| ᠦᠨᠦ ᠤᠷᠤᠢ ᠴᠠᠬᠢᠯᠭᠠᠨ ᠵᠤᠬᠰᠤᠬᠰᠠᠨ ᠠᠴᠠ ᠦᠬᠢᠨ ᠲᠠᠢ ᠬᠤᠶᠠᠭᠤᠯᠠ ᠪᠠᠨ ᠯᠠ ᠠᠰᠠᠭᠠᠵᠦ ᠰᠠᠭᠤᠯᠠ᠃ | ᠯᠡ ᠶᠢᠨ ᠬᠡᠷᠡᠯ ᠪᠠᠳᠮᠠᠯᠠᠨ ᠪᠢᠴᠢᠭ ᠤᠨ ᠰᠢᠷᠡᠬᠡᠨ ᠠᠴᠠ ᠴᠠᠰᠢ ᠰᠡᠬᠦᠳᠡᠷᠳᠦᠨ ᠬᠠᠷᠠᠯᠠᠵᠦ ᠨᠠᠷᠢᠬᠠᠨ ᠬᠠᠷᠠ | ᠤᠳᠤᠭᠠ ᠨᠢ ᠰᠦᠮᠡᠯᠵᠡᠨ ᠲᠡᠭᠡᠭᠰᠢᠯᠡᠵᠦ᠂ ᠭᠤᠤᠯ ᠨᠢ ᠭᠤᠬᠠᠷᠠᠨ ᠮᠤᠷᠦ᠋ᠢᠵᠦ ᠨᠢᠯᠪᠤᠰᠤᠷᠠᠨ ᠤᠷᠤᠰᠤᠨᠠ᠃ | ᠦᠬᠢᠨ ᠤ ᠴᠡᠴᠡᠷᠯᠢᠭ ᠤᠨ ᠲᠠᠭᠠᠭᠠᠯᠭᠠᠬᠰᠠᠨ ᠨᠤᠮ ᠤᠩᠰᠢᠬᠤ ᠲᠠᠭᠠᠭᠠᠯᠭᠠᠪᠤᠷᠢ ᠶᠢ ᠯᠠ ᠶᠢᠨ ᠬᠡᠷᠡᠯ ᠳᠤ | ᠬᠦᠢᠴᠡᠬᠡᠬᠦ ᠬᠡᠷᠡᠭᠳᠡᠢ ᠪᠤᠯᠤᠯᠠ᠃ ᠦᠯᠢᠬᠡᠷ ᠤᠨ ᠲᠡᠪᠳᠡᠷ ᠢᠶᠠᠨ ᠲᠡᠯᠬᠡᠬᠡᠳ ᠯᠠ ᠶᠢᠨ ᠬᠡᠷᠡᠯ ᠵᠦᠭ ᠲᠦᠬᠦᠵᠦ | ᠰᠠᠭᠤᠬᠤ ᠳᠤ ᠨᠢ ︽ᠬᠤᠯᠠ ᠰᠢᠬ ᠰᠠᠭᠤᠭᠠᠷᠠᠢ᠂ ᠬᠡᠵᠢᠬᠡ ᠴᠢᠨᠢ ᠰᠢᠳᠠᠨᠠ︾ ᠬᠡᠵᠦ ᠰᠠᠨᠠᠭᠤᠯᠤᠯᠠ᠃ ᠪᠦᠷᠦᠩᠭᠦᠢ | ᠬᠡᠷᠡᠯ ᠳᠤ ᠲᠤᠮᠪᠤᠶᠢᠨ ᠰᠠᠭᠤᠭᠠᠳ ︽ᠦᠷᠦᠪᠴᠢ ᠰᠡᠳᠬᠢᠯᠳᠦ ᠮᠤᠭᠠᠢ︾ ᠬᠡᠬᠦ ᠦᠯᠢᠬᠡᠷ ᠶᠠᠷᠢᠭᠤᠯᠬᠤ ᠪᠠᠷ ᠪᠤᠯᠤᠯᠠ᠃ | ᠨᠤᠮ ᠤᠨ ᠭᠠᠳᠠᠷ ᠲᠡᠭᠡᠷᠡ ᠨᠢ ᠮᠤᠷᠤᠯᠵᠠᠨ ᠭᠤᠰᠢᠯᠵᠠᠬᠰᠠᠨ ᠮᠤᠭᠠᠢ ᠶᠢᠨ ᠵᠢᠷᠤᠭ ᠲᠠᠢ ᠪᠤᠯᠬᠤᠷ ᠨᠢ ᠵᠢᠪᠡᠬᠦᠴᠡᠵᠦ | ᠦᠬᠡᠷᠡ ᠨᠤᠮ ᠰᠤᠩᠭᠤᠭᠠᠷᠠᠢ ᠬᠡᠬᠦ ᠳᠤ ︽ᠡᠵᠢ ᠡ᠂ ᠮᠤᠭᠠᠢ ᠪᠠᠰᠠ ᠰᠠᠶᠢᠨ ᠨᠠᠶᠢᠵᠠ ᠰᠢᠤ᠂ ᠠᠮᠢᠳᠠᠨ ᠢ | ᠬᠠᠶᠢᠷᠠᠯᠠᠬᠤ ᠬᠡᠷᠡᠭᠳᠡᠢ︾ ᠬᠡᠵᠦ ᠮᠡᠷᠬᠡᠯᠡᠨᠡ᠃ | ᠡᠬᠡ ᠮᠤᠭᠠᠢ ᠠᠶᠢᠯ ᠤᠨ ᠲᠡᠮᠡᠬᠡᠨ ᠨᠤᠤᠰᠤᠨ ᠳᠤ ᠦᠨᠳᠡᠬᠡᠯᠡᠵᠦ ᠬᠡᠨᠡ᠂ ᠲᠡᠷᠡ ᠠᠶᠢᠯ ᠨᠢ ᠲᠡᠷᠬᠡ | ᠬᠦᠰᠬᠡ ᠲᠠᠢ ᠪᠠᠨ ᠨᠡᠬᠦᠬᠡᠳ ᠶᠠᠪᠤᠬᠤ ᠳᠤ ᠡᠬᠡ ᠮᠤᠭᠠᠢ ᠬᠡᠳᠦᠨ ᠡᠳᠦᠷ ᠨᠡᠬᠡᠵᠦ ᠲᠤᠭᠤᠵᠦ ᠬᠦᠢᠴᠡᠬᠡᠳ ᠦᠨᠳᠡᠭᠡ | ᠵᠤᠯᠵᠠᠭᠠ ᠪᠠᠨ ᠰᠠᠬᠢᠵᠦ ᠬᠤᠨᠤᠬᠰᠠᠨ ᠦᠯᠢᠬᠡᠷ ᠶᠤᠮ᠃ ᠦᠷᠡ ᠶᠢᠨ ᠢᠶᠠᠨ ᠬᠤᠶᠢᠨᠠ ᠠᠴᠠ ᠦᠬᠦᠨ ᠵᠢᠳᠭᠦᠵᠦ | ᠮᠦᠯᠬᠦᠨ ᠲᠡᠮᠡᠤᠯᠦᠭᠰᠡᠨ ᠡᠬᠡ ᠮᠤᠭᠠᠢ ᠶᠢᠨ ᠡᠯᠡᠭᠳᠡᠵᠦ ᠪᠠᠷᠠᠬᠳᠠᠨ ᠴᠢᠰᠦ ᠲᠤᠰᠤᠯᠠᠬᠰᠠᠨ ᠡᠯᠢᠬᠡᠨ ᠲᠠᠯᠠ ᠶᠢᠨ | ᠵᠢᠷᠤᠭ ᠢ ᠬᠠᠷᠠᠭᠠᠳ ᠪᠤᠮᠪᠤᠭᠤᠷ ᠬᠠᠴᠠᠷ ᠨᠢ ᠮᠢᠨᠴᠢᠢᠵᠦ ᠴᠢᠮᠡᠭᠡ ᠦᠬᠡᠢ ᠰᠠᠭᠤᠵᠦ ᠪᠠᠶᠢᠬᠰᠠᠨ ᠢᠶᠠᠨ ᠪᠦᠳᠦᠬᠦᠨ | ᠪᠦᠳᠦᠬᠦᠨ ᠨᠢᠯᠪᠤᠰᠤ ᠪᠦᠮᠪᠦᠷᠢᠬᠦᠯᠦᠯᠡ᠃ ᠶᠤᠭᠤᠵᠦ ᠢᠷᠡᠬᠡᠳ ᠬᠦᠵᠦᠬᠦᠨ ᠠᠴᠠ ᠲᠡᠪᠡᠷᠢᠵᠦ ︽ᠡᠵᠢ ᠡ᠂ ᠪᠢ | ᠴᠢᠮᠠ ᠶᠢ ᠬᠠᠶᠠᠵᠦ ᠬᠤᠯᠠ ᠶᠠᠪᠤᠬᠤ ᠦᠬᠡᠢ︾ ︽ᠲᠠᠬᠢᠵᠦ ᠠᠪᠤ ᠲᠠᠢ ᠬᠤᠶᠠᠭᠤᠯᠠ ᠪᠠᠨ ᠪᠠᠶᠠᠨᠮᠠᠩᠬᠠ ᠳᠤ ᠤᠴᠢᠬᠤ | ᠦᠬᠡᠢ᠂ ᠵᠠᠪᠠᠯ ᠴᠢᠮᠠ ᠶᠢ ᠲᠠᠭᠠᠭᠤᠯᠤᠨᠠ︾ ᠬᠡᠵᠦ ᠤᠷᠤᠭᠤᠯ ᠢᠶᠠᠨ ᠴᠤᠷᠪᠤᠶᠢᠯᠭᠠᠨ ᠦᠨᠦᠰᠬᠦ ᠳᠤ ᠪᠢᠳᠡ | ᠬᠤᠶᠠᠷ ᠤᠨ ᠰᠡᠭᠦᠳᠡᠷ ᠰᠡᠬᠦᠳᠡᠩᠨᠡᠨ ᠲᠤᠮᠤᠷᠠᠨᠠ᠃ ᠯᠡ ᠶᠢᠨ ᠬᠡᠷᠡᠯ ᠨᠢᠬᠡ ᠯᠡ ᠵᠤᠷᠪᠤᠰ ᠢᠶᠠᠷ ᠤᠯᠠᠪᠤᠷᠳᠠᠨ᠂ | ᠵᠤᠬᠰᠤᠬᠰᠠᠨ ᠤᠷᠤᠨ ᠢᠶᠠᠨ ᠬᠡᠷᠡᠯᠳᠦᠬᠦᠯᠦᠨ ᠬᠠᠵᠠᠭᠤ ᠬᠠᠪᠢ ᠪᠠᠨ ᠴᠠᠶᠢᠷᠠᠭᠤᠯᠵᠦ ᠪᠠᠶᠢᠯᠠ᠃ | ᠮᠠᠨ ᠢ ᠪᠠᠭᠠ ᠪᠠᠶᠢᠬᠤ ᠳᠤ ᠭᠤᠤᠯᠳᠠᠭᠤ ᠭᠠᠷ ᠳ᠋ᠧᠩ ᠬᠡᠷᠡᠭᠯᠡᠳᠡᠭ ᠶᠤᠮ᠂ ᠭᠠᠷ ᠳ᠋ᠧᠩ ᠤᠳᠤᠭᠠᠰᠢᠨ ᠬᠠᠷᠠᠯᠠᠵᠦ | ᠦᠷᠦᠬᠡ ᠲᠦᠭᠦᠷᠡᠩ ᠴᠢᠶ᠋ᠢᠤ ᠲᠤᠰᠤᠨ ᠦᠨᠦᠷ ᠬᠠᠩᠬᠤᠯᠳᠠᠭ᠃ ᠡᠵᠢ ᠮᠢᠨᠢ ᠪᠤᠷᠪᠢ ᠪᠤᠬᠢᠰᠭᠢᠯ ᠦᠬᠡᠢ ᠶᠠᠭᠠᠷᠠᠬᠰᠠᠨ | ᠡᠳᠦᠷ ᠤᠨ ᠠᠵᠢᠯ ᠢᠶᠠᠨ ᠨᠢᠬᠡ ᠲᠡᠶᠢᠰᠢ ᠪᠤᠯᠭᠠᠵᠦ ᠪᠦᠳᠡᠬᠢ ᠬᠡᠷᠡᠯ ᠳᠤ ᠪᠦᠬᠦ᠋ᠢᠨ ᠰᠠᠭᠤᠭᠠᠳ ᠦᠢᠯᠡ | ᠤᠶᠤᠳᠠᠯ ᠢᠶᠠᠨ ᠲᠡᠯᠬᠡᠳᠡᠭ᠃ ᠤᠳᠠᠰᠤ ᠲᠠᠮᠤᠵᠦ ᠤᠯᠠ ᠰᠢᠷᠢᠵᠦ ᠱᠠᠬᠠᠢ ᠤᠯᠠᠯᠠᠳᠠᠭ᠂ ᠤᠷᠠᠬᠳᠠᠵᠤ ᠰᠡᠮᠡᠷᠡᠭᠰᠡᠨ ᠢ | ᠤᠶᠤᠵᠦ ᠲᠤᠪᠬᠢᠵᠦ ᠨᠦᠬᠦᠬᠡᠰᠦ ᠬᠠᠯᠠᠭᠠᠰᠤ ᠲᠠᠯᠪᠢᠳᠠᠭ᠃ ᠵᠡᠬᠦᠨ ᠪᠠᠷᠠᠭᠤᠨ ᠭᠡᠷ ᠤᠨ ᠰᠢᠨᠡ ᠪᠡᠷᠢ ᠶᠢᠨ ᠬᠦᠨᠵᠢᠯᠡ | ᠲᠡᠪᠢᠰᠭᠡᠷ᠂ ᠰᠢᠨᠡ ᠬᠦᠷᠬᠡᠨ ᠤ ᠤᠭᠤᠳᠠ ᠱᠤᠤᠳᠠᠢ᠂ ᠠᠶᠢᠯ ᠠᠶᠢᠮᠠᠭ ᠤᠨ ᠬᠡᠤᠬᠡᠳ ᠤᠨ ᠰᠢᠨᠠ ᠶᠢᠨ | ᠬᠤᠪᠴᠠᠰᠤ ᠶᠢ ᠰᠦᠨᠢ ᠶᠢᠨ ᠬᠦᠨ ᠪᠤᠯᠳᠠᠯᠠ ᠤᠶᠤᠵᠦ ᠬᠠᠳᠬᠤᠳᠠᠭ ᠪᠠᠶᠢᠯᠠ᠃ | ᠡᠵᠢ ᠮᠢᠨᠢ ᠭᠠᠷ ᠤᠷᠠᠨ ᠪᠤᠯᠬᠤᠷ ᠮᠠᠨ ᠤ ᠭᠡᠳᠦᠬᠦᠯᠡ ᠶᠢᠨ ᠡᠮᠦᠰᠦᠭᠰᠡᠨ ᠬᠤᠪᠴᠠᠰᠤ ᠬᠤᠨᠠᠷ ᠪᠦᠷ ᠰᠢᠨᠠ | ᠭᠡᠯᠪᠡᠷᠢ ᠶᠢᠨ ᠪᠦᠬᠡᠳ ᠱᠠᠬᠠᠢ ᠭᠤᠳᠤᠯ ᠨᠢ ᠬᠤᠸᠠᠷ ᠬᠠᠳᠬᠤᠮᠠᠯ ᠲᠠᠢ ᠪᠠᠶᠢᠬᠰᠠᠨ ᠶᠤᠮ᠃ ᠡᠵᠢ ᠮᠢᠨᠢ ᠬᠡᠴᠢᠨᠡᠨ | ᠤᠷᠤᠢ ᠨᠦᠢᠷ ᠢᠶᠠᠨ ᠦᠷᠡᠬᠡᠵᠦ ᠬᠤᠷᠤᠭᠤ ᠬᠢᠮᠤᠰᠤ ᠪᠠᠨ ᠪᠠᠷᠠᠭᠠᠵᠦ ᠨᠢᠬᠡ ᠵᠦᠢᠷᠡᠢ ᠭᠤᠳᠤᠯ ᠤᠶᠤᠳᠠᠭ ᠪᠠᠶᠢᠬᠰᠠᠨ | ᠪᠣᠯ︖ ᠰᠢᠨᠡ ᠶᠠᠭᠤᠮᠠ ᠶᠢ ᠰᠢᠨᠠ ᠶᠤᠰᠤ ᠪᠠᠷ ᠡᠮᠦᠰᠦᠭᠰᠡᠨ ᠤᠳᠠᠭᠠ ᠴᠦᠬᠡᠨ ᠶᠤᠮ ᠳ᠋ᠠ᠃ ᠬᠡᠷᠡᠮ ᠬᠠᠰᠢᠶᠠ᠂ | ᠨᠦᠬᠡ ᠭᠤᠤ ᠦᠬᠡᠢ ᠬᠦᠶᠦᠯᠴᠠᠵᠦ ᠨᠢᠬᠡ ᠭᠠᠷᠠᠭ ᠪᠤᠯᠤᠯ ᠦᠬᠡᠢ ᠤᠯᠠ ᠶᠢ ᠨᠢ ᠰᠠᠯᠭᠠᠵᠦ ᠵᠤᠯᠤᠭ ᠢ ᠨᠢ | ᠵᠤᠯᠭᠠᠴᠢᠬᠠᠳᠠᠭ ᠪᠠᠶᠢᠬᠰᠠᠨ᠃ ᠪᠤᠳᠠᠭᠠ ᠭᠤᠯᠢᠷ ᠳᠡᠭᠡᠷᠮᠡᠳᠡᠬᠦ ᠠᠵᠢᠯ ᠢᠶᠠᠨ ᠴᠦ ᠤᠷᠤᠢ ᠰᠦᠨᠢ ᠪᠠᠷ ᠬᠢᠳᠡᠭ ᠶᠤᠮ᠃ | ᠬᠠᠭᠠᠰ ᠮᠠᠯᠵᠢᠬᠤ ᠬᠠᠭᠠᠰ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠤ ᠪᠦᠰᠡᠬᠦ᠋ᠢᠴᠦᠳ ᠤᠨ ᠲᠡᠷᠡ ᠤᠯᠠᠨ ᠠᠵᠢᠯ ᠢ ᠠᠯᠢ ᠶᠢ ᠨᠢ | ᠬᠡᠯᠡᠬᠦᠪ᠂ ᠤᠷᠤᠢ ᠪᠦᠷᠦᠢ ᠪᠤᠯᠵᠦ ᠯᠠ ᠵᠤᠯᠠ ᠬᠡᠷᠡᠯᠳᠦᠬᠦ ᠪᠠᠷ ᠡᠳᠦᠷ ᠤᠨ ᠠᠵᠢᠯ ᠪᠠᠷᠠᠬᠤ ᠦᠬᠡᠢ ᠴᠦ ᠪᠠᠷᠠᠭᠠᠵᠦ | ᠰᠦᠨᠢ ᠶᠢᠨ ᠠᠵᠢᠯ ᠡᠬᠢᠯᠡᠳᠡᠭ᠃ ︽ᠬᠡᠤᠬᠡ ᠡ᠂ ᠡᠵᠢ ᠪᠠᠨ ᠲᠡᠭᠡᠷᠮᠠ ᠶᠢᠨ ᠬᠡᠷ ᠲᠤ ᠬᠦᠷᠬᠡᠬᠡᠳ ᠠᠯᠢ︾ | ᠬᠡᠬᠦ ᠪᠠᠷ ᠨᠢ ᠡᠯᠵᠢᠬᠡ ᠬᠦᠳᠦᠯᠬᠦ ᠨᠢ ᠬᠦᠳᠦᠯᠵᠦ᠂ ᠲᠤᠤ ᠲᠡᠭᠡᠰᠦ ᠡᠬᠦᠷᠬᠦ ᠨᠢ ᠡᠬᠦᠷᠴᠦ᠂ ᠲᠡᠪᠢᠬᠦᠷ ᠰᠠᠶᠢᠵᠠ | ᠪᠠᠷᠢᠬᠤ ᠨᠢ ᠪᠠᠷᠢᠵᠦ ᠬᠡᠳᠦᠬᠦᠯᠡ ᠪᠠᠨ ᠲᠦᠩᠭᠦᠷ ᠲᠠᠩᠭᠠᠷ ᠶᠠᠷᠢᠯᠴᠠᠬᠰᠠᠭᠠᠷ ᠲᠡᠭᠡᠷᠮᠠ ᠶᠢᠨ ᠬᠡᠷ ᠲᠤ ᠬᠦᠷᠳᠡᠭ᠃ | ᠲᠡᠭᠡᠷᠮᠠ ᠶᠢᠨ ᠬᠡᠷ ᠤᠨ ᠵᠢᠵᠢᠭᠬᠡᠨ ᠴᠤᠩᠬᠤᠨ ᠲᠡᠭᠡᠷᠡ ᠭᠠᠷ ᠳ᠋ᠧᠩ ᠢᠶᠠᠨ ᠡᠯᠬᠦᠬᠦ ᠳᠤ ᠰᠦᠳᠡᠬᠡᠷ ᠴᠠᠭᠠᠨ ᠬᠡᠷᠡᠯ ᠨᠢ | ᠲᠡᠭᠡᠷᠮᠠ ᠶᠢᠨ ᠲᠠᠶᠢᠰᠠ᠂ ᠪᠤᠯᠦ ᠶᠢ ᠬᠡᠷᠡᠯᠳᠦᠬᠦᠯᠦᠨᠡ᠃ ᠬᠠᠶᠠ ᠭᠠᠳᠠᠨᠠᠬᠢ ᠵᠢᠪᠠᠷ ᠲᠤ ᠬᠤᠷᠦ᠋ᠢᠯᠵᠠᠨ ᠭᠤᠤᠯ ᠨᠢ | ᠤᠯᠠᠯᠵᠠᠨᠠ᠃ ᠲᠡᠬᠡᠷᠮᠡ ᠡᠷᠬᠢᠭᠰᠡᠨ ᠡᠯᠵᠢᠬᠡ ᠬᠡᠨᠡᠳᠡᠭᠦᠯᠦᠨ ᠬᠡᠨᠡᠳᠡᠬᠦᠯᠦᠨ ᠲᠡᠭᠡᠷᠮᠠ ᠶᠢᠨ ᠲᠠᠶᠢᠰᠠᠨ ᠠᠴᠠ ᠭᠤᠯᠢᠷ | ᠡᠮᠬᠦᠬᠦ ᠳᠤ ᠡᠵᠢ ᠲᠡᠭᠡᠷᠮᠠ ᠶᠢᠨ ᠲᠠᠶᠢᠰᠠ ᠱᠦᠬᠦᠷᠳᠡᠭᠰᠡᠨ ᠲᠤᠤᠵᠤᠤ ᠶᠢᠨ ᠡᠰᠢ ᠪᠠᠷ ᠬᠦᠪᠢᠵᠦ ᠭᠠᠷᠤᠨᠠ᠃ ᠨᠦᠢᠷ | ᠬᠦᠷᠦᠭᠰᠡᠨ ᠪᠢᠳᠡ ᠡᠵᠢ᠂ ᠡᠯᠵᠢᠬᠡ ᠬᠤᠶᠠᠷ ᠤᠨ ᠵᠦᠴᠦᠬᠡ ᠶᠢ ᠬᠠᠷᠠᠬᠤ ᠲᠡᠩᠭᠡᠭᠡ ᠦᠬᠡᠢ ᠪᠤᠯᠵᠦ ᠲᠤᠷᠴᠦ | ᠪᠦᠳᠦᠴᠢᠨ ᠬᠡᠷ ᠲᠤ ᠪᠠᠨ ᠪᠤᠴᠠᠳᠠᠭ᠃ ᠲᠤᠰᠤᠨ ᠳ᠋ᠧᠩ ᠤᠨ ᠪᠦᠳᠡᠬᠢ ᠬᠡᠷᠡᠯ ᠬᠡᠴᠢᠨᠡᠨ ᠤᠷᠤᠢ ᠡᠵᠢ ᠳᠤ ᠮᠢᠨᠢ ᠬᠠᠨᠢ | ᠪᠤᠯᠵᠦ ᠪᠠᠶᠢᠬᠰᠠᠨ ᠪᠣᠯ⁈ | ᠠᠪᠤ ᠮᠢᠨᠢ ᠮᠠᠨ ᠤ ᠡᠬᠡᠴᠢ ᠲᠡᠭᠦᠦ ᠭᠤᠷᠪᠠᠭᠤᠯᠠ ᠶᠢ ᠲᠤᠭᠤᠷᠢᠭᠤᠯᠤᠨ ᠰᠠᠭᠤᠯᠭᠠᠵᠦ ᠵᠢᠷᠤᠬᠳᠤ ᠲᠡᠪᠳᠡᠷ | ᠤᠩᠰᠢᠵᠦ ᠦᠭᠭᠦ ᠪᠤᠶᠤ ᠠᠮᠠᠨ ᠦᠯᠢᠬᠡᠷ ᠶᠠᠷᠢᠵᠦ ᠦᠭᠳᠡᠭ᠃ ᠠᠪᠤ ᠶᠠᠪᠠᠭᠠᠨ ᠦᠯᠢᠬᠡᠷ ᠶᠠᠷᠢᠬᠤ ᠳᠤ ᠪᠠᠨ ᠠᠮᠢᠳᠤ | ᠲᠦᠷᠰᠦᠯᠢᠭ ᠰᠠᠶᠢᠬᠠᠨ ᠬᠡᠯᠡᠳᠡᠭ ᠪᠠᠶᠢᠬᠰᠠᠨ ᠪᠦᠬᠡᠳ ᠡᠯᠬᠦᠬᠡ ᠬᠤᠷᠰᠢᠶᠠ ᠦᠬᠡ ᠬᠡᠯᠡᠬᠦ ᠶᠤᠮ ᠪᠣᠯ ᠬᠢᠷᠢ | ᠪᠠᠷᠤᠭ ᠤᠨ ᠬᠦᠮᠦᠨ ᠢ ᠤᠷᠢᠳᠤᠭᠤᠷ ᠢᠶᠠᠨ ᠭᠠᠷᠭᠠᠳᠠᠭ ᠦᠬᠡᠢ᠃ ᠠᠷᠠᠢ ᠨᠠᠢᠮᠠᠨ ᠴᠠᠭ ᠪᠤᠯᠬᠤ ᠳᠤ ᠯᠠ ᠷᠠᠳᠢᠣ᠋ ᠪᠠᠨ | ᠨᠡᠬᠡᠬᠡᠵᠦ ᠬᠤᠭᠤᠷ ᠤᠨ ᠦᠯᠢᠬᠡᠷ ᠰᠤᠨᠤᠰᠴᠠᠭᠠᠳᠠᠭ᠃ ᠦᠳᠡ ᠶᠢᠨ ᠠᠷᠪᠠᠨ ᠬᠤᠶᠠᠷ ᠴᠠᠭ᠂ ᠤᠷᠤᠢ ᠶᠢᠨ ᠨᠠᠢᠮᠠᠨ | ᠴᠠᠭ ᠪᠣᠯ ︽ᠵᠢᠷᠢᠮ ᠤᠨ ᠠᠷᠠᠳ ᠤᠨ ᠷᠠᠳᠢᠣ᠋ ᠨᠡᠪᠳᠡᠷᠡᠭᠦᠯᠬᠡ ᠶᠢᠨ ᠬᠤᠷᠢᠶᠠ︾ ᠶᠢᠨ ᠬᠤᠭᠤᠷ ᠤᠨ ᠦᠯᠢᠬᠡᠷ | ᠨᠡᠪᠳᠡᠷᠡᠭᠦᠯᠬᠦ ᠴᠠᠭ ᠶᠤᠮ᠃ ᠦᠳᠡ ᠳᠤ ᠠᠵᠢᠯ ᠶᠡᠬᠡᠳᠡᠢ ᠠᠴᠠ ᠪᠤᠯᠵᠦ ᠪᠠᠷᠤᠭ ᠲᠠᠢ ᠳᠤ ᠤᠯᠵᠦ ᠰᠤᠨᠤᠰᠳᠠᠭ ᠦᠬᠡᠢ | ᠃ ᠤᠷᠤᠢ ᠪᠤᠯᠬᠤ ᠪᠠᠷ ᠨᠢ ᠵᠢᠵᠢᠭ ᠷᠠᠳᠢᠣ᠋ ᠪᠠᠨ ᠬᠠᠨᠵᠤᠨ ᠭᠤᠤᠯ ᠳᠠᠭᠠᠨ ᠵᠠᠯᠠᠵᠦ ᠦᠪᠡᠷ ᠦᠪᠡᠷ ᠤᠨ ᠲᠤᠭᠤᠵᠦ | ᠪᠠᠭ᠋ᠠᠷᠬᠠᠳᠠᠭ ᠦᠷᠯᠦᠭ ᠵᠠᠩᠵᠤᠨ ᠤ ᠨᠡᠷᠡ ᠶᠢ ᠲᠠᠭᠤᠳᠠᠵᠦ ᠮᠦᠴᠡᠷᠬᠡᠳᠡᠭ᠃ ︽ᠯᠤᠤ ᠪᠠᠷᠰ ᠤᠨ ᠬᠤᠶᠠᠷ ᠠᠭᠤᠯᠠ︾ | ᠂ ︽ᠯᠤᠤ ᠪᠠᠷᠰ ᠤᠨ ᠬᠤᠶᠠᠷ ᠬᠦᠬᠦᠷᠬᠡ︾ ᠶᠢᠨ ᠲᠡᠷᠡ ᠤᠯᠠᠨ ᠵᠠᠩᠵᠤᠨ ᠤ ᠵᠡᠷᠬᠡ ᠴᠣᠯᠠ᠂ ᠤᠨᠤᠬᠰᠠᠨ ᠬᠦᠯᠦᠭ᠂ | ᠠᠳᠬᠤᠬᠰᠠᠨ ᠵᠡᠪᠰᠡᠭ ᠢ ᠴᠡᠬᠡᠵᠢᠯᠡᠵᠦ ᠪᠠᠶᠢᠬᠰᠠᠨ ᠮᠢᠨᠢ ᠶᠠᠮᠠᠷ ᠰᠠᠶᠢᠬᠠᠨ ᠬᠡᠯᠡ ᠰᠤᠶᠤᠯ ᠤᠨ ᠤᠯᠠᠮᠵᠢᠯᠠᠯ ᠪᠠᠶᠢᠯᠠ᠃ | ᠮᠢᠨᠦ ᠬᠠᠭᠤᠯᠵᠦ ᠴᠤᠬᠯᠠᠭᠤᠯᠤᠬᠰᠠᠨ ᠬᠠᠮᠤᠭ ᠠᠩᠬᠠᠨ ᠤ ᠰᠤᠩᠭᠤᠳᠠᠭ ᠪᠠᠳᠠᠭ ᠪᠣᠯ ᠬᠤᠭᠤᠷ ᠤᠨ ᠦᠯᠢᠬᠡᠷ ᠤᠨ | ᠬᠡᠯᠡᠯᠬᠡ ᠪᠠᠶᠢᠬᠰᠠᠨ ᠶᠤᠮ᠃ | ᠠᠪᠤ ᠠᠷᠤᠭ ᠰᠠᠬᠰᠤ ᠪᠤᠶᠤ ᠲᠤᠤᠵᠤᠤ᠂ ᠲᠤᠭᠤᠭᠠᠨ ᠱᠦᠬᠦᠷ ᠬᠦᠷᠦᠵᠦ ᠰᠠᠭᠤᠬᠤ ᠳᠤ ᠨᠢ ᠠᠩᠭᠠᠬᠠᠢ ᠰᠢᠬ | ᠲᠡᠭᠳᠡᠯᠵᠡᠵᠦ ᠡᠮᠦᠨᠡᠬᠦᠷ ᠬᠤᠶᠢᠭᠤᠷ ᠨᠢ ᠰᠦᠯᠵᠢᠯᠳᠤᠨ ᠰᠡᠬᠦᠳᠡᠷᠰᠢᠨ ᠭᠠᠷ ᠳ᠋ᠧᠩ ᠤᠨ ᠪᠦᠳᠡᠬᠡᠷ ᠬᠡᠷᠡᠯ ᠢ ᠨᠢ | ᠬᠠᠷᠠᠩᠭᠤᠶᠢᠯᠠᠬᠤ ᠳᠤ ᠪᠠᠨ ᠬᠤᠷᠳᠤᠬᠠᠨ ᠰᠢᠨᠡᠯᠡᠬᠡᠰᠡᠢ︕ ᠡᠵᠢ ᠰᠢᠨᠡ ᠶᠢᠨ ᠮᠠᠶᠢᠮᠠᠢ ᠬᠢᠬᠦ ᠳᠡᠭᠡᠨ ᠯᠠ ᠬᠤᠳᠠᠯᠳᠤᠨ | ᠠᠪᠴᠢᠷᠠᠨᠠ ᠳ᠋ᠠ ᠬᠡᠵᠦ ᠪᠤᠳᠤᠳᠠᠭ ᠪᠠᠶᠢᠬᠰᠠᠨ ᠰᠢᠤ᠃ ᠰᠠᠷᠠ ᠰᠢᠨᠡ ᠶᠢᠨ ᠦᠶᠡ ᠳᠤ ᠯᠡ ᠰᠠᠶ᠋ᠢ ᠯᠠ ᠨᠤᠴᠤᠭᠠᠳᠠᠭ | ᠠᠮᠢᠳᠤᠷᠠᠯ ᠶᠠᠮᠠᠷ ᠬᠦᠬᠡᠷᠦᠬᠦᠢ ᠪᠠᠶᠢᠬᠰᠠᠨ ᠬᠡᠵᠦ ᠰᠠᠨᠠᠨᠠ᠃ | ᠤᠨ ᠵᠢᠯ ᠲᠡᠬᠡᠷᠮᠡ ᠶᠢᠨ ᠡᠯᠵᠢᠬᠡ ᠰᠢᠭ ᠡᠷᠭᠢᠭᠰᠡᠭᠡᠷ ᠨᠢᠬᠡ ᠮᠡᠳᠡᠬᠦ ᠳᠤ ᠭᠤᠴᠢᠨ ᠵᠢᠯ ᠦᠩᠭᠡᠷᠡᠯᠡ᠃ ᠯᠠ | ᠬᠦᠰᠡᠭᠰᠡᠨ ᠬᠡᠤᠬᠡᠳ ᠮᠤᠩᠭᠤᠯ ᠬᠡᠯᠡᠨ ᠤ ᠪᠠᠭᠰᠢ ᠪᠤᠯᠵᠦ ᠬᠠᠷᠠ ᠰᠠᠮᠪᠠᠷᠠ ᠶᠢᠨ ᠡᠮᠦᠨᠡ ᠪᠠᠷᠳᠠᠮ ᠵᠤᠬᠰᠤᠬᠤ | ᠪᠤᠯᠤᠯᠠ᠃ ᠮᠢᠨᠦ ︽ᠬᠡᠷᠡᠯ︾ ᠰᠤᠷᠤᠬᠴᠢᠳ ᠤᠨ ᠤᠶᠤᠨ ᠢ᠂ ᠰᠡᠳᠬᠢᠯ ᠢ᠂ ᠤᠬᠠᠭᠠᠨ ᠢ ᠬᠡᠳᠦᠢ ᠬᠤᠯᠠ | ᠬᠡᠶᠢᠬᠦᠯᠵᠦ ᠪᠠᠶᠢᠳᠠᠭ ᠪᠤᠯ ᠁ | ᠤᠨᠳᠠᠬᠤ ᠭᠡᠵᠦ ᠯᠠ ᠪᠠᠨ ᠤᠨᠳᠠᠷᠭᠠᠬᠤ ᠪᠤᠯᠤᠬᠰᠠᠨ ᠳᠤ ᠦᠬᠢᠨ ᠮᠢᠨᠢ ᠬᠡᠨᠡᠳᠳᠡ ︽ᠡᠵᠢ ᠡ᠂ ᠯᠠ ᠶᠠᠭᠠᠬᠢᠭᠠᠳ | ᠡᠶᠢᠮᠦ ᠪᠤᠭᠤᠨᠢ ᠪᠤᠯᠴᠢᠬᠠᠬᠰᠠᠨ ᠪᠤᠢ︖︾ ᠬᠡᠯᠡ᠃ ︽ᠯᠡ ᠪᠤᠰᠤᠳ ᠲᠤ ᠭᠡᠷᠡᠯ ᠬᠡᠬᠡ ᠤᠯᠭᠤᠬᠤ ᠶᠢᠨ ᠲᠦᠯᠦᠬᠡ | ᠦᠪᠡᠷ ᠢᠶᠠᠨ ᠬᠠᠶᠢᠯᠵᠦ ᠤᠷᠤᠰᠳᠠᠭ ᠰᠢᠤ︾ ᠬᠡᠵᠦ ᠬᠡᠯᠡᠵᠦ ᠵᠤᠷᠰᠢᠬᠰᠠᠨ ᠶᠤᠰᠤ ᠪᠠᠨ ᠶᠠᠷᠢᠯᠠ᠃ | ᠦᠷᠡ ᠬᠡᠤᠬᠡᠳ ᠤᠨ ᠢᠶᠠᠨ ᠲᠦᠯᠦᠬᠡ ᠬᠡᠵᠦ ᠵᠢᠳᠬᠦᠨ ᠠᠮᠢᠳᠤᠷᠠᠯ ᠳᠤ ᠯᠠ ᠰᠢᠬ ᠠᠰᠠᠵᠦ ᠶᠠᠪᠤᠬᠰᠠᠨ ᠠᠪᠤ ᠡᠵᠢ | ᠬᠤᠶᠠᠷ ᠮᠢᠨᠢ ᠤᠯᠠᠮ ᠤᠯᠠᠮ ᠰᠦᠮᠡᠯᠵᠡᠨ ᠵᠢᠵᠢᠭᠷᠡᠨ᠂ ᠭᠠᠭᠴᠠᠬᠦ ᠦᠬᠢᠨ ᠮᠢᠨᠢ ᠴᠠᠬᠢᠯᠭᠠᠨ ᠳ᠋ᠧᠩ ᠰᠢᠭ ᠬᠡᠷᠡᠯᠳᠦᠬᠦ | ᠪᠤᠯᠤᠬᠰᠠᠨ ᠢ ᠤᠬᠠᠭᠠᠷᠠᠬᠤ ᠶᠢᠨ ᠭᠱᠠᠨ ᠳᠤ ᠯᠠ ᠠᠴᠠ ᠤᠷᠤᠰᠤᠬᠰᠠᠨ ᠨᠢᠯᠪᠤᠰᠤᠨ ᠲᠤᠰᠤᠯ ᠵᠢᠷᠦᠬᠡᠨ ᠲᠡᠭᠡᠷᠡ | ᠲᠤᠰᠴᠦ ᠪᠠᠶᠢᠯᠠ︕ | ᠵᠣᠬᠢᠶᠠᠭᠴᠢ᠄ ᠄ ● ᠯ᠊ · ᠰᠤᠨᠢᠨ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠬ᠄ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ ᠨᠢᠭᠡᠳᠦᠭᠡᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ |