| ᠮᠢᠨᠦ ᠬᠠᠮᠤᠭ ᠤᠨ ᠪᠢᠰᠢᠷᠡᠳᠡᠭ ᠬᠥᠮᠦᠨ ᠪᠣᠯ ᠨᠢᠭᠡᠨ ᠠᠩᠬᠠ ᠳᠤᠮᠳᠠᠳᠤ ᠶᠢᠨ ᠰᠤᠷᠤᠭᠴᠢᠳ ᠲᠤ ᠮᠡᠳᠡᠯᠭᠡ | ᠬᠦᠷᠲᠡᠭᠡᠵᠦ ᠪᠠᠶᠢᠭᠠ ᠪᠠᠭᠰᠢ ᠪᠣᠯᠤᠨᠠ᠃ ᠲᠡᠷᠡ ᠤᠬᠤᠷ ᠭᠡᠵᠢᠭᠡ ᠲᠠᠢ᠂ ᠪᠣᠭᠤᠨᠢ ᠪᠡᠶᠡ ᠲᠠᠢ᠂ ᠠᠭᠤᠷ ᠨᠢ | ᠬᠥᠳᠡᠯᠪᠡᠯ ᠪᠠᠷᠰ ᠰᠢᠭ᠋᠂ ᠠᠭᠤᠷ ᠦᠭᠡᠢ ᠦᠶᠡᠰ ᠬᠤᠨᠢ ᠰᠢᠭ᠋ ᠪᠠᠶᠢᠳᠠᠭ᠃ ᠲᠡᠭᠦᠨ ᠤ ᠵᠢᠭᠠᠬᠰᠠᠨ ᠰᠤᠷᠤᠬᠴᠢ ᠨᠢ | ᠮᠢᠨᠦ ᠪᠠᠶᠢᠷᠢ ᠶᠢᠨ ᠭᠡᠷ ᠲᠤ ᠢᠷᠡᠪᠡᠯ᠄ ︽ᠮᠠᠨ ᠤ ᠬᠢᠮᠢ ᠶᠢᠨ ᠪᠠᠭᠰᠢ ᠦᠨᠡᠬᠡᠷ ᠠᠶᠤᠮᠠᠷ᠂ ᠶᠠᠭ ᠬᠥᠮᠦᠨ ᠢ ᠪᠠᠷᠢᠵᠦ | ᠢᠳᠡᠮᠡᠷ ᠁︾ ᠭᠡᠵᠦ ᠬᠡᠯᠡᠳᠡᠭ᠃ ᠪᠢ ᠰᠣᠨᠤᠰᠴᠤ ᠪᠠᠶᠢᠭᠠᠳ᠄ ︽ᠦᠨᠡᠬᠡᠷ ᠲᠡᠶᠢᠮᠤ ᠰᠦᠷᠡᠬᠡᠢ ᠭᠡᠵᠦ ᠤᠤ︖ | ᠦᠨᠡᠬᠡᠷ ᠲᠡᠳᠡᠨ ᠤ ᠬᠡᠯᠡᠵᠦ ᠪᠠᠶᠢᠭᠠ ᠰᠢᠭ᠋ ᠪᠣᠯ ᠤᠤ︖︾ ᠭᠡᠵᠦ ᠲᠤᠳᠤᠷᠠ ᠪᠠᠨ ᠪᠣᠳᠤᠳᠠᠭ ᠪᠠᠶᠢᠯᠠ᠃ ᠴᠠᠭ | ᠬᠤᠭᠤᠴᠠᠭᠠ ᠦᠡᠭᠭᠡᠷᠡᠭᠰᠡᠭᠡᠷ ᠪᠢ ᠴᠤ ᠨᠢᠭᠡᠨ ᠠᠩᠬᠠ ᠳᠤᠮᠳᠠᠳᠤ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ᠤ ᠰᠤᠷᠤᠭᠴᠢ | ᠪᠤᠯᠴᠢᠬᠠᠯᠠ᠃ | ᠵᠤᠨ ᠤ ᠠᠮᠠᠷᠠᠯᠲᠠ ᠪᠣᠯᠬᠤ ᠳᠤ ᠡᠵᠢ ᠮᠢᠨᠦ ᠬᠠᠵᠠᠭᠤ ᠳᠤ ᠢᠷᠡᠵᠦ᠄ ︽ᠮᠠᠷᠭᠠᠰᠢ ᠪᠢ ᠴᠢᠨᠦ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠨᠠᠶᠢᠵᠠ ᠲᠤᠶᠠᠭᠠ ᠲᠠ ᠬᠤᠶᠠᠭᠤᠯᠠ ᠳᠤ ᠬᠢᠮᠢ ᠶᠢᠨ ᠬᠢᠴᠢᠶᠡᠯ ᠢ ᠴᠢᠨᠢ ᠤᠷᠢᠳᠴᠢᠯᠠᠨ ᠵᠢᠭᠠᠵᠦ | ᠥᠭᠭᠦᠶᠡ᠂ ᠰᠠᠶᠢᠬᠠᠨ ᠪᠡᠯᠡᠳᠭᠡᠵᠦ ᠪᠠᠢ︕︾ ᠭᠡᠪᠡ᠃ ᠪᠢ ᠪᠠᠭ᠋ᠠᠨ ᠮᠡᠯᠡᠷᠡᠵᠦ ᠳᠣᠲᠤᠷᠠ ᠪᠠᠨ᠄ ︽ᠣᠳᠣ | ᠲᠡᠭᠦᠨ ᠤ ᠰᠤᠷᠤᠭᠴᠢ ᠶᠢᠨ ᠬᠡᠯᠡᠭᠰᠡᠨ ᠦᠭᠡ ᠶᠢᠨ ᠦᠨᠡᠨ ᠬᠤᠳᠠᠯ ᠢ ᠭᠡᠷᠡᠴᠢᠯᠡᠬᠦ ᠴᠠᠭ ᠪᠣᠯᠤᠭᠰᠠᠨ︾ ᠭᠡᠵᠦ | ᠪᠣᠳᠤᠯᠠ᠃ | ᠮᠠᠷᠭᠠᠰᠢ ᠨᠢ ᠪᠢ ᠦᠳᠡ ᠶᠢᠨ ᠬᠤᠭᠤᠯᠠ ᠪᠠᠨ ᠢᠳᠡᠵᠦ ᠪᠠᠶᠢᠬᠤ ᠳᠤ ᠡᠭᠦᠳᠡ ᠲᠣᠭᠰᠢᠬᠤ ᠳᠠᠭᠤ ᠭᠠᠷᠪᠠ᠃ | ᠲᠡᠷᠡ ᠨᠢ ᠶᠠᠭ ᠰᠠᠶᠢᠬᠠᠨ ᠮᠢᠨᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠨᠠᠶᠢᠵᠠ ᠲᠤᠶᠠᠭᠠ ᠪᠠᠶᠢᠯᠠ᠃ ᠲᠡᠷᠡ ᠨᠠᠮᠠ ᠶᠢ ᠤᠯᠵᠦ | ᠦᠵᠡᠮᠡᠭᠴᠡ᠄ ︽ᠲᠠ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠲᠠ ᠨᠠᠳᠠ ᠲᠠᠢ ᠴᠤᠭ ᠬᠢᠴᠢᠶᠡᠯ ᠣᠷᠤᠨᠠ ᠤᠤ︖︾ ᠭᠡᠬᠦ ᠳᠤ | ᠪᠢ᠄ ︽ᠮᠥᠨ᠂ ᠲᠠ ᠪᠠᠭᠠ ᠬᠦᠯᠢᠶᠡᠵᠦ ᠪᠠᠢ᠂ ᠡᠵᠢ ᠬᠢᠴᠢᠶᠡᠯ ᠤᠷᠤᠬᠤ ᠭᠡᠵᠦ ᠪᠡᠯᠡᠳᠭᠡᠵᠦ ᠪᠠᠢᠨᠠ︾ ᠭᠡᠳ | ᠲᠡᠭᠦᠨ ᠢ ᠥᠷᠦᠭᠡᠨ ᠳᠤ ᠪᠠᠨ ᠳᠠᠭᠠᠭᠤᠯᠵᠦ ᠣᠷᠤᠪᠠ᠃ | ᠪᠠᠭᠠ ᠤᠳᠠᠰᠬᠢᠭᠡᠳ ᠡᠵᠢ ᠡᠬᠢᠯᠡᠨ ᠬᠢᠴᠢᠶᠡᠯ ᠣᠷᠤᠯᠠ᠃ ᠬᠢᠮᠢ ᠶᠢᠨ ᠬᠤᠪᠢᠷᠠᠯᠲᠠ ᠪᠠ ᠹᠢᠽᠢᠺ ᠤᠨ | ᠬᠤᠪᠢᠷᠠᠯᠲᠠ ᠶᠢ ᠵᠢᠭᠠᠵᠦ ᠥᠭᠴᠦ ᠪᠠᠶᠢᠨᠠ᠃ ᠰᠠᠶ᠋ᠢ ᠬᠢᠴᠢᠶᠡᠯ ᠤᠷᠤᠬᠤ ᠳᠤ ᠶᠠᠮᠠᠷ ᠴᠤ ᠬᠥᠳᠡᠯᠭᠡᠭᠡᠨ ᠦᠭᠡᠢ᠃ | ᠤᠳᠠᠯ ᠦᠭᠡᠢ᠂ ᠡᠵᠢ ᠲᠣᠭᠤᠭᠠᠨ ᠭᠡᠷ ᠠᠴᠠ ᠪᠤᠳᠤᠤ ᠠᠪᠴᠢᠷᠠᠵᠦ ᠳᠡᠭᠡᠭᠰᠢ ᠡᠷᠭᠦᠭᠡᠳ ᠮᠠᠨ ᠤ | ᠬᠤᠶᠠᠭᠤᠯᠠ ᠠᠴᠠ᠄ ︽ᠪᠤᠳᠤᠤ ᠵᠢᠪᠡᠷᠡᠬᠦ ᠨᠢ ᠶᠠᠮᠠᠷ ᠬᠤᠪᠢᠷᠠᠯᠲᠠ ᠪᠤᠢ︖︾ ᠭᠡᠬᠦ ᠳᠤ᠂ | ᠪᠢ ︽ᠬᠢᠮᠢ ᠶᠢᠨ ᠬᠤᠪᠢᠷᠠᠯᠲᠠ︾ ᠭᠡᠵᠦ ᠬᠠᠷᠢᠭᠤᠯᠪᠠ᠃ | ᠡᠵᠢ᠄ ︽ᠶᠠᠭᠠᠬᠢᠭᠠᠳ︖︾ ᠭᠡᠬᠦ ᠳᠤ ᠪᠢ ᠪᠠᠭᠠ ᠪᠣᠳᠤᠯᠬᠢᠯᠠᠭᠠᠳ᠄ ︽ᠳᠡᠭᠡᠷᠡ ᠨᠢ ᠵᠢᠪᠡ ᠲᠠᠢ | ᠪᠣᠯᠴᠢᠬᠠᠭᠰᠠᠨ︾ ᠭᠡᠬᠦ ᠳᠤ ᠡᠵᠢ ᠲᠣᠯᠤᠭᠠᠢ ᠪᠠᠨ ᠲᠤᠬᠢᠨ ᠪᠢᠳᠡᠨ ᠢ᠄ ︽ᠠᠷᠤ ᠶᠢᠨ ᠰᠡᠳᠤᠪ ᠢ ᠬᠢᠵᠦ ᠪᠠᠢ︾ ᠭᠡᠳ | ᠪᠠᠰᠠ ᠲᠣᠭᠤᠭᠠᠨ ᠭᠡᠷ ᠲᠤ ᠣᠴᠢᠪᠠ᠃ | ︽ᠫᠠᠰ︾ ᠭᠡᠬᠦ ᠳᠠᠭᠤ ᠭᠠᠷᠬᠤ ᠳᠤ ᠪᠢᠳᠡ ᠬᠤᠶᠠᠭᠤᠯᠠ ᠰᠣᠴᠢᠰᠬᠢᠨ ᠡᠵᠢ ᠶᠢ ᠬᠠᠷᠠᠨᠠ᠃ | ᠡᠵᠢ᠄ ︽ᠲᠡᠭᠡᠪᠡᠯ ᠫᠢᠯᠡ ᠬᠠᠭᠠᠷᠠᠬᠤ ᠨᠢ ᠶᠠᠮᠠᠷ ᠬᠤᠪᠢᠷᠠᠯᠲᠠ ᠪᠤᠢ︖︾ ᠭᠡᠬᠦ ᠳᠤ ᠨᠠᠶᠢᠵᠠ ᠮᠢᠨᠢ᠄ ︽ | ᠹᠢᠽᠢᠺ ᠤᠨ ᠬᠤᠪᠢᠷᠠᠯᠲᠠ︾ ᠭᠡᠬᠦ ᠳᠤ ᠪᠢ ︽ᠬᠢᠮᠢ ᠶᠢᠨ ᠬᠤᠪᠢᠷᠠᠯᠲᠠ︾ ᠭᠡᠵᠡᠢ᠃ ᠡᠵᠢ ᠶᠠᠭ ᠪᠦᠷᠭᠦᠳ | ᠳᠠᠤᠯᠠᠢ ᠳᠤ ᠪᠠᠭᠤᠬᠤ ᠮᠡᠲᠦ ᠮᠢᠨᠦ ᠵᠠᠬᠠ ᠳᠤ ᠢᠷᠡᠵᠦ ᠲᠥᠭᠦᠷᠢᠭᠯᠡᠭᠰᠡᠨ ᠲᠣᠮᠤ ᠨᠢᠳᠦ ᠪᠠᠨ ᠪᠦᠯᠳᠡᠶᠢᠵᠤ ᠨᠠᠳᠠ ᠶᠢ | ᠦᠵᠡᠪᠡ᠃ ᠪᠢ ᠠᠶᠤᠵᠦ ᠬᠠᠯᠢᠷᠠᠭᠠᠳ ᠡᠵᠢ ᠶᠢ ᠲᠡᠭᠰᠢᠬᠡᠨ ᠬᠠᠷᠠᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠪᠢᠯᠡ᠃ | ︽ᠫᠢᠯᠡ ᠬᠠᠭᠠᠷᠠᠬᠤ ᠤᠤ︖︾ ᠭᠡᠬᠦ ᠳᠤ ᠪᠢ ︽ᠪᠢᠰᠢᠤ︖︾ ᠭᠡᠬᠦ ᠳᠤ ᠡᠵᠢ ᠪᠠᠰᠠ ᠨᠢᠭᠡ ᠤᠳᠠᠭᠠ᠄ | ︽ᠫᠢᠯᠠ ᠬᠠᠭᠠᠷᠠᠭᠠᠳ ᠥᠭᠡᠷᠡ ᠪᠣᠳᠠᠰ ᠡᠭᠦᠰᠦᠭᠰᠡᠨ ᠭᠡᠵᠦ ᠤᠤ︖︾ ᠭᠡᠬᠦ ᠳᠤ᠂ ᠪᠢ ᠪᠠᠭᠠ ᠪᠤᠳᠤᠯᠬᠢᠯᠡᠨ ᠪᠠᠰᠠ | ᠯᠠ ︽ᠬᠢᠮᠢ ᠶᠢᠨ ᠬᠤᠪᠢᠷᠠᠯᠲᠠ︾ ᠭᠡᠪᠡ᠃ | ᠡᠵᠢ ᠠᠷᠭᠠ ᠦᠭᠡᠢ ᠳᠤ ᠪᠠᠨ ᠮᠢᠨᠦ ᠨᠠᠶᠢᠵᠠ ᠠᠴᠠ᠄ ︽ᠶᠠᠭᠤᠨ ᠳᠤ ᠹᠢᠽᠢᠺ ᠤᠨ ᠬᠤᠪᠢᠷᠠᠯᠲᠠ ᠭᠡᠳᠡᠭ | ᠪᠤᠢ︖︾ ᠭᠡᠪᠡ᠃ | ᠨᠠᠶᠢᠵᠠ᠄ ︽ᠲᠡᠭᠦᠨ ᠤ ᠳᠦᠷᠰᠦ ᠨᠢ ᠬᠤᠪᠢᠷᠠᠭᠰᠠᠨ ᠠᠴᠠ ᠪᠢᠰᠢ ᠥᠭᠡᠷᠡ ᠪᠣᠳᠠᠰ ᠡᠭᠦᠰᠦᠭᠰᠡᠨ ᠦᠭᠡᠢ︾ | ᠃ | ᠡᠵᠢ ᠨᠠᠲᠠ ᠶᠢ ᠦᠵᠡᠵᠦ᠄ ︽ᠣᠳᠣ ᠮᠡᠳᠡᠭᠰᠡᠨ ᠤᠤ︖︾ ᠭᠡᠬᠦ ᠳᠤ ᠪᠢ ᠬᠠᠴᠠᠷ ᠢᠶᠠᠨ ᠤᠯᠠᠶᠢᠯᠭᠠᠨ᠄ ︽ | ᠮᠡᠳᠡᠭᠰᠡᠨ︾ ᠭᠡᠪᠡ᠃ | ᠡᠵᠢ ᠠᠪᠤ ᠶᠢ ᠳᠠᠭᠤᠳᠠᠵᠦ ᠬᠥᠯᠳᠡᠭᠦᠷ ᠠᠴᠠ ᠠᠶᠠᠭᠠ ᠲᠠᠢ ᠮᠦᠰᠤ ᠶᠢ ᠠᠪᠴᠢᠷᠠᠭᠤᠯᠵᠦ ᠪᠠᠭᠠ | ᠬᠠᠶᠢᠯᠤᠭᠤᠯᠵᠤ᠄ ︽ᠲᠡᠭᠡᠪᠡᠯ ᠮᠦᠰᠤ ᠬᠠᠶᠢᠯᠵᠤ ᠤᠰᠤ ᠪᠣᠯᠬᠤ ᠨᠢ ᠶᠠᠮᠠᠷ ᠬᠤᠪᠢᠷᠠᠯᠲᠠ ᠪᠤᠢ︖︾ ᠭᠡᠬᠦ ᠳᠤ ᠪᠢ | ᠫᠢᠯᠠ ᠬᠠᠭᠠᠷᠠᠬᠤ ᠶᠢ ᠪᠤᠳᠤᠵᠦ ᠣᠯᠤᠭᠠᠳ ︽ᠹᠢᠽᠢᠺ ᠤᠨ ᠬᠤᠪᠢᠷᠠᠯᠲᠠ︾ ᠭᠡᠪᠡ᠃ | ᠭᠡᠲᠡᠯᠡ ᠮᠢᠨᠦ ᠨᠠᠶᠢᠵᠠ᠄ ︽ᠬᠢᠮᠢ ᠶᠢᠨ ᠬᠤᠪᠢᠷᠠᠯᠲᠠ︾ ᠭᠡᠪᠡ᠃ | ᠡᠵᠢ ᠠᠭᠤᠷ ᠨᠢ ᠬᠦᠷᠦᠭᠰᠡᠨ ᠮᠠᠶ᠋ᠢᠭ ᠲᠠᠢ ᠪᠠᠷ᠄ ︽ᠡᠨᠡ ᠴᠢᠨᠢ ᠫᠢᠯᠠ ᠬᠠᠭᠠᠷᠠᠬᠤ ᠶᠣᠰᠤ ᠲᠠᠢ ᠠᠳᠠᠯᠢ | ᠪᠢᠰᠢᠤ︖︾ ᠭᠡᠪᠡ᠃ | ᠨᠠᠢᠵᠠ ᠮᠢᠨᠢ ᠢᠨᠢᠶᠡᠵᠦ ᠲᠣᠯᠤᠭᠠᠢ ᠪᠠᠨ ᠳᠣᠬᠢᠪᠠ᠃ | ᠡᠵᠢ᠄ ︽ᠬᠠᠮᠤᠭ ᠤᠨ ᠰᠡᠭᠦᠯ ᠤᠨ ᠨᠢᠭᠡ︾ ᠭᠡᠳ ᠬᠡᠯᠡᠵᠦ ᠪᠠᠷᠠᠮᠠᠭᠴᠠ ᠨᠢᠭᠡᠨ ᠬᠠᠭᠤᠳᠠᠰᠤ ᠴᠠᠭᠠᠰᠤ ᠶᠢ | ᠰᠢᠲᠠᠭᠠᠭᠠᠳ᠄ ︽ᠴᠠᠭᠠᠰᠤ ᠰᠢᠲᠠᠬᠤ ᠨᠢ ᠶᠠᠮᠠᠷ ᠬᠤᠪᠢᠷᠠᠯᠲᠠ ᠪᠤᠢ︖︾ ᠭᠡᠪᠡ᠃ | ᠪᠢᠳᠡ ᠬᠤᠶᠠᠷ ᠴᠤᠭ ᠲᠤ ᠪᠠᠨ᠄ ︽ᠬᠢᠮᠢ ᠶᠢᠨ ᠬᠤᠪᠢᠷᠠᠯᠲᠠ︾ ᠭᠡᠪᠡ᠃ | — ︽ᠶᠠᠭᠠᠬᠢᠭᠠᠳ︖︾ | — ︽ᠦᠨᠡᠰᠤ ᠡᠭᠦᠰᠦᠭᠰᠡᠨ︾ | — ︽ᠦᠨᠡᠰᠤ ᠡᠭᠦᠰᠦᠭᠰᠡᠨ ᠨᠢ ᠴᠠᠭᠠᠰᠤ ᠨᠣᠴᠤᠭᠠᠳ ᠨᠡᠭᠦᠷᠡᠰᠦᠲᠥ᠋ᠷᠥᠭᠴᠢ ᠶᠢᠨ ᠳᠠᠪᠬᠤᠷ ᠢᠰᠦᠯ ᠪᠠ | ᠤᠰᠤ ᠡᠭᠦᠰᠦᠭᠰᠡᠨ ᠠᠴᠠ ᠪᠣᠯᠵᠠᠢ᠂ ᠡᠨᠡ ᠬᠢᠴᠢᠶᠡᠯ ᠡ᠊ᠨᠳᠡ ᠬᠦᠷᠦᠶᠡ︾ ᠭᠡᠵᠦ ᠡᠵᠢ ᠬᠡᠯᠡᠪᠡ᠃ | ᠨᠠᠶᠢᠵᠠ ᠮᠢᠨᠢ ᠶᠠᠪᠤᠪᠠ᠃ ᠪᠢ ᠲᠡᠮᠲᠡᠭᠯᠡᠯ ᠢᠶᠠᠨ ᠡᠮᠬᠢᠳᠭᠡᠵᠦ ᠪᠠᠶᠢᠲᠠᠯᠠ ᠡᠵᠢ ᠮᠢᠨᠢ ᠬᠠᠵᠠᠭᠤ ᠳᠤ ᠢᠷᠡᠭᠡᠳ | ᠄ ︽ᠶᠠᠮᠠᠷ ᠵᠡᠷᠭᠡ ᠪᠤᠢ︖ ᠨᠠᠮᠠ ᠶᠢ ᠰᠣᠯᠢᠶᠠ ᠲᠠᠢ ᠶᠤᠮ ᠰᠢᠭ᠋ ᠭᠡᠵᠦ ᠪᠤᠳᠤᠵᠦ ᠦᠭᠡᠢ ᠪᠡ︖︾ ᠭᠡᠪᠡ᠃ ᠪᠢ | ᠡᠵᠢ ᠶᠢ ᠦᠵᠡᠨ ᠢᠨᠢᠶᠡᠭᠡᠳ᠄ ︽ᠦᠨᠡᠬᠡᠷ ᠡ᠂ ᠤᠳᠠᠯ ᠦᠭᠡᠢ ᠪᠤᠳᠤᠤ ᠠᠪᠴᠢᠷᠠᠵᠦ᠂ ᠤᠳᠠᠯ ᠦᠭᠡᠢ ᠫᠢᠯᠠ | ᠬᠠᠭᠠᠯᠤᠭᠠᠳ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠪᠦᠷ ᠢᠩᠭᠢᠵᠦ ᠪᠣᠳᠤᠨᠠ᠂ ᠲᠠᠨ ᠤ ᠵᠢᠭᠠᠵᠦ ᠥᠩᠭᠡᠷᠡᠭᠰᠡᠨ ᠰᠤᠷᠤᠭᠴᠢ | ᠴᠢᠨᠢ ᠴᠢᠮᠠ ᠶᠢ ᠠᠶᠤᠮᠠᠷ ᠭᠡᠳᠡᠭ ᠨᠢ ᠦᠨᠡᠨ ᠡ︕︾ ᠭᠡᠳ ᠡᠵᠢ ᠪᠢᠳᠠ ᠬᠤᠶᠠᠭᠤᠯᠠ ᠬᠠᠳᠠᠭᠠᠨᠠᠲᠠᠯᠠ ᠢᠨᠢᠶᠡᠪᠡ᠃ | | ᠡᠨᠡ ᠪᠣᠯ ᠳᠠᠷᠤᠢ ᠮᠢᠨᠦ ᠬᠠᠮᠤᠭ ᠠᠴᠠ ᠪᠢᠰᠢᠷᠡᠳᠡᠭ ᠬᠥᠮᠦᠨ ᠡ︕ ᠲᠡᠷᠡ ᠨᠢ ᠮᠢᠨᠦ ᠡᠵᠢ ᠪᠣᠯᠬᠤ ᠪᠠᠷ | ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠨᠢᠭᠡᠨ ᠬᠠᠲᠠᠭᠤ ᠴᠢᠩᠭᠠ ᠪᠠᠭᠰᠢ ᠡ︕ ᠡᠨᠡ ᠬᠢᠴᠢᠶᠡᠯ ᠣᠷᠤᠭᠰᠠᠨ ᠨᠢ ᠶᠠᠭ ᠠᠯᠳᠠᠷᠲᠦ | ᠰᠢᠯᠦᠭᠴᠢ ᠠᠷᠳᠠᠢ ᠶᠢᠨ ︽ᠮᠢᠨᠦ ᠪᠠᠭᠰᠢ︾ ᠳᠠᠬᠢ ︽ᠭᠠᠯᠲᠤ ᠠᠭᠤᠯᠠ ᠠᠴᠠ ᠨᠡᠩ ᠬᠡᠴᠡᠭᠦᠦ ᠪᠠᠭᠰᠢ ᠡ᠂ | ᠭᠠᠭᠴᠠᠬᠠᠨ ᠤᠳᠠᠭᠠ ᠬᠢᠴᠢᠶᠡᠯ ᠣᠷᠤᠪᠠᠴᠤ ᠮᠠᠷᠲᠠᠭᠳᠠᠰᠢ ᠦᠭᠡᠢ︾ ᠭᠡᠳᠡᠭ ᠢᠶᠠᠷ ᠲᠦᠷᠰᠦᠯᠡᠵᠦ ᠪᠣᠯᠤᠨᠠ᠃ | ᠵᠤᠬᠢᠶᠠᠬᠴᠢ᠄ ᠸᠠᠩ ᠸᠧᠨ ᠰᠢᠨ ︵ᠰᠤᠯᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠶᠢᠰᠤᠳᠤᠭᠡᠷ ᠤᠨ ᠤ | ᠵᠢᠷᠭᠤᠳᠤᠭᠠᠷ ᠠᠩᠬᠢ︶ | ᠵᠢᠯᠤᠭᠠᠳᠤᠭᠰᠠᠨ ᠪᠠᠭᠰᠢ᠄ ᠸᠠᠩ ᠶᠢᠨ ᠬᠤᠸᠠ |