| ᠮᠢᠨᠦ ᠡᠵᠢ ᠤᠶᠢᠷᠠ ᠬᠠᠷᠠᠭᠠ ᠲᠠᠢ ᠤᠴᠢᠷ ᠠᠴᠠ ᠦᠷᠭᠦᠯᠵᠢ ᠨᠢᠳᠦᠨ ᠰᠢᠯ ᠵᠡᠭᠦᠵᠤ ᠶᠠᠪᠤᠳᠠᠭ᠃ | ᠲᠤᠮᠳᠠ ᠶᠢᠨ ᠪᠡᠶᠡ ᠲᠠᠢ᠂ ᠦᠰᠦ ᠪᠠᠨ ᠠᠷᠪᠠᠶᠢᠵᠤ ᠰᠠᠷᠪᠠᠶᠢᠳᠠᠯᠠ ᠠᠳᠤᠷᠢᠭᠤᠯᠬᠤ ᠲᠤᠷᠠᠳᠠᠢ ᠴᠡᠪᠡᠷ ᠴᠡᠮᠴᠡᠭᠡᠷ ᠡᠭᠡᠯ | ᠵᠢᠷ ᠤᠨ ᠰᠤᠪᠢᠯᠠᠭᠴᠢ ᠶᠤᠮ ᠰᠠᠨ᠃ ᠡᠵᠢ ᠮᠢᠨᠢ ᠠᠵᠢᠯᠰᠠᠭ ᠮᠦᠷᠳᠡᠭᠡᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠲᠠᠮᠢᠷᠯᠢᠭ | ᠮᠤᠩᠭᠤᠯ ᠪᠦᠰᠡᠭᠦᠢ ᠶᠤᠮ᠃ ᠡᠵᠢ ᠮᠢᠨᠢ ᠪᠠᠴᠢᠮ ᠶᠠᠭᠠᠷᠠᠤ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠵᠤ ᠭᠡᠷ ᠲᠤ ᠬᠠᠷᠢᠵᠤ ᠢᠷᠡᠪᠡᠯ | ᠠᠮᠳᠠᠳᠤ ᠬᠤᠭᠤᠯᠠ ᠤᠮᠳᠠ ᠪᠡᠯᠡᠳᠭᠡᠨ᠂ ᠦᠷᠡ ᠨᠠᠳᠠ ᠳᠤ ᠪᠠᠨ ᠰᠠᠶᠢᠨ ᠢ ᠢᠳᠡᠭᠦᠯᠬᠦ ᠪᠠᠷ ᠴᠢᠷᠮᠠᠶᠢᠳᠠᠭ᠂ ᠪᠠᠰᠠ | ᠮᠢᠨᠦ ᠪᠤᠵᠠᠷ ᠪᠤᠷᠳᠠᠭ ᠪᠤᠯᠤᠭᠰᠠᠨ ᠬᠤᠪᠴᠠᠰᠤ ᠬᠤᠨᠠᠷ ᠢ ᠤᠬᠢᠶᠠᠵᠤ ᠴᠡᠪᠡᠷᠯᠡᠬᠦ ᠶᠢᠨ ᠲᠠᠭᠠᠤ ᠨᠠᠳᠠ ᠳᠤ ᠠᠯᠳᠠᠷᠳᠤ | ᠬᠦᠮᠦᠰ ᠤᠨ ᠦᠯᠢᠭᠡᠷ ᠤᠳ ᠠᠴᠠ ᠶᠠᠷᠢᠵᠤ ᠦᠭᠳᠡᠭ᠃ ︽ᠬᠦᠮᠦᠨ ᠪᠤᠯᠬᠤ ᠳᠤ ᠪᠠᠭᠠ ᠠᠴᠠ ᠪᠠᠨ᠂ ᠬᠦᠯᠦᠭ | ᠪᠤᠯᠬᠤ ᠳᠤ ᠣᠨᠠᠭᠠᠨ ᠠᠴᠠ ᠪᠠᠨ︾ ᠰᠢᠦ ᠭᠡᠵᠦ᠂ ᠡᠵᠢ ᠮᠢᠨᠢ ᠬᠡᠤᠬᠡᠨ ᠨᠠᠳᠠ ᠳᠤ ᠪᠠᠨ ︽ᠠᠷᠢᠭᠤᠨ ᠴᠡᠪᠡᠷ ᠢ | ᠡᠷᠬᠢᠮᠯᠡᠬᠦ᠂ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠤ ᠪᠠᠨ ᠰᠢᠮᠳᠠᠬᠤ᠂ ᠪᠠᠭᠰᠢ ᠠᠬᠠᠮᠠᠳ ᠢᠶᠠᠨ ᠬᠦᠨᠳᠦᠳᠭᠡᠬᠦ ᠁︾ ᠣᠯᠠᠨ | ᠣᠯᠠᠨ ᠬᠦᠮᠦᠨ ᠪᠤᠯᠬᠤ ᠶᠤᠰᠤ ᠶᠢ ᠵᠠᠬᠢᠵᠤ ᠰᠤᠷᠭᠠᠭᠰᠠᠨ ᠶᠤᠮ᠃ | ᠡᠵᠢ ᠶᠢᠨ ᠮᠢᠨᠢ ᠢᠩᠭᠢᠵᠤ ᠠᠵᠢᠯ ᠠᠮᠢᠳᠤᠷᠠᠯ ᠭᠡᠵᠦ ᠵᠢᠳᠭᠦᠨ ᠴᠢᠷᠮᠠᠶᠢᠵᠤ ᠶᠠᠪᠤᠭᠠ ᠶᠢ ᠪᠢ ᠠᠷᠪᠠ | ᠬᠦᠷᠦᠭᠡᠳ ᠰᠠᠶ᠋ᠢ ᠠᠭᠠᠵᠢᠮ ᠢᠶᠠᠷ ᠤᠶᠢᠯᠠᠭᠠᠵᠤ ᠮᠡᠳᠡᠭᠰᠡᠨ ᠶᠤᠮ᠃ ᠨᠢᠭᠡᠨ ᠭᠠᠷᠠᠭ ᠤᠨ ᠠᠮᠠᠷᠠᠯᠳᠠ ᠶᠢᠨ ᠡᠳᠦᠷ | ᠪᠢᠯᠡ᠃ ᠡᠵᠢ ᠶᠢᠨ ᠮᠢᠨᠢ ᠠᠵᠢᠯ ᠤᠨ ᠡᠭᠡᠯᠵᠢ ᠪᠤᠯᠬᠤᠷ ᠠᠮᠠᠷᠠᠭᠰᠠᠨ ᠦᠭᠡᠢ᠃ ᠢᠩᠭᠢᠵᠤ ᠭᠠᠷᠠᠭ ᠤᠨ ᠠᠮᠠᠷᠠᠯᠳᠠ | ᠦᠭᠡᠢ ᠤᠳᠠᠭᠠ ᠡᠵᠢ ᠳᠤ ᠮᠢᠨᠢ ᠣᠯᠠᠨ ᠲᠤᠬᠢᠶᠠᠯᠳᠤᠳᠠᠭ ᠮᠦᠷᠳᠡᠭᠡᠨ ᠠᠪᠤ ᠮᠢᠨᠢ ᠴᠦ ᠰᠤᠮᠤ ᠲᠠᠭᠡᠷᠠ | ᠠᠵᠢᠯ ᠲᠠᠢ ᠠᠴᠠ ᠮᠠᠰᠢ ᠶᠠᠭᠠᠷᠠᠤ ᠪᠤᠯᠬᠤᠷ ᠪᠢ ᠤᠯᠠᠩᠬᠢ ᠭᠠᠷᠠᠭ ᠲᠤ ᠭᠠᠭᠴᠠᠭᠠᠷ ᠢᠶᠠᠨ ᠭᠡᠷ ᠢᠶᠠᠨ ᠰᠠᠬᠢᠵᠤ | ᠰᠠᠭᠤᠭᠰᠠᠭᠠᠷ ᠨᠢᠭᠡᠮᠦᠰᠦᠨ ᠬᠠᠰᠢᠷᠠᠵᠤ᠂ ᠡᠨᠡ ᠭᠠᠷᠠᠭ ᠤᠨ ᠠᠮᠠᠷᠠᠯᠳᠠ ᠳᠤ ᠵᠠᠪᠠᠯ ᠡᠵᠢ ᠶᠢ ᠲᠠᠭᠠᠵᠤ ᠤᠴᠢᠬᠤ | ᠭᠡᠬᠦ ᠳᠤ᠂ ᠡᠵᠢ ᠮᠢᠨᠢ ᠠᠵᠢᠯ ᠨᠢ ᠶᠠᠭᠠᠷᠠᠤ᠂ ᠨᠠᠳᠠ ᠶᠢ ᠬᠠᠷᠠᠭᠠᠯᠵᠠᠵᠤ ᠲᠠᠶᠢᠯᠬᠦ ᠦᠭᠡᠢ ᠭᠡᠳ ᠲᠠᠭᠠᠭᠤᠯᠬᠤ ᠲᠤᠷᠠ | ᠦᠭᠡᠢ ᠪᠠᠶᠢᠯᠠ᠃ ᠭᠡᠪᠡᠴᠦ ᠪᠢ ᠵᠠᠪᠠᠯ ᠲᠠᠭᠠᠨᠠ ᠭᠡᠬᠦᠯᠡᠷ ᠠᠷᠭᠠ ᠪᠤᠰᠤ ᠡᠵᠢ ᠮᠢᠨᠢ ᠨᠠᠳᠠ ᠶᠢ ᠲᠠᠭᠠᠭᠤᠯᠤᠨ | ᠶᠠᠪᠤᠵᠤ ᠨᠢᠭᠡ ᠵᠢᠵᠢᠭ ᠰᠢᠷᠡᠭᠡ ᠰᠠᠨᠳᠠᠯᠢ ᠣᠯᠵᠤ ᠰᠠᠭᠤᠯᠭᠠᠵᠤ᠄ ︽ᠬᠡᠤᠬᠡᠨ ᠮᠢᠨᠢ ᠲᠤᠮᠤᠭᠠᠳᠠᠢ ᠰᠠᠭᠤᠵᠤ | ᠲᠠᠰᠬᠠᠯ ᠢᠶᠠᠨ ᠬᠢᠭᠡᠷᠡᠢ︕︾ ᠭᠡᠵᠦ ᠵᠠᠬᠢᠵᠤ ᠦᠪᠡᠷ ᠤᠨ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠰᠡᠨ ᠪᠠᠶᠢᠯᠠ᠃ ᠡᠨᠡ ᠡᠳᠦᠷ ᠨᠢ | ᠲᠦᠴᠢ ᠭᠠᠷᠤᠢ ᠡᠪᠡᠳᠴᠢᠳᠡᠨ ᠪᠠᠶᠢᠵᠤ᠂ ᠡᠵᠢ ᠭᠠᠭᠴᠠᠭᠠᠷ ᠢᠶᠠᠨ ᠰᠤᠪᠢᠯᠠᠨ ᠭᠦᠶᠦᠭᠡ ᠪᠠᠷ ᠶᠠᠪᠤᠨᠠ᠃ ᠪᠢ᠄ ︽ | ᠡᠵᠢ ᠡ᠂ ᠲᠠ ᠡᠳᠦᠷᠵᠢᠨ ᠠᠵᠢᠯᠯᠠᠬᠤ ᠪᠠᠷ ᠢᠷᠡᠪᠡᠯ ᠪᠦᠷ ᠡᠶᠢᠮᠦ ᠶᠠᠭᠠᠷᠠᠤ ᠶᠤᠮ ᠤᠤ︖︾ ᠭᠡᠬᠦ ᠳᠤ᠂ ᠡᠵᠢ | ᠮᠢᠨᠢ᠄ ︽ᠪᠠᠷᠤᠭ ᠯᠡ ᠡᠶᠢᠮᠦ ᠶᠠᠭᠠᠷᠠᠤ ᠡ︾ ᠭᠡᠵᠦ ᠬᠠᠷᠮᠠᠨ ᠠᠴᠠ ᠪᠠᠨ ᠭᠠᠷ ᠤᠨ ᠠᠯᠴᠢᠭᠤᠷ ᠢᠶᠠᠨ ᠭᠠᠷᠭᠠᠵᠤ | ᠨᠢᠭᠡ ᠭᠠᠷ ᠢᠶᠠᠷ ᠢᠶᠠᠨ ᠬᠦᠯᠦᠰᠤ ᠪᠠᠨ ᠵᠦᠯᠭᠦᠬᠦ ᠶᠢᠨ ᠬᠠᠮᠳᠤ᠂ ᠨᠦᠭᠦᠭᠡ ᠭᠠᠷ ᠨᠢ ᠮᠥᠨ ᠡᠪᠡᠳᠴᠢᠳᠡᠨ ᠤ | ᠡᠮ ᠢ ᠨᠢ ᠰᠤᠯᠢᠵᠤ ᠦᠭᠬᠦ ᠭᠡᠳ ᠡᠮ ᠤᠨ ᠯᠤᠩᠬᠤ ᠶᠢ ᠨᠢ ᠲᠡᠮᠳᠡᠷᠬᠢᠯᠠᠵᠦ ᠪᠠᠶᠢᠯᠠ᠃ ᠡᠵᠢ ᠶᠢᠨ ᠡᠶᠢᠮᠦ ᠶᠠᠭᠠᠷᠠᠤ | ᠠᠵᠢᠯᠯᠠᠵᠤ ᠪᠠᠶᠢᠬᠤ ᠶᠢ ᠪᠢ ᠨᠢᠳᠦ ᠪᠠᠷ ᠢᠶᠠᠨ ᠬᠠᠷᠠᠭᠠᠳ ᠶᠡᠭᠡ ᠯᠠ ᠦᠷᠦ ᠡᠪᠡᠳᠤᠯᠠ᠃ ᠡᠵᠢ ᠮᠢᠨᠢ ᠡᠶᠢᠮᠦ ᠶᠠᠭᠠᠷᠠᠤ | ᠪᠠᠶᠢᠬᠤ ᠳᠤ ᠪᠢ ᠪᠠᠰᠠ ᠶᠠᠭᠤᠨ ᠳᠤ ᠡᠵᠢ ᠶᠢᠨ ᠢᠶᠠᠨ ᠦᠭᠡ ᠶᠢ ᠰᠤᠨᠤᠰᠬᠤ ᠦᠭᠡᠢ ᠵᠦᠷᠢᠭᠦᠳᠯᠡᠭᠡᠳ ᠪᠠᠶᠢᠯᠠ ᠳ᠋ᠠ ᠁ | ᠬᠡᠮᠡᠨ ᠬᠠᠷᠠᠮᠰᠠᠵᠤ ᠨᠢᠳᠦᠨ ᠠᠴᠠ ᠮᠢᠨᠢ ᠵᠠᠶᠢᠷ ᠭᠦᠶᠦᠯᠭᠡᠨᠡᠨ᠄ ︽ᠡᠵᠢ ᠡ᠂ ᠪᠢ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠰᠠᠶᠢᠬᠠᠨ | ᠬᠠᠷᠠᠭᠠᠯᠵᠠᠵᠤ ᠴᠢᠳᠠᠨᠠ᠃ ᠲᠠ ᠮᠢᠨᠦ ᠲᠦᠯᠦᠭᠡ ᠵᠤᠪᠠᠭ᠋ᠤ ᠬᠡᠷᠡᠭ ᠦᠭᠡᠢ᠂ ᠦᠪᠡᠷ ᠤᠨ ᠠᠵᠢᠯ ᠢᠶᠠᠨ ᠰᠠᠶᠢᠬᠠᠨ | ᠬᠢᠴᠢᠬᠡ︾ ᠭᠡᠵᠦ ᠶᠠᠷᠢᠬᠤ ᠶᠢ ᠰᠤᠨᠤᠰᠤᠭᠠᠳ ᠡᠵᠢ ᠮᠢᠨᠢ᠄ ︽ᠮᠢᠨᠦ ᠬᠡᠤᠬᠡᠨ ᠤᠬᠠᠭᠠᠵᠢᠵᠤ ᠪᠠᠶᠢᠨᠠ᠂ ᠡᠶᠢᠮᠦ | ᠤᠬᠠᠭᠠᠯᠢᠭ ᠬᠡᠤᠬᠡᠨ ᠲᠠᠢ ᠳᠤ ᠪᠠᠨ ᠡᠵᠢ ᠨᠢ ᠤᠮᠤᠭᠰᠢᠵᠤ ᠪᠠᠶᠢᠨᠠ︾ ᠭᠡᠵᠦ ᠮᠠᠭᠳᠠᠨ ᠶᠠᠷᠢᠬᠤ ᠳᠤ ᠴᠢᠷᠠᠢ ᠳᠤ ᠨᠢ | ᠪᠠᠶᠠᠷ ᠤᠨ ᠮᠦᠰᠢᠶᠡᠳᠦ ᠲᠤᠳᠤᠷᠠᠵᠤ ᠪᠠᠶᠢᠯᠠ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠪᠢ ᠲᠠᠬᠢᠵᠤ ᠡᠵᠢ ᠶᠢ ᠪᠠᠨ ᠠᠵᠢᠯᠯᠠᠵᠤ | ᠪᠠᠶᠢᠬᠤ ᠦᠶᠡ ᠳᠤ ᠲᠠᠭᠠᠨᠠ ᠭᠡᠵᠦ ᠵᠤᠪᠠᠭᠠᠭᠰᠠᠨ ᠦᠭᠡᠢ ᠮᠦᠷᠳᠡᠭᠡᠨ ᠪᠡᠶᠡ ᠪᠠᠨ ᠲᠠᠭᠠᠭᠠᠵᠤ ᠠᠮᠢᠳᠤᠷᠠᠵᠤ | ᠰᠤᠷᠤᠯᠴᠠᠬᠤ ᠪᠠᠷ ᠵᠤᠷᠢᠭ ᠰᠢᠭᠤᠳᠴᠤ ᠴᠢᠷᠮᠠᠶᠢᠭᠰᠠᠨ ᠪᠢᠯᠡ᠃ | ᠵᠠ᠂ ᠦᠷᠡ ᠬᠡᠤᠬᠡᠳ ᠪᠤᠯᠤᠭᠰᠠᠳ ᠪᠢᠳᠡ ᠡᠵᠢ ᠠᠪᠤ ᠶᠢᠨ ᠢᠶᠠᠨ ᠶᠠᠳᠠᠷᠠᠯ ᠵᠦᠳᠡᠷᠡᠯ ᠢ ᠨᠢ ᠤᠶᠢᠯᠠᠭᠠᠵᠤ᠂ | ᠬᠠᠶᠢᠷᠠ ᠰᠤᠷᠭᠠᠯ ᠢ ᠨᠢ ᠴᠡᠭᠡᠵᠢᠯᠡᠨ ᠠᠴᠢ ᠶᠢ ᠨᠢ ᠬᠠᠷᠢᠭᠤᠯᠠᠬᠤ ᠪᠠᠷ ᠴᠢᠷᠮᠠᠶᠢᠪᠠᠯ ᠵᠤᠬᠢᠨᠠ ᠳ᠋ᠠ᠃ ᠪᠢ | ᠡᠵᠢ ᠶᠢᠨ ᠢᠶᠠᠨ ᠠᠴᠢ ᠶᠢ ᠬᠠᠷᠢᠭᠤᠯᠠᠬᠤ ᠪᠠᠷ ᠴᠢᠩᠭᠠ ᠪᠤᠳᠤᠵᠤ ᠶᠠᠪᠤᠯᠠ᠃ ᠤᠳᠠᠯ ᠦᠭᠡᠢ ᠡᠵᠢ ᠶᠢᠨ ᠮᠢᠨᠢ | ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠪᠠᠶᠠᠷ ᠪᠤᠯᠤᠨᠠ ᠳ᠋ᠠ᠂ ᠪᠢ ᠡᠵᠢ ᠳᠤ ᠪᠠᠨ ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠪᠤᠭᠤᠷᠰᠤᠭ ᠠᠪᠴᠤ | ᠦᠭᠭᠦᠶᠡ ᠭᠡᠬᠦ ᠳᠤ ᠡᠵᠢ ᠮᠢᠨᠢ ᠡᠭᠦᠨ ᠢ ᠢᠳᠡᠬᠦ ᠲᠤᠷᠠ ᠦᠭᠡᠢ᠂ ᠶᠠᠭᠠᠬᠢᠳᠠᠭ ᠪᠢᠯᠡ︖ ᠭᠡᠨᠡᠳᠳᠡ ᠡᠵᠢ ᠶᠢᠨ | ᠡᠮᠦᠰᠬᠦ ᠲᠤᠷᠠᠳᠠᠢ ᠴᠠᠭᠠᠨ ᠲᠡᠪᠡᠯ ᠨᠢ ᠬᠠᠭᠤᠴᠢᠨ ᠪᠤᠯᠤᠭᠰᠠᠨ ᠢ ᠨᠢ ᠪᠤᠳᠣᠵᠤ ᠣᠯᠤᠭᠠᠳ᠂ ᠮᠢᠨᠦ ᠦᠪᠡᠷ ᠤᠨ | ᠴᠤᠭᠯᠠᠭᠤᠯᠤᠭᠰᠠᠨ ᠰᠤᠯᠠ ᠵᠠᠷᠤᠳᠠᠯ ᠤᠨ ᠵᠤᠭᠤᠰ ᠭᠦᠢᠴᠡᠬᠦ ᠦᠭᠡᠢ ᠪᠤᠯᠬᠤᠷ ᠠᠪᠤ ᠶᠢ ᠭᠤᠶᠤᠵᠤ ᠪᠠᠶᠢᠭᠠᠳ ᠵᠤᠭᠤᠰ | ᠨᠡᠮᠡᠭᠦᠯᠵᠦ᠂ ᠡᠵᠢ ᠳᠤ ᠪᠠᠨ ᠵᠠᠭᠤ ᠲᠠᠪᠢᠨ ᠲᠦᠭᠦᠷᠢᠭ ᠤᠨ ᠴᠠᠭᠠᠨ ᠦᠩᠭᠡᠳᠡᠢ ᠭᠤᠶᠤ ᠲᠡᠪᠡᠯ ᠠᠪᠴᠦ ᠦᠭᠭᠦᠭᠡᠳ | ᠨᠢᠭᠤᠵᠤ ᠲᠠᠯᠪᠢᠯᠠ᠃ | ᠡᠵᠢ ᠶᠢᠨ ᠮᠢᠨᠢ ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠪᠠᠶᠠᠷ ᠪᠤᠯᠤᠯᠠ᠃ ᠡᠵᠢ ᠮᠢᠨᠢ ᠪᠠᠰᠠ ᠯᠡ ᠠᠵᠢᠯᠯᠠᠵᠤ ᠭᠡᠷ ᠲᠤ | ᠰᠠᠭᠤᠭᠰᠠᠨ ᠦᠭᠡᠢ᠂ ᠣᠷᠤᠢ ᠨᠢ ᠬᠠᠷᠢᠵᠤ ᠢᠷᠡᠬᠦ ᠳᠤ ᠪᠢ᠄ ︽ᠡᠵᠢ ᠡ᠂ ᠦᠨᠦᠳᠦᠷ ᠲᠠ ᠵᠦᠳᠡᠷᠡᠯᠠ ᠰᠢᠦ᠂ | ᠪᠠᠭ᠋ᠠᠨ ᠰᠠᠭᠤᠵᠤ ᠠᠮᠠᠷᠠᠭᠠᠷᠠᠢ︕︾ ᠭᠡᠵᠦ ᠪᠢᠴᠢᠬᠠᠨ ᠨᠢᠳᠤᠷᠭᠠ ᠪᠠᠷ ᠢᠶᠠᠨ ᠨᠢᠷᠤᠭᠤ ᠶᠢ ᠨᠢ ᠬᠦᠩᠭᠡᠬᠡᠨ ᠰᠢᠭᠠᠵᠤ | ᠶᠠᠳᠠᠷᠠᠭᠠ ᠶᠢ ᠨᠢ ᠲᠠᠶᠢᠯᠵᠤ ︽ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠪᠠᠶᠠᠷ ᠢ ᠴᠢᠨᠢ ᠪᠡᠯᠭᠡᠯᠡᠶᠡ ᠁︾ ᠭᠡᠵᠦ ᠲᠠᠭᠤᠯᠠᠵᠤ | ᠡᠬᠢᠯᠡᠬᠦ ᠳᠤ᠂ ᠡᠵᠢ ᠮᠢᠨᠢ ᠰᠤᠨᠤᠰᠴᠤ ᠪᠠᠶᠢᠭᠰᠠᠭᠠᠷ ︽ᠬᠡᠦᠬᠡᠨ ᠮᠢᠨᠢ ᠲᠤᠮᠤᠭᠠᠵᠢᠵᠤ ᠪᠠᠶᠢᠨᠠ᠂ ᠡᠵᠢ ᠨᠢ ᠠᠵᠢᠯ | ᠭᠡᠵᠦ ᠮᠤᠩᠭᠠᠨᠢᠭᠰᠠᠭᠠᠷ ᠲᠦᠷᠦᠭᠰᠡᠨ ᠡᠳᠦᠷ ᠢᠶᠠᠨ ᠴᠦ ᠮᠠᠷᠳᠠᠴᠢᠬᠠᠯᠠ︾ ᠭᠡᠵᠦ ᠨᠢᠯᠪᠤᠰᠤ ᠪᠠᠨ ᠪᠦᠮᠪᠦᠷᠢᠭᠦᠯᠴᠢᠬᠡᠯᠡ᠃ | ᠪᠢ᠄ ︽ᠡᠵᠢ ᠡ᠂ ᠬᠡᠷᠪᠡ ᠮᠢᠨᠦ ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠪᠠᠶᠠᠷ ᠪᠤᠯᠤᠭᠰᠠᠨ ᠪᠣᠯ ᠲᠠ ᠪᠠᠰᠠ ᠮᠠᠷᠳᠠᠬᠤ ᠤᠤ︖︾ | ᠭᠡᠵᠦ ᠱᠤᠭᠯᠠᠨ ᠬᠡᠯᠡᠬᠦ ᠳᠤ᠂ ᠡᠵᠢ ᠮᠢᠨᠢ ᠨᠢᠯᠪᠤᠰᠤ ᠪᠠᠨ ᠬᠤᠷᠢᠭᠯᠠᠨ᠄ ︽ᠡᠵᠢ ᠨᠢ ᠬᠡᠵᠢᠶᠡ ᠬᠠᠮᠢᠭᠠ ᠶᠠᠪᠤᠵᠤ | ᠪᠠᠶᠢᠪᠠᠴᠤ ᠦᠷᠡ ᠴᠢᠮᠠ ᠶᠢ ᠪᠠᠨ ᠪᠤᠳᠤᠵᠤ ᠯᠡ ᠪᠠᠶᠢᠨᠠ᠂ ᠨᠡᠩ ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠴᠢᠨᠢ ᠪᠠᠶᠠᠷ ᠢ ᠬᠡᠷᠬᠢᠨ | ᠮᠠᠷᠳᠠᠬᠤ ᠪᠢᠯᠡ︖︾ ᠭᠡᠵᠦ ᠠᠮᠢᠨᠳᠠᠢ ᠪᠤᠯᠤᠭᠰᠠᠨ ᠨᠠᠳᠠ ᠶᠢ ᠪᠠᠨ ᠡᠨᠡᠷᠢᠩᠬᠡᠨ ᠰᠢᠷᠳᠡᠨᠡ᠃ ᠲᠡᠭᠡᠭᠡᠳ ᠪᠢ ᠪᠡᠯᠡᠭ | ᠪᠤᠯᠭᠠᠨ ᠠᠪᠴᠦ ᠦᠭᠭᠦᠭᠰᠡᠨ ᠭᠤᠶᠤ ᠲᠡᠪᠡᠯ ᠢᠶᠠᠨ ᠭᠠᠷᠭᠠᠵᠤ ᠦᠭᠬᠦ ᠳᠤ ᠡᠵᠢ ᠮᠢᠨᠢ ᠡᠮᠦᠰᠬᠦ ᠳᠤ ᠪᠡᠶᠡ ᠳᠤ ᠨᠢ | ᠶᠠᠪ ᠴᠠᠪ ᠲᠤᠬᠢᠷᠠᠵᠤ ᠨᠡᠩ ᠭᠤᠶᠤ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ | ᠬᠦᠭᠡᠷᠦᠬᠦᠢ ᠡᠵᠢ ᠮᠢᠨᠢ ᠬᠦᠮᠦᠨ ᠤ ᠰᠠᠶᠢᠬᠠᠨ ᠬᠤᠷᠸᠠ ᠶᠤᠮ ᠰᠠᠨ᠂ ᠬᠡᠦᠬᠡᠨ ᠨᠠᠳᠠ ᠳᠤ ᠪᠠᠨ ᠨᠠᠷᠠ ᠶᠤᠮ | ᠰᠠᠨ᠃ ᠦᠷᠡ ᠨᠠᠳᠠ ᠶᠢ ᠪᠠᠨ ︽ᠦᠵᠡᠬᠦ ᠨᠢᠳᠦᠨ ᠤ ᠪᠠᠨ ᠴᠡᠴᠡᠬᠡᠢ᠂ ᠦᠨᠦᠰᠬᠦ ᠬᠠᠮᠠᠷ ᠤᠨ ᠢᠶᠠᠨ ᠵᠠᠭᠠᠷ︾ ᠮᠡᠳᠦ | ᠬᠠᠶᠢᠷᠠᠯᠠᠵᠤ ᠰᠠᠨᠠᠵᠤ ᠶᠠᠪᠤᠭᠠ ᠶᠤᠮ᠃ ᠡᠵᠢ ᠡ᠂ ᠲᠠ ᠵᠦᠳᠡᠷᠡᠯᠡ︕ ᠲᠠ ᠪᠣᠯ ᠡᠨᠡ ᠲᠡᠯᠡᠬᠡᠢ ᠶᠢᠨ ᠠᠭᠤᠤ ᠶᠡᠭᠡ | ᠮᠤᠩᠭᠤᠯ ᠡᠬᠡ ᠶᠢᠨ ᠨᠢᠭᠡ ᠨᠢ ᠶᠤᠮ᠃ ᠦᠷᠡ ᠴᠢᠨᠢ ᠪᠢ ᠬᠦᠴᠦᠯᠡᠨ ᠴᠢᠷᠮᠠᠶᠢᠵᠤ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠲᠠᠢ | ᠲᠠᠮᠢᠷᠯᠢᠭ ᠮᠤᠩᠭᠤᠯ ᠬᠡᠦᠬᠡᠨ ᠪᠤᠯᠵᠤ ᠲᠠᠨ ᠤ ᠪᠠᠨ ᠠᠴᠢ ᠶᠢ ᠬᠠᠷᠢᠭᠤᠯᠵᠤ ᠶᠠᠪᠤᠨᠠ ᠳ᠋ᠠ᠃ ᠵᠤᠬᠢᠶᠠᠭᠴᠢ᠄ ᠸᠧᠢ | ᠸᠧᠢ ︵ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠨᠠᠭᠤᠷ ᠭᠤᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠪᠤ ᠶᠢᠨ ᠨᠢᠭᠡ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠬᠦᠪᠴᠢᠨ | |