| ᠬᠦᠳᠡᠭᠡ ᠨᠤᠳᠤᠭ ᠤᠨ ᠴᠠᠭᠠᠨ ᠰᠠᠷᠠ ᠶᠢ ᠦᠩᠭᠡᠷᠡᠬᠦᠯᠬᠦ ᠵᠠᠩᠰᠢᠯ ᠭᠡᠳᠦ᠋ᠢᠪᠡᠷ ᠬᠤᠳᠠ ᠭᠠᠵᠠᠷ ᠲᠠᠢ ᠠᠳᠠᠯᠢ | ᠲᠠᠶᠢᠮᠤ ᠬᠦᠷ ᠬᠦᠭᠵᠢᠶᠠᠨ ᠦᠭᠡᠢ ᠪᠤᠯᠪᠠᠴᠤ ᠦᠪᠡᠷ ᠤᠨ ᠭᠡᠰᠡᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ ᠡ᠃ ᠵᠢᠯ ᠴᠠᠭᠠᠨ ᠰᠠᠷᠠ | ᠬᠦᠷᠴᠤ ᠢᠷᠡᠬᠦ ᠳᠤ ᠨᠤᠳᠤᠭ ᠤᠨ ᠮᠠᠯᠴᠢᠳ ᠤᠨ ᠮᠢᠨᠢ ᠴᠢᠷᠠᠢ ᠪᠠᠶᠠᠷ ᠢᠶᠠᠷ ᠪᠢᠯᠬᠠᠨᠠ᠃ ᠰᠢᠨᠠ ᠵᠢᠯ ᠴᠠᠭᠠᠨ ᠰᠠᠷᠠ | ᠭᠡᠵᠤ ᠮᠠᠨ ᠤ ᠭᠡᠤᠭᠡᠳ ᠪᠠᠭᠠᠴᠤᠳ ᠲᠤ ᠠᠪᠴᠤ ᠭᠡᠯᠡᠪᠡᠯ ᠨᠢᠭᠡ ᠵᠢᠯ ᠤᠨ ᠬᠠᠮᠤᠭ ᠪᠠᠶᠠᠷ ᠵᠢᠷᠭᠠᠯ ᠲᠠᠢ ᠦᠶᠠ ᠪᠢᠯᠠ | ᠃ ᠪᠢ ᠴᠤ ︽ᠡᠳᠤᠷ ᠪᠦᠷᠢ ᠴᠠᠭᠠᠨ ᠰᠠᠷᠠ ᠪᠤᠯᠤᠭᠠᠰᠠᠢ︾ ᠭᠡᠵᠤ ᠬᠦᠰᠡᠳᠡᠭ᠃ ᠦᠨᠤ ᠴᠤ ᠭᠡᠰᠡᠨ ᠢᠩᠬᠢᠵᠤ | ᠪᠤᠳᠤᠳᠠᠭ᠃ ᠨᠠᠳᠠ ᠲᠠᠢ ᠠᠳᠠᠯᠢ ᠪᠠᠷ ᠮᠠᠰᠢ ᠤᠯᠠᠨ ᠭᠡᠤᠭᠡᠳ ᠪᠠᠭᠠᠴᠤᠳ ᠴᠤ ᠢᠩᠬᠢᠵᠤ ᠪᠤᠳᠤᠳᠠᠭ ᠪᠠᠶᠢᠬᠠ︕ | ᠡᠨᠡ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠭᠡᠵᠤ ᠠᠰᠢᠬᠦᠢ ᠰᠠᠶᠢᠬᠨ ᠪᠠᠶᠢᠯᠠ᠃ | ᠠᠪᠤ ᠡᠵᠢ ᠪᠢᠳᠠ ᠭᠤᠷᠪᠠ ᠨᠠᠷᠠ ᠠᠴᠠ ᠡᠷᠳᠡᠯᠠᠨ ᠪᠤᠰᠴᠤ᠂ ᠪᠢ ᠭᠡᠷ ᠢᠶᠠᠨ ᠬᠢᠯᠠ ᠴᠢᠯᠠ ᠴᠡᠪᠡᠷᠯᠠᠨ᠂ ᠡᠵᠢ | ᠴᠠᠢ ᠴᠢᠨᠠᠵᠤ ᠶᠠᠭᠠᠷᠠᠯᠠ᠃ ᠡᠷᠳᠡᠨ ᠴᠠᠢ ᠶᠢᠨ ᠲᠠᠷᠠᠭᠠ ᠪᠢᠳᠠ ᠭᠤᠷᠪᠠ ᠮᠤᠩᠭᠤᠯ ᠲᠡᠷᠯᠢᠭ ᠢᠶᠠᠨ ᠡᠮᠤᠰᠴᠤ | ᠭᠤᠶᠤᠯᠠᠵᠤ ᠡᠬᠢᠯᠠᠯᠠ᠃ ᠠᠪᠤ ᠪᠢᠳᠠ ᠬᠤᠶᠠᠷ ᠠᠳᠠᠯᠢᠬᠠᠨ ᠬᠦᠭᠡ ᠦᠩᠭᠡ ᠶᠢᠨ ᠲᠡᠷᠯᠢᠭ ᠲᠠᠭᠡᠷᠠ ᠪᠠᠨ ᠰᠢᠷᠠ | ᠦᠩᠭᠡ ᠲᠠᠢ ᠪᠦᠰᠡ ᠲᠠᠭᠠᠷᠠᠭᠤᠯᠵᠤ᠂ ᠡᠵᠢ ᠨᠤᠭᠤᠭᠠᠨ ᠦᠩᠭᠡ ᠶᠢᠨ ᠬᠠᠯᠢᠮᠳᠠᠭ ᠴᠡᠩᠭᠡᠷ ᠪᠦᠰᠡ ᠪᠦᠰᠡᠯᠠᠨ | ᠬᠦᠵᠦᠬᠦᠨ ᠳᠡᠭᠡᠨ ᠴᠠᠭᠠᠨ ᠠᠯᠴᠢᠭᠤᠷ ᠤᠷᠢᠶᠠᠵᠤ᠂ ᠭᠡᠵᠢᠭᠡᠨ ᠳᠤ ᠪᠠᠨ ᠮᠦᠩᠭᠦᠨ ᠪᠢᠯ ᠤᠨᠵᠢᠭᠤᠯᠪᠠ᠃ ᠠᠪᠤ ᠡᠵᠢ | ᠬᠤᠤᠰ ᠬᠦᠷᠠᠩ ᠮᠤᠷᠢ ᠪᠠᠨ ᠤᠨᠤᠵᠤ᠂ ᠪᠢ ᠨᠤᠮᠤᠬᠠᠨ ᠬᠦᠷᠠᠩ ᠮᠤᠷᠢ ᠪᠠᠨ ᠤᠨᠤᠨ ᠡᠷᠳᠡ ᠶᠢᠨ ᠮᠦᠷ ᠭᠠᠷᠭᠠᠵᠤ | ᠪᠠᠷᠠᠭᠰᠠᠨ ᠤ ᠰᠠᠬᠦᠯᠠᠷ᠂ ᠡᠵᠢ ᠪᠢᠳᠠ ᠬᠤᠶᠠᠷ ᠮᠠᠩᠬᠠᠨ ᠲᠡᠭᠡᠷᠠ ᠭᠠᠷᠴᠤ ᠪᠤᠭᠳᠠ ᠠᠭᠤᠯᠠ ᠳᠤ ᠪᠠᠨ ᠲᠡᠭᠡᠵᠢ ᠪᠠᠨ | ᠡᠷᠬᠦᠨ ᠮᠦᠷᠬᠦᠵᠤ ᠭᠡᠷ ᠲᠤ ᠪᠠᠨ ᠤᠷᠤᠯᠠ᠃ ᠠᠪᠤ ᠪᠢᠳᠠ ᠬᠤᠶᠠᠷ ᠬᠤᠳᠠ ᠬᠤᠷᠢᠶᠠ ᠪᠠᠨ ᠨᠠᠷᠠ ᠵᠦᠭ ᠲᠠᠭᠠᠭᠤᠯᠤᠨ | ᠤᠳᠤᠵᠤ ᠬᠤᠨᠢ ᠮᠠᠯ ᠤᠨ ᠦᠨᠢᠷ ᠦᠰᠦᠯᠳᠠ ᠲᠠᠢ ᠪᠠᠶᠢᠬᠤ ᠶᠢ ᠬᠦᠰᠡᠨ ᠵᠦᠩᠨᠡᠭᠰᠡᠨ ᠪᠢᠯᠠ᠃ ᠢᠩᠬᠢᠭᠡᠳ ᠡᠵᠢ | ᠮᠢᠨᠢ ᠴᠠᠭᠠᠯᠠᠭᠠ ᠬᠢᠵᠤ ᠡᠬᠢᠯᠠᠯᠠ᠃ ᠴᠠᠭᠠᠯᠠᠭᠠ ᠬᠢᠬᠦ ᠳᠤ ᠦᠵᠦᠮ ᠴᠢᠪᠠᠭᠠ᠂ ᠴᠠᠭᠠᠨ ᠰᠢᠬᠢᠷ᠂ ᠰᠦ᠂ ᠰᠢᠷᠠ | ᠲᠤᠰᠤ᠂ ᠠᠭᠠᠷᠤᠤᠯ ᠵᠡᠷᠭᠡ ᠭᠡᠷᠡᠭᠳᠠᠢ ᠪᠠᠶᠢᠳᠠᠭ᠃ ᠲᠠᠷᠠ ᠬᠤᠭᠤᠷᠤᠨᠳᠤ ᠨᠢ ᠪᠢ ᠴᠠᠭᠠᠨ ᠢᠳᠡᠭᠡ ᠪᠠᠨ ᠵᠠᠰᠠᠯᠠ᠃ | ᠪᠤᠭᠤᠷᠰᠤᠭ᠂ ᠦᠵᠦᠮ᠂ ᠠᠭᠠᠷᠤᠤᠯ ᠭᠡᠳ ᠤᠯᠠᠨ ᠶᠠᠩᠵᠤ ᠶᠢᠨ ᠰᠢᠬᠢᠷ ᠪᠤᠭᠤᠷᠰᠤᠭ ᠢ ᠲᠠᠪᠠᠭ ᠲᠤ ᠶᠠᠩᠵᠤᠯᠠᠨ | ᠲᠠᠯᠪᠢᠯᠠ᠃ ᠨᠢᠭᠡ ᠲᠠᠪᠬᠤᠷᠭᠠ ᠳᠤ ᠨᠢ ᠭᠤᠶᠤ ᠰᠠᠶᠢᠬᠠᠨ ᠬᠠᠶᠢᠷᠴᠠᠭ ᠤᠨ ᠪᠠᠭᠯᠠᠭᠠ ᠲᠠᠢ ᠰᠢᠬᠢᠷ᠂ ᠲᠠᠬᠦᠨ ᠤ | ᠲᠠᠭᠡᠷᠠ ᠲᠠᠪᠬᠤᠷᠭᠠ ᠶᠢᠨ ᠲᠤᠮᠳᠠ ᠲᠠᠯᠠ ᠳᠤ ᠨᠢ ᠲᠤᠮᠤ ᠪᠤᠭᠤᠷᠰᠤᠭ ᠲᠠᠯᠪᠢᠵᠤ᠂ ᠲᠠᠭᠡᠷᠠ ᠨᠢ ᠦᠷᠦᠮᠠ᠂ ᠴᠠᠭᠠᠨ | ᠰᠢᠬᠢᠷ ᠲᠠᠯᠪᠢᠭᠰᠠᠨ ᠶᠤᠮ᠃ | ᠠᠪᠤ ᠡᠵᠢ ᠭᠡᠷ ᠲᠤ ᠤᠷᠤᠵᠤ ᠢᠷᠡᠭᠡᠳ ᠤᠴᠢᠵᠤ ᠵᠤᠯᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠠᠶᠢᠯ ᠳᠤ ᠪᠠᠨ ᠤᠳᠠᠰᠤ | ᠠᠪᠴᠤ ᠰᠢᠨᠠ ᠶᠢᠨ ᠮᠠᠨᠳᠤ ᠬᠦᠷᠭᠡᠪᠡ᠃ ᠪᠢ ᠴᠤ ᠤᠴᠢᠵᠤ ᠴᠢᠳᠠᠬᠤ ᠦᠭᠡᠢ ᠲᠦᠷᠦᠯ ᠰᠠᠳᠤᠨ ᠳᠤ ᠪᠠᠨ | ᠤᠳᠠᠰᠤ ᠪᠠᠷ ᠰᠢᠨᠠ ᠶᠢᠨ ᠮᠠᠨᠳᠤ ᠬᠦᠷᠭᠡᠯᠠ᠃ | ᠵᠠᠬᠦᠨ ᠠᠴᠠ ᠤᠯᠠᠭᠠᠨ ᠲᠤᠶᠠᠭᠠ ᠰᠠᠴᠤᠷᠠᠵᠤ ᠨᠠᠷᠠ ᠮᠠᠨᠳᠤᠯᠠ᠃ ᠲᠤᠭᠤᠨᠤ ᠪᠠᠷ ᠰᠤᠭᠤᠨᠠᠭᠯᠠᠭᠰᠠᠨ ᠴᠡᠩᠭᠡᠷ | ᠤᠳᠤᠭᠠ ᠭᠡᠷ ᠤᠨ ᠤᠷᠤᠢ ᠪᠠᠷ ᠤᠭᠠᠯᠵᠠᠯᠠᠨ ᠰᠤᠪᠤᠷᠠᠵᠤ ᠦᠷᠯᠦᠭᠡᠨ ᠤ ᠵᠢᠭᠡᠬᠦᠨ ᠢ ᠪᠦᠯᠢᠶᠡᠰᠭᠡᠨ ᠰᠢᠨᠠ ᠨᠢᠭᠡᠨ | ᠡᠳᠤᠷ ᠢᠶᠠᠨ ᠤᠭᠳᠤᠯᠠ᠃ | ᠡᠵᠢ ᠮᠢᠬᠠ ᠴᠢᠨᠠᠵᠤ ᠪᠤᠤᠵᠠ ᠵᠢᠩᠨᠠᠯᠠ᠃ ᠠᠪᠤ ᠪᠢᠳᠠ ᠬᠤᠶᠠᠷ ᠪᠡᠯᠡᠭ ᠢᠶᠠᠨ ᠠᠪᠴᠤ ᠠᠶᠢᠯ ᠠᠶᠢᠯ ᠢᠶᠠᠷ | ᠰᠢᠨᠠ ᠶᠢᠨ ᠮᠠᠨᠳᠤ ᠬᠦᠷᠭᠡᠬᠦ ᠪᠠᠷ ᠶᠠᠪᠤᠯᠠ᠃ ᠡᠨᠡ ᠮᠠᠳᠤ ᠪᠠᠷ ᠤᠯᠠᠨ ᠤᠯᠠᠨ ᠠᠶᠢᠯ ᠢᠶᠠᠷ ᠤᠷᠤᠵᠤ ᠪᠡᠯᠡᠭ | ᠰᠤᠯᠢᠯᠴᠠᠨ᠂ ᠨᠢᠭᠡ ᠮᠡᠳᠡᠬᠦ ᠳᠤ ᠦᠳᠡ ᠶᠢᠨ ᠨᠠᠷᠠ ᠴᠢᠩᠬᠠ ᠲᠡᠭᠡᠷᠠ ᠭᠤᠤᠯᠯᠠᠯᠠ᠃ ᠮᠠᠨ ᠤ ᠬᠢᠨ ᠳᠤ ᠪᠠᠰᠠ ᠵᠠᠯᠭᠠ | ᠵᠠᠯᠭᠠᠪᠠᠷ ᠬᠦᠮᠦᠨ ᠤᠷᠤᠵᠤ ᠵᠤᠯᠭᠠᠵᠤ ᠯᠠ ᠪᠠᠶᠢᠯᠠ᠃ ᠪᠢ ᠢᠷᠡᠭᠰᠠᠨ ᠵᠤᠴᠢᠨ ᠳᠤ ᠪᠠᠨ ᠴᠠᠭᠠᠨ ᠢᠳᠡᠭᠡ | ᠪᠠᠷᠢᠬᠤ ᠳᠤ ᠲᠤᠮᠤᠴᠤᠤᠯ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠬᠤ ᠳᠤ ᠪᠠᠨ ᠢᠳᠡᠭᠡᠨ ᠤ ᠲᠡᠭᠡᠵᠢ ︽ᠴᠠᠭᠠᠨ ᠰᠢᠬᠢᠷ᠂ ᠦᠵᠦᠮ︾ | ᠢ ᠡᠷᠬᠦᠵᠤ ᠲᠠᠬᠦᠨ ᠢᠶᠠᠨ ᠠᠮᠰᠠᠨᠠ᠃ ᠬᠠᠷᠢᠨ ᠪᠠᠭᠠᠴᠤᠳ ᠭᠡᠤᠭᠡᠳ ᠪᠤᠯ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠬᠤ ᠳᠤ ᠪᠠᠨ | ᠰᠢᠬᠢᠷ ᠡᠰᠡᠪᠡᠯ ᠪᠤᠭᠤᠷᠰᠤᠭ ᠵᠠᠷᠭᠡ ᠠᠴᠠ ᠠᠪᠳᠠᠭ᠃ ᠵᠤᠴᠢᠨ ᠶᠠᠪᠤᠭᠰᠠᠨ ᠤ ᠲᠠᠷᠠᠭᠠ᠂ ᠡᠵᠢ ᠭᠡᠷ ᠢᠶᠠᠨ ᠴᠡᠪᠡᠷᠯᠡᠵᠤ | ᠂ ᠠᠪᠤ ᠪᠢᠳᠠ ᠬᠤᠶᠠᠷ ᠬᠤᠨᠢ ᠪᠠᠨ ᠬᠤᠳᠠᠯᠠᠭᠤᠯᠵᠤ᠂ ᠮᠠᠯ ᠳᠤ ᠪᠠᠨ ᠡᠪᠡᠰᠤ ᠦᠭᠴᠤ ᠭᠡᠷ ᠲᠤ ᠪᠠᠨ ᠤᠷᠤᠪᠠ᠃ | ᠤᠷᠤᠢ ᠶᠢᠨ ᠬᠤᠭᠤᠯᠠᠨ ᠤ ᠲᠠᠷᠠᠭᠠ ᠪᠢᠳᠠ ᠫᠤᠤᠵᠢᠩ ᠲᠠᠯᠪᠢᠯᠠ᠃ ᠡᠯᠳᠡᠪ ᠦᠩᠭᠡ ᠶᠢᠨ ᠭᠡᠷᠡᠯ ᠰᠠᠴᠤᠷᠠᠵᠤ | ᠶᠤᠰᠤᠳᠠᠢ ᠬᠦᠮᠦᠨ ᠪᠦᠬᠦᠨ ᠤ ᠤᠷᠮᠠ ᠶᠢ ᠪᠤᠯᠢᠶᠠᠨᠠ᠃ ᠵᠢᠯ ᠪᠤᠯᠭᠠᠨ ᠴᠠᠭᠠᠨ ᠰᠠᠷᠠ ᠶᠢᠨ ᠦᠶᠠ ᠪᠠᠷ ᠦᠪᠤᠷ | ᠮᠤᠩᠭᠤᠯ ᠤᠨ ᠲᠧᠯᠸᠢᠰ ᠬᠤᠷᠢᠶᠠ ᠡᠯᠠ ᠠᠶᠢᠮᠠᠭ ᠬᠤᠳᠠ ᠶᠢᠨ ᠴᠠᠭᠠᠨ ᠰᠠᠷᠠ ᠶᠢᠨ ᠦᠳᠡᠰᠢᠯᠡᠭᠡ ᠶᠢ ᠡᠭᠡᠯᠵᠢᠯᠠᠨ | ᠭᠠᠷᠭᠠᠳᠠᠭ ᠰᠠᠨ᠃ ᠮᠢᠨᠤ ᠬᠠᠮᠤᠭ ᠤᠨ ᠦᠵᠡᠬᠦ ᠲᠤᠷᠠᠳᠠᠢ ᠦᠳᠡᠰᠢᠯᠡᠭᠡ ᠪᠠᠶᠢᠭᠠ ᠶᠤᠮ ᠳ᠋ᠠ ᠁ | ᠦᠳᠡᠰᠢᠯᠡᠭᠡ ᠦᠨᠳᠤᠷᠯᠠᠯᠠ᠃ ᠪᠢᠳᠠ ᠭᠤᠷᠪᠠ ᠴᠤ ᠨᠦᠢᠷ ᠬᠦᠷᠴᠤ ᠤᠨᠳᠠᠬᠤ ᠪᠠᠷ ᠪᠡᠯᠡᠳᠭᠡᠯᠠ᠃ | ᠤᠭᠳᠠᠷᠭᠤᠢ ᠳᠤ ᠮᠦᠩᠬᠦᠨ ᠲᠤᠪᠤᠷᠤᠤ ᠰᠢᠬ ᠬᠢᠯᠠᠯᠵᠠᠭᠰᠠᠨ ᠤᠳᠤᠳ ᠡᠨᠡ ᠲᠤᠭᠳᠠᠭᠤᠨ ᠨᠤᠳᠤᠭ ᠢ ᠠᠨᠢᠪᠴᠢᠨ | ᠪᠠᠶᠢᠵᠤ ᠰᠤᠨᠢᠭᠤᠴᠢᠯᠠᠨ ᠰᠢᠷᠳᠡᠬᠦ ᠨᠢ ᠰᠠᠶᠢᠬᠠᠨ᠃ ᠬᠦᠳᠡᠭᠡ ᠨᠤᠳᠤᠭ ᠤᠨ ᠴᠠᠭᠠᠨ ᠰᠠᠷᠠ ᠶᠢ ᠦᠩᠭᠡᠷᠡᠬᠦᠯᠬᠦ ᠵᠠᠩᠰᠢᠯ | ᠭᠡᠳᠦ᠋ᠢᠪᠡᠷ ᠬᠤᠳᠠ ᠭᠠᠵᠠᠷ ᠲᠠᠢ ᠠᠳᠠᠯᠢ ᠲᠠᠶᠢᠮᠤ ᠶᠡᠭᠡ ᠬᠦᠷ ᠬᠦᠭᠵᠢᠶᠠᠨ ᠦᠭᠡᠢ ᠪᠤᠯᠪᠠᠴᠤ ᠦᠪᠡᠷ ᠤᠨ ᠭᠡᠰᠡᠨ | ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ ᠡ᠃ | ᠴᠠᠭᠠᠨ ᠰᠠᠷᠠ ᠭᠡᠵᠤ ᠮᠠᠰᠢ ᠪᠠᠶᠠᠷᠳᠠᠢ ᠴᠠᠭ ᠪᠢᠯᠠ᠃ ᠨᠠᠳᠠ ᠳᠤ ᠨᠢᠭᠡ ᠵᠢᠯ ᠤᠨ 365 ᠡᠳᠤᠷ | ᠬᠤᠨᠤᠭ ᠤᠳ ᠲᠤ ᠴᠠᠭᠠᠨ ᠰᠠᠷᠠ ᠯᠠ ᠬᠠᠮᠤᠭ ᠰᠠᠶᠢᠬᠠᠨ᠂ ᠬᠠᠮᠤᠭ ᠵᠢᠷᠭᠠᠯᠳᠠᠢ᠂ ᠬᠠᠮᠤᠭ ᠪᠠᠶᠠᠷᠳᠠᠢ ᠰᠠᠨᠠᠭᠳᠠᠳᠠᠭ ᠡ | ᠃ ᠡᠳᠤᠷ ᠪᠤᠯᠭᠠᠨ ᠴᠠᠭᠠᠨ ᠰᠠᠷᠠ ᠪᠠᠶᠢᠭᠰᠠᠨ ᠪᠤᠯ ᠪᠢ ᠶᠠᠮᠠᠷ ᠶᠡᠭᠡ ᠪᠠᠶᠠᠷᠯᠠᠨᠠ ᠭᠡᠵᠤ ᠰᠠᠨᠠᠨᠠ᠃ ᠨᠢᠭᠡ ᠵᠢᠯ ᠳᠤ | ᠨᠢᠭᠡ ᠯᠠ ᠤᠳᠠᠭᠠ ᠲᠤᠬᠢᠶᠠᠯᠳᠤᠳᠠᠭ ᠡᠨᠡ ᠰᠠᠶᠢᠬᠠᠨ ᠮᠦᠴᠠ ᠳᠤ ᠨᠠᠰᠤᠳᠠᠨ ᠲᠤᠮᠤᠭᠠᠳᠠᠨ᠂ ᠭᠡᠤᠭᠡᠳ | ᠪᠠᠭᠠᠴᠤᠳ ᠲᠤ ᠠᠯᠢᠪᠠ ᠰᠠᠶᠢᠨ ᠰᠠᠶᠢᠬᠠᠨ ᠢ ᠲᠠᠭᠠᠳᠬᠠᠨ ᠲᠠᠨᠠᠷ ᠢ ᠪᠠᠨ ᠶᠠᠭᠤ ᠰᠠᠨᠠᠭᠰᠠᠨ ᠶᠢᠰᠤᠨ ᠬᠦᠰᠡᠯ ᠴᠢᠨᠢ | ᠪᠠᠶᠡᠯᠡᠭᠳᠡᠬᠦ ᠪᠤᠯᠳᠤᠭᠠᠢ ᠭᠡᠵᠤ ᠬᠦᠰᠡᠨ ᠵᠦᠩᠨᠡᠶᠠ︕ | ᠵᠤᠬᠢᠶᠠᠭᠴᠢ᠄ ᠪᠤᠶᠠᠨᠭᠡᠰᠢᠭ ︵ᠰᠢᠨᠠ ᠪᠠᠷᠭᠤ ᠵᠠᠬᠦᠨ ᠬᠤᠰᠢᠭᠤᠨ ᠤ ᠠᠮᠤᠭᠤᠯᠠᠩ ᠨᠢᠭᠡᠳᠤᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠬᠦᠢᠯᠠᠰᠤ | |