| ᠪᠢ ᠡᠬᠡ ᠤᠷᠤᠨ ᠲᠠᠢ | ᠡᠯᠢᠬᠡ ᠪᠦᠳᠦᠨ ᠭᠡᠷ ᠪᠦᠯᠢ ᠲᠠᠢ | ᠡᠵᠢ ᠶᠢᠨ ᠬᠠᠯᠠᠭᠤᠨ ᠡᠪᠤᠷ ᠰᠢᠭ ᠡᠩᠭᠦᠷᠡᠢ ᠬᠠᠶᠢᠷᠡ ᠲᠠᠢ | ᠡᠴᠢᠬᠡ ᠶᠢᠨ ᠲᠤᠬᠰᠢᠨ ᠰᠦᠷ ᠰᠢᠭ ᠡᠷᠡᠯᠬᠡᠭ ᠰᠠᠬᠢᠭᠤᠰᠤ ᠲᠠᠢ | ᠡᠨᠡ ᠬᠠᠶᠢᠷᠡ ᠪᠠᠷ ᠬᠦᠮᠦᠨ ᠠᠷᠠᠳ ᠤᠨ ᠤᠬᠠᠭᠠᠨ ᠲᠠᠮᠢᠷ ᠨᠢ ᠲᠡᠩᠬᠡᠵᠢᠳᠡᠭ | ᠡᠨᠡ ᠰᠦᠷ ᠢᠶᠠᠷ ᠦᠢ ᠲᠦᠮᠡᠨ ᠤ ᠣᠢ ᠪᠢᠯᠢᠭ ᠨᠢ ᠲᠠᠮᠢᠷᠵᠢᠳᠠᠭ | ᠲᠠᠯᠠᠨ ᠵᠢᠯ ᠤᠨ ᠲᠡᠷᠳᠡᠭᠡ ᠲᠡᠷᠡ ᠡᠳᠦᠷ | ᠲᠢᠶᠡᠨ ᠠᠨ ᠮᠧᠨ ᠲᠠᠯᠠᠪᠤᠷ ᠠᠴᠠ ᠴᠤᠤᠷᠢᠶᠠᠳᠤᠬᠰᠠᠨ ᠠᠶᠠᠯᠭᠤ | ᠲᠠᠶᠠᠩ ᠲᠡᠯᠡᠬᠡᠢ ᠳᠤ ᠲᠤᠩᠬᠠᠬᠯᠠᠬᠰᠠᠨ ᠲᠤᠮᠳᠠᠳᠤ ᠶᠢᠨ ᠮᠠᠨᠳᠤᠯ | ᠪᠢ ᠡᠬᠡ ᠤᠷᠤᠨ ᠲᠠᠢ ᠬᠦᠮᠦᠨ | ᠲᠤᠬᠰᠢᠨ ᠰᠠᠯᠬᠢ ᠰᠢᠷᠦᠬᠦᠨ ᠮᠦᠨᠳᠦᠷ ᠠᠴᠠ ᠲᠠᠯᠳᠠᠯᠠᠬᠤ ᠬᠠᠯᠬᠠᠪᠴᠢ ᠲᠠᠢ | ᠬᠦᠢᠳᠡᠨ ᠪᠤᠷᠤᠭᠠᠨ ᠬᠦᠴᠦᠳᠦ ᠰᠠᠯᠬᠢ ᠠᠴᠠ ᠲᠠᠯᠳᠠᠯᠠᠬᠤ ᠭᠠᠷᠠᠮ ᠲᠠᠢ | ᠬᠤᠷᠢᠨ ᠨᠢ᠋ᠮᠠᠨ ᠵᠢᠯ ᠤᠨ ᠲᠡᠮᠡᠴᠡᠯ ᠳᠤ | ᠡᠮᠤᠨᠡᠬᠢ ᠨᠢ ᠤᠨᠠᠪᠠᠯ ᠬᠤᠶᠢᠨᠠᠬᠢ ᠨᠢ ᠰᠢᠭᠤᠷᠬᠠᠶᠢᠯᠠᠵᠦ | ᠬᠤᠶᠢᠯᠠᠷᠠᠬᠰᠠᠨ ᠶᠡᠭᠡ ᠲᠡᠷᠢ ᠶᠢᠨ ᠤᠳᠤᠭᠠᠨ ᠳᠤ ᠬᠤᠶᠢᠰᠢ ᠤᠬᠤᠷᠢᠯ ᠦᠬᠡᠢ | ᠠᠷᠢᠭᠤᠨ ᠴᠢᠰᠤ ᠪᠠᠷ ᠢᠶᠠᠨ | ᠲᠠᠪᠤᠨ ᠤᠳᠤᠳᠤ ᠤᠯᠠᠭᠠᠨ ᠲᠤᠭ ᠢᠶᠠᠨ ᠪᠤᠳᠤᠬᠯᠠᠵᠦ | ᠠᠯᠳᠠᠨ ᠠᠮᠢ ᠪᠠᠷ ᠢᠶᠠᠨ | ᠲᠠᠶᠢᠨ ᠤ ᠢᠯᠠᠯᠳᠠ ᠶᠢ ᠲᠤᠩᠬᠠᠬᠯᠠᠵᠦ | ᠲᠠᠴᠢᠬᠢᠨᠠᠬᠰᠠᠨ ᠶᠡᠭᠡ ᠰᠤᠮᠤᠨ ᠮᠦᠨᠳᠦᠷ ᠲᠤᠮᠳᠠᠭᠤᠷ | ᠠᠵᠠ ᠵᠢᠷᠭᠠᠯ ᠤᠨ ᠦᠦᠷ ᠤᠨ ᠲᠤᠶᠠᠭᠠ ᠶᠢ ᠵᠢᠷᠤᠬᠯᠠᠬᠤ ᠪᠠᠷ | ᠠᠭᠤᠤ ᠲᠦᠮᠠᠨ ᠮᠢᠨᠢ ᠲᠡᠮᠡᠴᠡᠵᠦ ᠢᠷᠡᠭᠰᠡᠨ | ᠮᠢᠨᠤ ᠡᠬᠡ ᠤᠷᠤᠨ ᠪᠤᠯ | ᠦᠷᠡᠭᠳᠡᠯ ᠰᠦᠢᠳᠦᠯ ᠢᠶᠠᠷ ᠢᠶᠠᠨ ᠴᠤᠬᠴᠠᠯᠠᠬᠰᠠᠨ | ᠦᠨᠢ ᠮᠦᠩᠭᠡ ᠶᠢᠨ ᠨᠤᠳᠤᠭ | ᠦᠬᠦᠯ ᠠᠮᠢᠳᠤᠷᠠᠯ ᠢᠶᠠᠷ ᠰᠤᠯᠢᠬᠰᠠᠨ ᠦᠷᠯᠦᠭ ᠲᠦᠮᠡᠨ ᠤ ᠦᠯᠦᠬᠡᠢ | ᠲᠡᠷᠡ ᠡᠳᠦᠷ | ᠬᠠᠷᠢ ᠶᠢᠨ ᠲᠠᠶᠢᠰᠦᠨ ᠤ ᠲᠦᠷᠢᠮᠡᠭᠡᠶᠢᠯᠠᠯ | ᠬᠠᠪᠴᠢᠯ ᠰᠢᠬᠠᠯ ᠲᠠᠷᠤᠯᠠᠯ | ᠲᠤᠳᠤᠭᠠᠳᠤ ᠶᠢᠨ ᠨᠤᠶᠠᠷᠬᠠᠯ ᠲᠠᠷᠤᠯᠠᠯ | ᠲᠤᠷᠤᠮᠵᠢᠯᠠᠬᠳᠠᠵᠦ ᠮᠦᠬᠦᠬᠦ ᠶᠢᠨ ᠬᠠᠷᠡ ᠠᠶᠤᠯ | ᠤᠯᠤᠰ ᠮᠦᠬᠦᠵᠦ ᠤᠬᠰᠠᠭᠠ ᠬᠠᠷᠠᠯᠠᠬᠤ ᠮᠦᠴᠡ ᠳᠤ | ᠬᠠᠯᠠᠭᠤᠨ ᠴᠢᠯᠠᠭᠤ ᠲᠤᠯᠢᠶᠠᠵᠦ | ᠬᠠᠯᠠ ᠵᠤᠪᠠᠯᠠᠩ ᠡᠳ᠋ᠯᠡᠵᠦ ᠪᠠᠶᠢᠬᠰᠠᠨ ᠲᠤᠮᠳᠠᠳᠤ ᠶᠢᠨ ᠦᠷᠡᠰ | ᠮᠠᠨᠳᠤᠬᠤ ᠨᠠᠷᠡᠨ ᠤ ᠤᠯᠠᠪᠤᠷ ᠲᠤᠶᠠᠭᠠ ᠶᠢᠨ ᠲᠤᠰᠤᠯᠳᠠ ᠪᠠᠷ | ᠮᠠᠩᠰᠢᠭᠤᠷᠠᠬᠰᠠᠨ ᠨᠦᠢᠷ ᠠᠴᠠ ᠪᠠᠨ ᠰᠡᠷᠡᠯᠠ | ᠳ᠋ᠠ ᠳ᠋ᠦ᠋ ᠾᠧ ᠭᠤᠤᠯ ᠤᠨ ᠲᠤᠬᠰᠢᠨ ᠲᠠᠪᠠᠯᠭᠠᠨ ᠳᠤ | ᠠᠭᠤᠯᠠ ᠨᠤᠷᠠᠵᠦ ᠤᠰᠤ ᠪᠠᠯᠪᠠᠷᠠᠨᠠ | ᠲᠡᠶᠢᠰᠦᠨ ᠤ ᠰᠤᠮᠤᠨ ᠮᠦᠨᠳᠦᠷ ᠱᠤᠤᠬᠢᠵᠦ | ᠭᠠᠯᠵᠠᠭᠤᠷᠠᠬᠰᠠᠨ ᠲᠠᠭᠠᠷᠢᠯᠳᠠ ᠦᠷᠬᠦᠯᠵᠢᠯᠡᠨᠠ | ᠮᠦᠰᠦ ᠰᠢᠭ ᠬᠦᠢᠳᠡᠨ ᠭᠠᠷᠠᠬᠠᠨ ᠬᠦᠬᠦᠷᠬᠡ ᠲᠡᠭᠡᠭᠦᠷ | ᠮᠦᠯᠬᠦᠨ ᠤᠷᠤᠬᠰᠢᠯᠠᠵᠦ ᠪᠠᠶᠢᠭᠠ ᠤᠯᠠᠭᠠᠨ ᠴᠡᠷᠢᠭ | ᠲᠤᠬᠰᠢᠨ ᠲᠠᠪᠠᠯᠭᠠᠨ ᠳᠤ ᠵᠠᠯᠬᠢᠬᠳᠠᠨ ᠠᠷᠢᠯᠤᠬᠰᠠᠨ ᠪᠠᠶᠢᠯᠳᠤᠬᠴᠢᠳ | ᠴᠠᠰᠤᠳᠤ ᠠᠭᠤᠯᠠ᠂ ᠨᠠᠮᠤᠬᠳᠤ ᠲᠠᠯᠠ ᠶᠢ ᠲᠤᠭᠤᠯᠤᠨ | ᠴᠠᠭᠠᠨᠠᠬᠢ ᠶᠢᠷᠳᠢᠨᠴᠦ ᠲᠡᠰᠢ | ᠡᠪᠡᠰᠦᠨ ᠦᠨᠳᠦᠰᠦ ᠢᠳᠡᠵᠦ᠂ ᠡᠯᠡᠡ ᠬᠠᠯᠡ ᠶᠢ ᠲᠤᠭᠤᠯᠤᠬᠰᠠᠨ | ᠦᠨᠢᠷ ᠤᠯᠠᠨ ᠬᠤᠪᠢᠰᠬᠠᠯᠴᠢᠳ | ᠲᠡ ᠨᠡᠷ ᠨᠡᠳᠡᠳᠤ ᠡᠬᠡ ᠤᠷᠤᠨ ᠢ ᠤᠯᠭᠤᠬᠰᠠᠨ | ᠲᠡ ᠨᠡᠷ ᠨᠡᠳᠡᠳᠤ ᠡᠯᠢᠬᠡ ᠪᠦᠳᠦᠨ ᠭᠡᠷ ᠪᠦᠯᠢ ᠤᠯᠭᠤᠬᠰᠠᠨ | ᠠᠭᠠᠷ ᠲᠤ ᠨᠢᠰᠦᠨ ᠲᠡᠭᠳᠡᠬᠦ ᠰᠢᠪᠠᠭᠤᠳ ᠨᠢ | ᠠᠭᠤᠳᠠᠮ ᠤᠬᠳᠠᠷᠭᠤᠢ ᠶᠢᠨ ᠡᠯᠢᠬᠡᠨ ᠳᠤ | ᠡᠷᠬᠡ ᠴᠢᠯᠦᠬᠡ ᠪᠠᠨ ᠲᠠᠭᠤᠯᠠᠨ ᠲᠡᠪᠢᠨᠠ | ᠠᠯᠳᠠᠨ ᠲᠡᠯᠡᠬᠡᠢ ᠳᠤ ᠠᠮᠢᠳᠤᠷᠠᠬᠤ ᠬᠦᠮᠦᠨ ᠠᠷᠠᠳ ᠨᠢ | ᠠᠭᠤᠤ ᠨᠠᠮ ᠤᠨ ᠲᠤᠭᠤᠷᠢᠨ ᠳᠤ | ᠠᠵᠠ ᠵᠢᠷᠭᠠᠯ ᠤᠨ ᠨᠤᠲ ᠢ ᠬᠦᠭᠵᠢᠮᠳᠡᠨᠠ | ᠱᠠᠬᠢᠨ ᠤᠷᠤᠬᠤ ᠵᠦᠬᠡᠯᠡᠨ ᠪᠤᠷᠤᠭᠠ | ᠭᠠᠩᠳᠡᠨ ᠤᠨᠵᠠᠶᠢᠬᠰᠠᠨ ᠨᠠᠪᠴᠢᠰ ᠢ ᠪᠡᠶᠠᠰᠬᠠᠨᠠ | ᠭᠠᠷᠬᠤ ᠶᠢᠨ ᠠᠷᠭᠠ ᠦᠬᠡᠢ ᠪᠤᠯᠤᠬᠰᠠᠨ ᠪᠤᠷᠳᠠᠭ ᠢ ᠠᠷᠢᠯᠭᠠᠨᠠ | ᠭᠠᠴᠢᠬᠳᠠᠵᠦ ᠬᠠᠳᠠᠬᠰᠠᠨ ᠡᠬᠡ ᠲᠡᠯᠡᠬᠡᠢ ᠶᠢ ᠤᠶᠠᠷᠠᠭᠤᠯᠤᠨᠠ | ᠰᠠᠷᠡᠨ ᠲᠡᠷᠭᠡᠯ ᠡᠬᠡ ᠤᠷᠤᠨ ᠲᠠᠢ ᠬᠦᠮᠦᠨ | ᠰᠠᠨᠠᠭᠠ ᠲᠡᠨᠢᠬᠡᠷ ᠠᠮᠢᠳᠤᠷᠠᠯ ᠤᠨ ᠲᠠᠭᠤᠤ ᠲᠠᠢ | ᠲᠠᠪᠤᠨ ᠲᠠᠷᠢᠶᠠ ᠬᠠᠯᠢᠭᠤᠷᠠᠵᠦ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠰᠠᠶᠢᠬᠠᠨ | ᠲᠠᠷᠢᠶᠠᠨ ᠵᠤᠷᠬᠠ ᠶᠢᠨ ᠬᠦᠪᠡᠭᠡᠨ ᠳᠤ ᠵᠤᠬᠰᠤᠬᠰᠠᠨ ᠠᠪᠤ ᠶᠢᠨ ᠮᠢᠨᠢ | ᠲᠠᠮᠠᠬᠢᠨ ᠤᠳᠤᠭᠠ᠂ ᠮᠠᠩᠨᠠᠢ ᠶᠢᠨ ᠠᠳᠤᠷᠢᠶᠠ ᠨᠢ ᠵᠢᠷᠤᠭ ᠪᠤᠯᠤᠨ ᠮᠦᠩᠬᠡᠷᠡᠨᠡ᠃ | ᠦᠨᠢᠷ ᠰᠦᠷᠦᠭ ᠨᠢ ᠪᠡᠯᠴᠢᠭᠰᠡᠨ ᠦᠷᠬᠡᠨ ᠲᠠᠯᠠ ᠨᠢ ᠨᠠᠮᠤᠭᠤᠬᠠᠨ | ᠦᠨᠦᠴᠢᠨ ᠢᠰᠢᠬᠡ ᠪᠠᠨ ᠤᠬᠵᠢᠨ ᠪᠦᠭᠴᠦᠬᠡᠨᠡᠬᠦ ᠡᠵᠢ ᠶᠢᠨ ᠮᠢᠨᠢ | ᠦᠭᠬᠢᠶᠠᠮᠤᠷ ᠬᠠᠶᠢᠷᠡ ᠳᠤ ᠨᠢ ᠡᠨᠡ ᠬᠤᠷᠸᠠ ᠢᠭᠳᠦᠯᠦᠨᠠ | ᠦᠬᠡᠷᠡᠴᠢᠯᠠᠯᠳᠠ ᠰᠢᠨᠠᠴᠢᠯᠠᠯᠳᠠ ᠶᠢᠨ ᠲᠠᠭᠤᠨ ᠬᠤᠭᠤᠯᠠᠢ | ᠲᠡᠨᠳᠡ ᠠᠴᠠ ᠴᠤᠤᠷᠢᠶᠠᠳᠤᠨᠠ | ᠦᠷᠨᠢᠯ ᠮᠠᠨᠳᠦᠯ ᠤᠨ ᠵᠦᠩᠨᠠᠯ ᠢᠷᠦᠬᠡᠯ | ᠡ᠊ᠨᠳᠡ ᠠᠴᠠ ᠬᠤᠷᠦ᠋ᠢᠯᠠᠨᠠ | ᠬᠠᠶᠢᠷᠡ ᠶᠢᠨ ᠬᠤᠷᠡ ᠱᠠᠬᠢᠳᠠᠭ ᠠᠴᠠ | ᠬᠤᠷᠸᠠ ᠲᠡᠯᠡᠬᠡᠢ ᠰᠡᠷᠮᠡᠬᠦᠨ | ᠬᠠᠮᠤᠭ ᠪᠦᠬᠦᠨ ᠰᠢᠨᠠᠴᠢᠯᠡᠭᠳᠡᠵᠦ | ᠬᠠᠪᠤᠳᠠᠢ ᠴᠡᠩᠭᠡᠯᠳᠡᠢ ᠠᠮᠢᠳᠤᠷᠠᠯ ᠡᠬᠢᠯᠠᠨᠠ | ᠬᠠᠯᠠᠭᠤᠨ ᠦᠯᠦᠬᠡᠢ ᠡᠬᠡ ᠤᠷᠤᠨ ᠲᠠᠢ ᠬᠦᠮᠦᠨ | ᠬᠠᠨ ᠲᠡᠯᠡᠬᠡᠢ ᠳᠤ ᠲᠡᠨᠢᠬᠡᠷ | ᠬᠦᠰᠡᠯ ᠰᠡᠳᠬᠢᠯ ᠤᠨ ᠪᠤᠳᠤᠭ ᠢᠶᠠᠷ | ᠬᠦᠭᠵᠢᠯᠳᠦ ᠢᠷᠡᠭᠡᠳᠦᠢ ᠪᠠᠨ ᠵᠢᠷᠤᠬᠯᠠᠵᠦ ᠶᠠᠪᠤᠨᠠ | ᠪᠢ ᠡᠬᠡ ᠤᠷᠤᠨ ᠲᠠᠢ ᠬᠦᠮᠦᠨ | ᠡᠯᠢᠬᠡ ᠪᠦᠳᠦᠨ ᠬᠠᠶᠢᠷᠡ ᠲᠠᠢ ᠬᠦᠮᠦᠨ ᠡ︕ | ᠵᠣᠬᠢᠶᠠᠭᠴᠢ᠄ ᠨᠠᠷᠠᠨᠮᠠᠨᠳᠤᠯᠠ | ᠬᠠᠶ᠋ᠢᠭ᠄ ᠪᠠᠶᠠᠨᠬᠤᠰᠢᠭᠤ ᠵᠢᠷᠭᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ |