ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠬᠤᠯᠤᠭᠠᠨ᠎ᠠ ᠵᠢᠯ ᠤᠨ ᠪᠤᠱᠤᠭᠠᠨ ᠲᠡᠭᠡᠷᠡᠬᠢ ᠬᠤᠯᠤᠭᠠᠨ᠎ᠠ ᠶᠢᠨ ᠲᠤᠬᠠᠢ ᠨᠠᠶᠢᠷᠠᠬ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020-01-10
   ᠪᠠᠭ᠎ᠠ ᠳᠤ ᠪᠠᠨ ᠰᠤᠨᠤᠰᠴᠤ ᠪᠠᠶᠢᠭᠰᠠᠨ ᠲᠦᠷᠪᠡᠨ ᠬᠤᠤᠷᠳᠠᠨ ᠤ ᠨᠢᠭᠡ ᠪᠤᠯᠬᠤ ᠬᠤᠯᠤᠭᠠᠨ᠎ᠠ ᠶᠢᠨ ᠲᠤᠬᠠᠢ ᠦᠭᠦᠯᠡᠬᠦ ᠳᠤ ᠪᠠᠭ᠎ᠠ ᠶᠢᠨ ᠬᠡᠷᠡᠭ ᠤᠴᠢᠷ ᠲᠤᠷᠠᠰᠤᠭᠳᠠᠨ᠎ᠠ᠃ ᠰᠠᠩ ᠬᠦᠮᠦᠷᠭᠡ ᠪᠠᠷ ᠲᠤᠮᠤ ᠵᠢᠵᠢᠭ ᠬᠤᠯᠤᠭᠠᠨ᠎ᠠ ᠨᠤᠭᠤᠳ ᠵᠦᠩᠳᠡᠭᠡᠨ ᠬᠦᠶᠦᠯᠳᠡᠨ᠎ᠡ᠃ ᠡᠮᠡᠭᠡ ᠮᠢᠨᠢ ᠬᠤᠯᠤᠭᠠᠨ᠎ᠠ ᠶᠢ ᠠᠯᠠᠬᠤ ᠭᠡᠵᠦ ᠬᠠᠪᠬ᠎ᠠ ᠲᠠᠯᠪᠢᠨ᠎ᠠ᠃ ᠬᠠᠪᠬᠠᠨ ᠤ ᠬᠡᠯᠡᠨ ᠲᠡᠭᠡᠷ᠎ᠡ ᠲᠠᠷᠭᠤᠨ ᠮᠢᠬ᠎ᠠ ᠲᠠᠯᠪᠢᠵᠤ ᠦᠭᠶᠦᠭᠡ ᠪᠤᠯᠭᠠᠨ᠎ᠠ᠃ ᠲᠡᠭᠡᠪᠡᠯ ᠬᠤᠪᠳᠤᠭ ᠬᠤᠯᠤᠭᠠᠨ᠎ᠠ ᠮᠢᠬᠠᠨ ᠳᠤ ᠲᠤᠷᠠᠯᠠᠵᠤ ᠢᠷᠡᠭᠡᠳ ᠬᠦᠯ ᠢᠶᠠᠨ ᠬᠠᠪᠬᠠᠨ ᠳᠤ ᠬᠠᠪᠴᠢᠭᠤᠯᠬᠤ ᠪᠤᠶᠤ ᠬᠦᠵᠦᠬᠦᠦ ᠪᠠᠨ ᠬᠠᠪᠴᠢᠭᠤᠯᠤᠨ᠎ᠠ᠃ ᠵᠠᠷᠢᠮ ᠬᠠᠰᠢᠷ ᠬᠤᠯᠤᠭᠠᠨ᠎ᠠ ᠨᠢ ᠰᠡᠭᠦᠯ ᠢᠶᠠᠷ ᠢᠶᠠᠨ ᠬᠠᠪᠬ᠎ᠠ ᠶᠢ ᠬᠦᠳᠡᠯᠭᠡᠵᠦ ︽ᠫᠠᠰ︕︾ ᠬᠢᠯᠭᠡᠵᠦ ᠬᠠᠪᠬ᠎ᠠ ᠶᠢ ᠬᠠᠭᠠᠯᠭᠠᠴᠢᠬᠠᠭᠠᠳ᠂ ᠮᠢᠬ᠎ᠠ ᠶᠢ ᠢᠳᠡᠭᠡᠳ ᠶᠠᠪᠤᠴᠢᠬᠠᠨ᠎ᠠ᠃ ᠬᠦᠰᠡᠷ ᠲᠠᠯᠪᠢᠵᠤ ᠪᠠᠶᠢᠬᠤ ᠲᠡᠷᠭᠡᠨ ᠤ ᠭᠠᠳᠠᠷ ᠬᠦᠷᠳᠦ ᠶᠢᠨ ᠲᠤᠳᠤᠷ᠎ᠠ ᠤᠷᠤᠭᠰᠠᠨ ᠬᠤᠯᠤᠭᠠᠨ᠎ᠠ ᠶᠢ ᠡᠮᠡᠭᠡ ᠮᠢᠨᠢ ᠭᠠᠷ ᠢᠶᠠᠷ ᠢᠶᠠᠨ ᠠᠳᠬᠤᠵᠤ ᠠᠪᠤᠭᠠᠳ ᠠᠯᠠᠴᠢᠬᠠᠨ᠎ᠠ᠃ ᠵᠠᠷᠢᠮ ᠳᠤ ᠪᠠᠨ ᠪᠢ ᠭᠡᠷ ᠲᠤ ᠤᠷᠤᠵᠤ ᠢᠷᠡᠭᠰᠡᠨ ᠵᠢᠵᠢᠭ ᠬᠤᠯᠤᠭᠠᠨ᠎ᠠ ᠶᠢ ᠠᠯᠠᠬᠤ ᠭᠡᠵᠦ ᠬᠦᠯᠦᠰᠦ ᠭᠠᠷᠳᠠᠯ᠎ᠠ ᠬᠦᠭᠡᠭᠡᠵᠦ ᠴᠢᠴᠢᠯᠡᠨ᠎ᠡ᠃ ᠭᠡᠵᠢᠶ᠎ᠡ ᠲᠡᠭᠡᠭᠡᠳ ᠨᠢᠭᠡ ᠵᠢᠵᠢᠭ ᠬᠤᠯᠤᠭᠠᠨ᠎ᠠ ᠠᠯᠠᠪᠠᠯ ᠶᠡᠭᠡ ᠭᠠᠪᠢᠶ᠎ᠠ ᠪᠠᠶᠢᠭᠤᠯᠵᠤ᠂ ᠠᠯᠠᠭᠰᠠᠨ ᠬᠤᠯᠤᠭᠠᠨ᠎ᠠ ᠶᠢ ᠬᠦᠷᠵᠡᠨ ᠲᠡᠭᠡᠷ᠎ᠡ ᠲᠠᠯᠪᠢᠭᠠᠳ ᠡᠮᠡᠭᠡ ᠳᠤ ᠭᠠᠶᠢᠬᠠᠭᠤᠯᠤᠨ᠎ᠠ᠃ ᠬᠤᠷᠢᠶᠠᠵᠤ ᠪᠠᠶᠢᠭ᠎ᠠ ᠤᠷᠤ ᠲᠡᠪᠢᠰᠭᠡᠷ᠂ ᠬᠤᠪᠴᠠᠰᠤ ᠬᠤᠨᠠᠷ ᠤᠨ ᠲᠤᠮᠳᠠ ᠬᠤᠯᠤᠭᠠᠨ᠎ᠠ ᠡᠭᠦᠷᠯᠡᠪᠡᠯ ᠶᠠᠷᠰᠢᠭ ᠪᠤᠯᠤᠨ᠎ᠠ᠃ ᠡᠭᠳᠡᠭᠦᠦ ᠲᠠᠢ ᠭᠡᠳᠡᠭ ᠨᠢ᠃ ᠲᠠᠭᠠᠷᠠᠯᠳᠤᠭᠰᠠᠨ ᠪᠦᠬᠦᠨ ᠢᠶᠠᠨ ᠮᠡᠷᠡᠭᠡᠳ ᠵᠤᠬᠰᠤᠬᠤ ᠦᠭᠡᠢ᠂ ᠤᠷᠤ ᠲᠡᠪᠢᠰᠭᠡᠷ ᠲᠤᠳᠤᠷ᠎ᠠ ᠤᠯᠠᠭᠠᠨ ᠵᠤᠯᠤᠮ ᠶᠠᠭᠤᠮ᠎ᠠ ᠪᠠᠨ ᠭᠠᠷᠭᠠᠪᠠᠯ ᠵᠢᠪᠡᠭᠦᠦ ᠬᠦᠷᠭᠡᠨ᠎ᠡ᠃ ᠬᠡᠵᠢᠶ᠎ᠡ ᠬᠤᠵᠢᠮ ᠰᠠᠩ ᠬᠦᠮᠦᠷᠭᠡ ᠶᠢᠨ ᠡᠭᠦᠳᠡ ᠶᠢ ᠪᠠᠬᠢᠯᠡᠵᠦ᠂ ᠱᠦᠢᠨᠢ ᠱᠠᠯᠠ ᠪᠤᠯᠭᠠᠭᠰᠠᠨ ᠪᠦᠭᠡᠳ ᠶᠠᠭᠤᠮ᠎ᠠ ᠬᠡᠦᠮ᠎ᠡ ᠶᠢ ᠲᠡᠭᠡᠷ᠎ᠡ ᠲᠠᠯᠪᠢᠬᠤ ᠪᠤᠯᠤᠭᠰᠠᠨ ᠠᠴᠠ ᠬᠤᠯᠤᠭᠠᠨ᠎ᠠ ᠤᠷᠤᠵᠤ ᠢᠷᠡᠬᠦ ᠨᠢ ᠨᠠᠮᠳᠠᠪᠠ᠃ ᠪᠢ ᠢᠩᠭᠢᠵᠦ ᠪᠠᠭ᠎ᠠ ᠠᠴᠠ ᠪᠠᠨ ᠬᠤᠯᠤᠭᠠᠨ᠎ᠠ ᠲᠠᠢ ︽ᠲᠠᠶᠢᠯᠠᠯᠳᠤᠭᠰᠠᠭᠠᠷ︾ ᠢᠷᠡᠭᠰᠡᠨ ᠲᠤᠯᠠ ᠬᠤᠯᠤᠭᠠᠨ᠎ᠠ ᠠᠴᠠ ᠠᠶᠤᠬᠤ ᠦᠭᠡᠢ᠂ ᠵᠢᠪᠡᠭᠦᠷᠡᠬᠦ ᠦᠭᠡᠢ ᠪᠠᠶᠢᠳᠠᠭ᠃    ᠦᠪᠡᠰᠦᠪᠡᠨ ᠡᠬᠦᠳᠡ ᠡᠷᠦᠬᠡ ᠪᠤᠰᠬᠠᠵᠤ ᠠᠰᠠᠷ ᠲᠡᠭᠡᠷ᠎ᠡ ᠰᠠᠭᠤᠬᠤ ᠪᠤᠯᠤᠭᠰᠠᠨ ᠠᠴᠠ ᠬᠤᠯᠤᠭᠠᠨ᠎ᠠ ᠶᠢ ᠤᠯᠵᠤ ᠦᠵᠡᠬᠦ ᠦᠭᠡᠢ ᠪᠤᠯᠵᠤ᠂ ︽ᠲᠠᠶᠢᠰᠤᠨ︾ ᠢᠶᠠᠨ ᠮᠠᠷᠳᠠᠬᠤ ᠰᠢᠬᠠᠵᠠᠢ᠃ ᠬᠠᠶᠠ ᠬᠦᠳᠡᠭᠡ ᠪᠠᠶᠢᠭ᠎ᠠ ᠠᠪᠤ ᠡᠵᠢ ᠶᠢᠨ ᠲᠡᠨᠳᠡ ᠤᠴᠢᠵᠤ᠂ ᠭᠡᠷ ᠲᠤ ᠨᠢ ᠬᠤᠯᠤᠭᠠᠨ᠎ᠠ ᠤᠷᠤᠭᠰᠠᠨ ᠢ ᠮᠡᠳᠡᠪᠡᠯ ᠶᠠᠭᠠᠬᠢᠵᠤ ᠪᠠᠶᠢᠭᠠᠳ ᠴᠦ ᠭᠡᠰᠡᠨ ᠠᠯᠠᠬᠤ ᠭᠡᠵᠦ ᠤᠷᠤᠯᠳᠤᠨ᠎ᠠ᠃ ᠬᠤᠷᠭᠤ ᠠᠪᠳᠠᠷ᠎ᠠ ᠶᠢ ᠨᠢ ᠰᠢᠯᠵᠢᠭᠦᠯᠵᠦ ᠪᠠᠶᠢᠭᠠᠳ ᠴᠦ ᠡᠷᠢᠨ᠎ᠡ᠃ ᠡᠰᠡᠪᠡᠯ ᠰᠢᠷᠭᠤᠵᠤ ᠤᠷᠤᠭᠰᠠᠨ ᠬᠤᠯᠤᠭᠠᠨ᠎ᠠ ᠶᠢᠨ ᠭᠠᠷᠴᠤ ᠢᠷᠡᠬᠦ ᠶᠢ ᠨᠢᠭᠡ ᠬᠤᠶᠠᠷ ᠴᠠᠭ ᠢᠶᠠᠷ ᠲᠡᠰᠪᠦᠷᠢᠳᠡᠢ ᠬᠦᠯᠢᠶᠡᠨ᠎ᠡ᠃ ᠬᠤᠯᠤᠭᠠᠨ᠎ᠠ ᠭᠡᠭᠰᠡᠭᠡᠷ ᠡᠭᠳᠡᠬᠦᠦ ᠬᠦᠷᠴᠦ᠂ ᠪᠠᠭ᠎ᠠ ᠶᠢᠨ ︽ᠦᠰᠢᠶᠡᠳᠡᠨ︾ ᠢᠶᠠᠨ ᠤᠰᠠᠳᠬᠠᠬᠤ ᠭᠡᠰᠡᠨ ᠰᠠᠨᠠᠭ᠎ᠠ ᠠᠷᠪᠠᠨ ᠲᠠᠪᠬᠤᠷ ᠪᠤᠯᠤᠨ᠎ᠠ᠃    ᠵᠠᠷᠢᠮ ᠳᠤ ᠪᠠᠨ ᠪᠢ ᠪᠤᠳᠤᠳᠠᠭ ᠶᠤᠮ᠃ ᠬᠤᠯᠤᠭᠠᠨ᠎ᠠ ᠶᠠᠭᠠᠬᠢᠭᠠᠳ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠲᠦᠷᠦᠭᠦᠨ ᠳᠤ ᠤᠷᠤᠴᠢᠬᠠᠭᠰᠠᠨ ᠪᠤᠯ︖ ᠬᠤᠷᠮᠤᠰᠳᠠ ᠬᠠᠭᠠᠨ ᠠᠷᠪᠠᠨ ᠬᠤᠶᠠᠷ ᠵᠢᠯ ᠳᠤ ᠤᠷᠤᠬᠤ ᠠᠮᠢᠳᠠᠨ ᠢ ᠰᠢᠯᠭᠠᠷᠠᠭᠤᠯᠬᠤ ᠳᠤ ᠦᠭᠡᠷ ᠤᠳᠠᠭᠠᠨ ᠢᠶᠠᠷ ᠢᠶᠠᠨ ᠤᠷᠢᠳᠠᠪᠠᠷ ᠶᠠᠪᠤᠵᠤ ᠪᠠᠶᠢᠶ᠎ᠡ ᠭᠡᠳ ᠪᠤᠰᠤᠳ ᠠᠮᠢᠳᠠᠨ ᠠᠴᠠ ᠡᠷᠳᠡ ᠬᠦᠳᠡᠯᠦᠭᠰᠡᠨ ᠭᠡᠨ᠎ᠡ᠃ ᠲᠡᠭᠡᠬᠦ ᠳᠤ ᠪᠤᠰᠢᠭᠤ ᠱᠠᠯᠠᠮᠠᠭᠠᠢ ᠬᠤᠯᠤᠭᠠᠨ᠎ᠠ ᠬᠡᠵᠢᠶᠡᠨ ᠤ ᠦᠭᠡᠷ ᠤᠨ ᠨᠢᠷᠤᠭᠤᠨ ᠳᠤ ᠮᠠᠴᠤᠭᠠᠳ ᠭᠠᠷᠴᠢᠬᠠᠭᠰᠠᠨ ᠭᠡᠨ᠎ᠡ᠃ ᠦᠭᠡᠷ᠂ ᠰᠢᠯᠭᠠᠷᠠᠭᠤᠯᠬᠤ ᠭᠠᠵᠠᠷ ᠬᠦᠷᠴᠦ ᠢᠷᠡᠭᠡᠳ᠄ ︽ᠪᠢ ᠤᠷᠢᠳᠠᠪᠠᠷ ᠢᠷᠡᠯ᠎ᠡ︾ ᠭᠡᠵᠦ ᠬᠡᠯᠡᠳᠡᠯ᠎ᠡ ᠬᠤᠯᠤᠭᠠᠨ᠎ᠠ ᠬᠡᠵᠢᠶᠡᠨᠡᠢ ᠦᠭᠡᠷ ᠤᠨ ᠡᠮᠦᠨ᠎ᠡ ᠦᠰᠦᠷᠴᠦ ᠪᠠᠭᠤᠭᠠᠳ᠄ ︽ᠪᠢ ᠤᠷᠢᠳᠠᠪᠠᠷ ᠢᠷᠡᠯ᠎ᠡ︾ ᠭᠡᠵᠦ ᠬᠡᠯᠡᠭᠰᠡᠨ ᠭᠡᠨ᠎ᠡ᠃ ᠲᠡᠭᠡᠭᠡᠳ ᠬᠤᠯᠤᠭᠠᠨ᠎ᠠ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠲᠦᠷᠦᠭᠦᠦ ᠵᠢᠬᠰᠠᠭᠠᠭᠳᠠᠵᠠᠢ᠃ ᠢᠩᠭᠢᠵᠦ ᠪᠤᠳᠤᠪᠠᠯ ᠡᠨᠡ ᠬᠤᠯᠤᠭᠠᠨ᠎ᠠ ᠴᠢᠨᠢ ᠪᠠᠰᠠ ᠰᠡᠷᠭᠦᠯᠡᠩ ᠠᠮᠢᠳᠠᠨ ᠪᠠᠶᠢᠨ᠎ᠠ᠂ ᠰᠡᠷᠭᠦᠯᠡᠩ ᠠᠮᠢᠳᠠᠨ ᠲᠠᠢ ᠤᠬᠠᠭᠠᠨ ᠤᠷᠤᠯᠳᠤᠬᠤ ᠦᠭᠡᠢ ᠪᠤᠯ ᠲᠡᠶᠢᠯᠬᠦ ᠳᠤ ᠪᠡᠷᠬᠡ ᠶᠤᠮ ᠪᠠᠶᠢᠨ᠎ᠠ᠃    ᠵᠠ᠂ ᠵᠠ᠂ ᠪᠠᠭ᠎ᠠ ᠶᠢᠨ ᠤᠴᠢᠷ ᠪᠤᠶᠤ ᠬᠤᠳᠠᠯ ᠦᠨᠡᠨ ᠲᠤᠮᠤᠭ ᠢ ᠶᠠᠷᠢᠬᠤ ᠪᠠᠨ ᠪᠤᠯᠢᠶ᠎ᠠ᠃ ᠦᠨᠦ ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠰᠠᠮᠠᠭᠤᠷᠠᠭᠠᠳ ᠶᠡᠭᠡ ᠭᠠᠢ ᠪᠤᠯᠵᠤ ᠪᠠᠶᠢᠨ᠎ᠠ᠃ ᠮᠡᠳᠡᠭᠡ ᠵᠠᠭᠤᠴᠢᠯᠠᠭᠤᠷ᠂ ᠰᠤᠨᠢᠨ ᠰᠡᠳᠬᠦᠯ ᠢᠶᠠᠷ ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠤᠨ ᠲᠤᠬᠠᠢ ᠮᠡᠳᠡᠭᠡ ᠴᠢᠮᠡᠭᠡᠯᠡᠯ ᠲᠦᠭᠡᠭᠡᠵᠦ ᠪᠠᠶᠢᠨ᠎ᠠ᠃    ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠪᠤᠯ ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠤᠨ ᠰᠠᠪᠠᠭ᠋ᠠᠨᠴᠢᠷ ᠪᠠᠺᠲᠧᠷᠢ ᠠᠴᠠ ᠡᠭᠦᠰᠦᠭᠰᠡᠨ ᠨᠢᠭᠡ ᠵᠦᠢᠯ ᠤᠨ ᠡᠪᠡᠳᠴᠢᠨ ᠡᠭᠦᠰᠭᠦ ᠨᠢ ᠬᠤᠷᠳᠤᠨ᠂ ᠬᠠᠯᠳᠠᠪᠤᠷᠢᠳᠤ ᠴᠢᠨᠠᠷ ᠢᠶᠠᠷ ᠴᠢᠩᠭ᠎ᠠ᠂ ᠦᠬᠦᠬᠦ ᠨᠤᠷᠮ᠎ᠠ ᠪᠠᠷ ᠦᠨᠳᠦᠷ ᠬᠠᠯᠳᠠᠪᠤᠷᠢᠳᠤ ᠡᠪᠡᠳᠴᠢᠨ ᠮᠦᠨ᠃ ᠡᠬᠢᠯᠡᠵᠦ ᠡᠭᠦᠰᠬᠦ ᠳᠤ ᠪᠠᠨ ᠬᠤᠯᠤᠭᠠᠨ᠎ᠠ ᠶᠢᠨ ᠬᠤᠭᠤᠷᠤᠨᠳᠤ ᠡᠭᠦᠰᠴᠦ᠂ ᠵᠤᠬᠢᠬᠤ ᠨᠦᠬᠦᠴᠡᠯ ᠲᠤᠤᠷ᠎ᠠ ᠨᠤᠬᠠᠢ ᠶᠢᠨ ᠪᠦᠭᠡᠰᠦᠨ ᠳᠤ ᠬᠠᠵᠠᠭᠳᠠᠭᠰᠠᠨ ᠠᠴᠠ ᠪᠤᠶᠤ ᠪᠤᠰᠤᠳ ᠶᠠᠮᠠᠷ ᠨᠢᠭᠡᠨ ᠰᠢᠯᠳᠠᠭᠠᠨ ᠢᠶᠠᠷ ᠬᠦᠮᠦᠨ ᠳᠤ ᠬᠠᠯᠳᠠᠪᠤᠷᠢᠯᠠᠨ᠂ ᠬᠦᠮᠦᠨ ᠬᠦᠮᠦᠨ ᠤ ᠬᠤᠭᠤᠷᠤᠨᠳᠤ ᠬᠠᠯᠳᠠᠪᠤᠷᠢᠯᠠᠨ᠎ᠠ᠃ ᠮᠠᠨ ᠤ ᠠᠶᠢᠯ ᠤᠨ ᠵᠡᠭᠦᠨ ᠬᠤᠶᠢᠨ᠎ᠠ ᠦᠭᠡᠳᠡᠯᠡ ᠭᠡᠳᠡᠭ ᠨᠡᠷ᠎ᠡ ᠲᠠᠢ ᠠᠶᠢᠯ ᠪᠠᠶᠢᠨ᠎ᠠ᠃ ᠮᠠᠨ ᠤ ᠠᠶᠢᠯ ᠲᠠᠢ ᠨᠢᠭᠡ ᠲᠤᠪᠤᠴᠠᠭ ᠢᠶᠠᠷ ᠠᠯᠤᠰᠯᠠᠵᠤ ᠪᠠᠶᠢᠨ᠎ᠠ᠃ ᠡᠨᠡ ᠠᠶᠢᠯ ᠤᠭ ᠲᠤ ᠪᠠᠨ ᠤᠷᠤᠭᠤᠳᠠᠯ ᠤᠨ ᠵᠢᠯᠠᠭ᠎ᠠ ᠭᠡᠰᠡᠨ ᠨᠡᠷ᠎ᠡ ᠲᠠᠢ ᠪᠠᠶᠢᠵᠠᠢ᠃ ᠲᠡᠷᠡ ᠦᠶ᠎ᠡ ᠳᠤ ᠲᠡᠭᠡᠷᠡᠮ ᠲᠤᠨᠤᠭᠠᠴᠢ ᠠᠴᠠ ᠠᠶᠤᠵᠤ ᠠᠶᠢᠯ ᠳᠤ ᠪᠠᠨ ᠮᠠᠭᠤᠬᠠᠢ ᠨᠡᠷ᠎ᠡ ᠦᠭᠳᠡᠭ ᠭᠡᠨ᠎ᠡ ᠃ ᠲᠡᠭᠡᠪᠡᠯ ᠲᠡᠭᠡᠷᠡᠮ ᠮᠠᠭᠤ ᠨᠡᠷ᠎ᠡ ᠲᠠᠢ ᠠᠶᠢᠯ ᠭᠡᠳ ᠬᠠᠯᠳᠠᠳᠠᠭ ᠦᠭᠡᠢ ᠭᠡᠨ᠎ᠡ᠃ ᠲᠡᠭᠡᠳᠡᠯ᠎ᠡ ᠡᠨᠡ ᠠᠶᠢᠯ ᠳᠤ ᠭᠡᠨᠡᠳᠳᠡ ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠰᠠᠮᠠᠭᠤᠷᠠᠵᠤ᠂ ᠠᠶᠢᠯ ᠤᠨ ᠬᠦᠮᠦᠰ ᠨᠢ ᠦᠬᠦᠭᠡᠳ ᠡᠬᠢᠯᠡᠯ᠎ᠡ᠃ ᠨᠢᠭᠡ ᠬᠦᠮᠦᠨ ᠨᠢ ᠯᠠ ᠡᠨᠡ ᠡᠪᠡᠳᠴᠢᠨ ᠠᠴᠠ ᠠᠶᠤᠬᠤ ᠦᠭᠡᠢ᠂ ᠠᠶᠢᠯ ᠤᠨ ᠢᠶᠠᠨ ᠦᠭᠦᠭᠰᠡᠨ ᠬᠦᠮᠦᠰ ᠢ ᠬᠡᠬᠡᠷ᠎ᠡ ᠠᠪᠠᠴᠢᠵᠤ ᠭᠡᠭᠡᠳᠡᠭ ᠭᠡᠨ᠎ᠡ᠃ ᠡᠨᠡ ᠠᠶᠢᠯ ᠤᠨ ᠬᠦᠮᠦᠰ ᠬᠤᠭᠤᠰᠤᠷᠠᠳᠠᠯ᠎ᠠ ᠦᠬᠦᠯ᠎ᠡ ᠭᠡᠳᠡᠭ᠃ ᠲᠡᠭᠡᠭᠡᠳ ᠶᠠᠮᠤᠨ ᠠᠴᠠ ︽ᠤᠷᠤᠭᠤᠳᠠᠯ ᠤᠨ ᠵᠢᠯᠠᠭ᠎ᠠ︾ ᠭᠡᠰᠡᠨ ᠨᠡᠷ᠎ᠡ ᠶᠢ ︽ᠦᠭᠡᠳᠡᠯᠡ ᠶᠢᠨ ᠵᠢᠯᠠᠭ᠎ᠠ︾ ᠭᠡᠵᠦ ᠰᠤᠯᠢᠵᠠᠢ᠃ ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠡᠶᠢᠮᠦ ᠠᠶᠤᠮᠰᠢᠭᠳᠠᠢ ᠠᠵᠢ᠃    ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠬᠤᠶᠠᠷ ᠵᠠᠮ ᠢᠶᠠᠷ ᠬᠠᠯᠳᠠᠪᠤᠷᠢᠯᠠᠨ᠎ᠠ᠃ ᠲᠠᠷᠤᠢ ᠨᠤᠬᠠᠢ ᠶᠢᠨ ᠪᠦᠭᠡᠰᠦ ᠪᠠ ᠠᠭᠠᠷ ᠢᠶᠠᠷ ᠬᠠᠯᠳᠠᠪᠤᠷᠢᠯᠠᠨ᠎ᠠ᠃ ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠢ ᠰᠡᠷᠭᠡᠶᠢᠯᠡᠬᠦ ᠳᠤ᠂ ᠨᠢᠭᠡ ᠳᠤ᠂ ᠬᠢᠵᠢᠭ ᠢᠶᠠᠷ ᠦᠭᠭᠦᠭᠰᠡᠨ ᠬᠤᠯᠤᠭᠠᠨ᠎ᠠ ᠪᠤᠯᠤᠨ ᠪᠤᠰᠤᠳ ᠠᠮᠢᠳᠠᠨ ᠲᠠᠢ ᠤᠶᠢᠷᠠᠳᠬᠤ ᠦᠭᠡᠢ᠂ ᠨᠡᠩ ᠦᠪᠴᠢᠬᠦ ᠪᠤᠶᠤ ᠴᠢᠨᠠᠵᠤ ᠪᠤᠯᠭᠤᠵᠤ ᠢᠳᠡᠵᠦ ᠪᠤᠯᠬᠤ ᠦᠭᠡᠢ᠃ ᠬᠤᠶᠠᠷ ᠲᠤ᠂ ᠬᠤᠯᠤᠭᠠᠨ᠎ᠠ ᠶᠢᠨ ᠨᠦᠭᠡᠨ ᠤ ᠡᠷᠭᠢᠨ ᠲᠤᠭᠤᠷᠢᠨ ᠳᠤ ᠠᠮᠠᠷᠠᠵᠤ ᠰᠠᠭᠤᠵᠤ ᠪᠤᠯᠬᠤ ᠦᠭᠡᠢ᠂ ᠨᠤᠬᠠᠢ ᠶᠢᠨ ᠪᠦᠭᠡᠰᠦᠨ ᠳᠤ ᠬᠠᠵᠠᠭᠳᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠨ᠎ᠡ᠃ ᠭᠤᠷᠪᠠ ᠳᠤ᠂ ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠲᠤ ᠬᠠᠯᠳᠠᠪᠤᠷᠢᠯᠠᠭᠳᠠᠭᠰᠠᠨ ᠡᠪᠡᠳᠴᠢᠳᠡᠨ ᠪᠠ ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠲᠤ ᠬᠠᠯᠳᠠᠪᠤᠷᠢᠯᠠᠭᠳᠠᠭᠰᠠᠨ ᠰᠡᠵᠢᠭᠯᠡᠯᠳᠡᠢ ᠡᠪᠡᠳᠴᠢᠳᠡᠨ ᠤ ᠭᠡᠷ ᠲᠤ ᠤᠴᠢᠬᠤ ᠦᠭᠡᠢ᠃ ᠡᠪᠡᠳᠴᠢᠨ ᠡᠮᠭᠡᠭ ᠢ ᠰᠡᠷᠭᠡᠶᠢᠯᠡᠬᠦ ᠮᠡᠳᠡᠯᠭᠡ ᠶᠢ ᠬᠦᠮᠦᠨ ᠪᠦᠬᠦᠨ ᠮᠡᠳᠡᠬᠦ ᠴᠢᠬᠤᠯᠠ ᠲᠠᠢ᠃    ᠡᠷᠡᠭᠦᠯ ᠪᠡᠶ᠎ᠡ᠂ ᠰᠠᠷᠠᠭᠤᠯ ᠤᠬᠠᠭᠠᠨ ᠠᠨᠤ ᠤᠬᠠᠭᠠᠨᠳᠤ ᠬᠦᠮᠦᠨ ᠤ ᠬᠤᠤᠰ ᠵᠢᠭᠦᠷ ᠪᠤᠯᠠᠢ︕    ᠬᠤᠯᠤᠭᠠᠨ᠎ᠠ ᠵᠢᠯ ᠤᠨ ᠬᠠᠪᠤᠷ ᠪᠠᠶᠠᠷ ᠵᠢᠷᠭᠠᠯ ᠢ ᠲᠠᠯᠠᠯᠤᠨ ᠠᠶᠢᠰᠤᠢ᠂ ᠬᠤᠯᠤᠭᠠᠨ᠎ᠠ ᠵᠢᠯ ᠤᠨ ᠵᠤᠨ ᠬᠤᠷ᠎ᠠ ᠶᠢᠨ ᠡᠬᠦᠯᠡ ᠶᠢ ᠲᠠᠯᠠᠯᠤᠨ ᠠᠶᠢᠰᠤᠢ᠂ ᠬᠤᠯᠤᠭᠠᠨ᠎ᠠ ᠵᠢᠯ ᠤᠨ ᠨᠠᠮᠤᠷ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠶᠢᠨ ᠲᠠᠭᠤᠤ ᠬᠠᠩᠬᠢᠨᠠᠭᠤᠯᠤᠨ ᠠᠶᠢᠰᠤᠢ᠂ ᠬᠤᠯᠤᠭᠠᠨ᠎ᠠ ᠵᠢᠯ ᠤᠨ ᠡᠪᠤᠯ ᠠᠮᠤᠷ ᠠᠮᠤᠭᠤᠯᠠᠩ ᠢ ᠲᠠᠯᠠᠯᠤᠨ ᠠᠶᠢᠰᠤᠢ᠂ ᠬᠤᠯᠤᠭᠠᠨ᠎ᠠ ᠵᠢᠯ ᠮᠢᠨᠢ ᠠᠯᠢᠪᠠ ᠰᠠᠶᠢᠨ ᠰᠠᠶᠢᠬᠠᠨ ᠢ ᠲᠠᠯᠠᠯᠤᠨ ᠠᠶᠢᠰᠤᠢ︕      ᠵᠤᠬᠢᠶᠠᠬᠴᠢ᠄ ● ᠴᠢ᠊᠂ ᠲᠤᠯᠬᠢᠶᠠᠨ     ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶᠢᠭ᠄ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ ᠵᠢᠷᠭᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ
 
ᠢᠷᠡᠯᠲᠡ᠄ ᠬᠢᠩᠭᠠᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠤᠨ ᠤ ᠮᠦᠷᠦᠭᠡᠳᠦᠯ
ᠬᠦᠭᠵᠢᠵᠤ ᠪᠠᠶᠢᠭ᠎ᠠ ᠬᠦᠷᠠᠯ ᠮᠢᠨᠢ
ᠡᠪᠦᠯᠵᠢᠶᠡᠨ ᠳᠤ ᠣᠴᠢᠶᠣ
ᠮᠢᠨᠤ ᠨᠤᠳᠤᠭ ᠤᠨ ᠵᠤᠨ ᠤ ᠥᠳᠡᠰᠢ ᠰᠠᠶᠢᠬᠠᠨ
ᠵᠠᠰᠠᠭᠳᠣ ᠴᠠᠭᠠᠨ ᠠᠳᠣᠭᠤᠳ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号