| ᠠᠷᠣ ᠬᠤᠷᠴᠢᠨ ᠤ ᠤᠶᠢᠷᠠ ᠦᠶᠡ ᠶᠢᠨ ᠲᠡᠤᠬᠡᠨ ᠳᠤ ᠤᠯᠠᠨ ᠠᠷᠪᠢᠨ ᠨᠡᠷᠡᠳᠤ ᠬᠤᠭᠤᠷᠴᠢᠳ ᠴᠤᠯᠭᠤᠷᠠᠨ | ᠭᠠᠷᠣᠭᠰᠠᠨ ᠶᠤᠮ᠃ ᠲᠡᠳᠡᠨᠠᠷ ᠤᠨ ᠲᠣᠳᠣᠷᠠ ᠡᠷᠳᠡᠨ ᠤ ᠬᠤᠭᠤᠷ ᠤᠨ ᠦᠯᠢᠭᠡᠷ ᠢ ᠵᠠᠯᠭᠠᠮᠵᠢᠯᠠᠨ ᠬᠡᠯᠡᠭᠰᠡᠨ | ᠣᠨᠴᠠᠭᠠᠢ ᠨᠢᠭᠡᠨ ᠬᠦᠮᠦᠨ ᠪᠣᠯ ᠭᠤᠩᠭᠠ ᠬᠤᠭᠤᠷᠴᠢ ᠪᠣᠯᠣᠨᠠ᠃ ᠲᠡᠭᠦᠨ ᠢ ᠬᠠᠭᠤᠴᠢᠨ ᠰᠢᠨᠡ ᠴᠠᠭ ᠦᠶᠡ ᠶᠢᠨ | ᠬᠤᠭᠤᠷ ᠤᠨ ᠦᠯᠢᠭᠡᠷ ᠢ ᠵᠣᠯᠭᠠᠭᠤᠯᠣᠭᠰᠠᠨ ᠶᠡᠭᠡ ᠬᠤᠭᠤᠷᠴᠢ ᠭᠡᠵᠤ ᠬᠡᠯᠡᠳᠡᠭ᠃ | ᠬᠤᠭᠤᠷᠴᠢ ᠭᠤᠩᠭᠠ ᠲᠦᠪᠡᠳ ᠦᠨᠳᠤᠰᠤᠳᠡᠨ᠂ ᠲᠦᠪᠡᠳ ᠤᠨ ᠪᠤᠳᠠᠯᠠ ᠤᠷᠳᠤᠨ ᠤ ᠬᠠᠪᠢ ᠶᠢᠨ | ᠰᠠᠭᠤᠭᠠᠯᠢ ᠠᠷᠠᠳ ᠭᠡᠳᠡᠭ᠃ ᠬᠤᠭᠤᠷᠴᠢ ᠭᠤᠩᠭᠠ ᠶᠢᠨ ᠡᠴᠢᠭᠡ ᠳᠤᠨᠤᠷᠤᠪ ᠪᠤᠯ ᠴᠢᠪᠠᠭᠠ ᠶᠢᠨ ᠰᠦᠮᠡ ᠶᠢᠨ | ᠬᠤᠪᠢᠯᠭᠠᠨ ᠯᠠᠮᠠ ᠶᠢᠨ ᠡᠷᠬᠦᠯᠳᠡ ᠶᠢᠨ ᠱᠠᠪᠢ ᠪᠠᠷ ᠪᠠᠷᠠᠭᠤᠨ ᠤᠷᠤᠨ ᠠᠴᠠ ᠠᠷᠣ ᠬᠤᠷᠴᠢᠨ ᠳᠤ ᠢᠷᠡᠭᠡᠳ ᠱᠠᠰᠢᠨ | ᠰᠣᠶᠣᠯ ᠤᠨ ᠲᠦᠯᠦᠭᠡ ᠵᠢᠳᠬᠦᠵᠤ ᠰᠦᠵᠢᠭ ᠢᠶᠠᠨ ᠭᠦᠢᠴᠡᠳᠬᠡᠵᠦ ᠶᠠᠪᠤᠵᠠᠢ᠃ ᠬᠤᠵᠢᠮ ᠨᠢ ᠠᠮᠢᠳᠣᠷᠠᠯ ᠠᠳᠠᠯ ᠤᠨ | ᠡᠷᠬᠡ ᠪᠠᠷ ᠠᠳᠡ ᠠᠶᠢᠯ ᠡᠷᠦᠭᠡ ᠪᠤᠯᠵᠦ ᠰᠠᠭᠤᠯ ᠠ ᠭᠡᠳᠡᠭ᠃ ᠭᠤᠩᠭᠠ 1886 ᠤᠨ ᠳᠤ ᠴᠢᠪᠠᠭᠠ ᠶᠢᠨ | ᠰᠦᠮᠡ ᠶᠢᠨ ᠠᠶᠢᠯ ᠳᠤ ᠲᠦᠷᠦᠵᠡᠢ᠃ 1963 ᠣᠨ ᠤ 1 ᠰᠠᠷᠠ ᠳᠤ ᠨᠠᠰᠤ ᠪᠠᠷᠠᠪᠠ᠃ | ᠬᠤᠭᠤᠷᠴᠢ ᠭᠤᠩᠭᠠ 7 ᠨᠠᠰᠤᠨ ᠠᠴᠠ ᠪᠠᠨ 25 ᠨᠠᠰᠤ ᠪᠤᠯᠳᠠᠯᠠ ᠴᠢᠪᠠᠭᠠ ᠶᠢᠨ ᠰᠦᠮᠡ ᠳᠤ ᠰᠠᠭᠤᠵᠦ᠂ | ᠲᠦᠪᠡᠳ ᠤᠩᠰᠢᠯᠭᠠ ᠪᠤᠯᠤᠨ ᠮᠤᠩᠭᠤᠯ ᠮᠠᠨᠵᠦ ᠪᠢᠴᠢᠭ ᠰᠤᠷᠴᠠᠢ᠃ ᠰᠦᠮᠡ ᠶᠢᠨ ᠰᠠᠩ ᠳᠤ ᠵᠠᠷᠣᠭᠳᠠᠬᠤ ᠶᠢᠨ | ᠲᠠᠭᠠᠤ ᠨᠤᠮ ᠤᠩᠰᠢᠯᠭᠠ ᠰᠤᠷᠴᠤ᠂ ᠮᠤᠩᠭᠤᠯ ᠮᠠᠨᠵᠤ ᠦᠰᠦᠭ ᠲᠤ ᠴᠠᠭᠠᠷᠠᠪᠠ᠃ ᠳᠡᠷᠡᠴᠢᠯᠡᠨ ᠨᠣᠮ ᠰᠤᠳᠤᠷ | ᠪᠢᠴᠢᠭ ᠦᠵᠡᠬᠦ ᠶᠢᠨ ᠵᠡᠷᠭᠡᠪᠡᠷ ᠠᠶᠠᠯᠭᠤ ᠬᠦᠭᠵᠢᠮ ᠢ ᠰᠤᠨᠢᠷᠬᠠᠨ ᠬᠤᠯᠪᠣᠭᠠ ᠰᠢᠯᠦᠭ ᠲᠤ ᠪᠠᠭ᠋ᠠᠳᠠᠢ ᠪᠣᠯᠵᠠᠢ᠃ | ᠲᠡᠷᠡ ᠰᠦᠮᠡ ᠰᠠᠩ ᠳᠤ ᠢᠷᠡᠵᠤ ᠦᠯᠢᠭᠡᠷ ᠬᠤᠯᠪᠣᠭᠠ ᠬᠡᠯᠡᠬᠦ ᠬᠤᠭᠤᠷᠴᠢᠳ ᠤᠨ ᠤᠷᠠ ᠲᠡᠮ ᠢ ᠬᠢᠴᠢᠶᠡᠨ ᠰᠤᠷᠴᠤ | ᠂ ᠦᠪᠡᠷ ᠢᠶᠠᠨ ᠴᠦ ᠬᠤᠭᠤᠷ ᠬᠦᠭᠵᠢᠮ ᠵᠣᠬᠢᠶᠠᠨ ᠦᠯᠢᠭᠡᠷ ᠬᠤᠯᠪᠣᠭᠠ ᠬᠡᠯᠡᠬᠦ ᠪᠣᠯᠪᠠ᠃ ᠠᠬᠠᠮᠠᠳ | ᠪᠤᠭᠤᠷᠤᠯᠴᠣᠳ ᠤᠨ ᠬᠠᠭᠤᠴᠢᠯᠠᠨ ᠤᠯᠠᠮᠵᠢᠯᠠᠭᠰᠠᠨ ᠢᠶᠠᠷ ᠲᠡᠷᠨ ᠪᠠᠭᠠ ᠠᠴᠠ ᠪᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠬᠤᠭᠤᠷ | ᠬᠦᠭᠵᠢᠮ ᠳᠤ ᠪᠠᠭ᠋ᠠᠳᠡᠢ᠂ ᠬᠤᠯᠪᠤᠭᠠ ᠦᠯᠢᠭᠡᠷ ᠲᠤ ᠲᠤᠷᠡᠳᠡᠢ ᠪᠤᠯᠬᠤᠷ ᠨᠤᠮ ᠤᠨ ᠬᠤᠷᠠᠯ ᠤᠨ ᠴᠢᠯᠦᠭᠡ ᠪᠠᠷ ᠢᠶᠠᠨ | ᠮᠤᠩᠭᠤᠯ ᠰᠢᠯᠦᠭ ᠲᠠᠭᠤᠯᠠᠯ ᠢ ᠪᠠᠭ᠋ᠠᠷᠬᠠᠨ ᠴᠡᠭᠡᠵᠢᠯᠡᠵᠤ᠂ ᠬᠠᠪᠣᠳᠤ ᠰᠠᠶᠢᠬᠠᠨ ᠦᠭᠡ ᠪᠠᠷ ᠠᠯᠢ ᠪᠦᠬᠦᠨ ᠢ ᠬᠤᠯᠪᠣᠨ | ᠵᠦᠢᠷᠯᠡᠳᠡᠭ ᠭᠡᠨᠡ᠃ ᠬᠦᠳᠡᠭᠡ ᠠᠶᠢᠯ ᠳᠤ ᠵᠠᠯᠠᠭᠳᠡᠨ ᠨᠤᠮ ᠤᠩᠰᠢᠬᠤ ᠲᠡᠰᠢᠷᠡᠮ ᠳᠤ ᠴᠦ᠄ | ᠡᠬᠦᠳᠡᠨ ᠤ ᠴᠢᠨᠢ ᠲᠡᠷᠭᠡᠳᠡ | ᠦᠩᠭᠡ ᠶᠢᠨ ᠴᠡᠴᠡᠭ ᠲᠡᠯᠭᠡᠷᠡᠭ | ᠦᠩᠭᠡ ᠶᠢᠨ ᠴᠡᠴᠡᠭ ᠤᠨ ᠬᠢᠨᠢ ᠲᠡᠭᠡᠷᠡ ᠨᠢ | ᠡᠪᠤᠭᠡᠨ ᠪᠤᠷᠬᠠᠨ ᠵᠠᠯᠠᠷᠠᠭ | ᠡᠪᠤᠭᠡᠨ ᠪᠤᠷᠬᠠᠨ ᠤ ᠠᠪᠤᠷᠠᠯ ᠢᠶᠠᠷ | ᠡᠪᠡᠳᠴᠢᠨ ᠦᠭᠡᠢ ᠵᠢᠷᠭᠠᠵᠠᠭᠠ ᠳ᠋ᠠ | ᠬᠤᠶᠢᠳᠡᠢ ᠶᠡᠭᠡ ᠬᠠᠶᠠᠭᠠᠨ ᠳᠤ ᠴᠢᠨᠢ | ᠬᠠᠶᠢᠳᠠᠩ ᠴᠡᠴᠡᠭ ᠲᠡᠯᠭᠡᠷᠡᠭ | ᠬᠠᠶᠢᠳᠠᠩ ᠴᠡᠴᠡᠭ ᠤᠨ ᠲᠡᠭᠡᠷᠡ ᠨᠢ | ᠬᠠᠶ᠋ᠢᠩᠬᠠᠷᠸᠠ ᠪᠤᠷᠬᠠᠨ ᠵᠠᠯᠠᠷᠠᠭ | ᠬᠠᠶ᠋ᠢᠩᠬᠠᠷᠸᠠ ᠶᠢᠨ ᠠᠪᠤᠷᠡᠯ ᠢᠶᠠᠷ | ᠬᠠᠭᠰᠢᠭᠤᠷ ᠦᠭᠡᠢ ᠵᠢᠷᠭᠠᠵᠠᠭᠠ ᠳ᠋ᠠ︕ ᠭᠡᠵᠤ ᠬᠤᠯᠪᠤᠨ ᠰᠢᠯᠦᠭᠯᠡᠵᠦ ᠮᠠᠭᠳᠠᠨ ᠢᠷᠦᠭᠡᠳᠡᠭ ᠪᠠᠶᠢᠵᠠᠢ᠃ | ᠲᠡᠭᠦᠨ ᠤ ᠤᠢ ᠪᠢᠯᠢᠭ ᠰᠠᠶᠢᠨ᠂ ᠴᠡᠭᠡᠵᠢᠯᠡᠬᠦ ᠳᠤ ᠠᠪᠢᠶᠠᠰᠯᠢᠭ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠠᠬᠠᠮᠠᠳ ᠲᠣᠮᠣᠭᠠᠳᠠᠳ ᠨᠢ | ᠲᠠᠭᠤᠤ ᠰᠢᠯᠦᠭ ᠤᠶᠠᠩᠭᠠᠯᠠᠭᠤᠯᠳᠠᠭ ᠠᠴᠠ ᠦᠯᠢᠭᠡᠷ ᠬᠤᠯᠪᠤᠭᠠ ᠵᠤᠬᠢᠶᠠᠨ ᠬᠡᠯᠡᠬᠦ ᠵᠠᠮ ᠳᠤ ᠬᠦᠳᠦᠯᠵᠠᠢ᠃ | ᠬᠤᠭᠤᠷᠴᠢ ᠭᠤᠩᠭᠠ 1910 ᠤᠨ ᠠᠴᠠ ᠬᠠᠨᠰᠦ᠋ᠮᠡ ᠶᠢᠨ ᠬᠤᠭᠤᠷᠴᠢ ᠯᠤᠪᠰᠠᠩ ᠳᠤ ᠱᠠᠪᠢᠯᠠᠵᠦ᠂ ᠦᠯᠢᠭᠡᠷ | ᠬᠤᠯᠪᠤᠭᠠ ᠶᠢᠨ ᠤᠷᠠ ᠲᠡᠮ ᠢ ᠰᠤᠷᠴᠤ᠂ ᠦᠪᠡᠷ ᠢᠶᠠᠨ ᠦᠯᠢᠭᠡᠷ ᠬᠤᠯᠪᠤᠭᠠ ᠵᠤᠬᠢᠶᠠᠨ ᠤᠶᠢᠷᠠ ᠬᠠᠪᠢ ᠶᠢᠨ | ᠮᠠᠯᠴᠢᠳ ᠲᠤ ᠰᠣᠨᠢᠷᠬᠠᠭᠤᠯᠵᠣ᠂ ᠠᠷᠠᠳ ᠤᠨ ᠠᠮᠠᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠪᠣᠯᠤᠭᠰᠠᠨ ᠭᠡᠳᠡᠭ᠃ ᠬᠤᠷᠢᠨ ᠲᠠᠪᠣᠨ | ᠨᠠᠰᠤᠨᠠ ᠭᠡᠷ ᠡᠷᠦᠬᠡ ᠪᠠᠶᠢᠭᠤᠯᠣᠨ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠬᠤᠷᠢᠭᠠᠳ ᠤᠨ ᠤ ᠡᠬᠢ ᠪᠠᠷ ᠬᠤᠨᠳᠤ ᠨᠤᠳᠤᠭ ᠤᠨ | ᠬᠤᠵᠢᠷ ᠤᠨ ᠭᠤᠤᠯ ᠳᠤ ᠨᠡᠬᠦᠨ ᠢᠷᠡᠵᠦ ᠠᠮᠢᠳᠤᠷᠠᠪᠠ᠃ ᠲᠡᠭᠦᠨ ᠤ ᠬᠡᠯᠡ ᠬᠡᠯᠡᠯᠭᠡ ᠤᠷᠤᠰᠤᠮᠠ ᠪᠠᠶᠠᠯᠢᠭ ᠪᠣᠯᠬᠤᠷ | ᠣᠳᠠᠯ ᠦᠭᠡᠢ ᠬᠤᠳᠠ ᠣᠰᠤᠨ ᠳᠠᠭᠠᠨ ᠠᠯᠳᠠᠷ ᠴᠤᠣᠳᠠᠢ ᠬᠤᠭᠤᠷᠴᠢ ᠪᠤᠯᠪᠠ᠃ ᠬᠤᠭᠤᠷ ᠤᠨ ᠦᠯᠢᠭᠡᠷ ᠢ | ᠠᠪᠢᠶᠠᠰᠯᠢᠭ᠋ ᠲᠦᠷᠰᠦᠯᠢᠭ ᠬᠡᠯᠡᠳᠡᠭ ᠢᠶᠠᠷ ᠢᠶᠠᠨ᠄ | ᠮᠡᠳᠡᠳᠡᠭ ᠢᠶᠠᠷ ᠢᠶᠠᠨ ᠮᠢᠩᠭᠠᠨ ᠡᠭᠢᠳᠤ ᠦᠯᠢᠭᠡᠷ ᠲᠠᠢ | ᠭᠡᠯᠡᠳᠡᠭ ᠢᠶᠠᠷ ᠢᠶᠠᠨ ᠭᠡᠪ ᠨᠠᠮᠪᠠ ᠲᠤᠭᠳᠠᠭᠰᠡᠨ | ᠪᠠᠶᠠᠯᠢᠭ ᠰᠠᠶᠢᠬᠠᠨ ᠠᠶᠠᠯᠭᠤ ᠠᠶᠢᠵᠠᠮ ᠲᠠᠢ | ᠪᠠᠶᠡ ᠪᠠᠨ ᠲᠠᠭᠠᠭᠠᠭᠰᠡᠨ ᠮᠢᠩᠭᠠᠨ ᠡᠬᠢᠳᠤ ᠦᠯᠢᠭᠡᠷ ᠤᠨ ᠤᠭᠤᠳᠠ ᠁ ᠭᠡᠮᠡᠨ ᠬᠤᠯᠨ ᠤᠶᠢᠷᠡ ᠳᠤ | ᠠᠯᠳᠠᠷᠰᠢᠵᠦ᠂ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ ᠸᠠᠩᠴᠢᠨᠫᠧᠷᠯᠠᠢ ᠶᠢᠨ ᠤᠷᠳᠤᠨ ᠳᠤ ᠲᠠᠭᠤᠳᠠᠭᠳᠠᠨ | ᠤᠷᠳᠤᠨ ᠤ ᠬᠤᠭᠤᠷᠴᠢ ᠪᠤᠯᠪᠠ᠃ ᠲᠡᠭᠦᠨ ᠠᠴᠠ ᠡᠬᠢᠯᠡᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠳᠤ ᠤᠯᠡᠨ ᠠᠷᠪᠢᠨ | ᠦᠯᠢᠭᠡᠷ ᠬᠤᠯᠪᠤᠭᠠ ᠬᠡᠯᠡᠵᠤ᠂ ᠵᠠᠰᠠᠭ ᠨᠤᠶᠠᠳ ᠠᠴᠠ ᠬᠠᠷᠠᠴᠤ ᠠᠷᠠᠳ ᠬᠦᠷᠳᠡᠯᠡ ᠦᠯᠢᠭᠡᠷ ᠤᠨ ᠬᠢᠨᠢ ᠠᠮᠳᠠᠨ ᠳᠤ | ᠤᠷᠤᠵᠤ᠂ ᠬᠤᠯᠠ ᠤᠢᠢᠷᠠ ᠶᠢᠨ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠦᠷᠬᠦᠯᠵᠢ ᠵᠠᠯᠠᠭᠳᠠᠬᠤ ᠪᠣᠯᠪᠠ᠃ ᠬᠦᠯᠦᠨ ᠪᠤᠶᠢᠷ᠂ ᠵᠡᠭᠦᠨ | ᠪᠠᠷᠠᠭᠤᠨ ᠬᠤᠶᠠᠷ ᠦᠵᠦᠮᠦᠴᠢᠨ᠂ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠪᠠᠭᠠᠷᠢᠨ᠂ ᠤᠩᠨᠢᠭᠤᠳ᠂ ᠵᠠᠷᠤᠳ᠂ ᠲᠠᠷᠬᠠᠨ | ᠬᠤᠰᠢᠭᠤ ᠵᠡᠷᠭᠡ ᠬᠤᠰᠢᠭᠤ ᠳᠤ ᠵᠠᠯᠠᠭᠳᠡᠨ ᠦᠯᠢᠭᠡᠷ ᠬᠤᠯᠪᠤᠭᠠ ᠬᠡᠯᠡᠭᠰᠡᠨ ᠮᠦᠷᠳᠡᠭᠡᠨ 1921 ᠤᠨ ᠳᠤ ᠠᠷᠤ | ᠬᠦᠷᠢᠶᠡ ︵ᠤᠳᠤ ᠶᠢᠨ ᠤᠯᠠᠭᠠᠨᠪᠠᠭᠠᠳᠤᠷ ᠬᠤᠳᠠ︶ ᠳᠤ ᠤᠷᠢᠠᠠᠳᠡᠨ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠣᠯᠠᠨᠠ | ᠡᠷᠭᠦᠭᠳᠡᠭᠰᠡᠨ ᠨᠠᠷᠠᠨ ᠭᠡᠷᠡᠯᠳᠤ ᠬᠠᠭᠠᠨ ᠵᠢᠪᠽᠦ᠋ᠨᠳᠠᠮᠪᠠ ᠬᠤᠳᠤᠭᠳᠤ ᠳᠤ ᠦᠯᠢᠭᠡᠷ ᠪᠠᠷᠢᠵᠦ᠂ ᠠᠷᠤ ᠦᠪᠤᠷ ᠲᠤ | ᠠᠯᠳᠠᠷ ᠮᠠᠨᠳᠤᠵᠠᠢ᠃ | ᠬᠤᠭᠤᠷᠴᠢ ᠭᠤᠩᠭᠠ ᠸᠠᠩ ᠤᠨ ᠤᠷᠳᠤᠨ ᠳᠤ ︽ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ︾᠂ ︽ᠬᠠᠨ | ᠣᠯᠣᠰ ᠤᠨ ᠦᠯᠢᠭᠡᠷ︾᠂ ︽ᠲᠠᠩ ᠰᠦᠩ ᠤᠨ ᠦᠯᠢᠭᠡᠷ︾᠂ ︽ᠱᠦᠢ ᠬᠤ᠋ ᠱᠠᠰᠳᠢᠷ︾᠂ ︽ᠵᠦᠩ ᠭᠦᠸᠧ ᠮᠦ | ︾᠂ ︽ᠭᠡᠰᠡᠷ ᠪᠠᠭᠠᠳᠤᠷ ᠤᠨ ᠦᠯᠢᠭᠡᠷ︾᠂ ︽ᠵᠠᠩᠭᠠᠷ ᠤᠨ ᠦᠯᠢᠭᠡᠷ︾ ᠁ ᠵᠡᠷᠭᠡ ᠲᠡᠤᠬᠡᠳᠤ ᠦᠯᠢᠭᠡᠷ ᠢ | ᠬᠡᠯᠡᠵᠤ ᠬᠤᠯᠠ ᠤᠶᠢᠷᠠ ᠳᠤ ᠶᠡᠬᠡᠳᠡ ᠪᠢᠰᠢᠷᠡᠭᠳᠡᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠤᠩᠭᠤᠯ ᠤᠷᠤᠨ ᠳᠤ ︽ | ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ︾ ᠢ ᠬᠡᠯᠡᠬᠦ ᠬᠤᠭᠤᠷᠴᠢ ᠭᠡᠵᠤ ᠦᠭᠡᠢ᠂ ᠭᠠᠭᠴᠠ ᠭᠤᠩᠭᠠ ᠬᠤᠭᠤᠷᠴᠢ | ᠯᠠ ᠬᠡᠯᠡᠳᠡᠭ ᠭᠡᠵᠤ ᠨᠤᠳᠤᠭ ᠤᠨ ᠨᠠᠰᠤᠲᠠᠳ ᠮᠠᠨᠢ ᠬᠠᠭᠤᠴᠢᠯᠠᠳᠠᠭ᠃ ᠨᠢᠭᠡᠨ ᠤᠳᠠᠭᠠ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ | ᠬᠤᠰᠢᠭᠤᠨ ᠤ ᠮᠠᠨᠳᠠᠪᠠᠯ ᠴᠢᠨ ᠸᠠᠩ ᠠᠴᠠ ᠭᠤᠩᠭᠠ ᠬᠤᠭᠤᠷᠴᠢ ᠶᠢ ᠤᠷᠳᠤᠨ ᠳᠠᠭᠠᠨ ᠵᠠᠯᠠᠵᠤ᠂ ᠱᠠᠩ ᠣᠯᠣᠰ ᠤᠨ | ᠦᠯᠢᠭᠡᠷ ᠢ ᠬᠡᠯᠡᠭᠦᠯᠵᠤ᠂ ᠦᠭᠡᠷᠡ ᠭᠡᠷ ᠲᠤ ᠪᠢᠴᠢᠭᠳᠡᠨ ᠢ ᠰᠠᠭᠤᠯᠭᠠᠵᠤ ᠣᠤᠯ ᠦᠯᠢᠭᠡᠷ ᠤᠨ ᠲᠡᠪᠳᠡᠷ ᠲᠠᠢ | ᠬᠠᠷᠭᠤᠭᠤᠯᠣᠨ ᠦᠵᠡᠵᠠᠢ᠃ ᠬᠤᠭᠤᠷᠴᠢ ᠭᠤᠩᠭᠠ ᠦᠯᠢᠭᠡᠷ ᠤᠨ ᠤᠶᠢᠯᠡ ᠬᠡᠷᠡᠭ ᠤᠨ ᠲᠡᠰ ᠲᠠᠷᠠᠭᠠ᠂ ᠬᠦᠮᠦᠨ ᠤ | ᠨᠡᠷᠡ ᠶᠢ ᠦᠴᠦᠬᠡᠨ ᠴᠤ ᠠᠨᠳᠠᠭᠤᠷᠠᠯ ᠦᠭᠡᠢ ᠬᠤᠯᠪᠣᠨ ᠲᠤᠭᠠᠴᠢᠬᠤ ᠳᠤ ᠴᠢᠨ ᠸᠠᠩ ᠨᠣᠶᠠᠨ ᠶᠡᠬᠡᠳᠡ ᠰᠡᠳᠬᠢᠯ | ᠬᠦᠳᠡᠯᠵᠣ ︽ᠡᠶᠢᠮᠤ ᠬᠤᠭᠤᠷᠴᠢ ᠬᠤᠪᠤᠷᠬᠠᠨ ᠡ︾ ᠭᠡᠵᠤ ᠠᠮᠠ ᠬᠠᠮᠬᠢᠯ ᠦᠭᠡᠢ ᠪᠢᠰᠢᠷᠡᠨ ᠡᠮᠡᠭᠡᠯ ᠬᠠᠵᠠᠭᠠᠷ ᠲᠠᠢ | ᠮᠤᠷᠢ ᠪᠠᠷ ᠱᠠᠩᠨᠠᠵᠤ᠂ ᠦᠪᠴᠢ ᠪᠡᠶᠡ ᠲᠣᠷᠭᠠ ᠲᠣᠷᠳᠤᠩ ᠢᠶᠠᠷ ᠬᠤᠪᠴᠠᠯᠠᠭᠰᠠᠨ ᠭᠡᠨᠡ᠃ ᠲᠡᠭᠦᠨ ᠤ ᠬᠡᠯᠡᠭᠰᠡᠨ ︽ | ᠬᠠᠨ ᠰᠦᠮᠡ ᠶᠢᠨ ᠮᠠᠭᠳᠠᠭᠠᠯ︾᠂ ︽ᠬᠤᠷᠤᠭᠤᠪᠴᠢ︾᠂ ︽ᠠᠶᠢᠯ ᠡᠷᠦᠬᠡ ᠶᠢᠨ ᠢᠷᠦᠭᠡᠯ︾ ᠵᠡᠷᠭᠡ | ᠬᠤᠯᠪᠣᠭᠠ ᠨᠤᠭᠤᠳ ᠨᠢ ᠠᠷᠠᠳ ᠤᠨ ᠲᠣᠮᠳᠠ ᠦᠶᠡ ᠤᠯᠠᠷᠢᠨ ᠦᠷᠭᠡᠨ ᠢᠶᠠᠷ ᠲᠠᠷᠬᠠᠭᠳᠠᠵᠤ ᠤᠳᠤ ᠪᠣᠯᠳᠠᠯᠠ | ᠤᠯᠠᠮᠵᠢᠯᠠᠭᠳᠠᠨ ᠶᠠᠷᠢᠭᠳᠠᠭᠰᠠᠭᠠᠷ ᠪᠣᠢ᠃ ᠬᠤᠭᠤᠷᠴᠢ ᠭᠤᠩᠭᠠ 1947 ᠣᠨ ᠪᠤᠯᠳᠠᠯᠠ ᠵᠢᠯ ᠪᠦᠷᠢ ᠶᠠᠪᠤᠭᠳᠠᠬᠤ | ᠪᠤᠭᠳᠠ ᠠᠭᠤᠯᠠ ᠶᠢᠨ ᠲᠠᠬᠢᠯᠭᠠ ᠶᠢᠨ ᠨᠠᠶᠢᠷ ᠲᠤ ᠵᠠᠯᠠᠭᠳᠠᠨ ᠭᠡᠭᠡᠨ ᠬᠤᠪᠢᠯᠭᠠᠨ᠂ ᠸᠠᠩ ᠨᠤᠶᠠᠳ᠂ ᠨᠠᠶᠢᠷ ᠤᠨ | ᠣᠯᠠᠨ ᠳᠤ ︽ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ︾ ᠢ ᠬᠡᠯᠡᠵᠤ ᠪᠠᠶᠢᠵᠡᠢ᠃ | ᠬᠤᠭᠤᠷᠴᠢ ᠭᠤᠩᠭᠠ ᠨᠢᠭᠡ ᠨᠠᠰᠣᠨ ᠳᠠᠭᠠᠨ ︽ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ︾ ᠢ ᠤᠯᠠᠨ | ᠣᠳᠠᠭᠠ ᠬᠡᠯᠡᠯᠡ ᠭᠡᠳᠡᠭ᠃ ᠦᠭᠡᠷᠡ ᠪᠤᠰᠤᠳ ᠬᠤᠭᠤᠷᠴᠢ ᠶᠡᠷᠦᠨᠢ ︽ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ︾ | ᠢ ᠬᠡᠯᠡᠭᠰᠡᠨ ᠦᠭᠡᠢ᠃ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠤᠳᠠᠭᠠ ︽ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ︾ ᠢ | ᠬᠡᠯᠡᠭᠡᠳ ᠲᠡᠭᠦᠰᠬᠦ ᠪᠤᠯᠬᠤ ᠳᠤ ᠱᠦᠩᠯᠦ ᠮᠤᠳᠤᠨ ᠤ ᠰᠠᠯᠠᠭᠠ ᠭᠡᠨᠡᠳᠲᠡ ᠲᠠᠰᠤᠷᠠᠨ ᠤᠨᠠᠯᠠ ᠭᠡᠵᠦ ᠦᠯᠢᠭᠡᠷ ᠢ ᠨᠢ | ᠰᠤᠨᠤᠰᠤᠭᠰᠠᠨ ᠠᠶᠢᠯ ᠤᠨ ᠡᠪᠦᠭᠡᠳ ᠨᠠᠰᠤᠲᠠᠳ ᠬᠡᠯᠡᠳᠡᠭ᠃ | ᠬᠤᠭᠤᠷᠴᠢ ᠭᠤᠩᠭᠠ 1949 ᠣᠨ ᠠᠴᠠ ᠬᠤᠶᠢᠰᠢ ᠨᠠᠰᠤ ᠠᠭᠰᠢᠷᠠᠭᠰᠠᠨ ᠴᠤ ᠠᠷᠠᠳ ᠤᠨ ᠰᠤᠶᠤᠯ | ᠣᠷᠠᠯᠢᠭ ᠲᠤ ᠬᠤᠶᠢᠰᠢ ᠦᠭᠡᠢ ᠵᠢᠳᠬᠦᠵᠣ᠂ ᠠᠶᠢᠯ ᠰᠣᠮᠣᠨ ᠤ ᠤᠷᠠᠨ ᠰᠠᠶᠢᠬᠠᠨ ᠤ ᠠᠩᠬᠢ ᠳᠤ ᠤᠷᠤᠯᠴᠠᠨ᠂ | ᠰᠢᠨᠡ ᠴᠠᠭ ᠦᠶᠡ ᠪᠠᠨ ᠲᠠᠭᠤᠯᠠᠭᠰᠠᠨ᠂ ᠮᠠᠯᠴᠢᠨ ᠠᠷᠠᠳ ᠢᠶᠠᠨ ᠪᠠᠭ᠋ᠠᠳᠣᠨ ᠱᠠᠭᠰᠢᠭᠰᠠᠨ ᠦᠯᠢᠭᠡᠷ ᠬᠤᠯᠪᠣᠭᠠ ᠶᠢ | ᠤᠯᠠᠨ ᠵᠤᠬᠢᠶᠠᠨ ᠬᠡᠯᠡᠵᠤ ᠪᠠᠶᠢᠪᠠ᠃ ᠲᠡᠷᠡ ᠬᠤᠭᠤᠷ ᠲᠠᠳᠠᠵᠣ᠂ ᠯᠢᠩᠪᠦ ᠱᠤᠳᠤᠷᠭᠤ ᠵᠡᠷᠭᠡ ᠬᠦᠭᠵᠢᠮ ᠢ ᠴᠤ | ᠰᠠᠶᠢᠬᠠᠨ ᠬᠦᠭᠵᠢᠮᠳᠡᠬᠦ ᠤᠷᠠ ᠠᠪᠢᠶᠠᠰ ᠲᠠᠢ ᠭᠡᠳᠡᠭ᠃ ᠬᠤᠰᠢᠭᠤ ᠨᠣᠳᠤᠭ ᠤᠨ ᠢᠶᠠᠨ ᠠᠭᠤᠯᠠ ᠤᠰᠤ ᠶᠢ ᠮᠠᠭᠳᠠᠨ | ᠲᠠᠭᠤᠯᠠᠭᠰᠠᠨ ᠦᠯᠢᠭᠡᠷ ᠬᠤᠯᠪᠣᠭᠠ ᠶᠢ ᠤᠯᠠᠨᠳᠠ ᠬᠡᠯᠡᠵᠤ᠂ ᠨᠡᠶᠢᠭᠡᠮ ᠤᠯᠠᠨ ᠳᠠᠭᠠᠨ ᠲᠠᠭᠠᠯᠠᠭᠳᠠᠵᠤ ᠶᠠᠪᠣᠵᠠᠢ᠃ | ᠲᠡᠷᠡ ᠪᠠᠰᠠ ᠵᠠᠯᠠᠭᠤ ᠪᠠᠭᠠᠴᠤᠳ ᠲᠤ ᠦᠯᠢᠭᠡᠷ ᠬᠤᠯᠪᠣᠭᠠ ᠬᠡᠯᠡᠬᠦ ᠪᠤᠯᠪᠠᠰᠣᠷᠠᠯ ᠡᠷᠬᠢᠯᠡᠨ᠂ ᠤᠷᠠ ᠲᠡᠮ ᠢᠶᠠᠨ | ᠤᠯᠠᠮᠵᠢᠯᠠᠨ ᠵᠢᠭᠠᠵᠤ᠂ ᠬᠤᠰᠢᠭᠤ ᠨᠣᠳᠤᠭ ᠤᠨ ᠤᠷᠤᠯᠳᠣᠭᠠᠨ ᠮᠦᠷᠦ᠋ᠢᠴᠡᠭᠡᠨ ᠳᠤ ᠤᠯᠠᠨᠳᠠ ᠱᠠᠩᠨᠠᠯ ᠬᠦᠬᠢᠭᠦᠯᠦᠯ | ᠬᠦᠷᠳᠡᠵᠠᠢ᠃ ᠬᠠᠷᠠᠮᠰᠠᠯᠲᠠᠢ ᠨᠢ ᠬᠤᠭᠤᠷᠴᠢ ᠶᠢᠨ ᠬᠡᠯᠡᠭᠰᠡᠨ ᠲᠡᠳᠡᠭᠡᠷ ᠦᠯᠢᠭᠡᠷ ᠬᠤᠯᠪᠣᠭᠠ ᠶᠢ ᠨᠢ ᠪᠢᠴᠢᠵᠤ | ᠰᠢᠩᠭᠡᠭᠡᠵᠦ ᠦᠯᠡᠳᠡᠭᠡᠭᠰᠡᠨ ᠵᠦᠢᠯ ᠤᠳᠤ ᠪᠤᠯᠲᠠᠯᠠ ᠳᠡᠮᠡᠢ ᠤᠯᠳᠠᠭᠳᠠᠭᠠ ᠦᠭᠡᠢ᠃ | 1957 ᠤᠨ ᠤ ᠪᠦᠬᠦ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠤᠷᠠᠯᠢᠭᠴᠢᠳ ᠢ ᠪᠦᠷᠢᠳᠬᠡᠭᠰᠡᠨ ᠨᠢᠭᠡ ᠯᠡ ᠬᠦᠰᠦᠨᠦᠭ ᠢ | ᠣᠯᠪᠠ᠃ ᠬᠦᠰᠦᠨᠦᠭ ᠲᠤ ᠬᠤᠭᠤᠷᠴᠢ ᠭᠤᠩᠭᠠ ᠶᠢᠨ ᠨᠡᠷᠡ ᠲᠤᠳᠤᠬᠠᠨ ᠲᠡᠮᠳᠡᠭᠯᠡᠭᠳᠡᠵᠤ ︽ᠡᠷᠳᠡᠨ ᠤ ᠦᠯᠢᠭᠡᠷ ᠢ | ᠬᠡᠯᠡᠬᠦ ᠬᠤᠭᠤᠷᠴᠢ︾ ᠭᠡᠵᠤ ᠲᠤᠳᠤᠳᠬᠠᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠤᠭᠤᠷᠴᠢ ᠭᠤᠩᠭᠠ ᠶᠢᠨ ᠦᠯᠢᠭᠡᠷ | ᠬᠡᠯᠡᠬᠦ ᠶᠢ ᠰᠤᠨᠤᠰᠤᠭᠰᠠᠨ ᠬᠦᠮᠦᠰ ᠤᠨ ᠬᠠᠭᠤᠴᠢᠯᠠᠬᠤ ᠪᠠᠷ᠄ ︽ᠬᠤᠭᠤᠷᠴᠢ ᠭᠤᠩᠭᠠ ᠶᠢᠨ ᠦᠯᠢᠭᠡᠷ ᠤᠨ ᠠᠶᠠ ᠨᠢ | ᠤᠯᠠᠨ᠂ ᠭᠤᠤᠯ ᠪᠠᠭᠠᠲᠤᠷ ᠤᠨ ᠦᠢᠯᠡ ᠬᠡᠷᠡᠭ ᠲᠡᠭᠡᠨ ᠵᠤᠬᠢᠴᠠᠭᠤᠯᠤᠨ ᠤᠯᠠᠷᠢᠭᠤᠯᠤᠨ ᠬᠤᠭᠤᠷᠳᠠᠵᠤ᠂ | ᠦᠯᠢᠭᠡᠷ ᠤᠨ ᠦᠢᠯᠡ ᠬᠡᠷᠡᠭ ᠪᠦᠬᠦᠨ ᠢ ᠬᠦᠮᠦᠰ ᠤᠨ ᠨᠢᠳᠦᠨ ᠳᠤ ᠦᠵᠡᠭᠳᠡᠲᠡᠯᠡ ᠷᠢᠳᠢ ᠰᠢᠳᠢ ᠲᠠᠢ ᠶᠠᠷᠢᠳᠠᠭ︾ | ᠭᠡᠵᠦ ᠬᠠᠭᠤᠴᠢᠯᠠᠳᠠᠭ᠃ | ᠵᠣᠬᠢᠶᠠᠭᠴᠢ᠄ ᠄ ᠨᠠ᠊᠂ ᠵᠢᠷᠭᠠᠯ | |