| ᠠᠰᠠᠷ ᠤᠨ ᠴᠣᠩᠬᠤ ᠪᠠᠷ ᠬᠠᠪᠤᠷ ᠤᠨ ᠰᠠᠯᠬᠢ ᠰᠡᠪᠡᠯᠵᠡᠨ ᠦᠯᠢᠶᠡᠭᠡᠳ᠂ ᠲᠣᠭᠤᠭᠠᠨ ᠭᠡᠷ ᠠᠴᠠ ᠰᠦ ᠲᠠᠢ | ᠴᠠᠢ ᠶᠢᠨ ᠠᠮᠳᠠᠳᠦ ᠦᠨᠤᠷ ᠦᠨᠦᠷᠳᠦᠭᠳᠡᠬᠦ ᠠᠴᠠ ᠨᠦᠬᠦᠷ ᠮᠢᠨᠢ ᠡᠷᠳᠡ ᠪᠣᠰᠴᠢᠬᠠᠭᠠᠳ ᠶᠠᠭᠠᠷᠠᠵᠦ ᠪᠠᠶᠢᠬᠤ ᠶᠢ | ᠤᠯᠵᠦ ᠮᠡᠳᠡᠯᠡ᠃ ᠪᠢ ᠬᠠᠨᠠ ᠳᠤ ᠡᠯᠭᠦᠭᠡᠰᠤᠲᠡᠢ ᠴᠠᠭ ᠤᠯᠠᠷᠢᠯ ᠤᠨ ᠪᠢᠴᠢᠭ ᠢ ᠦᠵᠡᠬᠦ ᠳᠤ ᠥᠨᠥᠳᠦᠷ ᠨᠠᠳᠠ ᠳᠤ | ᠲᠡᠶᠢᠮᠦ ᠯᠡ ᠲᠣᠳᠤᠷᠠᠭᠤᠨ ᠶᠠᠮᠠᠷ ᠨᠢᠭᠡᠨ ᠤᠴᠢᠷ ᠢ ᠥᠭᠦᠯᠡᠵᠦ ᠪᠠᠶᠢᠬᠤ ᠰᠢᠭ᠋᠂ ᠲᠡᠶᠢᠮᠦ ᠡ︕ ᠥᠨᠥᠳᠦᠷ ᠪᠣᠯ | ᠠᠬᠠ ᠶᠢᠨ ᠮᠢᠨᠢ ᠨᠠᠰᠤ ᠪᠠᠷᠠᠭᠰᠠᠨ ᠤᠢ ᠶᠢᠨ ᠡᠳᠤᠷ ᠪᠣᠯᠤᠨᠠ᠃ ᠪᠢ ᠶᠠᠮᠠᠷ ᠨᠢᠭᠡᠨ ᠬᠦᠴᠦᠨ ᠳᠤ ᠲᠠᠳᠠᠭᠳᠠᠭᠰᠠᠨ ᠢ | ᠪᠦᠦ ᠮᠡᠳᠡ᠂ ᠦᠨᠳᠡᠶᠢᠨ ᠪᠤᠰᠴᠦ ᠪᠢᠴᠢᠭ ᠤᠨ ᠥᠷᠦᠭᠡ ᠤᠷᠤᠭᠤ ᠠᠯᠬᠤᠨ ᠨᠣᠮ ᠤᠨ ᠵᠢᠶᠠᠰᠠᠨ ᠤ ᠲᠡᠭᠡᠷᠠ | ᠬᠤᠷᠭᠤᠨ ᠳᠤ ᠲᠠᠯᠪᠢᠭᠠᠰᠤᠲᠠᠢ ᠤᠯᠠᠭᠠᠨ ᠪᠠᠭᠯᠠᠭᠠ ᠶᠢ ᠪᠢ ᠬᠥᠩᠭᠡᠬᠡᠨ ᠠᠪᠴᠦ ᠠᠯᠳᠠᠷᠠᠭᠠᠯᠠ᠃ | ᠪᠣᠷᠤ ᠡᠮᠵᠢᠶᠡᠷᠢ ᠲᠠᠢ ᠠᠷᠠᠰᠤᠨ ᠭᠤᠲᠤᠯ᠃ ᠣᠨ ᠵᠢᠯ ᠤᠳᠠᠭᠰᠠᠨ ᠪᠤᠯᠪᠠᠴᠦ ᠠᠷᠠᠰᠤᠨ ᠭᠤᠲᠤᠯ ᠤᠨ ᠮᠢᠨᠢ | ᠴᠢᠨᠠᠷ ᠬᠢᠴᠡ᠂ ᠶᠠᠩᠵᠦ ᠬᠡᠯᠪᠡᠷᠢ ᠨᠢ ᠲᠡᠶᠢᠮᠦ ᠯᠠ ᠭᠤᠶᠤ᠂ ᠲᠡᠶᠢᠮᠦ ᠯᠠ ᠤᠷᠠᠨ ᠨᠠᠷᠢᠯᠢᠭ ᠬᠠᠷᠠᠭᠳᠠᠨᠠ᠃ | ᠴᠠᠴᠠᠷᠬᠢᠯᠡᠭᠰᠡᠨ ᠬᠤᠷᠤᠭᠤ ᠪᠠᠷ ᠢᠶᠠᠨ ᠠᠷᠠᠰᠤᠨ ᠭᠤᠲᠤᠯ ᠢ ᠲᠡᠮᠲᠡᠷᠢᠯᠡᠬᠦ ᠳᠤ ᠪᠢ ᠨᠢᠯᠪᠦᠰᠦ ᠪᠠᠨ ᠬᠤᠷᠢᠭᠯᠠᠵᠦ | ᠴᠢᠳᠠᠭᠰᠠᠨ ᠦᠭᠡᠢ᠂ ᠠᠬᠠ ᠮᠢᠨᠢ ᠲᠠᠨ ᠤ ᠪᠠᠨ ᠦᠯᠡᠳᠡᠭᠡᠭᠰᠡᠨ ᠬᠠᠮᠤᠭ ᠡᠴᠦᠰ ᠤᠨ ᠪᠡᠯᠡᠭ ᠢ ᠪᠢ ᠳᠡᠯᠭᠡᠨ ᠦᠵᠡᠬᠦ | ᠵᠣᠷᠢᠭ ᠪᠠᠶᠢᠭᠰᠠᠨ ᠦᠭᠡᠢ ᠰᠢᠤ︕ | ᠮᠢᠨᠦ ᠰᠠᠶᠢᠬᠠᠨ ᠠᠷᠠᠨᠰᠢᠨ ᠲᠠᠢ ᠬᠥᠮᠦᠰ ᠤᠨ ᠨᠢᠳᠤᠨ ᠳᠤ ᠲᠤᠯᠠᠭᠠᠬᠠᠨ ᠬᠠᠷᠠᠭᠳᠠᠳᠠᠭ ᠠᠬᠠ ᠶᠢᠨ ᠮᠢᠨᠢ ᠪᠡᠷᠡ | ᠨᠢᠳᠤᠨ ᠳᠤ ᠪᠦᠷᠳᠦᠯᠵᠠᠨ ᠬᠠᠷᠠᠭᠳᠠᠭᠠᠳ ᠬᠤᠯᠠ ᠶᠢᠨ ᠬᠤᠯᠠᠬᠢ ᠣᠨ ᠰᠠᠷᠠ ᠤᠳ ᠺᠢᠨᠣ᠋ ᠮᠡᠳᠦ ᠳᠡᠯᠭᠡᠭᠳᠡᠯᠡ ᠁ | ᠤᠨᠠᠬᠤ ᠨᠠᠷᠠᠨ ᠤ ᠡᠴᠦᠰ ᠤᠨ ᠲᠤᠶᠠᠭᠠᠨ ᠳᠤ ᠬᠠᠰᠢᠶᠠ ᠬᠦᠷᠢᠶᠡᠨ ᠤ ᠮᠢᠨᠢ ᠬᠤᠨᠢᠳ ᠲᠠᠪᠠᠲᠠᠢ ᠬᠡᠪᠢᠯᠬᠢᠯᠡᠨᠡ᠂ | ᠠᠪᠤ ᠮᠢᠨᠢ ᠪᠠᠷᠠᠭᠤᠨ ᠦᠷᠤᠬᠡᠨ ᠤ ᠬᠠᠨᠵᠤᠨ ᠳᠡᠭᠡᠷᠡ ᠰᠠᠭᠤᠴᠢᠬᠠᠭᠠᠳ ᠨᠠᠪᠴᠢᠨ ᠳᠠᠮᠠᠬᠢ ᠪᠠᠨ ᠬᠦᠴᠦᠲᠡᠢ | ᠰᠤᠷᠤᠯᠬᠢᠯᠠᠨᠠ᠃ ᠡᠵᠢ ᠶᠠᠭᠤ ᠨᠢᠭᠡ ᠶᠢ ᠶᠠᠷᠢᠬᠤ ᠭᠡᠰᠡᠨ ᠰᠢᠭ ᠪᠠᠰᠠ ᠶᠠᠭᠤ ᠨᠢᠭᠡ ᠶᠢ ᠬᠢᠬᠦ ᠭᠡᠰᠡᠨ ᠰᠢᠭ | ᠡᠴᠤᠰ ᠲᠡᠭᠡᠨ ᠶᠠᠭᠤ ᠴᠦ ᠶᠠᠷᠢᠭᠠ ᠦᠭᠡᠢ᠂ ᠶᠠᠭᠤ ᠴᠦ ᠬᠢᠭᠡ ᠦᠭᠡᠢ ᠤᠷᠳᠦ ᠠᠴᠠ ᠤᠷᠳᠤ ᠰᠡᠭᠦᠷᠡᠰᠦᠯᠡᠨᠡ᠂ ᠭᠡᠷ | ᠳᠣᠲᠤᠷᠠ ᠶᠡᠷᠦᠨᠢ ᠡᠶᠢᠮᠦ ᠨᠠᠮ ᠵᠢᠮ ᠪᠠᠶᠢᠵᠦ ᠥᠩᠭᠡᠷᠡᠭᠡ ᠦᠭᠡᠢ᠂ ᠬᠤᠨᠢᠨ ᠬᠠᠰᠢᠶᠠᠨ ᠤ ᠡᠭᠦᠳᠡᠨ ᠲᠡᠭᠡᠷᠠ ᠠᠬᠠ | ᠮᠢᠨᠢ ᠬᠤᠳᠠ ᠲᠠᠢ ᠬᠤᠨᠢᠳ ᠲᠠᠢ ᠪᠠᠨ ᠶᠠᠭᠤ ᠨᠢᠭᠡ ᠶᠢ ᠶᠠᠷᠢᠬᠤ ᠰᠢᠬ ᠵᠣᠭᠰᠤᠨᠠ᠃ | ︽ᠦ ᠁ ᠦ ᠁ ᠠᠰᠠᠷ ᠲᠤ ᠰᠠᠭᠤᠨᠠ᠂ ᠬᠤᠳᠠ ᠳᠤ ᠠᠮᠢᠳᠤᠷᠠᠬᠤ ᠪᠣᠯᠤᠯᠠ ᠁︾ ᠭᠡᠬᠦ | ᠪᠢᠴᠢᠬᠠᠨ ᠠᠴᠢ ᠬᠦᠦ ᠶᠢᠨ ᠮᠢᠨᠢ ᠬᠦᠭᠰᠡᠨ ᠪᠠᠶᠠᠷᠯᠠᠬᠤ ᠲᠠᠭᠤᠨ ᠳᠤ ᠪᠡᠷᠭᠡᠨ ᠪᠡ ᠠᠴᠢ ᠬᠦᠦ ᠠᠶᠢᠯ ᠠᠴᠠ ᠪᠤᠴᠠᠵᠦ | ᠢᠷᠡᠭᠰᠡᠨ ᠢ ᠮᠡᠳᠡᠯᠡ᠃ ᠣᠳᠣ ᠪᠤᠳᠤᠬᠤᠯᠠᠷ ᠲᠠᠷᠡ ᠴᠠᠭ ᠮᠥᠴᠡ ᠳᠤ ᠮᠠᠨ ᠤ ᠭᠡᠷ ᠲᠡᠭᠡᠨ ᠵᠥᠪᠬᠡᠨ ᠪᠡᠷᠭᠡᠨ ᠪᠡ | ᠪᠢᠴᠢᠬᠠᠨ ᠠᠴᠢ ᠬᠦᠦ ᠮᠢᠨᠢ ᠯᠡ ᠪᠠᠶᠠᠷᠯᠠᠩᠭᠤᠢ ᠪᠠᠶᠢᠭᠰᠠᠨ ᠪᠠᠶᠢᠬᠠ ᠡ︕ ᠲᠡᠶᠢᠮᠦ ᠡ︕ ᠪᠡᠷᠭᠡᠨ ᠶᠡᠭᠡ | ᠬᠤᠳᠠ ᠳᠤ ᠤᠴᠢᠵᠦ ᠭᠤᠲᠤᠯ ᠬᠤᠳᠠᠯᠳᠤᠬᠤ ᠠᠷᠠᠯᠵᠢᠶᠠ ᠬᠢᠬᠦ ᠪᠠᠷ ᠰᠢᠢᠳᠭᠡᠳ ᠬᠠᠭᠠᠰ ᠵᠢᠯ ᠰᠢᠬᠠᠮ ᠪᠤᠯᠵᠦ | ᠪᠠᠶᠢᠬᠤ ᠶᠤᠮ᠃ ᠠᠪᠤ ᠡᠵᠢ ᠪᠡ ᠠᠬᠠ ᠮᠢᠨᠢ ᠪᠡᠷᠭᠡᠨ ᠤ ᠰᠠᠨᠠᠯ ᠢ ᠪᠦᠷ ᠵᠦᠪᠰᠢᠶᠡᠷᠬᠦ ᠦᠭᠡᠢ ᠪᠠᠶᠢᠭᠰᠠᠨ᠂ ᠣᠳᠣ ᠳᠤ | ᠶᠠᠮᠠᠷ ᠰᠢᠯᠳᠠᠭᠠᠨ ᠢ ᠪᠢ ᠮᠡᠳᠡᠬᠦ ᠦᠭᠡᠢ᠂ ᠮᠠᠷᠭᠠᠰᠢ ᠠᠬᠠ ᠪᠡᠷᠭᠡᠨ ᠭᠤᠷᠪᠠᠨ ᠠᠮᠠ ᠪᠠᠷ ᠢᠶᠠᠨ ᠬᠤᠲᠠᠨ ᠳᠤ ᠶᠠᠪᠤᠬᠤ | ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ | ᠡᠨᠡᠬᠦ ᠰᠡᠳᠭᠢᠯ ᠶᠠᠳᠠᠮᠠᠷ ᠠᠬᠤᠢ ᠪᠠᠶᠢᠳᠠᠯ ᠳᠤ ᠪᠢ ᠲᠡᠰᠬᠦ ᠠᠯᠳᠠᠷᠠᠵᠦ ᠡᠷᠳᠡᠬᠡᠨ ᠤᠷᠤ ᠪᠠᠨ ᠵᠠᠰᠠᠵᠦ | ᠤᠨᠳᠠᠬᠤ ᠪᠠᠷ ᠪᠣᠯᠤᠭᠰᠠᠨ ᠪᠢᠯᠡ᠃ ᠭᠡᠪᠡᠴᠦ ᠨᠦᠢᠷ ᠢ ᠮᠢᠨᠢ ᠨᠣᠬᠠᠢ ᠲᠤᠯᠢᠶᠠᠭᠰᠠᠨ ᠰᠢᠭ᠋ ᠤᠷᠪᠠᠵᠦ ᠭᠦᠷᠪᠡᠭᠡᠳ | ᠶᠡᠷᠦ ᠨᠢ ᠤᠨᠳᠠᠵᠦ ᠣᠷᠤᠭᠠ ᠦᠭᠡᠢ᠂ ᠡᠴᠦᠰ ᠲᠡᠭᠡᠨ ᠪᠢ ᠭᠠᠳᠠᠨᠠ ᠭᠠᠷᠴᠦ ᠰᠡᠷᠢᠭᠦᠴᠡᠬᠦ ᠪᠠᠷ ᠪᠣᠯᠤᠯᠠ᠃ ᠪᠢ | ᠡᠭᠦᠳᠡ ᠨᠡᠭᠡᠭᠡᠮᠡᠭᠴᠡ ᠪᠦᠦᠷ ᠲᠦᠦᠷ ᠰᠠᠷᠠᠨ ᠤ ᠭᠡᠷᠡᠯ ᠳᠤ ᠠᠬᠠ ᠶᠢᠨ ᠪᠠᠷᠠ ᠶᠢ ᠤᠯᠵᠦ ᠬᠠᠷᠠᠯᠠ᠂ ᠠᠬᠠ ᠮᠢᠨᠢ | ᠬᠠᠰᠢᠶᠠᠨ ᠡᠭᠦᠳᠡᠨ ᠤ ᠬᠠᠵᠠᠭᠤ ᠳᠤ ᠪᠣᠳᠤᠯᠭᠠᠰᠢᠷᠠᠨ ᠵᠣᠭᠰᠤᠭᠰᠠᠭᠠᠷ ᠁ | ᠬᠥᠭᠡᠷᠦᠬᠦᠢ ᠠᠬᠠ ᠮᠢᠨᠢ ᠨᠤᠳᠤᠭ ᠤᠰᠦ᠂ ᠠᠪᠤ ᠡᠵᠢ᠂ ᠠᠬᠠ ᠳᠡᠭᠦᠦ᠂ ᠮᠠᠯ ᠲᠠᠷᠢᠶᠠ ᠠᠴᠠ ᠪᠠᠨ ᠰᠠᠯᠵᠦ | ᠶᠠᠳᠠᠭᠰᠠᠨ ᠪᠠᠶᠢᠯᠭᠦᠢ︕ ᠡᠳᠡᠭᠡᠷ ᠪᠦᠬᠦᠨ ᠨᠢ ᠠᠬᠠ ᠶᠢᠨ ᠮᠢᠨᠢ ᠰᠦᠭ ᠰᠦᠨᠡᠰᠤᠨ ᠳᠤ ᠤᠶᠠᠭᠠᠲᠠᠢ ᠪᠠᠶᠢᠳᠠᠭ ᠢ ᠪᠢ | ᠬᠡᠨ ᠠᠴᠠ ᠴᠦ ᠢᠯᠡᠭᠦᠦ ᠤᠶᠢᠯᠠᠭᠠᠳᠠᠭ ᠶᠤᠮ᠃ ᠬᠤᠳᠠ ᠳᠤ ᠣᠴᠢᠪᠠᠯ ᠴᠣᠬᠤᠮ ᠶᠠᠮᠠᠷᠬᠠᠨ ᠮᠠᠶ᠋ᠢᠭ ᠢᠶᠠᠷ | ᠠᠮᠢᠳᠤᠷᠠᠬᠤ ᠶᠢ ᠲᠡᠳᠦᠢ ᠯᠡ ᠲᠤᠳᠦ ᠮᠡᠳᠡᠬᠦ ᠦᠭᠡᠢ ᠴᠦ ᠥᠰᠴᠦ ᠲᠥᠷᠦᠭᠰᠡᠨ ᠥᠯᠦᠭᠡᠢ ᠨᠤᠳᠤᠭ᠂ ᠥᠰᠭᠡᠵᠦ | ᠲᠤᠳᠤᠮᠳᠤᠭᠰᠠᠨ ᠮᠠᠯ ᠰᠦᠷᠦᠭ ᠠᠴᠠ ᠪᠠᠨ ᠰᠠᠯᠪᠠᠯ ᠶᠠᠭᠠᠬᠢᠬᠤ ᠶᠢ ᠠᠬᠠ ᠮᠢᠨᠢ ᠯᠠᠪᠲᠡᠢ ᠮᠡᠳᠡᠳᠡᠭ ᠪᠠᠶᠢᠯᠭᠦᠢ⁈ | ᠶᠠᠷᠥ ᠨᠢ ︽ᠬᠦᠮᠤᠨ ᠤ ᠵᠢᠷᠦᠬᠡ ᠶᠢ ᠦᠭᠡ ᠪᠠᠷ ᠲᠤᠯᠠᠭᠠᠴᠠᠭᠤᠯᠤᠨᠠ︾ ᠭᠡᠳᠡᠭ ᠶᠤᠮ᠂ ᠪᠢ ᠠᠬᠠ ᠶᠢᠨ ᠢᠶᠠᠨ | ᠲᠡᠷᠭᠡᠳᠡ ᠬᠦᠷᠴᠦ ᠣᠴᠢᠯᠠ᠂ ᠮᠡᠳᠡᠭᠡ ᠣᠷᠤᠭᠰᠠᠨ ᠲᠡᠷᠡ ᠦᠶᠡ ᠠᠴᠠ ᠡᠬᠢᠯᠡᠨ ᠠᠬᠠ ᠮᠢᠨᠢ ᠨᠠᠳᠠ ᠳᠤ ᠲᠤᠩ | ᠬᠠᠶᠢᠷᠠᠲᠠᠢ ᠶᠢ ᠪᠢ ᠮᠡᠳᠡᠨᠡ᠃ ᠠᠪᠦ ᠡᠵᠢ ᠳᠡᠭᠡᠨ ᠵᠢᠮᠡᠯᠡᠭᠳᠡᠬᠦ ᠪᠤᠶᠤ ᠠᠮᠢᠳᠤᠷᠠᠯ ᠰᠤᠷᠤᠯᠭᠠ ᠲᠤᠮᠳᠠᠬᠢ ᠨᠤᠭᠤᠷᠠᠯ | ᠪᠦᠳᠦᠷᠢᠯ ᠢᠶᠠᠨ ᠪᠢ ᠪᠦᠷ ᠠᠬᠠ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠠᠬᠠ ᠮᠢᠨᠢ ᠠᠯᠢ ᠬᠡᠳᠦ᠋ᠢᠨ ᠪᠦᠬᠦ | ᠭᠡᠷ ᠤᠨ ᠢᠶᠠᠨ ᠠᠮᠢᠨ ᠲᠦᠰᠢᠭ᠂ ᠲᠡᠭᠦᠦ ᠮᠢᠨᠦᠬᠢ ᠪᠠᠨ ᠰᠡᠳᠭᠢᠯ ᠤᠨ ᠴᠠᠮᠬᠠᠭ ᠪᠣᠯᠤᠭᠰᠠᠨ ᠶᠤᠮ᠃ ᠲᠡᠷᠡ ᠦᠳᠡᠰᠢ | ᠠᠬᠠ ᠪᠢᠳᠡ ᠬᠤᠶᠠᠷ ᠤᠨ ᠶᠠᠷᠢᠯᠴᠠᠭᠠ ᠪᠠᠨ ᠲᠣᠳᠤᠷᠬᠠᠢ ᠴᠡᠭᠡᠵᠢᠯᠡᠭᠰᠡᠨ ᠦᠭᠡᠢ ᠪᠠᠶᠢᠪᠠᠴᠦ ᠠᠬᠠ ᠮᠢᠨᠢ ᠴᠦ | ᠰᠡᠳᠭᠢᠯ ᠠᠮᠠᠷᠠᠵᠤ᠂ ᠠᠯᠤᠰ ᠤᠨ ᠠᠶᠠᠨ ᠢᠶᠠᠨ ᠬᠥᠭᠡᠭᠡᠬᠦ ᠪᠣᠯᠤᠭᠠᠳ᠂ ᠪᠢ ᠴᠦ ᠵᠣᠷᠢᠭ ᠰᠢᠢᠳᠵᠤ ᠠᠪᠤ ᠡᠵᠢ ᠠᠳᠠᠯ | ᠬᠡᠷ ᠢᠶᠠᠨ ᠠᠰᠠᠷᠠᠵᠤ ᠳᠣᠳᠤᠮᠳᠠᠵᠤ ᠠᠵᠢᠯ ᠰᠤᠷᠤᠯᠭᠠ ᠳᠠᠭᠠᠨ ᠴᠢᠷᠮᠠᠶᠢᠵᠤ ᠶᠠᠪᠤᠬᠤ ᠪᠠᠷ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ | ᠲᠡᠭᠡᠭᠡᠳ ᠯᠠ ᠠᠮᠳᠠᠳᠤ ᠨᠦᠢᠷ ᠲᠠᠭᠠᠨ ᠱᠤᠩᠪᠠᠴᠢᠬᠠᠭᠠᠳ ᠮᠠᠷᠭᠠᠰᠢ ᠶᠢᠨ ᠨᠠᠷᠠ ᠥᠨᠳᠦᠷ ᠲᠤ ᠮᠠᠠᠳᠤᠴᠢᠬᠠᠬᠤ ᠳᠤ | ᠰᠠᠶ᠋ᠢ ᠦᠨᠳᠡᠶᠢᠨ ᠪᠣᠰᠤᠭᠰᠠᠨ ᠪᠠᠶᠢᠨᠠ᠃ ᠬᠤᠪᠴᠠᠰᠤ ᠪᠠᠨ ᠬᠠᠰᠢ ᠶᠠᠰᠢ ᠨᠦᠮᠤᠷᠢᠴᠢᠭᠡᠭᠡᠳ ᠶᠠᠭᠠᠷᠠᠤ ᠰᠠᠳᠤᠷᠤᠤ | ᠠᠬᠠ ᠪᠡᠷᠭᠡᠨ ᠤ ᠤᠨᠳᠠᠯᠭᠠ ᠶᠢᠨ ᠥᠷᠦᠭᠡ ᠤᠷᠤᠭᠤ ᠬᠦᠶᠤᠵᠤ ᠬᠦᠷᠦᠯᠡ᠂ ᠳᠡᠳᠡᠨᠠᠷ ᠮᠢᠨᠢ ᠬᠡᠨᠡᠳᠳᠡ ᠶᠢᠨ | ᠰᠢᠢᠳᠪᠤᠷᠢ ᠳᠤᠭᠳᠠᠭᠠᠵᠤ ᠬᠤᠳᠠ ᠳᠤ ᠶᠠᠪᠤᠬᠤ ᠪᠠᠨ ᠪᠣᠯᠢᠭᠰᠠᠨ ᠪᠤᠯ ᠬᠡᠳᠦᠢ ᠰᠠᠶᠢᠬᠠᠨ ᠪᠢᠯᠡ ᠭᠡᠵᠤ ᠪᠣᠳᠤᠵᠤ | ᠦᠵᠡᠯᠡ᠂ ᠠᠢ︕ ᠠᠬᠠ ᠪᠡᠷᠭᠡᠨ ᠮᠢᠨᠢ ᠶᠠᠪᠤᠴᠢᠬᠠᠯᠠ︕ ᠬᠠᠨᠠ ᠳᠡᠭᠡᠷᠡ ᠨᠢ ᠠᠬᠠ ᠶᠢᠨ ᠮᠢᠨᠢ ᠬᠠᠶᠢᠷᠠᠳᠠᠢ | ᠮᠤᠩᠭᠤᠯ ᠬᠢᠳᠤᠭᠠ ᠨᠢ ᠡᠯᠭᠦᠭᠡᠰᠦᠲᠡᠢ᠂ ᠲᠡᠷᠡᠬᠡᠨ ᠵᠠᠭᠤᠷᠠ ᠳᠤᠳᠤᠭᠠᠳᠤ ᠰᠡᠳᠭᠢᠯᠭᠡ ᠮᠢᠨᠢ ᠶᠠᠮᠠᠷᠴᠦ ᠡᠰᠡᠷᠭᠦᠴᠡᠬᠦ | ᠴᠢᠳᠠᠪᠤᠷᠢ ᠪᠠᠨ ᠠᠯᠳᠠᠨ ᠡᠭᠰᠢᠨ ᠪᠦᠭᠰᠢᠨ ᠤᠬᠢᠯᠠᠴᠢᠬᠠᠭᠰᠠᠨ ᠪᠢᠯᠠ︕ ᠡᠵᠢ ᠮᠢᠨᠢ ᠨᠠᠮᠠ ᠶᠢ ᠠᠷᠭᠠᠳᠠᠬᠤ ᠶᠤᠮ᠂ | ᠲᠡᠷᠡ ᠡᠳᠦᠷ ᠤᠨ ᠡᠷᠲᠡ ᠶᠢᠨ ᠬᠤᠭᠤᠯᠠ ᠶᠢ ᠬᠡᠨ ᠴᠦ ᠢᠳᠡᠵᠤ ᠣᠷᠤᠭᠠ ᠦᠭᠡᠢ᠂ ᠭᠡᠪᠡᠴᠦ ᠠᠪᠤ | ᠥᠴᠦᠭᠡᠳᠦᠷ ᠲᠠᠢ ᠠᠳᠠᠯᠢᠳᠬᠠᠪᠠᠯ ᠶᠡᠭᠡ ᠴᠤᠭ ᠰᠦᠯᠳᠡ ᠲᠠᠢ ᠬᠠᠷᠠᠭᠳᠠᠵᠤ᠂ ᠲᠣᠭᠰᠢᠨ ᠬᠠᠷᠠ ᠪᠠᠨ | ᠬᠠᠯᠠᠭᠤᠯᠴᠢᠬᠠᠭᠠᠳ᠄ ︽ᠵᠠ︕ ᠮᠢᠨᠦ ᠥᠬᠢᠨ ᠬᠡᠳᠦᠨ ᠰᠠᠷᠠ ᠶᠢᠨ ᠳᠠᠷᠠᠭᠠ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠴᠦ | ᠢᠷᠡᠴᠢᠬᠡᠭᠡᠳ ᠡᠷᠦᠬᠡ ᠭᠡᠷ ᠢᠶᠠᠨ ᠭᠡᠷᠡᠯᠳᠦᠭᠦᠯᠬᠦ ᠶᠤᠮ ᠡ︕︾ ᠭᠡᠵᠤ ᠢᠨᠢᠶᠡᠮᠰᠦᠭᠯᠡᠨᠡ᠃ ᠲᠡᠶᠢᠮᠦ ᠡ︕ | ᠵᠢᠷᠠᠨ ᠤ ᠳᠠᠪᠠᠭᠠ ᠶᠢ ᠳᠠᠪᠠᠭᠰᠠᠨ ᠠᠪᠤ ᠡᠵᠢ ᠮᠢᠨᠢ ᠲᠦᠰᠢᠭ ᠳᠤᠯᠭᠠᠭᠤᠷᠢ᠂ ᠬᠠᠶᠢᠷᠠ ᠬᠠᠯᠠᠮᠵᠢ ᠭᠡᠷᠡᠭᠰᠡᠬᠦ ᠶᠤᠮ︕ | ᠲᠡᠷᠡᠬᠡᠨ ᠵᠠᠭᠤᠷᠠ ᠰᠠᠶ᠋ᠢ ᠪᠢ ᠠᠪᠤ ᠶᠢᠨ ᠮᠢᠨᠢ ᠵᠠᠵᠢᠨ ᠦᠰᠦ ᠨᠢ ᠴᠠᠶᠢᠵᠦ ᠡᠬᠢᠯᠡᠭᠰᠡᠨ ᠢ ᠠᠩᠬᠠᠷᠴᠦ ᠮᠡᠳᠡᠭᠰᠡᠨ | ᠪᠠᠶᠢᠨᠠ᠃ | ᠬᠡᠳᠦᠨ ᠡᠳᠦᠷ ᠤᠨ ᠳᠠᠷᠠᠭᠠ ᠠᠮᠠᠷᠠᠯᠲᠠ ᠳᠠᠭᠤᠰᠴᠦ ᠪᠢ ᠴᠦ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠬᠠᠷᠢᠴᠢᠬᠠᠯᠠ᠂ ᠳᠡᠭᠦᠰᠬᠦ | ᠬᠤᠭᠤᠴᠠᠭᠠ ᠪᠣᠯᠤᠭᠰᠠᠨ ᠠᠴᠠ ᠮᠢᠨᠦ ᠰᠤᠷᠤᠯᠭᠠ ᠲᠤᠩ ᠶᠠᠭᠠᠷᠠᠤ ᠭᠡᠷ ᠢᠶᠠᠨ ᠰᠠᠨᠠᠬᠤ ᠵᠠᠪ ᠴᠦ ᠪᠠᠶᠢᠭᠰᠠᠨ ᠦᠭᠡᠢ᠂ | ᠨᠢᠭᠡ ᠮᠡᠳᠡᠭᠰᠡᠨ ᠴᠢᠨᠢ ᠰᠤᠷᠭᠠᠭᠤᠯᠢ ᠲᠡᠭᠦᠰᠴᠦ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠪᠤᠯᠴᠢᠬᠠᠭᠰᠠᠨ ᠪᠢᠯᠡ᠃ | ᠠᠷᠦ ᠭᠡᠷ ᠲᠡᠭᠡᠨ ᠰᠠᠭᠤᠭᠠ ᠠᠪᠤ ᠡᠵᠢ ᠪᠠᠨ ᠪᠤᠳᠤᠬᠤ ᠳᠤ ᠮᠠᠰᠢᠨ ᠲᠡᠷᠭᠡ ᠴᠦ ᠲᠤᠩ ᠤᠳᠠᠭᠠᠨ ᠰᠠᠨᠠᠭᠳᠠᠨᠠ᠃ | ᠠᠶᠢᠯ ᠤᠨ ᠡᠮᠦᠨᠡᠬᠢ ᠬᠦᠳᠦᠯ ᠲᠡᠭᠡᠷᠡ ᠡᠵᠢ ᠮᠢᠨᠢ ᠨᠠᠮᠠ ᠶᠢ ᠲᠤᠰᠴᠦ ᠠᠪᠦᠯᠠ᠂ ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠬᠠᠭᠠᠰ | ᠪᠤᠭᠤᠷᠤᠯᠳᠤᠭᠰᠠᠨ ᠡᠵᠢ ᠶᠢᠨ ᠮᠢᠨᠢ ᠬᠡᠵᠢᠭᠡ ᠪᠡ ᠬᠠᠴᠠᠷ ᠨᠢᠭᠤᠷ ᠲᠠᠬᠢ ᠭᠦᠨ ᠠᠳᠤᠷᠢᠶᠡ ᠨᠢ ᠵᠢᠷᠤᠬᠡ ᠶᠢ | ᠡᠮᠵᠡᠭᠯᠡᠭᠦᠯᠦᠨᠡ᠂ ᠬᠡᠳᠦᠬᠡᠨ ᠰᠠᠷᠡ ᠶᠢᠨ ᠴᠢᠯᠦᠭᠡᠨ ᠳᠤ ᠡᠵᠢ ᠮᠢᠨᠢ ᠨᠢᠭᠡᠮᠦᠰᠤᠨ ᠦᠳᠡᠯᠦᠴᠢᠬᠡᠭᠰᠡᠨ ᠰᠢᠭ | ᠬᠠᠷᠠᠭᠳᠠᠯᠠ᠃ ᠲᠡᠭᠡᠭᠡᠳ ᠯᠡ ᠪᠢ ᠡᠵᠢ ᠪᠠᠨ ᠬᠦᠩᠭᠡᠭᠡᠨ ᠲᠡᠪᠡᠷᠢᠵᠦ ᠦᠨᠦᠰᠦᠴᠢᠬᠡᠬᠡᠳ ᠲᠡᠨᠡᠭᠰᠢᠷᠡᠨ ᠢᠨᠢᠶᠡᠨᠡ᠂ | ᠡᠵᠢ ᠴᠦ ᠨᠠᠮᠠᠶᠢ ᠬᠠᠷᠠᠭᠠᠳ ᠪᠠᠶᠠᠰᠤᠨᠠ᠂ ᠪᠤᠷᠦ ᠭᠡᠷ ᠠᠴᠠ ᠮᠢᠨᠢ ᠤᠯᠤᠰ ᠤᠨ ᠺᠠᠳ᠋ᠷ ᠬᠦᠮᠦᠵᠢᠭᠦᠯᠬᠦ ᠭᠡᠭᠴᠢ ᠠᠮᠠᠷ | ᠦᠬᠡᠢ ᠰᠢᠤ ᠳ᠋ᠠ︕ ᠪᠢ ᠠᠬᠠ ᠶᠢᠨ ᠲᠤᠬᠠᠢ ᠠᠰᠠᠭᠤᠬᠤ ᠶᠢ ᠰᠠᠨᠠᠭᠠᠰᠢᠷᠠᠭᠰᠠᠨ ᠴᠦ ᠵᠤᠷᠢᠭ ᠬᠦᠷᠦᠭᠰᠡᠨ ᠦᠭᠡᠢ᠂ | ᠭᠡᠳᠡᠯᠡ ᠶᠡᠷᠦ ᠳᠡᠭᠡᠨ ᠨᠤᠮᠤᠢ ᠲᠤᠷᠤᠢ ᠦᠬᠡ ᠴᠦᠬᠡᠨ ᠡᠵᠢ ᠮᠢᠨᠢ ᠨᠠᠮᠠ ᠪᠠᠨ ᠬᠠᠷᠠᠴᠢᠬᠠᠭᠠᠳ ᠶᠡᠭᠡ ᠯᠡ ᠬᠦᠭᠡᠷᠴᠦ | ᠡᠬᠢᠯᠡᠯᠡ︕ | — ᠤᠳᠦ ᠶᠢᠨ ᠤᠯᠤᠰ ᠶᠠᠭᠠᠬᠢᠬᠤ ᠳᠠᠭᠠᠨ ᠪᠦᠷ ᠬᠤᠳᠠ ᠭᠡᠳ ᠬᠤᠷᠮᠤᠢ ᠳᠤᠨᠢ ᠬᠡᠢ ᠤᠷᠤᠴᠢᠬᠠᠪᠠ ᠳ᠋ᠠ᠂ | ᠨᠤᠳᠤᠭ ᠢᠶᠠᠨ ᠰᠠᠬᠢᠭᠰᠠᠨ ᠨᠢ ᠲᠤᠭᠠ ᠲᠠᠢ ᠬᠡᠳᠤᠭᠡᠨ ᠪᠤᠭᠤᠷᠤᠯᠴᠤᠳ᠂ ᠠᠳᠠᠭ ᠨᠢ ᠪᠢᠷᠠᠭᠤ ᠬᠦᠳᠦᠯᠵᠦ᠂ ᠭᠠᠭ᠋ᠠᠢ | ᠰᠢᠷᠡᠭᠡᠳᠤᠯᠤᠶᠡ ᠭᠡᠳ ᠵᠠᠯᠠᠭᠤᠴᠤᠳ ᠤᠯᠬᠤ ᠦᠭᠡᠢ ᠰᠢᠦ ᠳ᠋ᠠ︕ ᠬᠤᠳᠠ ᠳᠤ ᠠᠮᠢᠳᠤᠷᠠᠬᠤ ᠨᠠᠭᠠᠳᠤᠮ ᠤᠤ︖ | ᠰᠢᠭᠡᠵᠤ ᠪᠠᠭᠠᠬᠤ ᠨᠢ ᠪᠦᠷ ᠵᠤᠭᠤᠰ ᠭᠡᠵᠤ ᠶᠠᠷᠢᠵᠤ ᠡᠬᠢᠯᠡᠯᠡ᠂ ᠠᠬᠠ ᠴᠢᠨᠢ ᠵᠠᠬᠢᠳᠠᠯ ᠢᠷᠡᠭᠰᠡᠨ ᠰᠢᠤ᠂ ᠬᠤᠲᠠ ᠳᠤ | ᠤᠴᠢᠭᠠᠳ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠨᠢ ᠰᠢᠭᠤᠳ ᠦᠭᠡᠢ ᠬᠡᠳᠦᠨ ᠤᠳᠠᠭᠠᠨ ᠤ ᠨᠤᠭᠤᠷᠠᠯ ᠪᠦᠳᠦᠷᠢᠯ ᠳᠤ ᠤᠴᠠᠷᠠᠯᠠ᠂ | ᠠᠪᠤ ᠴᠢᠨᠢ ᠨᠡᠮᠡᠷᠢ ᠪᠤᠯᠬᠤ ᠪᠠᠶᠢᠯᠬᠦᠢ ᠭᠡᠳ ᠬᠤᠳᠠ ᠲᠠᠢ ᠬᠤᠨᠢᠳ ᠢᠶᠠᠨ ᠬᠤᠳᠠᠯᠳᠤᠬᠤ ᠪᠠᠷ ᠠᠶᠢᠯ ᠳᠤ ᠪᠠᠭᠤᠭᠰᠠᠨ | ᠶᠤᠮ ᠁ | ᠭᠡᠷ ᠤᠨ ᠡᠭᠦᠳᠠᠨ ᠳᠤ ᠬᠦᠷᠴᠦ ᠢᠷᠡᠯᠡ᠂ ᠶᠡᠷᠦ ᠠᠴᠠ ᠯᠠ ᠤᠯᠵᠠ ᠤᠮᠤᠭ ᠲᠠᠢ᠂ ᠤᠷᠤᠯᠭᠠ ᠰᠠᠶᠢᠲᠠᠢ ᠴᠡᠪᠡᠷ | ᠰᠠᠶᠢᠬᠠᠨ ᠪᠠᠶᠢᠰᠢᠩ ᠭᠡᠷ ᠪᠠ ᠵᠤᠴᠢᠨ ᠭᠡᠶᠢᠴᠢᠳ ᠤᠯᠠᠨ ᠬᠤᠷᠠᠳᠠᠭ ᠡᠯᠪᠡᠭ ᠳᠡᠯᠪᠡᠭ ᠵᠢᠷᠭᠠᠯ ᠪᠢᠯᠬᠠᠳᠠᠭ ᠡᠷᠦᠭᠡ ᠭᠡᠷ | ᠮᠢᠨᠢ ᠲᠡᠶᠢᠮᠦ ᠯᠠ ᠰᠦᠭ ᠰᠦᠯᠳᠠ ᠦᠭᠡᠢ ᠬᠠᠷᠠᠭᠳᠠᠨᠠ᠃ ᠳᠡᠭᠡᠭᠡᠳ ᠯᠠ ᠪᠢ ᠨᠢᠭᠡ ᠰᠠᠷᠠ ᠶᠢᠨ ᠲᠠᠷᠠᠭᠠ | ᠳᠠᠳᠤᠯᠭᠠ ᠶᠢᠨ ᠰᠤᠷᠤᠭᠴᠢ ᠶᠢᠨ ᠠᠮᠢᠳᠤᠷᠠᠯ ᠢᠶᠠᠨ ᠡᠬᠢᠯᠡᠵᠤ ᠪᠢᠴᠢᠭ ᠵᠢᠭᠠᠵᠤ ᠬᠦᠮᠦᠨ ᠢ ᠬᠦᠮᠦᠵᠢᠭᠦᠯᠬᠦ ᠠᠵᠢᠯ ᠢᠶᠠᠨ | ᠡᠯᠭᠦᠭᠰᠡᠨ ᠪᠠᠶᠢᠨᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠭᠡᠳᠦ᠋ᠢᠪᠡᠷ ᠰᠠᠷᠠ ᠶᠢᠨ ᠴᠠᠯᠢᠩ ᠲᠤᠩ ᠪᠠᠭᠠ ᠪᠠᠶᠢᠭᠰᠠᠨ ᠪᠤᠯᠪᠠᠴᠦ | ᠤᠯᠠᠷᠢᠯ ᠰᠤᠯᠢᠬᠤ ᠪᠤᠯᠤᠭᠰᠠᠭᠠᠷ ᠠᠬᠠ ᠶᠢᠨ ᠭᠤᠶᠢᠪᠢᠭᠤᠯᠤᠭᠰᠠᠨ ᠭᠤᠶᠤ ᠠᠷᠠᠰᠤᠨ ᠭᠤᠳᠤᠯ ᠪᠠ ᠵᠠᠬᠢᠳᠠᠯ ᠢ | ᠲᠤᠰᠴᠦ ᠠᠮᠠ ᠳᠠᠷᠪᠠᠶᠢᠨ ᠪᠠᠶᠠᠷᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠂ ᠤᠨ ᠵᠢᠯ ᠦᠡᠭᠭᠡᠷᠡᠭᠰᠡᠭᠡᠷ ᠁ ᠬᠠᠮᠳᠤ | ᠠᠵᠢᠯᠳᠠᠳ ᠤᠨ ᠳᠤᠮᠳᠠ ᠪᠠᠨ ᠮᠢᠨᠤ ᠡᠮᠤᠰᠬᠦ ᠠᠷᠠᠰᠤᠨ ᠭᠤᠳᠤᠯ ᠴᠠᠭ ᠦᠶᠡ ᠶᠢᠨ ᠰᠢᠨᠡ ᠤᠷᠤᠰᠬᠠᠯ ᠢ ᠳᠠᠭᠠᠵᠤ | ᠤᠯᠠᠨ ᠤ ᠨᠢᠳᠦᠨ ᠤ ᠬᠤᠷᠤᠬᠠᠢ ᠶᠢ ᠬᠦᠳᠡᠯᠭᠡᠵᠤ ᠶᠠᠪᠤᠭᠰᠠᠨ ᠶᠤᠮ᠃ | ᠨᠢᠭᠡᠨ ᠭᠠᠷᠠᠭ ᠤᠨ ᠡᠳᠦᠷ ᠪᠠᠶᠢᠵᠤ ᠪᠢᠯᠡ᠂ ᠪᠢ ᠠᠬᠠ ᠶᠢᠨ ᠵᠠᠬᠢᠳᠠᠯ ᠢ ᠲᠤᠰᠤᠯᠠ᠂ ᠶᠠᠷᠦ ᠳᠡᠭᠡᠨ ᠵᠠᠬᠢᠳᠠᠯ ᠲᠠᠢ | ᠬᠠᠮᠳᠤ ᠢᠷᠡᠳᠡᠭ ᠠᠷᠠᠰᠤᠨ ᠭᠤᠳᠤᠯ ᠮᠢᠨᠢ ᠪᠠᠶᠢᠭᠰᠠᠨ ᠦᠭᠡᠢ᠂ ᠵᠠᠬᠢᠳᠠᠯ ᠳᠠᠭᠠᠨ ᠠᠬᠠ ᠮᠢᠨᠢ ᠰᠠᠷᠠ ᠶᠢᠨ | ᠰᠡᠭᠦᠯᠴᠢ ᠪᠠᠷ ᠨᠤᠳᠤᠭ ᠢᠶᠠᠨ ᠡᠷᠭᠢᠵᠤ ᠦᠵᠡᠬᠦ ᠪᠠᠷ ᠢᠷᠡᠬᠦ ᠭᠡᠵᠤ ᠶᠠᠷᠢᠭᠰᠠᠨ ᠪᠢᠯᠡ᠃ ᠡᠨᠡ ᠨᠢ ᠮᠠᠨ ᠤ ᠪᠦᠬᠦ | ᠭᠡᠷ ᠤᠨ ᠬᠠᠮᠤᠭ ᠤᠨ ᠶᠡᠭᠡ ᠪᠠᠶᠠᠷ ᠤᠨ ᠴᠢᠮᠡᠭᠡ ᠪᠤᠯᠵᠤ᠂ ᠠᠪᠤ ᠡᠵᠢ ᠶᠠᠭᠠᠷᠠᠴᠢᠬᠠᠭᠠᠳ ᠬᠠᠳᠠᠭᠠᠭᠰᠠᠨ ᠪᠤᠷᠴᠠ᠂ | ᠠᠭᠠᠷᠤᠤᠯ ᠬᠤᠷᠤᠳ ᠢᠶᠠᠨ ᠪᠡᠯᠡᠳᠭᠡᠵᠤ ᠪᠦᠵᠢᠬᠢᠨᠠᠨᠠ᠃ | ᠪᠢ ᠴᠤ ᠡᠳᠦᠷ ᠬᠤᠨᠤᠭ ᠲᠤᠭᠠᠯᠠᠭᠰᠠᠭᠠᠷ ᠠᠬᠠ ᠶᠢᠨ ᠢᠶᠠᠨ ᠬᠦᠷᠴᠦ ᠢᠷᠡᠬᠦ ᠡᠳᠦᠷ ᠢ ᠲᠤᠰᠴᠦ ᠠᠪᠤᠯᠠ᠃ | ᠳᠡᠷᠡ ᠡᠳᠦᠷ ᠤᠨᠴᠠ ᠶᠢᠨ ᠳᠤᠩᠭᠠᠯᠠᠭ ᠪᠢ ᠭᠤᠶᠤ ᠪᠠᠩᠵᠠᠯ ᠢᠶᠠᠨ ᠡᠮᠤᠰᠴᠦ᠂ ᠠᠮᠠᠨ ᠳᠠᠭᠠᠨ ᠳᠠᠭᠤᠤ ᠭᠡᠨᠭᠰᠢᠭᠰᠡᠭᠡᠷ | ᠬᠡᠳᠦᠨ ᠴᠠᠭ ᠤᠨ ᠡᠮᠤᠨᠠ ᠳᠡᠷᠭᠡᠨ ᠦᠷᠳᠡᠭᠡᠨ ᠳᠤ ᠬᠦᠷᠴᠦ ᠠᠬᠠ ᠪᠠᠨ ᠬᠦᠯᠢᠶᠡᠵᠤ ᠰᠠᠭᠤᠯᠠ᠃ ᠠᠬᠠ ᠮᠢᠨᠢ | ᠢᠨᠢᠶᠡᠮᠰᠦᠭᠯᠡᠭᠰᠡᠭᠡᠷ ᠲᠡᠷᠭᠡᠨ ᠠᠴᠠ ᠪᠠᠭᠤᠯᠠ᠂ ᠬᠦᠷᠦᠰᠦᠯᠢᠭ ᠪᠤᠷᠤᠬᠠᠨ ᠴᠢᠷᠠᠢ ᠨᠢ ᠨᠠᠳᠠ ᠳᠤ ᠤᠨᠴᠠ ᠶᠢᠨ | ᠴᠠᠭᠠᠬᠠᠨ ᠬᠠᠷᠠᠭᠳᠠᠬᠤ ᠳᠤ ᠬᠡᠳᠦᠨ ᠵᠢᠯ ᠪᠡᠶᠡ ᠠᠮᠠᠷᠠᠬᠠᠨ ᠬᠤᠳᠠ ᠶᠢᠨ ᠠᠮᠢᠳᠤᠷᠠᠯ ᠢ ᠦᠡᠭᠭᠡᠷᠡᠭᠰᠡᠨ ᠤ ᠪᠠᠶᠢᠯᠬᠦᠢ | ᠭᠡᠵᠤ ᠪᠤᠳᠤᠬᠤ ᠶᠤᠮ᠃ ᠪᠢ ᠬᠦᠭᠡᠷᠵᠤ ᠳᠡᠪᠬᠡᠷᠡᠭᠰᠡᠭᠡᠷ ᠠᠬᠠ ᠶᠢᠨ ᠢᠶᠠᠨ ᠳᠡᠷᠭᠡᠳᠡ ᠬᠦᠷᠴᠦ ᠤᠴᠢᠯᠠ᠃ ᠠᠬᠠ | ᠮᠢᠨᠢ ᠪᠠᠶᠠᠷᠯᠠᠨ ᠨᠠᠮᠠᠢᠢ ᠬᠦᠴᠦᠲᠡᠶᠢᠬᠡᠨ ᠲᠡᠪᠡᠷᠢᠵᠤ ᠲᠡᠪᠡᠷᠢᠨ᠂ ᠵᠠᠬᠢᠳᠠᠯ ᠳᠠᠭᠠᠨ ᠶᠠᠷᠢᠭᠰᠠᠨ ᠪᠤᠷᠦ ᠡᠮᠵᠢᠶᠡᠷᠢ ᠲᠠᠢ | ᠠᠷᠠᠰᠤᠨ ᠭᠤᠳᠤᠯ ᠢᠶᠠᠨ ᠨᠠᠳᠠ ᠳᠤ ᠭᠠᠷᠳᠠᠭᠤᠯᠪᠠ᠃ ᠠᠬᠠ ᠪᠠᠨ ᠬᠠᠷᠠᠵᠦ ᠭᠤᠳᠤᠯ ᠢᠶᠠᠨ ᠲᠡᠪᠡᠷᠢᠭᠡᠳ ᠡᠨᠡ | ᠲᠡᠯᠡᠬᠡᠢ ᠳᠤ ᠪᠢ ᠬᠠᠮᠤᠭ ᠤᠨ ᠵᠤᠯ ᠵᠢᠷᠭᠠᠯᠳᠠᠢ ᠬᠦᠮᠤᠨ ᠪᠤᠯᠴᠢᠬᠠᠭᠰᠠᠨ ᠰᠢᠬ ᠰᠠᠨᠠᠭᠳᠠᠬᠤ ᠶᠤᠮ᠃ | ᠦᠨᠦᠳᠦᠷ ᠨᠢ ᠮᠠᠨ ᠤ ᠭᠡᠷ ᠲᠤ ᠤᠷᠢᠳ ᠡᠮᠦᠨᠡ ᠭᠠᠷᠤᠭᠠ ᠦᠭᠡᠢ ᠬᠦᠭᠵᠢᠶᠡᠨ ᠲᠠᠢ ᠡᠳᠦᠷ ᠪᠤᠯᠵᠤ ᠪᠠᠶᠢᠯᠠ᠂ | ᠡᠵᠢ ᠮᠢᠨᠢ ᠪᠠᠶᠠᠷᠯᠠᠭᠰᠠᠨ ᠤ ᠪᠠᠶᠢᠯᠬᠦᠢ ᠰᠡᠮᠡᠬᠡᠨ ᠰᠡᠮᠡᠭᠡᠨ ᠨᠢᠯᠪᠤᠰᠤ ᠪᠠᠨ ᠵᠦᠯᠭᠦᠨᠡ᠂ ᠠᠪᠤ᠂ ᠠᠬᠠ ᠶᠢ ᠦᠵᠡᠬᠦ ᠪᠠᠷ | ᠢᠷᠡᠭᠰᠡᠨ ᠤᠶᠢᠷᠠ ᠵᠡᠷᠭᠡᠯᠡᠳᠡᠭᠡ ᠶᠢᠨ ᠤᠶᠢᠷᠠ ᠲᠦᠷᠦᠯ ᠨᠠᠷ ᠲᠠᠢ ᠨᠠᠷᠬᠢᠯᠳᠤᠵᠤ ᠰᠠᠭᠤᠯᠠ᠃ | ᠶᠠᠷᠦ ᠠᠴᠠ ᠦᠭᠡ ᠲᠠᠭᠤ ᠴᠦᠭᠡᠨ ᠲᠠᠢ ᠠᠬᠠ ᠮᠢᠨᠢ ᠴᠦ ᠪᠦᠬᠦᠳᠠ ᠤᠯᠠᠨ ᠲᠠᠢ ᠶᠠᠭᠤ ᠨᠢᠭᠡ ᠶᠢ | ᠬᠦᠭᠡᠷᠦᠯᠳᠤᠵᠤ ᠪᠠᠶᠢᠯᠠ᠂ ᠬᠦᠭᠡᠷᠦᠭᠦᠢ ᠠᠬᠠ ᠮᠢᠨᠢ ᠶᠡᠭᠡ ᠬᠤᠳᠠᠨ ᠤ ᠳᠠᠷᠤᠭᠠᠰᠤ ᠲᠠᠢ ᠠᠮᠢᠳᠤᠷᠠᠯ᠂ ᠮᠠᠶᠢᠮᠠᠢ | ᠬᠤᠳᠠᠯᠳᠤᠭᠠᠨ ᠤ ᠪᠤᠳᠤᠯᠢᠶᠠᠨ ᠲᠠᠢ ᠠᠬᠤᠢ ᠠᠴᠠ ᠰᠠᠯᠵᠤ᠂ ᠤᠶᠢᠷᠠ ᠰᠠᠳᠤᠨ ᠨᠤᠳᠤᠭ ᠤᠨ ᠤᠯᠠᠨ ᠲᠠᠢ | ᠠᠭᠤᠯᠵᠠᠵᠤ ᠪᠠᠶᠠᠷᠯᠠᠵᠤ ᠭᠦᠭᠡᠷᠥᠭᠰᠡᠨ ᠪᠠᠶᠢᠯᠭᠦᠢ︖ | ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠵᠤᠴᠢᠳ ᠬᠠᠷᠢᠵᠠᠭᠠᠵᠤ ᠠᠬᠠ ᠮᠢᠨᠢ ᠬᠤᠯᠠ ᠶᠢᠨ ᠠᠶᠠᠨ ᠳᠤ ᠶᠠᠳᠠᠷᠠᠭᠰᠠᠠ ᠤ ᠪᠠᠶᠢᠯᠬᠦᠢ᠂ | ᠠᠯᠢ ᠡᠷᠳᠡ ᠤᠷᠦ ᠪᠠᠨ ᠵᠠᠰᠠᠵᠤ᠂ ᠤᠨᠳᠠᠵᠤ ᠤᠷᠬᠢᠯᠠ᠃ ᠭᠠᠶᠢᠬᠠᠯᠲᠠᠢ ᠨᠢ ᠡᠨᠡ ᠡᠳᠦᠷ ᠡᠵᠢ ᠶᠢᠨ ᠮᠢᠨᠢ | ᠴᠢᠷᠠᠢ ᠳᠤ ᠪᠠᠶᠠᠷᠯᠠᠩᠭᠤᠢ ᠳᠦᠷᠢ ᠢᠯᠡᠷᠡᠭᠰᠡᠨ ᠦᠭᠡᠢ ᠪᠦᠭᠡᠳ ᠪᠠᠭᠯᠠᠭᠠ ᠲᠠᠢ ᠵᠤᠭᠤᠰ ᠳᠡᠪᠡᠷᠢᠭᠡᠳ ᠮᠢᠨᠦ | ᠦᠷᠦᠭᠡᠨ ᠳᠤ ᠤᠷᠤᠵᠤ ᠢᠷᠡᠯᠡ᠃ ︽ᠠᠬᠠ ᠶᠢᠨ ᠴᠢᠨᠢ ᠴᠢᠷᠠᠢ ᠪᠦᠷ ᠤᠰᠤᠩᠲᠠᠨ ᠬᠠᠪᠤᠳᠤᠭᠰᠠᠨ ᠪᠠᠶᠢᠨᠠ᠂ ᠪᠡᠶᠡ | ᠪᠠᠷᠤᠭᠲᠠᠢ ᠪᠠᠶᠢᠬᠤ ᠤᠤ ᠳ᠋ᠠ᠂ ᠮᠠᠷᠭᠠᠰᠢ ᠠᠬᠠ ᠪᠠᠨ ᠳᠠᠭᠠᠭᠤᠯᠵᠤ ᠠᠶᠢᠮᠠᠭ ᠤᠨ ᠡᠮᠨᠡᠯᠭᠡ ᠳᠤ ᠤᠴᠢᠵᠤ | ᠪᠠᠶᠢᠴᠠᠭᠠᠯᠭᠠᠷᠠᠢ︕︾ ᠭᠡᠵᠤ ᠬᠤᠭᠤᠯᠠᠢ ᠨᠢ ᠴᠡᠴᠡᠷᠬᠢᠯᠡᠵᠤ ᠨᠢᠯᠪᠤᠰᠦ ᠪᠠᠨ ᠠᠷᠴᠢᠯᠠ︕ ᠳᠡᠷᠡ ᠰᠦᠨᠢ ᠪᠢ ᠴᠤ | ᠨᠦᠢᠷ ᠬᠤᠯᠵᠢᠵᠤ ᠤᠨᠳᠠᠵᠤ ᠤᠷᠤᠭᠰᠠᠨ ᠦᠭᠡᠢ᠂ ᠤᠳᠠᠭᠠ ᠪᠦᠷᠢ ᠶᠢᠨ ᠵᠠᠬᠢᠳᠠᠯ ᠳᠠᠭᠠᠨ ᠰᠠᠶᠢᠨ ᠢᠶᠠᠨ ᠶᠠᠷᠢᠵᠤ | ᠮᠠᠭᠤ ᠪᠠᠨ ᠳᠠᠷᠤᠵᠤ ᠪᠠᠶᠢᠭᠰᠠᠨ ᠢ ᠪᠢ ᠤᠬᠠᠯᠠ᠂ ᠪᠢ ᠤᠷᠪᠠᠵᠤ ᠬᠦᠷᠪᠡᠭᠰᠡᠭᠡᠷ ᠯᠠ ᠪᠠᠶᠢᠭᠠᠳ ᠡᠷᠳᠡ ᠶᠢᠨ ᠨᠠᠷᠠ ᠶᠢ | ᠤᠭᠳᠤᠵᠤ ᠠᠪᠤᠯᠠ᠂ ᠪᠢ ᠬᠤᠨᠢᠨ ᠮᠢᠬᠠᠨ ᠤ ᠱᠦᠯᠦ ᠪᠤᠴᠠᠯᠭᠠᠭᠠᠳ ᠪᠢ ᠠᠬᠠ ᠶᠢᠨ ᠦᠷᠦᠭᠡᠨ ᠳᠤ ᠤᠷᠤᠵᠤ | ᠤᠴᠢᠯᠠ᠃ | ︽ᠠᠬᠠ ᠡ︕ ᠪᠤᠰᠴᠢᠬᠠᠭᠠᠳ ᠱᠦᠯᠦ ᠤᠤᠭᠤᠬᠤ ᠤᠤ︖︾ ᠭᠡᠬᠦ ᠳᠤ ᠠᠬᠠ ᠮᠢᠨᠢ ᠬᠠᠷᠢᠭᠤ ᠦᠭᠭᠦᠭᠰᠡᠨ | ᠦᠭᠡᠢ᠃ | ᠠᠬᠠ ᠶᠢᠨ ᠴᠢᠷᠠᠢ ᠴᠢᠰᠦ ᠦᠭᠡᠢ ᠴᠠᠶᠢᠵᠤ᠂ ᠤᠨᠴᠠ ᠶᠢᠨ ᠨᠠᠮ ᠳᠦᠯᠭᠡᠨ ᠬᠠᠷᠠᠭᠳᠠᠯᠠ︕ ᠮᠢᠨᠤ ︽ᠠᠬᠠ ᠡ | ︕ ᠠᠬᠠ ᠡ︕︾ ᠭᠡᠬᠦ ᠬᠠᠰᠭᠢᠷᠤᠯᠳᠠ ᠳᠤ ᠡᠵᠢ ᠮᠢᠨᠢ ᠬᠦᠶᠤᠨ ᠤᠷᠤᠵᠤ ᠢᠷᠡᠭᠡᠳ ᠠᠬᠠ ᠶᠢᠨ ᠳᠤᠯᠤᠭᠠᠢ ᠶᠢ | ᠳᠡᠮᠳᠡᠷᠬᠢᠯᠡᠭᠡᠳ ︽ᠠᠬᠠ ᠴᠢᠨᠢ ᠶᠠᠪᠤᠴᠢᠬᠠᠯᠠ︕︾ ᠭᠡᠳ ᠮᠡᠳᠡᠭᠡ ᠠᠯᠳᠠᠯᠠ ᠁ | ᠡᠨᠡ ᠳᠡᠯᠡᠭᠡᠢ ᠳᠤ ᠵᠠᠯᠠᠭᠤ ᠨᠠᠰᠤᠨ ᠳᠠᠭᠠᠨ ᠭᠡᠨᠡᠳᠡᠬᠦ ᠠᠴᠠ ᠬᠠᠷᠠᠩᠭᠤᠢ ᠵᠤᠪᠠᠯᠠᠩ ᠪᠠᠶᠢᠳᠠᠭ ᠦᠭᠡᠢ ᠪᠠᠶᠢᠯᠭᠦᠢ︕ | ᠦᠨᠦᠳᠦᠷ ᠢ ᠪᠢ ᠴᠤᠬᠤᠮ ᠶᠠᠭᠠᠬᠢᠵᠤ ᠦᠡᠭᠭᠡᠷᠡᠭᠰᠡᠨ ᠢᠶᠠᠨ ᠮᠡᠳᠡᠬᠦ ᠦᠭᠡᠢ ᠁ | ᠠᠬᠠ ᠶᠢᠨ ᠮᠢᠨᠢ ᠵᠤᠯ ᠪᠤᠰᠤ ᠵᠠᠶᠠᠭᠠᠨ ᠳᠤ ᠡᠨᠡᠯᠤᠨ ᠰᠢᠨᠠᠯᠤᠨ ᠵᠤᠪᠠᠭ᠋ᠤ ᠳᠠᠭᠠᠨ ᠪᠢ ᠠᠬᠠ ᠶᠢᠨ | ᠨᠤᠳᠤᠭ ᠲᠠᠭᠠᠨ ᠪᠠᠶᠢᠬᠤ ᠳᠠᠭᠠᠨ ᠬᠤᠨᠢ ᠮᠠᠯ ᠢᠶᠠᠨ ᠦᠰᠭᠡᠨ ᠳᠠᠷᠢᠶᠠ ᠲᠦᠮᠦᠰᠦ ᠪᠠᠨ ᠲᠤᠳᠤᠮᠳᠠᠨ᠂ ᠨᠤᠳᠤᠭ | ᠤᠰᠤᠨ ᠳᠠᠭᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠤᠳᠠ ᠤᠷᠤᠵᠤ ᠮᠠᠶᠢᠮᠠᠢ ᠬᠢᠭᠡᠳ ᠡᠷᠦᠭᠡ ᠭᠡᠷ᠂ | ᠦᠷᠡ ᠭᠡᠤᠭᠡᠳ ᠢᠶᠠᠨ ᠬᠦᠮᠦᠨ ᠠᠴᠠ ᠳᠡᠭᠡᠭᠦᠷ ᠶᠠᠪᠤᠭᠤᠯᠤᠶᠠ ᠭᠡᠰᠡᠨ ᠡᠷᠡ ᠬᠦᠮᠦᠨ ᠤ ᠡᠷᠡᠮᠡᠭᠡᠢ ᠵᠤᠷᠢᠭ ᠠᠳᠠᠯ | ᠠᠮᠢᠳᠤᠷᠠᠯ ᠤᠨ ᠨᠤᠭᠤᠷᠠᠯ ᠪᠦᠳᠦᠷᠢᠯ᠂ ᠠᠵᠢᠯ ᠶᠠᠪᠤᠳᠠᠯ ᠤᠨ ᠶᠠᠭᠠᠷᠠᠤ ᠠᠴᠠ ᠡᠪᠡᠳᠴᠢᠨ ᠤᠯᠵᠤ ᠡᠴᠡᠩᠬᠡᠶᠢᠷᠡᠨ | ᠳᠤᠷᠠᠭᠰᠠᠨ᠂ ᠡᠴᠦᠰ ᠲᠡᠭᠡᠨ ᠡᠪᠡᠳᠴᠢᠨ ᠤ ᠰᠢᠨᠠᠯᠤᠯ᠂ ᠠᠮᠢᠳᠤᠷᠠᠯ ᠠᠳᠠᠯ ᠤᠨ ᠬᠦᠨᠳᠤ ᠳᠠᠷᠤᠭᠠᠰᠦ ᠠᠬᠠ ᠶᠢ ᠮᠢᠨᠢ | ᠨᠢᠴᠠ ᠳᠠᠷᠤᠭᠰᠠᠨ ᠢ ᠤᠬᠠᠭᠠᠷᠠᠯᠠ᠃ ᠁ ᠁ | ᠠᠢ︕ ᠬᠦᠭᠡᠷᠦᠭᠦᠢ ᠠᠬᠠ ᠪᠠᠨ ᠪᠤᠳᠤᠬᠤ ᠠᠴᠠ ᠵᠢᠷᠤᠬᠡ ᠮᠢᠨᠢ ᠡᠮᠵᠡᠭᠯᠡᠨᠡ᠃ ᠨᠦᠬᠦᠷ ᠮᠢᠨᠢ ᠮᠢᠨᠦ ᠪᠠᠶᠢᠳᠠᠯ ᠢ | ᠭᠠᠳᠠᠷᠯᠠᠵᠤ ᠲᠤᠭᠤᠭᠠᠨ ᠭᠡᠷ ᠠᠴᠠ ᠰᠦ ᠲᠠᠢ ᠴᠠᠢ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠨ ᠰᠢᠷᠡᠭᠡ ᠳᠦᠭᠦᠷᠡᠩ ᠦᠷᠦᠴᠢᠭᠡᠭᠡᠳ᠄ ︽ | ᠬᠤᠷᠳᠤᠨ ᠢᠷᠡᠵᠤ ᠦᠷᠯᠦᠭᠡ ᠶᠢᠨ ᠴᠠᠢ ᠪᠠᠨ ᠤᠤᠭᠤᠬᠤ ᠦᠭᠡᠢ ᠪᠤᠯ ᠠᠵᠢᠯ ᠠᠴᠠ ᠪᠠᠨ ᠬᠤᠵᠢᠭᠳᠠᠨᠠ ᠰᠢᠤ︕︾ | ᠭᠡᠵᠤ ᠰᠢᠬᠠᠮᠳᠠᠭᠤᠯᠬᠤ ᠪᠠᠷ ᠪᠢ ᠰᠠᠨᠳᠤᠷᠤᠨ ᠨᠢᠳᠦᠨ ᠨᠢᠯᠪᠤᠰᠦ ᠪᠠᠨ ᠬᠦᠩᠭᠡᠭᠡᠨ ᠠᠷᠴᠢᠯᠠ ᠁ | ᠵᠣᠬᠢᠶᠠᠭᠴᠢ᠄ ᠄ ● ᠴᠢᠨ ᠰᠢᠶᠣᠣ ᠴᠢᠨ | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠵᠠᠯᠠᠶᠢᠤᠨ ᠬᠤᠰᠢᠭᠤᠨ ᠤ ᠢᠨᠳᠡᠷ ᠲᠠᠬᠢ ᠵᠢᠷᠭᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ |