ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠶᠡᠭᠡ ᠪᠠᠭᠠᠷᠢᠨ ᠤ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠭᠢᠭᠡᠳ ᠲᠥᠳᠥᠭᠡᠷ ᠡᠭᠦᠳᠡᠨ ᠤ ᠲᠠᠶᠢᠵᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020-04-24
    1634 ᠤᠨ ᠳᠤ ᠴᠢᠩ ᠤᠨ ᠲᠥᠷᠥ ᠠᠴᠠ ᠮᠤᠩᠭᠤᠯᠴᠤᠳ ᠢ ᠠᠩᠬ᠎ᠠ ᠬᠤᠰᠢᠭᠤ ᠬᠤᠪᠢᠶᠠᠬᠤ ᠥᠶ᠎ᠡ ᠳᠤ ᠪᠠᠭᠠᠷᠢᠨ ᠤ ᠰᠧᠳᠠᠷ ᠪᠠᠷᠠᠭᠤᠨ ᠭᠠᠷ ᠢ ᠵᠠᠭᠢᠷᠴᠤ᠂ ᠠᠴᠢ ᠭᠥᠪᠡᠭᠦᠨ ᠮᠠᠨᠽᠤᠰᠢᠷᠢ ᠵᠡᠭᠦᠨ ᠭᠠᠷ ᠢ ᠮᠡᠳᠡᠭᠰᠡᠨ ᠪᠠᠶᠢᠨ᠎ᠡ᠃ ᠪᠠᠭᠠᠷᠢᠨ ᠤ ᠪᠠᠷᠠᠭᠤᠨ ᠭᠠᠷ ᠤᠨ ᠸᠠᠩ ᠨᠠᠷ ᠵᠢᠶᠦ᠋ᠨ ᠸᠠᠩ᠂ ᠴᠢᠨ ᠸᠠᠩ ᠵᠡᠷᠭᠡ ᠭᠥᠷᠳᠡᠵᠤ ᠵᠡᠭᠦᠨ ᠭᠠᠷ ᠤᠨ ᠨᠤᠶᠠᠳ ᠶᠡᠷᠥᠳᠡᠭᠡᠨ ᠪᠠᠶᠢᠰᠠ ᠭᠡᠷᠭᠡᠮ ᠤᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠠᠪᠠᠭ᠎ᠠ ᠠᠪᠤ ᠶᠢᠨ ᠬᠢᠨᠢ ᠵᠠᠭᠢᠷᠤᠭᠰᠠᠨ ᠬᠤᠰᠢᠭᠤ ᠪᠤᠯᠤᠭᠰᠠᠨ ᠠᠴᠠ ᠤᠤ ᠡᠰᠡᠭᠦᠯ᠎ᠡ ᠭᠠᠪᠢᠶ᠎ᠡ ᠵᠢᠳᠭᠦᠯ᠂ ᠵᠡᠷᠭᠡ ᠲᠡᠰ ᠤᠨ ᠶᠡᠭᠡ ᠠᠴᠠ ᠪᠤᠯᠤᠭᠰᠠᠨ ᠤᠤ ᠪᠤᠤ ᠮᠡᠳᠡ᠂ ᠪᠠᠷᠠᠭᠤᠨ ᠭᠠᠷ ᠢ ᠨᠢ ᠶᠡᠭᠡ ᠪᠠᠭᠠᠷᠢᠨ᠂ ᠵᠡᠭᠦᠨ ᠭᠠᠷ ᠢ ᠨᠢ ᠪᠠᠭ᠎ᠠ ᠪᠠᠭᠠᠷᠢᠨ ᠭᠡᠳᠡᠭ ᠪᠠᠶᠢᠵᠠᠢ᠃     ᠴᠢᠩᠭᠢᠰ ᠬᠠᠭᠠᠨ ᠤ ᠬᠤᠷᠢᠨ ᠨᠢᠭᠡᠳᠥᠭᠡᠷ ᠥᠶ᠎ᠡ ᠶᠢᠨ ᠤᠮᠪᠤᠯ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠩᠬᠠᠳᠠᠭᠴᠢ ᠵᠠᠰᠠᠭ ᠲᠥᠷᠥ ᠶᠢᠨ ᠵᠢᠶᠦ᠋ᠨ ᠸᠠᠩ ᠰᠧᠪᠳᠠᠨ ᠭᠢᠭᠡᠳ ᠴᠢᠩ ᠤᠨ ᠲᠠᠶᠢᠰᠥᠩ ᠬᠠᠭᠠᠨ ᠬᠤᠩ ᠲᠠᠶᠢᠵᠢ ᠶᠢᠨ ᠲᠠᠪᠤᠳᠤᠭᠠᠷ ᠥᠭᠢᠨ ᠠᠲ᠋ᠤ᠋ ᠭᠥᠡᠭᠵᠥ ᠬᠤᠶᠠᠷ ᠠᠴᠠ ᠸᠴᠢᠷ᠂ ᠭᠡᠷᠡᠯᠳᠤ᠂ ᠨᠠᠮᠵᠠ᠂ ᠷᠠᠪᠳᠠᠨ ᠭᠡᠮᠡᠭᠦ ᠲᠥᠷᠪᠡᠨ ᠭᠥᠪᠡᠭᠦᠨ ᠲᠠᠢ ᠪᠢᠯᠡ᠃ ᠡᠨᠡ ᠲᠥᠷᠪᠡ ᠠᠴᠠ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠲᠥᠷᠪᠡᠨ ᠡᠭᠦᠳᠡᠨ ᠤ ᠲᠠᠶᠢᠵᠢ ᠨᠠᠷ ᠪᠤᠢ ᠪᠤᠯᠤᠭᠰᠠᠨ ᠶᠤᠮ᠃ ᠲᠥᠷᠪᠡᠳᠥᠭᠡᠷ ᠭᠥᠪᠡᠭᠦᠨ ᠷᠠᠪᠳᠠᠨ ᠠᠴᠠ ᠡᠭᠦᠰᠥᠭᠰᠡᠨ ᠨᠢ ᠲᠠᠷᠤᠢ ᠲᠥᠳᠥᠭᠡᠷ ᠡᠭᠦᠳᠡᠨ ᠤ ᠲᠠᠶᠢᠵᠢ ᠨᠠᠷ ᠪᠤᠯᠤᠨ᠎ᠡ᠃ ᠮᠤᠩᠭᠤᠯ ᠲᠡᠤᠭᠡᠨ ᠲᠤᠯᠭᠤᠷ ᠪᠢᠴᠢᠭ ᠲᠤ᠄ ︽ᠬᠠᠭᠠᠨ ᠤ ᠰᠢᠳᠠᠷ ᠲᠤ ᠶᠠᠪᠤᠬᠤ ᠲᠥᠷᠥ ᠶᠢᠨ ᠡᠹᠦ᠋ · ᠲᠤᠰᠠᠯᠠᠭᠴᠢ · ᠲᠡᠷᠢᠭᠦᠨ ᠵᠡᠷᠭᠡ ᠶᠢᠨ ᠲᠠᠶᠢᠵᠢ ᠷᠠᠪᠳᠠᠨ︾ ᠭᠡᠵᠤ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠵᠡᠢ ①᠃ ᠬᠠᠭᠠᠨ ᠤ ᠰᠢᠳᠠᠷ ᠶᠠᠪᠤᠭᠰᠠᠳ ᠪᠤᠯ ᠶᠡᠷᠥᠳᠡᠭᠡᠨ ᠪᠢᠴᠢᠭ ᠴᠡᠷᠢᠭ ᠤᠨ ᠡᠷᠳᠡᠮ ᠬᠤᠤᠰᠯᠠᠭᠰᠠᠨ ᠭᠠᠷᠮᠠᠭᠠᠢ ᠭᠥᠮᠥᠰ ᠪᠠᠶᠢᠭᠰᠠᠨ ᠶᠤᠮ᠃ ᠡᠭᠦᠨ ᠠᠴᠠ ᠪᠢᠳᠡ ᠷᠠᠪᠳᠠᠨ ᠨᠤᠶᠠᠨ ᠡᠵᠡᠨ ᠬᠠᠭᠠᠨ ᠤ ᠭᠠᠷ ᠲᠤᠤᠷ᠎ᠡ ᠰᠢᠳᠠᠷ ᠥᠢᠯᠡᠴᠢᠯᠡᠵᠤ ᠪᠠᠶᠢᠭᠰᠠᠨ ᠢᠳᠡᠭᠡᠯᠳᠤ ᠰᠠᠶᠢᠳ ᠪᠥᠭᠡᠳ ᠲᠥᠷᠥ ᠶᠢᠨ ᠭᠥᠷᠭᠡᠨ᠂ ᠲᠤᠰᠠᠯᠠᠭᠴᠢ ᠮᠥᠷᠳᠡᠭᠡᠨ ᠲᠡᠷᠢᠭᠦᠨ ᠵᠡᠷᠭᠡ ᠶᠢᠨ ᠲᠡᠶᠢᠵᠢ ᠵᠡᠷᠭᠡ ᠤᠯᠠᠨ ᠵᠡᠷᠭᠡ ᠭᠡᠷᠭᠡᠮ ᠲᠠᠢ ᠪᠠᠶᠢᠭᠰᠠᠨ ᠢ ᠮᠡᠳᠡᠵᠤ ᠪᠤᠯᠤᠨ᠎ᠡ᠃ ︽ᠡᠷᠭᠢᠮ ᠲᠡᠭᠡᠳᠤ ᠭᠥᠡᠭᠵᠤ ᠮᠠᠮᠠ ᠶᠢᠨ ᠸᠠᠩ ᠨᠤᠶᠠᠳ ᠤᠨ ᠬᠠᠭᠤᠴᠢᠨ ᠤ ᠥᠨᠳᠥᠰᠥᠨ ᠤ ᠪᠢᠴᠢᠭ︾ ᠲᠤ ᠪᠠᠰᠠ ︽ᠲᠥᠳᠥᠭᠡᠷ ᠭᠥᠪᠡᠭᠦᠨ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠶᠠᠪᠤᠵᠤᠬᠤᠢ︾ ᠭᠡᠵᠤ ᠲᠡᠮᠳᠡᠭᠯᠡᠭᠳᠡᠵᠡᠢ ②᠃ ︽ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ ᠤᠨ ᠬᠠᠪᠰᠤᠷᠤᠭᠴᠢ ᠨᠤᠶᠠᠨ ᠢ ᠲᠤᠰᠠᠯᠠᠭᠴᠢ ᠲᠠᠶᠢᠵᠢ ᠭᠡᠳᠡᠭ᠃ ᠲᠤᠰᠠᠯᠠᠭᠴᠢ ᠨᠢ ᠵᠠᠰᠠᠭ ᠸᠠᠩ ᠢ ᠬᠠᠪᠰᠤᠷᠴᠤ ᠬᠤᠰᠢᠭᠤᠨ ᠤ ᠠᠯᠢᠪᠠ ᠠᠯᠪᠠᠨ ᠶᠠᠪᠤᠳᠠᠯ ᠢ ᠭᠤᠤᠯᠯᠠᠨ ᠬᠠᠷᠢᠭᠤᠴᠠᠵᠤ ᠵᠠᠰᠠᠭ ᠸᠠᠩ ᠪᠠᠶᠢᠬᠤ ᠥᠭᠡᠢ ᠥᠶ᠎ᠡ ᠳᠤ ᠲᠤᠰᠠᠯᠠᠭᠴᠢ ᠠᠴᠠ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠡᠷᠭᠡ ᠶᠢ ᠤᠷᠤᠯᠠᠨ ᠭᠥᠢᠴᠡᠳᠭᠡᠨ᠎ᠡ᠃ ᠲᠤᠰᠠᠯᠠᠭᠴᠢ ᠶᠢ ᠲᠠᠯᠪᠢᠬᠤ ᠳᠤ ᠬᠤᠰᠢᠭᠤᠨ ᠤ ᠲᠠᠶᠢᠵᠢ ᠨᠠᠷ ᠤᠨ ᠲᠤᠳᠤᠷ᠎ᠡ ᠠᠴᠠ ᠰᠢᠯᠢᠵᠤ ᠰᠤᠩᠭᠤᠭᠠᠳ ᠴᠢᠭᠤᠯᠭᠠᠨ ᠲᠠᠷᠤᠭ᠎ᠠ ᠪᠠᠷ ᠲᠠᠮᠵᠢᠭᠤᠯᠤᠨ ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ ᠲᠥᠷᠥ ᠶᠢ ᠵᠠᠰᠠᠬᠤ ᠶᠠᠮᠤᠨ ᠳᠤ ᠮᠡᠳᠡᠭᠦᠯᠵᠤ ᠡᠵᠡᠨ ᠬᠠᠭᠠᠨ ᠠᠴᠠ ᠠᠯᠪᠠᠨ ᠶᠤᠰᠤᠭᠠᠷ ᠲᠤᠮᠢᠯᠠᠳᠠᠭ᠃ ᠲᠤᠰᠠᠯᠠᠭᠴᠢ ᠶᠢᠨ ᠲᠤᠰᠢᠶᠠᠯ ᠢ ᠨᠠᠰᠤ ᠪᠠᠷ ᠢᠶᠠᠨ ᠭᠥᠢᠴᠡᠳᠭᠡᠵᠤ ᠪᠤᠯᠬᠤ ᠪᠤᠯᠪᠠᠴᠤ ᠥᠶ᠎ᠡ ᠤᠯᠠᠷᠢᠨ ᠵᠠᠯᠭᠠᠮᠵᠢᠯᠠᠳᠠᠭ ᠥᠭᠡᠢ ᠶᠤᠮ︾ ③᠃ 1648 ᠤᠨ ᠳᠤ ᠠᠲ᠋ᠤ᠋ ᠭᠥᠡᠭᠵᠤ ᠰᠧᠪᠳᠠᠨ ᠸᠠᠩ ᠳᠤ ᠮᠤᠷᠳᠠᠵᠤ ᠢᠷᠡᠭᠰᠡᠨ ᠪᠠ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠲᠥᠷᠪᠡᠨ ᠭᠥᠪᠡᠭᠦᠳ ᠤᠨ ᠢᠶᠠᠨ ᠬᠠᠮᠤᠭ ᠪᠠᠭ᠎ᠠ ᠨᠢ ᠪᠠᠶᠢᠭᠰᠠᠨ ᠲᠤᠯᠠ ᠪᠠᠷᠤᠭ 1660 ᠤᠨ ᠤ ᠥᠶ᠎ᠡ ᠪᠠᠷ ᠲᠥᠷᠥᠭᠰᠡᠨ ᠪᠠᠶᠢᠵᠤ ᠲᠠᠭᠠᠷᠠᠨ᠎ᠡ᠃ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠶᠢᠨ ᠡᠭᠡᠨᠡᠷ ᠨᠢ ᠪᠠᠰᠠ ᠮᠠᠨᠵᠤ ᠭᠡᠭᠡ ᠪᠠᠶᠢᠵᠠᠢ᠃ ᠲᠡᠳᠡᠨ ᠠᠴᠠ ᠠᠯᠳᠠᠪᠠ᠂ ᠡᠷᠳᠡᠨᠢ᠂ ᠴᠢᠳᠠᠭᠴᠢ᠂ ᠰᠠᠶᠢᠨᠬᠤᠪᠢᠳᠤ᠂ ᠤᠶᠤᠳᠤ᠂ ᠰᠤᠨᠤᠮ ᠵᠡᠷᠭᠡ ᠵᠢᠷᠭᠤᠭᠠᠨ ᠭᠥᠪᠡᠭᠦᠨ ᠲᠠᠢ ᠪᠠᠶᠢᠵᠤ ᠭᠠᠭᠴᠠ ᠰᠠᠶᠢᠨᠬᠤᠪᠢᠳᠤ ᠭᠡᠤᠭᠡᠳ ᠥᠭᠡᠢ ᠪᠤᠯᠪᠠᠴᠤ ᠨᠥᠭᠦᠭᠡ ᠲᠡᠪᠤ ᠠᠴᠠ ᠨᠢ ᠪᠠᠷᠠᠮᠢᠳ᠂ ᠰᠠᠮᠳᠠᠨ᠂ ᠲᠠᠷᠬᠠᠨ᠂ ᠥᠵᠡᠰᠭᠦᠯᠡᠩ᠂ ᠵᠢᠮᠪᠠ ᠵᠡᠷᠭᠡ ᠠᠷᠪᠠᠨ ᠨᠠᠢᠮᠠᠨ ᠤᠮᠪᠤᠯ ᠲᠠᠢ ᠶᠡᠭᠡ ᠭᠡᠷ ᠪᠥᠯᠢ ᠪᠠᠶᠢᠭᠰᠠᠨ ᠶᠤᠮ ④᠃ ᠡᠳᠡᠨᠥᠰ ᠶᠡᠭᠡ ᠪᠠᠭᠠᠷᠢᠨ ᠤ ᠲᠥᠳᠥᠭᠡᠷ ᠡᠭᠦᠳᠡᠨ ᠤ ᠲᠠᠶᠢᠵᠢ ᠨᠠᠷ ᠢ ᠡᠭᠢᠯᠡᠨ ᠪᠥᠷᠢᠯᠳᠥᠭᠦᠯᠥᠭᠰᠡᠨ ᠲᠤᠯᠠ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠪᠤᠯ ᠬᠠᠮᠳᠤ ᠶᠢᠨ ᠲᠡᠭᠡᠳᠥᠰ ᠪᠤᠯᠬᠤ ᠶᠤᠮ᠃ 2013 ᠤᠨ ᠤ ᠨᠡᠶᠢᠭᠡᠮ ᠤᠨ ᠪᠥᠷᠢᠳᠭᠡᠯ ᠢ ᠥᠨᠳᠥᠰᠥᠯᠡᠪᠡᠯ ᠪᠠᠭᠠᠷᠢᠨ ᠤ ᠲᠥᠳᠥᠭᠡᠷ ᠡᠭᠦᠳᠡᠨ ᠤ ᠲᠠᠶᠢᠵᠢ ᠨᠠᠷ ᠪᠠᠶᠠᠨᠬᠠᠨ᠂ ᠪᠠᠶᠠᠨᠳᠠᠯ᠎ᠡ᠂ ᠪᠠᠶ᠋ᠬᠠᠷᠳᠡᠨᠢ᠂ ᠴᠠᠭᠠᠨᠨᠠᠭᠤᠷ᠂ ᠰᠢᠷᠡᠮᠦ᠋ᠷᠡᠨ᠂ ᠳ᠋ᠠᠪᠠᠨ ᠵᠡᠷᠭᠡ ᠰᠤᠮᠤ ᠪᠠᠯᠭᠠᠰᠤ ᠪᠠᠷ ᠲᠥᠪᠯᠡᠷᠡᠵᠤ ᠪᠥᠭᠦᠳᠡ 340 ᠭᠠᠷᠤᠢ ᠡᠷᠥᠭᠡ᠂ 1250 ᠭᠠᠷᠤᠢ ᠭᠥᠮᠥᠨ ᠠᠮᠠ ᠲᠠᠢ ᠪᠤᠯᠵᠠᠢ᠃ ᠤᠯᠠᠨ ᠵᠥᠢᠯ ᠤᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠤ ᠭᠠᠳᠠᠨ᠎ᠡ ᠤᠷᠤᠨ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠭ᠎ᠠ ᠪᠠ ᠨᠡᠭᠦᠵᠤ ᠶᠠᠪᠤᠭᠰᠠᠨ ᠨᠢᠭᠡ ᠪᠥᠯᠥᠭ ᠡᠷᠥᠭᠡ ᠠᠮᠠ ᠭᠡᠭᠡᠭᠳᠡᠭᠰᠡᠨ ᠪᠤᠯᠪᠠᠴᠤ ᠵᠤᠩᠭᠢᠯᠠᠬᠤ ᠤᠯᠠᠨ ᠨᠢ ᠲᠡᠮᠳᠡᠭᠯᠡᠯ ᠳᠤ ᠤᠷᠤᠭᠰᠠᠨ ᠨᠢ ᠢᠯᠡᠷᠭᠡᠢ ᠪᠠᠶᠢᠳᠠᠭ᠃     ᠤᠯᠠᠨ ᠵᠢᠯ ᠤᠨ ᠲᠠᠶᠢᠨ ᠲᠠᠵᠢᠨ ᠪᠤᠯᠤᠨ ᠤᠯᠤᠰ ᠲᠥᠷᠥ ᠶᠢᠨ ᠠᠵᠢᠯᠯᠠᠭᠠᠨ ᠠᠴᠠ ᠪᠤᠯᠵᠤ ᠪᠠᠭᠠᠷᠢᠨ ᠤ ᠲᠡᠤᠭᠡ ᠪᠤᠯᠤᠨ ᠲᠥᠷᠪᠡᠨ ᠭᠡᠷ ᠤᠨ ᠲᠠᠶᠢᠵᠢ ᠨᠠᠷ ᠤᠨ ᠴᠠᠳᠢᠭ ᠤᠯᠠᠩᠭᠢ ᠨᠢ ᠰᠥᠢᠳᠥᠭᠰᠡᠨ ᠪᠤᠯᠪᠠᠴᠤ ᠪᠠᠶᠠᠨᠳᠠᠯ᠎ᠡ ᠰᠤᠮᠤ ᠶᠢᠨ ᠪᠤᠷᠭᠠᠰᠤᠳᠠᠢ ᠠᠶᠢᠯ ᠤᠨ ᠲᠤᠷᠵᠢᠰᠡᠧᠷᠠᠩ ᠤᠨ ᠭᠡᠷ ᠤᠨ ᠴᠠᠳᠢᠭ ᠨᠢ ︽ᠪᠤᠯᠤᠷ ᠡᠷᠢᠭᠡ︾ ᠳᠠᠬᠢ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠶᠢᠨ ᠥᠶ᠎ᠡ ᠲᠠᠢ ᠵᠠᠯᠭᠠᠭᠰᠠᠨ ᠠᠴᠠ ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠤᠳᠤ ᠪᠤᠯᠳᠠᠯᠠᠭᠢ ᠨᠠᠢᠮᠠᠨ ᠵᠠᠭᠤ ᠢᠯᠡᠭᠦᠥ ᠵᠢᠯ ᠤᠨ ᠠᠯᠳᠠᠨ ᠤᠷᠤᠭᠳᠠᠨ ᠤ ᠨᠢᠭᠡᠨ ᠭᠡᠷ ᠤᠨ ᠪᠥᠷᠢᠨ ᠲᠡᠤᠭᠡ ᠶᠢ ᠬᠠᠳᠠᠭᠠᠯᠠᠵᠤ ᠴᠢᠳᠠᠭᠰᠠᠨ ᠲᠡᠤᠭᠡᠨ ᠭᠠᠶᠢᠬᠠᠮᠰᠢᠭ ᠪᠤᠯᠤᠭᠰᠠᠨ ᠪᠢᠯᠡ᠃     1684 ᠤᠨ ᠳᠤ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠴᠠᠭᠠᠨ ᠭᠡᠷᠡᠮ ᠤᠨ ᠠᠷᠤ ᠳᠤ ᠠᠪᠠᠯᠠᠵᠤ᠂ ᠠᠭᠤᠯᠠᠳᠠᠢ ᠭᠡᠳᠡᠭ ᠭᠠᠵᠠᠷ ᠪᠠᠭᠤᠳᠠᠯᠯᠠᠭᠰᠠᠨ ᠳᠤ ᠷᠠᠪᠳᠠᠨ ᠡᠹᠦ᠋᠂ ᠪᠠᠭᠠᠷᠢᠨ ᠤ ᠨᠠᠮᠳᠠᠭ ᠵᠢᠶᠦ᠋ᠨ ᠸᠠᠩ᠂ ᠪᠠᠶᠢᠰᠠ ᠥᠷᠡᠵᠡ᠂ ᠪᠠᠶᠢᠰᠠ ᠤᠴᠤᠭ ᠤᠨ ᠬᠠᠮᠳᠤ ᠭᠥᠷᠥᠯᠴᠡᠨ ᠤᠴᠢᠵᠤ ᠪᠠᠷᠠᠭᠠᠯᠠᠭᠠᠳ ᠬᠠᠭᠠᠨ ᠤ ᠮᠠᠩᠨᠤᠭ ᠲᠡᠪᠡᠯ᠂ ᠭᠥᠷᠮ᠎ᠡ᠂ ᠮᠥᠡᠭᠭᠦᠨ ᠤ ᠱᠠᠩᠨᠠᠯ ᠭᠥᠷᠳᠡᠭᠰᠡᠨ ᠪᠠᠶᠢᠨ᠎ᠡ ⑤᠃ 1690 ᠤᠨ ᠳᠤ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠮᠤᠩᠭᠤᠯ ᠤᠨ ᠡᠯ᠎ᠡ ᠬᠤᠰᠢᠭᠤᠨ ᠠᠴᠠ ᠴᠡᠷᠢᠭ ᠲᠠᠳᠠᠵᠤ ᠭᠠᠯᠳᠠᠨ ᠪᠤᠱᠤᠭᠳᠤ ᠬᠠᠭᠠᠨ ᠢ ᠴᠤᠭᠢᠬᠤ ᠳᠤ ᠡᠹᠦ᠋ ᠷᠠᠪᠳᠠᠨ ᠬᠤᠶᠠᠷ ᠪᠠᠭᠠᠷᠢᠨ ᠤ ᠴᠡᠷᠢᠭ ᠢ ᠲᠠᠶᠢᠴᠢᠯᠠᠵᠤ ᠪᠠᠶᠢᠭᠰᠠᠨ ᠶᠤᠮ ⑥᠃ ᠷᠠᠪᠳᠠᠨ ᠤ ᠠᠴᠢ ᠭᠥᠪᠡᠭᠦᠨ ᠥᠷᠭᠦᠨ ᠪᠠᠰᠠ ᠡᠨᠡ ᠤᠳᠠᠭᠠᠨ ᠤ ᠪᠠᠶᠢᠯᠳᠤᠭᠠᠨ ᠳᠤ ᠶᠡᠭᠡ ᠭᠠᠪᠢᠶ᠎ᠡ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠭᠥᠡᠭᠵᠤ ᠪᠠᠨ ᠪᠠᠭᠤᠯᠭᠠᠨ ᠥᠭᠭᠦᠭᠰᠡᠨ ᠶᠤᠮ᠃     1672-1687 ᠤᠨ ᠪᠤᠯᠳᠠᠯᠠᠭᠢ 16 ᠵᠢᠯ ᠤᠨ ᠲᠤᠷᠰᠢ ᠳᠤ ᠤᠯᠤᠰ ᠤᠨ ᠲᠡᠪᠤᠨᠡᠩ ᠷᠠᠪᠳᠠᠨ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤ ᠠᠷᠪᠠᠨ ᠲᠠᠪᠤ ᠤᠳᠠᠭᠠᠨ ᠤ ᠠᠭᠤᠯᠵᠠᠯᠳᠠ ᠶᠢ ᠭᠥᠯᠢᠶᠡᠨ ᠲᠠᠶᠢᠯᠠᠯᠭ᠎ᠠ ᠭᠥᠷᠳᠡᠭᠰᠡᠨ ᠪᠠᠶᠢᠨ᠎ᠡ᠃ ᠡᠭᠦᠨ ᠳᠤ ᠵᠢᠷᠭᠤᠭ᠎ᠠ ᠤᠳᠠᠭ᠎ᠠ ᠨᠢ ᠸᠴᠢᠷ ᠵᠢᠶᠦ᠋ᠨ ᠸᠠᠩ ᠤᠨ ᠬᠠᠮᠳᠤ᠂ ᠬᠤᠶᠠᠷ ᠤᠳᠠᠭ᠎ᠠ ᠨᠢ ᠨᠠᠮᠳᠠᠭ ᠵᠢᠶᠦ᠋ᠨ ᠸᠠᠩ ᠤᠨ ᠬᠠᠮᠳᠤ᠂ ᠲᠥᠷᠪᠡ ᠤᠳᠠᠭ᠎ᠠ ᠨᠢ ᠥᠷᠡᠵᠢᠨ ᠪᠠᠶᠢᠰᠠ ᠪᠠ ᠸᠧᠨ ᠴᠥᠨ ᠪᠠᠶᠢᠰᠠ ᠲᠠᠢ ᠬᠠᠮᠳᠤ ᠤᠷᠤᠯᠴᠠᠭᠰᠠᠨ ᠠᠴᠠ ᠭᠠᠳᠠᠨ᠎ᠡ ᠪᠤᠰᠤᠳ ᠨᠢ ᠴᠥᠮ ᠠᠰᠳᠠᠭᠠᠨ ᠶᠠᠪᠤᠭᠳᠠᠭᠰᠠᠨ ᠶᠤᠮ᠃ ᠵᠤᠴᠢᠯᠠᠭᠰᠠᠨ ᠭᠠᠵᠠᠷ ᠨᠢ ᠵᠢᠷᠭᠤᠭ᠎ᠠ ᠤᠳᠠᠭ᠎ᠠ ᠪᠤᠤ ᠡᠾᠧ ᠳ᠋ᠢᠶᠠᠨ ᠬᠠᠷᠰᠢ ᠳᠤ᠂ ᠬᠤᠶᠠᠷ ᠤᠳᠠᠭ᠎ᠠ ᠴᠢᠶᠠᠨ ᠴᠢᠩ ᠮᠧᠨ ᠳᠤ᠂ ᠬᠤᠶᠠᠷ ᠤᠳᠠᠭ᠎ᠠ ᠵᠢᠩ ᠱᠠᠨ ᠤ ᠡᠮᠥᠨ᠎ᠡ ᠤᠷᠳᠤᠨ᠂ ᠬᠤᠶᠠᠷ ᠤᠳᠠᠭ᠎ᠠ ᠯᠢᠶᠠᠩ ᠵᠢᠩ ᠲᠠᠢ ᠤᠷᠳᠤᠨ ᠠᠴᠠ ᠭᠠᠳᠠᠨ᠎ᠡ ᠵᠤᠤ ᠤᠳᠠ ᠶᠢᠨ ᠤᠯᠠᠭᠠᠨ ᠲᠠᠯ᠎ᠡ᠂ ᠯᠢᠩ ᠯᠥᠩ ᠺᠸᠤ᠂ ᠶᠢᠩ ᠲᠠᠢ ᠮᠧᠨ ᠳᠤ ᠲᠤᠰᠪᠤᠷᠢ ᠨᠢᠭᠡ ᠤᠳᠠᠭ᠎ᠠ ᠶᠠᠪᠤᠭᠳᠠᠭᠰᠠᠨ ᠪᠠᠶᠢᠵᠠᠢ ⑦᠃ ᠲᠤᠰᠠᠯᠠᠭᠴᠢ ᠷᠠᠪᠳᠠᠨ ᠭᠢᠭᠡᠳ ᠲᠡᠭᠦᠨ ᠤ ᠥᠷ᠎ᠡ ᠭᠡᠤᠭᠡᠳ ᠤᠨ ᠬᠢᠨᠢ ᠤᠷᠳᠤ ᠬᠠᠷᠰᠢ ᠭᠡᠷ ᠭᠥᠷᠢᠶ᠎ᠡ ᠨᠢ ᠶᠡᠭᠡ ᠪᠠᠶᠢᠰᠢᠩ ᠳᠤ ᠪᠠᠶᠢᠵᠠᠢ᠃ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠪᠤᠯ ᠰᠧᠪᠳᠠᠨ ᠵᠢᠶᠦ᠋ᠨ ᠸᠠᠩ ᠭᠢᠭᠡᠳ ᠠᠲ᠋ᠤ᠋ ᠭᠥᠡᠭᠵᠤ ᠶᠢᠨ ᠤᠳᠬᠤᠨ ᠭᠥᠪᠡᠭᠦᠨ ᠪᠠᠶᠢᠭᠰᠠᠨ ᠲᠤᠯᠠ ᠮᠤᠩᠭᠤᠯ ᠥᠨᠳᠥᠰᠥᠳᠡᠨ ᠤ ᠵᠠᠩᠰᠢᠯ ᠶᠤᠰᠤᠭᠠᠷ ᠤᠳᠴᠢᠭᠢᠨ ᠨᠤᠶᠠᠨ ᠰᠢᠬ ᠭᠠᠯ ᠭᠤᠯᠤᠮᠳᠠ ᠪᠠᠨ ᠰᠠᠭᠢᠵᠤ ᠥᠪ ᠭᠥᠷᠥᠩᠭᠡ ᠪᠠᠨ ᠵᠠᠯᠭᠠᠮᠵᠢᠯᠠᠨ ᠲᠡᠷᠢᠭᠦᠨ ᠵᠡᠷᠭᠡ ᠶᠢᠨ ᠲᠠᠶᠢᠵᠢ ᠶᠢᠨ ᠭᠡᠷᠭᠡᠮ ᠭᠥᠷᠳᠡᠭᠰᠡᠨ ᠪᠥᠭᠡᠳ ᠭᠥᠡᠭᠵᠤ ᠮᠠᠮᠠ ᠶᠢᠨ ᠪᠤᠷᠬᠠᠨ ᠰᠢᠳᠥᠭᠡᠨ᠂ ᠰᠤᠳᠤᠷ ᠨᠤᠮ᠂ ᠡᠳ᠋ ᠡᠷᠳᠡᠨᠢ ᠶᠢ ᠴᠥᠮ ᠥᠮᠴᠢᠯᠡᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠲᠠᠭᠢᠵᠤ ᠭᠥᠪᠡᠭᠦᠨ ᠬᠤᠪᠢᠳᠤ ᠲᠠᠶᠢᠵᠢ ᠳᠠᠭᠠᠨ ᠤᠯᠠᠮᠵᠢᠯᠠᠵᠠᠢ᠃ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠶᠢᠨ ᠵᠢᠷᠭᠤᠭᠠᠨ ᠭᠥᠪᠡᠭᠦᠨ ᠤ ᠲᠤᠳᠤᠷ᠎ᠡ ᠠᠴᠠ ᠵᠥᠪᠭᠡᠨ ᠬᠤᠪᠢᠳᠤ ᠪᠤᠯᠤᠨ ᠴᠢᠳᠠᠭᠴᠢ ᠬᠤᠶᠠᠷ ᠲᠡᠷᠢᠭᠦᠨ ᠵᠡᠷᠭᠡ ᠶᠢᠨ ᠲᠠᠶᠢᠵᠢ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠪᠠᠶᠢᠨ᠎ᠡ ⑧᠃ ᠴᠢᠳᠠᠭᠴᠢ ᠭᠡᠳᠥ ᠤᠳᠠᠭ᠎ᠠ ᠵᠠᠷᠭᠤ ᠵᠠᠭᠠᠯᠳᠤᠭᠠᠨ ᠭᠢᠵᠤ ᠪᠤᠷᠤᠭᠤᠳᠠᠭᠠᠳ ᠲᠡᠷᠢᠭᠦᠨ ᠵᠡᠷᠭᠡ ᠪᠠᠨ ᠬᠤᠰᠤᠭᠤᠯᠤᠭᠰᠠᠨ ᠶᠤᠮ᠃ ︽ᠲᠤᠰᠠᠯᠠᠭᠴᠢ ᠷᠠᠪᠳᠠᠨ ᠤ ᠭᠥᠪᠡᠭᠦᠨ ᠡᠹᠦ᠋ ᠴᠢᠳᠠᠭᠴᠢ ᠪᠠᠷ ᠭᠥᠵᠢᠷᠯᠡᠵᠤ ᠥᠪᠡᠷ ᠤᠨ ᠡᠭᠡ ᠭᠡᠭᠡ᠂ ᠠᠬ᠎ᠠ ᠠᠯᠳᠠᠪᠠ ᠬᠤᠶᠠᠭᠤᠯᠠ ᠶᠢ ᠬᠤᠶᠠᠳᠤᠭᠠᠷ ᠭᠥᠡᠭᠵᠤ ᠳᠤ ᠬᠠᠷᠢᠶᠠᠯ ᠭᠢᠪᠡ ᠭᠡᠵᠤ ᠡᠴᠢᠭᠡ ᠷᠠᠪᠳᠠᠨ ᠳᠤᠷ ᠵᠠᠭᠠᠯᠳᠤᠭᠰᠠᠨ ᠳᠤᠷ ᠡᠴᠢᠭᠡ ᠲᠤᠭᠰᠢᠨ ᠨᠤᠶᠠᠨ ᠪᠥᠭᠦᠢ ᠲᠤᠯᠠ ᠡᠭᠡ ᠭᠥᠪᠡᠭᠦᠨ ᠡᠨᠡ ᠮᠡᠳᠥ ᠶᠤᠰᠤ ᠥᠭᠡᠢ ᠭᠡᠮᠡᠵᠤ ᠲᠠᠷᠤᠢ ᠪᠢᠴᠢᠭ ᠭᠢᠵᠤ ᠥᠪᠡᠷᠥᠨ ᠭᠡᠷᠭᠡᠢ ᠭᠡᠭᠡ ᠶᠢ ᠵᠤᠷᠭᠠᠨ ᠳᠤ ᠲᠤᠰᠢᠶᠠᠪᠠ᠃ ᠭᠥᠪᠡᠭᠦᠨ ᠠᠯᠳᠠᠪᠠ ᠶᠢ ᠲᠠᠶᠢᠵᠢ ᠶᠢ ᠡᠪᠳᠡᠨ ᠡᠷ᠎ᠡ ᠶᠢᠨ ᠢᠶᠠᠨ ᠪᠢᠴᠢᠭ ᠢ ᠪᠠᠰᠠ ᠵᠤᠷᠭᠠᠨ ᠳᠤ ᠶᠠᠪᠤᠭᠤᠯᠵᠤᠬᠤᠢ︾ ⑨᠃ ᠡᠳᠡᠭᠡᠷ ᠠᠴᠠ ᠪᠢᠳᠡ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠶᠢᠨ ᠭᠤᠶᠠᠴᠢ ᠥᠭᠡᠢ ᠲᠥᠪ ᠭᠤᠤᠯᠴᠢ ᠮᠥᠷᠳᠡᠭᠡᠨ ᠪᠠᠰᠠ ᠲᠤᠭᠰᠢᠨ ᠵᠠᠩ ᠲᠠᠢ ᠭᠡᠰᠡᠨ ᠢ ᠤᠯᠵᠤ ᠮᠡᠳᠡᠨ᠎ᠡ᠃ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭ᠎ᠠ ︽ᠭᠡᠭᠡᠨ ᠢ ᠭᠥᠡᠭᠵᠤ ᠮᠠᠮᠠ ᠶᠢᠨ ᠭᠡᠭᠡᠨ ᠤ ᠲᠡᠨᠳᠡ ᠥᠪᠡᠷ᠎ᠡ ᠬᠤᠷᠢᠶᠠᠨ ᠳᠤ ᠤᠷᠤᠰᠢᠭᠤᠯᠵᠤᠬᠤᠢ︾ ⑩ ᠭᠡᠰᠡᠨ ᠢᠶᠠᠷ ᠥᠵᠡᠭᠦ ᠳᠤ ᠭᠥᠡᠭᠵᠤ ᠮᠠᠮᠠ ᠶᠢᠨ ᠭᠡᠭᠡᠨ ᠢ ᠬᠤᠶᠠᠷ ᠤᠳᠠᠭ᠎ᠠ ᠰᠢᠯᠵᠢᠭᠦᠯᠥᠭᠰᠡᠨ ᠤ ᠲᠠᠷᠠᠭᠠᠭᠢ ᠲᠡᠮᠴᠢ ᠶᠢᠨ ᠪᠠᠶᠠᠨᠬᠤᠰᠢᠭᠤ ᠳᠠᠬᠢ ᠭᠥᠡᠭᠵᠤ ᠶᠢᠨ ᠤᠡᠭᠭᠤᠨ ᠤ ᠵᠠᠬ᠎ᠠ ᠳᠤ ᠤᠷᠤᠰᠢᠭᠤᠯᠤᠭᠰᠠᠨ ᠪᠠᠶᠢᠨ᠎ᠡ᠃ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠤ᠄ ︽ᠭᠥᠡᠭᠵᠤ ᠶᠢᠨ ᠤᠡᠭᠭᠤᠨ ᠤ ᠭᠥᠷᠢᠶᠡᠨ ᠤ ᠬᠤᠶᠢᠳᠤ ᠲᠠᠯ᠎ᠡ ᠳᠠᠬᠢ ᠴᠢᠯᠠᠭᠤᠨ ᠭᠥᠷᠢᠶᠡᠨ ᠳᠤ ᠸᠴᠢᠷ᠂ ᠨᠠᠮᠳᠠᠭ ᠬᠤᠶᠠᠷ ᠵᠢᠶᠦ᠋ᠨ ᠸᠠᠩ᠂ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ᠂ ᠠᠯᠳᠠᠪᠠ ᠲᠠᠶᠢᠵᠢ᠂ ᠴᠠᠩᠪᠤᠤ ᠨᠠᠷ ᠤᠨ ᠲᠤᠯᠤᠭᠠᠨ ᠪᠤᠩᠬᠤᠨ ᠪᠠᠶᠢᠭᠰᠠᠨ ᠢ ᠭᠥᠮᠥᠰ ︿ᠨᠤᠶᠠᠳ ᠤᠨ ᠭᠡᠭᠡᠨ﹀ ᠭᠡᠳᠡᠭ ᠪᠠᠶᠢᠵᠠᠢ ︾ B11 ᠭᠡᠵᠤ ᠨᠠᠷᠢᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠶᠢᠨ ᠨᠠᠰᠤ ᠪᠠᠷᠠᠭᠰᠠᠨ ᠪᠤᠳᠠᠳᠤ ᠴᠠᠭ ᠬᠤᠭᠤᠴᠠᠭ᠎ᠠ ᠶᠢᠨ ᠲᠡᠮᠳᠡᠭᠯᠡᠯ ᠢ ᠪᠢᠳᠡ ᠤᠯᠤᠭ᠎ᠠ ᠥᠭᠡᠢ ᠴᠤ ︽1723 ᠤᠨ ᠳᠤ ᠷᠠᠪᠳᠠᠨ ᠤ ᠲᠥᠳᠥᠭᠡᠷ ᠭᠥᠪᠡᠭᠦᠨ ᠬᠤᠪᠢᠳᠤ ᠥᠷ᠎ᠡ ᠥᠭᠡᠢ ᠥᠡᠭᠭᠡᠷᠡᠵᠤ ᠴᠢᠳᠠᠭᠴᠢ ᠲᠡᠷᠢᠭᠦᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠤ ᠬᠠᠮᠳᠤ ᠢᠨᠵᠢ ᠮᠠᠨᠵᠤ ᠪᠠ ᠬᠤᠶᠠᠷ ᠰᠤᠮᠤᠨ ᠤ ᠠᠯᠪᠠᠳᠤ ᠲᠡᠷᠢᠭᠦᠨ ᠢ ᠠᠬ᠎ᠠ ᠲᠡᠭᠦᠥᠰ ᠢᠶᠠᠷ ᠢᠶᠠᠨ ᠪᠤᠯᠢᠶᠠᠯᠳᠤᠨ ᠵᠠᠷᠭᠤ ᠪᠤᠯᠤᠭᠰᠠᠨ︾ ᠭᠡᠳᠡᠭ ᠠᠴᠠ ᠥᠵᠡᠪᠡᠯ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠡᠭᠦᠨ ᠠᠴᠠ ᠡᠮᠥᠨ᠎ᠡ ᠨᠠᠰᠤ ᠪᠠᠷᠠᠭᠰᠠᠨ ᠪᠠᠶᠢᠨ᠎ᠡ᠃ ᠢᠡᠭᠭᠢᠵᠤ ᠪᠤᠳᠤᠪᠠᠯ ᠪᠠᠷᠤᠭ ᠵᠢᠷᠠ ᠭᠠᠷᠤᠢ ᠨᠠᠰᠤᠯᠠᠭᠰᠠᠨ ᠪᠠᠶᠢᠵᠠᠢ᠃     ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ ᠤᠨ ᠥᠶ᠎ᠡ ᠳᠤ ᠯᠢᠨᠰᠢ ᠳᠤ ᠬᠠᠷᠢᠶᠠᠯᠠᠭᠳᠠᠭᠰᠠᠨ ᠭᠥᠡᠭᠵᠤ ᠶᠢᠨ ᠮᠤᠭᠤᠨ ︵ᠤᠡᠭᠭᠤᠨ︶ ᠡᠪᠳᠡᠨ ᠰᠥᠢᠳᠭᠡᠭᠳᠡᠭᠰᠡᠨ ᠠᠴᠠ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ᠂ ᠠᠯᠳᠠᠪᠠ ᠲᠠᠶᠢᠵᠢ᠂ ᠭᠥᠡᠭᠵᠤ ᠮᠠᠮᠠ ᠭᠢᠭᠡᠳ ᠪᠤᠰᠤᠳ ᠭᠡᠳᠥᠨ ᠸᠠᠩ ᠨᠤᠶᠠᠳ ᠤᠨ ᠭᠡᠭᠦᠷ ᠶᠠᠰᠤ ᠨᠢ ᠮᠠᠯᠳᠠᠭᠳᠠᠨ ᠲᠠᠭᠠᠭᠤᠯᠤᠨ ᠤᠷᠤᠰᠢᠭᠤᠯᠤᠭᠰᠠᠨ ᠡᠳ᠋ ᠡᠷᠳᠡᠨᠢ ᠨᠢ ᠴᠥᠮ ᠲᠡᠭᠡᠷᠡᠮᠳᠡᠭᠳᠡᠭᠰᠡᠨ ᠢ ᠪᠤᠳᠤᠪᠠᠯ ᠦᠨᠡᠭᠡᠷ ᠵᠢᠷᠤᠭᠡ ᠰᠢᠮᠰᠢᠷᠡᠨ᠎ᠠ᠃ ᠤᠯᠠᠨ ᠵᠠᠭᠤᠨ ᠤ ᠲᠤᠷᠰᠢ ᠳᠤ ᠪᠠᠭᠠᠷᠢᠨ ᠨᠤᠳᠤᠭ ᠢᠶᠠᠨ ᠬᠠᠯᠠᠭᠤᠨ ᠠᠮᠢ ᠪᠥᠯᠢᠶᠡᠨ ᠴᠢᠰᠤ ᠪᠠᠷ ᠢᠶᠠᠨ ᠪᠠᠳᠤᠯᠠᠨ ᠬᠠᠮᠠᠭᠠᠯᠠᠭᠰᠠᠨ ᠲᠡᠭᠡᠳᠥᠰ ᠮᠢᠨᠢ ᠠᠳᠠᠭ ᠲᠠᠭᠠᠨ ᠶᠠᠰᠤ ᠪᠠᠨ ᠠᠮᠠᠷᠠᠭᠤᠯᠬᠤ ᠭᠠᠵᠠᠷ ᠴᠤ ᠥᠭᠡᠢ ᠪᠤᠯᠤᠭᠰᠠᠨ ᠨᠢ ᠥᠷ᠎ᠡ ᠬᠤᠶᠢᠴᠢᠰ ᠪᠢᠳᠡᠨ ᠳᠤ ᠠᠪᠴᠤ ᠭᠡᠯᠡᠪᠡᠯ ᠨᠡᠷ᠎ᠡ ᠪᠠᠨ ᠬᠤᠭᠤᠯᠵᠤ ᠨᠢᠭᠤᠷ ᠢᠶᠠᠨ ᠭᠡᠭᠡᠭᠰᠡᠨ ᠤ ᠲᠦᠢᠯ ᠪᠤᠯᠵᠠᠢ᠃ ᠴᠢᠳᠠᠭᠴᠢ ᠨᠤᠶᠠᠨ ᠤ ᠨᠠᠰᠤᠨ ᠲᠤᠷᠰᠢ ᠵᠤᠪᠠᠨ ᠵᠥᠳᠡᠵᠤ ᠪᠠᠶᠢᠭᠤᠯᠤᠭᠰᠠᠨ ᠪᠠᠭᠠᠷᠢᠨ ᠤ ᠲᠥᠷᠪᠡᠨ ᠶᠡᠭᠡ ᠰᠥᠮ᠎ᠡ ᠶᠢᠨ ᠨᠢᠭᠡ ᠪᠤᠯᠬᠤ ᠭᠤᠷᠭᠤᠤᠯᠳᠠᠢ ᠰᠥᠮ᠎ᠡ ᠴᠤ ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ ᠤᠨ ᠲᠤᠮᠳᠠ ᠥᠨᠡᠰᠤᠨ ᠲᠤᠪᠷᠠᠭ ᠪᠤᠯᠵᠡᠢ᠃      ᠪᠠᠭᠠᠷᠢᠨ ᠤ ᠲᠡᠤᠭᠡ ᠰᠤᠳᠤᠷ ᠠᠴᠠ ᠡᠰᠢᠯᠡᠪᠡᠯ ᠮᠠᠨᠵᠤ ᠴᠢᠩ ᠤᠨ ᠬᠠᠭᠠᠳ ᠭᠢᠭᠡᠳ ᠪᠠᠭᠠᠷᠢᠨ ᠤ ᠸᠠᠩ ᠨᠤᠶᠠᠳ ᠡᠭᠢᠨ ᠳᠡᠭᠡᠨ ᠵᠢᠭᠡ ᠨᠠᠭᠠᠴᠤ᠂ ᠬᠤᠳᠠ ᠤᠷᠤᠭ ᠭᠡᠮᠡᠨ ᠮᠠᠰᠢ ᠲᠤᠳᠤᠨᠤ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠰᠡᠭᠦᠯᠴᠢ ᠥᠶ᠎ᠡ ᠪᠤᠯᠬᠤ ᠳᠤ ᠮᠠᠨᠵᠤ ᠢᠵᠠᠭᠤᠷᠳᠠᠳ ᠤᠨ ᠬᠤᠭᠤᠷᠤᠨᠳᠤᠭᠢ ᠵᠥᠷᠢᠴᠡᠯ ᠰᠢᠷᠥᠭᠦᠰᠥᠭᠰᠡᠨ ᠪᠠ ᠤᠷᠤᠭ ᠤᠨ ᠬᠤᠯᠪᠤᠭ᠎ᠠ ᠰᠤᠯᠠᠷᠠᠭᠰᠠᠨ ᠠᠴᠠ ᠶᠡᠭᠡ ᠤᠯᠠᠨ ᠲᠡᠮᠡᠴᠡᠯ ᠡᠭᠦᠰᠥᠭᠰᠡᠨ ᠪᠠᠶᠢᠨ᠎ᠡ᠃ ᠲᠠᠷᠤᠢ ᠶᠡᠭᠡ ᠭᠥᠡᠭᠵᠤ ᠶᠢᠨ ᠭᠡᠭᠡᠨ ᠢ ᠭᠡᠳᠥᠨᠳᠡ ᠰᠢᠯᠵᠢᠭᠦᠯᠥᠭᠰᠡᠨ᠂ ᠷᠢᠮᠪᠤ ᠸᠠᠩ ᠭᠢᠭᠡᠳ ᠠᠯᠮᠠᠰᠪᠠᠽᠠᠷ ᠸᠠᠩ ᠲᠤᠯᠤᠭᠠᠢ ᠪᠠᠨ ᠠᠪᠤᠭᠤᠯᠤᠭᠰᠠᠨ᠂ ᠪᠠᠳᠤ ᠸᠠᠩ ᠢ ᠤᠯᠢᠶᠠᠰᠤᠳᠠᠢ ᠳᠤ ᠵᠠᠶᠢᠯᠠᠭᠤᠯᠤᠭᠰᠠᠨ᠂ ᠲᠤᠰᠠᠯᠠᠭᠴᠢ ᠷᠠᠪᠳᠠᠨ ᠤ ᠭᠥᠪᠡᠭᠦᠨ ᠡᠹᠦ᠋ ᠴᠢᠳᠠᠭᠴᠢ ᠶᠢᠨ ᠭᠡᠷ ᠪᠠᠶᠢᠰᠢᠩ ᠤᠷᠳᠤ ᠬᠠᠷᠰᠢ ᠶᠢ ᠡᠪᠳᠡᠯᠡᠨ ᠭᠤᠷᠭᠤᠤᠯᠳᠠᠢ ᠳᠤ ᠬᠤᠷᠢᠭᠰᠠᠨ᠂ ᠪᠠᠭᠢᠵᠠᠶᠠᠭ᠎ᠠ ᠭᠥᠩ ᠳᠤ ᠭᠢᠯᠢᠰ ᠭᠡᠷᠡᠭ ᠨᠥᠮᠥᠷᠭᠡᠨ ᠬᠠᠷ᠎ᠡ ᠮᠥᠷᠡᠨ ᠳᠤ ᠴᠥᠯᠡᠭᠰᠡᠨ ᠵᠡᠷᠭᠡ ᠮᠠᠰᠢ ᠤᠯᠠᠨ ᠲᠡᠤᠭᠡᠨ ᠶᠠᠪᠤᠳᠠᠯ ᠤᠳ ᠡᠭᠦᠨ ᠢ ᠭᠡᠷᠡᠴᠢᠯᠡᠨ᠎ᠡ᠃ ︽ᠲᠤᠰᠠᠯᠠᠭᠴᠢ ᠷᠠᠪᠳᠠᠨ ᠤ ᠲᠥᠳᠥᠭᠡᠷ ᠭᠥᠪᠡᠭᠦᠨ ᠲᠡᠷᠢᠭᠦᠨ ᠵᠡᠷᠭᠡ ᠶᠢᠨ ᠲᠠᠶᠢᠵᠢ ᠰᠠᠶᠢᠨᠬᠤᠪᠢᠳᠤ ᠳᠤ ᠭᠥᠡᠭᠵᠤ ᠮᠠᠮᠠ ᠶᠢᠨ ᠠᠯᠳᠠᠨ ᠴᠠᠨ᠂ ᠺᠤᠮᠢᠩ᠂ ᠰᠢᠳᠥᠭᠡᠨ ᠪᠤᠷᠬᠠᠨ ᠨᠤᠮ ᠴᠥᠮ ᠪᠠᠶᠢᠳᠠᠭ᠃ 1723 ᠤᠨ ᠳᠤ ᠭᠥᠡᠭᠵᠤ ᠮᠠᠮᠠ ᠶᠢᠨ ᠤᠮᠪᠤᠯ ᠭᠥᠪᠡᠭᠦᠨ ᠲᠡᠷᠢᠭᠦᠨ ᠵᠡᠷᠭᠡ ᠶᠢᠨ ᠲᠠᠶᠢᠵᠢ ᠰᠠᠶᠢᠨᠬᠤᠪᠢᠳᠤ ᠨᠤᠶᠠᠨ ᠥᠷ᠎ᠡ ᠥᠭᠡᠢ ᠥᠡᠭᠭᠡᠷᠡᠭᠰᠡᠨ ᠳᠤ ᠲᠡᠷᠢᠭᠦᠨ ᠵᠡᠷᠭᠡ ᠶᠢ ᠴᠢᠳᠠᠭᠴᠢ ᠳᠤ ᠵᠠᠯᠭᠠᠮᠵᠢᠯᠠᠪᠠ᠃ ᠢᠨᠵᠢ ᠮᠠᠨᠵᠤ ᠪᠠ ᠬᠤᠶᠠᠷ ᠰᠤᠮᠤᠨ ᠤ ᠠᠯᠪᠠᠳᠤ ᠲᠡᠷᠢᠭᠦᠨ ᠢ ᠴᠢᠳᠠᠭᠴᠢ ᠪᠠᠷ ᠥᠪᠡᠷ ᠤᠨ ᠠᠬ᠎ᠠ ᠲᠡᠭᠦᠥ ᠯᠦᠭᠡ ᠪᠠᠨ ᠪᠤᠯᠢᠶᠠᠯᠳᠤᠨ ᠥᠪᠡᠷ ᠤᠨ ᠵᠠᠰᠠᠭ ᠲᠤᠷ ᠵᠠᠭᠠᠯᠳᠤᠭᠠᠳ ᠸᠠᠩ ᠨᠤᠶᠠᠨ ᠬᠠᠤᠯᠢ ᠪᠠᠷᠢᠵᠤ ᠰᠢᠭᠦᠭᠦ ᠳᠤ ᠥᠯᠥ ᠭᠥᠯᠢᠶᠡᠨ ᠴᠢᠭᠤᠯᠭᠠᠨ ᠳᠤ ᠭᠠᠷᠴᠤ ᠵᠠᠭᠠᠯᠳᠤᠭᠰᠠᠨ ᠳᠤᠷ ᠴᠢᠭᠤᠯᠭᠠᠨ ᠲᠡᠷᠢᠭᠦᠨ ᠮᠥᠨ ᠬᠠᠤᠯᠢ ᠪᠠᠷᠢᠵᠤ ᠰᠢᠳᠭᠡᠭᠦᠢ ᠳᠤᠷ ᠪᠠᠰᠠ ᠥᠯᠥ ᠭᠥᠯᠢᠶᠡᠨ ᠴᠢᠳᠠᠭᠴᠢ ᠬᠠᠭᠠᠨ ᠳᠤᠷ ᠡᠰᠡ ᠭᠥᠯᠢᠶᠡᠭᠰᠡᠨ ᠢᠶᠠᠨ ᠪᠥᠷᠢᠨ᠎ᠡ ᠠᠶᠢᠯᠠᠳᠬᠠᠬᠤᠢ ᠳᠤᠷ ᠬᠠᠭᠠᠨ ᠶᠡᠭᠡᠳᠡ ᠠᠭᠤᠷᠯᠠᠵᠤ᠄ ︿ᠴᠢᠮᠠᠢᠢ ᠥᠮᠥᠭᠡᠷᠡᠵᠤ ᠨᠢᠭᠡ ᠤᠳᠠᠭ᠎ᠠ ᠲᠡᠷᠢᠭᠦᠨ ᠵᠡᠷᠭᠡ ᠲᠠᠯᠪᠢᠭᠰᠠᠨ ᠪᠥᠯᠥᠭᠡ᠃ ᠡᠳᠥᠭᠡ ᠪᠤᠷᠤᠭᠤ ᠭᠡᠮᠡᠵᠤ ᠲᠠᠶᠢᠵᠢ ᠶᠢ ᠡᠪᠳᠡᠨ ᠭᠡᠷ ᠲᠤᠷ ᠡᠭᠦᠷᠢᠳᠡ ᠬᠤᠷᠢᠳᠤᠭᠠᠢ﹀ ᠭᠡᠮᠡᠨ ᠵᠠᠷᠯᠢᠭ ᠪᠠᠭᠤᠯᠭᠠᠵᠠᠢ︾ B12᠃ ᠰᠡᠭᠦᠯᠡᠷ ᠨᠢ ᠪᠠᠰᠠ ︽ᠡᠹᠦ᠋ ᠴᠢᠳᠠᠭᠴᠢ ᠶᠢ ᠬᠤᠶᠠᠳᠤᠭᠠᠷ ᠭᠥᠡᠭᠵᠤ ᠳᠤ ᠬᠠᠷᠢᠶᠠᠯ ᠭᠢᠪᠡ ᠭᠡᠵᠤ ᠲᠡᠭᠦᠨ ᠤ ᠭᠡᠷ ᠤᠨ ᠨᠢᠭᠡᠨ ᠭᠥᠮᠥᠨ ᠪᠡᠭᠡᠵᠢᠩ ᠳᠤ ᠭᠥᠷᠴᠤ ᠥᠷᠭᠦᠨ ᠸᠠᠩ ᠪᠤᠯᠤᠨ ᠬᠤᠶᠠᠳᠤᠭᠠᠷ ᠭᠥᠡᠭᠵᠤ ᠳᠤ ᠮᠡᠳᠡᠭᠦᠯᠵᠡᠢ᠃ ᠪᠡᠭᠡᠵᠢᠩ ᠠᠴᠠ ᠭᠢᠶ᠎ᠡ ᠢᠯᠡᠭᠡᠵᠤ ᠭᠢᠭᠰᠡᠨ ᠬᠠᠷᠢᠶᠠᠯ ᠢ ᠠᠭᠤᠳᠠᠯᠠᠨ ᠭᠠᠷᠭᠠᠭᠠᠳ ᠸᠠᠩ ᠪᠤᠯᠤᠨ ᠭᠥᠡᠭᠵᠤ ᠳᠤ ᠮᠡᠳᠡᠭᠦᠯᠭᠦ ᠳᠤ ᠲᠡᠷᠡ ᠬᠤᠶᠠᠷ ᠪᠡᠭᠡᠵᠢᠩ ᠠᠴᠠ ᠪᠤᠴᠠᠵᠤ ᠢᠷᠡᠭᠡᠳ ᠬᠠᠷᠢᠶᠠᠯ ᠭᠢᠭᠰᠡᠨ ᠬᠤᠸᠠᠩ ᠭᠡᠯᠥᠩ ᠢ ᠬᠠᠷ᠎ᠡ ᠭᠡᠷ ᠲᠤ ᠬᠤᠷᠢᠵᠤ ᠴᠢᠳᠠᠭᠴᠢ ᠶᠢᠨ ᠭᠡᠷ ᠭᠥᠷᠢᠶ᠎ᠡ ᠤᠷᠳᠤᠨ ᠬᠠᠷᠰᠢ ᠶᠢ ᠨᠤᠷᠠᠭᠠᠵᠤ ᠭᠤᠷᠭᠤᠤᠯᠳᠠᠢ ᠳᠤ ᠭᠥᠭᠡᠭᠡᠵᠤ ᠶᠠᠪᠤᠭᠤᠯᠵᠠᠢ B13 ᠃ ᠬᠤᠵᠢᠮ ᠨᠢ ︽ᠭᠤᠷᠭᠤᠤᠯᠳᠠᠢ ᠶᠢᠨ ᠭᠡᠷ ᠲᠤ ᠬᠤᠷᠢᠭᠳᠠᠭᠰᠠᠨ ᠴᠢᠳᠠᠭᠴᠢ ᠨᠤᠶᠠᠨ ᠪᠤᠷᠬᠠᠨ ᠤ ᠱᠠᠰᠢᠨ ᠳᠤᠷ ᠤᠷᠤᠵᠤ ᠬᠤᠸᠠᠷᠠᠭ ᠪᠤᠯᠤᠭᠠᠳ ᠪᠥᠳᠥᠭᠡᠯ ᠢ ᠰᠢᠮᠳᠡᠨ ᠭᠢᠴᠢᠶᠡᠭᠰᠡᠨ ᠢᠶᠠᠷ ᠤᠯᠠᠨ ᠠᠮᠢᠳᠠᠨ᠎ᠡ ᠶᠡᠭᠡᠳᠡ ᠲᠤᠰᠠᠯᠠᠭᠠᠳ ᠪᠠᠭᠠᠷᠢᠨ᠂ ᠤᠡᠭᠨᠢᠭᠤᠳ ᠤᠨ ᠤᠯᠠᠨ ᠥᠭᠯᠢᠭᠡ ᠶᠢᠨ ᠡᠵᠡᠨ ᠬᠤᠷᠠᠨ ᠴᠤᠭᠯᠠᠷᠠᠵᠤ ᠪᠠᠭᠰᠢ ᠨᠤᠶᠠᠨ ᠭᠡᠮᠡᠨ ᠴᠤᠯᠠ ᠡᠷᠭᠦᠵᠡᠢ᠃ ᠪᠠᠭᠰᠢ ᠨᠤᠶᠠᠨ ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠪᠥᠳᠥᠭᠡᠯ ᠭᠢᠭᠰᠡᠭᠡᠷ ᠲᠠᠯᠠᠨ ᠭᠡᠳᠥᠨ ᠨᠠᠰᠤᠯᠠᠵᠤ ᠨᠠᠰᠤᠨ ᠡᠴᠥᠰ ᠭᠥᠷᠪᠡ︾ B14᠃ ᠴᠢᠳᠠᠭᠴᠢ ᠨᠤᠶᠠᠨ 1747 ᠤᠨ ᠳᠤ ᠭᠤᠷᠭᠤᠤᠯᠳᠠᠢ ᠶᠢᠨ ᠰᠥᠮ᠎ᠡ ᠶᠢ ᠡᠭᠦᠰᠭᠡᠨ ᠪᠠᠶᠢᠭᠤᠯᠵᠤ 1753 ᠤᠨ ᠳᠤ ᠲᠤᠰ ᠰᠥᠮ᠎ᠡ ᠶᠢᠨ ᠢᠶᠠᠨ ᠠᠩᠬᠠᠨ ᠤ ᠬᠤᠪᠢᠯᠭᠠᠨ ᠪᠤᠯᠤᠭᠰᠠᠨ ᠶᠤᠮ᠃ ︽ᠭᠤᠷᠭᠤᠤᠯᠳᠠᠢ ᠶᠢᠨ ᠪᠠᠭᠰᠢ ᠨᠤᠶᠠᠨ ᠤ ᠬᠤᠪᠢᠯᠭᠠᠨ ᠭᠠᠷᠪᠠ ᠭᠡᠮᠡᠨ ᠴᠢᠳᠠᠭᠴᠢ ᠶᠢᠨ ᠭᠤᠳᠠᠭᠠᠷ ᠭᠥᠪᠡᠭᠦᠨ ᠭᠡᠽᠤᠯ ᠢᠶᠠᠷ ᠸᠠᠩ ᠳᠤᠷ ᠮᠡᠳᠡᠭᠦᠯᠥᠭᠰᠡᠨ ᠳᠤᠷ ᠸᠠᠩ ᠤᠨ ᠵᠠᠷᠯᠢᠭ ᠴᠤᠷᠵᠢ ᠰᠢᠷᠡᠭᠡᠨ ᠪᠯᠠᠮ᠎ᠡ ᠳᠤᠷ ᠮᠡᠳᠡᠭᠦᠯ ᠭᠡᠮᠡᠭᠰᠡᠨ ᠢ ᠲᠠᠭᠠᠵᠤ ᠰᠢᠷᠡᠭᠡ ᠪᠯᠠᠮ᠎ᠡ ᠳᠤᠷ ᠮᠡᠳᠡᠭᠦᠯᠭᠦ ᠳᠤᠷ ᠰᠢᠷᠡᠭᠡᠨ ᠪᠯᠠᠮ᠎ᠡ ᠵᠠᠯᠠᠵᠤ ᠠᠪ ᠭᠡᠮᠡᠨ ᠵᠠᠷᠯᠢᠭ ᠪᠤᠯᠪᠠ᠃ ᠵᠠᠯᠠᠵᠤ ᠠᠪᠤᠭᠠᠳ ᠰᠢᠷᠡᠭᠡᠨ ᠪᠯᠠᠮ᠎ᠡ ᠳᠤᠷ ᠱᠠᠪᠢ ᠪᠠᠷᠢᠪᠠ︾ B15᠃ ᠭᠤᠷᠭᠤᠤᠯᠳᠠᠢ ᠶᠢᠨ ᠰᠥᠮ᠎ᠡ 1753 ᠤᠨ ᠠᠴᠠ 1947 ᠤᠨ ᠪᠤᠯᠳᠠᠯᠠᠭᠢ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠲᠤᠷᠰᠢ ᠳᠤ ᠲᠠᠪᠤᠨ ᠲᠥᠷᠥᠯ ᠤᠨ ᠬᠤᠪᠢᠯᠭᠠᠨ ᠵᠠᠯᠠᠵᠤ ᠰᠥᠮ᠎ᠡ ᠰᠤᠪᠤᠷᠭ᠎ᠠ ᠪᠠᠨ ᠴᠤ ᠥᠷᠭᠡᠳᠭᠡᠭᠡᠳ ᠲᠠᠪᠤᠨ ᠵᠠᠭᠤ ᠢᠯᠡᠭᠦᠥ ᠬᠤᠸᠠᠷᠠᠭ ᠲᠠᠢ ᠪᠠᠭᠠᠷᠢᠨ ᠤ ᠲᠥᠷᠪᠡᠨ ᠶᠡᠭᠡ ᠰᠥᠮ᠎ᠡ ᠶᠢᠨ ᠨᠢᠭᠡ ᠪᠤᠯᠤᠭᠰᠠᠨ ᠪᠠᠶᠢᠪᠠ᠃ ᠴᠢᠳᠠᠭᠴᠢ ᠨᠤᠶᠠᠨ ᠤ ᠬᠤᠶᠠᠳᠤᠭᠠᠷ ᠭᠥᠡᠭᠵᠤ ᠳᠤ ᠬᠠᠷᠢᠶᠠᠯ ᠭᠢᠭᠰᠡᠨ ᠪᠠ ᠠᠬ᠎ᠠ ᠲᠡᠭᠦᠥᠰ ᠤᠨ ᠵᠠᠷᠭᠤ ᠪᠤᠯᠤᠭᠰᠠᠨ ᠤ ᠵᠥᠪ ᠪᠤᠷᠤᠭᠤ ᠶᠢ ᠲᠤᠳᠤᠯᠠᠬᠤ ᠳᠤ ᠪᠡᠷᠭᠡᠳᠡᠢ ᠪᠤᠯᠪᠠᠴᠤ ᠬᠤᠶᠠᠷ ᠤᠳᠠᠭ᠎ᠠ ᠬᠠᠭᠠᠨ ᠡᠵᠡᠨ ᠳᠤ ᠭᠥᠷᠳᠡᠯ᠎ᠡ ᠵᠠᠭᠠᠯᠳᠤᠭᠰᠠᠨ ᠠᠴᠠ ᠴᠢᠳᠠᠭᠴᠢ ᠨᠤᠶᠠᠨ ᠤ ᠰᠥᠰᠥ ᠵᠤᠷᠢᠭ ᠢ ᠮᠡᠳᠡᠵᠤ ᠪᠤᠯᠤᠨ᠎ᠡ᠃ ᠤᠷᠳᠤᠨ ᠬᠠᠷᠰᠢ ᠭᠡᠷ ᠭᠥᠷᠢᠶ᠎ᠡ ᠪᠠᠨ ᠡᠪᠳᠡᠭᠳᠡᠵᠤ ᠲᠡᠷᠢᠭᠦᠨ ᠵᠡᠷᠭᠡ ᠪᠠᠨ ᠠᠪᠤᠭᠤᠯᠵᠤ ᠭᠤᠷᠭᠤᠤᠯᠳᠠᠢ ᠳᠤ ᠡᠭᠦᠷᠢᠳᠡ ᠬᠤᠷᠢᠭᠳᠠᠭᠰᠠᠨ ᠴᠢᠳᠠᠭᠴᠢ ᠳᠤ ᠠᠪᠴᠤ ᠭᠡᠯᠡᠪᠠᠯ ᠲᠤᠭᠤᠰᠤᠳᠤ ᠶᠢᠷᠳᠢᠨᠴᠥ ᠶᠢᠨ ᠡᠯᠳᠡᠪ ᠵᠦᠢᠯ ᠠᠴᠠ ᠵᠠᠶᠢᠯᠠᠨ ᠱᠠᠰᠢᠨ ᠤ ᠮᠥᠷ ᠭᠥᠭᠡᠭᠡᠵᠤ ᠪᠤᠶᠠᠨ ᠨᠤᠮ ᠥᠢᠯᠡᠳᠥᠭᠰᠡᠨ ᠨᠢ ᠠᠷᠭ᠎ᠠ ᠶᠠᠳᠠᠭᠰᠠᠨ ᠶᠠᠪᠤᠳᠠᠯ ᠴᠤ ᠪᠠᠶᠢᠵᠤ ᠮᠡᠳᠡᠨ᠎ᠡ᠃ ᠴᠢᠳᠠᠭᠴᠢ ᠬᠤᠵᠢᠮ ᠨᠢ ᠰᠠᠶ᠋ᠢ ᠯᠠᠮᠠ ᠪᠤᠯᠤᠭᠰᠠᠨ ᠲᠤᠯᠠ ᠡᠮᠥᠨ᠎ᠡ ᠨᠢ ᠲᠠᠷᠬᠠᠨ᠂ ᠵᠠᠷᠭᠤᠴᠢ᠂ ᠨᠠᠰᠤᠬᠤᠷᠳᠤ ᠭᠡᠰᠡᠨ ᠭᠤᠷᠪᠠᠨ ᠭᠥᠪᠡᠭᠦᠨ ᠲᠠᠢ ᠪᠠᠶᠢᠵᠠᠢ B16᠃ ᠲᠡᠭᠷᠢ ᠲᠡᠳᠭᠦᠭᠴᠢ ᠶᠢᠨ ᠥᠶ᠎ᠡ ᠳᠤ ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠶᠢᠨ ᠲᠥᠷᠪᠡᠳᠥᠭᠡᠷ ᠭᠥᠪᠡᠭᠦᠨ ᠰᠠᠶᠢᠨᠬᠤᠪᠢᠳᠤ ᠠᠶᠤᠰᠢ ᠶᠢᠨ ᠬᠤᠳᠠ ᠮᠠᠨᠳᠠᠯ ᠢ ᠮᠤᠳᠤ ᠪᠠᠷ ᠭᠢᠵᠤ ᠪᠤᠷᠬᠠᠳ ᠢ ᠭᠠᠤᠯᠢ ᠵᠠᠰ ᠢᠶᠠᠷ ᠴᠢᠳᠬᠤᠵᠤ ᠪᠥᠳᠥᠭᠡᠭᠡᠳ ︽ᠵᠡᠭᠦᠨ ᠭᠥᠭᠡ ᠭᠡᠷ ᠰᠥᠮ᠎ᠡ︾ ᠳᠤ ᠵᠠᠯᠠᠵᠤ ᠲᠡᠯᠪᠢᠠᠠᠰᠠᠨ ᠶᠤᠮ B17᠃     ᠪᠠᠭᠠᠷᠢᠨ ᠤ ᠲᠥᠳᠥᠭᠡᠷ ᠡᠭᠦᠳᠡᠨ ᠤ ᠲᠠᠶᠢᠵᠢ ᠨᠠᠷ ᠤᠨ ᠲᠤᠳᠤᠷ᠎ᠡ ᠲᠡᠤᠭᠡᠨ ᠳᠤ ᠨᠡᠷᠡᠳᠡᠢ ᠪᠠᠰᠠ ᠨᠢᠭᠡᠨ ᠭᠥᠮᠥᠨ ᠪᠤᠯ ᠪᠠᠭᠢᠵᠠᠶᠠᠭ᠎ᠠ ᠭᠥᠩ ᠪᠤᠯᠤᠨ᠎ᠡ᠃ ᠲᠡᠷᠡ 1846 ᠤᠨ ᠳᠤ ᠪᠠᠶᠠᠨᠬᠠᠨ ᠰᠤᠮᠤᠨ ᠤ ᠨᠢᠭᠡᠨ ᠲᠥᠳᠥᠭᠡᠷ ᠡᠭᠦᠳᠡᠨ ᠤ ᠲᠠᠶᠢᠵᠢ ᠶᠢᠨ ᠭᠡᠷ ᠲᠤ ᠲᠥᠷᠥᠵᠡᠢ᠃ ᠪᠠᠭᠢᠵᠠᠶᠠᠭ᠎ᠠ ᠤᠨᠴᠠ ᠰᠡᠴᠡᠨ ᠰᠡᠷᠭᠦᠯᠡᠩ ᠲᠤᠯᠠ ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠮᠤᠩᠭᠤᠯ᠂ ᠮᠠᠨᠵᠤ᠂ ᠭᠢᠳᠡᠳ᠂ ᠲᠥᠪᠡᠳ ᠪᠢᠴᠢᠭ ᠢ ᠰᠠᠶᠢᠨ ᠰᠤᠷᠤᠭᠰᠠᠨ ᠢᠶᠠᠷ ᠥᠯᠥ ᠪᠠᠷᠠᠮ ᠲᠡᠭᠷᠢ ᠶᠢᠨ ᠶᠤᠰᠤ᠂ ᠭᠠᠵᠠᠷ ᠤᠨ ᠵᠥᠢ᠂ ᠲᠡᠤᠭᠡ ᠰᠤᠳᠤᠷ ᠢ ᠴᠤ ᠨᠡᠪᠳᠡᠷᠭᠡᠢ ᠮᠡᠳᠡᠳᠡᠭ ᠪᠠᠶᠢᠵᠠᠢ᠃ ᠪᠥᠷᠢᠨ ᠵᠠᠰᠠᠭᠴᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ᠳᠤ ᠠᠷᠪᠠᠨ ᠨᠠᠢᠮᠠᠳᠠᠢ ᠪᠠᠭᠢᠵᠠᠶᠠᠭ᠎ᠠ ᠪᠠᠭᠠᠷᠢᠨ ᠲᠠᠶᠢᠵᠢ ᠶᠢᠨ ᠭᠥᠪᠡᠭᠦᠳ ᠤᠨ ᠬᠤᠪᠢ ᠪᠠᠷ ᠪᠡᠭᠡᠵᠢᠩ ᠳᠤ ᠭᠥᠷᠴᠤ ᠬᠠᠭᠠᠨ ᠲᠠᠢ ᠪᠠᠷᠠᠭᠠᠳᠠᠵᠠᠢ᠃ ᠬᠠᠭᠠᠨ ᠤ ᠠᠰᠠᠭᠤᠭᠰᠠᠨ ᠪᠥᠭᠦᠨ ᠢ ᠪᠠᠭᠢᠵᠠᠶᠠᠭ᠎ᠠ ᠭᠠᠶᠢᠬᠠᠮ᠎ᠡ ᠰᠠᠶᠢᠬᠠᠨ ᠬᠠᠷᠢᠭᠤᠯᠤᠭᠰᠠᠨ ᠠᠴᠠ ᠡᠵᠡᠨ ᠤ ᠰᠠᠶᠢᠰᠢᠶᠠᠯ ᠢ ᠤᠯᠵᠤ ᠭᠥᠩ ᠵᠡᠷᠭᠡ ᠭᠥᠷᠳᠡᠭᠰᠡᠨ ᠪᠠᠶᠢᠨ᠎ᠡ᠃ ᠡᠭᠦᠨ ᠠᠴᠠ ᠪᠤᠯᠵᠤ ᠨᠠᠮᠵᠢᠯᠸᠠᠩᠴᠤᠭ ᠸᠠᠩ ᠲᠠᠢ ᠵᠥᠷᠢᠴᠡᠯ ᠭᠠᠷᠴᠤ ᠵᠠᠷᠭᠤ ᠵᠠᠭᠠᠯᠳᠤᠭᠠᠨ ᠪᠤᠯᠤᠭᠰᠠᠨ ᠪᠥᠭᠡᠳ ᠭᠡᠳᠥᠨ ᠵᠢᠯ ᠥᠷᠭᠦᠯᠵᠢᠯᠡᠵᠤ ᠡᠳ᠋ ᠭᠥᠷᠥᠩᠭᠡ ᠪᠠᠨ ᠭᠥᠨᠳᠥᠷᠦᠨ ᠬᠠᠮᠤᠭ ᠰᠡᠭᠦᠯ ᠳᠤᠨᠢ ᠵᠡᠷᠭᠡ ᠭᠡᠷᠭᠡᠮ ᠢᠶᠠᠨ ᠠᠪᠲᠠᠨ ᠬᠠᠷᠠᠮᠦ᠋ᠷᠡᠨ ᠳᠤ ᠴᠥᠯᠡᠭᠳᠡᠵᠡᠢ᠃ ᠡᠭᠦᠨ ᠢᠶᠠᠷ ᠥᠯᠥ ᠪᠠᠷᠠᠮ ᠪᠠᠭᠢᠵᠠᠶᠠᠭ᠎ᠠ ᠭᠥᠩ ᠢ ᠬᠠᠪᠰᠤᠷᠴᠤ ᠵᠠᠷᠭᠤ ᠭᠢᠭᠰᠡᠨ ᠠᠷᠪᠠ ᠭᠠᠷᠤᠢ ᠭᠥᠮᠥᠰ ᠴᠤ ᠭᠥᠨᠳᠥ ᠪᠠᠷ ᠶᠠᠯᠠᠯᠠᠭᠳᠠᠭᠰᠠᠨ ᠪᠠᠶᠢᠨ᠎ᠡ᠂ ᠪᠠᠭᠢᠵᠠᠶᠠᠭ᠎ᠠ ᠭᠥᠩ ᠬᠠᠷᠠᠮᠦ᠋ᠷᠡᠨ ᠳᠤ ᠭᠥᠷᠥᠭᠰᠡᠨ ᠤ ᠲᠠᠷᠠᠭ᠎ᠠ ᠭᠢᠵᠠᠭᠠᠷ ᠤᠨ ᠵᠠᠩᠵᠤᠨ ᠲᠡᠭᠦᠨ ᠤ ᠡᠷᠳᠡᠮ ᠴᠢᠳᠠᠪᠤᠷᠢ ᠶᠢ ᠪᠢᠰᠢᠷᠡᠵᠤ ᠴᠡᠷᠢᠭ ᠤᠨ ᠶᠠᠮᠤᠨ ᠳᠠᠭᠠᠨ ᠪᠠᠭᠰᠢ ᠪᠠᠷ ᠵᠠᠯᠠᠵᠠᠢ᠃ ᠭᠤᠴᠢᠭᠠᠳ ᠵᠢᠯ ᠪᠤᠯᠤᠭᠰᠠᠨ ᠤ ᠲᠠᠷᠠᠭ᠎ᠠ ᠭᠢᠵᠠᠭᠠᠷ ᠤᠨ ᠵᠠᠩᠵᠤᠨ ᠲᠥᠰᠢᠮᠡᠯ ᠤᠨ ᠬᠠᠪᠰᠤᠷᠤᠯᠭ᠎ᠠ ᠪᠠᠷ ᠭᠢᠯᠢᠰ ᠢᠶᠠᠨ ᠲᠤᠭᠠᠴᠢᠨ ᠥᠨᠡᠨ ᠴᠠᠭᠠᠨ ᠢᠶᠠᠨ ᠶᠠᠷᠢᠵᠤ ᠲᠥᠷᠥ ᠭᠥᠷᠥᠨ ᠤ ᠠᠭᠤᠴᠢᠯᠠᠯ ᠢ ᠤᠯᠵᠤ ᠪᠠᠭᠠᠷᠢᠨ ᠳᠠᠭᠠᠨ ᠪᠤᠴᠠᠵᠤ ᠢᠷᠡᠭᠡᠳ ᠪᠠᠷᠠᠭᠤᠨ ᠭᠥᠭᠡ ᠭᠡᠷ ᠰᠥᠮ᠎ᠡ ᠳᠤ ᠰᠠᠭᠤᠵᠠᠢ᠃ ᠪᠠᠭᠢᠵᠠᠶᠠᠭ᠎ᠠ ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠬᠤᠷᠢᠮᠯᠠᠭᠰᠠᠨ ᠥᠭᠡᠢ ᠲᠤᠯᠠ ᠥᠷ᠎ᠡ ᠭᠡᠤᠭᠡᠳ ᠥᠭᠡᠢ᠂ ᠰᠡᠭᠦᠯᠡᠷ ᠨᠢ ᠲᠥᠭᠦᠷᠡᠩᠭᠡᠰᠢᠭ ᠭᠡᠳᠡᠭ ᠭᠥᠪᠡᠭᠦᠨ ᠥᠷᠡᠴᠢᠯᠡᠵᠤ ᠦᠪᠡᠷ ᠢ ᠪᠠᠨ ᠠᠰᠠᠷᠠᠭᠤᠯᠤᠭᠰᠠᠭᠠᠷ ᠲᠠᠯᠠ ᠭᠠᠷᠤᠢ ᠨᠠᠰᠤᠯᠠᠵᠠᠢ B18᠃ ︽ᠪᠠᠭᠠᠷᠢᠨ ᠤ ᠰᠤᠳᠤᠨ ᠭᠥᠪᠡᠭᠦᠨ︾ ᠭᠡᠮᠡᠭᠳᠡᠭᠰᠡᠨ ᠨᠢᠭᠡᠨ ᠥᠶ᠎ᠡ ᠶᠢᠨ ᠮᠡᠷᠭᠡᠨ ᠪᠠᠭᠠᠳᠤᠷ ᠬᠠᠷᠠᠩᠭᠤᠢ ᠨᠡᠶᠢᠭᠡᠮ ᠤᠨ ᠥᠰᠢᠶ᠎ᠡ ᠬᠤᠷᠤᠰᠤᠯ ᠳᠤ ᠢᠡᠭᠭᠢᠵᠤ ᠰᠥᠢᠳᠴᠥᠭᠦᠢ᠃ ᠪᠠᠶᠠᠠᠬᠠᠨ ᠨᠤᠳᠤᠭ ᠤᠨ ᠰᠢᠷᠡᠮᠦ᠋ᠷᠡᠨ ᠭᠠᠴᠠᠭᠠᠨ ᠤ ᠲᠥᠳᠥᠭᠡᠷ ᠡᠭᠦᠳᠡᠨ ᠤ ᠲᠠᠶᠢᠵᠢ ᠤᠳᠬᠠᠳᠤ ᠰᠤᠷᠭᠠᠭᠤᠯᠢ ᠲᠡᠭᠦᠰᠴᠤ ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠠᠵᠢᠯᠯᠠᠬᠤ ᠪᠠᠷ ᠶᠠᠪᠤᠬᠤ ᠳᠤ᠄ ︽ᠭᠠᠳᠠᠭᠰᠢ ᠶᠠᠪᠤᠵᠤ ᠠᠯᠪᠠ ᠭᠢᠭᠦ ᠭᠥᠮᠥᠨ ᠨᠤᠮᠤᠬᠠᠨ ᠰᠢᠳᠤᠷᠭᠤ ᠪᠠᠷ ᠠᠵᠢᠯᠯᠠᠬᠤ ᠭᠡᠷᠡᠭᠳᠡᠢ᠂ ᠪᠢᠳᠡᠭᠡᠢ ᠯᠠ ᠮᠠᠨ ᠤ ᠪᠠᠭᠢᠵᠠᠶᠠᠭ᠎ᠠ ᠭᠥᠩ ᠠᠳᠠᠯᠢ ᠭᠡᠷᠡᠭ ᠵᠠᠷᠭᠤ ᠳᠤ ᠤᠷᠤᠴᠢᠬ᠎ᠠ ᠳ᠋ᠠ︾ ᠭᠡᠵᠤ ᠠᠬᠠᠮᠠᠳ ᠨᠠᠷ ᠨᠢ ᠰᠤᠷᠭᠠᠭᠰᠠᠨ ᠭᠡᠳᠡᠭ B19᠃ ᠪᠠᠶᠠᠨᠬᠠᠨ ᠨᠤᠳᠤᠭ ᠤᠨ ᠨᠠᠷᠠᠰᠤᠳᠠᠢ ᠳᠤ ᠪᠠᠭᠢᠵᠠᠶᠠᠭ᠎ᠠ ᠭᠥᠩ ᠤᠨ ᠠᠴᠢ ᠪᠤᠯᠬᠤ ᠲᠡᠭᠦᠰᠴᠤᠭᠳᠤ ᠭᠡᠳᠡᠭ ᠢᠳᠡ ᠴᠢᠳᠠᠯ ᠲᠠᠢ ᠰᠠᠶᠢᠨ ᠡᠷ᠎ᠡ ᠪᠠᠶᠢᠵᠠᠢ᠃ ᠨᠤᠳᠤᠭ ᠤᠨ ᠨᠠᠰᠤᠳᠠᠳ ᠴᠥᠮ ᠲᠡᠭᠦᠰᠴᠤᠭᠳᠤ ᠠᠪᠤ ᠭᠡᠮᠡᠨ ᠲᠤᠷᠠᠰᠳᠠᠭ᠃ ᠲᠡᠷᠡ ᠭᠢᠯᠭᠠᠰᠤ ᠪᠠᠷ ᠲᠡᠭᠡᠰᠤ ᠲᠠᠮᠤᠬᠤ ᠳᠤ ᠲᠡᠭᠡᠰᠤ ᠨᠢ ᠪᠤᠰᠤᠭ᠎ᠠ ᠪᠠᠷ ᠢᠶᠠᠨ ᠮᠤᠩᠭᠤᠯ ᠭᠡᠷ ᠤᠨ ᠲᠤᠭᠤᠨᠤ ᠪᠠᠷ ᠲᠡᠭᠡᠭᠰᠢ ᠭᠠᠷᠴᠤ ᠴᠢᠳᠠᠳᠠᠭ ᠭᠡᠨ᠎ᠡ᠃ 1944 ᠤᠨ ᠤ ᠴᠠᠭ ᠤᠨ ᠮᠠᠭᠤ ᠵᠢᠯ ᠥᠭᠦᠭᠰᠡᠨ ᠮᠠᠯ ᠢᠶᠠᠨ ᠥᠨᠡᠭᠡ ᠴᠢᠨ᠋ᠸ᠎ᠡ ᠰᠢᠭ᠋ ᠪᠢᠳᠡᠭᠦᠥ ᠥᠪᠴᠢᠭᠡᠳ ᠭᠡᠳᠥᠭᠡᠨ ᠰᠡᠭᠰᠥᠷᠪᠡᠯ ᠠᠷᠠᠰᠤ ᠮᠢᠬ᠎ᠠ ᠶᠢ ᠨᠢ ᠰᠠᠯᠭᠠᠭᠠᠳ ᠠᠷᠠᠰᠤ ᠶᠢ ᠨᠢ ᠠᠪᠴᠤ ᠶᠠᠰᠤ ᠮᠢᠬ᠎ᠠ ᠶᠢ ᠨᠢ ᠤᠯᠠᠭᠠᠨ ᠭᠤᠤ ᠳᠤ ᠬᠠᠶᠠᠴᠢᠬᠠᠳᠠᠭ ᠭᠡᠨ᠎ᠡ᠃ ᠲᠡᠭᠦᠰᠴᠤᠭᠳᠤ ᠨᠠᠰᠤᠳᠠᠨ ᠳᠤ ᠶᠡᠭᠡ ᠬᠤᠷᠳᠤᠨ ᠭᠥᠶᠥᠳᠡᠭ ᠨᠢᠭᠡᠨ ᠭᠡᠭᠡᠷ ᠮᠤᠷᠢ ᠪᠠᠶᠢᠭᠰᠠᠨ ᠢᠶᠠᠨ ᠥᠭᠦᠭᠰᠡᠨ ᠤ ᠬᠢᠨᠢ ᠲᠡᠷᠠᠭ᠎ᠠ ᠲᠤᠯᠤᠭᠠᠢ ᠶᠢ ᠨᠢ ᠨᠤᠭᠤᠭᠠᠨ ᠨᠢᠭᠤᠷ ᠤᠨ ᠤᠷᠤᠢ ᠲᠡᠭᠡᠷ᠎ᠡ ᠲᠡᠭᠢᠵᠤ ᠲᠤᠭᠤᠷᠢᠭᠤᠯᠤᠨ ᠤᠪᠤᠭᠠᠯᠠᠭᠰᠠᠨ ᠴᠢᠯᠠᠭᠤ ᠨᠢ ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠰᠡᠭᠦᠯᠴᠢ ᠪᠤᠯᠳᠠᠯ᠎ᠡ ᠮᠡᠳᠡᠭᠳᠡᠵᠤ ᠪᠠᠶᠢᠵᠠᠢ᠃ ᠲᠡᠭᠦᠰᠴᠤᠭᠳᠤ ᠨᠠᠰᠤᠳᠠᠨ ᠥᠷ᠎ᠡ ᠭᠡᠤᠭᠡᠳ ᠥᠭᠡᠢ ᠲᠤᠯᠠ ᠲᠡᠤᠭᠡ ᠶᠢᠨ ᠤᠯᠠ ᠮᠥᠷ ᠨᠢ ᠴᠤ ᠪᠠᠯᠠᠷᠬᠠᠢ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠡ᠃     ᠪᠠᠶᠠᠨᠬᠠᠨ ᠤ ᠪᠤᠩᠬᠤᠨ ᠠᠶᠢᠯ ᠤᠨ ᠲᠥᠳᠥᠭᠡᠷ ᠡᠭᠦᠳᠡᠨ ᠤ ᠲᠠᠶᠢᠵᠢ ᠯᠢᠭᠳᠡᠨᠵᠠᠮᠰᠤ ᠶᠢ ᠲᠠᠨᠢᠯ ᠭᠥᠮᠥᠰ ᠴᠥᠮ ︽ᠶᠡᠭᠡ ᠡᠷ᠎ᠡ ᠯᠢᠭᠳᠡᠨᠵᠠᠮᠰᠤ︾ B20 ᠭᠡᠳᠡᠭ ᠪᠠᠶᠢᠵᠠᠢ᠃ ᠲᠡᠷᠡ ᠥᠪᠥᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠴᠡᠷᠢᠭ ᠤᠨ ᠭᠡᠰᠢᠭᠳᠡᠨ ᠤ ᠮᠦᠷᠢᠩᠭ᠎ᠠ ᠶᠢᠨ ᠵᠢᠯᠤᠭᠤᠳᠤᠭᠰᠠᠨ ᠨᠢᠭᠡᠳᠥᠭᠡᠷ ᠴᠤᠪᠤᠭ᠎ᠠ ᠠᠩᠭᠢ ᠶᠢᠨ ᠪᠠᠭᠠᠷᠢᠨ ᠤ ᠮᠢᠰᠢᠭᠷᠢᠨᠴᠢᠨ ᠤ ᠬᠤᠷᠢᠶᠠᠨ ᠳᠤ ᠰᠤᠮᠤᠨ ᠲᠠᠷᠤᠭ᠎ᠠ ᠶᠢᠨ ᠲᠤᠰᠢᠶᠠᠯ ᠡᠭᠦᠷᠭᠡᠯᠡᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠥᠪᠥᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠴᠡᠷᠢᠭ ᠪᠤᠯ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ ᠤᠳᠤᠷᠢᠳᠴᠤ ᠯᠢ ᠳ᠋ᠠ ᠵᠤᠤ ᠨᠥᠭᠦᠷ ᠤᠨ ᠵᠤᠭᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠬᠤᠪᠢᠰᠬᠠᠯᠳᠤ ᠴᠡᠷᠢᠭ ᠠᠩᠭᠢ ᠮᠥᠨ᠃ ᠲᠡᠷᠡ ᠨᠢ ᠢᠷᠡᠭᠡᠳᠥᠢ ᠶᠢᠨ ᠥᠪᠥᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠴᠡᠷᠢᠭ ᠢ ᠪᠠᠶᠢᠭᠤᠯᠬᠤ ᠳᠤ ᠪᠠᠳᠤ ᠰᠠᠭᠤᠷᠢ ᠲᠠᠯᠪᠢᠭᠰᠠᠨ ᠪᠢᠯᠡ B21᠃ ᠮᠦᠷᠢᠩᠭ᠎ᠠ ᠶᠢᠨ ᠮᠤᠩᠭᠤᠯ ᠮᠤᠷᠢᠳᠤ ᠴᠡᠷᠢᠭ ᠮᠥᠭᠳᠡᠨ ᠤ ᠲᠠᠷᠰᠯᠡᠭᠦᠥ ᠴᠡᠷᠢᠭ ᠢ ᠪᠤᠳᠠ ᠨᠢᠷᠭᠡᠵᠤ ᠪᠠᠷᠭᠤ᠂ ᠯᠢᠨᠰᠢ᠂ ᠪᠤᠷᠤᠬᠤᠳᠠ᠂ ᠳ᠋ᠠᠪᠠᠨ᠂ ᠬᠠᠯᠢᠭᠤᠳᠤ ︵ᠺᠠᠶᠢᠯᠤ︶ ᠱᠠᠭᠠᠵᠠᠭᠠᠢ ᠬᠤᠳᠠ ︵ᠪᠠᠢ ᠴᠧᠩ ᠽᠢ︶ ᠶᠢ ᠡᠵᠡᠯᠡᠭᠰᠡᠨ ᠤ ᠬᠠᠮᠳᠤ ᠲᠡᠳᠡᠨ ᠤ ᠭᠠᠷ ᠭᠥᠯ ᠪᠤᠯᠤᠭᠴᠢ ᠲᠠᠪᠢ ᠭᠠᠷᠤᠢ ᠬᠠᠷᠭᠢᠰ ᠨᠤᠶᠠᠨ ᠬᠤᠪᠳᠤᠭ ᠪᠠᠶᠠᠳ ᠢ ᠶᠠᠯᠠᠯᠠᠨ ᠰᠢᠳᠭᠡᠭᠡᠳ ᠥᠷᠭᠡᠨ ᠤᠯᠠᠨ ᠮᠠᠯᠴᠢᠨ ᠲᠡᠷᠢᠶᠠᠴᠢᠨ ᠤ ᠬᠠᠯᠠᠭᠤᠨ ᠭᠥᠷᠢᠶᠡᠯᠡᠯ ᠢ ᠤᠯᠤᠭᠰᠠᠨ ᠶᠤᠮ᠃ ᠭᠡᠳᠡᠯ᠎ᠡ ᠮᠥᠭᠳᠡᠨ ᠤ ᠴᠡᠷᠢᠭ ᠤᠨ ᠡᠷᠭᠡᠳᠡᠨ ᠮᠦᠷᠢᠩᠭ᠎ᠠ ᠭᠢᠭᠡᠳ ᠮᠤᠩᠭᠤᠯ ᠮᠤᠷᠢᠳᠤ ᠴᠡᠷᠢᠭ ᠢ ︽ᠤᠯᠠᠭᠠᠨ ᠨᠠᠮ ᠲᠠᠢ ᠰᠥᠯᠪᠡᠭᠡᠯᠳᠥᠭᠰᠡᠨ ᠲᠤᠯᠠ ᠭᠥᠨᠳᠥ ᠪᠠᠷ ᠰᠢᠳᠭᠡᠨ ᠤᠯᠠᠭᠠᠨ ᠤ ᠠᠶᠤᠯ ᠢ ᠬᠤᠷᠢᠭᠯᠠᠬᠤ ᠭᠡᠷᠡᠭᠳᠡᠢ︾ B22 ᠭᠡᠵᠤ ᠤᠮᠠᠷᠠᠳᠤ ᠶᠢᠨ ᠴᠡᠷᠢᠭ ᠤᠨ ᠡᠷᠭᠡᠳᠡᠨ ᠤ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ ᠱᠠᠭᠠᠷᠳᠠᠨ ᠴᠡᠷᠢᠭ ᠤᠨ ᠲᠠᠭᠠᠷᠢᠯᠳᠠ ᠶᠠᠪᠤᠭᠤᠯᠤᠭᠰᠠᠨ ᠪᠠᠶᠢᠨ᠎ᠡ᠃ ᠲᠡᠷᠰᠯᠡᠭᠦᠥ ᠴᠡᠷᠢᠭ ᠤᠨ ᠡᠷᠭᠡᠳᠡᠨ ᠤ ᠲᠠᠷᠤᠯᠳᠠ ᠪᠠᠷ ᠮᠥᠷᠢᠩᠭ᠎ᠠ ᠶᠢᠨ ᠮᠤᠩᠭᠤᠯ ᠮᠤᠷᠢᠳᠤ ᠴᠡᠷᠢᠭ ᠤᠨ ᠮᠢᠰᠢᠭᠷᠢᠨᠴᠢᠨ ᠤ ᠪᠠᠭᠠᠷᠢᠨ ᠬᠤᠷᠢᠶ᠎ᠡ ᠶᠡᠭᠡ ᠴᠡᠷᠢᠭ ᠲᠠᠢ ᠬᠠᠮᠳᠤ ᠭᠥᠭᠡᠬᠤᠳᠠ ᠵᠥᠭ ᠤᠬᠤᠷᠢᠭᠰᠠᠨ ᠪᠤᠯᠪᠠᠴᠤ ᠯᠢᠭᠳᠡᠨᠵᠠᠮᠰᠤ ᠵᠠᠪᠰᠢᠶᠠᠨ ᠪᠤᠰᠤ ᠪᠠᠷ ᠪᠠᠷᠢᠪᠴᠢᠯᠠᠭᠳᠠᠨ ᠪᠠᠷᠠᠭᠤᠨ ᠰᠥᠮ᠎ᠡ ᠶᠢᠨ ᠵᠡᠭᠦᠨᠳᠡᠭᠢ ᠭᠥᠨᠳᠡᠯᠡᠨ ᠭᠤᠤ ᠳᠤ ᠬᠤᠤᠷᠯᠠᠭᠳᠠᠭᠰᠠᠨ ᠪᠠᠶᠢᠨ᠎ᠡ᠃ ᠲᠡᠷᠡ ᠥᠶ᠎ᠡ ᠳᠤ ᠰᠠᠶ᠋ᠢ ᠬᠤᠷᠢᠨ ᠨᠠᠢᠮᠠᠳᠠᠢ ᠪᠠᠶᠢᠵᠠᠢ᠃     ᠷᠠᠪᠳᠠᠨ ᠲᠤᠰᠠᠯᠠᠭᠴᠢ ᠠᠴᠠ ᠡᠭᠦᠰᠴᠤ ᠲᠡᠯᠭᠡᠷᠡᠭᠰᠡᠨ ᠪᠠᠭᠠᠷᠢᠨ ᠤ ᠲᠥᠳᠥᠭᠡᠷ ᠡᠭᠦᠳᠡᠨ ᠤ ᠲᠠᠶᠢᠵᠢ ᠨᠠᠷ ᠠᠴᠠ ᠭᠤᠷᠪᠠᠨ ᠵᠠᠭᠤ ᠢᠯᠡᠭᠦᠥ ᠵᠢᠯ ᠤᠨ ᠤᠷᠳᠤ ᠬᠤᠭᠤᠴᠠᠭᠠᠨ ᠳᠤ ᠴᠤᠯᠭᠤᠷᠠᠨ ᠭᠠᠷᠤᠭᠰᠠᠨ ᠰᠤᠳᠤᠨ ᠭᠥᠮᠥᠰ ᠮᠠᠰᠢ ᠤᠯᠠᠨ ᠪᠠᠶᠢᠳᠠᠭ᠃      ᠵᠡᠭᠦᠯᠳᠡ᠄     ①④B15 ᠷᠠᠰᠢᠫᠤᠩᠰᠤᠭ᠄ ︽ᠪᠤᠯᠤᠷ ᠡᠷᠢᠭᠡ︾ ︵ᠲᠤᠤᠷᠠᠳᠤ ᠲᠡᠪᠳᠡᠷ︶᠂ ᠥᠪᠥᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠡ᠂ 2000 ᠤᠨ ᠤ 3 ᠰᠠᠷ᠎ᠡ ᠳᠤ ᠭᠡᠪᠯᠡᠪᠡ᠂ 395᠂ 405 ᠳ᠋ᠤᠭᠠᠷ ᠨᠢᠭᠤᠷ᠃     ②⑧⑨⑩ B12᠂ B13᠂ B14᠂ B15 ᠨ᠊ · ᠰᠠᠶᠢᠰᠢᠶᠠᠯᠳᠤ᠂ ᠬᠠᠰᠪᠠᠭᠠᠨ᠎ᠡ ᠡᠮᠭᠢᠳᠭᠡᠨ ᠲᠠᠨᠢᠯᠴᠠᠭᠤᠯᠪᠠ᠄ ︽ᠪᠠᠭᠠᠷᠢᠨ ᠤ ᠲᠡᠤᠭᠡ ᠰᠤᠶᠤᠯ ᠤᠨ ᠰᠤᠷᠪᠤᠯᠵᠢ ᠪᠢᠴᠢᠭ︾᠂ ᠥᠪᠥᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠡ᠂ 2006 ᠤᠨ ᠤ 1 ᠰᠠᠷ᠎ᠡ ᠳᠤ ᠭᠡᠪᠯᠡᠪᠡ᠂ 30᠂ 35᠂ 33᠂ 31᠂ 36᠂ 47᠂ 50 ᠳ᠋ᠤᠭᠠᠷ ᠨᠢᠭᠤᠷ᠃     ③⑥ ᠨᠠᠮᠰᠠᠷᠠᠢ᠄ ︽ᠲᠠᠶᠢᠴᠢᠩ ᠤᠯᠤᠰ ᠤᠨ ᠥᠶ᠎ᠡ ᠶᠢᠨ ᠮᠤᠩᠭᠤᠯ ᠤᠨ ᠲᠡᠤᠭᠡ︾᠂ ᠥᠪᠥᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠡ᠂ 1993 ᠤᠨ ᠤ 12 ᠰᠠᠷ᠎ᠡ ᠳᠤ ᠠᠩᠬᠠᠳᠤᠭᠠᠷ ᠤᠳᠠᠭ᠎ᠠ ᠭᠡᠪᠯᠡᠪᠡ᠂ 308᠂ 123 ᠳ᠋ᠤᠭᠠᠷ ᠨᠢᠭᠤᠷ᠃     ⑤B11 ᠲᠤᠷᠵᠢᠰᠠᠩᠪᠤᠤ ᠨᠠᠶᠢᠷᠠᠭᠤᠯᠤᠨ ᠵᠤᠭᠢᠶᠠᠪᠠ᠄ ︽ᠪᠠᠭᠠᠷᠢᠨ ᠤ ᠪᠤᠭᠤᠷᠤᠯ ᠲᠡᠤᠭᠡ ᠶᠢᠨ ᠱᠥᠭᠦᠮᠡᠭ︾ ᠂ ᠥᠪᠥᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠡ᠂ 2011 ᠤᠨ ᠤ 10 ᠰᠠᠷ᠎ᠡ ᠳᠤ ᠭᠡᠪᠯᠡᠪᠡ᠂ 6᠂ 91 ᠳ᠋ᠤᠭᠡᠷ ᠨᠢᠭᠤᠷ᠃     ⑦ ︽ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠥᠨᠡᠨ ᠲᠡᠮᠳᠡᠭᠯᠡᠯ︾ B17 ︽ᠵᠤᠤ ᠤᠳᠠ ᠶᠢᠨ ᠰᠥᠮ᠎ᠡ ᠭᠡᠶᠢᠳ︾᠂ ᠥᠪᠥᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠡ᠂ 1994 ᠤᠨ ᠤ 10 ᠰᠠᠷ᠎ᠡ ᠳᠤ ᠠᠩᠬ᠎ᠠ ᠭᠡᠪᠯᠡᠪᠡ᠃ 196 ᠳ᠋ᠤᠭᠠᠷ ᠨᠢᠭᠤᠷ᠃ B18 ᠮᠦᠰᠦᠨ᠂ ᠸᠠᠩ ᠰᠢᠩ ᠭᠥᠢ᠄ ︽ᠪᠠᠭᠠᠷᠢᠨ ᠤ ᠲᠡᠤᠭᠡᠨ ᠰᠤᠷᠪᠤᠯᠵᠢ︾ ︵ᠭᠢᠳᠡᠳ︶᠂ ᠥᠪᠥᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠡ᠂ 1997 ᠤᠨ ᠤ 9 ᠰᠠᠷ᠎ᠡ ᠳᠤ ᠠᠩᠬ᠎ᠠ ᠭᠡᠪᠯᠡᠪᠡ᠂ 113 ᠳ᠋ᠤᠭᠠᠷ ᠨᠢᠭᠤᠷ᠃ B19᠂ 2012 ᠤᠨ ᠤ 10 ᠰᠠᠷ᠎ᠡ ᠳᠤ ᠪᠠᠶᠠᠨᠬᠠᠨ ᠤ ᠰᠢᠷᠠᠮᠦ᠋ᠷᠡᠨ ᠭᠠᠴᠠᠭᠠᠨ ᠤ ᠤᠳᠬᠠᠳᠤ ᠶᠢᠨ ᠲᠡᠭᠦᠥ ᠪᠤᠤ ᠢᠤᠢ ᠠᠴᠠ ᠰᠤᠨᠤᠰᠪᠠ᠃ B20᠂ 2011 ᠤᠨ ᠤ 8 ᠰᠠᠷ᠎ᠡ ᠳᠤ ᠴᠠᠭᠠᠨᠨᠠᠭᠤᠷ ᠤᠨ ᠥᠯᠵᠡᠶᠢᠳᠤ ᠨᠤᠳᠤᠭᠲᠠᠢ ᠪᠠᠳᠤᠵᠤᠷᠢᠭ ᠠᠴᠠ ᠰᠤᠨᠤᠰᠪᠠ᠃ B21᠂ B22 ᠮᠧᠩ ᠵᠤᠤ ᠵᠢᠤᠸᠠᠨ ᠭᠤᠤᠯᠯᠠᠨ ᠨᠠᠶᠢᠷᠠᠭᠤᠯᠪᠠ᠄ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ ᠤᠨ ᠤᠯᠠᠭᠠᠨᠬᠠᠳᠠ ᠤᠷᠤᠨ ᠤ ᠲᠡᠤᠭᠡ︾ ︵ᠭᠢᠳᠡᠳ︶᠂ ᠶᠠ ᠲᠠᠢ ᠰᠤᠨᠢᠨ ᠮᠡᠳᠡᠭᠡᠨ ᠤ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠡ᠂ 2002 ᠤᠨ ᠤ 11 ᠰᠠᠷ᠎ᠡ ᠳᠤ ᠭᠡᠪᠯᠡᠪᠡ᠂ 13᠂ 15 ᠳ᠋ᠤᠭᠠᠷ ᠨᠢᠭᠤᠷ᠃     ᠵᠣᠬᠢᠶᠠᠭᠴᠢ᠄ ᠰᠡᠴᠡᠡᠳᠡᠭᠦᠰ
  
ᠢᠷᠡᠯᠲᠡ᠄ ᠣᠯᠠᠭᠠᠨᠬᠳᠠ ᠮᠤᠩᠭᠤᠯ ᠰᠦᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠣᠩᠭᠤᠯ ᠦᠨᠳᠣᠰᠣᠳᠠᠠ ᠤ ᠢᠵᠠᠭᠤᠷ ᠡᠷᠳᠡᠨ ᠤ ᠮᠣᠳᠣᠠ ᠰᠠᠶᠢᠯᠪᠣᠷᠢᠳᠦ ᠣᠶᠣᠠ ᠤ ᠲᠣᠬᠯᠠᠭᠠᠮ - ᠠᠮᠤᠷ ᠁
ᠶᠡᠭᠡ ᠪᠠᠶᠢᠰᠢᠩ ᠳᠠᠬᠢ ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠠᠶᠠᠯᠠᠯ ᠤᠨ ᠤᠷᠳᠤᠨ ᠤ ᠲᠤᠬᠠᠢ
ᠮᠠᠯ ᠤᠨᠤᠭ᠎ᠠ ᠲᠠᠢ ᠪᠠᠨ ᠦᠭᠡ ᠬᠠᠮᠠᠷ ᠢᠶᠠᠨ ᠣᠯᠣᠯᠴᠠᠳᠠᠭ ᠵᠠᠩ
ᠲᠦᠷᠦ ᠳᠤ ᠲᠤᠯᠭᠠᠭᠤᠷᠢᠯᠠᠭᠰᠡᠨ ᠪᠠᠭᠠᠷᠢᠨᠴᠤᠳ
ᠦᠯᠢᠭᠡᠷ ᠲᠡᠦᠭᠡ ᠳᠤ ᠷᠢᠳᠢ ᠰᠢᠳᠢ ᠤᠷᠤᠰᠢᠭᠤᠯᠳᠠᠭ ᠠᠯᠳᠠᠷᠲᠤ ᠬᠤᠭᠤᠷᠴᠢ ᠭᠤᠩᠭ᠎ᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号