| ᠬᠤᠷᠴᠢᠨ ᠨᠤᠲᠤᠭ ᠤᠨ ᠬᠦᠤ ᠪᠢ᠂ ᠬᠤᠷᠴᠢᠨ ᠨᠤᠲᠤᠭ ᠢᠶᠠᠨ ᠪᠠᠭ᠋ᠠᠳᠤᠨ ᠬᠠᠶᠢᠷᠠᠯᠠᠳᠠᠭ᠃ ᠮᠢᠨᠦ ᠬᠤᠷᠴᠢᠨ | ᠬᠠᠪᠤᠳᠤ ᠬᠠᠰᠠᠷ ᠤᠨ ᠨᠤᠲᠤᠭ᠂ ᠪᠠᠭᠠᠲᠤᠷ ᠤᠨ ᠦᠯᠦᠭᠡᠢ᠃ ︽ᠮᠢᠨᠦ ᠬᠤᠷᠴᠢᠨ︾ ᠭᠡᠬᠦ ᠲᠠᠭᠤᠤ ᠶᠢ ᠰᠤᠨᠤᠰᠬᠤ | ᠪᠦᠷᠢ ᠪᠢ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠰᠡᠳᠬᠢᠯ ᠬᠦᠭᠰᠡᠵᠦ᠂ ᠠᠶᠠ ᠶᠢ ᠨᠢ ᠲᠠᠭᠠᠨ ᠭᠢᠨᠭᠰᠢᠵᠦ ᠡᠬᠢᠯᠡᠳᠡᠭ᠃ | ᠲᠠᠭᠤᠤ ᠳᠠᠬᠢ ︽ᠭᠠᠳᠡ ᠮᠡᠶᠢᠷᠡᠨ ᠤ ᠲᠦᠷᠦᠭᠰᠡᠨ ᠨᠤᠲᠤᠭ︾ ᠬᠡᠭᠦ ᠪᠠᠷ ︽ᠭᠠᠳᠡ ᠮᠡᠶᠢᠷᠡᠨ︾ ᠤ ᠲᠠᠭᠤᠤ | ᠴᠢᠬᠢᠨ ᠳᠤ ᠬᠠᠨᠭ᠍ᠭᠢᠨᠠᠵᠤ᠂ ᠭᠠᠳᠠ ᠮᠡᠶᠢᠷᠡᠨ ᠭᠡᠬᠦ ᠪᠠᠭᠠᠲᠤᠷ ᠲᠦᠷᠢ ᠨᠢᠳᠦᠨ ᠳᠤ ᠲᠤᠳᠤᠷᠠᠬᠤ ᠰᠢᠤᠬᠠᠨ ᠪᠤᠯᠳᠠᠭ᠃ | ᠭᠠᠳᠡ ᠮᠠᠶᠢᠷᠠᠨ ᠭᠡᠳᠡᠭ ᠨᠡᠷᠡ ᠲᠦᠷᠦ ᠲᠦᠮᠡᠨ ᠳᠤ ᠲᠤᠷᠠᠰᠤᠯᠲᠠᠢ᠂ ︽ᠭᠠᠳᠡ ᠮᠡᠶᠢᠷᠡᠨ︾ ᠬᠡᠬᠦ ᠲᠠᠭᠤᠤ ᠬᠤᠷᠴᠢᠨ | ᠨᠤᠲᠤᠭ ᠲᠤ ᠲᠠᠭᠤᠷᠢᠰᠤᠯᠳᠠᠢ᠃ ᠠᠬᠠᠮᠠᠳ ᠨᠠᠰᠤᠲᠠᠳ ᠤᠨ ᠶᠠᠷᠢᠶᠠᠨ ᠠᠴᠠ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠡᠬᠢ ᠢᠶᠠᠷ | ᠬᠤᠷᠴᠢᠨ ᠨᠤᠲᠤᠭ ᠢ ᠲᠤᠩᠰᠤᠯᠭᠠᠭᠰᠠᠨ ᠬᠤᠰᠢᠭᠤ ᠨᠤᠲᠤᠭ ᠢᠶᠠᠨ ᠬᠠᠮᠠᠭᠠᠯᠠᠵᠤ᠂ ᠬᠤᠪᠳᠤᠭ ᠰᠢᠨᠤᠬᠠᠢ ᠴᠡᠷᠢᠭ ᠤᠨ | ᠡᠷᠭᠡᠲᠡᠨ ᠪᠠ ᠦᠬᠡᠨᠴᠡ ᠲᠤᠷᠤᠢ ᠬᠤᠰᠢᠭᠤ ᠸᠠᠩ ᠢ ᠡᠰᠡᠷᠭᠦᠴᠡᠭᠰᠡᠨ ᠰᠢᠲᠤᠷᠭᠤ ᠠᠷᠠᠳ ᠲᠦᠮᠡᠨ ᠤ ᠲᠡᠮᠡᠴᠡᠯ | ᠡᠭᠦᠰᠴᠡᠢ᠃ ᠪᠤᠰᠤᠯᠭᠠ ᠶᠢ ᠤᠳᠤᠷᠢᠳᠤᠭᠰᠠᠨ ᠬᠦᠮᠦᠨ ᠪᠤᠯ ᠲᠠᠷᠤᠢ ᠬᠠᠳᠠᠨ ᠪᠠᠭᠠᠲᠤᠷ ᠭᠠᠳᠠ ᠮᠡᠶᠢᠷᠡᠨ ᠪᠤᠯᠠᠢ᠃ | ᠲᠠᠷᠡ ᠪᠠᠷ ᠬᠤᠰᠢᠭᠤ ᠪᠤᠯᠤᠨ ᠴᠡᠷᠢᠭ ᠤᠨ ᠡᠷᠬᠡᠲᠡᠨ ᠤ ᠲᠡᠷᠰᠯᠡᠭᠦᠦ ᠴᠡᠷᠢᠭ ᠲᠠᠢ ᠤᠯᠠᠨ ᠤᠳᠠᠭᠠ ᠲᠠᠶᠢᠯᠠᠯᠳᠤᠵᠤ᠂ | ᠬᠤᠷᠴᠢᠨ ᠨᠤᠲᠤᠭ ᠢ ᠮᠢᠨᠢ ᠬᠤᠪᠢᠶᠠᠯᠴᠠᠵᠤ ᠵᠠᠯᠭᠢᠶᠠ ᠭᠡᠰᠡᠨ ᠬᠤᠪᠳᠤᠭ ᠰᠠᠨᠠᠭᠠᠲᠠᠨ ᠤ ᠵᠢᠷᠦᠭᠡ ᠶᠢ ᠴᠡᠴᠡᠷᠡᠭᠦᠯᠵᠦ | ᠶᠠᠪᠤᠯᠠ᠃ ᠬᠤᠷᠴᠢᠨ ᠤ ᠪᠠᠭᠠᠲᠤᠷ ᠬᠦᠪᠡᠭᠦᠨ ᠭᠠᠳᠠ ᠮᠡᠶᠢᠷᠡᠨ ᠮᠠᠨᠢ ᠫᠤᠤ ᠰᠤᠮᠤ ᠪᠠᠷᠠᠭᠳᠠᠨ᠂ ᠠᠮᠤ ᠬᠦᠨᠤᠰᠤ | ᠲᠤᠲᠠᠭᠳᠠᠬᠤ ᠶᠢᠨ ᠬᠢᠷᠢ ᠪᠠᠷ ᠡᠴᠦᠰ ᠲᠤ ᠪᠠᠨ ᠦᠯᠵᠡᠶᠢᠮᠦ᠋ᠷᠡᠨ ᠭᠤᠤᠯ ᠳᠠᠭᠠᠨ ᠨᠠᠰᠤ ᠪᠠᠷᠠᠵᠠᠢ᠃ | ᠭᠠᠳᠠ ᠮᠡᠶᠢᠷᠡᠨ ᠮᠡᠲᠦ ᠡᠭᠡ ᠤᠷᠤᠨᠴᠢ ᠪᠠᠭᠠᠲᠤᠷ ᠬᠤᠷᠴᠢᠨ ᠨᠤᠲᠤᠭ ᠠᠴᠠ ᠤᠯᠠᠨ ᠭᠠᠷᠪᠠ᠃ ᠠᠩᠭ᠍ᠯᠢ | ᠹᠷᠠᠨᠼᠢ ᠶᠢᠨ ᠬᠤᠯᠪᠤᠭᠠᠲᠤ ᠴᠡᠷᠢᠭ ᠢ ᠳ᠋ᠠᠭᠦ᠋ ᠭᠠᠷᠠᠮ ᠳᠤ ᠪᠤᠲᠠᠷᠠᠲᠠᠯᠠ ᠴᠤᠬᠢᠵᠦ᠂ ᠭᠠᠵᠠᠷ ᠨᠤᠲᠤᠭ ᠢᠶᠠᠨ | ᠬᠠᠮᠠᠭᠠᠯᠠᠭᠰᠠᠨ ᠡᠭᠡ ᠤᠷᠤᠨᠴᠢ ᠪᠠᠭᠠᠲᠤᠷ ᠰᠡᠩᠭᠡᠷᠢᠨᠴᠢᠨ᠃ ᠤᠯᠤᠰ ᠦᠨᠳᠦᠰᠦᠲᠡᠨ ᠤ ᠪᠠᠨ ᠴᠢᠯᠦᠭᠡᠯᠡᠯᠲᠡ ᠶᠢᠨ | ᠲᠦᠯᠦᠭᠡ ᠠᠷᠢᠭᠤᠨ ᠴᠢᠰᠤ ᠪᠠᠨ ᠤᠷᠤᠰᠬᠠᠭᠰᠠᠨ ᠠᠰᠬᠠᠨ ᠵᠠᠩᠵᠤᠨ᠃ ᠡᠳᠡᠭᠡᠷ ᠤᠨᠠᠭᠰᠠᠨ ᠰᠢᠷᠤᠢ ᠤᠤᠭᠤᠭᠰᠠᠨ | ᠤᠰᠤ ᠪᠠᠷ ᠢᠶᠠᠨ ᠲᠦᠯᠵᠢᠵᠦ ᠲᠤᠷᠨᠢᠭᠰᠠᠨ ᠪᠠᠭᠠᠲᠤᠷ ᠤᠳ ᠮᠠᠨᠢ ᠬᠤᠷᠴᠢᠨ ᠨᠤᠲᠤᠭ ᠤᠨ ᠢᠶᠠᠨ ᠬᠦᠮᠦᠨ ᠠᠷᠠᠳ ᠤᠨ | ᠰᠡᠳᠬᠢᠯ ᠳᠤ ᠦᠨᠢᠲᠡ ᠮᠦᠡᠭᠭᠡᠷᠡᠵᠦ᠂ ᠦᠶᠡ ᠦᠶᠡ ᠶᠢᠨ ᠬᠤᠶᠢᠴᠢᠰ ᠲᠤ ᠦᠭᠡᠳᠡᠯᠡᠨ ᠲᠠᠪᠰᠢᠬᠤ ᠵᠤᠷᠢᠭᠵᠢᠭᠤᠯᠤᠯ | ᠪᠤᠯᠤᠯᠠ᠃ | ᠮᠢᠨᠦ ᠬᠤᠷᠴᠢᠨ ᠤᠷᠠᠯᠢᠭ ᠤᠨ ᠦᠯᠦᠭᠡᠢ᠃ ︽ᠬᠤᠷᠴᠢᠨ ᠵᠠᠩ ᠦᠢᠯᠡ︾ ᠶᠢᠨ ᠭᠤᠯᠤᠮᠲᠠ ᠪᠤᠯᠤᠭᠰᠠᠨ | ᠬᠤᠷᠴᠢᠨ ᠳᠤ ᠮᠠᠨᠢ ︽ᠠᠨᠳᠠᠢ ᠪᠦᠵᠢᠭ ᠤᠨ ᠦᠯᠦᠭᠡᠢ︾᠂ ︽ᠲᠤᠮᠳᠠᠲᠤ ᠤᠯᠤᠰ ᠤᠨ ᠤᠷᠠᠯᠢᠭ ᠤᠨ ᠦᠯᠦᠭᠡᠢ︾᠂ | ︽ᠰᠠᠭᠠᠭ ᠤᠨ ᠭᠤᠯᠢᠷ ᠤᠨ ᠦᠯᠦᠭᠡᠢ︾᠂ ︽ᠬᠡᠪᠯᠡᠯ ᠵᠢᠷᠤᠭ ᠤᠨ ᠦᠯᠦᠭᠡᠢ︾ ᠭᠡᠬᠦ ᠠᠯᠳᠠᠷ ᠲᠠᠢ ᠪᠠᠶᠢᠳᠠᠭ᠃ | ᠬᠤᠷᠴᠢᠨ ᠤ ᠬᠦᠷᠢᠶᠡ ᠬᠤᠰᠢᠭᠤ ᠪᠤᠯ ᠠᠯᠲᠠᠷᠲᠠᠢ ︽ᠠᠨᠳᠠᠢ ᠪᠦᠵᠢᠭ ᠤᠨ ᠦᠯᠦᠭᠡᠢ︾ ᠪᠤᠯᠤᠨᠠ᠃ | ᠬᠤᠷᠴᠢᠨ ᠤ ᠵᠢᠯ ᠪᠦᠷᠢ ᠶᠢᠨ ᠨᠠᠭᠠᠳᠤᠮ ᠤᠨ ᠬᠤᠷᠠᠯ ᠲᠡᠭᠡᠷᠡ ︽ᠠᠨᠳᠠᠢ︾ ᠶᠡᠷᠦ ᠨᠢ ᠲᠤᠲᠠᠭᠠ ᠦᠭᠡᠢ ᠪᠠᠶᠢᠵᠤ᠂ | ︽ᠤᠯᠠᠭᠠᠨ ᠲᠤᠷᠭᠠᠨ ᠠᠯᠴᠢᠭᠤᠷ ᠢᠶᠠᠨ ᠤᠷᠠᠯᠢᠬ ᠤᠨ ᠠᠶᠠᠰ ᠢᠶᠠᠷ ᠰᠠᠵᠢᠶᠠ ᠬᠦ᠋︾ ᠬᠡᠮᠡᠨ ᠪᠦᠵᠢᠭᠯᠡᠬᠦ ᠳᠤ ᠲᠤᠷᠭᠠᠨ | ᠠᠯᠴᠢᠭᠤᠷ ᠤᠨ ᠮᠢᠷᠠᠯᠵᠠᠭᠠᠨ ᠳᠤ ᠨᠢ ᠲᠠᠪᠰᠢᠯᠲᠤ ᠦᠨᠳᠦᠰᠦᠲᠡᠨ ᠤ ᠮᠢᠨᠢ ᠲᠠᠪᠢᠯᠲᠠ ᠬᠦᠰᠡᠯ ᠬᠠᠷᠠᠭᠳᠠᠨᠠ᠃ | ᠲᠤᠭᠯᠠᠭᠴᠢᠳ ᠤᠨ ᠬᠦᠳᠡᠯᠦᠯ ᠪᠠᠶᠢᠳᠠᠯ ᠨᠢ ᠠᠭᠠᠷ ᠲᠤ ᠲᠡᠬᠦᠯᠢᠨ ᠬᠠᠯᠢᠭᠠ ᠪᠦᠷᠭᠦᠳ ᠴᠦ ᠰᠢᠭ᠂ ᠠᠭᠤᠳᠠᠮ | ᠲᠠᠯᠠ ᠳᠤ ᠨᠠᠶᠢᠭᠤᠨ ᠭᠠᠨᠭ᠍ᠬᠤᠭᠠ ᠤᠷᠭᠤᠮᠠᠯ ᠨᠤᠭᠤᠭᠠ ᠴᠦ ᠮᠡᠲᠦ ᠪᠠᠶᠢᠵᠤ ᠦᠵᠡᠭᠴᠢᠳ ᠤᠨ ᠰᠡᠳᠬᠢᠯ ᠤᠨ | ᠬᠦᠪᠴᠢ ᠶᠢ ᠲᠤᠷᠬᠢᠭᠤᠯᠵᠤ ᠰᠤᠭᠲᠤᠭᠤᠷᠠᠭᠤᠯᠳᠠᠭ ᠪᠢᠯᠡ᠃ | ᠬᠤᠷᠴᠢᠨ ᠤ ᠬᠤᠭᠤᠷ ᠤᠨ ᠦᠯᠢᠭᠡᠷ ᠭᠡᠵᠦ ᠬᠤᠯᠠ ᠲᠡᠭᠡᠳᠦᠰ ᠠᠴᠠ ᠮᠢᠨᠢ ᠤᠯᠠᠮᠵᠢᠯᠠᠯ ᠲᠠᠢ᠂ ᠬᠤᠲᠠᠯᠠ | ᠲᠦᠮᠡᠨ ᠳᠤ ᠪᠠᠨ ᠠᠯᠳᠠᠷᠲᠠᠢ᠃ ᠨᠡᠩ ᠢᠯᠠᠩᠭᠤᠶᠠ ᠠᠬᠠᠮᠠᠳ ᠬᠤᠭᠤᠷᠴᠢ ᠪᠦᠷᠢᠨᠪᠠᠶᠠᠷ ᠤᠨ ︽ᠰᠠᠭᠤᠵᠤ ᠪᠠᠶᠢᠭᠰᠠᠨ | ᠤᠷᠤᠨ ᠠᠴᠠ ᠪᠠᠨ ᠰᠤᠭᠤ ᠯᠠ ᠦᠰᠦᠷᠦᠭᠡᠳ ᠪᠤᠰᠤᠯᠠ᠂ ᠰᠤᠯᠠ ᠲᠡᠪᠡᠯ ᠬᠤᠪᠴᠠᠰᠤ ᠶᠢ ᠰᠤᠭᠤᠨ ᠲᠤᠤᠭᠤᠷ | ᠤᠷᠬᠢᠭᠠᠳ ᠁︾ ᠭᠡᠬᠦ ᠵᠠᠩᠵᠤᠨ ᠬᠤᠶᠠᠭᠯᠠᠬᠤ ᠲᠦᠷᠰᠦᠯᠡᠯ ᠨᠢ ᠡᠪᠦᠭᠡᠳ ᠨᠠᠰᠤᠲᠠᠳ ᠤᠨ ᠠᠮᠠᠨ ᠠᠶᠠ ᠪᠠᠷ | ᠭᠢᠨᠭ᠍ᠰᠢᠵᠤ ᠶᠠᠪᠤᠳᠠᠭ ᠤᠡᠭᠰᠢᠯᠭᠠ ᠪᠤᠯᠵᠠᠢ᠃ ᠬᠤᠷᠴᠢᠨ ᠨᠤᠲᠤᠭ ᠲᠤ ︽ᠪᠦᠷᠢᠨᠪᠠᠶᠠᠷ ᠬᠤᠭᠤᠷᠴᠢ ᠲᠠᠢ ᠷᠠᠳᠢᠣ᠋︾ | ᠭᠡᠰᠡᠨ ᠱᠤᠭ ᠲᠠᠢ ᠦᠯᠢᠭᠡᠷ ᠴᠤ ᠭᠠᠷᠴᠤ ᠪᠠᠶᠢᠭᠰᠠᠨ ᠶᠤᠮ᠃ | ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠤ ᠭᠡᠵᠦ ᠬᠤᠯᠠ ᠤᠶᠢᠷᠠ ᠳᠤ ᠠᠯᠲᠠᠷᠲᠠᠢ᠃ ᠬᠤᠷᠴᠢᠨ ᠨᠤᠲᠤᠭ ᠲᠤ ᠮᠢᠨᠢ ︽ | ᠨᠤᠭᠤᠨᠵᠠᠶᠠᠭᠠ︾᠂ ︽ᠳ᠋ᠠᠨᠠᠪᠠᠯ︾᠂ ︽ᠪᠢᠡᠭᠳᠤ ᠸᠠᠩ︾᠂ ︽ᠵᠠᠨᠠ ᠪᠠᠯᠵᠢᠨᠢᠮᠠ︾ ᠭᠡᠭᠦᠴᠢᠯᠡᠨ ᠤᠯᠤᠰ | ᠤᠷᠤᠨ ᠤ ᠤᠷᠠᠯᠢᠭ ᠤᠨ ᠲᠠᠪᠴᠠᠩ ᠳᠤ ᠨᠡᠷᠡ ᠨᠦᠯᠦᠭᠡ ᠲᠠᠢ ᠤᠯᠠᠨ ᠠᠷᠪᠢᠨ ᠠᠷᠠᠳ ᠤᠨ ᠲᠠᠭᠤᠤ ᠪᠠᠶᠢᠳᠠᠭ᠃ | ᠬᠤᠷᠴᠢᠨ ᠨᠤᠲᠤᠭ ᠮᠢᠨᠢ ᠭᠤᠶᠢᠲᠠ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠶᠢᠨ ᠴᠡᠴᠡᠷᠯᠢᠭ ᠪᠠᠶᠢᠭᠠ ᠶᠤᠮ᠃ ᠬᠤᠷᠴᠢᠨ ᠳᠤ ᠮᠢᠨᠢ | ᠤᠯᠠᠨ ᠤᠯᠠᠨ ᠦᠵᠡᠮᠵᠢᠲᠤ ᠤᠷᠤᠨ ᠪᠠᠶᠢᠵᠤ᠂ ᠦᠡᠭᠭᠡ ᠦᠵᠡᠮᠵᠢ ᠨᠢ ᠬᠦᠮᠦᠰ ᠤᠨ ᠰᠡᠳᠭᠢᠯ ᠢ ᠲᠠᠲᠠᠵᠤ᠂ | ᠵᠤᠭᠠᠴᠠᠵᠤ ᠰᠤᠨᠢᠷᠬᠠᠭᠴᠢᠳ ᠪᠤᠴᠠᠬᠤ ᠪᠤᠯᠵᠤᠭᠠ ᠪᠠᠨ ᠬᠤᠶᠢᠰᠢᠯᠠᠬᠤ ᠳᠤ ᠬᠦᠷᠳᠡᠭ ᠴᠤ ᠪᠤᠢ᠃ ᠬᠤᠷᠴᠢᠨ | ᠨᠤᠲᠤᠭ ᠤᠨ ᠬᠦᠮᠤᠰ ᠪᠠᠶᠠᠷ ᠤᠨ ᠡᠳᠤᠷ ᠲᠤ ᠲᠤᠬᠢᠶᠠᠯᠳᠤᠭᠤᠯᠤᠨ ᠲᠡᠳᠡᠭᠡᠷ ᠦᠵᠡᠮᠵᠢ ᠰᠠᠶᠢᠲᠠᠢ ᠵᠤᠭᠠᠴᠠᠯ ᠤᠨ | ᠤᠷᠤᠨ ᠢᠶᠠᠷ ᠢᠶᠠᠨ ᠵᠤᠭᠠᠴᠠᠨ ᠵᠤᠭᠠ ᠴᠡᠩᠭᠡᠯ ᠡᠳ᠋ᠯᠡᠳᠡᠭ᠃ | ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶᠢᠲᠤ ᠬᠤᠰᠢᠭᠤᠨ ᠤ ︽ᠴᠦᠩᠬᠦᠯ ᠤᠨ ᠭᠤᠤ︾ ᠨᠢ ᠤᠯᠤᠰ ᠤᠨ ᠲᠡᠰ ᠤᠨ | ᠵᠤᠭᠠᠴᠠᠯ ᠤᠨ ᠤᠷᠤᠨ᠂ ᠪᠠᠶᠢᠭᠠᠯᠢ ᠶᠢᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠤᠷᠤᠨ ᠪᠤᠯᠤᠨᠠ᠃ ᠲᠡᠷᠡ ᠨᠢ ᠶᠢᠷᠲᠢᠨᠴᠤ ᠳᠤ ᠬᠤᠤᠰ | ᠦᠭᠡᠢ ᠭᠠᠵᠠᠷ ᠤᠨ ᠬᠠᠭᠠᠴᠠᠯ ᠠᠴᠠ ᠪᠦᠲᠤᠭ᠍ᠰᠡᠨ ᠭᠤᠤ ᠪᠦᠭᠡᠳ ᠪᠠᠯᠠᠷ ᠡᠷᠲᠡᠨ ᠤ ᠤᠢ᠂ ᠭᠤᠷᠴᠢᠭᠢᠨᠠᠬᠤ ᠭᠤᠤᠯ | ᠭᠤᠷᠤᠬᠠ ᠲᠠᠢ ᠰᠠᠶᠢᠬᠠᠨ ᠤᠷᠤᠨ ᠪᠤᠯᠤᠨᠠ᠃ | ᠬᠤᠷᠴᠢᠨ ᠳᠤ ᠮᠠᠨᠢ ᠪᠠᠰᠠ ︽ᠱᠤᠩᠬᠤᠷ ᠤᠨ ᠠᠭᠤᠯᠠ︾᠂ ︽ᠤᠳᠠᠨᠲᠠᠯᠠ ᠤᠢ ᠱᠢᠭᠤᠢ ᠶᠢᠨ | ᠬᠠᠮᠠᠭᠠᠯᠠᠯᠳᠠ ᠶᠢᠨ ᠤᠷᠤᠨ︾ ᠁ ᠵᠡᠷᠭᠡ ᠤᠯᠠᠨ ᠵᠢᠭᠤᠯᠴᠢᠯᠠᠯ ᠤᠨ ᠤᠷᠤᠨ ᠪᠤᠢ᠃ ᠱᠤᠩᠬᠤᠷ ᠤᠨ ᠠᠭᠤᠯᠠᠨ ᠤ | ᠬᠤᠷᠮᠤᠢ ᠳᠤ ᠪᠠᠶᠠᠨᠴᠠᠭᠠᠨ ᠰᠦᠮᠡ ᠲᠠᠢ᠂ ᠰᠦᠮᠡ ᠳᠤ ᠤᠯᠠᠨ ᠯᠠᠮᠠ ᠲᠠᠢ ᠪᠠᠶᠢᠳᠠᠭ᠃ ᠱᠤᠩᠬᠤᠷ ᠤᠨ ᠠᠭᠤᠯᠠ | ᠪᠤᠯ ᠲᠠᠯᠠ ᠶᠢᠨ ᠲᠤᠮᠳᠠ ᠠᠴᠠ ᠪᠣᠰᠴᠤ ᠭᠠᠷᠤᠭᠰᠠᠨ ︽ᠬᠠᠴᠢᠨ︾ ᠠᠭᠤᠯᠠ ᠶᠤᠮ᠃ ᠠᠭᠤᠯᠠᠨ ᠤᠷᠤᠢ ᠳᠤ ᠨᠢ | ᠠᠷᠪᠠᠨ ᠭᠤᠷᠪᠠᠨ ᠦᠶᠡᠳᠦ ᠴᠠᠭᠠᠨ ᠰᠤᠪᠤᠷᠭᠠ ᠲᠠᠢ᠂ ᠰᠤᠪᠤᠷᠭᠠᠨ ᠤᠷᠤᠢ ᠲᠡᠭᠡᠷᠡ ᠨᠢ ᠬᠤᠨᠭ᠍ᠬᠤ ᠲᠠᠢ᠂ ᠬᠠᠨᠠ | ᠲᠡᠭᠡᠷᠡ ᠨᠢ ᠤᠭ᠍ᠶᠤ ᠪᠠᠷ ᠰᠡᠶᠢᠯᠦᠭᠰᠡᠨ ᠵᠢᠷᠤᠭ ᠲᠦᠷᠰᠦ ᠲᠠᠢ᠃ ᠬᠤᠷᠴᠢᠨ ᠤ ᠰᠠᠶᠢᠨ ᠰᠠᠶᠢᠬᠠᠨ ᠢ ᠠᠯᠢ ᠶᠢ ᠨᠢ | ᠲᠤᠭᠠᠴᠢᠭᠠᠳ ᠪᠠᠶᠢᠬᠤ ᠪᠤᠢ ᠳ᠋ᠠ︕ ᠬᠡᠷᠪᠡ ᠪᠢ ᠨᠢᠭᠡ ᠲᠠᠭᠤᠴᠢᠨ ᠪᠤᠯᠤᠭᠰᠠᠨ ᠪᠤᠯ ᠬᠤᠷᠴᠢᠨ ᠤ ᠪᠠᠨ ᠭᠤᠶᠤ | ᠦᠵᠡᠰᠬᠦᠯᠡᠩ ᠢ ᠠᠶᠠᠯᠠᠭᠤᠯᠤᠨ ᠲᠠᠭᠤᠯᠠᠨᠠ᠃ | ᠬᠤᠷᠴᠢᠨ ᠮᠢᠨᠢ᠂ ᠲᠠ ᠪᠤᠯ ᠮᠢᠨᠤ ᠦᠰᠴᠦ ᠲᠦᠷᠦᠭᠰᠡᠨ ᠦᠯᠦᠭᠡᠢ ᠨᠤᠲᠤᠭ ᠡ᠂ ᠲᠠᠨ ᠳᠤ ᠪᠠᠨ ᠪᠢ | ᠬᠠᠶᠢᠷᠠᠲᠠᠢ︕ | ᠵᠤᠬᠢᠶᠠᠬᠴᠢ᠄ ᠪᠤᠤ ᠲᠧᠡᠭ ᠢᠤᠢ ︵ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶᠢᠲᠦ ᠬᠤᠰᠢᠭᠤᠨ ᠤ ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠲᠤᠷᠰᠢᠯᠲᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠷᠭᠤᠭᠠᠨ ᠤ ᠨᠢᠭᠡ ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠪᠤᠤ ᠰᠡᠷᠭᠦᠯᠡᠩ |