| ᠲᠡᠯᠭᠡᠷ ᠵᠤᠨ ᠤ ᠴᠡᠴᠡᠭᠡᠰ ᠤᠨ ᠲᠤᠮᠳᠠ ᠭᠤᠤᠯᠳᠤ ᠪᠤᠷᠤ ᠡᠷᠳᠡ ᠲᠡᠯᠭᠡᠷᠡᠳᠡᠭ ᠴᠡᠴᠡᠭ ᠲᠤ ᠪᠠᠭᠳᠠᠨᠠ᠃ | ᠡᠷᠳᠡ ᠲᠡᠯᠭᠡᠷᠡᠳᠡᠭ ᠲᠡᠭᠡᠨ ᠯᠠ ᠪᠢᠰᠢ ᠡᠭᠡᠯ ᠪᠤᠷᠤᠬᠠᠨ ᠬᠠᠰᠢ ᠶᠢᠨ ᠶᠠᠭᠠᠨ ᠴᠡᠩᠭᠡᠷ ᠦᠩᠭᠡ᠂ ᠵᠢᠮᠢᠰ ᠰᠢᠭ | ᠪᠠᠭᠰᠢᠷᠠᠨ ᠤᠷᠭᠤᠳᠠᠭ ᠲᠦᠯᠦᠪ᠂ ᠠᠩᠭᠢᠯᠤᠮᠠ ᠰᠤᠳᠤᠨ ᠦᠨᠦᠷ ᠢᠶᠠᠷ ᠢᠶᠠᠨ ᠬᠦᠮᠦᠰ ᠤᠨ ᠰᠡᠳᠬᠢᠯ ᠳᠤ | ᠬᠤᠨᠤᠭᠰᠢᠵᠤ᠂ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠰᠡᠳᠬᠢᠯ ᠢ ᠲᠠᠳᠠᠳᠠᠭ ᠴᠡᠴᠡᠭ ᠠᠵᠢ᠃ | ᠭᠡᠷ ᠤᠨ ᠮᠢᠨᠢ ᠬᠠᠵᠠᠭᠤ ᠳᠠᠬᠢ ᠲᠦᠰᠢᠶᠡᠳᠦ ᠠᠭᠤᠳᠠᠮ ᠲᠠᠯᠠᠪᠠᠢ ᠶᠢᠨ ᠴᠦᠬᠡᠨ ᠮᠤᠳᠤᠨ ᠤ ᠲᠤᠮᠳᠠ | ᠴᠡᠩᠭᠡᠷᠯᠡᠨ ᠶᠠᠭᠠᠷᠠᠬᠤ ᠭᠤᠤᠯᠳᠤ ᠪᠤᠷᠤ ᠶᠢᠨ ᠠᠩᠭᠢᠯᠤᠮᠠ ᠰᠡᠩᠭᠢᠨᠡᠭᠦᠨ ᠦᠨᠦᠷ ᠲᠤ ᠵᠢᠷᠦᠬᠡ ᠰᠡᠳᠬᠢᠯ ᠮᠢᠨᠢ | ᠲᠠᠳᠠᠬᠳᠠᠨᠠ᠃ ᠪᠢ ᠦᠷᠯᠦᠭᠡ ᠦᠳᠡᠰᠢ ᠶᠢᠨ ᠰᠡᠯᠡᠭᠦᠤ ᠳᠡᠭᠡᠨ ᠲᠦᠰᠢᠶᠡᠳᠦ ᠠᠭᠤᠳᠠᠮ ᠲᠠᠯᠠᠪᠠᠢ ᠪᠠᠷ ᠵᠤᠭᠠᠴᠠᠬᠤ | ᠪᠦᠷᠢ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠭᠤᠤᠯᠳᠤ ᠪᠤᠷᠤ ᠶᠢᠨ ᠠᠩᠭᠢᠯᠤᠮᠠ ᠦᠨᠦᠷ ᠲᠤ ᠰᠤᠭᠳᠤᠭᠤᠷᠠᠵᠤ᠂ ᠠᠩᠭᠢᠯᠤᠮᠠ | ᠦᠨᠦᠷ ᠢ ᠨᠢ ᠦᠨᠦᠷᠯᠡᠨ ᠦᠨᠦᠷᠯᠡᠨ ᠵᠢᠷᠦᠬᠡ ᠰᠡᠳᠬᠢᠯ ᠢᠶᠠᠨ ᠪᠠᠶᠠᠰᠬᠠᠵᠤ ᠴᠡᠴᠡᠭᠡᠰ ᠤᠨ ᠲᠡᠷᠭᠡᠳᠡ ᠤᠳᠠᠳᠠᠯᠠ | ᠵᠤᠭᠰᠤᠳᠠᠭ᠃ ᠲᠡᠷᠡ ᠯᠠ ᠴᠠᠭ ᠮᠦᠴᠡ ᠠᠴᠠ ᠪᠢ ᠭᠤᠤᠯᠳᠤ ᠪᠤᠷᠤ ᠳᠤ ᠬᠠᠶᠢᠷᠠᠳᠠᠢ ᠪᠤᠯᠤᠭᠰᠠᠨ᠃ | ᠭᠤᠤᠯᠳᠤ ᠪᠤᠷᠤ ᠶᠢᠨ ᠠᠩᠭᠢᠯᠤᠮᠠ ᠦᠨᠦᠷ ᠮᠢᠨᠦ ᠪᠠᠭᠠ ᠳᠠᠭᠠᠨ ᠤᠯᠵᠤ ᠦᠨᠦᠷᠳᠦᠵᠦ ᠪᠠᠶᠢᠭᠰᠠᠨ | ᠡᠭᠡᠴᠢ ᠶᠢᠨ ᠮᠢᠨᠢ ᠲᠦᠷᠭᠢᠳᠡᠭ ᠤ ᠡᠩᠭᠡᠰᠭᠡ ᠶᠢᠨ ᠦᠨᠦᠷ ᠲᠠᠢ ᠶᠠᠭ ᠯᠠ ᠠᠳᠠᠯᠢ ᠶᠤᠮ᠃ ᠪᠢ ᠭᠤᠤᠯᠳᠤ ᠪᠤᠷᠤ ᠶᠢᠨ | ᠠᠩᠭᠢᠯᠤᠮᠠ ᠦᠨᠦᠷ ᠢ ᠦᠨᠦᠷᠳᠦᠬᠦ ᠪᠦᠷᠢ ᠪᠠᠭᠠ ᠨᠠᠰᠤᠨ ᠳᠤ ᠬᠦᠰᠡᠨ ᠲᠤᠷᠠᠯᠠᠵᠤ ᠪᠠᠶᠢᠭᠰᠠᠨ ᠡᠩᠭᠡᠰᠭᠡ ᠶᠢᠨ | ᠰᠠᠶᠢᠬᠠᠨ ᠦᠨᠦᠷ ᠪᠤᠳᠤᠬᠳᠠᠳᠠᠬ ᠪᠦᠭᠡᠳ ᠪᠠᠰᠠ ᠭᠤᠴᠢᠨ ᠵᠢᠯ ᠤᠨ ᠡᠮᠦᠨᠡᠬᠢ ᠭᠦᠨ ᠭᠤᠨᠢᠭ ᠲᠤ ᠰᠢᠬᠢᠳᠳᠡᠭ᠃ | ᠡᠭᠡᠴᠢ ᠮᠢᠨᠢ ᠴᠡᠴᠡᠭ ᠰᠢᠭ ᠬᠤᠷᠢᠨ ᠬᠡᠳᠦᠨ ᠨᠠᠰᠤᠨ ᠳᠠᠭᠠᠨ ᠬᠤᠷᠸᠠ ᠶᠢ ᠤᠷᠬᠢᠭᠠᠳ ᠶᠠᠪᠤᠬᠤ ᠳᠤ ᠠᠪᠤ ᠡᠵᠢ ᠮᠢᠨᠢ | ᠡᠩᠰᠡᠷᠳᠡᠯᠡ ᠤᠬᠢᠯᠠᠵᠤ ᠪᠠᠶᠢᠭᠰᠠᠨ᠃ ᠲᠦᠩᠭᠡᠵᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠶᠠᠳᠤᠭᠠᠷ ᠤᠨ ᠳᠤ ᠪᠠᠶᠢᠭᠰᠠᠨ ᠪᠢ | ᠤᠬᠢᠯᠠᠭᠰᠠᠨ ᠡᠰᠡᠬᠦ ᠪᠠᠨ ᠮᠡᠳᠡᠬᠦ ᠦᠬᠡᠢ᠂ ᠶᠠᠭᠤ ᠴᠦ ᠭᠡᠰᠡᠨ ᠡᠭᠡᠴᠢ ᠶᠢᠨ ᠢᠶᠠᠨ ᠨᠢᠬᠡ ᠢᠮᠠᠬᠤ ᠶᠢᠨ ᠰᠡᠭᠦᠳᠡᠷ ᠢ | ᠤᠳᠤ ᠪᠤᠯᠳᠠᠯᠠ ᠬᠠᠳᠠᠭᠠᠯᠠᠭᠰᠠᠭᠠᠷ᠃ | ᠡᠭᠡᠴᠢ ᠮᠢᠨᠢ ᠤᠷᠳᠤ ᠬᠠᠷᠠ ᠭᠡᠵᠢᠭᠡ ᠪᠠᠨ ᠬᠤᠶᠠᠷ ᠰᠠᠯᠠᠭᠠᠯᠠᠨ ᠬᠦᠷᠦᠵᠦ᠂ ᠬᠦᠢᠬᠡᠨ ᠶᠠᠭᠠᠨ ᠬᠠᠨᠳᠠᠭᠠᠵᠠ᠂ | ᠬᠦᠬᠡ ᠦᠩᠭᠡᠳᠡᠢ ᠦᠮᠦᠳᠦ ᠡᠮᠦᠰᠴᠤ ᠪᠠᠶᠢᠭᠰᠠᠨ᠃ ᠦᠨᠳᠦᠷ ᠲᠤᠮᠳᠠᠳᠤ ᠪᠠᠨ ᠲᠡᠭᠦᠰᠭᠡᠭᠡᠳ ᠭᠡᠷ ᠲᠤ | ᠢᠷᠡᠭᠰᠡᠨ ᠠᠴᠠ ᠤᠶᠤᠳᠠᠯ ᠠᠵᠢᠯ ᠳᠤ ᠰᠢᠭᠤᠷᠬᠠᠶᠢᠯᠠᠨ᠂ ᠠᠶᠢᠯ ᠠᠶᠢᠮᠠᠭ ᠲᠤ ᠪᠠᠨ ᠴᠤᠤᠳᠠᠢ ᠤᠬᠠᠭᠠᠨ ᠲᠠᠢ᠂ | ᠵᠢᠰᠦ ᠲᠠᠢ ᠬᠡᠦᠬᠡᠨ ᠪᠠᠶᠢᠭᠰᠠᠨ᠃ ᠡᠭᠡᠴᠢ ᠶᠢ ᠮᠢᠨᠢ ᠠᠶᠢᠯ ᠤᠨ ᠬᠦᠦᠴᠦᠦᠯ ᠲᠤᠷᠠᠰᠴᠤ᠂ ᠵᠠᠭᠤᠴᠢ ᠶᠢᠨ ᠬᠦᠮᠦᠨ | ᠶᠠᠪᠤᠭᠤᠯᠵᠤ ᠪᠠᠶᠢᠭᠰᠠᠨ ᠢ ᠨᠢ ᠪᠦᠦᠷ ᠲᠦᠦᠷ ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ᠃ ᠬᠠᠷᠠᠮᠰᠠᠯᠳᠠᠢ ᠨᠢ ᠡᠭᠡᠴᠢ ᠮᠢᠨᠢ ᠬᠦᠮᠦᠨ ᠤ | ᠰᠠᠶᠢᠬᠠᠨ ᠨᠠᠨᠳᠢᠨ ᠬᠠᠶᠢᠷᠠ᠂ ᠲᠤᠷᠠᠯᠠᠵᠤ ᠶᠠᠪᠤᠭᠰᠠᠨ ᠬᠠᠷᠠ ᠬᠦᠦ ᠶᠢᠨ ᠬᠠᠶᠢᠷᠠ ᠶᠢ ᠡᠳ᠋ᠯᠡᠵᠦ ᠴᠢᠳᠠᠭᠠ ᠦᠬᠡᠢ ᠡᠨᠡ | ᠶᠢᠷᠳᠢᠨᠴᠦ ᠠᠴᠠ ᠶᠠᠪᠤᠴᠢᠬᠠᠯᠠ᠃ ᠡᠭᠡᠴᠢ ᠶᠢᠨ ᠮᠢᠨᠢ ᠬᠤᠷᠸᠠ ᠠᠴᠠ ᠠᠩᠭᠢᠵᠢᠷᠠᠭᠰᠠᠨ ᠨᠢ ᠭᠡᠨᠡᠳᠳᠡ ᠶᠢᠨ ᠪᠤᠯᠪᠠᠴᠤ | ᠮᠢᠨᠦ ᠤᠶᠤᠨ ᠲᠠᠷᠢᠬᠢᠨ ᠳᠤ ᠲᠡᠷᠡ ᠴᠠᠭ ᠦᠶᠡ ᠶᠢᠨ ᠢᠮ ᠲᠠᠮᠠᠭᠠ ᠶᠢ ᠬᠤᠴᠤᠷᠭᠠᠪᠠ᠃ ᠶᠠᠭ ᠯᠠ ᠲᠡᠭᠦᠨ ᠤ | ᠵᠢᠵᠢᠭᠬᠡᠨ ᠪᠤᠯᠠᠰᠢ ᠡᠯᠦᠨᠴᠡ ᠡᠪᠦᠭᠡ ᠡᠯᠦᠨᠴᠡ ᠡᠮᠡᠭᠡ ᠶᠢᠨ ᠪᠤᠩᠬᠤᠨ ᠤ ᠬᠠᠵᠠᠭᠤ ᠳᠤ ᠦᠨᠢᠳᠡ ᠨᠦᠢᠷᠰᠤᠵᠤ | ᠪᠠᠶᠢᠭᠠ ᠰᠢᠭ᠋ ᠮᠢᠨᠦ ᠤᠢ ᠲᠠᠷᠢᠬᠢᠨ ᠳᠤ ᠡᠭᠡᠴᠢ ᠶᠢᠨ ᠮᠢᠨᠢ ᠰᠠᠶᠢᠬᠠᠨ ᠲᠦᠷᠢ ᠪᠠ ᠭᠤᠨᠢᠭᠳᠤ ᠵᠠᠶᠠᠭᠠ ᠡᠭᠦᠷᠢᠳᠡ ᠶᠢᠨ | ᠤᠨᠢᠰᠤᠭᠠ ᠪᠤᠯᠵᠤ ᠬᠠᠳᠠᠭᠠᠯᠠᠭᠳᠠᠭᠰᠠᠨ᠃ ᠡᠩᠭᠡ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ ᠡᠭᠡᠴᠢ ᠮᠢᠨᠢ ᠬᠠᠶᠢᠷᠠᠳᠤ ᠬᠦᠮᠦᠰ ᠢᠶᠠᠨ | ᠤᠷᠬᠢᠭᠠᠳ ᠦᠨᠢᠳᠡ ᠶᠠᠪᠤᠴᠢᠬᠠᠯᠠ᠃ ᠲᠤᠯᠤᠭᠠᠢ ᠨᠢ ᠡᠪᠡᠳᠦᠭᠡᠳ ᠡᠮᠡᠭᠡ ᠶᠢᠨ ᠮᠢᠨᠢ ︽ᠲᠤᠭᠰᠢᠨ ᠬᠠᠷᠠ︾ ᠶᠢ | ᠤᠤᠭᠤᠭᠰᠠᠨ ᠠᠴᠠ ᠤᠤ᠂ ᠡᠰᠡᠬᠦᠯᠡ ᠠᠮᠢᠳᠤᠷᠠᠯ ᠠᠴᠠ ᠤᠶᠢᠳᠤᠭᠠᠳ ᠤᠤ᠃ ᠶᠠᠭᠤ ᠴᠦ ᠭᠡᠰᠡᠨ ᠲᠡᠭᠦᠨ ᠠᠴᠠ | ᠬᠤᠶᠢᠰᠢ ᠡᠮᠡᠭᠡ ︽ᠲᠤᠭᠰᠢᠨ ᠬᠠᠷᠠ︾ ᠶᠢ ᠲᠠᠬᠢᠵᠤ ᠲᠠᠷᠢᠭᠰᠠᠨ ᠦᠭᠡᠢ᠃ ᠡᠭᠡᠴᠢ ᠶᠢᠨ ᠮᠢᠨᠢ ᠲᠦᠷᠭᠢᠳᠡᠭ | ᠡᠩᠭᠡᠰᠭᠡ ᠶᠢᠨ ᠦᠨᠦᠷ ᠨᠢ ᠭᠤᠤᠯᠳᠤ ᠪᠤᠷᠤ ᠶᠢᠨ ᠠᠩᠭᠢᠯᠤᠮᠠ ᠦᠨᠦᠷ ᠲᠠᠢ ᠡᠭᠡᠭᠡ ᠠᠳᠠᠯᠢᠬᠠᠨ ᠪᠠᠶᠢᠳᠠᠭ᠃ ᠪᠢ | ᠪᠠᠭᠠ ᠳᠠᠭᠠᠨ ᠡᠭᠡᠴᠢ ᠶᠢᠨ ᠢᠶᠠᠨ ᠲᠦᠷᠬᠢᠳᠡᠭ ᠡᠩᠭᠡᠰᠭᠡ ᠶᠢᠨ ᠦᠨᠦᠷ ᠲᠤ ᠰᠤᠭᠳᠤᠭᠤᠷᠠᠵᠤ᠂ ᠪᠢ ᠴᠦ ᠲᠤᠮᠤ | ᠦᠬᠢᠨ ᠪᠤᠯᠪᠠᠯ ᠡᠶᠢᠮᠦ ᠤ ᠡᠩᠭᠡᠰᠭᠡ ᠠᠪᠴᠤ ᠲᠦᠷᠬᠢᠨᠡ᠂ ᠬᠤᠷᠳᠤᠬᠠᠨ ᠲᠤᠮᠤ ᠪᠤᠯᠤᠭᠠᠰᠠᠢ ᠭᠡᠵᠦ ᠬᠦᠰᠡᠳᠡᠭ | ᠪᠠᠶᠢᠪᠠ᠃ ᠭᠤᠤᠯᠳᠤ ᠪᠤᠷᠤ ᠶᠢᠨ ᠠᠩᠭᠢᠯᠤᠮᠠ ᠦᠨᠦᠷ ᠮᠢᠨᠦ ᠤᠢ ᠴᠡᠭᠡᠵᠢᠨ ᠳᠠᠬᠢ ᠭᠤᠴᠢᠨ ᠵᠢᠯ ᠤᠨ ᠡᠮᠦᠨᠡᠬᠢ | ᠡᠷᠭᠢᠴᠡᠭᠦᠯᠦᠯ ᠢ ᠬᠦᠨᠳᠡᠵᠦ᠂ ᠬᠠᠶᠢᠷᠠᠳᠠᠢ ᠡᠭᠡᠴᠢ ᠳᠡᠭᠡᠨ ᠬᠠᠮᠤᠭ ᠠᠩᠬᠠ ᠲᠤᠷᠠᠳᠬᠠᠯ ᠰᠢᠦ ᠶᠠᠭᠤᠮᠠ ᠶᠢ ᠪᠢᠴᠢᠵᠦ | ᠪᠠᠶᠢᠭᠠ ᠨᠢ ᠡᠨᠡ᠃ ᠰᠡᠳᠬᠢᠯ ᠤᠨ ᠭᠤᠨᠢᠭ ᠢᠶᠠᠨ ᠬᠡᠨ ᠳᠤ ᠴᠦ ᠬᠡᠯᠡᠬᠦ ᠲᠤᠷᠠ ᠦᠭᠡᠢ ᠪᠠᠶᠢᠭᠰᠠᠨ ᠴᠦ ᠰᠠᠶᠢᠬᠠᠨ | ᠭᠤᠤᠯᠳᠤ ᠪᠤᠷᠤ ᠶᠢᠨ ᠦᠨᠦᠷ ᠬᠡᠭᠦᠳᠡᠭ ᠴᠡᠭᠡᠵᠢ ᠶᠢ ᠰᠠᠷᠠᠭᠤᠯᠵᠢᠭᠤᠯᠬᠤ ᠪᠠᠷ ᠠᠮᠢ ᠨᠠᠰᠤᠨ ᠤ ᠦᠨᠡ ᠴᠡᠨᠡ ᠶᠢ | ᠪᠠᠰᠠ ᠨᠢᠭᠡ ᠤᠳᠠᠭᠠ ᠮᠡᠳᠡᠷᠡᠵᠦ᠂ ᠠᠯᠢ ᠡᠷᠳᠡ ᠲᠠᠯᠢᠢᠭᠴᠢ ᠪᠤᠯᠤᠭᠰᠠᠨ ᠡᠭᠡᠴᠢ ᠶᠢᠨ ᠮᠢᠨᠢ ᠢᠨᠢᠶᠡᠮᠰᠦᠭ ᠲᠦᠷᠢ | ᠦᠭᠡᠳᠡ ᠠᠴᠠ ᠮᠢᠨᠢ ᠪᠠᠷᠠᠯᠠᠵᠤ ᠪᠠᠶᠢᠭᠠ ᠰᠢᠭ᠋ ᠰᠠᠨᠠᠭᠳᠠᠨᠠ᠃ | ᠭᠤᠤᠯᠳᠤ ᠪᠤᠷᠤ ᠶᠢᠨ ᠠᠩᠭᠢᠯᠤᠮᠠ ᠦᠨᠦᠷ ᠲᠤ ᠰᠤᠭᠳᠤᠭᠤᠷᠠᠵᠤ᠂ ᠠᠮᠢ ᠨᠠᠰᠤᠨ ᠤ ᠲᠠᠭᠤᠯᠠᠯ ᠢ | ᠰᠡᠳᠬᠢᠯ ᠤᠨ ᠢᠶᠠᠨ ᠶᠤᠩᠬᠤᠷ ᠢᠶᠠᠷ ᠬᠦᠭᠵᠢᠮᠳᠡᠵᠦ ᠶᠠᠪᠤᠬᠤ ᠳᠤ ︽ᠵᠤᠨ ᠤ ᠰᠠᠶᠢᠬᠠᠨ ᠪᠦᠷᠦᠢ ᠶᠢ ᠭᠠᠭᠴᠠᠬᠠᠨ | ᠴᠢᠮᠠ ᠠᠴᠠ ᠬᠠᠷᠠᠮᠨᠠᠬᠤ ᠦᠭᠡᠢ︾ ᠭᠡᠬᠦ ᠰᠢᠯᠦᠭ ᠤᠨ ᠮᠢᠨᠢ ᠮᠦᠷ ᠪᠠᠳᠠᠭ ᠤᠶᠠᠩᠭᠠᠷᠠᠵᠤ ᠴᠦᠷᠭᠡᠯᠡᠭᠰᠡᠨ ᠁ | ᠵᠣᠬᠢᠶᠠᠭᠴᠢ᠄ ᠴᠢ᠊· ᠳᠤᠯᠬᠢᠶᠠᠨ | ᠬᠠᠶ᠋ᠢᠭ᠄ ᠪᠠᠶᠠᠨᠬᠤᠰᠢᠭᠤ ᠵᠢᠷᠭᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ | |