| ᠪᠦᠬᠦ ᠪᠡᠶᠡ ᠳᠤ ᠪᠠᠨ ᠬᠠᠷᠠᠪᠲᠤᠷ ᠦᠩᠭᠡ ᠶᠢᠨ ᠬᠤᠪᠴᠠᠰᠤ ᠡᠮᠤᠰᠤᠨ᠂ ᠨᠢᠳᠤᠨ ᠳᠤ ᠪᠠᠨ ᠪᠠᠷᠠᠭᠠᠨ ᠰᠢᠯ | ᠵᠡᠭᠦᠭᠰᠡᠨ ᠬᠢᠵᠢᠶᠡᠯᠢ ᠨᠠᠰᠤᠨ ᠤ ᠬᠤᠶᠠᠷ ᠡᠷᠡ ᠭᠤᠷᠪᠠᠨ ᠬᠦᠷᠳᠤᠳᠦ ᠮᠠᠰᠢᠨ ᠵᠢᠯᠤᠭᠤᠳᠴᠦ ᠲᠤᠰᠬᠤᠨ ᠤ ᠵᠡᠭᠦᠨ | ᠵᠠᠬᠠ ᠪᠠᠷ ᠤᠷᠤᠵᠤ ᠢᠷᠡᠯᠡ᠃ | ᠳᠡᠭᠡᠷᠡ ᠮᠠᠨᠳᠤᠭᠰᠠᠨ ᠨᠠᠷᠠᠨ ᠤ ᠭᠡᠷᠡᠯ ᠨᠢᠭᠡᠨᠳᠡ ᠠᠮᠢᠰᠬᠤᠯ ᠲᠠᠰᠤᠷᠠᠭᠰᠠᠨ ᠰᠢᠷᠠᠭᠴᠢᠨ ᠤ ᠳᠡᠭᠡᠷᠡ ᠠᠴᠠ | ᠵᠢᠩᠨᠡᠨ ᠶᠠᠮᠠᠷ ᠴᠤ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠦᠷᠭᠡᠨ ᠲᠠᠯᠠ ᠴᠠᠯᠠᠶᠢᠨ ᠮᠡᠯᠳᠡᠶᠢᠵᠦ᠂ ᠣᠭᠳᠠᠷᠭᠤᠢ ᠶᠢᠨ ᠲᠠᠩᠨᠠᠢ ᠳᠤ | ᠨᠢᠬᠡᠨ ᠬᠠᠷᠠ ᠲᠠᠰ ᠠᠯᠭᠤᠷ ᠳᠡᠪᠢᠨ ᠡᠷᠭᠢᠯᠳᠦᠨᠡ᠃ | ᠪᠦᠣᠷ ᠲᠦᠤᠷ ᠤᠨ ᠳᠤᠮᠳᠠ ᠰᠢᠷᠠᠭᠴᠢᠨ ᠡᠬᠡ ᠨᠢ ᠢᠨᠵᠠᠭᠠ ᠶᠢ ᠦᠷᠦᠴᠡᠨ ᠳᠤ ᠪᠠᠨ ᠨᠠᠯᠠᠵᠣ᠄ ︽ᠦᠷᠡ | ᠮᠢᠨᠢ᠂ ᠡᠭᠦᠨ ᠠᠴᠠ ᠬᠤᠶᠢᠰᠢ ᠴᠢ ᠭᠠᠭᠴᠠᠭᠠᠷ ᠢᠶᠠᠨ ᠠᠮᠢᠳᠤᠷᠠᠬᠤ ᠪᠤᠯᠤᠨᠠ᠂ ᠡᠵᠢ ᠨᠢ ᠬᠠᠷᠠ ᠲᠤᠯᠤᠭᠠᠶᠢᠳᠠᠨ ᠤ | ᠭᠠᠷ ᠲᠤ ᠬᠦᠨᠳᠦ ᠰᠢᠷᠠᠭᠳᠤᠭᠰᠠᠨ ᠲᠤᠯᠠ ᠦᠷᠡ ᠴᠢᠮᠠ ᠳᠤ ᠪᠠᠨ ᠲᠦᠰᠢᠭ ᠲᠤᠯᠭᠠᠭᠤᠷᠢ ᠪᠤᠯᠵᠤ ᠴᠢᠳᠠᠬᠤ ᠠᠴᠠ | ᠬᠤᠯᠠᠳᠠᠯᠠ᠃ ᠤᠩᠭᠤᠨ ᠪᠠᠶᠢᠭᠠᠯᠢ ᠶᠢᠨ ᠦᠷᠦᠴᠡᠨ ᠳᠤ ᠡᠪᠡᠰᠦᠨ ᠤ ᠰᠤᠷᠭᠤᠭ ᠢ ᠢᠳᠡᠵᠦ᠂ ᠤᠰᠤᠨ ᠤ | ᠲᠤᠩᠭᠠᠯᠠᠭ ᠢ ᠤᠮᠳᠠᠯᠠᠨ ᠡᠷᠬᠡ ᠴᠢᠯᠦᠭᠡᠲᠡᠢ ᠠᠮᠢᠳᠤᠷᠠᠬᠤ ᠳᠤ ᠪᠠᠨ ᠬᠤᠥᠷᠳᠠᠨ ᠳᠠᠶᠢᠰᠤᠨ ᠢ ᠴᠠᠭ ᠢᠮᠠᠭᠳᠠ | ᠰᠡᠷᠭᠡᠶᠢᠯᠡᠨ ᠵᠠᠶᠢᠯᠠᠵᠤ ᠶᠠᠪᠤᠭᠠᠷᠠᠢ︕︾ ᠭᠡᠵᠦ ᠵᠠᠬᠢᠭᠠᠳ ᠴᠢᠨᠦᠷᠡᠭᠰᠡᠨ ᠬᠦᠬᠦ ᠪᠠᠨ ᠬᠤᠭᠤᠰᠤᠷᠠᠲᠠᠯᠠ | ᠬᠦᠬᠦᠭᠦᠯᠦᠭᠡᠳ ᠳᠤᠭᠤᠯᠠᠩ ᠨᠢᠯᠪᠦᠰᠦ ᠳᠤᠰᠤᠯᠭᠠᠭᠰᠠᠭᠠᠷ ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ ᠦᠨᠳᠦᠷ ᠤᠭᠲᠠᠷᠭᠤᠢ ᠳᠤ | ᠬᠦᠪᠦᠨ ᠳᠡᠭᠳᠡᠯᠡ ᠁ ᠪᠢᠴᠢᠬᠠᠨ ᠢᠨᠵᠠᠭᠠ ᠡᠵᠢ ᠶᠢᠨ ᠢᠶᠠᠨ ᠰᠤᠷᠭᠠᠯ ᠢ ᠤᠶᠢᠯᠠᠭᠠᠵᠤ ᠶᠠᠳᠠᠨ ︽ᠡᠵᠢ ᠡ︕︾ | ᠭᠡᠵᠦ ᠬᠡᠳᠦᠨᠳᠡ ᠬᠠᠰᠭᠢᠷᠣᠭᠰᠠᠨ ᠪᠤᠯᠪᠠᠴᠤ ᠳᠠᠭᠤ ᠨᠢ ᠶᠡᠷᠦ ᠭᠠᠷᠤᠭᠰᠠᠨ ᠦᠭᠡᠢ᠂ ᠡᠵᠢ ᠨᠢ ᠬᠤᠷᠣᠮᠬᠠᠨ ᠵᠠᠭᠤᠷᠠ | ᠦᠵᠡᠭᠳᠡᠬᠦ ᠪᠠᠨ ᠪᠤᠯᠢᠪᠠ᠃ ᠭᠡᠨᠡᠳᠳᠡ ᠲᠤᠯᠤᠭᠠᠢ ᠳᠡᠭᠡᠷᠡ ᠨᠢ ᠲᠡᠮᠤᠷ ᠮᠠᠨᠴᠤᠷᠭᠠ ︽ᠲᠤᠱ︾ ᠭᠡᠵᠦ ᠲᠤᠰᠬᠤ ᠳᠤ | ᠢᠨᠵᠠᠭᠠ ᠳᠠᠪ ᠬᠢᠨ ᠰᠡᠷᠡᠯᠡ᠃ ᠡᠨᠡ ᠨᠢ ᠵᠡᠭᠦᠳᠦ ᠪᠠᠶᠢᠭᠰᠠᠨ ᠰᠠᠨᠵᠠᠢ︕ | ᠵᠡᠭᠦᠳᠦᠨ ᠠᠴᠠ ᠪᠠᠨ ᠰᠤᠴᠢᠨ ᠰᠡᠷᠡᠭᠰᠡᠨ ᠢᠨᠵᠠᠭᠠ ︽ᠡᠵᠢ ᠡ᠂ ᠡᠵᠢ ᠡ︾ ᠬᠡᠮᠡᠨ ᠬᠤᠭᠤᠯᠠᠢ ᠮᠡᠳᠡᠨ | ᠬᠠᠰᠭᠢᠷᠴᠦ᠂ ᠡᠷᠭᠢᠨ ᠲᠤᠭᠤᠷᠢᠨ ᠢᠶᠠᠨ ᠠᠵᠢᠬᠤ ᠳᠤ᠂ ᠢᠭᠴᠣ ᠦᠨᠳᠦᠷ ᠪᠤᠳᠠᠨ ᠤ ᠳᠤᠮᠳᠠ ᠭᠠᠭᠴᠠᠭᠠᠷ ᠢᠶᠠᠨ | ᠪᠠᠶᠢᠵᠤ᠂ ᠬᠠᠶᠢᠷᠠᠳᠤ ᠡᠬᠡ ᠨᠢ ᠠᠯᠠᠭᠠ ᠪᠤᠯᠵᠠᠢ᠃ | ᠦᠨᠦᠬᠡᠨ ᠰᠠᠶ᠋ᠢ ᠡᠬᠡ ᠶᠢᠨ ᠢᠶᠠᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠳᠤ ᠪᠦᠪᠠᠶᠢᠯᠡᠭᠳᠡᠨ᠂ ᠬᠠ ᠭᠤᠶᠠ ᠪᠠᠨ ᠬᠠᠨᠳᠠᠯᠠ | ᠰᠤᠨᠢᠶᠠᠨ᠂ ᠦᠳᠭᠡᠨ ᠰᠢᠷᠭᠠᠯ ᠰᠦ ᠶᠢ ᠨᠢ ᠵᠠᠪᠠᠵᠢ ᠠᠴᠠ ᠪᠠᠨ ᠴᠠᠭᠠᠨ ᠬᠦᠭᠡᠰᠦ ᠭᠠᠷᠤᠳᠠᠯᠠ ᠬᠦᠬᠦᠵᠦ᠂ ᠣᠭᠤᠷᠠᠭ | ᠰᠦ ᠶᠢᠨ ᠬᠠᠯᠠᠭᠤᠨ ᠢᠶᠠᠷ ᠤᠨᠳᠠᠵᠤ ᠤᠷᠭᠢᠭᠰᠠᠨ ᠢᠨᠵᠠᠭᠠ ᠤᠳᠤ ᠠᠯᠢ ᠵᠦᠭ ᠲᠤ ᠶᠠᠪᠤᠵᠤ ᠪᠠᠶᠢᠬᠤ ᠪᠠᠨ ᠴᠦ | ᠮᠡᠳᠡᠬᠦ ᠦᠬᠡᠢ ᠠᠯᠮᠠᠶᠢᠢᠷᠠᠨ ᠪᠠᠶᠢᠯᠠ᠃ ᠬᠠᠷᠠᠭᠠ ᠠᠯᠳᠠᠮᠠ ᠠᠭᠤᠳᠠᠮ ᠲᠠᠯᠠ ᠶᠢᠨ ᠳᠤᠮᠳᠠᠭᠤᠷ ᠭᠤᠥᠨᠢ | ᠭᠠᠭᠴᠠᠭᠠᠷ ᠢᠶᠠᠨ ᠨᠠᠭᠠᠰᠢ ᠴᠠᠭᠠᠰᠢ ᠬᠤᠯᠭᠢᠬᠤ ᠳᠤ ᠰᠤᠭᠳᠠᠯᠢᠭ ᠰᠠᠶᠢᠬᠠᠨ ᠪᠡᠶᠡ ᠲᠠᠢ ᠰᠢᠷᠠᠭᠴᠢᠨ ᠡᠬᠡ ᠨᠢ | ᠪᠦᠷᠳᠦᠯᠵᠡᠨ ᠠᠶᠢᠰᠣᠢ ᠰᠢᠭ᠋᠂ ᠠᠩᠭᠢᠷ ᠴᠠᠭᠠᠨ ᠰᠦ ᠶᠢᠨ ᠬᠢᠨᠢ ᠠᠩᠭᠢᠯᠤᠮᠠ ᠰᠤᠳᠤᠨ ᠦᠨᠦᠷ ᠦᠨᠦᠷᠳᠤᠬᠦ ᠰᠢᠭ᠂ | ᠰᠢᠬᠢᠷᠯᠢᠭ ᠰᠠᠶᠢᠬᠠᠨ ᠠᠮᠳᠠ ᠠᠮᠳᠠᠭᠳᠠᠬᠤ ᠴᠦ ᠰᠢᠭ᠋᠃ ᠬᠠᠮᠢᠭᠠ ᠨᠢᠬᠡᠨ ᠭᠠᠵᠠᠷ ᠠᠴᠠ ᠬᠠᠶᠢᠷᠠᠳᠤ ᠡᠬᠡ ᠨᠢ | ᠲᠠᠭᠤᠳᠠᠭᠠᠳ ᠪᠠᠶᠢᠬᠤ ᠰᠢᠭ᠋ ᠪᠣᠯᠬᠤ ᠪᠠᠷ᠂ ᠢᠨᠵᠠᠭᠠ ᠬᠦᠭᠡ ᠡᠪᠡᠰᠦᠨ ᠤ ᠵᠦᠭᠡᠯᠡᠨ ᠤᠷᠤᠢ ᠶᠢ ᠦᠨᠦᠷᠯᠠᠵᠦ | ᠦᠨᠦᠷᠯᠡᠭᠡᠳ ᠦᠷᠭᠡᠨ ᠲᠠᠯᠠ ᠤᠷᠤᠭᠤ ᠵᠢᠷᠢᠯᠵᠡᠨ ᠬᠦᠶᠦᠯᠡ᠃ | ᠳᠡᠭᠡᠭᠦᠷ ᠳᠠᠰ ᠨᠢᠰᠪᠠᠯ᠂ ᠳᠤᠥᠭᠤᠷ ᠴᠢᠨ᠋ᠸᠠ ᠰᠢᠩᠰᠢᠨᠡ ᠭᠡᠭᠴᠢ ᠪᠠᠷ ᠢᠯᠢᠮ ᠵᠢᠯᠢᠮ ᠠᠭᠤᠳᠠᠮ ᠲᠠᠯᠠ ᠶᠢᠨ | ᠲᠣᠮᠳᠠᠭᠤᠷ ᠦᠯᠪᠡᠷᠡᠬᠦ ᠶᠢᠨ ᠲᠦᠢᠯ ᠪᠣᠯᠣᠭᠰᠠᠨ ᠨᠢᠬᠡᠨ ᠴᠢᠨ᠋ᠸᠠ ᠬᠠᠷᠠ ᠲᠠᠰ ᠤᠨ ᠰᠡᠭᠦᠳᠡᠷ ᠢ ᠪᠠᠷᠢᠨ᠂ ᠦᠶᠡ ᠦᠶᠡ | ᠦᠨᠦᠷᠳᠤᠬᠦ ᠰᠢᠨᠡ ᠴᠢᠰᠦᠨ ᠦᠨᠦᠷ ᠢ ᠰᠢᠩᠰᠢᠯᠡᠨ ᠶᠠᠪᠣᠨᠠ᠃ ᠲᠡᠬᠡᠵᠦ ᠶᠠᠪᠣᠭᠰᠠᠭᠠᠷ ᠲᠡᠷᠡ ᠴᠢᠨ᠋ᠸᠠ ᠠᠷᠠᠰᠣ ᠪᠠᠨ | ᠰᠠᠶ᠋ᠢᠬᠠᠨ ᠦᠪᠴᠢᠬᠦᠯᠦᠭᠰᠡᠨ ᠰᠢᠷᠠᠭᠴᠢᠨ ᠢ ᠣᠯᠵᠠᠯᠠᠨ ᠠᠮᠠ ᠠᠮᠠ ᠪᠠᠷ ᠲᠠᠰᠣᠳᠠᠨ ᠵᠠᠯᠬᠢᠵᠣ ᠡᠬᠢᠯᠡᠯᠡ᠃ ᠴᠠᠭ ᠨᠢᠭᠡ | ᠮᠢᠨᠦ᠋ᠲ᠂ ᠨᠢᠭᠡ ᠰᠧᠺᠦ᠋ᠨ᠋ᠳ᠋ ᠢᠶᠠᠷ ᠦᠩᠭᠡᠷᠡᠭᠰᠡᠭᠡᠷ ᠪᠠᠶᠢᠯᠠ᠃ ᠢᠨᠵᠠᠭᠠ ᠶᠢᠨ ᠬᠤᠭᠤᠯᠠᠢ ᠰᠦᠭᠡᠩᠬᠡᠶᠢᠳᠡᠵᠤ᠂ | ᠳᠠᠭᠤᠨ ᠨᠢ ᠭᠠᠷᠬᠤ ᠦᠭᠡᠢ ᠪᠤᠯᠪᠠ᠃ ᠨᠢᠭᠡ ᠮᠡᠳᠡᠬᠦ ᠳᠤ ᠢᠨᠵᠠᠭᠠ ᠶᠢᠨ ᠬᠡᠳᠡᠰᠦ ᠨᠢ ᠬᠠᠮᠰᠠᠶᠢᠴᠢᠬᠠᠭᠰᠠᠨ᠂ | ᠡᠬᠡ ᠶᠢᠨ ᠬᠢᠨᠢ ᠦᠶᠦᠭ ᠴᠠᠭᠠᠨ ᠰᠦ ᠠᠮᠠᠨ ᠬᠦᠨᠳᠡᠢ ᠳᠤ ᠨᠢ ᠤᠷᠤᠰᠤᠭᠠᠳ ᠤᠷᠤᠮᠠᠷ ᠰᠠᠨᠠᠭᠳᠠᠬᠤ ᠳᠤ ᠡᠷᠭᠡ | ᠦᠭᠡᠢ ᠨᠢᠳᠦᠨ ᠳᠤ ᠨᠢ ᠨᠢᠯᠪᠦᠰᠦ ᠪᠦᠷᠬᠦᠴᠢᠬᠡᠪᠡ᠃ ᠢᠨᠵᠠᠭᠠ ᠳᠦᠷᠪᠡᠨ ᠳᠡᠰᠢ ᠬᠠᠷᠠᠭᠠ ᠪᠡᠯᠴᠢᠭᠡᠬᠦ ᠳᠤ ᠤᠷᠴᠢᠨ | ᠲᠤᠭᠤᠷᠢᠨ ᠤ ᠶᠠᠭᠤ ᠪᠦᠬᠦᠨ ᠨᠢ ᠰᠦᠷᠡᠬᠡᠢ ᠠᠶᠢᠳᠠᠰ ᠲᠠᠢ ᠰᠠᠨᠠᠭᠳᠠᠵᠤ᠂ ᠡᠷᠡᠪᠡᠷ ᠲᠠᠷᠠᠪᠠᠷ ᠪᠤᠳᠠ ᠨᠤᠭᠤᠳ ᠡᠯᠢᠶᠡ | ᠰᠢᠪᠠᠭᠤ ᠪᠤᠯᠤᠭᠠᠳ ᠰᠢᠬᠦᠷᠦᠬᠡᠳ ᠠᠪᠤᠮᠠᠷ ᠰᠣᠴᠢᠭᠠᠨᠠ᠃ | ᠨᠠᠷᠠ ᠪᠠᠷᠠᠭᠤᠨᠠ ᠬᠡᠯᠪᠠᠶᠢᠵᠤ ᠪᠠᠶᠢᠯᠠ᠃ ᠢᠨᠵᠠᠭᠠ ᠬᠠᠶᠢᠷᠠᠳᠣ ᠡᠬᠡ ᠪᠠᠨ ᠬᠠᠶᠢᠭᠰᠠᠭᠠᠷ ᠶᠠᠪᠣᠳᠠᠯᠠ | ᠡᠵᠢ ᠶᠢᠨ ᠬᠢᠨᠢ ᠲᠦᠷᠬᠦ ᠲᠠᠢ ᠣᠯᠠᠭᠠᠨ ᠬᠠᠯᠵᠠᠨ ᠰᠡᠭ ᠤᠨ ᠳᠡᠷᠭᠡᠳᠡ ᠦᠨᠳᠦᠷ ᠰᠡᠭᠦᠯ ᠲᠠᠢ ᠬᠦᠬᠡ ᠰᠠᠭᠠᠷᠠᠯ | ᠠᠮᠢᠳᠠᠨ ᠪᠦᠷᠳᠦᠯᠵᠡᠨ ᠬᠠᠷᠠᠭᠳᠠᠪᠠ᠃ ᠢᠨᠵᠠᠭᠠ ᠦᠰᠦᠷᠦᠨ ᠬᠠᠷᠠᠶᠢᠯᠠᠵᠤ ᠤᠶᠢᠷᠠᠲᠤᠨ ᠤᠴᠢᠭᠰᠠᠨ ᠢᠶᠠᠨ | ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠬᠤᠶᠢᠰᠢ ᠪᠠᠨ ᠬᠡᠳᠦᠨ ᠠᠯᠬᠤᠮ ᠤᠬᠤᠷᠢᠯᠠ᠃ ᠡᠵᠢ ᠲᠠᠢ ᠨᠢ ᠲᠦᠰᠦᠭᠡᠲᠡᠢ ᠲᠡᠷᠡ | ᠠᠮᠢᠳᠠᠨ ᠤ ᠭᠡᠳᠡᠰᠦ ᠨᠢ ᠢᠷᠠᠭᠳᠠᠵᠤ᠂ ᠲᠤᠳᠤᠷ ᠨᠢ ᠪᠦᠷ ᠠᠭᠤᠳᠠᠯᠠᠭᠳᠠᠨ ᠭᠤᠭᠤᠵᠢᠵᠤ᠂ ᠪᠦᠬᠦ ᠪᠡᠶᠡ ᠨᠢ | ᠴᠢᠰᠤ ᠪᠠᠷ ᠪᠢᠯᠳᠠᠭᠳᠠᠨ ᠡᠬᠡ ᠰᠢᠷᠠᠭᠴᠢᠨ ᠮᠦᠨ ᠡᠰᠡᠬᠦ ᠨᠢ ᠲᠠᠨᠢᠭᠳᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠵᠠᠢ᠃ ᠰᠢᠳᠦ ᠪᠠᠨ | ᠢᠷᠵᠠᠶᠢᠯᠭᠠᠭᠰᠠᠨ ᠲᠡᠷᠡ ᠰᠠᠭᠠᠷᠠᠯ ᠠᠮᠢᠳᠠᠨ ᠤ ᠣᠷᠳᠣ ᠰᠡᠬᠦᠯ ᠢᠶᠠᠨ ᠰᠠᠵᠢᠯᠠᠨ ᠠᠮᠠ ᠠᠮᠠ ᠪᠠᠷ ᠲᠠᠰᠣᠳᠠᠨ | ᠵᠠᠯᠬᠢᠬᠤ ᠶᠢ ᠬᠠᠷᠠᠭᠠᠳ ᠠᠶᠣᠵᠣ ᠵᠢᠪᠡᠬᠦᠴᠡᠬᠦ ᠲᠠᠪᠬᠤᠴᠠᠨ᠂ ᠨᠢᠳᠦ ᠨᠢ ᠫᠠᠳ ᠬᠠᠷᠠᠩᠭᠤᠶᠢᠯᠠᠵᠤ᠂ ᠬᠦᠯ ᠨᠢ | ᠰᠤᠯᠠᠷᠠᠭᠠᠳ ᠵᠣᠭᠰᠣᠭᠰᠠᠨ ᠤᠷᠤᠨ ᠳᠤ ᠪᠠᠨ ᠬᠡᠳᠦ ᠳᠠᠶᠢᠪᠠᠯᠵᠠᠯᠠ᠃ ᠢᠨᠵᠠᠭᠠ ᠶᠢᠨ ᠴᠢᠬᠢᠨ ᠳᠤ᠄ ︽ᠮᠣᠳᠣᠨ | ᠰᠡᠬᠦᠯᠳᠦ ᠠᠴᠠ ᠬᠢᠴᠢᠶᠡ︕︾ ᠭᠡᠰᠡᠨ ᠡᠵᠢ ᠶᠢᠨ ᠬᠢᠨ ᠰᠤᠷᠭᠠᠯ ᠬᠠᠩᠭᠢᠨᠠᠬᠤ ᠪᠠᠷ ᠰᠡᠬᠡᠰᠬᠢᠨ᠂ ᠪᠡᠶᠡ ᠡᠷᠬᠢᠨ | ᠬᠦᠶᠦᠯᠡ᠃ ᠨᠢᠳᠦ ᠨᠢ ᠤᠯᠠᠶᠢᠭᠰᠠᠨ ᠬᠦᠬᠡ ᠰᠠᠭᠠᠷᠠᠯ ᠴᠢᠨ᠋ᠸᠠ ᠰᠡᠭ ᠪᠤᠯᠤᠭᠰᠠᠨ ᠰᠢᠷᠠᠭᠴᠢᠨ ᠢ ᠬᠠᠶᠠᠭᠠᠳ ᠢᠨᠵᠠᠭᠠ | ᠤᠷᠤᠭᠤ ᠤᠬᠤᠰᠬᠢᠨ ᠳᠠᠭᠠᠷᠢᠯᠠ᠃ ᠵᠠᠭᠤ ᠵᠠᠭᠤᠨ ᠵᠢᠯ ᠢᠶᠠᠷ ᠦᠷᠭᠦᠯᠵᠢᠯᠡᠭᠰᠡᠨ ᠬᠠᠲᠠᠭᠤ ᠠᠮᠢᠳᠤᠷᠠᠯ ᠤᠨ ᠦᠭᠡ | ᠦᠭᠡᠢ ᠰᠤᠷᠭᠠᠯ ᠠᠴᠠ ᠪᠣᠯ ᠦᠦ ᠪᠣᠣ ᠮᠡᠳᠡ᠃ ᠢᠨᠵᠠᠭᠠ ᠴᠢᠬᠢ ᠪᠠᠨ ᠰᠣᠷᠳᠦ᠋ᠢᠯᠭᠠᠨ᠂ ᠰᠡᠭᠦᠯ ᠢᠶᠠᠨ ᠤᠳᠦ᠋ᠢᠯᠭᠠᠨ | ᠤᠷᠤᠭᠰᠢ ᠪᠠᠨ ᠬᠠᠷᠠᠶᠢᠯᠠᠨ ᠬᠦᠶᠦᠪᠡ᠃ ᠬᠦᠬᠡ ᠰᠠᠭᠠᠷᠠᠯ ᠴᠢᠨ᠋ᠸᠠ ᠶᠢᠨ ᠨᠢᠳᠦ ᠨᠢ ᠤᠯᠠᠭᠠᠨ ᠢᠶᠠᠷ ᠡᠷᠭᠢᠯᠳᠦᠵᠦ | ᠴᠠᠭᠠᠰᠢᠯᠠᠨ ᠳᠤᠲᠠᠭᠠᠬᠤ ᠢᠨᠵᠠᠭᠠ ᠶᠢ ᠬᠠᠷᠠᠭᠠᠳ ᠰᠢᠯᠦᠰᠦ ᠪᠠᠨ ᠰᠠᠪᠢᠷᠠᠭᠤᠯᠤᠨ᠂ ᠤᠷᠲᠦ ᠰᠡᠭᠦᠯ ᠢᠶᠠᠨ | ᠴᠢᠷᠦᠭᠰᠡᠬᠡᠷ ᠬᠤᠶᠢᠨᠠ ᠠᠴᠠ ᠨᠢ ᠲᠠᠯᠪᠢᠯ ᠦᠭᠡᠢ ᠨᠡᠬᠡᠪᠡ᠃ | ᠢᠨᠵᠠᠭᠠ ᠶᠢᠨ ᠴᠢᠬᠢᠨ ᠳᠤ ᠡᠵᠢ ᠶᠢᠨ ᠬᠢᠨᠢ ᠡᠨᠡᠷᠢᠩᠭᠦᠢ ᠰᠤᠷᠭᠠᠯ ᠬᠡᠰᠡᠭ ᠲᠤ ᠪᠠᠨ ᠴᠢᠩᠭᠠ᠂ | ᠬᠡᠰᠡᠭ ᠲᠤ ᠪᠠᠨ ᠰᠤᠯᠠ ᠠᠬᠢᠨ ᠳᠠᠬᠢᠨ ᠬᠠᠩᠭᠢᠨᠠᠨᠠ᠃ ᠢᠨᠵᠠᠭᠠ ᠨᠡᠩ ᠬᠤᠷᠳᠤᠯᠠᠨ ᠭᠦᠶᠦᠬᠦ ᠶᠢ ᠪᠤᠳᠤᠪᠠᠴᠤ ᠶᠠᠮᠠᠷ | ᠠᠷᠭᠠ ᠪᠠᠶᠢᠬᠤᠪ ᠳ᠋ᠠ᠂ ᠬᠠᠭᠠᠰ ᠡᠳᠦᠷ ᠡᠬᠡ ᠪᠠᠨ ᠬᠦᠬᠦᠭᠡ ᠦᠭᠡᠢ ᠭᠡᠳᠡᠰᠦ ᠨᠢ ᠴᠦ ᠠᠯᠢ ᠬᠡᠳᠦ᠋ᠢᠨ | ᠬᠤᠭᠤᠰᠣᠷᠠᠴᠢᠬᠠᠵᠠᠢ᠃ ᠪᠢᠴᠢᠬᠠᠨ ᠢᠨᠵᠠᠭᠠ ᠳᠤ ᠬᠠᠮᠢᠭᠠ ᠠᠴᠠ ᠪᠠᠶᠢᠬᠤ ᠲᠡᠶᠢᠮᠤ ᠶᠡᠭᠡ ᠲᠠᠷ ᠴᠢᠳᠠᠯ ᠪᠠᠶᠢᠬᠤ ᠪᠤᠢ︖ | ᠳᠡᠮᠡᠢ ᠬᠦᠶᠦᠭᠰᠡᠨ ᠦᠭᠡᠢ ᠬᠦᠭᠡᠷᠦᠬᠦᠨ ᠨᠢᠳᠣ ᠨᠢ ᠮᠠᠨᠠᠯᠵᠠᠨ ᠪᠦᠷᠡᠯᠵᠡᠵᠦ᠂ ᠡᠪᠦᠳᠦᠭ ᠤᠨ ᠦᠶᠡ ᠪᠠᠷ ᠢᠶᠠᠷ | ᠴᠡᠴᠡᠷᠡᠵᠦ᠂ ᠳᠠᠪᠬᠢᠬᠤ ᠬᠦᠶᠦᠳᠡᠯ ᠨᠢ ᠮᠡᠳᠡᠭᠳᠡᠮᠡ ᠤᠳᠠᠭᠠᠰᠢᠷᠠᠭᠠᠳ᠂ ᠵᠤᠷᠢᠭᠯᠠᠨ ᠭᠦᠶᠤᠬᠦ ᠬᠦᠴᠦᠨ ᠳᠤ ᠪᠠᠨ | ᠪᠠᠶᠢᠨ ᠪᠠᠶᠢᠨ ᠤᠷᠤᠭᠰᠢ ᠪᠠᠨ ᠰᠦᠭᠦᠷᠡᠨ ᠤᠶᠢᠴᠢᠵᠤ ᠪᠠᠶᠢᠯᠠ᠃ ᠰᠣᠷᠭᠤᠭ ᠮᠢᠬᠠᠨ ᠤ ᠰᠢᠮᠡ ᠠᠪᠣᠭᠰᠠᠨ ᠰᠠᠭᠠᠷᠠᠯ | ᠴᠢᠨ᠋ᠸᠠ ᠬᠤᠷᠳᠦ ᠪᠠᠨ ᠨᠡᠮᠡᠨ ᠰᠤᠶᠤᠭᠠ ᠰᠢᠳᠣ ᠪᠠᠨ ᠠᠷᠵᠠᠶᠢᠯᠭᠠᠵᠤ᠂ ᠪᠤᠯᠳᠠᠭ ᠰᠠᠨ ᠪᠤᠯ ᠢᠨᠵᠠᠭᠠ ᠶᠢ | ᠪᠦᠬᠦᠯᠢ ᠪᠠᠷ ᠨᠢ ᠵᠠᠯᠭᠢᠴᠢᠬᠠᠮᠠᠷ ᠬᠠᠷᠬᠢᠰᠯᠠᠨ ᠳᠠᠭᠠᠷᠢᠪᠠ᠃ | ︽ᠪᠢᠳᠡᠨ ᠤ ᠤᠭᠰᠠᠭᠠ ᠶᠠᠭᠠᠬᠢᠬᠤ ᠳᠤ ᠪᠠᠨ ᠡᠨᠡ ᠮᠡᠲᠦ ᠠᠶᠣᠯ ᠵᠣᠪᠠᠯ ᠤᠨ ᠲᠣᠮᠳᠠ ᠠᠮᠢᠳᠣᠷᠠᠳᠠᠭ ᠪᠣᠢ︖ | ᠡᠵᠢ ᠮᠢᠨᠢ ᠮᠦᠨ ᠡᠨᠡ ᠮᠣᠳᠣᠨ ᠰᠡᠬᠦᠯᠳᠦ ᠶᠢᠨ ᠢᠳᠡᠰᠢ ᠪᠤᠯᠵᠤ᠂ ᠪᠢ ᠴᠦ ᠤᠳᠤ ᠁ ᠢᠩᠭᠢᠵᠦ ᠪᠤᠯᠬᠤ | ᠦᠭᠡᠢ᠂ ᠪᠢ ᠵᠠᠪᠠᠯ ᠠᠮᠢ ᠮᠤᠯᠳᠤᠷᠠᠬᠤ ᠶᠤᠰᠤᠲᠠᠢ᠂ ᠡᠬᠡ ᠶᠢᠨ ᠢᠶᠠᠨ ᠬᠦᠰᠡᠯ ᠢ ᠬᠦᠰᠡᠷᠳᠡᠬᠦᠯᠵᠦ ᠪᠣᠯᠬᠤ ᠦᠬᠡᠢ︾᠃ | ᠢᠨᠵᠠᠭᠠ ᠵᠤᠷᠢᠭ ᠢᠶᠠᠨ ᠴᠢᠩᠭᠠᠯᠠᠨ᠂ ᠰᠠᠭᠠᠷᠠᠯ ᠴᠢᠨ᠋ᠸᠠ ᠠᠴᠠ ᠬᠤᠯᠬᠢᠨ ᠦᠰᠦᠷᠲᠡᠯᠡ ᠪᠠᠶᠢᠵᠠᠢ ᠤᠤ ᠳ᠋ᠠ᠂ ᠲᠡᠷᠡ | ᠰᠠᠭᠠᠷᠠᠯ ᠴᠢᠨ᠋ᠸᠠ ᠶᠢᠨ ᠰᠤᠶᠤᠭᠠ ᠬᠡᠳᠦ᠋ᠢᠨ ᠲᠡᠬᠦᠨ ᠤ ᠵᠦᠬᠡᠯᠡᠨ ᠪᠣᠯᠪᠠᠷᠠᠢ ᠬᠦᠵᠦᠬᠦᠨ ᠳᠤ ᠰᠢᠭᠠᠭᠠᠳ | ᠣᠷᠣᠴᠢᠬᠠᠭᠰᠠᠨ ᠪᠠᠶᠢᠯᠠ᠃ ᠢᠨᠵᠠᠭᠠ ᠬᠡᠳᠦ ᠲᠡᠯᠴᠢᠯᠡᠭᠰᠡᠨ ᠢᠶᠠᠨ ᠴᠠᠭᠠᠨ ᠨᠢᠳᠦ ᠨᠢ ᠴᠠᠶᠢᠪᠠᠶᠢᠵᠤ᠂ ᠡᠨᠡ | ᠤᠷᠴᠢᠯᠠᠩ ᠤᠨ ᠳᠡᠭᠰᠢ ᠪᠤᠰᠤ ᠶᠢ ᠨᠡᠪᠳᠡ ᠬᠠᠷᠠᠬᠤ ᠭᠡᠰᠡᠨ ᠪᠤᠯᠤᠯᠲᠠᠢ ᠠᠯᠤᠰ ᠢ ᠰᠢᠷᠳᠡᠨ ᠬᠡᠳᠦ ᠭᠦᠯᠮᠤᠭᠡᠨᠡᠨ | ᠬᠦᠳᠡᠯᠬᠦ ᠪᠠᠨ ᠪᠤᠯᠢᠵᠤ᠂ ᠰᠠᠭᠠᠷᠠᠯ ᠴᠢᠨ᠋ᠸᠠ ᠶᠢᠨ ᠨᠤᠬᠤᠴᠢᠭᠠᠨ ᠢ ᠡᠰᠡᠷᠭᠦᠴᠡᠯ ᠦᠭᠡᠢ ᠳᠠᠭᠠᠪᠠ᠃ | ᠦᠷᠭᠡᠨ ᠲᠠᠯᠠ ᠣᠯᠠᠮ ᠴᠦ ᠨᠠᠮ ᠵᠢᠮ ᠪᠣᠯᠵᠣ᠂ ᠡᠨᠡ ᠤᠷᠴᠢᠯᠠᠩ ᠵᠦᠪᠬᠡᠨ ᠬᠠᠷᠠ ᠳᠠᠰ ᠪᠠ ᠰᠠᠭᠠᠷᠠᠯ | ᠴᠢᠨ᠋ᠸᠠ ᠶᠢᠨ ᠬᠢ ᠪᠣᠯᠴᠢᠬᠠᠭᠰᠠᠨ ᠮᠡᠲᠦ ᠬᠦᠬᠡᠷᠦᠬᠦᠢ ᠢᠨᠵᠠᠭᠠ ᠶᠢᠨ ᠪᠡᠶᠡ ᠳᠤ ᠰᠡᠬᠦᠳᠡᠷ ᠬᠦᠮᠦᠷᠢᠵᠦ ᠪᠠᠭᠤᠨᠠ᠃ | ᠲᠤᠰᠬᠤᠨ ᠤ ᠵᠡᠭᠦᠨ ᠵᠠᠬᠠ᠂ ᠭᠠᠷ ᠲᠤ ᠪᠠᠨ ᠭᠠᠪᠠ ᠵᠡᠭᠦᠭᠰᠡᠨ ᠬᠢᠵᠢᠶᠡᠯᠢ ᠨᠠᠰᠤᠨ ᠤ ᠬᠤᠶᠠᠷ ᠡᠷᠡ ᠶᠢ ᠡᠮᠤᠨᠡ ᠪᠠᠨ | ᠬᠦᠭᠡᠭᠡᠵᠦ ᠶᠠᠪᠤᠭᠠ ᠬᠡᠳᠦᠨ ᠴᠠᠭᠳᠠᠭᠠ᠂ ᠮᠠᠰᠢᠨ ᠤ ᠪᠠᠨ ᠡᠭᠦᠳᠡ ᠶᠢ ᠨᠡᠭᠡᠭᠡᠨ ᠲᠡᠷᠡ ᠬᠤᠶᠠᠷ ᠢ ᠲᠦᠯᠬᠢᠨ | ᠤᠷᠤᠭᠤᠯᠤᠮᠠᠭᠴᠠ ᠲᠤᠭᠤᠰᠤ ᠳᠠᠳᠠᠭᠤᠯᠤᠨ ᠣᠳᠯᠠ᠃ | ᠵᠣᠬᠢᠶᠠᠭᠴᠢ᠄ ᠳᠤᠷᠠᠨ | ᠬᠠᠶ᠋ᠢᠭ᠄ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠳᠠᠶᠢᠴᠢᠨᠲᠠᠯᠠ ᠭᠤᠥᠯ ᠪᠠᠭᠠ ᠰᠤᠷᠭᠠᠭᠤᠯᠢ |