤᠯ ᠤᠨᠠᠯᠳᠠ ᠨᠢ | ᠲᠡᠳᠦᠢ ᠦᠨᠳᠦᠷ᠂ ᠠᠳᠠᠯᠢᠬᠠᠨ ᠢᠶᠠᠷ ᠤᠨᠠᠯᠳᠠ ᠨᠢ ᠭᠡᠳᠦᠢ ᠦᠨᠳᠦᠷ ᠪᠤᠯ ᠴᠡᠪᠡᠷᠴᠡ ᠨᠢ ᠮᠦᠨ ᠴᠦ ᠲᠡᠳᠦᠢ | ᠦᠨᠳᠦᠷ ᠶᠤᠮ᠃ ᠡᠶᠢᠮᠤ ᠠᠴᠠ ᠦᠷᠠ ᠶᠢ ᠰᠤᠩᠭᠤᠬᠤ ᠳᠠᠭᠠᠨ ᠴᠡᠪᠡᠷᠴᠡ ᠶᠢ ᠨᠢ ᠵᠠᠪᠠᠯ ᠲᠤᠳᠤᠷᠬᠠᠢ ᠠᠰᠠᠭᠤᠵᠦ᠂ | ᠬᠠᠭᠤᠷᠮᠠᠭ ᠦᠷᠠ ᠬᠤᠯᠢᠬᠤ ᠠᠴᠠ ᠰᠡᠷᠭᠡᠶᠢᠯᠡᠨᠠ᠃ ᠦᠷᠠ ᠶᠢᠨ ᠴᠡᠪᠡᠷᠴᠡ ᠶᠢ ᠲᠤᠰᠤᠯᠢᠭ ᠨᠠᠷᠠᠨ ᠬᠤᠸᠠᠷ ᠤᠨ | ᠤᠷᠭᠤᠯᠳᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠪᠠᠶᠢᠴᠠᠭᠠᠨ ᠮᠡᠳᠡᠵᠦ ᠪᠤᠯᠤᠨᠠ᠂ ᠴᠡᠪᠡᠷᠴᠡ ᠨᠢ ᠦᠨᠳᠦᠷ ᠦᠷᠠ ᠶᠢᠨ | ᠤᠷᠭᠤᠮᠠᠯ ᠤᠨ ᠰᠠᠭᠤᠷᠢ ᠶᠢᠨ ᠦᠨᠳᠦᠷ ᠪᠤᠭᠤᠨᠢ ᠨᠢ ᠲᠡᠭᠰᠢᠭᠡᠨ᠂ ᠴᠡᠴᠡᠭᠯᠡᠬᠦ ᠬᠤᠭᠤᠴᠠᠭᠠ ᠨᠢ ᠲᠡᠭᠰᠢ᠂ ᠤᠷᠭᠤᠬᠤ | ᠦᠭᠡᠢ ᠰᠠᠭᠤᠷᠢ ᠪᠠᠶᠢᠬᠤ ᠦᠭᠡᠢ ᠶᠤᠮ᠃ | 2. ᠭᠠᠵᠠᠷ ᠤᠷᠤᠨ ᠤ ᠵᠦᠷᠢᠶᠠ᠃ ᠵᠠᠷᠢᠮ ᠬᠦᠮᠦᠨ ᠤ ᠦᠵᠡᠬᠦ ᠪᠠᠷ᠂ ᠨᠡᠷᠡᠳᠡᠢ ᠰᠢᠯᠢᠳᠡᠭ ᠦᠷᠠ ᠶᠢ | ᠤᠷᠤᠭᠤᠯᠳᠠᠭ ᠯᠡ ᠶᠤᠮ ᠪᠤᠯ ᠯᠠᠪᠳᠠᠢ ᠦᠨᠳᠦᠷ ᠬᠤᠷᠢᠶᠠᠯᠳᠠ ᠤᠯᠤᠨᠠ ᠭᠡᠳᠡᠭ᠂ ᠡᠨᠡᠬᠦ ᠦᠵᠡᠯᠳᠡ ᠨᠢ ᠵᠠᠷᠢᠮ | ᠭᠠᠵᠠᠷ ᠲᠤ ᠲᠤᠬᠢᠷᠠᠬᠤ ᠦᠭᠡᠢ ᠶᠤᠮ᠃ ᠦᠷᠠ ᠶᠢ ᠤᠷᠤᠭᠤᠯᠵᠦ ᠠᠪᠴᠢᠷᠠᠬᠤ ᠦᠶᠡᠰ ᠲᠤᠰ ᠭᠠᠵᠠᠷ ᠤᠨ ᠠᠭᠤᠷ | ᠠᠮᠢᠰᠬᠤᠯ ᠤᠨ ᠨᠦᠬᠦᠴᠡᠯ ᠨᠢ ᠦᠷᠠ ᠤᠷᠤᠭᠤᠯᠬᠤ ᠭᠠᠵᠠᠷ ᠤᠨ ᠬᠢ ᠲᠠᠢ ᠠᠳᠠᠯᠢᠪᠳᠤᠷ ᠪᠠᠶᠢᠬᠤ ᠡᠰᠡᠬᠦ᠂ | ᠤᠨᠴᠠᠭᠠᠢᠢᠯᠠᠨ ᠬᠤᠷᠠᠮᠠᠯ ᠲᠤᠯᠠᠭᠠᠨ᠂ ᠬᠢᠷᠠᠭᠤ ᠦᠭᠡᠢ ᠬᠤᠭᠤᠴᠠᠭᠠ᠂ ᠬᠤᠷᠠ ᠲᠤᠨᠤᠳᠠᠰᠤᠨ ᠤ ᠭᠡᠮᠵᠢᠶᠠ ᠵᠡᠷᠭᠡ ᠶᠢᠨ | ᠠᠳᠠᠯᠢᠪᠳᠤᠷ ᠡᠰᠡᠬᠦ ᠶᠢ ᠪᠤᠳᠤᠯᠬᠢᠯᠠᠬᠤ ᠭᠡᠷᠡᠭᠳᠡᠢ᠂ ᠤᠴᠢᠷ ᠨᠢ ᠲᠤᠰ ᠭᠠᠵᠠᠷ ᠤᠨ ᠬᠢᠷᠠᠭᠤ ᠦᠭᠡᠢ ᠬᠤᠭᠤᠴᠠᠭᠠ ᠨᠢ | ᠤᠬᠤᠷ ︵ᠵᠢᠱᠢᠶᠡᠯᠡᠪᠡᠯ 100 ᠡᠳᠦᠷ︶᠂ ᠬᠠᠷᠢᠨ ᠤᠷᠤᠭᠤᠯᠵᠦ ᠠᠪᠴᠢᠷᠠᠭᠰᠠᠨ ᠦᠷᠠ ᠶᠢᠨ ᠤᠷᠭᠤᠯᠳᠠ ᠶᠢᠨ | ᠬᠤᠭᠤᠴᠠᠭᠠ ᠨᠢ ᠭᠡᠳᠦᠷᠭᠡᠢ ᠤᠷᠳᠤ ᠪᠤᠯᠪᠠᠯ ᠰᠢᠨᠠ ᠦᠷᠠ ᠨᠢ ᠲᠤᠰ ᠭᠠᠵᠠᠷ ᠲᠤ ᠭᠡᠪ ᠤᠨ ᠪᠠᠶᠢᠳᠠᠯ ᠢᠶᠠᠷ | ᠪᠤᠯᠪᠠᠰᠤᠷᠠᠵᠦ ᠴᠢᠳᠠᠬᠤ ᠦᠭᠡᠢ ᠠᠴᠠ ᠪᠤᠯᠵᠦ ᠬᠤᠷᠢᠶᠠᠯᠳᠠ ᠬᠠᠰᠤᠭᠳᠠᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠭᠡᠷᠪᠡ | ᠵᠡᠷᠭᠡᠯᠡᠳᠡᠭᠡ ᠭᠠᠴᠠᠭᠠ᠂ ᠵᠡᠷᠭᠡᠯᠡᠳᠡᠭᠡ ᠰᠢᠶᠠᠨ ︵ᠬᠤᠰᠢᠭᠤ︶ ᠤ ᠰᠢᠨᠠ ᠦᠷᠠ ᠤᠷᠤᠭᠤᠯᠵᠦ ᠠᠪᠴᠢᠷᠠᠭᠰᠠᠨ | ᠲᠤᠷᠰᠢᠯᠭᠠ ᠪᠠᠷ ᠯᠠᠪᠯᠠᠯᠳᠠ ᠪᠤᠯᠭᠠᠪᠠᠯ ᠶᠡᠷᠦ ᠨᠢ ᠠᠮᠵᠢᠯᠳᠠ ᠤᠯᠵᠦ ᠴᠢᠳᠠᠨᠠ᠃ | ︵︽ᠦᠪᠤᠷ ᠮᠤᠩᠭᠤᠯ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯ︾ ᠰᠡᠳᠭᠦᠯ ᠠᠴᠠ︶ |