| ︽ᠨᠢᠭᠡ ᠦᠨᠳᠦᠰᠦᠲᠡᠨ ᠬᠡᠷᠪᠡ ᠥᠪᠡᠷ ᠤᠨ ᠦᠨᠳᠦᠰᠦ ᠤᠭᠰᠠᠭᠠ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠤᠯ᠂ ᠠᠭᠤᠯᠠᠨ ᠳᠤ | ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠰᠠᠷᠮᠠᠭᠴᠢᠨ ᠲᠠᠢ ᠥᠭᠡᠷᠡ ᠦᠭᠡᠢ︾ ᠬᠡᠮᠡᠬᠦ ᠨᠢᠭᠡᠨ ᠦᠭᠡ ᠪᠠᠶᠢᠳᠠᠭ᠃ ᠲᠡᠶᠢᠮᠦ ᠡ᠂ ᠨᠢᠭᠡ | ᠦᠨᠳᠦᠰᠦᠲᠡᠨ ᠥᠪᠡᠷ ᠤᠨ ᠦᠭᠡ ᠬᠡᠯᠡ ᠥᠪ ᠰᠤᠶᠤᠯ ᠢᠶᠠᠨ ᠣᠮᠠᠷᠲᠠᠪᠠᠯ ᠲᠡᠷᠡ ᠦᠨᠳᠦᠰᠦᠲᠡᠨ ᠤᠷᠤᠰᠢᠨ | ᠲᠤᠭᠲᠠᠨᠢᠬᠤ ᠵᠢᠴᠢ ᠪᠠᠳᠠᠷᠠᠨ ᠬᠦᠭᠵᠢᠬᠦ ᠨᠦᠬᠦᠴᠡᠯ ᠢᠶᠠᠨ ᠠᠯᠳᠠᠵᠤ᠂ ᠭᠡᠷᠡᠯ ᠢᠯᠴᠢ ᠪᠠ ᠬᠦᠷᠦᠰᠦ ᠰᠢᠷᠤᠢ ᠪᠠᠨ | ᠠᠯᠳᠠᠭᠰᠠᠨ ᠤᠷᠭᠤᠮᠠᠯ ᠮᠡᠲᠦ ᠪᠤᠯᠤᠨᠠ᠃ ᠮᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠳᠤᠲᠤᠷᠠ ᠴᠤ ᠭᠡᠰᠡᠨ ᠥᠪᠡᠷ ᠤᠨ ᠦᠭᠡ | ᠬᠡᠯᠡ ᠪᠠᠨ ᠭᠤᠯᠤᠵᠤ᠂ ᠥᠪ ᠰᠤᠶᠤᠯ ᠢᠶᠠᠨ ᠲᠠᠶᠠᠭᠳᠠᠵᠤ᠂ ᠢᠵᠠᠭᠤᠷ ᠣᠭᠰᠠᠭᠠ ᠪᠠᠨ ᠮᠠᠷᠲᠠᠵᠤ ᠪᠠᠶᠢᠭᠠ ᠬᠦᠮᠦᠨ | ᠮᠣᠩ ᠦᠭᠡᠢ ᠣᠯᠠᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠮᠤᠩᠭᠤᠯᠴᠤᠳ ᠥᠪᠡᠷ ᠤᠨ ᠬᠡᠤᠬᠡᠳ ᠢᠶᠠᠨ ᠬᠢᠲᠠᠳ | ᠰᠤᠷᠭᠠᠭᠤᠯᠢ ᠳᠤ ᠴᠢᠬᠢᠵᠦ᠂ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠳᠤ ᠥᠭᠬᠦ ᠦᠭᠡᠢ ᠬᠠᠷᠢᠨ ᠬᠢᠲᠠᠳ ᠪᠢᠴᠢᠭ ᠦᠵᠡᠭᠦᠯᠵᠦ | ᠪᠠᠶᠢᠭᠠ ᠦᠵᠡᠭᠳᠡᠯ ᠮᠣᠩ ᠦᠭᠡᠢ ᠣᠯᠠᠨ ᠪᠣᠢ᠃ ᠴᠢᠨᠠᠭᠰᠢᠯᠠᠭᠠᠳ ᠭᠡᠷ ᠳᠤᠲᠤᠷᠠ ᠪᠠᠨ ᠴᠤ ᠬᠢᠲᠠᠳ ᠢᠶᠠᠷ | ᠶᠠᠷᠢᠯᠴᠠᠳᠠᠭ᠂ ᠤᠯᠠᠩᠬᠢ ᠲᠣᠭᠠᠨ ᠤ ᠮᠤᠩᠭᠤᠯᠴᠤᠳ ︽ᠮᠤᠩᠭᠤᠯ ᠢᠶᠠᠷ ᠰᠤᠷᠤᠭᠠᠳ ᠲᠤᠰᠠ ᠦᠭᠡᠢ᠂ | ᠮᠤᠩᠭᠤᠯ ᠢᠶᠠᠷ ᠰᠤᠷᠤᠭᠠᠳ ᠦᠵᠦᠭᠦᠷ ᠭᠠᠷᠬᠤ ᠦᠭᠡᠢ᠂ ᠴᠢᠳᠠᠪᠦᠷᠢᠳᠡᠨ ᠪᠤᠯᠵᠤ ᠲᠡᠶᠢᠯᠬᠦ ᠦᠭᠡᠢ︾ ᠭᠡᠬᠦ ᠮᠡᠳᠦ ᠶᠢᠨ | ᠨᠠᠵᠠᠭᠠᠢ ᠦᠵᠡᠯᠲᠡ ᠡᠪᠦᠷᠯᠡᠵᠦ᠂ ᠮᠤᠩᠭᠤᠯ ᠢᠶᠠᠨ ᠰᠤᠷᠤᠴᠢᠬᠠᠭᠠᠳ ᠪᠠᠰᠠ ᠬᠡᠷᠡᠭᠯᠡᠳᠡᠭ ᠦᠭᠡᠢ ᠪᠠᠶᠢᠳᠠᠭ ᠨᠢ ᠪᠠᠭᠠ | ᠪᠤᠰᠤ᠃ ᠡᠶᠢᠮᠤᠷᠬᠦ ᠶᠠᠩᠵᠤ ᠪᠦᠷᠢ ᠶᠢᠨ ᠦᠪᠡᠷ ᠤᠨ ᠬᠢ ᠪᠠᠨ ᠭᠤᠯᠤᠵᠤ ᠪᠠᠶᠢᠭᠠ ᠦᠵᠡᠭᠳᠡᠯ ᠠᠮᠢᠳᠤᠷᠠᠯ ᠳᠣᠮᠳᠠ | ᠵᠦᠩᠳᠡᠭᠡᠨ ᠤᠷᠤᠰᠢᠵᠤ ᠪᠤᠢ᠃ | ᠪᠢᠳᠡ ᠮᠤᠩᠭᠤᠯ ᠤᠨ ᠦᠷᠡ ᠬᠤᠶᠢᠴᠢᠰ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠡᠷᠬᠡᠪᠰᠢ ᠡᠳᠡᠭᠡᠷ ᠦᠢᠯᠡ ᠠᠵᠢᠯᠯᠠᠭᠠ ᠶᠢ | ᠡᠷᠡᠰ ᠲᠡᠪᠴᠢᠵᠦ ᠥᠪᠡᠷ ᠤᠨ ᠦᠨᠳᠦᠰᠦᠲᠡᠨ ᠤ ᠪᠠᠨ ᠲᠠᠷᠬᠠᠨ ᠥᠪ ᠰᠣᠶᠤᠯ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠣᠯᠠᠮᠵᠢᠯᠠᠬᠤ | ᠬᠡᠷᠡᠭᠲᠡᠢ᠃ ᠮᠠᠨ ᠤ ᠮᠤᠩᠭᠤᠯ ᠰᠤᠶᠤᠯ ᠳᠤ ᠪᠤᠰᠤᠳ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ ᠳᠤ ᠪᠠᠶᠢᠭᠠ ᠦᠭᠡᠢ ᠤᠯᠠᠨ | ᠠᠷᠪᠢᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠪᠠᠶᠢᠳᠠᠭ᠃ | ᠮᠠᠨ ᠤ ᠮᠤᠩᠭᠤᠯ ᠰᠤᠶᠤᠯ ᠪᠤᠯ ᠡᠬᠡ ᠪᠠᠶᠢᠭᠠᠯᠢ ᠲᠠᠢ ᠵᠤᠬᠢᠴᠠᠯᠳᠤᠭᠰᠠᠨ ᠴᠤᠷ ᠤᠨ ᠭᠠᠭᠴᠠ ᠲᠡᠭᠷᠢᠯᠢᠭ ᠰᠤᠶᠤᠯ | ᠪᠤᠯᠤᠨᠠ᠃ ᠡᠭᠦᠨ ᠤ ᠲᠤᠬᠠᠢ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ ᠡᠶᠢᠮᠦᠷᠬᠦ ᠪᠢᠴᠢᠭᠡᠰᠦ ᠲᠠᠢ᠄ | ᠴᠢᠩᠭᠢᠰ ᠬᠠᠭᠠᠨ᠂ ᠸᠠᠩ ᠬᠠᠨ ᠤ ᠬᠦᠦ ᠰᠡᠩᠭᠦᠮ ᠪᠢᠯᠢᠭ ᠤᠨ ᠴᠤᠴᠢᠮᠠᠭ ᠳᠠᠭᠠᠷᠢᠯᠲᠠ ᠠᠴᠠ ᠪᠤᠯᠵᠤ ᠳᠡᠭᠦᠦ | ᠬᠠᠰᠠᠷ ᠲᠠᠢ ᠪᠠᠨ ᠬᠤᠶᠠᠷ ᠭᠠᠵᠠᠷ ᠰᠠᠯᠣᠭᠰᠠᠨ ᠪᠠᠶᠢᠳᠠᠯ ᠳᠤ ᠴᠢᠩᠭᠢᠰ ᠬᠠᠭᠠᠨ᠄ ︽ᠪᠢᠳᠡᠨ ᠤ ᠮᠤᠩᠭᠤᠯᠴᠤᠳ ᠪᠤᠯ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠬᠡᠭᠡᠷᠡ ᠲᠠᠯᠠ ᠳᠤ ᠥᠰᠴᠦ ᠪᠤᠶᠢᠵᠢᠭᠰᠠᠨ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ︿ᠬᠦᠪᠡᠭᠦᠨ﹀ ᠪᠤᠯᠤᠨᠠ | ᠃ ᠡᠶᠢᠮᠦ ᠠᠴᠠ ᠪᠢᠳᠡᠨ ᠤ ᠮᠤᠩᠭᠤᠯᠴᠤᠳ ᠡᠬᠡ ᠪᠠᠶᠢᠭᠠᠯᠢ ᠪᠠᠶᠢᠪᠠᠯ ᠵᠢᠷᠦᠬᠡᠰᠢᠶᠡᠬᠦ ᠶᠠᠪᠤᠳᠠᠯ ᠠᠯᠠᠭᠠ︾ ᠬᠡᠮᠡᠨ | ᠬᠡᠯᠡᠵᠦ ᠦᠩᠭᠡᠷᠡᠪᠡ᠃ ᠡᠭᠦᠨ ᠠᠴᠠ ᠦᠵᠡᠬᠦ ᠳᠤ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠤᠨ ᠳᠠᠳᠬᠠᠯ᠂ ᠰᠤᠶᠤᠯ | ᠪᠠᠶᠢᠭᠠᠯᠢ ᠲᠠᠢ ᠢᠳᠡᠭᠡᠰᠢᠵᠦ᠂ ᠡᠬᠡ ᠪᠠᠶᠢᠭᠠᠯᠢ ᠲᠠᠢ ᠵᠣᠬᠢᠴᠠᠨ ᠪᠠᠶᠢᠭᠰᠠᠨ ᠨᠢ ᠡᠷᠳᠡᠨ ᠠᠴᠠ ᠤᠯᠠᠮᠵᠢᠯᠠᠯ ᠲᠠᠢ᠃ | ᠡᠶᠢᠮᠦᠷᠬᠦ ᠰᠢᠯᠢᠳᠡᠭ ᠰᠤᠶᠤᠯ ᠢ ᠡᠪᠦᠭᠡ ᠳᠡᠭᠡᠳᠦᠰ ᠮᠢᠨᠢ ᠪᠦᠲᠦᠭᠡᠵᠦ ᠦᠯᠡᠳᠡᠭᠡᠵᠦ ᠪᠢᠳᠡᠨ ᠳᠤ ᠦᠯᠠᠮᠵᠢᠯᠠᠪᠠ᠃ | ᠰᠤᠶᠤᠯ ᠮᠢᠨᠢ ᠲᠡᠤᠬᠡ ᠲᠠᠢ ᠪᠠᠨ ᠬᠠᠮᠲᠤ ᠪᠤᠰᠤᠭᠠ ᠪᠠᠷ ᠤᠷᠣᠰᠢᠨ ᠪᠢᠳᠡᠨ ᠤ ᠴᠠᠭ ᠦᠶᠡ ᠳᠤ ᠬᠦᠷᠴᠦ ᠢᠷᠡᠪᠡ︕ | ᠮᠦᠨ ᠴᠤ ᠳᠡᠯᠡᠬᠡᠢ ᠶᠢᠨ ᠮᠤᠩᠭᠤᠯᠴᠢ ᠡᠷᠳᠡᠮᠲᠡᠳ ᠤᠨ ᠰᠤᠨᠢᠷᠬᠠᠯ ᠢ ᠲᠠᠲᠠᠵᠤ᠂ ᠳᠡᠯᠡᠬᠡᠢ ᠶᠢᠨ ᠭᠠᠶᠢᠬᠠᠮᠰᠢᠭ ᠢ | ᠡᠭᠦᠳᠪᠡ᠃ ᠲᠡᠭᠡᠲᠡᠯᠡ ᠪᠢᠳᠡ ᠶᠠᠭᠤᠨ ᠳᠤ ︽ᠥᠪᠡᠷ ᠤᠨ ᠠᠯᠲᠠ ᠪᠠᠨ ᠬᠠᠶᠠᠭᠠᠳ᠂ ᠪᠤᠰᠤᠳ ᠤᠨ ᠠᠷᠭᠠᠯ ᠢ | ᠲᠡᠭᠦᠳᠡᠭ︾ ᠪᠢᠯᠡ︖ ᠪᠢᠳᠡ ᠦᠭᠡ ᠬᠡᠯᠡ ᠪᠠᠨ ᠨᠠᠨᠳᠢᠩᠨᠠᠨ᠂ ᠦᠰᠦᠭ ᠪᠢᠴᠢᠭ ᠢᠶᠠᠨ ᠬᠡᠷᠡᠭᠯᠡᠨ ᠥᠪ | ᠰᠤᠶᠤᠯ ᠢᠶᠠᠨ ᠶᠠᠰᠤᠨ ᠲᠡᠭᠡᠷᠡ ᠪᠠᠨ ᠰᠡᠶᠢᠯᠬᠦ ᠬᠡᠷᠡᠭᠲᠡᠢ᠃ | ᠪᠢᠳᠡ ᠵᠦᠪᠬᠡᠨ ᠠᠮᠠᠨ ᠳᠡᠭᠡᠷᠡ ᠪᠠᠨ ︽ᠥᠪ ᠰᠤᠶᠤᠯ ᠢᠶᠠᠨ ᠨᠠᠨᠳᠢᠩᠨᠡᠨ ᠬᠠᠶᠢᠷᠠᠯᠠᠨᠠ︾ ︽ᠦᠰᠦᠭ | ᠪᠢᠴᠢᠭ ᠪᠠᠨ ᠡᠷᠬᠢᠮᠨᠡᠨ ᠰᠤᠷᠤᠯᠴᠠᠨᠠ︾ ᠭᠡᠳ ᠬᠡᠯᠡᠭᠡᠳ ᠯᠡ ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ᠃ ᠢᠩᠭᠢᠬᠦ ᠨᠢ ᠵᠦᠪᠬᠡᠨ | ᠦᠩᠭᠡᠨ ᠲᠠᠯᠠ ᠶᠢᠨ ᠬᠦᠩᠭᠡᠮᠰᠦᠭ ᠦᠢᠯᠡ᠂ ᠡᠳᠡᠭᠡᠷ ᠢ ᠲᠡᠪᠴᠢᠬᠦ ᠳᠤ ᠠᠮᠢᠳᠤᠷᠠᠯ ᠤᠨ ᠵᠢᠵᠢᠭ ᠰᠠᠵᠢᠭ | ᠣᠴᠢᠷ ᠠᠴᠠ ᠭᠠᠷᠳᠠᠨ ᠬᠢᠬᠦ ᠬᠡᠷᠡᠭᠳᠡᠢ᠃ ᠵᠢᠱᠢᠶᠡᠯᠡᠪᠡᠯ᠄ ᠪᠠᠶᠠᠷ ᠨᠠᠶᠢᠷ ᠳᠡᠭᠡᠷᠡ ᠢᠷᠭᠡ ᠶᠢᠨ ᠰᠢᠭᠦᠰᠦ ᠭᠠᠷᠭᠠᠬᠤ᠂ | ᠲᠠᠪᠠᠭᠯᠠᠬᠤ ᠳᠤ ᠪᠠᠨ ᠴᠦ ᠵᠢᠷᠦᠮ ᠶᠤᠰᠤᠭᠠᠷ ᠲᠠᠪᠠᠭᠯᠠᠬᠤ᠂ ᠠᠮᠢᠳᠤᠷᠠᠯ ᠳᠤ ᠪᠠᠨ ᠲᠡᠷᠯᠢᠭ᠂ ᠪᠦᠰᠡ᠂ ᠮᠣᠩᠭᠤᠯ | ᠭᠤᠲᠤᠯ ᠢᠶᠠᠨ ᠦᠷᠭᠦᠯᠵᠢ ᠡᠮᠦᠰᠬᠦ᠂ ᠨᠠᠶᠢᠷ ᠬᠦᠳᠡᠯᠭᠡᠭᠡᠨ ᠳᠤ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠡᠷᠬᠢᠯᠡᠵᠦ᠂ | ᠣᠪᠤᠭᠠᠨ ᠲᠠᠬᠢᠯᠭᠠ ᠪᠠᠨ ᠲᠠᠬᠢᠬᠤ᠂ ᠬᠤᠷᠢᠮ ᠬᠤᠷᠠᠯ ᠳᠤ ᠪᠠᠨ ᠴᠠᠭᠠᠨ ᠢᠳᠡᠭᠡ ᠪᠠᠨ ᠦᠷᠦᠵᠦ ᠬᠡᠷᠡᠭᠯᠡᠨ᠂ ᠵᠤᠯᠠ | ᠠᠰᠠᠭᠠᠬᠤ᠂ ᠭᠠᠯ ᠤᠨ ᠪᠤᠷᠬᠠᠨ ᠢᠶᠠᠨ ᠲᠡᠭᠡᠳᠦᠯᠡᠬᠦ ᠵᠡᠷᠭᠡ ᠦᠨᠳᠦᠰᠦᠳᠡᠨ ᠤ ᠵᠠᠩ ᠦᠢᠯᠡ ᠪᠠᠨ ᠤᠬᠠᠮᠰᠡᠷ ᠠᠴᠠ ᠪᠠᠨ | ᠂ ᠮᠦᠨ ᠵᠣᠷᠢᠯᠭᠠ ᠲᠠᠢ ᠪᠠᠷ ᠭᠦᠢᠴᠡᠳᠭᠡᠵᠦ ᠪᠠᠶᠢᠪᠠᠯ ᠶᠠᠮᠠᠷ ᠰᠠᠶᠢᠬᠠᠨ ᠪᠤᠢ᠃ | ᠬᠡᠷᠪᠡ ᠪᠢᠳᠡ ᠥᠪ ᠰᠤᠶᠤᠯ ᠢᠶᠠᠨ ᠦᠨᠡᠨ ᠵᠢᠷᠦᠬᠡᠨ ᠠᠴᠠ ᠪᠠᠨ ᠬᠠᠶᠢᠷᠠᠯᠠᠨ ᠨᠠᠨᠳᠢᠩᠨᠠᠬᠤ ᠦᠭᠡᠢ᠂ ᠰᠤᠷᠤᠯᠴᠠᠨ | ᠵᠠᠯᠭᠠᠮᠵᠢᠯᠠᠬᠤ ᠦᠭᠡᠢ ᠪᠤᠯ ᠪᠢᠳᠡᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠪᠠᠰᠠ ᠮᠠᠨᠵᠤ ᠦᠨᠳᠦᠰᠦᠲᠡᠨ ᠤ ᠮᠦᠷ ᠢ ᠭᠢᠰᠬᠢᠵᠦ᠂ | ᠨᠡᠷᠡ ᠶᠢᠨ ᠲᠡᠳᠦᠢ ᠪᠤᠯᠤᠨᠠ᠃ ᠪᠢᠳᠡᠨ ᠤ ᠠᠬᠠᠮᠠᠳ ᠦᠶᠡ ᠬᠢᠨ ︽ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠠᠶᠤᠯ | ᠲᠦᠭᠰᠢᠭᠦᠷᠢᠲᠦ ᠴᠠᠭ ᠦᠶᠡ ᠳᠤ ᠴᠤ ᠭᠡᠰᠡᠨ ᠠᠮᠢ ᠨᠠᠰᠤ ᠪᠠᠷ ᠢᠶᠠᠨ ᠥᠪ ᠰᠤᠶᠤᠯ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠢᠷᠡᠭᠰᠡᠨ | ᠪᠤᠳᠠᠳᠤ ᠵᠢᠱᠢᠶᠡ ᠣᠯᠠᠨ ᠣᠯᠠᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠮᠠᠨ ᠤ ᠰᠤᠷᠬᠤ ᠪᠢᠴᠢᠭ ᠤᠨ ︽ᠰᠦᠨᠢ ᠶᠢᠨ ᠭᠦᠨ ᠳᠤ | ︾ ᠭᠡᠬᠦ ᠵᠤᠬᠢᠶᠠᠯ ᠳᠤ ᠰᠡᠸ᠋ᠷᠡᠩ ᠡᠪᠦᠭᠡᠨ ︽ᠬᠦᠬᠡ ᠰᠤᠳᠤᠷ︾ ᠢ ᠦᠪᠡᠷ ᠤᠨ ᠠᠮᠢ ᠨᠠᠰᠤ ᠪᠠᠷ ᠢᠶᠠᠨ ᠬᠠᠮᠠᠭᠠᠯᠠᠭᠰᠠᠨ | ᠡᠷᠡᠯᠬᠡᠭ ᠦᠢᠯᠡ ᠠᠵᠢᠯᠯᠠᠭᠠ᠃ ᠹᠷᠠᠨᠼᠢ ᠶᠢᠨ ᠠᠯᠳᠠᠷᠲᠤ ᠵᠤᠬᠢᠶᠠᠯᠴᠢ ᠠ᠊ · ᠳ᠋ᠠᠤᠲ᠋ᠠᠢ ᠠᠴᠠ ︽ᠲᠦᠷᠦ ᠣᠯᠣᠰ ᠨᠢ | ᠮᠦᠬᠦᠭᠡᠳ ᠪᠤᠰᠤᠳ ᠲᠤ ᠪᠤᠭᠤᠯᠴᠢᠯᠠᠭᠳᠠᠭᠰᠠᠨ ᠠᠷᠠᠳ ᠲᠦᠮᠡᠨ ᠬᠡᠷᠪᠡ ᠥᠪᠡᠷ ᠤᠨ ᠲᠦᠷᠦᠯᠬᠢ ᠦᠭᠡ ᠬᠡᠯᠡ ᠪᠠᠨ | ᠮᠠᠷᠲᠠᠭᠠᠳᠤᠢ ᠪᠠᠲᠤ ᠴᠡᠭᠡᠵᠢᠯᠡᠵᠦ ᠪᠠᠶᠢᠭᠠ ᠴᠠᠭ ᠲᠤ ᠱᠤᠷᠤᠩ ᠤᠨ ᠡᠭᠦᠳᠡᠨ ᠤ ᠲᠦᠯᠬᠢᠭᠦᠷ ᠢ ᠠᠳᠬᠤᠵᠤ | ᠪᠠᠶᠢᠭᠠ ᠲᠠᠢ ᠠᠳᠠᠯᠢ︾ ᠭᠡᠵᠦ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠲᠣᠩᠬᠠᠭᠯᠠᠭᠰᠠᠨ ᠶᠠᠪᠤᠳᠠᠯ᠃ ᠡᠶᠢᠮᠦ ᠠᠴᠠ ᠰᠤᠶᠤᠯ ᠤᠨ ᠦᠪ | ᠬᠦᠷᠦᠩᠭᠡ ᠪᠤᠯ ᠨᠢᠭᠡᠨ ᠦᠨᠳᠦᠰᠦᠲᠡᠨ ᠤ ᠤᠷᠤᠰᠢᠨ ᠲᠤᠭᠲᠠᠨᠢᠯ᠂ ᠦᠷᠨᠢᠨ ᠬᠦᠭᠵᠢᠯ ᠤᠨ ᠵᠠᠩᠭᠢᠯᠠᠭᠠ ᠪᠤᠯᠤᠨᠠ᠃ | ᠥᠪ ᠰᠤᠶᠤᠯ ᠢᠶᠠᠨ ᠵᠢᠷᠦᠬᠡ ᠠᠴᠠ ᠪᠠᠨ ᠬᠤᠯᠪᠤᠵᠤ᠂ ᠶᠠᠰᠤᠨ ᠳᠤ ᠪᠠᠨ ᠰᠡᠶᠢᠯᠪᠡᠯ ᠰᠠᠶ᠋ᠢ ᠦᠨᠳᠦᠰᠦ ᠪᠠᠳᠤ᠂ | ᠣᠭᠰᠠᠭᠠ ᠮᠦᠩᠬᠡ ᠪᠠᠶᠢᠵᠤ ᠴᠢᠳᠠᠨᠠ᠃ | ᠴᠢᠩᠭᠢᠰ ᠬᠠᠭᠠᠨ ᠤ ᠬᠤᠶᠢᠴᠢᠰ ᠪᠤᠯᠤᠭᠰᠠᠨ ᠪᠢᠳᠡ ᠥᠪ ᠰᠤᠶᠤᠯ ᠢᠶᠠᠨ ᠬᠠᠶᠢᠷᠠᠯᠠᠶᠠ᠂ ᠮᠠᠨ ᠤ ᠮᠤᠩᠭᠤᠯ | ᠰᠤᠶᠤᠯ ᠪᠤᠯ ᠶᠢᠷᠲᠢᠨᠴᠦ ᠳᠤ ᠬᠤᠣᠰ ᠦᠭᠡᠢ ᠭᠠᠶᠢᠬᠠᠮᠰᠢᠭ᠃ ᠭᠠᠭᠴᠠ ᠬᠦ ᠮᠤᠩᠭᠤᠯ ᠰᠤᠶᠤᠯ ᠢᠶᠠᠷ ᠢᠶᠠᠨ ᠪᠢᠳᠡ | ᠰᠠᠶ᠋ᠢ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠤᠮᠤᠭ ᠲᠡᠭᠦᠯᠳᠡᠷ ᠤᠷᠣᠰᠢᠵᠣ ᠳᠡᠶᠢᠯᠦᠨᠡ᠂ ᠥᠭᠡᠷᠡ ᠦᠨᠳᠦᠰᠦᠲᠡᠨ ᠲᠠᠢ ᠮᠦᠷᠦ | ᠵᠡᠷᠭᠡᠴᠡᠨ ᠤᠷᠣᠭᠰᠢᠯᠠᠵᠤ ᠳᠡᠶᠢᠯᠦᠨᠡ᠃ ᠮᠤᠩᠭᠤᠯ ᠰᠤᠶᠤᠯ ᠮᠢᠨᠢ ᠵᠠᠭᠤᠨ ᠵᠠᠭᠤᠨ ᠤ ᠪᠤᠱᠤᠭᠠ ᠶᠢ ᠳᠠᠮᠵᠢᠵᠤ | ᠨᠠᠷᠠ ᠲᠠᠢ ᠬᠠᠮᠲᠣ ᠮᠠᠨᠳᠣᠵᠣ᠂ ᠰᠠᠷᠠ ᠲᠠᠢ ᠠᠳᠠᠯᠢ ᠰᠠᠷᠠᠭᠤᠯᠵᠢᠵᠤ᠂ ᠣᠳᠣᠨ ᠲᠠᠢ ᠵᠡᠷᠭᠡᠴᠡᠭᠡ ᠪᠠᠷ ᠣᠴᠢᠯᠠᠬᠤ | ᠪᠤᠯᠤᠭᠠᠰᠠᠢ︕ | ᠵᠤᠬᠢᠶᠠᠬᠴᠢ᠄ ᠨᠤᠤ ᠸᠧᠨ ᠰᠢᠨ ︵ᠪᠠᠶᠠᠨᠬᠤᠰᠢᠭᠤ ᠲᠦᠷᠪᠡᠳᠦᠭᠡᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠶᠢᠰᠦ ᠶᠢᠨ | ᠵᠢᠷᠭᠤᠭᠠ︶ | ᠵᠢᠯᠣᠭᠤᠳᠣᠭᠰᠠᠨ ᠪᠠᠭᠰᠢ᠄ ᠪᠣᠣ ᠰᠢᠶᠠᠩ ᠴᠥᠨ | |