| | — ᠮ᠊ · ᠠᠰᠠᠷ ᠪᠠᠭᠰᠢ ᠶᠢᠨ ᠭᠡᠭᠡᠨ ᠲᠤᠷᠡᠳᠬᠠᠯ ᠳᠤ | ● ᠠ᠊ · ᠰᠠᠴᠠᠨᠪᠠᠭᠠᠳᠤᠷ | ᠲᠠ ᠪᠣᠯ — | ᠪᠠᠭᠠᠳᠤᠷᠯᠢᠭ ᠲᠤᠤᠯᠢ ᠳᠤ ᠭᠠᠷᠳᠠᠭ | ᠪᠡᠷᠴᠢᠳ ᠮᠠᠩᠭᠤᠰ ᠢ ᠲᠠᠷᠤᠳᠠᠭ ᠠᠰᠠᠷ ᠴᠠᠭᠠᠨ ᠬᠠᠶᠢᠴᠢᠩ ᠪᠢᠰᠢ ᠴᠦ | ᠪᠠᠯᠠᠮᠠᠳ ᠲᠡᠶᠢᠰᠤᠨ ᠢ ᠪᠤᠳᠠ ᠴᠤᠬᠢᠬᠤ ᠪᠠᠷ | ᠪᠠᠶᠠᠠᠮᠠᠩᠬᠠ ᠠᠴᠠ ᠥᠨᠳᠡᠶᠢᠭᠰᠠᠨ ᠡᠷᠡᠯᠬᠡᠭ ᠬᠠᠶᠢᠭᠤᠯᠴᠢᠨ | ᠲᠠ ᠪᠣᠯ — | ᠬᠤᠷᠴᠢᠨ ᠨᠤᠳᠤᠭ ᠠᠴᠠ ᠨᠢᠰᠥᠭᠰᠠᠨ | ᠡᠷᠡᠮᠡᠬᠡᠢ ᠬᠠᠶᠢᠷᠠᠭᠤᠴᠠᠢ | ᠠᠳᠠᠭᠠᠳᠡᠨ ᠤ ᠵᠢᠷᠤᠬᠡ ᠶᠢ ᠬᠠᠭᠠ ᠵᠥᠰᠡᠳᠡᠭ | ︽ᠠᠳᠤᠭᠤᠴᠢᠨ ᠪᠥᠷᠭᠦᠳ︾ | ᠲᠠ ᠪᠣᠯ — | ᠤᠷᠡᠨ ᠵᠤᠬᠢᠶᠡᠯ ᠢᠶᠠᠷ ᠵᠢᠷᠭᠢᠳᠡᠭ | ᠤᠷᠡᠨ ᠭᠡᠯᠡᠳᠤ ᠰᠢᠪᠠᠭᠤᠬᠠᠢ | ᠤᠳᠤᠮᠳᠤ ᠮᠤᠩᠭᠤᠯ ᠢᠶᠠᠷ ᠵᠤᠬᠢᠶᠠᠳᠠᠭ | ᠤᠳᠬᠠ ᠵᠤᠬᠢᠶᠡᠯ ᠤᠨ ᠲᠠᠭᠠᠭᠤᠯᠤᠬᠴᠢ ᠭᠠᠯᠠᠭᠤ | ᠲᠠ ᠮᠤᠯᠤᠷ ᠡᠷᠳᠡᠨᠢ ᠶᠢᠨ ︽ᠮᠤᠨᠳᠠᠭᠠ ᠴᠠᠭᠠᠨ ᠮᠤᠷᠢ︾ ᠪᠠᠨ ᠤᠨᠤᠭᠠᠳ | ᠲᠠ ᠤᠶᠤᠨ ᠢ ᠵᠠᠰᠠᠬᠴᠢ ︽ᠡᠮ ᠤᠨ ᠭᠥᠯᠬᠡ︾ ᠪᠠᠨ ᠰᠢᠭᠦᠷᠡᠭᠡᠳ | ︽ᠴᠠᠯᠭᠠᠶᠢᠳᠠᠬᠰᠠᠨ ᠴᠠᠭ ᠤᠨ ᠬᠤᠶᠢᠨᠠ ᠠᠴᠠ︾ ᠨᠠᠮᠠ ᠶᠢ ᠲᠠᠰᠢᠭᠤᠷᠳᠡᠵᠤ | ︽ᠵᠠᠮ ᠤᠨ ᠭᠤᠳᠤᠰ︾ ᠢᠶᠠᠷ ᠰᠠᠵᠢᠯᠠᠭᠤᠯᠵᠤ ᠶᠠᠪᠤᠭᠠ ᠴᠦ ᠪᠢᠯᠠ ᠤᠤ | ᠲᠠᠨ ᠤ ᠵᠤᠬᠢᠶᠡᠯ ᠠᠴᠠ ᠠᠶᠢᠷᠠᠭ ᠤᠨ ᠥᠨᠥᠷ ᠰᠠᠩᠭᠢᠨᠡᠨᠡ | ᠲᠠᠨ ᠤ ᠵᠤᠬᠢᠶᠠᠯ ᠠᠴᠠ ᠠᠮᠢᠳᠤᠷᠡᠯ ᠤᠨ ᠥᠨᠡᠨ ᠠᠩᠬᠢᠯᠥᠨᠡ | ᠲᠠᠨ ᠤ ᠵᠤᠬᠢᠶᠠᠯ ᠠᠴᠠ ᠠᠷᠡᠳ ᠤᠨ ᠲᠠᠭᠤᠤ ᠬᠠᠩᠬᠢᠨᠡᠨᠡ | ᠲᠠᠨ ᠤ ᠵᠤᠭᠢᠶᠡᠯ ᠠᠴᠠ ᠠᠯᠤᠰ ᠤᠨ ᠭᠥᠰᠠᠯ ᠰᠤᠯᠤᠩᠭᠠᠷᠡᠨᠡ | ᠲᠠ ᠪᠣᠯ ᠪᠢᠳᠡᠨ ᠤ ᠵᠤᠷᠢᠭ ᠰᠠᠨᠠᠭᠠᠨ ᠤ ᠲᠠᠭᠠᠭᠤᠯᠤᠬᠴᠢ | ᠲᠠ ᠪᠣᠯ ᠥᠨᠢᠳᠠ ᠰᠥᠨᠳᠡᠷᠯᠡᠬᠦ ᠨᠠᠶᠢᠷᠠᠭ ᠤᠨ ᠠᠰᠠᠷ | ᠲᠠ ᠪᠣᠯ ᠭᠠᠨᠭ᠍ᠳᠠᠬᠰᠠᠨ ᠪᠥᠳᠥᠭᠡᠯ ᠢ ᠮᠢᠨᠢ ᠰᠢᠮᠡᠵᠢᠭᠦᠯᠳᠡᠭ ︽ᠭᠤᠸᠡ ᠪᠤᠷᠤᠭᠠᠨ︾ | ᠮᠤᠩᠭᠤᠯ ᠰᠤᠶᠤᠯ ᠤᠨ ᠭᠡᠶᠢᠮᠤᠷᠢ ᠶᠢ ᠰᠡᠷᠭᠦᠭᠡᠳᠡᠭ | ᠮᠤᠯᠤᠷ ᠡᠷᠳᠡᠨᠢ ᠶᠢᠨ ᠭᠥᠯᠥᠭ ᠪᠣᠯ ᠲᠠ ᠶᠤᠮ | ᠮᠤᠬᠤᠰᠢ ᠦᠭᠡᠢ ᠥᠨᠳᠤᠰᠤᠳᠡᠨ ᠤ ᠰᠥᠭ ᠰᠥᠯᠳᠠ ᠶᠢ ᠪᠠᠳᠠᠷᠠᠭᠠᠳᠠᠭ | ᠮᠥᠩᠭᠡ ᠶᠢᠨ ᠭᠥᠰᠢᠶᠠ ᠪᠣᠯ ᠲᠠ ᠶᠤᠮ | ᠠᠰᠠᠷ ᠰᠢᠭ᠋ ᠰᠥᠷᠯᠢᠬᠦᠨ ᠲᠥᠷᠭᠦ ᠴᠢᠨᠢ | ᠠᠯᠳᠡᠷ ᠨᠡᠷᠡ ᠲᠠᠢ ᠪᠠᠨ ᠵᠠᠭᠤᠨ ᠵᠠᠭᠤᠨ ᠢᠶᠠᠷ ᠲᠤᠷᠠᠰᠤᠬᠳᠡᠬᠤ ᠶᠤᠮ | ᠠᠯᠳᠠ ᠮᠡᠳᠤ ᠠᠷᠢᠭᠤᠨ ᠴᠤᠬᠴᠠᠰ ᠴᠢᠨᠢ | ᠨᠤᠳᠤᠭ ᠤᠨ ᠢᠶᠠᠨ ᠭᠥᠷᠥᠰᠤᠨ ᠳᠤ ᠥᠶᠡ ᠶᠢᠨ ᠥᠶᠡ ᠳᠤ ᠬᠤᠨᠤᠬᠰᠢᠬᠤ ᠶᠤᠮ | ᠲᠠᠨ ᠤ ᠤᠨᠠᠭᠠᠨ ᠨᠠᠰᠤᠨ ᠤ ᠮᠥᠷ | ᠮᠠᠩᠬᠠᠨ ᠨᠤᠳᠤᠭ ᠲᠤ ᠪᠠᠨ ᠥᠯᠡᠳᠡᠭᠰᠠᠨ ᠶᠤᠮ | ᠲᠠᠨ ᠤ ᠨᠢᠭᠡ ᠨᠠᠰᠤᠨ ᠤ ᠪᠥᠳᠥᠭᠡᠯ | ᠤᠷᠡᠨ ᠵᠤᠬᠢᠶᠠᠯ ᠤᠨ ᠲᠡᠤᠭᠡᠨ ᠳᠤ ᠭᠥᠷᠥᠩᠭᠡᠵᠢᠭᠰᠡᠨ ᠶᠤᠮ | ᠲᠠ ᠪᠣᠯ | ᠲᠡᠭᠷᠢ ᠭᠡᠭᠡᠷᠡᠭᠦ ᠠᠴᠠ ᠡᠮᠤᠨᠠ | ᠲᠥᠰᠢᠶᠡᠳᠤ ᠶᠢᠨ ᠮᠠᠩᠬᠠᠨ ᠠᠴᠠ ᠥᠨᠳᠡᠶᠢᠭᠰᠠᠨ ᠠᠰᠠᠷ ᠴᠠᠭᠠᠨ ᠬᠠᠶᠢᠴᠢᠩ | ᠲᠠ ᠪᠣᠯ ᠡᠩᠬᠡ ᠲᠡᠶᠢᠪᠤᠩ ᠴᠠᠭ ᠤᠨ | ᠡᠷᠭᠡ ᠴᠢᠯᠤᠭᠡ ᠪᠠᠷ ᠲᠡᠷᠪᠡᠳᠡᠭ ᠴᠢᠨᠳᠠᠭᠠᠨ ᠴᠠᠭᠠᠨ ᠲᠠᠬᠳᠠᠭᠠ | ᠲᠠ ᠪᠣᠯ | ᠡᠬᠡ ᠤᠯᠤᠰ ᠤᠨ ᠪᠠᠳᠤᠯᠡᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ | ᠡᠭᠡᠰᠢᠭᠳᠦ ᠢᠷᠠᠭᠤᠬᠠᠨ ᠲᠠᠭᠠᠷᠢᠯᠳᠠ ᠶᠢᠨ ᠪᠥᠷᠢᠶᠡ | ᠲᠠ ᠪᠣᠯ | ᠲᠤᠤᠯᠢ ᠱᠠᠰᠲᠢᠷ ᠲᠤ ᠥᠨᠢᠳᠠ ᠲᠡᠮᠳᠡᠭᠯᠡᠭᠳᠡᠳᠡᠭ | ᠲᠡᠭᠷᠢᠯᠢᠭ ᠨᠤᠳᠤᠭ ᠤᠨ ᠤᠷᠡᠨ ᠵᠤᠬᠢᠶᠡᠯ ᠤᠨ ᠮᠢᠨᠢ ᠰᠢᠳᠤᠭᠡᠨ ᠁ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠡᠭᠤᠨ ᠭᠠᠷᠤᠨ ᠲᠤᠮᠳᠡᠳᠤ ᠬᠤᠰᠢᠭᠤᠨ ᠤ ᠲᠤᠮᠳᠠ ᠵᠡᠷᠬᠡ ᠶᠢᠨ | ᠠᠵᠢᠯ ᠮᠡᠷᠬᠡᠵᠢᠯ ᠤᠨ ᠰᠤᠷᠭᠠᠭᠤᠯᠢ | |