| ︽ᠨᠤᠮ ᠪᠤᠯ ᠶᠢᠷᠳᠢᠨᠴᠥ ᠶᠢ ᠬᠠᠷᠠᠬᠤ ᠴᠤᠩᠬᠤ ᠮᠥᠨ︾᠂ ︽ᠨᠤᠮ ᠪᠤᠯ ᠬᠥᠮᠥᠨ ᠲᠥᠷᠥᠯᠬᠢᠳᠡᠨ ᠤ ᠭᠡᠪ | ᠪᠤᠯᠪᠠᠰᠤᠷᠠᠯ ᠢᠶᠠᠨ ᠲᠡᠭᠡᠭᠰᠢᠯᠡᠬᠦᠯᠬᠦ ᠱᠠᠳᠤ ᠮᠥᠨ︾ ᠭᠡᠬᠦ ᠮᠡᠳᠥ ᠶᠢᠨ ᠤᠯᠠᠨ ᠵᠥᠢᠯ ᠤᠨ ᠨᠤᠮ ᠤᠨ ᠲᠤᠬᠠᠢ ᠰᠠᠶᠢᠬᠠᠨ | ᠬᠡᠯᠡᠴᠡ ᠪᠠᠶᠢᠳᠠᠭ᠃ ᠲᠡᠶᠢᠮᠥ ᠡ᠂ ᠨᠤᠮ ᠤᠩᠰᠢᠬᠤ ᠨᠢ ᠤᠯᠠᠨ ᠰᠠᠶᠢᠨ ᠲᠠᠢ ᠲᠠᠯᠠ ᠪᠠᠶᠢᠳᠠᠭ᠃ | ᠨᠤᠮ ᠤᠩᠰᠢᠬᠤ ᠨᠢ ᠶᠠᠭᠤᠨ ᠤ ᠡᠮᠥᠨᠡ ᠬᠥᠮᠥᠨ ᠤ ᠲᠤᠳᠤᠭᠠᠳᠤ ᠰᠡᠳᠭᠢᠯᠭᠡ ᠶᠢ ᠲᠠᠶᠢᠪᠦᠰᠢᠷᠠᠭᠤᠯᠦᠨ | ᠬᠥᠮᠥᠨ ᠢ ᠥᠢᠮᠡᠭᠡᠨ ᠲᠡᠪᠵᠢᠶᠡᠨ ᠲᠠᠢ ᠠᠮᠢᠳᠤᠷᠠᠯ ᠠᠴᠠ ᠰᠠᠯᠭᠠᠵᠤ᠂ ᠥᠭᠡᠷᠡ ᠨᠢᠭᠡᠨ ᠨᠠᠮ ᠰᠡᠯᠡᠭᠦᠥ ᠶᠢᠷᠳᠢᠨᠴᠥ ᠳᠤ | ᠬᠥᠳᠥᠯᠥᠨ ᠤᠷᠤᠭᠤᠯᠳᠠᠭ᠃ ᠪᠠᠰᠠ ᠬᠥᠮᠥᠨ ᠤ ᠲᠡᠰᠪᠥᠷᠢ ᠲᠡᠪᠴᠢᠶᠡᠷᠢ ᠶᠢ ᠪᠤᠯᠪᠠᠰᠤᠷᠠᠭᠤᠯᠤᠨ᠂ ᠠᠵᠢᠯ ᠬᠢᠬᠦ ᠳᠤ | ᠠᠩᠬᠠᠷᠤᠯ ᠢ ᠲᠥᠪᠯᠡᠷᠡᠭᠦᠯᠬᠦ ᠥᠢᠯᠡᠳᠥᠯ ᠲᠠᠢ᠃ ᠮᠢᠨᠥ ᠨᠤᠮ ᠳᠤ ᠪᠠᠬᠠ ᠲᠠᠢ ᠪᠤᠯᠤᠭᠰᠠᠨ ᠨᠢ ᠨᠢᠭᠡ ᠤᠳᠠᠭᠠᠨ ᠤ | ᠤᠴᠢᠷ ᠠᠴᠠ ᠪᠤᠯᠤᠭᠰᠠᠨ ᠶᠤᠮ ᠡ᠃ ᠬᠡᠷᠪᠡ ᠲᠡᠶᠢᠮᠥ ᠪᠢᠰᠢ ᠪᠤᠯ ᠪᠢ ᠥᠨᠥ ᠪᠤᠯᠳᠠᠯᠠ ᠨᠤᠮ ᠤᠩᠰᠢᠬᠤ ᠶᠢᠨ ᠠᠮᠳᠠ | ᠰᠢᠮᠳᠡ ᠶᠢ ᠤᠯᠵᠤ ᠮᠡᠳᠡᠬᠦ ᠥᠭᠡᠢ ᠮᠠᠭᠠᠳ᠃ ᠪᠢ ᠪᠠᠭᠠ ᠪᠠᠶᠢᠬᠤ ᠳᠤ ᠠᠮᠠᠷᠠᠯᠳᠠ ᠪᠠᠷ ᠡᠮᠡᠭᠡ ᠶᠢᠨ ᠳᠤ ᠪᠠᠨ | ᠤᠴᠢᠭᠰᠠᠨ᠂ ᠮᠢᠨᠥ ᠡᠮᠡᠭᠡ ᠪᠤᠯ ᠤᠶᠢᠷᠠ ᠬᠠᠪᠢ ᠳᠤ ᠪᠠᠨ ᠨᠡᠷᠡᠳᠡᠢ ᠨᠤᠮ ᠤᠩᠰᠢᠳᠠᠭ ᠬᠥᠮᠥᠨ ᠪᠠᠶᠢᠭᠰᠠᠨ᠂ | ᠡᠮᠡᠭᠡ ᠶᠢᠨ ᠭᠡᠷ ᠤᠨ ᠨᠢᠭᠡ ᠥᠷᠥᠭᠡ ᠨᠢ ᠪᠥᠷ ᠨᠤᠮ᠂ ᠪᠠᠷᠤᠭ ᠨᠤᠮ ᠲᠠᠯᠪᠢᠳᠠᠭ ᠥᠷᠥᠭᠡ ᠪᠤᠯᠭᠠᠭᠰᠠᠨ ᠪᠠᠶᠢᠬᠠ᠃ | ᠡᠮᠡᠭᠡ ᠠᠵᠢᠯ ᠢᠶᠠᠨ ᠬᠢᠵᠤ ᠪᠠᠷᠠᠭᠠᠳ ᠪᠠᠭᠠ ᠯᠡ ᠴᠢᠯᠥᠭᠡ ᠭᠠᠷᠤᠭᠰᠠᠭᠠᠷ ᠯᠡ ᠲᠡᠷᠡ ᠥᠷᠥᠭᠡᠨ ᠳᠤ ᠪᠠᠨ ᠤᠷᠤᠵᠤ | ᠨᠤᠮ ᠤᠡᠭᠰᠢᠵᠦ᠂ ᠡᠳᠥᠷ ᠨᠢ ᠮᠠᠯ ᠳᠤ ᠪᠠᠨ ᠶᠠᠪᠤᠭᠰᠠᠨ ᠴᠦ ᠨᠢᠭᠡ ᠬᠤᠶᠠᠷ ᠨᠤᠮ ᠪᠤᠭᠴᠤᠨ ᠳᠤ ᠪᠠᠨ ᠬᠢᠭᠡᠳ | ᠶᠠᠪᠤᠳᠠᠭ ᠶᠤᠮ᠃ ᠵᠠᠷᠢᠮ ᠳᠤ ᠪᠠᠨ ᠨᠠᠳᠠ ᠳᠤ ︽ᠬᠡᠷᠪᠡ ᠡᠨᠡ ᠲᠡᠯᠡᠬᠡᠢ ᠲᠡᠭᠡᠷᠡ ᠨᠤᠮ ᠥᠭᠡᠢ ᠪᠤᠯ ᠪᠢ ᠶᠠᠭᠤᠨ ᠤ | ᠲᠥᠯᠥᠭᠡ ᠠᠮᠢᠳᠤᠷᠠᠵᠤ ᠪᠠᠶᠢᠬᠤ ᠪᠠᠨ ᠮᠡᠳᠡᠬᠦ ᠥᠭᠡᠢ ᠪᠤᠯᠤᠨᠠ︾ ᠭᠡᠵᠤ ᠬᠡᠯᠡᠳᠡᠭ᠃ ᠡᠮᠡᠭᠡ ᠬᠥᠳᠡᠭᠡ ᠰᠠᠭᠤᠳᠠᠭ | ᠪᠤᠯᠬᠤᠷ ᠤᠯᠠᠨ ᠰᠠᠶᠢᠬᠠᠨ ᠨᠠᠭᠠᠳᠤᠮ᠂ ᠭᠠᠷ ᠤᠳᠠᠰᠤ ᠭᠡᠵᠤ ᠪᠠᠶᠢᠬᠤ ᠥᠭᠡᠢ ᠵᠥᠪᠬᠡᠨ ᠲᠤᠭᠤᠰᠤ ᠤᠳᠤᠬᠠᠨ ᠳᠤ | ᠰᠢᠷᠠᠯᠠᠭᠰᠠᠨ ᠨᠠᠶᠠᠭᠠᠳ ᠤᠨ ᠤ ᠥᠶᠡ ᠶᠢᠨ ᠵᠤᠵᠠᠭᠠᠨ ᠲᠧᠯᠸᠢᠰ ᠪᠠᠶᠢᠨᠠ᠃ ᠬᠡᠥᠬᠡᠳ ᠤᠨ ᠵᠥᠴᠥᠭᠡ ᠴᠦ | ᠲᠤᠭᠠ ᠲᠠᠢ᠂ ᠲᠤᠭᠳᠠᠭᠰᠠᠨ ᠴᠠᠭ ᠲᠤ ᠪᠠᠨ ᠭᠠᠷᠳᠠᠭ ᠪᠤᠯᠬᠤᠷ ᠪᠢ ᠲᠤᠩ ᠤᠷᠮᠠ ᠥᠭᠡᠢ ᠪᠠᠶᠢᠪᠠ᠃ | ᠵᠠᠷᠢᠮ ᠳᠤ ᠪᠠᠨ ᠨᠢᠭᠡ ᠥᠳᠡ ᠶᠢᠨ ᠬᠤᠶᠢᠨᠡ ᠮᠡᠯᠡᠷᠡᠭᠡᠳ ᠰᠠᠭᠤᠴᠢᠬᠠᠳᠠᠭ ᠵᠠᠷᠢᠮ ᠳᠤ ᠪᠠᠨ ᠬᠤᠷᠤᠭᠤ | ᠭᠠᠷ ᠢᠶᠠᠷ ᠢᠶᠠᠨ ᠨᠠᠭᠠᠳᠴᠥ ᠴᠠᠭ ᠥᠩᠭᠡᠷᠡᠭᠡᠳᠡᠭ ᠪᠢ ᠲᠤᠳᠤᠷᠠ ᠪᠠᠨ ᠠᠷᠪᠠᠨ ᠬᠡᠳᠥᠨ ᠡᠳᠥᠷ ᠬᠤᠷᠳᠤᠨ | ᠥᠩᠭᠡᠷᠡᠭᠡᠰᠡᠢ ᠢᠩᠭᠢᠪᠡᠯ ᠪᠢ ᠠᠪᠤ ᠡᠵᠢ ᠳᠤ ᠪᠠᠨ ᠤᠴᠢᠵᠤ ᠠᠮᠳᠠᠳᠤ ᠰᠠᠶᠢᠬᠠᠨ ᠬᠤᠭᠤᠯᠠ ᠶᠢ ᠲᠠᠭᠠᠳᠠᠶᠢᠬᠠᠨ | ᠢᠳᠡᠴᠢᠭᠡᠭᠡᠳ ᠭᠠᠷ ᠤᠳᠠᠰᠤ ᠪᠠᠷ ᠢᠶᠠᠨ ᠬᠠᠨᠳᠠᠯᠠ ᠨᠠᠭᠠᠳᠬᠤ ᠶᠤᠮ ᠰᠠᠨ ᠭᠡᠵᠤ ᠪᠤᠳᠤᠪᠠ᠃ ᠠᠮᠠᠷᠠᠯᠳᠠ ᠶᠢᠨ | ᠭᠤᠷᠪᠠᠳᠤᠭᠠᠷ ᠡᠳᠥᠷ ᠪᠢ ᠬᠡᠥᠬᠡᠳ ᠤᠨ ᠵᠥᠴᠥᠭᠡ ᠪᠠᠨ ᠥᠵᠡᠵᠤ ᠪᠠᠷᠠᠭᠠᠳ ᠤᠷᠮᠠ ᠥᠭᠡᠢ ᠬᠡᠪᠳᠡᠵᠤ ᠪᠠᠶᠢᠳᠠᠯᠠ | ᠡᠮᠡᠭᠡ ᠲᠡᠷᠭᠡᠳᠡ ᠢᠷᠡᠴᠢᠭᠡᠭᠡᠳ ︽ᠮᠢᠨᠥ ᠬᠥᠥ ᠡᠮᠡᠭᠡ ᠪᠠᠨ ᠲᠠᠭᠠᠭᠠᠳ ᠢᠷᠡ︾ ᠭᠡᠳ ᠮᠢᠨᠥ ᠡᠮᠤᠨᠠ | ᠮᠠᠶᠢᠵᠢᠭᠢᠨᠠᠭᠰᠠᠭᠠᠷ ᠥᠨᠥ ᠨᠤᠮ ᠤᠨ ᠥᠷᠥᠭᠡᠨ ᠳᠤ ᠪᠠᠨ ᠤᠷᠤᠭᠠᠳ ᠨᠢᠭᠡ ᠬᠡᠥᠬᠡᠳ ᠤᠨ ᠥᠯᠢᠭᠡᠷ ᠤᠨ ᠨᠤᠮ | ᠠᠪᠴᠥ ︽ᠡᠭᠦᠨ ᠢ ᠤᠩᠰᠢᠵᠤ ᠥᠵᠡ ᠶᠡᠭᠡ ᠭᠤᠶᠤ ᠰᠢᠥ︾ ᠭᠡᠵᠤ ᠨᠠᠳᠠ ᠳᠤ ᠤᠷᠤᠭᠤ ᠰᠢᠷᠳᠡᠨᠡ᠃ ︽ᠨᠤᠮ | ᠶᠠᠭᠤ ᠨᠢ ᠭᠤᠶᠤ ᠪᠤᠢ᠂ ᠶᠠᠮᠠᠷ ᠠᠮᠳᠠ ᠰᠢᠮᠳᠠ ᠲᠠᠢ ᠪᠤᠯᠴᠢᠬᠠᠪᠠ︖ ᠤᠩᠰᠢᠭᠠᠳ ᠪᠠᠷᠠᠪᠠᠯ ᠮᠠᠷᠳᠠᠴᠢᠬᠠᠬᠤ | ᠶᠠᠭᠤᠮᠠ ᠶᠢ ᠥᠵᠡᠬᠦ ᠪᠠᠷ ᠢᠶᠠᠨ ᠭᠠᠳᠠᠨᠠ ᠭᠠᠷᠤᠭᠠᠳ ᠲᠤᠭᠯᠠᠬᠤ ᠨᠢ ᠡᠭᠦᠨ ᠠᠴᠠ ᠲᠡᠭᠡᠷᠡ︾ ᠭᠡᠬᠦ ᠳᠤ ᠡᠮᠡᠭᠡ ︽ | ᠢᠳᠡᠭᠡᠬᠦ ᠥᠭᠡᠢ ᠪᠤᠯ ᠴᠢ ᠨᠢᠭᠡ ᠤᠩᠰᠢᠭᠠᠳ ᠥᠵᠡᠴᠢᠭᠡ ᠳ᠋ᠠ᠂ ᠬᠡᠷᠪᠡ ᠤᠩᠰᠢᠭᠠᠳ ᠤᠶᠢᠯᠠᠭᠠᠪᠠᠯ ᠴᠢᠨᠥ ᠲᠡᠷᠡ | ᠠᠯᠢ ᠠᠮᠳᠠ ᠲᠠᠢ ᠨᠤᠭᠤᠭᠠ ᠪᠤᠳᠠᠭᠠ ᠠᠴᠠ ᠴᠢᠨᠢ ᠠᠮᠳᠠᠳᠠᠢ ᠰᠢᠥ︾ ᠭᠡᠪᠡ᠂ ᠠᠩᠬᠠ ᠡᠬᠢᠨ ᠳᠤ ᠪᠠᠨ ᠪᠢ ᠢᠳᠡᠭᠡᠬᠦ | ᠥᠭᠡᠢ ᠪᠠᠶᠢᠬᠰᠠᠨ᠂ ᠭᠡᠪᠡᠴᠦ ᠪᠤᠰᠤᠳ ᠬᠢᠬᠦ ᠤᠴᠢᠷ ᠥᠭᠡᠢ ᠶᠤᠮ ᠴᠢᠨᠢ ᠤᠩᠰᠢᠭᠠᠳ ᠥᠵᠡᠴᠢᠭᠡᠶᠡ ᠭᠡᠳ ᠰᠢᠷᠡᠭᠡᠨ | ᠲᠡᠭᠡᠷᠡ ᠪᠠᠶᠢᠭᠰᠠᠨ ᠥᠨᠥ ᠨᠤᠮ ᠢ ᠨᠢ ᠠᠪᠤᠭᠠᠳ ᠤᠩᠰᠢᠪᠠ᠃ ᠡᠬᠢᠯᠡᠭᠡᠳ ᠪᠢ ᠲᠤᠷᠠ ᠮᠠᠭᠤᠳᠠᠶᠢᠬᠠᠨ | ᠤᠪᠤᠷ ᠢᠶᠠᠷ ᠢᠶᠠᠨ ᠵᠥᠪᠬᠡᠨ ᠨᠢᠭᠤᠷ ᠲᠡᠭᠡᠷᠡᠬᠢ ᠵᠢᠷᠤᠭ ᠢ ᠨᠢ ᠥᠵᠡᠭᠡᠳ ᠨᠠᠰᠢ ᠴᠠᠭᠠᠰᠢ ᠤᠷᠪᠠᠭᠤᠯᠵᠤ ᠠᠷᠭᠠ | ᠠᠭᠠᠰᠢ ᠪᠠᠷᠠᠵᠤ ᠪᠠᠶᠢᠳᠠᠯᠠ ᠡᠮᠡᠭᠡ ᠬᠠᠵᠠᠭᠤ ᠳᠤ ᠢᠷᠡᠵᠦ ᠨᠤᠮ ᠢ ᠠᠪᠤᠨ ᠪᠠᠷᠢᠭᠠᠳ ᠤᠩᠰᠢᠬᠤ ᠳᠤ ᠠᠮᠳᠠ ᠥᠭᠡᠢ | ᠪᠠᠶᠢᠳᠠᠭ ᠭᠡᠪᠡᠴᠥ ᠤᠩᠰᠢᠬᠤ ᠲᠤᠳᠤᠮ ᠤᠴᠢᠷ ᠤᠬᠠᠭᠠᠨ ᠢ ᠨᠢ ᠤᠶᠢᠯᠠᠭᠠᠵᠤ ᠠᠮᠳᠠᠨ ᠳᠤ ᠨᠢ ᠤᠷᠤᠴᠢᠬᠠᠳᠠᠭ︾ | ᠤᠷᠮᠠᠳᠠᠶᠢᠬᠠᠨ ᠶᠠᠷᠢᠵᠦ ᠪᠠᠶᠢᠯᠠ᠃ ᠪᠢ ᠡᠨᠡ ᠨᠤᠮ ᠲᠤᠳᠤᠷᠠᠬᠢ ᠬᠥᠮᠥᠨ ᠶᠠᠭᠠᠬᠢᠵᠤ ᠢᠩᠭᠢᠵᠤ ᠬᠢᠭᠰᠡᠨ ᠪᠤᠯ︖ | ᠶᠠᠭᠤ ᠭᠡᠵᠤ ᠢᠩᠭᠢᠵᠤ ᠬᠢᠭᠰᠡᠨ ᠪᠤᠯ᠂ ᠶᠠᠮᠠᠷ ᠱᠤᠭ ᠲᠠᠢ ᠪᠤᠢ ᠭᠡᠵᠤ ᠪᠤᠳᠤᠬᠤ ᠲᠤᠳᠤᠮ ᠲᠤᠭᠤᠭᠰᠢ ᠪᠠᠨ | ᠤᠩᠰᠢᠭᠰᠠᠭᠠᠷ ᠪᠠᠶᠢᠳᠠᠯᠠ ᠤᠷᠤᠢ ᠪᠤᠯᠴᠢᠬᠠᠪᠠ ᠮᠢᠨᠥ ᠡᠨᠡ ᠪᠠᠶᠢᠳᠠᠯ ᠢ ᠥᠵᠡᠭᠰᠡᠨ ᠡᠮᠡᠭᠡ ᠶᠡᠬᠡᠳᠡ ᠪᠠᠶᠠᠷᠯᠠᠨ ︽ᠮᠢᠨᠥ | ᠬᠥᠥ ᠤᠳᠤ ᠬᠤᠭᠤᠯᠠ ᠪᠠᠨ ᠢᠳᠡ ᠭᠡᠰᠡᠨ ᠳᠤ︾ ᠪᠢ ︽ᠬᠥᠯᠢᠶᠡᠵᠤ ᠪᠠᠢ ᠲᠠᠬᠢᠭᠠᠳ ᠵᠢᠭᠠᠬᠠᠨ ᠥᠵᠡᠶᠡ︾ ᠭᠡᠳ | ᠵᠠᠯᠭᠠᠭᠠᠳ ᠤᠩᠰᠢᠵᠤ ᠰᠠᠭᠤᠨᠠ᠃ ᠡᠮᠡᠭᠡ ︽ᠬᠤᠭᠤᠯᠠ ᠬᠥᠷᠬᠦ ᠠᠴᠠ ᠡᠮᠥᠨᠡ ᠢᠳᠡ᠂ ᠥᠯᠥᠰᠴᠢᠭᠡᠳ ᠢᠳᠡᠪᠡᠯ | ᠪᠡᠶᠡ ᠳᠤ ᠮᠠᠭᠤ︾ ᠭᠡᠳ ᠨᠠᠮᠠ ᠶᠢ ᠲᠠᠳᠠᠨ ᠪᠤᠰᠬᠠᠪᠠ᠃ ᠪᠢ ᠨᠤᠮ ᠳᠤ ᠪᠠᠨ ᠲᠠᠳᠠᠭᠠᠯᠵᠠᠭᠰᠠᠭᠠᠷ ᠬᠤᠭᠤᠯᠠ ᠪᠠᠨ | ᠢᠳᠡᠬᠦ ᠳᠤ ᠪᠠᠨ ᠵᠠᠵᠢᠯᠠᠭᠰᠠᠨ ᠴᠦ ᠥᠭᠡᠢ ᠪᠥᠬᠦᠯᠢ ᠬᠠᠭ᠋ᠤᠯ ᠢᠶᠠᠷ ᠨᠢ ᠵᠠᠯᠭᠢᠨ ᠤᠷᠤᠭᠤᠯᠵᠤ ᠬᠤᠷᠳᠤᠬᠠᠨ ᠪᠠᠷᠠᠭᠠᠳ | ᠨᠤᠮ ᠢᠶᠠᠨ ᠥᠵᠡᠬᠦ ᠪᠠᠷ ᠶᠠᠪᠤᠪᠠ᠃ | ᠨᠢᠭᠡ ᠤᠳᠠᠭᠠ ᠪᠢ ᠤᠩᠰᠢᠵᠤ ᠪᠠᠷᠠᠭᠰᠠᠨ ᠨᠤᠮ ᠢᠶᠠᠨ ᠲᠤᠷᠠ ᠪᠠᠷ ᠬᠠᠶᠠᠴᠢᠬᠠᠪᠠ᠂ ᠡᠮᠡᠭᠡ ᠡᠭᠦᠨ ᠢ ᠬᠠᠷᠠᠭᠠᠳ | ᠶᠡᠭᠡ ᠠᠭᠤᠷᠯᠠᠨ ︽ᠨᠤᠮ ᠢ ᠲᠤᠷᠠ ᠪᠠᠷ ᠬᠠᠶᠠᠵᠤ ᠪᠤᠯᠬᠤ ᠥᠭᠡᠢ᠂ ᠨᠤᠮ ᠪᠤᠯ ᠡᠷᠬᠢᠮ ᠲᠡᠭᠡᠳᠥ ᠥᠪ ᠬᠥᠷᠥᠩᠭᠡ᠂ | ᠨᠤᠮ ᠢ ᠵᠠᠪᠠᠯ ᠲᠡᠭᠡᠷᠡ ᠲᠠᠯᠪᠢᠵᠤ ᠰᠠᠶᠢᠬᠠᠨ ᠬᠠᠳᠠᠭᠠᠯᠠᠬᠤ ᠬᠡᠷᠡᠭᠳᠡᠢ︾ ᠭᠡᠪᠡ᠃ ᠪᠢ ᠡᠮᠡᠭᠡ ᠶᠢᠨ ᠢᠩᠭᠢᠵᠤ | ᠠᠭᠤᠷᠯᠠᠬᠤ ᠶᠢ ᠠᠩᠬᠠ ᠤᠳᠠᠭᠠ ᠬᠠᠷᠠᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠠᠶᠤᠭᠠᠳ ᠳᠠᠷᠠ ᠲᠤᠤᠷᠠ ᠪᠠᠨ ᠤᠭᠢᠯᠠᠴᠢᠬᠠᠪᠠ᠃ | ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠨᠤᠮ ᠢᠶᠠᠨ ᠤᠩᠰᠢᠵᠤ ᠪᠠᠷᠠᠭᠰᠠᠭᠠᠷ ᠨᠤᠮ ᠤᠨ ᠬᠤᠷᠤᠭᠠᠠ ᠳᠤ ᠤᠭ ᠤᠷᠤᠨ ᠳᠤᠨᠢ | ᠲᠠᠯᠪᠢᠬᠤ ᠪᠤᠯᠪᠠ᠃ ᠠᠷᠪᠠᠨ ᠡᠳᠥᠷ ᠨᠢᠰᠬᠦ ᠮᠡᠳᠥ ᠬᠤᠷᠳᠤᠨ ᠥᠩᠭᠡᠷᠡᠭᠰᠡᠨ ᠰᠢᠭ ᠰᠠᠨᠠᠭᠳᠠᠯᠠ ᠪᠢ ᠶᠠᠪᠤᠬᠤ ᠲᠤᠷᠠ | ᠥᠭᠡᠢ ᠪᠤᠯᠬᠤ ᠳᠤ ᠡᠮᠡᠭᠡ ᠨᠠᠳᠠ ᠳᠤ ᠲᠠᠪᠤᠨ ᠨᠤᠮ ᠥᠭᠴᠥ᠂ ᠲᠠᠷᠠᠭᠠ ᠤᠳᠠᠭᠠ ᠢᠷᠡᠬᠦ ᠳᠤ ᠪᠠᠨ ᠤᠩᠰᠢᠵᠤ | ᠪᠠᠷᠠᠭᠠᠳ ᠠᠪᠤᠭᠠᠳ ᠢᠷᠡᠨᠡ ᠰᠢᠥ ᠭᠡᠳ ᠨᠠᠮᠠ ᠶᠢ ᠲᠡᠷᠭᠡᠨ ᠳᠤ ᠰᠠᠭᠤᠯᠭᠠᠪᠠ᠃ ᠪᠢ ᠰᠤᠷᠭᠠᠭᠤᠯᠢ ᠳᠤ ᠤᠴᠢᠭᠰᠠᠨ | ᠴᠦ ᠴᠠᠭ ᠭᠠᠷᠤᠭᠰᠠᠭᠠᠷ ᠥᠨᠥᠬᠢ ᠨᠤᠮ ᠢᠶᠠᠨ ᠤᠩᠰᠢᠳᠠᠭ ᠪᠤᠯᠤᠬᠰᠠᠨ ᠮᠦᠷᠲᠡᠭᠡᠨ ᠭᠡᠷ ᠲᠤ ᠪᠠᠨ ᠬᠠᠷᠢᠭᠰᠠᠨ ᠴᠦ | ᠲᠠᠰᠬᠠᠯ ᠢᠶᠠᠨ ᠪᠠᠷᠠᠭᠰᠠᠭᠠᠷ ᠥᠨᠥ ᠨᠤᠮ ᠢᠶᠠᠨ ᠤᠩᠰᠢᠳᠠᠭ ᠪᠤᠯᠪᠠ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠪᠢ ᠨᠤᠮ ᠳᠤ | ᠬᠤᠷᠤᠬᠠᠢ ᠲᠠᠢ ᠪᠤᠯᠤᠬᠰᠠᠨ ᠭᠡᠵᠦ ᠡᠨᠡ ᠠᠵᠢ᠃ | ᠲᠡᠷᠡ ᠵᠤᠨ ᠡᠮᠡᠭᠡ ᠶᠢᠨ ᠮᠢᠨᠢ ᠪᠡᠶᠡ ᠮᠠᠭᠤᠳᠠᠵᠦ ᠡᠮᠨᠡᠯᠭᠡ ᠳᠤ ᠤᠷᠤᠪᠠ᠃ ᠪᠢ ᠡᠷᠭᠢᠬᠦ ᠪᠠᠷ ᠤᠴᠢᠬᠤ ᠳᠤ | ᠡᠮᠡᠭᠡ ᠬᠡᠪᠳᠡᠴᠢᠭᠡᠳ ᠨᠤᠮ ᠤᠩᠰᠢᠵᠤ ᠪᠠᠶᠢᠪᠠ᠃ ᠮᠢᠨᠥ ᠢᠷᠡᠭᠰᠡᠨ ᠢ ᠥᠵᠡᠭᠡᠳ ︽ᠬᠥᠥ ᠮᠢᠨᠢ ᠨᠠᠰᠢ ᠢᠷᠡ | ᠡᠮᠡᠭᠡ ᠨᠢ ᠡᠨᠡ ᠥᠰᠥᠭ ᠢ ᠤᠯᠵᠤ ᠬᠠᠷᠠᠬᠤ ᠥᠭᠡᠢ ᠪᠠᠶᠢᠨᠠ︾ ᠭᠡᠳ ᠨᠠᠳᠠ ᠳᠤ ᠨᠤᠮ ᠢᠶᠠᠨ ᠥᠭᠪᠡ᠃ ᠪᠢ | ᠨᠤᠮ ᠢ ᠪᠠᠷᠢᠵᠤ ᠠᠪᠬᠤ ᠳᠤ ᠭᠠᠳᠠᠷ ᠨᠢ ᠪᠥᠷ ᠤᠷᠤᠴᠢᠬᠠᠭᠰᠠᠨ ᠪᠠᠶᠢᠪᠠ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠪᠢ ᠢᠷᠡᠬᠦ | ᠪᠤᠯᠭᠠᠨ ᠡᠮᠡᠭᠡ ᠳᠤ ᠪᠠᠨ ᠨᠤᠮ ᠤᠩᠰᠢᠵᠤ ᠥᠭᠳᠡᠭ ᠪᠤᠯᠪᠠ᠃ ᠡᠮᠡᠭᠡ ᠨᠠᠳᠠ ᠶᠢ ᠥᠵᠡᠭᠰᠡᠭᠡᠷ ᠨᠢᠭᠤᠷ ᠲᠤ ᠨᠢ | ᠢᠨᠢᠶᠡᠳᠥ ᠲᠥᠭᠦᠷᠡᠩ ᠪᠤᠯᠵᠤ ᠢᠷᠡᠳᠡᠭ᠃ ᠲᠡᠷᠡ ᠨᠢᠭᠡ ᠡᠳᠥᠷ ᠡᠮᠡᠭᠡ ᠶᠢᠨ ᠡᠪᠡᠳᠴᠢᠨ ᠬᠥᠨᠳᠥᠷᠡᠭᠰᠡᠨ ᠳᠤ | ᠨᠠᠳᠠ ᠳᠤ ︽ᠪᠢ ᠪᠠᠰᠠ ᠤᠯᠠᠨ ᠨᠤᠮ ᠤᠩᠰᠢᠵᠤ ᠪᠠᠷᠠᠭᠠᠳᠥᠢ ᠰᠢᠥ︾ ᠭᠡᠵᠤ ᠬᠡᠯᠡᠪᠡ᠃ ᠪᠢ ᠲᠤᠳᠤᠷᠠ ᠪᠠᠨ | ᠬᠥᠮᠥᠨ ᠨᠤᠮ ᠤᠩᠰᠢᠭᠠᠳ ᠬᠥᠷᠥᠨᠡ ᠭᠡᠰᠡᠨ ᠥᠨᠡᠬᠡᠷ ᠭᠠᠶᠢᠬᠠᠮᠰᠢᠭ ᠡ ᠭᠡᠵᠤ ᠪᠤᠳᠤᠪᠠ᠃ ᠠᠮᠢ ᠨᠠᠰᠤᠨ ᠤ ᠪᠠᠨ | ᠡᠴᠥᠰ ᠤᠨ ᠮᠥᠴᠡ ᠳᠤ ᠪᠠᠰᠠ ᠨᠤᠮ ᠢᠶᠠᠨ ᠤᠩᠰᠢᠬᠤ ᠶᠢ ᠰᠠᠨᠠᠳᠠᠭ ᠴᠢᠨᠢ ᠨᠤᠮ ᠤᠨ ᠬᠤᠷᠤᠬᠠᠢ ᠭᠡᠰᠡᠨ ᠯᠡ ᠥᠭᠡ᠃ | | ᠡᠮᠡᠭᠡ ᠶᠠᠪᠤᠭᠰᠠᠨ ᠤ ᠰᠡᠭᠦᠯᠡᠷ ᠪᠢ ᠡᠮᠡᠭᠡ ᠶᠢᠨ ᠨᠤᠮ ᠢ ᠪᠥᠬᠦᠨ ᠢ ᠭᠡᠷ ᠲᠤ ᠪᠠᠨ ᠵᠥᠭᠡᠭᠡᠵᠤ ᠠᠪᠠᠴᠢᠪᠠ᠃ | ᠤᠷᠤᠢ ᠨᠢ ᠤᠨᠳᠠᠬᠤ ᠳᠤ ᠪᠠᠨ ᠴᠦ ᠬᠠᠵᠠᠭᠤ ᠳᠤ ᠪᠠᠨ ᠨᠤᠮ ᠲᠠᠯᠪᠢᠳᠠᠭ ᠪᠤᠯᠪᠠ᠃ ᠮᠠᠨ ᠤ ᠪᠠᠭᠰᠢ ︽ᠨᠤᠮ ᠪᠤᠯ | ᠲᠠ ᠨᠠᠷ ᠤᠨ ᠬᠠᠮᠤᠭ ᠤᠨ ᠰᠠᠶᠢᠨ ᠨᠠᠶᠢᠵᠠ ᠨᠤᠮ ᠲᠠ ᠨᠠᠷ ᠤᠨ ᠬᠠᠮᠤᠭ ᠤᠨ ᠲᠤᠷᠠᠳᠠᠢ ᠬᠤᠭᠤᠯᠠ ᠠᠴᠠ ᠴᠢᠨᠢ ᠪᠠᠰᠠ | ᠠᠮᠳᠠᠳᠠᠢ︾ ᠭᠡᠵᠤ ᠬᠡᠯᠡᠳᠡᠭ ᠢᠩᠭᠢᠵᠤ ᠬᠡᠯᠡᠬᠦ ᠶᠢ ᠰᠤᠨᠤᠰᠬᠤ ᠪᠥᠷᠢ ᠡᠮᠡᠭᠡ ᠪᠠᠨ ᠰᠠᠨᠠᠭᠠᠨ ᠳᠤ ᠤᠷᠤᠳᠠᠭ᠃ ᠴ᠊ · | ᠲᠠᠮᠳᠢᠨᠰᠥᠷᠥᠩ ᠭᠤᠸᠠᠢ ︽ᠨᠤᠮ ᠤᠨ ᠤᠳᠬᠠ ᠠᠨᠤ ᠲᠡᠭᠷᠢ ᠮᠡᠳᠥ ᠠᠭᠤᠤ᠂ ᠲᠠᠯᠠᠢ ᠮᠡᠳᠥ ᠠᠭᠤᠳᠠᠮ ᠠᠵᠢ᠂ ᠨᠤᠮ | ᠤᠩᠰᠢᠬᠤ ᠨᠢ ᠲᠡᠭᠷᠢ ᠳᠤ ᠨᠢᠰᠴᠥ᠂ ᠲᠠᠯᠠᠢ ᠳᠤ ᠱᠤᠩᠪᠠᠵᠤ ᠲᠡᠯᠡᠬᠡᠢ ᠪᠠᠷ ᠲᠤᠭᠤᠷᠢᠬᠤ ᠮᠡᠳᠥ︾ ᠭᠡᠵᠤ ᠬᠡᠯᠡᠵᠤ | ᠥᠩᠭᠡᠷᠡᠵᠡᠢ ᠡᠶᠢᠮᠥ ᠠᠴᠠ ᠪᠢᠳᠡ ᠵᠠᠪᠠᠯ ᠨᠤᠮ ᠲᠠᠢ ᠨᠥᠬᠦᠷᠯᠡᠨ ᠨᠤᠮ ᠲᠠᠢ ᠠᠮᠢᠳᠤᠷᠠᠨ ᠨᠤᠮ ᠢ ᠬᠥᠨᠳᠥᠯᠡᠨ | ᠲᠡᠭᠡᠳᠥᠯᠡᠵᠤ ᠶᠠᠪᠤᠬᠤ ᠬᠡᠷᠡᠭᠳᠡᠢ᠃ | ᠵᠤᠬᠢᠶᠠᠬᠴᠢ᠄ ᠴᠠᠭᠠᠨᠯᠤᠤ ︵ᠬᠥᠯᠥᠨ ᠪᠤᠶᠢᠷ ᠤᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠨᠢᠭᠡᠳᠥᠭᠡᠷ ᠲᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬᠠ ᠭᠤᠷᠪᠠ ᠶᠢᠨ ᠲᠥᠷᠪᠡ ᠶᠢᠨ ᠰᠤᠷᠤᠭᠴᠢ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠵᠢᠮᠢᠰ |