| ᠪᠤᠷᠳᠤᠭᠠ ᠪᠠᠨ ᠬᠠᠳᠠᠭᠠᠯᠠᠵᠤ ᠬᠠᠮᠢᠶᠠᠷᠤᠭᠰᠠᠨ ᠨᠢ ᠵᠤᠬᠢᠰ ᠦᠭᠡᠢ ᠪᠤᠶᠤ ᠪᠤᠳᠠᠭᠠ ᠳᠠᠷᠢᠶᠠ ᠬᠤᠷᠢᠶᠠᠬᠤ ᠦᠶᠡᠰ | ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠪᠤᠷᠤᠭᠠ ᠤᠷᠤᠭᠰᠠᠨ ᠠᠴᠠ ᠠᠮᠤ ᠪᠤᠳᠠᠭᠠ ᠨᠢ ᠴᠢᠨᠠᠷ ᠬᠤᠪᠢᠷᠠᠵᠤ ᠴᠢᠨᠠᠭᠰᠢᠯᠠᠪᠠᠯ | ᠸᠠᠯᠠᠭᠠᠳ ᠬᠤᠤᠷᠳᠠᠰᠤ ᠡᠭᠦᠰᠦᠨᠡ᠃ ᠡᠶᠢᠮᠦᠷᠬᠦ ᠸᠠᠯᠠᠭᠰᠠᠨ ᠪᠤᠷᠳᠤᠭᠠ ᠪᠠᠷ ᠳᠡᠵᠢᠭᠡᠪᠡᠯ ᠮᠠᠯ ᠨᠢ ᠠᠮᠠᠷᠬᠠᠨ | ᠬᠤᠤᠷᠳᠠᠬᠳᠠᠨᠠ᠃ | ᠳᠠᠷᠢᠶᠠᠨ ᠤ ᠪᠤᠯᠪᠠᠰᠤᠷᠠᠵᠤ ᠬᠤᠷᠢᠶᠠᠬᠤ ᠤᠯᠠᠷᠢᠯ ᠳᠤ ᠬᠡᠷᠪᠡ ᠪᠤᠷᠤᠭᠠᠨ ᠶᠡᠭᠡ ᠪᠤᠶᠤ ᠬᠤᠷᠢᠶᠠᠭᠰᠠᠨ ᠪᠤᠳᠠᠭᠠ | ᠳᠠᠷᠢᠶᠠ ᠪᠠ ᠪᠤᠷᠳᠤᠭᠠ ᠪᠠᠨ ᠵᠤᠬᠢᠰ ᠦᠭᠡᠢ ᠬᠠᠳᠠᠭᠠᠯᠠᠪᠠᠯ ᠨᠢᠭᠡ ᠪᠦᠯᠦᠭ ᠬᠤᠤᠷᠳᠤ ᠬᠦᠬᠡᠴᠤ ᠠᠮᠠᠷᠬᠠᠨ ᠦᠰᠴᠤ | ᠦᠷᠡᠵᠢᠳᠡᠭ᠃ ᠡᠳᠡᠭᠡᠷ ᠬᠦᠬᠡᠴᠤ ᠶᠢᠨ ᠳᠤᠳᠤᠷᠠ ᠰᠢᠷᠡ ᠬᠦᠷᠦᠩᠭᠡ ᠶᠢᠨ ᠬᠦᠬᠡᠴᠤ᠂ ᠬᠦᠬᠡ ᠬᠦᠬᠡᠴᠤ᠂ ᠴᠠᠭᠠᠨ | ᠬᠦᠬᠡᠴᠤ ᠭᠡᠵᠤ ᠪᠠᠶᠢᠳᠠᠭ᠃ ᠴᠦᠮ ᠪᠤᠷᠳᠤᠭᠠ ᠶᠢ ᠢᠯᠵᠢᠷᠡᠭᠦᠯᠬᠦ ᠬᠦᠬᠡᠴᠤ ᠪᠤᠯᠤᠨᠠ᠃ ᠮᠠᠯ ᠨᠢ ᠡᠶᠢᠮᠦᠷᠬᠦ | ᠪᠤᠷᠳᠤᠭᠠ ᠶᠢ ᠨᠡᠯᠢᠶᠡᠳ ᠠᠷᠪᠢᠨ ᠢᠳᠡᠪᠡᠯ ᠳᠠᠷᠤᠢ ᠬᠤᠤᠷᠳᠠᠯᠭᠠ ᠡᠭᠦᠰᠦᠨᠡ᠃ ᠡᠭᠦᠨ ᠤ ᠳᠤᠳᠤᠷᠠ ᠰᠢᠷᠡ | ᠬᠦᠷᠦᠩᠭᠡ ᠶᠢᠨ ᠬᠦᠬᠡᠴᠤ ᠪᠠ ᠬᠠᠳᠤᠭᠤᠷ ᠮᠦᠬᠦ ᠨᠢ ᠬᠤᠤᠷᠳᠤ ᠴᠢᠨᠠᠷ ᠢᠶᠠᠷ ᠨᠡᠯᠢᠶᠡᠳ ᠶᠡᠭᠡ ᠳᠤᠯᠠ ᠢᠳᠡᠪᠡᠯ ᠨᠡᠩ | ᠠᠮᠠᠷᠬᠠᠨ ᠬᠤᠤᠷᠳᠠᠬᠳᠠᠨᠠ᠃ ᠲᠤ ᠮᠸᠢ ᠰᠤ᠋ ᠶᠢᠨ ᠰᠢᠭᠠᠷᠤᠭ ᠵᠢᠴᠢ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠᠬᠢ ᠪᠤᠳᠠᠭᠠ | ᠳᠠᠷᠢᠶᠠ ᠨᠢ ᠴᠢᠬᠢᠭᠳᠦᠪᠡᠯ ᠬᠦᠬᠡ ᠬᠦᠬᠡᠴᠤ ᠤᠷᠭᠤᠳᠠᠭ ᠳᠤᠯᠠ ᠦᠬᠡᠷ ᠢᠳᠡᠪᠡᠯ ᠮᠦᠨ ᠬᠤᠤᠷᠳᠠᠬᠳᠠᠬᠤ ᠶᠤᠮ᠃ | ᠨᠢᠭᠡ᠂ ᠤᠨᠤᠰᠢᠯᠠᠬᠤ ᠭᠤᠤᠯᠳᠠᠯᠭᠠ | ᠬᠡᠮᠳᠡᠢ ᠦᠬᠡᠷ ᠨᠢ ᠴᠤᠭ ᠰᠦᠯᠳᠡ ᠦᠭᠡᠢ᠂ ᠬᠠᠷᠢᠭᠤ ᠤᠷᠪᠠᠯ ᠨᠢ ᠠᠨᠠᠢ᠂ ᠵᠠᠷᠢᠮ ᠳᠠᠭᠠᠨ ᠳᠤᠯᠤᠭᠠᠢ ᠪᠠᠨ | ᠤᠨᠵᠠᠶᠢᠯᠭᠠᠨ ᠬᠦᠯᠢᠷᠡᠵᠤ ᠶᠠᠭ ᠯᠡ ᠮᠠᠩᠰᠢᠭᠤᠷᠠᠨ ᠤᠨᠳᠠᠵᠤ ᠪᠠᠶᠢᠭᠠ ᠰᠢᠭ᠋᠃ ᠪᠡᠶᠡ ᠶᠢᠨ ᠬᠢᠨᠢ ᠠᠯᠢ ᠨᠢᠭᠡᠨ | ᠬᠡᠰᠡᠭ ᠲᠤ ᠭᠠᠷ ᠬᠦᠷᠦᠭᠰᠡᠨ ᠴᠤ ᠳᠦᠢᠯ ᠤᠨ ᠰᠤᠷᠭᠤᠭ ᠪᠠᠶᠢᠳᠠᠭ᠃ ᠬᠦᠳᠡᠯᠬᠦ ᠳᠤᠷᠠ ᠦᠭᠡᠢ᠂ ᠠᠯᠪᠠᠳᠠᠵᠤ | ᠶᠠᠪᠤᠭᠤᠯᠪᠠᠯ ᠪᠡᠶᠡ ᠨᠢ ᠳᠠᠶᠢᠪᠠᠯᠵᠠᠬᠤ᠂ ᠵᠠᠷᠢᠮ ᠳᠠᠭᠠᠨ ᠬᠦᠬᠡᠷᠴᠤ ᠳᠤᠭᠳᠠᠪᠤᠷᠢ ᠦᠭᠡᠢ ᠪᠤᠯᠵᠤ ᠨᠢᠳᠤ ᠨᠢ | ᠭᠡᠷᠡᠯ ᠠᠴᠠ ᠠᠶᠤᠬᠤ ᠪᠦᠭᠡᠳ ᠨᠢᠯᠪᠤᠰᠤ ᠭᠤᠭᠤᠵᠢᠵᠤ ᠢᠳᠡᠭ ᠢᠳᠡᠭ ᠢᠶᠠᠷ ᠬᠠᠷᠠᠴᠠ ᠨᠢ ᠮᠠᠭᠤᠳᠠᠨᠠ᠃ ᠬᠡᠪᠢᠯᠳᠠ | ᠪᠠ ᠬᠤᠳᠤᠭᠤᠳᠤᠨ ᠤ ᠬᠦᠷᠪᠡᠯᠵᠡᠬᠦ ᠬᠦᠳᠡᠯᠭᠡᠭᠡᠨ ᠨᠢ ᠮᠠᠭᠤᠳᠠᠵᠤ᠂ ᠤᠷᠢᠳᠠᠯ ᠬᠤᠳᠤᠭᠤᠳᠤ ᠶᠢᠨ ᠰᠤᠯᠠᠷᠠᠯ ᠤᠨ | ᠢᠯᠡᠷᠡᠯ ᠭᠠᠷᠴᠤ ᠵᠠᠪᠰᠠᠷᠯᠠᠭᠠ ᠶᠢᠨ ᠴᠢᠨᠠᠷ ᠲᠠᠢ ᠪᠠᠭᠠᠰᠤ ᠠᠯᠳᠠᠵᠤ᠂ ᠪᠠᠭᠠᠰᠤᠨ ᠳᠤᠨᠢ ᠴᠢᠰᠤ ᠲᠠᠢ ᠰᠠᠯᠢᠰᠤᠯᠢᠭ | ᠰᠢᠩᠭᠡᠨ ᠬᠤᠯᠢᠯᠳᠤᠨᠠ᠃ ᠵᠠᠷᠢᠮ ᠳᠠᠭᠠᠨ ᠬᠡᠪᠡᠯᠢ ᠳᠤᠨᠢ ᠤᠰᠤ ᠬᠤᠷᠠᠵᠤ ᠬᠦᠨᠳᠤ ᠨᠢᠭᠡ ᠨᠢ ᠰᠦᠷᠡᠬᠡᠢ ᠤᠰᠤ | ᠠᠯᠳᠠᠵᠤ᠂ ᠪᠦᠷᠭᠦᠭᠦᠯ ᠦᠰᠦ ᠨᠢ ᠰᠢᠷᠦᠭᠦᠨ ᠪᠤᠯᠬᠤ ᠮᠦᠷᠳᠡᠭᠡᠨ ᠰᠢᠷᠢᠯᠳᠦᠨ ᠮᠠᠰᠢ ᠳᠦᠷᠭᠡᠨ ᠬᠦᠯ ᠳᠤᠨᠢ ᠤᠰᠤᠨ | ᠬᠠᠪᠤᠩ ᠡᠭᠦᠰᠦᠨᠡ᠃ ᠰᠠᠭᠠᠯᠢ ᠶᠢᠨ ᠦᠨᠢᠶᠡᠨ ᠤ ᠰᠦ ᠱᠦᠭᠦᠷᠡᠭᠦᠯᠬᠦ ᠨᠢ ᠠᠭᠠᠵᠢᠮ ᠢᠶᠠᠷ ᠪᠠᠭᠤᠷᠠᠵᠤ ᠭᠡᠮ ᠨᠢ | ᠬᠦᠨᠳᠤ ᠦᠶᠡᠰ ᠰᠦ ᠨᠢ ᠵᠤᠭᠰᠤᠨᠠ᠃ ᠬᠡᠭᠡᠯᠳᠡᠢ ᠦᠨᠢᠶᠡ ᠨᠢ ᠭᠡᠭᠡᠯ ᠬᠠᠶᠠᠬᠤ ᠪᠤᠶᠤ ᠭᠡᠭᠡᠯ ᠤᠨ ᠠᠮᠢᠳᠤᠷᠠᠬᠤ | ᠴᠢᠳᠠᠮᠵᠢ ᠨᠢ ᠳᠤᠷᠤᠭᠰᠢᠯᠠᠨᠠ᠃ | ᠬᠤᠶᠠᠷ᠂ ᠡᠮᠨᠡᠬᠦ ᠪᠠ ᠰᠡᠷᠭᠡᠶᠢᠯᠡᠬᠦ | ᠬᠡᠷᠪᠡ ᠸᠠᠯᠠᠭᠰᠠᠨ ᠪᠤᠷᠳᠤᠭᠠᠨ ᠳᠤ ᠬᠤᠤᠷᠳᠠᠭᠳᠠᠪᠠᠯ ᠳᠠᠷᠤᠢ ᠳᠤᠨᠢ ᠸᠠᠯᠠᠭᠰᠠᠨ ᠪᠤᠷᠳᠤᠭᠠ ᠪᠠᠷ ᠳᠡᠵᠢᠭᠡᠬᠦ ᠪᠠᠨ | ᠵᠤᠭᠰᠤᠨᠠ᠃ | ᠬᠤᠤᠷᠳᠠᠭᠳᠠᠬᠰᠠᠨ ᠦᠬᠡᠷ ᠢ ᠡᠮᠴᠢᠯᠡᠬᠦ ᠳᠡᠭᠡᠨ ᠬᠤᠤᠷ ᠢ ᠨᠢ ᠳᠠᠶᠢᠯᠵᠤ᠂ ᠭᠠᠳᠠᠭᠰᠢᠯᠠᠭᠤᠯᠬᠤ ᠵᠠᠷᠴᠢᠮ ᠢ | ᠪᠠᠷᠢᠮᠳᠠᠯᠠᠨᠠ᠃ ᠬᠤᠭᠤᠯᠠᠨ ᠳᠠᠪᠤᠰᠤ 200 — 300 ᠭᠷᠡᠮ ᠢ ᠤᠰᠤᠨ ᠳᠤ ᠠᠭᠤᠰᠬᠠᠭᠠᠳ ᠴᠢᠳᠬᠤᠨᠠ᠃ | ᠡᠰᠡᠭᠦᠯᠡ ᠬᠦᠬᠦᠷ ᠬᠦᠴᠢᠯ ᠤᠨ ᠮᠠᠬᠨᠢ ᠶᠢᠨ 50% ᠶᠢᠨ ᠦᠵᠦᠮ ᠤᠨ ᠰᠢᠬᠢᠷ ᠤᠨ ᠠᠭᠤᠰᠤᠮᠠᠯ 500 — | 1000 ᠮᠢᠯᠢᠯᠢᠲᠷ᠂ ᠬᠤᠯᠢᠮᠠᠭ ᠨᠠᠶᠢᠷᠠᠯᠭᠠᠳᠤ ᠾᠧᠯᠤᠷᠳᠤ ᠨᠠᠲᠷᠢ ᠶᠢᠨ ᠠᠭᠤᠰᠤᠮᠠᠯ 1000 — 2000 | ᠮᠢᠯᠢᠯᠢᠳ᠋ᠷ ᠤᠨ ᠳᠡᠭᠡᠷᠡ Vc 0.5 — 1 ᠭᠷᠡᠮ ᠢ ᠬᠤᠯᠢᠵᠤ ᠸᠧᠨᠡ ᠳᠤᠨᠢ ᠵᠡᠭᠦᠳᠡᠨᠡ᠃ ᠵᠢᠷᠦᠬᠡ | ᠰᠠᠶᠢᠵᠢᠷᠠᠭᠤᠯᠬᠤ ᠡᠮ ᠪᠤᠯᠬᠤ 25% ᠶᠢᠨ ᠨᠢ ᠺᠧ ᠱᠠ ᠮᠢ 20 — 30 ᠮᠢᠯᠢᠯᠢᠳ᠋ᠷ ᠢ ᠪᠤᠯᠴᠢᠩ ᠳᠤᠨᠢ | ᠵᠡᠭᠦᠳᠡᠨᠡ᠃ ᠡᠰᠡᠭᠦᠯᠡ 10% ᠶᠢᠨ ᠭᠠᠪᠦ᠋ᠷ ᠤᠨ ᠰᠦᠯᠫᠤᠨ ᠬᠦᠴᠢᠯ ᠤᠨ ᠨᠠᠲᠷᠢ ᠶᠢᠨ ᠵᠡᠭᠦᠳᠡᠬᠦ ᠰᠢᠩᠭᠡᠨ 30 | ᠮᠢᠯᠢᠯᠢᠳ᠋ᠷ ᠢ ᠪᠤᠯᠴᠢᠩ ᠳᠤᠨᠢ ᠵᠡᠭᠦᠳᠡᠨᠡ᠃ ᠳᠠᠶᠢᠪᠤᠰᠢᠷᠠᠭᠤᠯᠬᠤ ᠪᠠᠷ ᠳᠠᠪᠤᠰᠤᠨ ᠬᠦᠴᠢᠯ ᠤᠨ ᠾᠧᠯᠤᠷᠳᠤ | ᠫᠷᠤᠫᠢᠯᠽᠢᠨ 250 — 500 ᠮᠢᠯᠢᠭᠷᠡᠮ ᠢ ᠪᠤᠯᠴᠢᠩ ᠳᠤᠨᠢ ᠵᠡᠭᠦᠳᠡᠬᠦ ᠪᠤᠶᠤ 10% ᠶᠢᠨ ᠹᠷᠤᠮᠳᠤ ᠺᠠᠯᠼ | 200 — 300 ᠮᠢᠯᠢᠯᠢᠳ᠋ᠷ ᠢ ᠸᠧᠨᠠ ᠳᠤᠨᠢ ᠵᠡᠭᠦᠳᠡᠨᠡ᠃ ᠪᠤᠷᠳᠤᠭᠠ ᠪᠠᠨ ᠬᠤᠷᠢᠶᠠᠵᠤ ᠵᠦᠭᠡᠭᠡᠨ | ᠳᠡᠭᠡᠭᠡᠪᠦᠷᠢᠯᠡᠬᠦ᠂ ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠬᠠᠳᠠᠭᠠᠯᠠᠬᠤ ᠶᠠᠪᠤᠴᠠ ᠳᠤ ᠸᠠᠯᠠᠵᠤ ᠡᠪᠳᠡᠷᠡᠬᠦ ᠪᠠ ᠴᠢᠬᠢᠭᠳᠦᠬᠦ ᠠᠴᠠ | ᠰᠡᠷᠭᠡᠶᠢᠯᠡᠵᠤ ᠬᠡᠷᠪᠡ ᠸᠠᠯᠠᠵᠤ ᠢᠯᠵᠢᠷᠡᠭᠰᠡᠨ ᠪᠠᠶᠢᠪᠠᠯ ᠳᠠᠷᠤᠢ ᠳᠤᠨᠢ ᠳᠡᠯᠭᠡᠨ ᠬᠠᠳᠠᠭᠠᠵᠤ᠂ ᠰᠦᠷᠡᠬᠡᠢ ᠸᠠᠯᠠᠭᠰᠠᠨ | ᠪᠤᠷᠳᠤᠭᠠ ᠪᠠᠨ ᠬᠠᠶᠠᠬᠤ ᠬᠡᠷᠡᠭᠳᠡᠢ᠃ ᠪᠤᠷᠳᠤᠭᠠ ᠪᠠᠨ ᠳᠦᠯᠦᠪᠯᠡᠭᠡ ᠲᠠᠢ ᠬᠤᠳᠠᠯᠳᠤᠨ ᠠᠪᠴᠤ᠂ ᠤᠷᠳᠤ | ᠬᠤᠭᠤᠴᠠᠭᠠ ᠪᠠᠷ ᠤᠪᠤᠭᠠᠯᠠᠵᠤ ᠬᠠᠳᠠᠭᠠᠯᠠᠬᠤ ᠠᠴᠠ ᠵᠠᠶᠢᠯᠠᠰᠬᠢᠨᠡ᠃ ︵ᠰᠢᠨᠵᠢᠯᠡᠬᠦ︶ |