| — ᠠᠯᠲᠠᠨ ᠬᠠᠷᠠᠪᠤᠷ ᠴᠡᠴᠡᠭ ᠲᠡᠯᠭᠡᠷᠡᠬᠦ ᠤᠯᠠᠷᠢᠯ ᠢᠶᠠᠷ ᠬᠦᠨᠳᠦᠯ ᠨᠤᠲᠤᠭ ᠲᠤ ᠪᠢᠷ ᠤᠨ ᠴᠤᠭᠯᠠᠭᠠᠨ | ᠪᠤᠯᠤᠬᠰᠠᠨ ᠨᠢ | ● ᠪᠤᠷᠵᠢᠭᠢᠨ ᠪᠠᠶᠠᠨᠳᠦ᠋ᠭᠦᠷᠡᠩ | ᠠᠰᠬᠠ ᠬᠠᠳᠠᠨ ᠤ ᠬᠠᠯᠢᠯ ᠡᠭᠴᠡ ᠳᠤ ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠬᠦ ᠪᠠᠷ | ᠠᠯᠲᠠᠨ ᠬᠠᠷᠠᠪᠤᠷ ᠤᠨ ᠬᠠᠴᠢᠨ ᠭᠠᠶᠢᠬᠠᠮᠰᠢᠭ ᠲᠤ ᠪᠢᠯᠢᠭ ᠢᠶᠠᠨ ᠬᠤᠷᠴᠠᠯᠠᠬᠤ ᠪᠠᠷ | ᠠᠯᠲᠠᠨ ᠤᠳᠤᠮ ᠤᠨ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ᠂ ᠤᠶᠤᠨ ᠤ ᠦᠪ ᠢᠶᠠᠨ ᠡᠭᠦᠷᠦᠭᠡᠳ | ᠠᠯᠠᠭ ᠵᠢᠷᠦᠬᠡᠨ ᠤ ᠢᠵᠢᠯ ᠯᠤᠭᠰᠢᠯᠲᠠ ᠪᠠᠷ ᠬᠦᠨᠳᠦᠯ ᠤᠨ ᠠᠭᠤᠯᠠᠨ ᠳᠤ ᠪᠤᠯᠵᠤᠨᠠᠮ | ᠰᠣᠣ ᠪᠢᠯᠢᠭ ᠤᠨ ᠷᠠᠰᠢᠶᠠᠨ ᠪᠤᠯᠠᠭ ᠬᠦᠨᠳᠦᠯ ᠨᠤᠲᠤᠭ ᠠᠴᠠ ᠣᠨᠳᠣᠷᠣᠨᠠᠮ | ᠰᠤᠳᠤᠨ ᠬᠠᠶᠢᠷᠠ ᠶᠢᠨ ᠤᠶᠤᠨ ᠤ ᠲᠤᠨᠤᠳᠠᠰᠤ ᠬᠦᠨᠳᠦᠯ ᠤᠨ ᠠᠭᠤᠯᠠᠨ ᠳᠤ ᠠᠰᠬᠠᠷᠠᠨᠠᠮ | ᠬᠦᠬᠡᠷᠡᠨ ᠰᠦᠭᠯᠡᠶᠢᠬᠦ ᠠᠭᠤᠯᠠᠰ ᠤᠨ ᠡᠵᠡᠳ ᠰᠠᠬᠢᠭᠤᠰᠤ ᠳᠤ ᠰᠦᠰᠦᠭᠯᠡᠵᠦ | ᠬᠦᠬᠡ ᠴᠢᠯᠠᠭᠤᠳ ᠤᠨ ᠢᠶᠠᠨ ᠦᠨᠢᠳᠡ ᠤᠷᠭᠤᠵᠤ ᠮᠦᠩᠬᠡ ᠰᠦᠨᠳᠡᠷᠯᠡᠬᠦ ᠶᠢ ᠬᠦᠰᠡᠨᠡᠮ | ᠠᠭᠤᠯᠠᠰ ᠤᠨ ᠤᠷᠤᠢ ᠠᠴᠠ ᠠᠯᠤᠰ ᠢ ᠪᠠᠷᠠᠯᠠᠬᠤ ᠳᠤ ᠰᠡᠳᠭᠢᠯ ᠬᠦᠨᠳᠦᠳᠴᠦ | ᠤᠳᠤᠮᠳᠤ ᠮᠤᠩᠭᠤᠯ ᠤᠨ ᠢᠶᠠᠨ ᠲᠡᠦᠬᠡ ᠱᠠᠰᠳᠢᠷ ᠢ ᠬᠠᠶᠢᠨ ᠰᠢᠨᠵᠢᠯᠡᠨᠡᠮ | ᠤᠷᠤᠰᠬᠤ ᠪᠤᠯᠠᠭ ᠤᠨ ᠬᠠᠴᠢᠨ ᠦᠵᠡᠮᠵᠢ ᠳᠤ ᠨᠠᠶᠢᠷᠠᠭ ᠬᠦᠪᠦᠯᠵᠡᠭᠡᠳ | ᠤᠶᠤᠲᠠᠨ ᠪᠢᠴᠢᠭᠳᠡᠨ ᠴᠤᠯᠭᠤᠷᠠᠭᠰᠠᠨ ᠬᠦᠨᠳᠦᠯ ᠨᠤᠲᠤᠭ ᠢ ᠭᠠᠶᠢᠬᠠᠨ ᠮᠠᠭᠳᠠᠨᠠᠮ | ᠬᠤᠯᠠ ᠶᠢᠨ ᠠᠭᠤᠯᠠᠰ ᠤᠨ ᠤᠷᠦ᠋ᠢᠳ ᠢ ᠬᠤᠯᠪᠤᠵᠤ ᠰᠡᠳᠭᠢᠯ ᠤᠨ ᠴᠤᠤᠷᠢᠶᠠ ᠨᠢᠰᠭᠡᠨ | ᠬᠤᠩᠭᠤᠷ ᠵᠢᠷᠦᠬᠡᠨ ᠳᠤ ᠭᠠᠭᠴᠠᠬᠠᠨ ᠪᠠᠶᠢᠳᠠᠭ ᠨᠤᠲᠤᠭ ᠤᠰᠤ ᠪᠠᠨ ᠪᠠᠭ᠋ᠠᠳᠤᠵᠤ | ᠬᠠᠯᠠᠭᠤᠨ ᠰᠡᠳᠭᠢᠯᠳᠦ ᠮᠤᠩᠭᠤᠯ ᠲᠦᠮᠡᠨ ᠤ ᠪᠠᠨ ᠦᠶᠡ ᠶᠢᠨ ᠦᠶᠡ ᠶᠢ ᠰᠠᠨᠠᠭᠠᠰᠢᠷᠠᠵᠤ | ᠵᠠᠭᠤᠨ ᠵᠠᠭᠤᠨ ᠤ ᠴᠦᠷᠬᠡᠯᠡᠭᠡ ᠲᠠᠢ ᠨᠡᠭᠦᠳᠡᠯ ᠤᠨ ᠲᠤᠭᠤᠰᠤ ᠪᠠᠨ ᠠᠵᠢᠨᠠᠮ | ᠳᠡᠭᠳᠡᠬᠦ ᠨᠠᠷᠠᠨ ᠤ ᠠᠯᠲᠠᠨ ᠲᠤᠶᠠᠭᠠᠨ ᠳᠤ ᠠᠭᠤᠯᠠᠰ ᠤᠨ ᠮᠠᠩᠨᠠᠢ ᠲᠡᠨᠢᠢᠭᠡᠳ | ᠲᠡᠯᠭᠡᠷᠡᠵᠦ ᠠᠮᠵᠢᠭᠠ ᠦᠭᠡᠢ ᠠᠯᠲᠠᠨ ᠬᠠᠷᠠᠪᠤᠷ ᠲᠤᠷᠭᠠᠨ ᠬᠦᠰᠡᠯ ᠢᠶᠠᠷ ᠢᠶᠠᠨ ᠤᠭᠳᠤᠨᠠᠮ | ᠲᠡᠩᠳᠡᠭᠦᠦ ᠬᠠᠶᠢᠷᠠ ᠶᠢᠨ ᠡᠴᠢᠨᠡ ᠬᠢᠵᠠᠭᠠᠷ ᠠᠴᠠ ᠨᠠᠶᠢᠷᠠᠭ ᠤᠨ ᠤᠩᠭᠤᠳ ᠢ ᠳᠠᠯᠠᠯᠵᠤ | ᠳᠠᠯᠠᠢ ᠪᠠᠶᠠᠨ ᠮᠤᠩᠭᠤᠯ ᠬᠠᠶᠢᠷᠠ ᠪᠠᠷ ᠢᠶᠠᠨ ᠠᠯᠤᠰ ᠤᠨ ᠠᠯᠤᠰ ᠢ ᠵᠤᠷᠢᠨᠠᠮ | ᠬᠦᠨᠳᠦᠯ ᠨᠤᠲᠤᠭ ᠤᠨ ᠴᠡᠩᠭᠡᠷ ᠤᠭᠲᠠᠷᠭᠤᠢ ᠠᠴᠠ ᠰᠠᠯᠬᠢᠨ ᠤ ᠡᠭᠡᠰᠢᠭ ᠢ ᠴᠢᠩᠨᠠᠵᠤ | ᠢᠷᠡᠬᠦ ᠮᠠᠷᠭᠠᠰᠢ ᠶᠢᠨ ᠤᠶᠤᠨ ᠤ ᠪᠤᠯᠵᠤᠭᠠ ᠶᠢ ᠤᠶᠠᠩᠭᠠ ᠨᠠᠶᠢᠷᠠᠭ ᠢᠶᠠᠷ ᠮᠢᠯᠢᠶᠠᠨᠠᠮ | ᠶᠢᠷᠳᠢᠨᠴᠦ ᠶᠢᠨ ᠡᠩᠨᠡᠭᠡᠨ ᠤ ᠤᠷᠤᠰᠬᠠᠯ ᠳᠤᠮᠳᠠᠭᠤᠷ ᠤᠩᠭᠤᠴᠠ ᠨᠢᠭᠡ ᠶᠢ ᠰᠡᠯᠢᠭᠡᠳ | ᠢᠷᠡᠭᠡᠳᠦᠢ ᠳᠠᠯᠠᠯᠤᠭᠰᠠᠨ ᠮᠤᠩᠭᠤᠯ ᠳᠠᠭᠤᠯᠠᠯ ᠳᠤ ᠪᠠᠨ ᠨᠤᠲ ᠨᠢᠭᠡ ᠶᠢ ᠨᠡᠮᠡᠷᠢᠯᠡᠶᠠ︕ | | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠳᠠᠶᠢᠴᠢᠨᠲᠠᠯᠠ | ᠰᠤᠮᠤ ᠶᠢᠨ ᠴᠠᠭᠠᠨᠴᠢᠯᠠᠭᠤ ᠠᠶᠢᠯ |