| ᠮᠢᠨᠦ ᠬᠠᠮᠤᠭ ᠤᠨ ᠲᠤᠭᠤᠳᠠᠭ ᠠᠮᠢᠲᠠᠨ ᠪᠤᠯ ᠲᠡᠮᠡᠭᠡ ᠶᠤᠮ ᠡ᠃ ᠨᠠᠢᠮᠠᠨ ᠨᠠᠰᠣ ᠲᠠᠢ ᠲᠡᠷᠡ ᠡᠪᠦᠯ ᠤᠨ | ᠠᠮᠠᠷᠠᠯᠲᠠ ᠳᠤ ᠪᠢ ᠬᠦᠳᠡᠭᠡ ᠭᠡᠷ ᠲᠤ ᠪᠠᠨ ᠬᠠᠷᠢᠭᠠᠳ ︽ᠲᠡᠮᠡᠭᠡ ᠤᠨᠤᠵᠤ ᠰᠤᠷᠤᠨᠠ︾ ᠭᠡᠬᠦ ᠳᠤ ᠠᠪᠤ ︽ᠲᠡᠭᠡ᠂ | ᠲᠡᠭᠡ︾ ᠭᠡᠳ ᠲᠡᠮᠡᠭᠡ ᠪᠠᠨ ᠰᠦᠭᠦᠳᠬᠡᠬᠦ ᠳᠤ ᠪᠢ ᠲᠡᠭᠡᠷᠡ ᠨᠢ ᠭᠠᠷᠴᠤ ᠤᠨᠤᠯᠠ᠃ ᠠᠪᠤ ᠬᠤᠳᠳᠤᠭ ᠬᠦᠷᠳᠡᠯᠡ | ᠬᠦᠳᠦᠯᠵᠦ ᠶᠠᠪᠤᠬᠤ ᠳᠤ ᠪᠢ ᠠᠶᠤᠬᠤ ᠳᠤ ᠪᠠᠨ ᠪᠦᠬᠦ ᠶᠢ ᠨᠢ ᠴᠢᠩᠭᠠ ᠲᠡᠪᠡᠷᠢᠭᠡᠳ ᠯᠡ ᠪᠠᠶᠢᠪᠠ᠃ ᠪᠢ ︽ᠪᠠᠭᠤᠶᠠ | ︾ ᠭᠡᠬᠦ ᠳᠤ ᠠᠪᠤ ︽ᠭᠡᠷ ᠲᠤ ᠪᠠᠨ ᠬᠦᠷᠳᠡᠯᠡ ᠦᠪᠡᠷ ᠢᠶᠠᠨ ᠤᠨᠤᠭᠠᠳ ᠶᠠᠪᠤ︾ ᠭᠡᠪᠡ᠃ ᠪᠢ ᠶᠠᠭᠠᠬᠢᠵᠤ ᠤᠨᠤᠬᠤ | ᠪᠤᠢ ᠭᠡᠬᠦ ᠳᠤ ᠠᠪᠤ᠄ ︽ᠴᠢ ᠪᠤᠷᠠᠨᠳᠠᠭ ᠠᠴᠠ ᠪᠠᠨ ᠪᠠᠷᠢᠭᠠᠳ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠭᠤᠯᠬᠤ ᠭᠡᠪᠡᠯ ᠲᠡᠶᠢᠰᠢ ᠪᠠᠨ | ᠲᠠᠳᠠ︾ ᠭᠡᠪᠡ᠃ ᠪᠢ ᠠᠪᠤ ᠶᠢᠨ ᠬᠡᠯᠡᠭᠰᠡᠨ ᠶᠤᠰᠤ ᠪᠠᠷ ᠲᠡᠮᠡᠭᠡ ᠪᠠᠨ ᠤᠨᠤᠭᠠᠳ ᠭᠡᠷ ᠲᠤ ᠪᠠᠨ ᠬᠦᠷᠬᠦ ᠳᠤ ᠮᠢᠩᠭᠠᠨ | ᠴᠠᠭᠠᠨ ᠬᠤᠨᠢᠳ ᠮᠢᠨᠢ ᠬᠤᠳᠳᠤᠭ ᠵᠦᠭ ᠬᠦᠶᠦᠵᠦ ᠪᠠᠶᠢᠪᠠ᠃ ᠪᠢ ᠠᠪᠤ ᠶᠢ ᠲᠠᠭᠤᠳᠠᠨ ᠬᠤᠨᠢᠳ ᠬᠤᠳᠳᠤᠭ | ᠵᠦᠭ ᠬᠦᠶᠦᠵᠦ ᠪᠠᠶᠢᠬᠤ ᠶᠢ ᠬᠡᠯᠡᠵᠦ ᠦᠭᠬᠦᠭᠡᠳ ᠲᠠᠬᠢᠭᠠᠳ ᠬᠤᠳᠳᠤᠭ ᠵᠦᠭ ᠲᠠᠪᠬᠢᠯᠠ᠃ ᠠᠪᠤ ᠬᠤᠳᠳᠤᠭ ᠤᠨ | ᠲᠡᠷᠭᠡᠳᠡ ᠤᠰᠤ ᠭᠠᠷᠭᠠᠵᠤ ᠪᠠᠶᠢᠯᠠ᠃ ᠪᠢ ᠲᠡᠮᠡᠭᠡ ᠪᠠᠨ ︽ᠰᠦᠬᠦ᠂ ᠰᠦᠬᠦ︾ ᠭᠡᠵᠦ ᠰᠦᠭᠦᠳᠦᠭᠦᠯᠵᠦ | ᠲᠡᠮᠡᠭᠡᠨ ᠠᠴᠠ ᠪᠠᠨ ᠪᠠᠭᠤᠯᠠ᠃ ᠪᠢ ᠬᠤᠨᠢ ᠪᠠᠨ ᠬᠠᠭᠠᠰ ᠤᠰᠤᠯᠠᠵᠤ᠂ ᠪᠠᠶᠠᠷ ᠬᠦᠷ ᠲᠠᠢ ᠭᠡᠷ ᠲᠤ ᠪᠠᠨ ᠤᠷᠤᠯᠠ᠃ | ᠪᠢ ᠲᠡᠮᠡᠭᠡ ᠤᠨᠤᠵᠤ ᠶᠠᠪᠤᠬᠤ ᠶᠢ ᠠᠪᠤ ᠰᠡᠮᠡᠭᠡᠷ ᠭᠠᠷ ᠤᠳᠠᠰᠤ ᠪᠠᠷ ᠢᠶᠠᠨ ᠰᠢᠩᠭᠡᠭᠡᠳ ︽ᠤᠶᠠᠩᠭᠠ ᠶᠢ ᠦᠵᠡ᠂ | ᠲᠡᠮᠡᠭᠡ ᠤᠨᠤᠭᠠᠳ ᠶᠠᠪᠤᠵᠤ ᠪᠠᠶᠢᠨᠠ︕︾ ᠭᠡᠵᠦ ᠭᠡᠷ ᠪᠦᠯᠢ ᠶᠢᠨ ᠸᠢᠴᠠᠲ ᠬᠤᠯᠪᠤᠭᠠᠨ ᠲᠡᠭᠡᠷᠡ ᠲᠠᠯᠪᠢᠭᠰᠠᠨ | ᠪᠠᠶᠢᠵᠠᠢ᠃ ᠤᠯᠠᠨ ᠬᠦᠮᠦᠨ ᠸᠢᠴᠠᠲ ᠲᠠᠪᠴᠠᠩ ᠢᠶᠠᠷ ᠨᠠᠳᠠ ᠳᠤ ᠴᠡᠴᠡᠭ ᠦᠭᠴᠦ ᠪᠠᠶᠠᠷ ᠬᠦᠷᠬᠡᠵᠦ ᠪᠠᠶᠢᠯᠠ᠃ ᠪᠢ | ᠲᠡᠭᠦᠨ ᠢ ᠨᠢ ᠦᠵᠡᠭᠡᠳ ᠲᠤᠩ ᠵᠤᠷᠢᠭᠵᠢᠯᠠ᠃ | ᠠᠷᠪᠠᠭᠠᠳ ᠡᠳᠦᠷ ᠤᠨ ᠲᠠᠷᠠᠭᠠ ᠮᠠᠨ ᠤ ᠭᠠᠴᠠᠭᠠᠨ ᠠᠴᠠ ᠬᠡᠦᠬᠡᠳ ᠤᠨ ᠲᠡᠮᠡᠭᠡ ᠤᠨᠤᠬᠤ ᠤᠷᠤᠯᠳᠣᠭᠠᠨ | ᠶᠠᠪᠤᠭᠤᠯᠤᠯᠠ᠃ ᠪᠢ ᠴᠠᠭᠠᠨ ᠲᠡᠮᠡᠭᠡ ᠪᠠᠨ ᠤᠨᠤᠵᠤ ᠤᠷᠤᠯᠳᠣᠭᠠᠨ ᠳᠤ ᠤᠷᠤᠯᠴᠠᠵᠤ᠂ ᠭᠤᠷᠪᠠᠳᠤᠭᠠᠷ ᠲᠡᠰ ᠲᠤ | ᠲᠤᠳᠤᠷᠠᠭᠠᠳ ᠶᠡᠭᠡᠳᠠ ᠪᠠᠶᠠᠷᠯᠠᠪᠠ᠃ ᠨᠢᠭᠡ ᠰᠠᠷᠠ ᠶᠢᠨ ᠲᠠᠷᠠᠭᠠ ᠠᠪᠤ ᠬᠤᠰᠢᠭᠤᠨ ᠤ ᠮᠦᠩᠭᠦᠨ ᠡᠪᠦᠯ ᠤᠨ | ᠨᠠᠭᠠᠳᠤᠮ ᠤᠨ ᠲᠡᠮᠡᠭᠡᠨ ᠤᠷᠤᠯᠳᠣᠭᠠᠨ ᠳᠤ ᠴᠠᠭᠠᠨ ᠲᠡᠮᠡᠭᠡ ᠲᠠᠢ ᠪᠠᠨ ᠤᠷᠤᠯᠴᠠᠵᠤ ᠬᠤᠶᠠᠳᠣᠭᠠᠷ ᠲᠤ ᠲᠤᠳᠤᠷᠠᠵᠤ | ᠮᠦᠩᠬᠦᠨ ᠮᠧᠲᠠᠯ ᠲᠤᠰᠤᠭᠰᠠᠨ ᠪᠠᠶᠢᠯᠠ᠃ ᠠᠪᠤ ᠮᠢᠨᠢ ᠪᠠᠰᠠ ᠲᠠᠷᠠᠭᠠ ᠵᠢᠯ ᠤᠨ ᠤᠷᠤᠯᠳᠤᠭᠠᠨ ᠳᠤ ᠬᠡᠦᠬᠡᠳ ᠤᠨ | ᠤᠷᠤᠯᠳᠤᠭᠠᠨ ᠪᠠ ᠮᠦᠩᠬᠦᠨ ᠡᠪᠦᠯ ᠤᠨ ᠤᠷᠤᠯᠳᠣᠭᠠᠨ ᠳᠤ ᠬᠦᠤ ᠨᠠᠳᠠ ᠲᠠᠢ ᠪᠠᠨ ᠠᠯᠲᠠᠨ ᠮᠧᠲᠠᠯ ᠲᠡᠪᠡᠷᠢᠵᠦ | ᠢᠷᠡᠨᠡ ᠭᠡᠵᠦ ᠢᠳᠡᠭᠡᠯ ᠲᠠᠢ ᠬᠡᠯᠡᠵᠦ ᠪᠠᠶᠢᠯᠠ᠃ | ᠪᠢ ᠲᠡᠮᠡᠭᠡ ᠪᠠᠨ ᠬᠠᠶᠢᠷᠠᠯᠠᠨ ᠠᠷᠠᠴᠢᠯᠠᠵᠤ᠂ ᠲᠠᠷᠠᠭᠠ ᠵᠢᠯ ᠤᠨ ᠤᠷᠤᠯᠳᠤᠭᠠᠨ ᠳᠤ ᠰᠠᠶᠢᠨ ᠠᠮᠵᠢᠯᠲᠠ | ᠤᠯᠬᠤ ᠶᠢ ᠪᠤᠳᠤᠯᠠ᠃ | | ᠵᠤᠬᠢᠶᠠᠭᠴᠢ᠄ ᠤᠶᠠᠩᠭᠠ ︵ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠬᠤᠶᠠᠳᠤᠭᠠᠷ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠪᠤ ᠶᠢᠨ ᠲᠦᠷᠪᠡ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠰᠠᠷᠠᠨᠴᠢᠮᠡᠭ | |