ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠮᠢᠨᠤ ᠡᠪᠦᠭᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020-07-23
   ᠮᠢᠨᠤ ᠡᠪᠦᠭᠡ ᠪᠣᠯ ᠨᠤᠲᠤᠭ ᠤᠰᠤ ᠳᠠᠭᠠᠨ ᠰᠦᠵᠢᠭᠯᠡᠨ ᠮᠦᠷᠭᠦᠳᠡᠭ᠂ ᠨᠠᠰᠤ ᠪᠠᠷ ᠢᠶᠠᠨ ᠮᠠᠯ ᠢᠶᠠᠨ ᠳᠠᠭᠠᠵᠤ ᠶᠠᠪᠤᠭᠰᠠᠨ ᠵᠢᠷ ᠤᠨ ᠨᠢᠭᠡᠨ ᠮᠠᠯᠴᠢᠨ ᠬᠦᠮᠦᠨ ᠶᠤᠮ᠃ ᠭᠡᠪᠡᠴᠤ ᠡᠪᠦᠭᠡ ᠮᠢᠨᠢ ᠨᠠᠳᠠᠳᠤ ᠠᠪᠴᠤ ᠬᠡᠯᠡᠪᠡᠯ ᠶᠠᠭᠤ ᠴᠦ ᠬᠢᠵᠤ ᠴᠢᠳᠠᠳᠠᠭ ᠮᠤᠨᠳᠠᠭ ᠡᠷ᠎ᠠ ᠶᠤᠮ᠃ ᠡᠪᠦᠭᠡ ᠮᠢᠨᠢ ᠮᠣᠷᠢ ᠰᠠᠶᠢᠨ ᠰᠤᠷᠭᠠᠳᠠᠭ ᠬᠠᠰᠢᠷ ᠤᠶᠠᠭᠠᠴᠢ ᠶᠤᠮ᠂ ᠨᠠᠳᠠ ᠳᠤ ᠪᠠᠭ᠎ᠠ ᠠᠴᠠ ᠮᠣᠷᠢ ᠤᠨᠠᠬᠤ ᠶᠢ ᠵᠢᠭᠠᠵᠤ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠮᠠᠰᠢ ᠤᠯᠠᠨ ᠲᠤᠷᠰᠢᠯᠭ᠎ᠠ ᠶᠢ ᠵᠢᠭᠠᠨ ᠰᠤᠷᠭᠠᠵᠤ᠂ ᠦᠯᠢᠭᠡᠷ ᠲᠡᠤᠬᠡ ᠪᠠᠨ ᠨᠠᠳᠠ ᠳᠤ ᠶᠠᠷᠢᠵᠤ ᠥᠭᠳᠡᠭ ᠶᠤᠮ᠃    ᠮᠢᠨᠤ ᠡᠪᠦᠭᠡ ᠪᠠᠰᠠ ᠰᠤᠷ ᠡᠯᠳᠡᠬᠦ ᠮᠡᠷᠭᠡᠵᠢᠯ ᠲᠠᠢ ᠶᠤᠮ᠃ ᠰᠤᠷ ᠡᠯᠳᠡᠬᠦ ᠳᠤ ᠦᠬᠡᠷ ᠤᠨ ᠰᠢᠷᠢ ᠶᠢᠨ ᠦᠰᠦ ᠶᠢ ᠨᠢ ᠰᠠᠶᠢᠨ ᠬᠤᠰᠤᠵᠤ ᠲᠠᠬᠢᠨ ᠰᠢᠷᠢ ᠪᠠᠨ ᠨᠠᠷᠢᠨ ᠵᠦᠰᠦᠭᠡᠳ ᠤᠯᠠᠭᠠᠨ ᠰᠢᠭᠦᠰᠦ ᠶᠢ ᠨᠢ ᠠᠪᠤᠭᠠᠳ ᠨᠣᠲᠤᠭ ᠤᠨ ᠳᠠᠪᠤᠰᠤ ᠪᠠᠨ ᠴᠠᠭ᠎ᠠ ᠲᠠᠢ ᠬᠤᠯᠢᠭᠠᠳ ᠵᠥᠰᠦᠭᠰᠡᠨ ᠰᠢᠷᠢ ᠪᠠᠨ ᠲᠡᠪᠲᠦᠭᠡᠭᠡᠳ ᠬᠤᠷᠢᠨ ᠨᠢᠭᠡᠨ ᠡᠳᠦᠷ ᠪᠤᠯᠭᠠᠭᠠᠳ ᠭᠠᠷᠭᠠᠵᠤ ᠠᠪᠣᠳᠠᠭ᠃ ᠲᠠᠷᠠᠭ᠎ᠠ ᠨᠢ ᠬᠦᠰᠢᠭᠦᠷᠭᠡ ᠮᠤᠳᠤ ᠪᠤᠰᠬᠠᠵᠤ ᠳᠡᠪᠳᠦᠭᠡᠭᠰᠡᠨ ᠰᠢᠷᠢ ᠪᠠᠨ ᠴᠢᠯᠠᠭᠤᠨ ᠳᠤ ᠲᠠᠯᠪᠢᠭᠠᠳ ᠬᠡᠳᠤᠨ ᠵᠠᠭᠤ ᠤᠳᠠᠭ᠎ᠠ ᠲᠠᠷᠤᠨ᠎ᠠ᠂ ᠡᠭᠦᠨ ᠤ ᠲᠠᠷᠠᠭ᠎ᠠ ᠯᠠ ᠰᠤᠷ ᠪᠣᠯᠵᠤ ᠭᠠᠷᠴᠤ ᠢᠷᠡᠳᠡᠭ ᠳ᠋ᠠ᠃ ᠢᠩᠬᠢᠵᠤ ᠪᠢ ᠡᠪᠦᠭᠡ ᠠᠴᠠ ᠪᠠᠨ ᠰᠤᠷ ᠡᠯᠳᠡᠬᠦ ᠠᠯᠬᠤᠮ ᠳᠠᠷᠠᠭ᠎ᠠ ᠶᠢ ᠤᠶᠢᠯᠭᠠᠵᠤ ᠠᠪᠤᠭᠰᠠᠨ ᠶᠤᠮ᠃    ᠡᠪᠦᠭᠡ ᠶᠢᠨ ᠮᠢᠨᠢ ᠡᠯᠳᠦᠭᠰᠡᠨ ᠰᠤᠷ ᠨᠢ ᠮᠠᠰᠢ ᠪᠥᠬᠦᠯᠢᠭ ᠮᠥᠷᠲᠡᠭᠡᠨ ᠴᠢᠨᠠᠷ ᠰᠠᠶᠢᠨ ᠰᠤᠷ ᠪᠣᠯᠳᠠᠭ᠂ ᠡᠪᠦᠭᠡ ᠶᠢᠨ ᠮᠢᠨᠢ ᠡᠯᠳᠦᠭᠰᠡᠨ ᠰᠤᠷ ᠢᠶᠠᠷ ᠢᠶᠠᠨ ᠬᠠᠵᠠᠭᠠᠷ ᠴᠢᠳᠦᠷ ᠵᠡᠷᠬᠡ ᠣᠯᠠᠨ ᠮᠤᠷᠢᠨ ᠤ ᠡᠳ᠋ᠯᠡᠯ ᠤᠨ ᠬᠡᠷᠡᠭᠰᠡᠯ ᠢ ᠭᠠᠩᠭᠠᠩ ᠮᠥᠷᠲᠡᠭᠡᠨ ᠪᠠᠬᠢᠯᠢᠭ᠌ ᠰᠠᠶᠢᠨ ᠤᠷᠠᠯᠠᠵᠤ ᠬᠢᠳᠡᠭ ᠭᠠᠷ ᠤᠷᠠᠨᠲᠠᠢ ᠶᠤᠮ᠃ᠭᠠᠷ ᠤᠷᠡᠨ᠂ ᠤᠯᠠᠨ ᠠᠵᠢᠯ ᠬᠢᠵᠤ ᠴᠢᠳᠠᠳᠠᠭ ᠪᠤᠯᠬᠤᠷ ᠡᠪᠦᠭᠡ ᠮᠢᠨᠢ ᠮᠤᠨᠳᠠᠭ ᠡᠷ᠎ᠠ᠂ ᠡᠪᠦᠭᠡ ᠪᠠᠨ ᠪᠢ ᠲᠤᠩ ᠪᠢᠰᠢᠷᠡᠳᠡᠭ ᠶᠤᠮ᠂ ᠡᠪᠦᠭᠡ ᠠᠴᠠ ᠪᠠᠨ ᠪᠢ ᠡᠨᠡ ᠣᠯᠡᠨ ᠮᠡᠷᠭᠡᠵᠢᠯ ᠢ ᠨᠢ ᠰᠤᠷᠬᠤ ᠶᠢ ᠪᠤᠲᠤᠳᠠᠭ᠂ ᠡᠪᠦᠭᠡ ᠮᠢᠨᠢ ᠬᠠᠵᠠᠭᠠᠷ ᠴᠢᠳᠦᠷ ᠬᠢᠬᠦ ᠰᠤᠷ ᠢᠶᠠᠨ ᠵᠦᠰᠦᠬᠦ ᠳᠤ ᠪᠢ ᠪᠠᠷᠢᠵᠤ ᠥᠭᠳᠡᠭ ᠶᠤᠮ᠃ ᠰᠤᠷ ᠵᠦᠰᠦᠬᠦ ᠳᠤ ᠮᠠᠰᠢ ᠬᠤᠷᠴᠠ ᠬᠢᠲᠤᠭ᠎ᠠ ᠬᠡᠷᠡᠭᠯᠡᠳᠡᠭ᠂ ᠪᠠᠰᠠ ᠪᠠᠷᠢᠵᠤ ᠥᠭᠬᠦᠭᠰᠡᠨ ᠬᠦᠮᠦᠨ ᠴᠦ ᠬᠦᠴᠦ ᠪᠠᠨ ᠰᠠᠶᠢᠨ ᠲᠡᠩᠴᠡᠭᠦᠯᠬᠦ ᠬᠡᠷᠡᠭᠲᠡᠢ᠃ ᠦᠭᠡᠢ ᠪᠣᠯ ᠰᠤᠷ ᠮᠤᠷᠤᠢ ᠵᠥᠰᠦᠭᠳᠡᠵᠦ ᠰᠠᠶᠢᠬᠠᠨ ᠭᠠᠷᠳᠠᠭ ᠦᠭᠡᠢ ᠶᠤᠮ᠂ ᠲᠡᠭᠰᠢ ᠰᠠᠶᠢᠬᠠᠨ ᠵᠦᠰᠦᠭᠰᠡᠨ ᠰᠤᠷ ᠢᠶᠠᠷ ᠢᠶᠠᠨ ᠬᠠᠵᠠᠭᠠᠷ ᠴᠢᠳᠦᠷ ᠢᠶᠠᠨ ᠰᠠᠶᠢᠨᠬᠠᠨ ᠬᠢᠵᠤ᠂ ᠵᠠᠬ᠎ᠠ ᠶᠢᠨ ᠨᠠᠷᠢᠨ ᠵᠥᠰᠦᠭᠳᠡᠭᠰᠡᠨ ᠰᠤᠷ ᠢᠶᠠᠷ ᠤᠷᠭ᠎ᠠ ᠶᠢᠨ ᠪᠤᠭᠤᠯᠲᠠ ᠬᠢᠳᠡᠭ ᠶᠤᠮ᠃    ᠡᠪᠦᠭᠡ ᠨᠠᠮ᠎ᠠ ᠶᠢ ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ ᠮᠢᠨᠢ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠠᠴᠠ ᠡᠬᠢᠯᠡᠨ ᠬᠠᠷᠠᠵᠤ ᠬᠠᠷᠠᠭᠠᠯᠵᠠᠨ ᠬᠦᠮᠦᠨ ᠪᠣᠯᠬᠤ ᠶᠢᠨ ᠶᠤᠰᠤ ᠣᠴᠢᠷ᠂ ᠣᠯᠠᠨ ᠰᠠᠶᠢᠬᠠᠨ ᠰᠤᠷᠭᠠᠯ ᠬᠠᠶᠢᠷᠠᠯᠠᠬᠰᠠᠨ ᠶᠤᠮ᠃ ᠡᠪᠦᠭᠡ ᠮᠢᠨᠢ ᠵᠥᠳᠡᠷᠡᠯ᠎ᠡ᠂ ᠪᠢ ᠡᠪᠦᠭᠡ ᠳᠡᠭᠡᠨ ᠬᠠᠶᠢᠷᠠᠲᠠᠢ︕ ᠪᠢ ᠡᠪᠦᠭᠡ ᠠᠴᠠ ᠪᠠᠨ ᠦᠨᠳᠦᠰᠦᠲᠡᠨ ᠤ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢᠯᠡ ᠶᠢ ᠤᠯᠠᠨ ᠰᠤᠷᠴᠤ᠂ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠳᠠᠭᠠᠨ ᠬᠠᠶᠢᠷᠠᠳᠠᠢ ᠦᠰᠤᠨ ᠪᠤᠶᠢᠵᠢᠯ᠎ᠠ᠃ ᠡᠭᠦᠨ ᠠᠴᠠ ᠬᠤᠶᠢᠰᠢᠲᠠ ᠪᠢ ᠬᠢᠴᠢᠶᠡᠯ ᠰᠤᠷᠤᠯᠭ᠎ᠠ ᠳᠠᠭᠠᠨ ᠰᠢᠮᠳᠠᠨ ᠰᠤᠷᠤᠯᠴᠠᠵᠤ ᠨᠡᠶᠢᠭᠡᠮ ᠨᠡᠶᠢᠲᠡ ᠳᠡᠭᠡᠨ ᠬᠡᠷᠡᠭᠴᠡᠭᠡ ᠲᠠᠢ ᠬᠦᠮᠦᠨ ᠪᠣᠯᠵᠤ ᠡᠪᠦᠭᠡ ᠪᠠᠨ ᠪᠠᠶᠠᠷᠯᠠᠭᠤᠯᠬᠤ ᠶᠤᠮᠰᠠᠨ︕    ᠵᠤᠬᠢᠶᠠᠬᠴᠢ᠄ ᠴᠢᠨᠳᠠᠮᠤᠨᠢ ︵ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠳᠥᠷᠪᠡᠳᠤᠭᠡᠷ ᠣᠨ ᠤ 59 ᠠᠩᠭᠢ︶    ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠬᠠᠰᠴᠢᠮᠡᠭ
  
ᠢᠷᠡᠯᠲᠡ᠄ ᠬᠢᠩᠭᠠᠨ ᠤ ᠡᠳᠦᠷ ᠤᠨ ᠰᠣᠨᠢᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠪᠠᠭᠰᠢ ᠶᠢᠨ ᠮᠢᠨᠢ ᠵᠣᠭᠰᠣᠭᠠᠯ
ᠮᠤᠩᠭᠤᠯ ᠮᠤᠷᠢ
ᠮᠢᠨᠤ ᠨᠤᠳᠤᠭ ᠲᠦᠩᠯᠢᠶᠤᠤ
ᠡᠵᠢ ᠶᠢᠨ ᠬᠠᠶᠢᠷ᠎ᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号