| ᠡᠵᠢ ᠶᠢᠨ ᠮᠢᠨᠢ ᠨᠠᠮᠤᠷ ᠤᠷᠳᠤᠬᠠᠨ ᠪᠠᠶᠢᠳᠠᠭ | ᠢᠷᠡᠵᠦ ᠪᠤᠴᠠᠬᠤ ᠳᠤ ᠪᠠᠨ ᠤᠶᠠᠷᠠᠭᠤᠬᠠᠨ ᠪᠠᠶᠢᠳᠠᠭ | ᠡᠩ ᠦᠭᠡᠢ ᠬᠤᠯᠠ ᠳᠤ ᠭᠠᠯᠠᠭᠤᠳ ᠡᠷᠭᠢᠵᠦ ᠪᠠᠶᠢᠳᠠᠭ | ᠡᠩᠭᠡᠷ ᠤᠨ ᠬᠠᠶᠢᠯᠠᠰᠤᠨ ᠨᠠᠮᠠᠭᠠ ᠰᠢᠩᠭᠡᠷᠡᠴᠢᠭᠡᠭᠰᠡᠨ ᠪᠠᠶᠢᠳᠠᠭ | ᠵᠢᠯ ᠤᠨ ᠵᠢᠪᠠᠷ ᠰᠢᠬ ᠬᠤᠷᠳᠤᠨ ᠦᠩᠭᠡᠷᠡᠵᠦ ᠯᠠ ᠪᠠᠶᠢᠳᠠᠭ | ᠵᠢᠷᠤᠭ ᠤᠨ ᠪᠠᠶᠢᠭᠠᠯᠢ ᠨᠡᠶᠢᠳᠡᠮ ᠳᠤ ᠪᠠᠨ ᠰᠢᠷᠭᠠᠯᠳᠤᠵᠤ ᠪᠠᠶᠢᠳᠠᠭ | ᠵᠤᠰᠠᠮᠠᠯ ᠪᠤᠷᠤ ᠢᠵᠢᠯᠢ ᠪᠠᠨ ᠦᠭᠡᠶᠢᠯᠡᠨ ᠦᠦᠷᠰᠡᠵᠦ ᠪᠠᠶᠢᠳᠠᠭ | ᠵᠤᠯᠠ ᠠᠯᠳᠠᠢ ᠠᠭᠤᠯᠠᠰ ᠡᠩ ᠳᠤ ᠪᠠᠨ ᠬᠢᠷᠠᠭᠤᠳᠠᠵᠤ ᠪᠠᠶᠢᠳᠠᠭ | ᠲᠤᠯᠭᠠ ᠶᠢᠨ ᠭᠠᠯ ᠳᠤ ᠪᠠᠨ ᠲᠠᠭᠠᠳᠬᠠᠵᠤ ᠯᠠ ᠪᠠᠶᠢᠳᠠᠭ | ᠲᠤᠭᠤᠭᠠ ᠲᠠᠢ ᠦᠷᠦᠮᠡ ᠵᠤᠵᠠᠭᠠᠷᠠᠵᠤ ᠯᠠ ᠪᠠᠶᠢᠳᠠᠭ | ᠲᠤᠭᠤᠰᠤᠳᠤ ᠬᠤᠷᠸᠠ ᠳᠤ ᠠᠯᠠᠭ ᠪᠤᠯᠠᠭ ᠲᠠᠢ ᠪᠠᠶᠢᠳᠠᠭ | ᠲᠤᠳᠠᠭᠤ ᠶᠢ ᠵᠦᠢᠵᠤ ᠠᠮᠢᠳᠤᠷᠠᠯ ᠱᠠᠯᠠᠵᠤ ᠪᠠᠶᠢᠳᠠᠭ | ᠲᠤᠭᠤᠨᠤᠳᠤ ᠭᠡᠷ ᠢᠶᠠᠨ ᠤᠷᠠ ᠤᠬᠠᠭᠠᠨ ᠢᠶᠠᠷ ᠴᠢᠮᠡᠵᠦ ᠪᠠᠶᠢᠳᠠᠭ | ᠲᠤᠭᠤᠷᠤᠣ ᠴᠠᠮᠨᠠᠬᠤ ᠡᠭᠡᠴᠤᠣᠯ ᠤᠨ ᠨᠠᠮᠤᠷ ᠡᠶᠢᠮᠦ ᠪᠠᠶᠢᠳᠠᠭ | ᠬᠤᠩᠭᠤᠷ ᠨᠠᠮᠤᠷ ᠤᠨ ᠰᠠᠯᠬᠢ ᠰᠡᠳᠭᠢᠯ ᠭᠡᠵᠢᠭᠡᠳᠡᠵᠦ ᠪᠠᠶᠢᠳᠠᠭ | ᠬᠤᠯᠠ ᠶᠢᠨ ᠨᠠᠶᠢᠵᠠ ᠰᠢᠯᠦᠭ ᠤᠨ ᠭᠠᠷᠴᠠᠭ ᠰᠢᠬ ᠪᠠᠶᠢᠳᠠᠭ | ᠨᠠᠷᠠᠨ ᠠᠴᠠ ᠤᠷᠢᠳᠤᠭᠤᠷ ᠶᠠᠭᠠᠷᠠᠵᠤ ᠯᠠ ᠪᠠᠶᠢᠳᠠᠭ | ᠨᠠᠮᠤᠷᠵᠢᠶᠠᠨ ᠵᠦᠭ ᠨᠡᠭᠦᠳᠡᠯ ᠴᠦᠷᠭᠦᠯᠡᠵᠦ ᠪᠠᠶᠢᠳᠠᠭ | ᠨᠠᠪᠴᠢᠰ ᠬᠡᠶᠢᠰᠬᠦ ᠳᠤ ᠰᠠᠨᠠᠭᠠᠰᠢᠷᠠᠵᠤ ᠪᠠᠶᠢᠳᠠᠭ | ᠨᠠᠭᠤᠷ ᠨᠢ ᠡᠵᠡᠭᠦ᠋ᠢᠷᠡᠵᠦ ᠰᠢᠪᠠᠭᠤᠳ ᠪᠤᠴᠠᠵᠤ ᠪᠠᠶᠢᠳᠠᠭ | ᠰᠡᠷᠢᠭᠦᠨ ᠠᠮᠢᠰᠬᠤᠯ ᠰᠡᠶᠢᠭᠡᠭᠦᠯᠵᠦ ᠯᠠ ᠪᠠᠶᠢᠳᠠᠭ | ᠰᠡᠳᠭᠢᠯ ᠳᠤ ᠨᠢ ᠨᠢᠭᠡ ᠯᠠ ᠬᠦᠨᠳᠦᠬᠡᠨ ᠪᠠᠶᠢᠳᠠᠭ | ᠪᠤᠳᠤᠭᠤᠨ ᠨᠢᠯᠪᠤᠰᠤ ᠰᠢᠬ ᠪᠤᠷᠤᠭᠠᠨ ᠲᠤᠰᠤᠯᠠᠵᠤ ᠪᠠᠶᠢᠳᠠᠭ | ᠪᠤᠯᠤᠷ ᠰᠢᠬ ᠨᠠᠶᠢᠷᠠᠭ ᠲᠤ ᠡᠵᠢ ᠨᠠᠮᠤᠷ ᠬᠤᠶᠠᠷ ᠪᠠᠶᠢᠳᠠᠭ | ᠠᠭᠠᠷᠤᠣᠯ ᠬᠤᠷᠤᠳ ᠡᠭᠡᠵᠡᠭᠡᠢ ᠪᠠᠨ ᠲᠡᠯᠭᠡᠵᠦ ᠪᠠᠶᠢᠳᠠᠭ | ᠠᠳᠬᠤ ᠪᠢᠳᠡᠭᠦᠤ ᠪᠠᠷ ᠠᠳᠠᠯᠢᠬᠠᠨ ᠬᠤᠪᠢᠶᠠᠵᠤ ᠪᠠᠶᠢᠳᠠᠭ | ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦ ᠶᠢ ᠬᠦᠯᠢᠶᠡᠵᠦ ᠯᠠ ᠪᠠᠶᠢᠳᠠᠭ | ᠰᠤᠶᠤᠯ ᠤᠨ ᠰᠢᠮᠡ ᠶᠢ ᠲᠠᠨᠢᠭᠤᠯᠵᠤ ᠯᠠ ᠪᠠᠶᠢᠳᠠᠭ | ᠡᠵᠢ ᠶᠢᠨ ᠮᠢᠨᠢ ᠨᠠᠮᠤᠷ ᠤᠷᠳᠤᠬᠠᠨ ᠪᠠᠶᠢᠳᠠᠭ | ᠡᠩᠭᠡᠷ ᠲᠤᠬᠤᠢ ᠨᠢ ᠴᠦ ᠨᠦᠬᠦᠭᠡᠰᠦᠳᠡᠢ ᠪᠠᠶᠢᠳᠠᠭ | ᠡᠵᠢ ᠶᠢᠨ ᠵᠠᠬᠢᠶᠠ ᠰᠢᠬ ᠨᠠᠮᠤᠷ ᠪᠤᠯᠭᠠᠨ ᠲᠠᠩᠰᠤᠭ ᠪᠠᠶᠢᠳᠠᠭ | ᠡᠷᠡᠮᠡᠬᠡᠢ ᠵᠤᠷᠢᠭ ᠭᠡᠳᠡᠭ ᠲᠤᠮᠤ ᠱᠠᠩᠨᠠᠯ ᠤᠯᠭᠤᠵᠤ ᠪᠠᠶᠢᠳᠠᠭ | ᠠᠯᠳᠠᠨ ᠨᠠᠮᠤᠷ ᠬᠦᠰᠡᠯ ᠤᠨ ᠵᠢᠭᠦᠷ ᠬᠤᠷᠴᠠᠯᠠᠵᠤ ᠪᠠᠶᠢᠳᠠᠭ | ᠠᠪᠤ ᠶᠢᠨ ᠮᠦᠷᠦᠭᠡᠳᠦᠯ ᠵᠢᠷᠦᠬᠡᠨ ᠳᠤ ᠵᠤᠯᠠ ᠪᠠᠶᠢᠳᠠᠭ | ᠠᠮᠢᠳᠤᠷᠠᠯ ᠬᠠᠶᠢᠷᠠ ᠲᠡᠭᠡᠷᠡ ᠨᠠᠰᠤᠨ ᠤ ᠨᠠᠮᠤᠷ ᠪᠠᠶᠢᠳᠠᠭ | ᠠᠷᠢᠭᠤᠨ ᠮᠤᠩᠭᠤᠯ ᠳᠤ ᠰᠢᠨᠡ ᠠᠶᠢᠯ ᠨᠡᠮᠡᠭᠳᠡᠭᠰᠡᠨ ᠪᠠᠶᠢᠳᠠᠭ | ᠡᠯᠢᠭᠡ ᠪᠦᠳᠦᠨ ᠰᠡᠳᠭᠢᠯ ᠳᠤ ᠪᠦᠮᠪᠦᠷᠴᠡᠭ ᠪᠠᠶᠢᠳᠠᠭ | ᠡᠬᠡ ᠬᠡᠯᠡ ᠭᠡᠳᠡᠭ ᠪᠤᠰᠤᠭᠠ ᠡᠬᠡ ᠤᠷᠤᠨ ᠪᠠᠶᠢᠳᠠᠭ | ᠡᠵᠢ ᠶᠢᠨ ᠮᠢᠨᠢ ᠨᠠᠮᠤᠷ ᠤᠷᠳᠤᠬᠠᠨ ᠯᠠ ᠪᠠᠶᠢᠳᠠᠭ | ᠡᠵᠢ ᠶᠢᠨ ᠨᠠᠮᠤᠷ ᠵᠢᠷᠭᠠᠯᠳᠠᠶᠢᠬᠠᠨ ᠯᠠ ᠪᠠᠶᠢᠳᠠᠭ ᠡ᠃ | ᠵᠤᠬᠢᠶᠠᠬᠴᠢ᠄ ᠭᠤ · ᠵᠢᠷᠭᠠᠯ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠭᠤᠷᠤᠬᠠᠨ ᠪᠠᠯᠭᠠᠰᠤᠨ ᠤ ᠤᠩᠭᠤᠨ | ᠭᠠᠴᠠᠭᠠ |