| | ᠠᠯᠢ ᠤᠵᠠᠭᠤᠷ ᠠᠴᠠ ᠤᠮᠠᠷᠠᠳᠦ ᠶᠢᠨ ᠨᠡᠭᠦᠳᠡᠯᠴᠢᠨ ᠦᠨᠳᠤᠰᠤᠳᠡᠨ ᠡᠷᠡᠯᠭᠡᠭ ᠲᠠᠶᠢᠴᠢᠨ ᠬᠦᠴᠦ᠂ ᠠᠷᠭᠠ | ᠲᠡᠮ ᠢᠶᠠᠷ ᠭᠡᠭᠡᠷᠡ ᠶᠢᠨ ᠵᠡᠷᠯᠢᠭ ᠠᠷᠢᠶᠠᠳᠠᠨ ᠢ ᠪᠠᠷᠢᠵᠦ ᠠᠪᠤᠭᠠᠳ ᠭᠠᠷᠰᠢᠭᠤᠯᠦᠨ ᠲᠡᠵᠢᠭᠡᠵᠦ ᠤᠶᠢᠯᠡᠳᠪᠦᠷᠢᠯᠡᠯ | ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠭᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠨ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠢᠶᠠᠨ ᠬᠢᠵᠦ ᠡᠬᠢᠯᠡᠵᠠᠢ᠃ ᠡᠭᠦᠨ ᠳᠤ | ᠨᠡᠭᠦᠳᠡᠯᠴᠢᠨ ᠦᠨᠳᠤᠰᠤᠳᠡᠨ ᠤ ᠨᠢᠭᠡᠨ ᠤᠭᠰᠠᠭᠠ ᠪᠣᠯᠬᠤ ᠮᠣᠩᠭᠤᠯᠴᠤᠳ ᠠᠷᠠᠴᠢᠯᠠᠨ ᠲᠣᠳᠣᠮᠳᠠᠵᠦ ᠲᠡᠵᠢᠭᠡᠭᠰᠡᠨ | ᠮᠠᠯ ᠠᠬᠤᠢ ᠲᠠᠢ ᠪᠠᠨ ᠢᠵᠢᠯᠢᠰᠢᠨ ᠲᠠᠰᠤᠯᠴᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠢᠨᠠᠭᠰᠢᠯᠠᠨ ᠦᠭᠡ ᠬᠠᠮᠠᠷ ᠢᠶᠠᠨ | ᠣᠯᠣᠯᠴᠠᠨ ᠰᠠᠶᠢᠨ ᠨᠠᠶᠢᠵᠠ ᠲᠠᠶᠢᠴᠢᠨ ᠬᠠᠨᠢ ᠪᠣᠯᠪᠠ᠃ ᠮᠣᠷᠢ ᠨᠣᠬᠠᠢ ᠬᠤᠶᠠᠷ ᠢᠶᠠᠷ ᠠᠪᠴᠦ ᠦᠵᠡᠶᠡ ᠳ᠋ᠠ᠂ | ᠡᠵᠡᠨ ᠨᠢ ᠰᠠᠳᠤᠨ ᠲᠦᠷᠦᠯ ᠳᠡᠭᠡᠨ ᠪᠤᠶᠤ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠶᠠᠪᠤᠭᠠᠳ ᠠᠷᠢᠬᠢ ᠲᠠᠷᠠᠰᠦ ᠤᠤᠭᠤᠨ ᠨᠡᠯᠢᠶᠡᠳ | ᠬᠠᠯᠠᠰᠠᠭᠰᠠᠨ ᠪᠣᠯ ᠶᠡᠷᠦ ᠶᠢᠨ ᠴᠠᠭ ᠲᠤ ᠶᠡᠭᠡ ᠠᠭᠠᠰᠢ ᠲᠠᠢ ᠮᠣᠷᠢ ᠪᠠᠶᠢᠭᠰᠠᠨ ᠴᠦ ᠡᠵᠡᠨ ᠨᠢ ᠠᠷᠢᠬᠢᠨ ᠦᠨᠦᠷ | ᠰᠡᠩᠬᠢᠨᠡᠭᠦᠯᠦᠭᠰᠡᠭᠡᠷ ᠬᠦᠷᠴᠦ ᠢᠷᠡᠭᠡᠳ ᠣᠯᠣᠩ ᠵᠢᠷᠢᠮ ᠢᠶᠠᠨ ᠴᠢᠩᠭᠠᠯᠠᠵᠦ ᠮᠣᠷᠳᠠᠬᠤ ᠦᠶᠡ ᠳᠤ ᠡᠵᠡᠨ ᠢᠶᠠᠨ | ᠦᠨᠦᠷᠯᠡᠵᠦ ᠦᠵᠡᠭᠡᠳ ᠤᠤᠯ ᠤᠨ ᠪᠡᠶᠡ ᠶᠢ ᠨᠢ ᠲᠣᠭᠤᠷᠢᠨ ᠡᠷᠬᠢᠯᠳᠤᠭᠡᠳ ᠲᠠᠪ ᠬᠢᠨ ᠮᠣᠷᠳᠠᠬᠤ ᠳᠤ ᠨᠦᠭᠦᠭᠡ | ᠲᠠᠯᠠ ᠶᠢᠨ ᠲᠦᠷᠦᠭᠡ ᠪᠠᠨ ᠲᠦᠷᠦᠭᠡᠯᠡᠬᠦ ᠠᠴᠠ ᠡᠮᠤᠨᠡ ᠭᠤᠰ ᠦᠰᠦᠷᠴᠦ ᠬᠦᠨᠳᠤᠷᠤᠨ ᠲᠠᠪᠬᠢᠳᠠᠭ ᠢᠶᠠᠨ ᠪᠣᠯᠢᠵᠦ | ᠨᠣᠮᠣᠬᠠᠨ ᠵᠣᠭᠰᠤᠵᠦ ᠦᠭᠭᠦᠭᠡᠳ ᠣᠨᠤᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠬᠠᠯᠠᠰᠠᠭᠤ ᠡᠵᠡᠨ ᠨᠢ ᠵᠢᠯᠣᠭᠤ | ᠴᠣᠯᠪᠤᠭᠤᠷ ᠢᠶᠠᠨ ᠰᠤᠯᠠᠬᠠᠨ ᠲᠠᠯᠪᠢᠵᠦ ᠮᠤᠨᠳᠠᠭᠠ ᠶᠢ ᠨᠢ ᠲᠠᠪᠰᠢᠵᠦ᠄ ︽ᠭᠡᠷ ᠲᠡᠭᠡᠨ ᠬᠠᠷᠢᠶᠠ︾ ᠭᠡᠵᠦ ᠴᠣᠯᠴᠠᠷᠢᠨ | ᠭᠡᠯᠡᠬᠦ ᠳᠤ ᠭᠡᠷ ᠢᠶᠠᠨ ᠴᠢᠭᠯᠡᠵᠦ ᠬᠠᠷᠠ ᠠᠯᠬᠤᠭᠠ ᠪᠠᠷ ᠶᠠᠪᠤᠬᠤ ᠳᠠᠭᠠᠨ ᠪᠣᠳᠠ ᠰᠦᠭᠡᠭ᠂ ᠭᠤᠤ ᠭᠠᠩ ᠢ ᠡᠪᠳᠡᠶᠢᠭᠡᠨ | ᠲᠣᠭᠤᠷᠢᠵᠦ ᠭᠠᠷᠤᠭᠠᠳ ᠬᠦᠷᠢᠶᠡᠨ ᠡᠭᠦᠳᠡᠨ ᠳᠡᠭᠡᠨ ᠬᠦᠷᠴᠦ ᠦᠤᠷᠰᠠᠨ ᠢᠨᠴᠠᠭᠠᠵᠦ ᠭᠠᠵᠠᠷ ᠴᠠᠪᠴᠢᠯᠠᠨ ᠴᠢᠮᠡᠭᠡ | ᠦᠭᠳᠡᠭ᠂ ᠨᠡᠯᠢᠶᠡᠳ ᠤᠳᠠᠳᠠᠯᠠ ᠭᠡᠷ ᠠᠴᠠ ᠬᠦᠮᠤᠨ ᠭᠠᠷᠴᠦ ᠢᠷᠡᠬᠦ ᠦᠭᠡᠢ ᠪᠣᠯ ᠨᠣᠬᠠᠢ ᠨᠢ ᠡᠭᠦᠳᠡᠨ ᠵᠠᠪᠰᠠᠷ ᠢᠶᠠᠷ | ᠰᠢᠷᠭᠤᠨ ᠣᠷᠣᠵᠦ ᠬᠠᠭᠠᠯᠭᠠ ᠶᠢ ᠨᠢ ᠱᠦᠷᠭᠦᠭᠡᠵᠦ ᠭᠠᠰᠠᠯᠵᠦ ᠭᠠᠩᠬᠢᠨᠠᠨ ᠭᠡᠷ ᠠᠴᠠ ᠬᠦᠮᠤᠨ ᠭᠠᠷᠴᠦ ᠢᠷᠡᠭᠡᠳ | ᠰᠣᠭᠳᠣᠭᠤ ᠬᠦᠮᠤᠨ ᠢᠶᠠᠨ ᠪᠠᠭᠤᠯᠭᠠᠵᠦ ᠠᠪᠤᠪᠠᠯ ᠰᠠᠶ᠋ᠢ ᠡᠭᠦᠷ ᠲᠡᠭᠡᠨ ᠤᠷᠣᠵᠦ ᠭᠡᠪᠳᠡᠳᠡᠭ᠃ ᠡᠨᠡ ᠪᠣᠯ ᠬᠦᠮᠤᠨ | ᠪᠣᠯᠣᠨ ᠠᠳᠤᠭᠤᠰᠦ ᠦᠭᠡ ᠬᠠᠮᠠᠷ ᠢᠶᠠᠨ ᠣᠯᠣᠯᠴᠠᠳᠠᠭ ᠨᠢᠭᠡᠨ ᠵᠢᠱᠢᠶᠡ ᠲᠡᠳᠤᠢ᠃ ᠡᠭᠦᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ | ᠮᠣᠩᠭᠤᠯᠴᠤᠳ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠢ ᠪᠠᠨ ᠦᠭᠡ ᠬᠠᠮᠠᠷ ᠢᠶᠠᠨ ᠣᠯᠣᠯᠴᠠᠨ ᠲᠦᠩᠬᠢᠨᠡᠳᠡᠯᠡ ᠶᠡᠷᠢᠵᠦ | ᠬᠠᠩᠬᠢᠨᠠᠳᠠᠯᠠ ᠲᠠᠭᠤᠯᠠᠳᠠᠭ ᠢ ᠨᠠᠶᠠ ᠬᠦᠷᠦᠭᠰᠡᠨ ᠡᠪᠦᠭᠡᠨ ᠪᠢ ᠬᠢᠵᠦ ᠪᠠᠶᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠠᠪᠤ | ᠡᠪᠦᠭᠡ ᠶᠢᠨ ᠢᠶᠠᠨ ᠮᠠᠯ ᠲᠠᠢ ᠪᠠᠨ ᠵᠣᠭᠤᠭᠳᠠᠨ ᠵᠠᠷᠢᠮ ᠳᠠᠭᠠᠨ ᠢᠨᠢᠶᠡᠵᠦ ᠵᠠᠷᠢᠮ ᠳᠠᠭᠠᠨ ᠲᠠᠭᠤᠯᠠᠨ ᠵᠠᠷᠢᠮ ᠳᠠᠭᠠᠨ | ᠣᠬᠢᠯᠠᠵᠦ ᠪᠠᠶᠢᠭᠰᠠᠨ ᠢ ᠦᠵᠡᠵᠦ ᠰᠣᠨᠣᠰᠤᠭᠠᠳ ᠭᠠᠶᠢᠬᠠᠵᠦ ᠪᠠᠶᠢᠭᠰᠠᠨ᠃ ᠬᠤᠨᠢ ᠢᠮᠠᠭᠠ ᠲᠦᠷᠦᠴᠢᠭᠡᠭᠡᠳ | ᠲᠦᠯ ᠢᠶᠠᠨ ᠭᠤᠯᠣᠵᠦ ᠬᠦᠬᠦᠬᠦᠯᠬᠦ ᠪᠠᠶᠢᠳᠤᠭᠠᠢ᠂ ᠪᠡᠶᠡ ᠳᠡᠭᠡᠨ ᠴᠦ ᠤᠶᠢᠷᠠᠳᠤᠭᠤᠯᠳᠠᠭ ᠦᠭᠡᠢ ᠪᠠᠶᠢᠬᠤ ᠳᠤ ︽ | ᠲᠤᠶᠢᠭ ᠤᠨ ᠲᠠᠭᠤᠤ︾ ᠶᠢ ᠤᠶᠠᠷᠠᠯᠳᠠᠶᠢᠬᠠᠨ ᠲᠦᠢᠭ᠌ᠯᠠᠨ ᠲᠠᠭᠤᠯᠠᠬᠤ ᠳᠤ ᠲᠠᠮᠠᠢ ᠤᠳᠠᠯ ᠦᠭᠡᠢ ᠲᠡᠯᠡᠩ ᠨᠢ | ᠴᠢᠨᠤᠵᠦ ᠦᠷᠡ ᠪᠠᠨ ᠦᠨᠦᠰᠦᠨ ᠢᠪᠢᠯᠭᠡᠬᠦ ᠳᠤ ᠦᠷᠡ ᠲᠦᠯ ᠨᠢ ᠰᠡᠭᠦᠯ ᠢᠶᠠᠨ ᠭᠤᠳᠤᠭᠤᠨᠠᠭᠤᠯᠤᠨ ᠡᠭᠡ ᠶᠢᠨ ᠢᠶᠠᠨ | ᠲᠡᠯᠡᠩ ᠨᠦᠢᠳᠡᠨ ᠨᠦᠳᠦᠨ ᠵᠠᠪᠠᠵᠢ ᠪᠠᠷ ᠢᠶᠠᠨ ᠬᠦᠭᠡᠰᠦ ᠰᠠᠭᠭᠠᠭᠤᠯᠤᠨ ᠮᠦᠮᠦᠵᠦ ᠭᠡᠳᠡᠰᠦ ᠴᠣᠷᠳᠦ᠋ᠢᠳᠠᠯᠠ | ᠴᠠᠳᠴᠦ ᠡᠭᠡ ᠪᠠᠨ ᠲᠣᠭᠤᠷᠢᠨ ᠦᠰᠦᠷᠯᠡᠨ ᠬᠠᠷᠠᠶᠢᠯᠠᠬᠤ ᠳᠤ ᠡᠵᠡᠨ ᠨᠢ ᠬᠠᠷᠠᠭᠠᠳ ᠠᠩᠰᠠᠶᠢᠳᠠᠯᠠ ᠢᠨᠢᠶᠡᠳᠡᠭ᠃ | ᠮᠣᠷᠢᠨ ᠬᠤᠭᠤᠷ ᠤᠨ ᠤᠶᠠᠷᠠᠭᠤᠨ ᠡᠩᠰᠡᠷᠡᠯᠳᠠᠢ ᠲᠠᠭᠤᠨ ᠳᠤ ᠪᠣᠳᠣᠭᠤ ᠪᠠᠨ ᠭᠤᠯᠣᠭᠰᠠᠨ ᠢᠩᠭᠡ ᠪᠦᠳᠦᠭᠦᠨ | ᠪᠦᠳᠦᠭᠦᠨ ᠨᠢᠯᠪᠤᠰᠦ ᠪᠦᠮᠪᠤᠷᠢᠭᠦᠯᠦᠨ ᠪᠣᠳᠣᠭᠤ ᠪᠠᠨ ᠦᠨᠦᠰᠦᠨ ᠦᠨᠦᠰᠦᠨ ᠮᠦᠮᠦᠭᠦᠯᠬᠦ ᠶᠢ ᠡᠵᠡᠨ ᠨᠢ ᠦᠵᠡᠭᠡᠳ | ᠡᠷᠭᠡ ᠦᠭᠡᠢ ᠪᠠᠶᠠᠷᠯᠠᠳᠠᠭ᠃ ᠡᠭᠦᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠮᠣᠩᠭᠤᠯᠴᠤᠳ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠢ ᠪᠠᠨ ᠦᠭᠡ | ᠬᠠᠮᠠᠷ ᠢᠶᠠᠨ ᠣᠯᠣᠯᠴᠠᠬᠤ ᠲᠣᠬᠢᠶᠠ ᠲᠠᠭᠤᠳᠠᠯᠭᠠ ᠴᠦ ᠠᠰ ᠠᠰ ᠲᠠᠭᠠᠨ ᠪᠠᠶᠢᠳᠠᠭ᠃ ᠡᠭᠦᠨ ᠢ ᠶᠡᠭᠡ ᠲᠦᠯᠦᠪ | ᠤᠷᠠᠶᠢᠯᠠᠨ ᠲᠠᠭᠤᠳᠠᠬᠤ᠂ ᠠᠷᠭᠠᠳᠠᠨ ᠰᠠᠭᠠᠳᠠᠭᠤᠯᠬᠤ᠂ ᠱᠠᠯᠠᠵᠦ ᠱᠠᠭᠠᠷᠳᠠᠬᠤ᠂ ᠭᠤᠯᠣᠩᠬᠠᠢ ᠶᠢ ᠠᠪᠤᠭᠤᠯᠬᠤ ᠭᠡᠬᠦ | ᠮᠡᠳᠦ ᠪᠠᠷ ᠬᠤᠪᠢᠶᠠᠵᠦ ᠪᠣᠯᠣᠨᠠ᠃ | ᠲᠠᠭᠤᠳᠠᠯᠭᠠ ᠨᠢ ᠴᠦᠮ ᠠᠰ ᠠᠰ ᠲᠠᠭᠠᠨ ᠤᠶᠢᠯᠡᠳᠤᠯ ᠭᠠᠷᠭᠠᠳᠠᠭ ᠶᠤᠮ᠃ ᠮᠣᠷᠢ ᠶᠢ ᠬᠤᠷᠳᠤᠯᠠᠭᠤᠯᠬᠤ᠂ | ᠬᠦᠭᠡᠭᠡᠬᠦ᠂ ᠵᠠᠯᠠᠬᠤ ᠳᠤ ︽ᠴᠦᠬᠦ᠂ ᠴᠦᠬᠦ︾ ᠭᠡᠵᠦ᠂ ᠤᠰᠤᠯᠠᠵᠦ ᠬᠦᠷᠪᠡᠭᠦᠯᠬᠦ ᠳᠤ ︽ᠡᠰ᠂ ᠡᠰ︾ ︽ᠱᠦ᠂ | ᠱᠦ︾ ᠭᠡᠬᠦ ᠪᠤᠶᠤ ᠢᠰᠭᠡᠷᠳᠡᠭ᠃ ᠲᠣᠭᠰᠢᠷᠠᠬᠤ᠂ ᠦᠷᠭᠦᠵᠦ ᠰᠣᠴᠢᠬᠤ ᠪᠤᠶᠤ ᠦᠭᠡ ᠠᠴᠠ ᠵᠦᠷᠢᠬᠦ ᠦᠶᠡ ᠳᠤ ︽ | ᠬᠠᠢ᠂ ᠬᠠᠢ︾ ︽ᠶᠠᠭᠠᠬᠢᠬᠤ ᠪᠤᠢ᠂ ᠶᠠᠭᠠᠬᠢᠬᠤ ᠪᠤᠢ︾ ᠭᠡᠳᠡᠭ᠃ ᠦᠭᠡᠷ ᠢ ᠠᠷᠭᠠᠳᠠᠨ ᠨᠣᠮᠣᠬᠠᠷᠠᠭᠤᠯᠬᠤ ᠳᠠᠭᠠᠨ ︽ | ᠦ᠂ ᠦ︾ ᠭᠡᠵᠦ᠂ ᠱᠠᠯᠠᠵᠦ ᠱᠠᠭᠠᠷᠳᠠᠬᠤ ᠳᠠᠭᠠᠨ ︽ᠬᠦᠭᠡᠭ᠂ ᠬᠦᠭᠡᠭ︾ ︽ᠴᠦᠬᠦ᠂ ᠴᠦᠬᠦ︾ ᠭᠡᠵᠦ᠂ ᠵᠠᠯᠠᠵᠦ | ᠶᠠᠪᠤᠭᠤᠯᠬᠤ ᠳᠠᠭᠠᠨ ︽ᠳ᠋ᠠ᠂ ᠳ᠋ᠠ︾ ︽ᠯᠠᠢ᠂ ᠯᠠᠢ︾ ︽ᠢ᠂ ᠢ︾ ︽ᠸᠧ᠂ ᠸᠧ︾ ᠭᠡᠳᠡᠭ᠃ ᠲᠡᠮᠡᠭᠡ ᠶᠢ | ᠰᠦᠭᠦᠳᠭᠡᠵᠦ ᠭᠡᠪᠳᠡᠭᠦᠯᠬᠦ ᠳᠡᠭᠡᠨ ︽ᠰᠦᠭᠦ᠂ ᠰᠦᠭᠦ︾ ᠭᠡᠵᠦ᠂ ᠱᠠᠯᠠᠵᠦ ᠱᠠᠭᠠᠷᠳᠠᠬᠤ ᠳᠠᠭᠠᠨ ︽ᠴᠦᠬᠦ᠂ ᠴᠦᠬᠦ︾ | ᠭᠡᠳᠡᠭ᠃ ᠬᠤᠨᠢ ᠶᠢ ᠬᠠᠰᠢᠵᠦ ᠵᠠᠯᠠᠬᠤ ᠳᠤ ︽ᠭᠦᠤᠷ᠂ ᠭᠦᠤᠷ︾ ︽ᠭᠦᠤᠷᠬᠢ᠂ ᠭᠦᠤᠷᠬᠢ︾ ︽ᠴᠠᠳ᠂ ᠴᠠᠳ | ︾ ᠭᠡᠬᠦ ᠪᠠ ᠢᠮᠠᠭᠠ ᠶᠢ ︽ᠴᠠ᠂ ᠴᠠ︾ ︽ᠴᠠᠰ᠂ ᠴᠠᠰ︾ ︽ᠴᠠᠳ᠂ ᠴᠠᠳ︾ ᠭᠡᠳᠡᠭ᠃ ᠦᠭᠡᠷ ᠬᠤᠨᠢ | ᠢᠮᠠᠭᠠᠨ ᠤ ᠰᠦᠷᠦᠭ ᠢ ᠡᠷᠬᠢᠭᠦᠯᠬᠦ ᠪᠤᠶᠤ ᠭᠠᠭᠴᠠ ᠬᠤᠶᠠᠷ ᠢᠶᠠᠷ ᠰᠠᠯᠵᠦ ᠶᠠᠪᠤᠭᠰᠠᠳ ᠢ ᠰᠦᠷᠦᠭ ᠲᠤᠨᠢ | ᠨᠡᠶᠢᠯᠡᠭᠦᠯᠬᠦ ᠳᠤ ︽ᠡᠷᠬᠢ᠂ ᠡᠷᠬᠢ︾ ︽ᠪᠣᠴᠠ᠂ ᠪᠣᠴᠠ︾ ᠭᠡᠳᠡᠭ᠃ | ᠭᠡᠳᠡᠯᠡ ᠣᠳᠣ ᠪᠡᠯᠴᠢᠭᠡᠷ ᠤᠰᠦ ᠲᠠᠴᠢᠷᠳᠠᠨ ᠮᠠᠯ ᠤᠨᠤᠭᠠ ᠬᠤᠪᠣᠷᠳᠠᠭᠰᠠᠨ ᠲᠡᠭᠡᠷᠡ ᠮᠠᠰᠢᠨ ᠮᠧᠬᠠᠨᠢᠭ | ᠣᠯᠠᠰᠢᠷᠠᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠰᠠᠳᠬᠤ ᠰᠢᠬᠠᠭᠰᠠᠨ ᠲᠤᠯᠠ ᠦᠭᠡ ᠬᠠᠮᠠᠷ ᠢᠶᠠᠨ ᠣᠯᠣᠯᠴᠠᠳᠠᠭ ᠲᠠᠭᠤᠳᠠᠯᠭᠠ | ᠲᠣᠬᠢᠶᠠ ᠤᠰᠠᠳᠬᠤ ᠵᠦᠭ ᠲᠡᠭᠡᠨ ᠬᠠᠨᠳᠤᠵᠦ᠂ ᠵᠠᠷᠢᠮ ᠨᠠᠭᠦᠳᠡᠯ ᠠᠮᠢᠳᠤᠷᠠᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠺᠢᠨᠣ᠋ ᠲᠧᠯᠸᠢᠰ ᠲᠤ | ᠮᠣᠷᠢ ᠪᠠᠨ ᠰᠢᠪᠠᠳᠠᠨ ᠬᠤᠷᠳᠤᠯᠠᠭᠤᠯᠬᠤ ᠭᠡᠪᠡᠯ ︽ᠴᠦᠬᠦ᠂ ᠴᠦᠬᠦ︾ ᠭᠡᠬᠦ ᠦᠭᠡᠢ ᠬᠠᠷᠢᠨ ︽ᠵᠧ᠂ ᠵᠧ︾ ᠭᠡᠵᠦ᠂ | ᠵᠣᠭᠰᠣᠬᠤ ᠭᠡᠪᠡᠯ ︽ᠵᠣᠭᠰᠦ︾ ᠭᠡᠬᠦ ᠦᠭᠡᠢ ᠬᠠᠷᠢᠨ ︽ᠢᠤᠢ᠂ ᠢᠤᠢ︾ ᠭᠡᠵᠦ ᠬᠢᠳᠠᠳ ᠢᠶᠠᠷ ᠶᠠᠷᠢᠵᠦ | ᠪᠠᠶᠢᠬᠤ ᠨᠢ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠴᠦ ᠭᠦᠢᠴᠡᠳ ᠲᠠᠨᠢᠬᠤ ᠦᠭᠡᠢ ᠭᠡᠤᠭᠡᠳ ᠲᠡᠭᠡᠨ ᠤᠯᠠᠮᠵᠢᠯᠠᠯᠳᠦ ᠵᠠᠩ | ᠵᠠᠩᠰᠢᠯ ᠢ ᠮᠡᠳᠡᠭᠦᠯᠬᠦ ᠳᠤ ᠬᠦᠳᠦᠯᠬᠦ ᠦᠭᠡᠢ ᠬᠠᠷᠢᠨ ᠤᠯᠠᠮᠵᠢᠯᠠᠯᠳᠦ ᠦᠭᠡ ᠬᠠᠮᠠᠷ ᠢᠶᠠᠨ ᠤᠯᠤᠯᠴᠠᠳᠠᠭ ᠵᠠᠩ ᠢ | ᠪᠤᠷᠤᠭᠤ ᠳᠡᠰᠢ ᠬᠦᠳᠦᠯᠵᠦ ᠪᠠᠶᠢᠬᠤ ᠲᠤᠯᠠ ᠡᠭᠦᠨ ᠢ ᠪᠢᠴᠢᠵᠦ ᠦᠷᠡ ᠬᠤᠶᠢᠴᠢᠰ ᠲᠠᠭᠠᠨ ᠦᠨᠳᠤᠰᠤᠳᠡᠨ ᠤ ᠪᠠᠨ | ᠤᠯᠠᠮᠵᠢᠯᠠᠯᠳᠦ ᠰᠠᠶᠢᠬᠠᠨ ᠵᠠᠩ ᠤᠶᠢᠯᠡ ᠶᠢ ᠮᠡᠳᠡᠭᠦᠯᠬᠦ ᠶᠢ ᠵᠣᠷᠢᠭᠰᠠᠨ ᠮᠢᠨᠢ ᠡᠨᠡ᠃ | | ᠵᠣᠬᠢᠶᠠᠭᠴᠢ᠄ ᠨᠣᠷᠪᠤᠪᠠᠽᠠᠷ | |